Book List

<h2 style="text-align:center">အခန်း ၂၂၃</h2> <h2 style="text-align:center">အက်စ်မိုးဒီအက်စ် (၃)</h2> <h2 style="text-align:center">*</h2> <p> </p> <p> </p> <p>ကျနော်က ဂီလိုဘတ် စက်မှုဇုန်ကို လိုက်ပို့ပေးဖို့ ပြောလိုက်တဲ့အခါ အိုင်လင်းက ပြန်ဖြေသည်။</p> <p>"ရှင် ဘယ်လောက်ပဲ မြန်မြန်သွားသွား ဂီလိုဘတ် စက်မှုဇုန်ကို ရောက်ဖို့ အနည်းဆုံး နှစ်ရက်တော့ ကြာလိမ့်မယ်။ အဆင့်ကျော်လွန်တဲ့ တည်ရှိမှုတစ်ခုခုဆီက အကူအညီ ရရင်တော့ တစ်မျိုးပေါ့..."</p> <p>"ကိုယ်စားလှယ်အဖွဲ့က သယ်ယူပို့ဆောင်ရေး ယာဉ်တစ်စီးသုံးရင်ရော မဖြစ်နိုင်ဘူးလား"</p> <p>"အဲဒါကို သုံးမယ်ဆိုတာကို ထည့်တွက်ပြီးမှ နှစ်ရက်ကြာမယ်လို့ ပြောတာပါ"</p> <p>နှစ်ရက်... ကျနော့်အတွက်တော့ နှစ်နာရီတောင်မှ အလွန် ကြာလွန်းလှသည်။ မည်သည့်နည်းနှင့်ဖြစ်ဖြစ် တစ်နာရီအတွင်း ရောက်မှ ဖြစ်မည်။ မဟုတ်လို့ကတော့ ယူဂျွန်ဟော့၏ စုတ်ပြတ်သတ်နေသော ခန္ဓာကိုယ်ကိုပဲ တွေ့ရမည်မှာ သေချာ၏။ ကျနော် အပြင်းအထန် စဉ်းစားနေမိသည်။</p> <p>'အဆင့်ကျော်လွန်တဲ့ တည်ရှိမှုရဲ့ အကူအညီဆိုရင်တော့...'</p> <p>အရင်ဆုံး စိတ်ထဲသို့ ရောက်ရှိလာသည်မှာ 'ဟာမီးစ်' ပင် ဖြစ်သည်။ အကယ်၍ ထိုနက္ခတ်၏ အကူအညီသာ ရရှိပါက နှစ်ရက်ကြာမြင့်မည့် ခရီးကို မိနစ်ပိုင်းအတွင်း ဖြတ်ကျော်နိုင်မည် ဖြစ်သည်။ သို့သော် ပြဿနာမှာ သူသည် အိုလံပတ်စ်အဖွဲ့ဝင် ဖြစ်နေခြင်းပင်။</p> <p>"...ငရဲကိုသွားရမယ်ဆိုရင် ငရဲကိုပဲ ငါသွားလိုက်မယ်။ သူ့ဆီက အကူအညီကိုတော့ ငါမယူဘူး"</p> <p>"ဟမ်"</p> <p>လန့်သွားသော အိုင်လင်းကို ကျနော်က လက်ကာပြလိုက်သည်။</p> <p>"ငါ့ ဘာသာ ရေရွတ်နေတာပါ"</p> <p>အမှန်တကယ်တော့ ကျနော်သည် တမင်တကာ တစ်ယောက်တည်း စကားပြောဆိုနေခြင်း ဖြစ်၏။ အဘယ်ကြောင့်ဆိုသော် —</p> <p>[‘ရွှေခေါင်းကွင်း၏အကျဉ်သား’ နက္ခတ်သည် မည်သည့်ကိစ္စ ဖြစ်ပျက်နေသည်ကို သိလိုစိတ် ပြင်းပြနေပါသည်။]</p> <p>[လိင်ပြောင်းလဲရသည်ကို နှစ်သက်သော နက္ခတ်သည် မည်သည့်ကိစ္စ ဖြစ်ပျက်သည်ကို သိလိုနေပါသည်။]</p> <p>[နက္ခတ်အချို့သည် သင်၏ ဖုံးကွယ်ထားသော အချက်အလက်များ အပေါ် စိတ်ဝင်တစား ရှိနေကြပါသည်။]</p> <p>ထိုသို့သော တုံ့ပြန်မှုများ ရရှိစေရန် ဆွဲဆောင်ခြင်းပင် ဖြစ်သည်။ သူတို့ထံမှ လာသော မက်ဆေ့ချ်များကို တမင်တကာ ကျနော် လျစ်လျူရှုထားပြီး အိုင်လင်းဘက်သို့ လှည့်၍ ပြောလိုက်သည်။</p> <p>"တခြားနည်းလမ်းရော ရှိလား။ နေရာကူးပြောင်းမုခ်တို့ဘာတို့လို အရာတွေမရှိဘူးလား"</p> <p>"ဒါက ၇၃ ခုမြောက် မိစ္ဆာနယ်မြေလေ။ ကျမတို့နေရာက အစွန်အဖျားဒေသ ဖြစ်နေတာ။ ကျမတို့ဆီမှာ အဲဒီလောက် အဆင့်မြင့်တဲ့ သယ်ယူပို့ဆောင်ရေး ကိရိယာတွေ မရှိဘူး"</p> <p>"...အင်း။ ဟုတ်ပါပြီ"</p> <p>" ဘာတွေဖြစ်နေတာလဲပြောပြပေးလို့ရမလား"</p> <p>"လူတစ်ယောက် သေတော့မှာမလို့ပါ"</p> <p>"ဘယ်သူလဲ"</p> <p>"ဒီစက်မှုဇုန်ရဲ့ သခင်ပါ"</p> <p>မျှော်လင့်ထားသည့်အတိုင်း ကျနော့်၏ မက်ဆေ့ချ်မှတ်တမ်းမှာ ပေါက်ကွဲထွက်သွားတော့သည်။</p> <p>[‘ရွှေခေါင်းကွင်း၏အကျဉ်သား’ နက္ခတ်သည် သင် မည်သည့်ကိစ္စကို ဆိုလိုသနည်းဟု မေးမြန်းနေပါသည်။]</p> <p>[လိင်ပြောင်းလဲရသည်ကို နှစ်သက်သော နက္ခတ်သည် သင်၏ ဇာတ်လမ်းကို နားစွင့်နေပါသည်။]</p> <p>...ပေါက်ကွဲမှုမှာ သိပ်မကြီးမားသေးသော်လည်း ချန်နယ်အတွင်း နက္ခတ်ဦးရေ နည်းပါးနေသဖြင့် မတတ်နိုင်ပေ။</p> <p>ဒါနဲ့ လိင်ပြောင်းလဲရသည်ကို နှစ်သက်သူက  ဘယ်အချိန်ကတည်းက ရောက်ရှိနေတာလဲဟ။</p> <p>"ရွှေခေါင်းကွင်း၏အကျဉ်သား။ ကျနော့်ကို ကူညီနိုင်မလား"</p> <p>ကျနော်က နက္ခတ်ကို တိုက်ရိုက်ပြောဆိုလိုက်သောအခါ ဆေးကုသဆောင်အတွင်းရှိ လူများမှာ အံ့အားသင့်သွားကြသည်။ ကျနော်ကတော့ ပို၍ ရဲတင်းရန်သာ ဆုံးဖြတ်လိုက်သည်။</p> <p>"အဆင်ပြေမည်ဆိုရင် ခင်ဗျားရဲ့ 'နင်ဘတ်စ် တိမ်တိုက်' ကို ခဏ ငှားရမ်းလိုပါတယ်"</p> <p>ထိုတိမ်တိုက်မှာ 'ကောင်းကင်တစ်မျှ မဟာပညာရှိ' ၏ ကြယ်အမွေအနှစ်များထဲမှ တစ်ခုဖြစ်သော နင်ဘတ်စ်တိမ်တိုက် ဖြစ်သည်။ အကယ်၍ ထိုတိမ်တိုက်ကိုသာ ငှားရမ်းနိုင်ပါက ဂီလိုဘတ် စက်မှုဇုန်သို့ အမြန်ဆုံး ရောက်ရှိနိုင်မည် ဖြစ်သည်။ ပြဿနာမှာ ဇီဇာကြောင်လှသော ကောင်းကင်တစ်မျှ မဟာပညာရှိက သူ၏ ကြယ်အမွေအနှစ်ကို ငှားရမ်းပေးမည်လား မသေချာခြင်းပင်။ သူသည် ကျနော့်ကြောင့် ဖြစ်နိုင်စွမ်းများကို တစ်ကြိမ် ဖြုန်းတီးခဲ့ပြီးသား ဖြစ်သည်။</p> <p>[‘ရွှေခေါင်းကွင်း၏အကျဉ်သား’ နက္ခတ်သည် ‘နင်ဘတ်စ်တိမ်တိုက်’ကို အဘယ်ကြောင့် လိုအပ်သနည်းဟု မေးမြန်းနေပါသည်။]</p> <p>ကျနော် ခေတ္တခဏမျှ ဝေခွဲမရဖြစ်သွားပြီးမှ စကားပြောလိုက်သည်။ ဤနေရာတွင် သေသေချာချာ ပြောဆိုရန် လိုအပ်သည်။</p> <p>"ကျနော်က ယူဂျွန်ဟော့အဖြစ် ဟန်ဆောင်ခဲ့တာပါ။ အဲဒီနောက် ယူဂျွန်ဟော့က ကျနော့်အဖြစ် ဟန်ဆောင်ခဲ့ပါတယ်... အဲဒါကြောင့် ဇာတ်ဝင်ခန်းမှာ အမှားအယွင်းတစ်ခု ဖြစ်ပေါ်ပြီး ပြဿနာ တက်နေတာပါ..."</p> <p>[‘ရွှေခေါင်းကွင်း၏အကျဉ်သား’ နက္ခတ်သည် စိတ်အနှောင့်အယှက် ဖြစ်နေပါသည်။]</p> <p>[‘ရွှေခေါင်းကွင်း၏အကျဉ်သား’ နက္ခတ်သည် ရှုပ်ထွေးသော အရာများကို မုန်းတီးပါသည်။]</p> <p>ကောင်းကင်တစ်မျှ မဟာပညာရှိ၏ စိတ်ရှည်မှုကို ငဲ့ကွက်၍ အခြေအနေကို ကျနော်က အတိုချုပ်လိုက်သည်။</p> <p>"ဒီအကြောင်းကြောင့် ယူဂျွန်ဟော့ သေဆုံးရတော့မှာပါ"</p> <p>သူ ကူညီမည်လားဟု သိချင်ခဲ့သော်လည်း ကောင်းကင်တစ်မျှ မဟာပညာရှိထံမှ တုံ့ပြန်မှုမှာ မထင်မှတ်ထားသည်ကို တွေ့ရသည်။</p> <p>[‘ရွှေခေါင်းကွင်း၏အကျဉ်သား’ နက္ခတ်သည် စိတ်ဖိစီးမှုများကြောင့် သူ၏ ဆံပင်များကို တစ်ဆုပ်စာခန့် ဆွဲနှုတ်နေပါသည်။]</p> <p>"ခဏလေးနေပါဦး"</p> <p>[‘ရွှေခေါင်းကွင်း၏အကျဉ်သား’ နက္ခတ်သည် ခေါင်းဘီးကို သွားရောက်ရှာဖွေရန် ထွက်ခွာသွားပါပြီ။]</p> <p>"ဟမ်"</p> <p>ပျောက်ကွယ်သွားသော ကောင်းကင်တစ်မျှ မဟာပညာရှိထံမှ မည်သည့်တုံ့ပြန်မှုမျှ မရှိတော့ပေ။</p> <p>[လိင်ပြောင်းလဲရသည်ကို နှစ်သက်သော နက္ခတ်သည် ဤအခြေအနေကို သဘောကျနေပါသည်။]</p> <p>[ဒင်္ဂါး ၁၀၀ ထောက်ပံ့လိုက်ပါသည်။]</p> <p>ကျနော်က လေဟာနယ်ကို မော့ကြည့်နေစဉ် အိုင်လင်းက မေးမြန်းလာသည်။</p> <p>"သူက ဘယ်သူလဲဆိုတာ ငါ မသိပေမဲ့ ဒီစက်မှုဇုန်ရဲ့ သခင်အသစ်က အန္တရာယ်ရှိနေတာလား"</p> <p>"...ဟုတ်ပါတယ်"</p> <p>"ဘာဖြစ်လို့လဲ"</p> <p>"သူက မိစ္ဆာဘုရင်တစ်ပါးနဲ့ တွေ့ဆုံရတော့မှာမလို့ပါ"</p> <p>"မိစ္ဆာဘုရင်ဆိုတာ သေချာပေါက် ဆိုးယုတ်တဲ့ တည်ရှိမှုမျိုး မဟုတ်ပါဘူး။ ကံကောင်းရင် အသက်ရှင်နိုင်ပါတယ်"</p> <p>"အဲဒါကတော့ ဟုတ်ပါတယ်၊ ဒါပေမဲ့..."</p> <p>ပြဿနာမှာ ထိုမိစ္ဆာဘုရင်သည် 'အက်စ်မိုးဒီအက်စ်' ဖြစ်နေခြင်းပင်။ ဝတ္ထုအတွင်း၌ အက်စ်မိုးဒီအက်စ်သည် ယူဂျွန်ဟော့ နောက်ပြန်ဆုတ်သည့် အကြိမ်တိုင်းတွင် အကြီးမားဆုံး ရန်သူများထဲမှ တစ်ဦး ဖြစ်ခဲ့သည်။ ယူဂျွန်ဟော့သည် အတိတ်က အက်စ်မိုးဒီအက်စ်နှင့် ရင်ဆိုင်ရင်း သေဆုံးခဲ့ဖူးသည်။ ယူဂျွန်ဟော့သည် သူ၏လက်ထဲမှ ဘေးကင်းနိုင်ပါ့မလား။ ကျနော် အပြင်းအထန် စဉ်းစားသော်လည်း ကောင်းမွန်သော မြင်ကွင်းတစ်ခုမျှ ပေါ်မလာပေ။</p> <p>ဟန်မြုံအိုက ကျနော့်ကို စိုးရိမ်တကြီး ကြည့်၍ စကားစလိုက်သည်။</p> <p>"အခု ခင်ဗျား ဘာလုပ်ဖို့ စိတ်ကူးထားလဲ"</p> <p>ပြဿနာမှာ ပြဿနာအကြီးကြီး ဖြစ်၏။ အကယ်၍ ကျနော် အချိန်မီ ရောက်ရှိသွားလျှင်ပင် ယူဂျွန်ဟော့နှင့် အင်အားချင်း ပူးပေါင်း၍ အက်စ်မိုးဒီအက်စ်ကို အနိုင်ယူနိုင်မည်ဟု အာမခံချက် မရှိပေ။ သို့သော်လည်း —</p> <p>"မကြိုးစားဘဲနဲ့တော့ မသိနိုင်ပါဘူး"</p> <p>"ဟင်။ မင်း ဒီလောက်အထိ စိတ်အားထက်သန်လိမ့်မယ်လို့ ငါ မထင်ထားဘူး။ ကုမ္ပဏီမှာတုန်းကဆိုရင် မင်းဟာ ဘယ်တုန်းကမှ..."</p> <p>" အလုပ်ကို အပတ်တကုတ် မလုပ်ရင် သေသွားလိမ့်မယ်။ အလုပ်ကြိုးစားမှ အမြဲတမ်းဝန်ထမ်း ဖြစ်မယ့်ကိစ္စမျိုးနဲ့တော့ ကွဲပြားတာပေါ့"</p> <p>"…အဟမ်း"</p> <p>အခြေအနေမှာ ဆိုးရွားနေသော်လည်း ကျနော်သည် တတ်နိုင်သမျှ အကောင်းမြင်စိတ်ဖြင့် စဉ်းစားရန် ဆုံးဖြတ်လိုက်သည်။ ကျနော် မသိရှိနိုင်သော အရာများလည်း ရှိနေနိုင်သေးသည် မဟုတ်ပါလား။ မဟုတ်မှလွဲရော ကျနော် ထိုနေရာသို့ မသွားလျှင်ပင် အရာအားလုံး အဆင်ပြေသွားနိုင်ချေ ရှိပေသည်။ ယူဂျွန်ဟော့သည် ကြီးမားသော နိုးထမှုတစ်ခုကို ကြုံတွေ့ရသည့် အံ့ဖွယ်ဖြစ်ရပ်မျိုး ဖြစ်ပေါ်လာနိုင်သည် သို့မဟုတ် အက်စ်မိုးဒီအက်စ်က ရုတ်တရက် လူကောင်းတစ်ယောက် ဖြစ်သွားနိုင်ပေသည်။</p> <p>...ချီး။  </p> <p>ထိုအရာမှာ မဖြစ်နိုင်ပေ။ ကျနော်သည် စမတ်ဖုန်းပေါ်မှ ပြုပြင်ထားသော Ways of Survival ကို ထပ်မံဖွင့်ကြည့်လိုက်သည်။ ကျနော် မည်သည့်အရာကိုမျှ စဉ်းစား၍ မရတော့သဖြင့် အဖြေရှာရန်အတွက် ဤအရာကိုသာ ဖတ်ရှုရတော့မည် ဖြစ်သည်။</p> <p>"ဘာတွေဖြစ်နေတာလဲ"</p> <p>"ရှုး၊ တိတ်တိတ်နေပါ။ ဒါက ကျနော့်ရဲ့အကျွမ်းကျင်ဆုံး အလုပ်မလို့ပဲ"</p> <p>ကျနော်သည် Ways of Survival မှ အကြောင်းအရာများကို အမြန်ဆုံး လှန်လှောကြည့်ရှုလိုက်သည်။ ထို့နောက် ၁၂ ကြိမ်မြောက် နောက်ပြန်ဆုတ်ခြင်းမှ စာကြောင်းတစ်ကြောင်းက ကျနော့်၏ မျက်လုံးထဲသို့ ဝင်ရောက်လာခဲ့သည်။</p> <p>「 ယူဂျွန်ဟော့သည် တတိယအကြိမ်မြောက် ဇာတ်လမ်း၌ သူ၏ ကျရှုံးမှုအတွက် အကြောင်းပြချက်များစွာ ရှိနေသည်ဟု တွေးတောမိသည်။ ဤအရာမှာ အရေးအကြီးဆုံး အကြောင်းပြချက် ဖြစ်ပေသည်။ 」</p> <p>ကျနော့်၏ ရင်ထဲ၌ ရုတ်တရက် ထိတ်လန့်သွားတော့သည်။ မဟုတ်သေးဘူး၊ မြန်မြန် စဉ်းစားစမ်း။ နောက်ထပ် စာကြောင်းတစ်ကြောင်းကို ဖတ်လိုက်ရသည့် ခဏ၌ ကျနော့်၏ စိတ်ထဲမှာ ဗလာဖြစ်သွားပြီး အရူးတစ်ယောက်ကဲ့သို့ ဖြစ်လုနီးပါးပင်။</p> <div> <p>「 'ထိုအချိန်တုန်းက ငါတို့တွေ မိစ္ဆာဘုရင် အက်စ်မိုးဒီအက်စ်ကို ထောက်ခံသလိုမျိုး ဟန်မဆောင်ခဲ့သင့်ဘူး' 」</p> </div> <p> </p> <p> </p> <p> </p> <p>မျက်ဝန်းနက်ကလေးများရှိသည့် မိန်းကလေးငယ်တစ်ဦး ရှိနေ၏။ ထိုမိန်းကလေးသည် သေးငယ်သော ခန္ဓာကိုယ်ပိုင်ရှင်ဖြစ်ပြီး အသက်ရှစ်နှစ် သို့မဟုတ် ကိုးနှစ်အရွယ်ခန့်သာ ရှိပုံရသည်။ ဖောင်းအိနေသော ပါးပြင်များနှင့် တက်ကြွလှုပ်ရှားသော အမူအရာများမှာ ကလေးသရုပ်ဆောင်တစ်ဦးနှင့် ဆင်တူနေသည်။ အပေါ်ယံကြည့်ရုံမျှဖြင့် မည်သည့်အန္တရာယ်မှ ရှိပုံမပေါ်ပေ။</p> <p>'…သူ့ရဲ့ အကြိုက်က အရင်အတိုင်းပဲ'</p> <p>သို့သော်လည်း ထိုခန္ဓာကိုယ်အတွင်းရှိ ကြီးမားလှသော တည်ရှိမှုမှာ ကလေးဒရာမာကားများမှ ဇာတ်လိုက်တစ်ဦး မဟုတ်ကြောင်းကို ယူဂျွန်ဟော့ အလွန်ကောင်းမွန်စွာ သိရှိနေသည်။ ဤမိန်းကလေးမှာ မိစ္ဆာနယ်မြေတစ်ခွင် ပျံ့နှံ့နေသော တည်ရှိမှု ၇၂ ပါးအနက် အထွတ်အထိပ်ဖြစ်ပြီး '၃၂ ခုမြောက် မိစ္ဆာနယ်မြေ' ၏ အရှင်သခင်လည်း ဖြစ်၏။ ဒဏ္ဍာရီလာအဆင့် နက္ခတ်များပင် ရင်ဆိုင်ရန် တွန့်ဆုတ်ရသည့်သူ၊ ရာဂနှင့်အမျက်ဒေါသနတ်ဆိုး အက်စ်မိုးဒီအက်စ် ပင် ဖြစ်သည်။</p> <p>အက်စ်မိုးဒီအက်စ်က မိန်းကလေးငယ်၏ မျက်နှာဖြင့် ပြုံးပြလိုက်သည်။</p> <p>[အို… ဒီလောက်အထိ တင်းမာနေဖို့ မလိုပါဘူး။ ငါက စကားပြောဖို့ သက်သက်ပဲ လာတာပါ]</p> <p>သူ၏ စစ်မှန်သော အသံကို ထုတ်ဖော်လိုက်ခြင်းက ထိုဧရိယာအတွင်းရှိ ကိုယ်စားလှယ်များကို နာကျင်မှု ခံစားရစေသည်။ စက်မှုဇုန်အတွင်းရှိ ကိုယ်စားလှယ်အားလုံးမှာ သွေးအန်နေကြရလောက်ပြီ ဖြစ်သည်။ ကြောက်မက်ဖွယ်ကောင်းသော ဖိအားများရှေ့တွင် ယူဂျွန်ဟော့သည် အသက်ကို အောင့်ထားပြီး သူ၏ မှော်စွမ်းအင်အားလုံးကို မြှင့်တင်လိုက်သည်။</p> <p>သူ၏ အသားအရေကို ရစ်ပတ်ထားသည့် ဖိအားများမှာ တဖြည်းဖြည်း လျော့နည်းသွားသည်။ ဤတည်ရှိမှုမှာ အလွန်တရာ အင်အားကြီးမားလွန်းသဖြင့် အဆင့်ကျော်လွန်သူ ယူဂျွန်ဟော့ပင်လျှင် တောင့်ခံထားရန် ခက်ခဲနေ၏။ မျှော်လင့်ထားသည့်အတိုင်း မိစ္ဆာဘုရင်တစ်ပါး၏ အရှိန်အဝါမှာ သာမန်နှင့် ကွဲပြားလှသည်။ ယူဂျွန်ဟော့၏ ရင်ထဲမှ ခံစားချက်ကို သိသည်ဖြစ်စေ၊ မသိသည်ဖြစ်စေ အက်စ်မိုးဒီအက်စ်က အနားသို့ ညင်သာသော ခြေလှမ်းများဖြင့် ချဉ်းကပ်လာသည်။</p> <p>[စိတ်ဝင်စားစရာပဲ။ ငါတို့ နောက်ဆုံးတွေ့ခဲ့တာက စစ်ဝစ်ဇ် စက်မှုဇုန်မှာ ငါ့လက်အောက်ငယ်သားရဲ့ မျက်လုံးတွေကနေတစ်ဆင့် မင်းကို မြင်ခဲ့တာ...]</p> <p>ခြေလှမ်းများမှာ သိသိသာသာ ပေါ့ပါးနေသော်လည်း ယူဂျွန်ဟော့၏ မျက်လုံးထဲတွင်မူ ကမ္ဘာပေါ်၌ အလေးလံဆုံး အရာများကဲ့သို့ ဖြစ်နေသည်။ ကောင်းကင်ခွဲဓါးကို ဆုပ်ကိုင်ထားသည့် လက်မှာ ပို၍ တင်းကျပ်လာပြီး လည်ပင်းမှ အကြောများမှာလည်း ထောင်ထလာသည်။</p> <p>[မင်းက ဂီလိုဘတ်ကို ပြောင်းရွှေ့ပြီး ဒီလောက်တိုတောင်းတဲ့ အချိန်အတွင်းမှာ စော်ဘွားကို အနိုင်ယူနိုင်ခဲ့တယ်… မင်းရဲ့ စွမ်းရည်တွေက တကယ်ကို ကြီးကျယ်တာပဲ၊ ကယ်တင်ခြင်း၏ မိစ္ဆာဘုရင်]</p> <p>ကယ်တင်ခြင်း၏ မိစ္ဆာဘုရင်… ဤအမည်မှာ မည်သူ့ကို ရည်ညွှန်းနေသည်ဆိုသည်မှာ ထင်ရှားလှသည်။</p> <p>'ချီးပဲ။ ကင်ဒေါ့ဂျာ'</p> <p>အရာအားလုံးမှာ မှားယွင်းသော နေရာတွင် ဖြစ်ပျက်ခဲ့သည်။ တိုတောင်းသော အချိန်အတွင်းမှာပင် ယူဂျွန်ဟော့၏ ခေါင်းထဲသို့ အတွေးပေါင်းများစွာ ဝင်ရောက်လာသည်။</p> <p>'ဒီကောင်က မပြည့်စုံသေးတဲ့ ကိုယ်စားလှယ် ခန္ဓာကိုယ်ထဲမှာ ရှိနေတာ။ ငါ အနိုင်ရနိုင်မလား'</p> <p>'ဟင့်အင်း၊ ဒါက မဖြစ်နိုင်ဘူး'</p> <p>'ဒါက ကိုယ်စားလှယ် ခန္ဓာကိုယ် ဖြစ်နိုင်ပေမယ့် ဒီနေရာက မိစ္ဆာနယ်မြေပဲ'</p> <p>'ဒါဆို ငါ ထွက်ပြေးနိုင်မလား'</p> <p>'ထွက်ပြေးဖို့က လုံးဝကို အဓိပ္ပာယ်မရှိတဲ့ ကိစ္စပဲ'</p> <p>'ကိုယ်စားလှယ်တစ်ဦးရဲ့ စိတ်နဲ့ နှလုံးသားကို ပိုင်ဆိုင်ထားတဲ့ မိစ္ဆာဘုရင်ကို ဖယ်ရှားပစ်ဖို့ နည်းလမ်းမရှိဘူး'</p> <p>ပုံမှန်အတိုင်းဆိုလျှင် မိစ္ဆာဘုရင်များသည် ဤဇာတ်ဝင်ခန်းအတွင်း၌ တည်ရှိ၍ မရနိုင်ပေ။ မြင်တွေ့နေရသည့် လျှပ်စစ်မီးပွားများအရ အလွန်ကြီးမားသော ဖြစ်နိုင်စွမ်းပမာဏမှာ အချိန်နှင့်အမျှ ကုန်ဆုံးနေသည်။ ဤကဲ့သို့သော ပြတ်သားသော စိတ်ပိုင်းဖြတ်မှုဖြင့် ရောက်ရှိလာသူထံမှ ယူဂျွန်ဟော့ လွတ်မြောက်နိုင်မည် မဟုတ်ပေ။</p> <p>'အလုပ်ဖြစ်နိုင်တဲ့ နည်းလမ်း တစ်ခုပဲ ရှိတော့တယ်'</p> <p>'သူ့ရဲ့ ဖြစ်နိုင်စွမ်းတွေ ကုန်ဆုံးသွားအောင် အချိန်ဆွဲရမယ်'</p> <p>သူသည် မိစ္ဆာဘုရင်တစ်ပါး ဖြစ်သော်လည်း ဇာတ်ဝင်ခန်းအတွင်းရှိ ကိုယ်စားလှယ်တစ်ဦး၏ ခန္ဓာကိုယ်ကို အချိန်အကြာကြီး သိမ်းပိုက်ထားနိုင်မည် မဟုတ်ပေ။ ယူဂျွန်ဟော့အနေဖြင့် အချိန်အနည်းငယ် ဆွဲထားနိုင်သရွေ့ သူသည် ပြန်လည် ထွက်ခွာသွားရမည်သာ ဖြစ်သည်။ ပြဿနာမှာ အချိန်ဆွဲထားသောနည်းလမ်းသည် 'တိုက်ပွဲ' တစ်ခု မဖြစ်စေရန်ပင်။ နောက်ဆုံးတွင် ယူဂျွန်ဟော့သည် သူ၏ မာနကို အနည်းငယ် လျှော့ချလိုက်ရသည်။</p> <p>"ဟုတ်တယ်။ ကျုပ်က ကယ်တင်ခြင်း၏ မိစ္ဆာဘုရင်ပဲ။ ခင်ဗျားက ဘယ်သူလဲ"</p> <p>[…ဒါက နည်းနည်း ထူးဆန်းနေသလိုပဲ။ မင်းက မူလကတည်းက ဒီလောက်အထိ ချောတာလား။ ငါ နောက်ဆုံးမြင်ခဲ့တဲ့ မျက်နှာက...]</p> <p>"ခင်ဗျား ပြောစရာ ရှိလို့ ဒီကို လာတာမလား။ ပြောစရာရှိတာ ပြောစမ်းပါ"</p> <p>[ဟားဟား။ ဟုတ်ပါပြီ။ ဒါပေမဲ့ ငါတို့ စကားမပြောခင် ငါ့ကို အနှောင့်အယှက် ပေးနေတဲ့ အရာတစ်ခု ရှိတယ်]</p> <p>"ဘာလဲ"</p> <p>အက်စ်မိုးဒီအက်စ်၏ လက်ချောင်းကလေးများက ဖျောက်ခနဲ မြည်သွားသည်။ ကြောက်မက်ဖွယ်ကောင်းသော လျှပ်စစ်မီးပွားများ ပေါ်ထွက်လာပြီး လက်တစ်ဖက်၏ ထက်ဝက်ခန့် ပြတ်တောက်နေသော အရုပ်ကလေးတစ်ခုမှာ လေထဲတွင် ပေါ်လာသည်။</p> <p>[ထင်ထားတဲ့အတိုင်းပဲ]</p> <p>ယူဂျွန်ဟော့သည် နှုတ်ခမ်းကို တင်းတင်းစေ့လိုက်သည်။ သူ ရင်ဆိုင်နေရသည်မှာ မိစ္ဆာဘုရင်တစ်ပါး ဖြစ်၏။ တစ်ကိုယ်တည်းနေသူ၏ ဝတ်ရုံကို သတိမထားမိဘဲ ရှိနေလိမ့်မည်ဟု ထင်မှတ်ခဲ့ခြင်းမှာ မှားယွင်းခဲ့ပေပြီ။</p> <p>[နတ်ခေါင်ချုပ်တစ်ပါးရဲ့ သင်္ကေတ ခန္ဓာကိုယ်က ဘာလို့ ဒီမှာ ရှိနေတာလဲ]</p> <p>"ကျုပ် မသိဘူး"</p> <p>[တကယ်ပဲလား]</p> <p>ပြင်းထန်သော လျှပ်စစ်မီးပွားများ လက်ခနဲ ဖြစ်သွားပြီး ယူရီအယ်မှာ နာကျင်သော အမူအရာ ဖြစ်သွားသည်။</p> <p>[ဒီသင်္ကေတ ခန္ဓာကိုယ်ကို ကြည့်ရုံနဲ့ မင်း ဘယ်သူလဲဆိုတာ ငါ ပြောနိုင်တယ်]</p> <p>[‘မိစ္ဆာကဲ့သို့ မီးလျှံတရားစီရင်သူ’ နက္ခတ်သည် အက်စ်မိုးဒီအက်စ်ကို စိုက်ကြည့်နေပါသည်။]</p> <p>[နတ်ခေါင်ချုပ် ယူရီအယ်။ နင့်ရဲ့ အစ်ကို ရာဖေးလ် နေကောင်းရဲ့လား။ ငါ့ရဲ့ အကြွေးတွေကို ငါ မမေ့သေးဘူးလို့ သူ့ကို ပြောပေးပါဦး]</p> <p>[‘မိစ္ဆာကဲ့သို့ မီးလျှံတရားစီရင်သူ’ နက္ခတ်သည် ဒေါသတကြီး ဟိန်းဟောက်နေပါသည်။]</p> <p>[ဒါပေါ့။ နင်ဟာ ဘေးကင်းကင်းနဲ့ ပြန်သွားနိုင်မှသာ ပြောပြနိုင်မှာလေ]</p> <p>ယူဂျွန်ဟော့၏ မျက်နှာထားမှာ မှောင်မှောက်သွားသည်။ ဤနေရာမှာ မိစ္ဆာနယ်မြေ ဖြစ်သည်။ ယူရီအယ် မည်မျှပင် အင်အားကြီးမားပါစေ သင်္ကေတ ခန္ဓာကိုယ်တစ်ခုနှင့် မိစ္ဆာဘုရင်၏ ကိုယ်စားလှယ် ခန္ဓာကိုယ်ကို ဖော်ထုတ်နိုင်မည် မဟုတ်ပေ။ ယူဂျွန်ဟော့သည် တွန့်ဆုတ်မနေဘဲ သူ၏ စွမ်းအင်များကို မြှင့်တင်လိုက်သည်။</p> <p>"တော်တော့"</p> <p>ယူရီအယ်၏ သင်္ကေတ ခန္ဓာကိုယ်ကို ဤနေရာ၌ ဆုံးရှုံးလိုက်ရလျှင် ခက်ခဲသွားပေလိမ့်မည်။ အကယ်၍ ဤနေရာတွင် ယူရီအယ်ကို ဆုံးရှုံးလိုက်ရပါက သူသည် ဇာတ်ဝင်ခန်းအတွင်းမှ လမ်းပျောက်သွားပေလိမ့်မည်။ ယူဂျွန်ဟော့၏ထံမှ ပွက်ပွက်ဆူနေသော မှော်စွမ်းအင် ဖိအားများကြောင့် အက်စ်မိုးဒီအက်စ်မှာ စိတ်ဝင်စားသွားပုံရသည်။</p> <p>[ဟ… ဒီစွမ်းအင်က… အတော်လေး မာကျောတာပဲ။ ဒါပေမဲ့...]</p> <p>နောက်တစ်ခဏတွင် အက်စ်မိုးဒီအက်စ်သည် ယူဂျွန်ဟော့၏ ရှေ့သို့ ရောက်ရှိနေပြီ ဖြစ်သည်။</p> <p>[သာမန်လူသားတစ်ယောက်က နက္ခတ်တစ်ပါးလို ဟန်ဆောင်နေတာပဲ]</p> <p>သေးငယ်သော လက်မောင်းကလေး ဆန့်ထွက်လာပြီး ယူဂျွန်ဟော့၏ မေးရိုးကို လှမ်း၍ ဆုပ်ကိုင်လိုက်တော့သည်။</p> <p>"အု..."</p> <p>[တကယ်ကို မင်းက ကယ်တင်ခြင်း၏ မိစ္ဆာဘုရင် မဟုတ်ဘူးပဲ။ ဟုတ်တယ်မလား]</p> <p>ယူဂျွန်ဟော့သည် ကောင်းကင်ခွဲဓါးကို အလျင်အမြန် လွှဲယမ်းလိုက်သည်။ သို့သော် မထင်မှတ်ဘဲ ထိုဓါးမှာ အက်စ်မိုးဒီအက်စ်၏ လက်ထဲ၌ အလွယ်တကူ အဖမ်းခံလိုက်ရသည်။</p> <p>[မင်းမှာ ဒီလောက်အထိ ချောမောတဲ့ မျက်နှာရှိမှန်းသာ ငါသိခဲ့ရင် အစကတည်းက မင်းကို လွှတ်ပေးခဲ့မှာ မဟုတ်ဘူး]</p> <p>ထို့နောက်တွင် ကောင်းကင်ခွဲဓါးမှာ နှစ်ပိုင်းကျိုးသွားတော့သည်။</p> <p>[မင်းက ငါ့ကို ကြောက်နေတာပဲ။ ချစ်စရာကောင်းတဲ့ ကလေးလေး]</p> <p>"အ..."</p> <p>[မင်းက ဒီလောက်အထိ ခုခံနေမယ်ဆိုရင် ငါ မင်းနဲ့ စကားပြောချင်တဲ့ စိတ်တွေ ပျောက်သွားလိမ့်မယ်]</p> <p>အက်စ်မိုးဒီအက်စ်၏ နောက်ကွယ်တွင် မဟူရာအရိပ်များ စုရုံးလာကြသည်။ ထိုအမှောင်ထုမှာ လေထဲတွင် စုစည်းသွားပြီး ဧရာမဦးချိုများရှိသော သားရဲကြီးတစ်ကောင်အသွင် ပြောင်းလဲသွား၏။</p> <p>[ငါ မင်းကို နင်းခြေပစ်ချင်တယ်]</p> <p>ယူဂျွန်ဟော့၏ နှာခေါင်းမှ သွေးများ စီးကျလာသည်။ အားကောင်းလှသော ဇာတ်လမ်းအရှိန်အဝါမှာ သူ၏ အဆင့်ကျော်လွန်ခြင်း စွမ်းအားကို ဖိနှိပ်ထားသည်။ ကြီးမားလှသော တည်ရှိမှု၏ ရှေ့မှောက်တွင် ယူဂျွန်ဟော့သည် 'အဆင့်ကျော်လွန်ခြင်း အဆင့် ၁' ကို ဖွင့်လှစ်ရန် တိတ်တဆိတ် ပြင်ဆင်လိုက်သည်။</p> <p>အနိုင်ရရန် အခွင့်အရေး မရှိသလောက်ပင် ဖြစ်သော်လည်း ယူဂျွန်ဟော့မှာ လက်မလျှော့ပေ။ အကယ်၍ သူသည် အခိုက်အတန့်မျှသာ အခွင့်အရေး ဖန်တီးနိုင်ပါက ကမ္ဘာမြေ ဇာတ်ဝင်ခန်းသို့ ပြန်သွားရန် အချိန်လုံလောက်ပေလိမ့်မည်။ ယူဂျွန်ဟော့ ထိုသို့ တွေးတောနေစဉ်မှာပင် တိုက်ခိုက်မှုတစ်ခုကို ခံလိုက်ရပြီး တစ်ကိုယ်လုံးရှိ အရိုးများ ကျိုးကြေသွားသကဲ့သို့ ခံစားလိုက်ရသည်။</p> <p>သူ၏ ဘယ်ဘက်လက်မောင်းနှင့် ညာဘက်ခြေထောက်မှာ ကျိုးသွားခဲ့ပြီး ဝမ်းဗိုက်အတွင်းရှိ မှော်စွမ်းအင်များပင် ဆုံးရှုံးသွားရသည်။ သူ သတိပြန်ဝင်လာသည့် အချိန်တွင် မြေပြင်ပေါ်၌ ပုံလျက်သား လဲကျနေပြီ ဖြစ်သည်။ အက်စ်မိုးဒီအက်စ်သည် ယူဂျွန်ဟော့ကို ဆွဲထူလိုက်ပြီး သူ၏ နဖူးကို အသာအယာ ထိတွေ့လိုက်သည်။</p> <p>[မယုံနိုင်စရာပဲ။ သာမန်လူသားတစ်ယောက်မှာ ဒီလောက်အထိ မြင့်မြတ်တဲ့ မျှော်လင့်ချက်မဲ့မှု ရှိနေတာလား]</p> <p>"ခွေး..သား..."</p> <p>[ပါစီဖုန်းက 'ကင်ဒေါ့ဂျာ' ဟာ အကောင်းဆုံး ဇာတ်လမ်းလို့ ပြောခဲ့ဖူးတယ်။ ဟားဟား]</p> <p>အက်စ်မိုးဒီအက်စ်သည် သူ၏ နှုတ်ခမ်းကို လျှာဖြင့် သပ်လိုက်သည်။ ယူဂျွန်ဟော့သည် အက်စ်မိုးဒီအက်စ်ကို စိုက်ကြည့်နေပြီးမှ မျက်လုံးများကို မှိတ်လိုက်တော့သည်။</p> <p>'စိတ်မကောင်းပါဘူး။ ကင်ဒေါ့ဂျာ'</p> <p>အခြားနည်းလမ်း မရှိတော့ပေ။ သူသည် နောက်ထပ် နောက်ပြန်ဆုတ်ခြင်းဆီသို့သာ မျှော်လင့်ချက် ထားရတော့မည်။ သူ မျက်လုံးများကို မှိတ်လိုက်သောအခါ ယူဂျွန်ဟော့၏ နာရီမှာ နောက်သို့ ပြန်သွားရန် ပြင်ဆင်လိုက်တော့သည်။ စက္ကန့်တံ၊ မိနစ်တံ၊ နာရီတံ။ ထိုဧရာမ လက်တံကြီးများက ဆန့်ကျင်ဘက်အရပ်သို့ လည်ပတ်တော့မည့် ခဏ၌ —</p> <p>「 အဲဒါကြောင့် ငါ့အကြောင်းကို အစောကြီးကတည်းက မင်းဟာ တွေးထားသင့်တာ 」</p> <div> <p>ရုတ်တရက်ဆိုသလို ယူဂျွန်ဟော့၏ နာရီမှာ ရပ်တန့်သွားတော့သည်။</p> </div> <p> </p> <p> </p> <p>[သီးသန့်စွမ်းရည် ‘အနှိုင်းမဲ့စာဖတ်သူ၏ရှုထောင့်’ အဆင့် ၃ အသက်ဝင်ပါပြီ။]</p> <p>ယူဂျွန်ဟော့၏ ပတ်ပတ်လည်တွင် ဧရာမလျှပ်စစ်မီးပွားများ ပေါ်ထွက်လာသဖြင့် အံ့အားသင့်သွားသော အက်စ်မိုးဒီအက်စ်သည် နောက်သို့ ဆုတ်ခွာသွားတော့သည်။ ယူဂျွန်ဟော့၏ မျက်ဝန်းများအတွင်း၌ တစ်စုံတစ်ခုမှာ လက်ခနဲဖြစ်သွားပြီး အခြားအရာတစ်ခုမှာ နိုးထလာခဲ့သည်။ နိုးထလာသောအရာမှာ အခြားသူမဟုတ်ဘဲ ကျနော်ပင် ဖြစ်သည်။</p> <p>[မင်းက...]</p> <p>[‘ကယ်တင်ခြင်း၏ မိစ္ဆာဘုရင်’ နက္ခတ်သည် ‘ရာဂနှင့်အမျက်ဒေါသနတ်ဆိုး’ ကို စိုက်ကြည့်နေပါသည်။]</p> <p>ကျနော်သည် တောက်ပသော မျက်ဝန်းများဖြင့် အက်စ်မိုးဒီအက်စ်ကို စိုက်ကြည့်လိုက်သည်။ ထို့နောက် ကျနော် ပြောလိုက်သည်။</p> <p>[ငါ့ရဲ့ ကိုယ်စားလှယ်ကို လက်ဖျားနဲ့တောင် မထိနဲ့၊ အက်စ်မိုးဒီအက်စ်]</p> <p> </p> <p> </p> <p style="text-align:center">***</p>


Save