Book List

<h2 style="text-align:center">အခန်း ၂၂၉</h2> <h2 style="text-align:center">ကောင်းကင်ဖြိုခွင်းဓါး သူတော်စင် (၃)</h2> <h2 style="text-align:center">*</h2> <p> </p> <p> </p> <p>ကျနော်သည် တဟုန်ထိုး စီးဝင်လာသော ဒေါသနှင့် နာကျည်းမှုလှိုင်းလုံးများကို အတတ်နိုင်ဆုံး ကြံ့ကြံ့ခံရင်း ‘ပြစ်ဒဏ်ပေးသူ’ ဆီသို့ အော်ဟစ်ပြောဆိုလိုက်သည်။</p> <p>"နေဦး။ ခဏလေးပါ"</p> <p>ထိုစဉ် နက္ခတ်များ၏ မက်ဆေ့ချ်များက ကျနော့်ခေါင်းထဲသို့ စီးဝင်လာခဲ့သည်။</p> <p>[ရွှေခေါင်းကွင်း၏အကျဉ်သားနက္ခတ်သည် အလွန်အမင်း အံ့အားသင့်သွားပါသည်။]</p> <p>[နက္ခတ်အချို့က သင်၏ ဆုံးဖြတ်ချက်အပေါ် စိုးရိမ်ပူပန်နေကြပါသည်။]</p> <p>[ရွှေခေါင်းကွင်း၏အကျဉ်သားနက္ခတ်သည် သင့် အကြည့်ကြောင့် ပြင်းထန်သော နေမထိထိုင်မသာဖြစ်မှုကို ခံစားနေရပါသည်။]</p> <p>ဟင်။ ဘာဖြစ်တာလဲ။ ရုတ်တရက်ကြီး...</p> <p>[မိစ္ဆာကဲ့သို့ မီးလျှံတရားစီရင်သူနက္ခတ်သည် ချန်နယ်ထဲသို့ ဝင်ရောက်လာပါသည်။]</p> <p>…ဪ။ ယူရီအယ်ပဲ။</p> <p>[မိစ္ဆာကဲ့သို့ မီးလျှံတရားစီရင်သူနက္ခတ်သည် အံ့အားသင့်သွား ပါသည်။]</p> <p>[မိစ္ဆာကဲ့သို့ မီးလျှံတရားစီရင်သူနက္ခတ်သည် အံ့အားသင့်သွား ပါသည်။]</p> <p>[မိစ္ဆာကဲ့သို့ မီးလျှံတရားစီရင်သူနက္ခတ်သည် အံ့အားသင့်သွား ပါသည်။]</p> <p>အက်စ်မိုးဒီအက်စ်နှင့် ဖြစ်ပွားခဲ့သော အဖြစ်အပျက်မှာ တစ်ပတ်ခန့် ကြာမြင့်ခဲ့ပြီဖြစ်ရာ ယူရီအယ် ချန်နယ်ထဲသို့ ဝင်ရောက်လာခြင်းမှာ ထူးဆန်းသည်တော့ မဟုတ်ပေ။ ပြဿနာမှာ နောက်ဆက်တွဲ ရောက်ရှိလာသော နက္ခတ်များ၏ မက်ဆေ့ချ်များပင် ဖြစ်သည်။</p> <p>[မိစ္ဆာကဲ့သို့ မီးလျှံတရားစီရင်သူနက္ခတ်သည် ဘာတွေဖြစ်ပျက်နေသလဲဟု မေးမြန်းနေပါသည်။]</p> <p>[ရွှေခေါင်းကွင်း၏အကျဉ်သားနက္ခတ်က သူလည်း သေသေချာချာ မသိကြောင်း ပြောဆိုနေပါသည်။]</p> <p>[လိင်ပြောင်းလဲရသည်ကို နှစ်သက်သောနက္ခတ်သည် တခိခိ ရယ်မောနေပါသည်။]</p> <p>[မိစ္ဆာကဲ့သို့ မီးလျှံတရားစီရင်သူနက္ခတ်သည် ‘အက်စ်ဂတ်’ နက်ဗျူလာဆီသို့ ဦးတည်သွားနေပါသည်။]</p> <p>နက္ခတ်များဆီမှ ရုတ်တရက် အဆက်မပြတ် ရောက်ရှိလာသော မက်ဆေ့ချ်များကြောင့် ကျနော် သတိပြန်ဝင်လာခဲ့သည်။ ဒါက ဘာအခြေအနေကြီးလဲ။ သူတို့က ဘာလို့ ကျနော့်ကို ဝိုင်းပြီး လက်ညှိုးထိုးနေကြတာလဲ...</p> <p>ကျနော် နက္ခတ်များ၏ မက်ဆေ့ချ်များကြောင့် ကြောင်တောင်တောင် ဖြစ်နေစဉ်မှာပင် ပြစ်ဒဏ်ပေးသူမှာ လမ်းကြားထဲမှ အမြန်ပျောက်ကွယ်သွားခဲ့ပြီ ဖြစ်သည်။</p> <p>"အာ… နေဦးလေ"</p> <p>နှမြောစရာကောင်းလှပေသည်။ ဤသည်က တော်ရုံတန်ရုံ ရခဲလှသော အပေါင်းအဖော်ကောင်း တစ်ဦးကို ရရှိနိုင်မည့် အခွင့်အရေးပင်။</p> <p>ဂျန်ဟာယောင်းက ကျနော့်နောက်သို့ ယခုမှ လိုက်လာပြီး မေးလိုက်သည်။</p> <p>"ဘယ်လိုလဲ။ သူက တကယ်လှတယ် မဟုတ်လား"</p> <p>"သူ ဘယ်တုန်းက ပေါ်လာတာလဲ"</p> <p>"လွန်ခဲ့တဲ့ သုံးလေးရက်လောက်ကပါ။ သူ့ရဲ့ အလှတရားတင်မကဘဲ အစွမ်းကလည်း ကြောက်စရာကောင်းလောက်အောင် ထူးချွန်တယ်ဆိုတဲ့ ကောလဟာလက မြန်မြန်ဆန်ဆန်ပဲ ပြန့်သွားတာလေ။ ဒါပေမဲ့ သူ့ကို အမိဖမ်းဖို့တော့ ခက်တယ်"</p> <p>"သူ မနက်ဖြန်ရော လာဦးမှာလား"</p> <p>ထိုအမျိုးသမီး၏ ဓါးသိုင်းအစွမ်းကို ကျနော် သေသေချာချာ မသိရသေးသော်လည်း မိစ္ဆာဘုရင် ရွေးချယ်ပွဲတွင်တော့ အားကိုးရမည့်သူ ဖြစ်လာမှာ အသေအချာပင်။</p> <p>ဒါနဲ့ နေဦး၊ ဒီလူက ဘယ်ကနေ ရောက်လာတာလဲ။ မူရင်း ‘Ways of Survival’ ထဲမှာလည်း မပါခဲ့ဖူးပါဘူး...</p> <p>"သူက နေ့တိုင်းလာနေကျဆိုတော့ မနက်ဖြန်လည်း လာမှာပါ။ ဘာလဲ၊ ခင်ဗျားက သူ့အလှမှာ နစ်မျောသွားပြီလား"</p> <p>"အဲလို မဟုတ်ပါဘူး"</p> <p>"နောက်တာပါ၊ နောက်တာ။ ခင်ဗျားက မိန်းကလေးတွေကို စိတ်မဝင်စားဘူးဆိုတာ ကျုပ်သိပါတယ်"</p> <p>"…အဲဒါကို ဘယ်သူပြောတာလဲ"</p> <p>ဘယ်လိုဖြစ်ပြီး ဒီလို ကောလဟာလမျိုးက ထွက်လာရတာလဲဟ။</p> <p>[မိစ္ဆာကဲ့သို့ မီးလျှံတရားစီရင်သူနက္ခတ်သည် သင့်ကို စိုက်ကြည့်နေပါသည်။]</p> <p>…ထိုကောလဟာလ ဘယ်ကနေ စတာလဲဆိုတာကို ကျနော် သိလိုက်ပြီ ထင်သည်။</p> <div> <p>"မတွေ့ရတာ ကြာပြီနော်၊ ယူရီအယ်"</p> </div> <p> </p> <p> </p> <p>[မိစ္ဆာကဲ့သို့ မီးလျှံတရားစီရင်သူနက္ခတ်သည် ‘ဟွန့်’ ခနဲ နှာခေါင်းရှုံ့လျက် ဂုဏ်ယူဝင့်ကြွားနေပါသည်။]</p> <p>ကျနော်သည် ယူရီအယ်နှင့်အတူ ဆေးကုသဆောင်သို့ ပြန်လာစဉ် ယူရီအယ်၏ သွယ်ဝိုက်သော မက်ဆေ့ချ်များကို နားထောင်နေခဲ့သည်။</p> <p>[မိစ္ဆာကဲ့သို့ မီးလျှံတရားစီရင်သူနက္ခတ်သည် မိမိကိုယ်ကိုယ် ပြန်လည်ချီးမွမ်းခန်းဖွင့်နေပါသည်။]</p> <p>ယူရီအယ် ပြောပြသမျှ ဇာတ်လမ်းအများစုမှာ ယူရီအယ်အနေဖြင့် ယူဂျွန်ဟော့ကို မိစ္ဆာနယ်မြေသို့ သွားရောက်ရန် မည်သို့မည်ပုံ စည်းရုံးခဲ့ရသည်ဆိုသည့် အကြောင်းအရာများပင် ဖြစ်သည်။ ထင်ထားသည့်အတိုင်း ကျနော့်ကို ကယ်တင်ရန် ယူဂျွန်ဟော့ကို တိုက်တွန်းခဲ့သူမှာ ယူရီအယ်ပင် ဖြစ်သည်။ ကျနော် တွေးထားခဲ့သလိုပါပဲ။ ယူဂျွန်ဟော့ဆိုသည့်ကောင်သည် သူ့ဘာသာသူ ကျနော့်ကို ကယ်ဖို့ ဒီကို လာမည့်သူ မဟုတ်ပေ။</p> <p>"ခင်ဗျားရဲ့ ကိုယ်စားပြုခန္ဓာကိုယ်ကို အခု ပြင်ဆင်နေပါတယ်။ အဲဒါပြီးသွားရင်တော့ ခင်ဗျား အထဲကို ပြန်ဝင်လို့ ရပါပြီ"</p> <p>[မိစ္ဆာကဲ့သို့ မီးလျှံတရားစီရင်သူနက္ခတ်သည် ဝမ်းသာလွန်း၍ မျက်ရည်ပင် ဝဲနေပါသည်။]</p> <p>"ဒါနဲ့ နေဦး။ ယူဂျွန်ဟော့ကို ခင်ဗျား ဘယ်လို ကိုယ်ပိုင်ဇာတ်ဝင်ခန်းမျိုး ပေးခဲ့တာလဲ။ နတ်ခေါင်ချုပ် တစ်ယောက်အနေနဲ့ မိစ္ဆာနယ်မြေထဲမှာ ကိုယ်ပိုင်ဇာတ်ဝင်ခန်းတစ်ခု ထုတ်ပြန်ပေးဖို့ဆိုတာ အန္တရာယ်များလွန်းတယ် မဟုတ်လား"</p> <p>အမှန်တကယ်တွင် ယူရီအယ်ကဲ့သို့ အဆင့်မြင့်နက္ခတ်တစ်ဦး မိစ္ဆာနယ်မြေသို့ လာရောက်ခြင်းမှာ အလွန်အန္တရာယ်ကြီးလှသည်။</p> <p>အေဒင် နက်ဗျူလာသည် မိစ္ဆာနယ်မြေ၏ မိစ္ဆာဘုရင် ၇၂ ပါးနှင့် စစ်ပြေငြိမ်းရေးစာချုပ် ချုပ်ဆိုထားသည်။ ဖြစ်နိုင်သည်မှာ ယူရီအယ်သည် ထိုအချက်ကို သတိပြုမိသဖြင့် ကိုယ်စားလှယ်ခန္ဓာကိုယ်အစား ကိုယ်စားပြုခန္ဓာကိုယ်အဖြစ်နှင့်သာ ကိုယ်ရောင်ပြခဲ့ခြင်း ဖြစ်ပေလိမ့်မည်။ ထိုသို့သာ မဟုတ်ပါက အက်စ်မိုးဒီအက်စ်နှင့် ရင်ဆိုင်ရစဉ်က ယူရီအယ်သည် ဤမျှလောက် အားနည်းနေမည် မဟုတ်ပေ။</p> <p>[မိစ္ဆာကဲ့သို့ မီးလျှံတရားစီရင်သူနက္ခတ်သည် စိတ်ပျက်အားငယ်သော မျက်နှာအမူအရာ ပြုလုပ်နေပါသည်။]</p> <p>[မိစ္ဆာကဲ့သို့ မီးလျှံတရားစီရင်သူနက္ခတ်က ယခုအခါတွင်မူ ထိုအရာများမှာ အရေးမကြီးတော့ကြောင်း ပြောဆိုနေပါသည်။]</p> <p>ယူဂျွန်ဟော့နှင့် ယူရီအယ်တို့ကြားရှိ ဆက်နွယ်မှု ပြတ်တောက်သွားပြီးနောက် ယူရီအယ်၏ ကိုယ်ပိုင်ဇာတ်ဝင်ခန်း မှာလည်း အတင်းအကျပ် ဖျက်သိမ်းခြင်း ခံလိုက်ရသည်။ ယူဂျွန်ဟော့ ပြောပြချက်အရမူ သူသည် အခြားသော ကိုယ်ပိုင်ဇာတ်ဝင်ခန်း တစ်ခုကို လက်ခံရရှိခဲ့သည်ဟု ဆိုသည်။</p> <p>ကျနော်သည် ယူရီအယ်၏ စကားများကို နားထောင်နေစဉ် ဂျန်ဟာယောင်းက ကြားဖြတ်မေးမြန်းလာသည်။</p> <p>"ခင်ဗျားက နက္ခတ်တွေနဲ့ ဘယ်လိုလုပ် ဒီလောက် ရင်းနှီးနေရတာလဲ"</p> <p>"ငါကိုယ်တိုင်ကလည်း နက္ခတ်တစ်ပါးမလို့လေ"</p> <p>"…ဘာ။ ခင်ဗျား နောက်နေတာလား"</p> <p>"ငါက နက္ခတ်တစ်ပါးဆိုတဲ့အကြောင်းကို မင်းကို မပြောရသေးဘူးလား"</p> <p>ဂျန်ဟာယောင်း၏ မျက်နှာပေါ်တွင် ရှုပ်ထွေးသော အမူအရာများ ပေါ်လာသည်။</p> <p>"နက္ခတ်ဆိုတာ... ကောင်းကင်ပေါ်က သက်ရှိတွေလား။ မနက်က ပေါ်လာတဲ့ မံမီရုပ်ကြီးလိုမျိုးလား"</p> <p>"ယေဘုယျအားဖြင့်တော့ ဟုတ်တာပေါ့"</p> <p>"အဲဒါကြောင့်ပဲ ဘွဲ့အမည်ဆိုတာ ရှိတာလေ။ နက္ခတ်တစ်ပါးဟာ အဲဒီဘွဲ့အမည်ရဲ့ အဓိပ္ပာယ်ဖွင့်ဆိုချက်အတိုင်း ရှင်သန်ကြတာ..."</p> <p>စဉ်းစားကြည့်မှ ထိုကဲ့သို့သော သတ်မှတ်ချက်ရှိကြောင်း သတိရမိသည်။ နက္ခတ်များ၏ သဘာဝမှာ ဘွဲ့အမည်၏ အနှစ်သာရအတွင်း၌ ကိန်းဝပ်နေကြခြင်း ဖြစ်သည်။ ကျနော်ကတော့ နက္ခတ်ဖြစ်လာသည်နှင့် တစ်ပြိုင်နက် ပျက်ဆီးသွားခဲ့သဖြင့် ထိုအနှစ်သာရကို မမြင်နိုင်ခဲ့ပေ...</p> <p>"ဟုတ်တယ်။ အဲဒီနက္ခတ်တွေကြောင့်ပဲ"</p> <p>"ဒါဆိုရင် ခင်ဗျားရဲ့ ဘွဲ့အမည်က ဘာလဲ..."</p> <p>ဂျန်ဟာယောင်းသည် ကျနော့်၏ နက္ခတ်အဆင့်အတန်းကို သတိပြုမိသွားပြီး သတိထား၍ စကားပြောလာသည်။ ကျနော် မပြုံးဘဲ မနေနိုင်တော့ပေ။ ဒီကောင် ကျနော် မည်သူမှန်း သိသွားလျှင်တော့ သေချာပေါက် အံ့သြသွားပေလိမ့်မည်။</p> <p>[မိစ္ဆာကဲ့သို့ မီးလျှံတရားစီရင်သူနက္ခတ်သည် ‘ဂျန်ဟာယောင်း’ ကိုယ်စားလှယ်အပေါ် သတိကြီးစွာ ထားနေပါသည်။]</p> <p>[မိစ္ဆာကဲ့သို့ မီးလျှံတရားစီရင်သူနက္ခတ်သည် ‘ဂျန်ဟာယောင်း’ ကိုယ်စားလှယ်ကို အလွန်အကျွံ ရင်းရင်းနှီးနှီး မနေရန် သတိပေးနေပါသည်။]</p> <p>"အု..."</p> <p>ဂျန်ဟာယောင်းသည် ယူရီအယ်၏ ခြိမ်းခြောက်မှုကို ခံလိုက်ရသဖြင့် ကျနော့်အနားမှ အမြန်ဆုတ်ခွာသွားသည်။</p> <p>[မိစ္ဆာကဲ့သို့ မီးလျှံတရားစီရင်သူနက္ခတ်သည် နတ်သမီးလေးကဲ့သို့ ချိုသာစွာ ပြုံးပြနေပါသည်။]</p> <p>အဲဒီနတ်သမီးက ဘာလို့ သူ့ကို အဲဒီလို သွားပြောရတာလဲ။</p> <p>ကျနော် ဆေးကုသဆောင်ထဲသို့ ဝင်လိုက်ရာ ယူဂျွန်ဟော့သည် စားပွဲတွင် အေးအေးလူလူ ထိုင်ရင်း လက်ဖက်ရည် သောက်နေသည်ကို တွေ့လိုက်ရသည်။</p> <p>"မင်း နောက်ကျလိုက်တာ"</p> <p>"ဘာလဲဟ။ မင်းက ရောက်နေပြီလား"</p> <p>သူ ဘယ်ကို သွားခဲ့သည်လဲတော့ မသိသော်လည်း ယူဂျွန်ဟော့၏ ဖိနပ်များမှာ ရွှံ့များ ပေကျံနေသည်။ လက်ဖက်ရည်မှာလည်း အမျိုးအစား ပြောင်းလဲသွားသည်။</p> <p>ဒီမှာ ဆေးဖက်ဝင် လက်ဖက်ရည်တွေ ရှိနေတာလား။</p> <p>စဉ်းစားကြည့်မှ ဒီအေပေးလေးက အရသာခံရာတွင် အလွန် ထက်မြက်သူဖြစ်၏။</p> <p>ယူဂျွန်ဟော့က ကျနော့်နောက်မှ ဂျန်ဟာယောင်းကို လှမ်းကြည့်လိုက်သည်။</p> <p>"သူက မင်းပြောတဲ့လူလား"</p> <p>"ဟုတ်တယ်"</p> <p>ကျနော် ပြန်ဖြေလိုက်ရာ ဂျန်ဟာယောင်းက ရှေ့သို့ လှမ်းလာသည်။</p> <p>"…ဒါက စော်ဘွားအသစ်လား။ ဟိုင်း…ကျုပ်က အက်စလန်ပါ"</p> <p>"မင်းက ရိုင်းစိုင်းတဲ့ ကောင်ပဲ"</p> <p>"ဆောရီးပဲ။ တကယ်တော့ ကျုပ်က သောက်ကောကောင်မပါ"</p> <p>သူတို့နှစ်ဦး၏ အကြည့်များမှာ လေထဲတွင် ထိပ်တိုက် တွေ့သွားကြသည်။ အခြေအနေမှာ အနေရခက်လာသည်ကို ကျနော် ခံစားမိသဖြင့် အမြန်ဝင်တားလိုက်ရသည်။</p> <p>"အခုမှ မင်းတို့က ပထမဆုံး ဆုံဖူးတာလား။ ယူဂျွန်ဟော့… မင်း လွန်ခဲ့တဲ့ ရက်ပိုင်းက ဒီကို ရောက်နေတာ မဟုတ်လား"</p> <p>"နှုတ်ဆက်ဖို့ အချိန်မရှိခဲ့ဘူး။ ဒါနဲ့ မင်းရဲ့ အပေါင်းအဖော်သစ်က ယောက်ျားလား၊ မိန်းမလားတောင် မကွဲပြားတဲ့သူလား"</p> <p>"အေး"</p> <p>" အားနည်းတဲ့သူတွေကို ငါ မကြိုက်ဘူး"</p> <p>"…ကျုပ်က အားမနည်းပါဘူးနော်"</p> <p>ဂျန်ဟာယောင်းက ရင်ကို ကော့ကာ ပြန်ပြောလိုက်သော်လည်း ယူဂျွန်ဟော့၏ မျက်လုံးထဲတွင်တော့ သူက ဘာမှမဟုတ်ပေ။ သူ့ထံတွင် ‘အမည်မသိတံတိုင်း’ ရှိနေနိုင်သော်လည်း အဆင့်ကျော်လွန်သူ ယူဂျွန်ဟော့နှင့် ယှဉ်လျှင်မူ အင်အားမှာ မလုံလောက်သေးပေ။ သူတို့နှစ်ဦးလုံးမှာ အဓိကဇာတ်ကောင်များ ဖြစ်ကြသော်လည်း ယူဂျွန်ဟော့ကတော့ ပထမဆုံးသော ဇာတ်လိုက် ဖြစ်လေသည်။</p> <p>ယူဂျွန်ဟော့က လက်ဖက်ရည်ခွက်ကို ဖြည်းညှင်းစွာ ချလိုက်ပြီး အေးစက်သော လေသံဖြင့် ပြောလိုက်သည်။</p> <p>"သူက စောင့်ရကျိုးနပ်တဲ့သူ မဟုတ်ဘူး။ မင်းပြောတဲ့ အပေါင်းအဖော်ဆိုတာ ဒီကောင်တစ်ယောက်ထဲတော့ မဟုတ်ပါဘူးနော်"</p> <p>စိတ်ဆိုးသွားသော ဂျန်ဟာယောင်းကိုယ်စား ကျနော် အမြန်ပြန်ဖြေလိုက်သည်။</p> <p>"ဪ။ နောက်ထပ် တစ်ယောက် ရှိသေးတယ်။ အဲဒီလူနဲ့တော့ စကားမပြောရသေးဘူး။ ဒါပေမဲ့ အတော်လေး အားကိုးရလောက်မယ်ကွ"</p> <p>"ဘယ်သူလဲ"</p> <p>"သူ့ကို ‘ပြစ်ဒဏ်ပေးသူ’ လို့ ခေါ်ကြတယ်။ ခုနလေးတင်ပဲ ပေါ်လာတာ၊ သူက အများကြီး အကူအညီ ဖြစ်စေလိမ့်မယ်လို့ ငါ ထင်တယ်"</p> <p>ကျနော့်စကားကြောင့် ယူဂျွန်ဟော့၏ မျက်နှာထားမှာ ရှုပ်ထွေးသွားသည်။</p> <p>"အဲဒီလူကတော့ မဖြစ်နိုင်ဘူး"</p> <p>"ဘာလို့လဲ"</p> <p>"ငါ သူ့ကို အပေါင်းအဖော်အဖြစ် စည်းရုံးဖို့ ကြိုးစားခဲ့ပေမဲ့ ကျရှုံးခဲ့တယ်"</p> <p>"မင်း သူ့ကို ဘာတွေပြောလိုက်လို့လဲ။ ရိုင်းရိုင်းစိုင်းစိုင်းတွေ ပြောလိုက်တာလား။ ဥပမာ- ငါ့အပေါင်းအဖော် မလုပ်ရင် မင်းကို သတ်ပစ်မယ် ဆိုတာမျိုးလား—"</p> <p>ယူဂျွန်ဟော့၏ ဒေါသထွက်နေသော မျက်နှာထားကြောင့် ကျနော် စကားစ ရပ်သွားရသည်။ ယူဂျွန်ဟော့က ဤသို့ ပြောနေသည်ဆိုလျှင် ခိုင်လုံသော အကြောင်းပြချက်တစ်ခုခုတော့ ရှိပေလိမ့်မည်။ ကျနော် မသိသော်လည်း ဖြစ်နိုင်သည်မှာ သူနှင့် ထိုအမျိုးသမီးကြားတွင် ယခင်က ချစ်ခြင်း သို့မဟုတ် မုန်းခြင်းနှင့် ပတ်သက်သည့် ဆက်နွယ်မှုတစ်ခုခု ရှိခဲ့ဖူး၍လား မသိပေ။</p> <p>ယူဂျွန်ဟော့နဲ့ ထိုကဲ့သို့သော ဆက်နွယ်မှု ရှိရအောင် ထိုအမျိုးသမီးက ဘယ်သူများလဲ။ ထိုအမျိုးသမီးက မူရင်းထဲမှာ မပါခဲ့ဖူးပါဘူး... မဟုတ်ဘူး၊ မူရင်းဇာတ်လမ်းက အနည်းငယ် ပြောင်းလဲသွားခဲ့ပြီဆိုတော့ ဇာတ်လမ်းသစ်တစ်ခု ဖြစ်နေနိုင်တာပဲလေ။ အဲဒါကို မကြာခင် ငါ ရှာဖွေကြည့်ရမယ်။</p> <p>"ဒါဆိုရင်တော့ နည်းလမ်းတစ်ခုပဲ ကျန်တော့တယ်..."</p> <p>ကျနော်စိုက်ကြည့်သည်ကို ခံလိုက်ရသော ဂျန်ဟာယောင်းက စူပုပ်ပုပ် မျက်နှာထားဖြင့် ပြန်ပြောလာသည်။</p> <p>"ဘာလဲ... ဘာဖြစ်လို့လဲ"</p> <p>"ငါ ခိုင်းထားတာကိုရော သေသေချာချာ လုပ်ထားရဲ့လား"</p> <p>"လုပ်ထားတာပေါ့"</p> <p>"ငါ ပြောထားတဲ့ အဆင့်ကျော်လွန်သူအကြောင်းကော ဘာထူးလဲ"</p> <p>"အကြောင်းပြန်စာ ရပြီ။ လာကြည့်လိုက်"</p> <p>ဂျန်ဟာယောင်းနှင့် ကျနော်တို့၏ စကားပြောဆိုမှုကို နားထောင်နေသော ယူဂျွန်ဟော့က မျက်မှောင်ကြုတ်ကာ မေးလာသည်။</p> <p>"အဆင့်ကျော်လွန်သူ ဟုတ်လား။ မင်း ဘာအကြောင်း ပြောနေတာလဲ"</p> <p>"ဪ။ ဒီကောင်က တခြားသော ဇာတ်ဝင်ခန်းတွေက သက်ရှိတွေနဲ့ ဆက်သွယ်နိုင်စွမ်း ရှိတယ်လေ။ သူက တော်တော်လေး အသုံးဝင်တယ် မဟုတ်လား"</p> <p>ဤသည်က ယူဂျွန်ဟော့ထံတွင် ဂျန်ဟာယောင်း၏ စွမ်းရည်ကို ကြော်ငြာလိုက်ခြင်း ဖြစ်သော်လည်း ယူဂျွန်ဟော့၏ မျက်နှာမှာမူ အလိုမကျသေးပေ။</p> <p>"အဲဒီတော့ ဘာဖြစ်လဲ"</p> <p>"သူ့ရဲ့ဆက်သွယ်နိုင်စွမ်းက အပေါင်းအဖော်တွေ ဒါမှမဟုတ် ကိုယ်စားလှယ်တွေမှာတင် ကန့်သတ်ထားတာ မဟုတ်ဘူးလေ။ ငါတို့သာ နက္ခတ်တွေ ဒါမှမဟုတ် အဆင့်ကျော်လွန်သူတွေကို စည်းရုံးနိုင်မယ်ဆိုရင်—"</p> <p>"နက္ခတ်တွေကတော့ မဖြစ်နိုင်ဘူး။ ငါ သူတို့ကို မယုံဘူး"</p> <p>"ဒါဆို အဆင့်ကျော်လွန်သူတွေဆိုရင်ရော မင်း လက်ခံနိုင်မလား"</p> <p>"မင်း စိတ်ထဲမှာ တစ်ယောက်ယောက်ကို တွေးထားလို့လား"</p> <p>ကျနော် ခေါင်းညိတ်ပြလိုက်သည်။</p> <p>"ငါ ‘ပထမဆုံး သိုင်းလောက’ ကို သွားမလားလို့"</p> <p>"…ပထမဆုံး သိုင်းလောက ဟုတ်လား"</p> <p>"အဲဒီနေရာက အဆင့်ကျော်လွန်သူတွေ အပေါများဆုံး နေရာလေ"</p> <p>"မင်း ဘာတွေးနေလဲဆိုတာ ငါ သိတယ်။ ဒါပေမဲ့ အဲဒီလူတွေ အားလုံးက နက္ခတ်တွေထက် ပိုသာလွန်မယ်လို့ ဘယ်သူမှ အာမမခံနိုင်ဘူး။ အဲဒီမှာလည်း မဟာမိစ္ဆာတွေနဲ့ မိစ္ဆာဆိုးကြီးတွေ အများကြီး ရှိနေတာနော်"</p> <p>"ငါ သိပါတယ်။ ဒါပေမဲ့ တခြားလူတွေလည်း ရှိသေးတယ် မဟုတ်လား"</p> <p>"သူတို့မှာ သိုင်းသမားပီသတဲ့ စိတ်ဓာတ်လေး နည်းနည်းရှိရုံနဲ့ မင်းကို ကူညီလိမ့်မယ်လို့  ထင်နေတာလား။ သိုင်းလောကထဲက လူတွေထဲမှာ လူကောင်းတစ်ယောက်မှ ရှိခဲ့တာကို ငါ မမှတ်မိဘူး"</p> <p>ယူဂျွန်ဟော့၏ လေသံထဲတွင် နက်ရှိုင်းသော နာကျည်းမှုများကို ကျနော် ခံစားလိုက်ရသည်။ ပြီးခဲ့သည့် နောက်ပြန်ဆုတ်ခြင်း ဘဝတွင် သူသည် ပထမဆုံး သိုင်းလောက၌ အတွေ့အကြုံ ဆိုးခဲ့ဖူးသောကြောင့် ဤသို့ ပြောခြင်းမှာလည်း အကျိုးအကြောင်းမဲ့တော့ မဟုတ်ပေ။ သို့သော်လည်း—</p> <p>"အနည်းဆုံးတော့ တစ်ယောက်ကတော့ ကူညီကောင်း ကူညီမှာပါ"</p> <p>ကျနော်သည် ယူဂျွန်ဟော့၏ ပျက်ယွင်းသွားသော မျက်နှာထားကို ကြည့်ကာ ပျော်ရွှင်သော လေသံဖြင့် ပြောလိုက်သည်။</p> <p>"ငါက ‘ကောင်းကင်ဖြိုခွင်းဓါး သူတော်စင်’ ဆီကနေ အကူအညီ တောင်းမလားလို့"</p> <p>ကောင်းကင်ဖြိုခွင်းဓါး သူတော်စင်။ ‘Ways of Survival’ တစ်အုပ်လုံးတွင် အစွမ်းထက်ဆုံးသော အဆင့်ကျော်လွန်သူများထဲမှ တစ်ဦးပင်။ ယခုအချိန်ကာလတွင် ထိုသူတော်စင်မသည် ထိပ်ဆုံးမှာ မရှိသေးသော်လည်း စွမ်းရည်များမှာမူ လုံလောက်မှု ရှိနေလောက်ပြီ ဖြစ်သည်။ အဘယ်ကြောင့်ဆိုသော် ကောင်းကင်ဖြိုခွင်းဓါး သူတော်စင်သည် အခြားသူမဟုတ်ဘဲ ယူဂျွန်ဟော့၏ ဆရာ ဖြစ်နေသောကြောင့်ပင်။</p> <p>"ဘာလို့ အဲဒီလူကို စည်းရုံးချင်ရတာလဲ"</p> <p>"အဲ့ဒီသူတော်စင်မက အမှားအမှန် ဒါမှမဟုတ် တရားမျှတမှုတွေမှာ ချုပ်နှောင်ခံထားရတဲ့သူ မဟုတ်ဘူးလေ။ ပြီးတော့ ကိုယ့်ဆရာကိုယ် သွားခေါ်တာက သဘာဝကျပါတယ်။ ဟုတ်တယ်မလား"</p> <p>ယူဂျွန်ဟော့၏ မျက်နှာထားမှာ ‘ပြစ်ဒဏ်ပေးသူ’ အကြောင်း ပြောတုန်းကထက်ပင် ပိုမို ဆိုးရွားသွားသည်။ တည်ငြိမ်လှသော ယူဂျွန်ဟော့၏ ထိုသို့သော အမူအရာမျိုးမှာ တကယ်ကို မြင်ရခဲလှသည်။ ယူဂျွန်ဟော့သည် မျက်နှာတစ်ခုလုံး ဖြူဖျော့သွားပြီး နဖူးတွင်လည်း ချွေးစက်များ စို့လာခဲ့သည်။</p> <p>"လုံးဝ မဖြစ်နိုင်ဘူး"</p> <p>"ဘာလို့လဲ"</p> <p>"ငါ မရဘူးလို့ ပြောရင် မရဘူး။ အဲဒီလူကတော့ လုံးဝကို...မရဘူး"</p> <p>ကျနော်သည် ‘Ways of Survival’ ကို ဖတ်ထားသူဖြစ်ရာ ယူဂျွန်ဟော့ ဘာကြောင့် ဤသို့ ပြုမူနေသည်ကို သေချာပေါက် သိနေသည်။ သို့သော်လည်း မတတ်နိုင်ပေ။ ယခုတစ်ကြိမ်တွင်မူ ကျနော့်၏ အစီအစဉ်အတိုင်းသာ လှုပ်ရှားရမည် ဖြစ်သည်။</p> <p>"မဟုတ်ဘူး။ ငါတို့ သွားမှဖြစ်မယ်။ ငါ လက်မှတ်လည်း ရထားပြီးပြီ"</p> <p>ဘီယူသည် လေထဲတွင် ဝဲပျံရင်း အသံပြုလိုက်သည်။</p> <p>[ဘတ်]</p> <p>နောက်ဆက်တွဲအနေဖြင့် ဇာတ်ဝင်ခန်းသစ် မက်ဆေ့ချ် ပေါ်လာခဲ့သည်။</p> <p>[ဇာတ်ဝင်ခန်းခွဲအသစ်တစ်ခု ရောက်ရှိလာပါပြီ။]</p> <p>ပထမဆုံး သိုင်းလောကမှာ လူအများ အဝင်အထွက် အလွန်များသော ဇာတ်ဝင်ခန်း နယ်မြေတစ်ခု ဖြစ်သဖြင့် ဒိုကဲဘီ အိတ်ထဲမှ ကူးပြောင်းမုခ်ဝ လက်မှတ်များကို ဝယ်ယူ၍ ရနိုင်သည်။ ဒင်္ဂါး ၅၀,၀၀၀ ခန့် ကျသင့်မည် ဖြစ်သော်လည်း အားသာချက်မှာ မိမိအလိုရှိသလို အဝင်အထွက် ပြုလုပ်နိုင်ခြင်းပင်။</p> <p>"ယူဂျွန်ဟော့၊ သေသေချာချာ စဉ်းစားကြည့်ပါဦး။ ကောင်းကင်ဖြိုခွင်းဓါး သူတော်စင် တစ်ယောက်တည်းတင် မဟုတ်ဘူး။ အဲဒီမှာ မင်းအတွက် အသုံးဝင်မယ့် အရာတွေ အများကြီး ရနိုင်တယ်လေ"</p> <p>ပထမဆုံး သိုင်းလောကဆိုသည်မှာ အဆင့် ၂၀ မှ အဆင့် ၄၀ အတွင်းရှိ ဇာတ်ဝင်ခန်းများမှ သိုင်းပညာရှင် အမျိုးမျိုး စုဝေးရာ နေရာဖြစ်သည်။ အကယ်၍ ယခုအချိန်တွင် သွားမည်ဆိုပါက သတင်းအချက်အလက်များနှင့် လျှို့ဝှက်ချက် အမြောက်အမြားကို သေချာပေါက် ရရှိနိုင်ပေလိမ့်မည်။</p> <p>ယူဂျွန်ဟော့သည် အတော်ကြာ စဉ်းစားနေပြီးမှ မေးလာသည်။</p> <p>"မင်း ဘယ်တော့ သွားမှာလဲ"</p> <p>ကျနော် ပြုံးကာ ပြန်ဖြေလိုက်သည်။</p> <p>"အခုချက်ချင်းသွားမယ်"</p> <p> </p> <p> </p> <p style="text-align:center">***</p>


Save