Book List

<h2 style="text-align: center;">အခန်း ၃၀၂</h2> <h2 style="text-align: center;">အရိပ်အမြွက်ကိုပင် နားမလည်ကြခြင်း</h2> <h2 style="text-align: center;">*</h2> <p> </p> <p> </p> <p>အလောင်းကောင်ဘုရင်သုံးပါး၏ နောက်မှလိုက်ပါ၍ ခန်းမဆောင်အတွင်းသို့ ဝင်ရောက်လာကြသောအခါ အားလုံးမှာ ဘိုးဘေးကြီးကျန်းကို တွေ့မြင်လိုက်ကြရသည်။ လတ်ဆတ်သောပန်းမန်များ ဝန်းရံထားသည့်အလယ်တွင် ခန့်ညားစွာထိုင်နေ၏။ ဂိုဏ်းချုပ်ယွမ်ကျိမှာ ခဏမျှမှင်သက်သွားပြီးနောက် စိတ်ပျက်သွားရတော့သည်။</p> <p>ဘိုးဘေးကြီးသည် အလောင်းကောင်ပုပ်နံ့ကို သည်းမခံနိုင်သဖြင့် ပန်းနံ့များဖြင့်ဖုံးအုပ်ရန်ကြိုးပမ်းနေခြင်းမှာ အလွန်သိသာလွန်း၏။ ၎င်းသည် ဧည့်သည်များကို စော်ကားနေခြင်းပင်။ အမှန်စင်စစ် အင်မော်တယ်ဘုရင်အဆင့်ရှိသော ထိုသုံးဦးထံမှ မနှစ်မြို့ဖွယ်အနံ့အသက်ဆိုးများ ထွက်ပေါ်နေခြင်းမရှိဘဲ သင်းပျံ့သောရနံ့ထွက်ပေါ်နေသည်။</p> <p>ပရိသတ်များမှာ စိုးရိမ်တကြီးစောင့်ကြည့်နေစဉ် အလောင်းကောင်ဘုရင်သုံးပါးမှာ ၎င်းတို့၏ထုံးစံအတိုင်း အသက်မဲ့သောအမူအရာများကို ပယ်ဖျောက်လိုက်ပြီး ရှေ့သို့အတူတကွလှမ်းလိုက်ကြပြီးနောက် ကျန်းချန်ကို အလေးအနက်ဂါရဝပြုလိုက်ကြလေသည်။</p> <p>“ဂိုဏ်းချုပ်ကျန်း... ခင်ဗျား တကယ်ရှိနေတာပဲ”</p> <p>“ကျွန်တော်တို့ လာရောက်ဂါရဝပြုပါတယ်”</p> <p>ခန်းမတစ်ခုလုံး အံ့ဩကုန်ကြ၏။ အလောင်းကောင်ဘုရင်သုံးပါးမှာ ဒေါသမထွက်သည့်အပြင် ဘိုးဘေးကြီးအား ရိုသေစွာဦးညွှတ်နေကြသည် မဟုတ်ပါလော။ အင်မော်တယ်ဘုရင်အဆင့်ရှိသော ကျိယွင်၊ ရှောင်ခွန်းနှင့် အခြားသူများက ဘိုးဘေးကြီးအား ဒူးထောက်ခဲ့ကြသည်ဟူသောသတင်းကို ကြားဖူးခဲ့သော်လည်း ယခုကဲ့သို့ ကိုယ်တိုင်မြင်တွေ့ရခြင်းမှာ အလွန်တုန်လှုပ်စေသည်။</p> <p>ဤပုဂ္ဂိုလ်သုံးဦးသည်လည်း အတိတ်က ဘိုးဘေးကြီး၏ လက်အောက်ခံများ ဖြစ်ခဲ့ကြဖူးသလော။ ရိုးရိုးမိတ်ဆွေ သို့မဟုတ် ရန်သူများမဟုတ်ဘဲ အမှန်တကယ်ပင် သစ္စာခံများဖြစ်နေခြင်းမှာ အံ့ဩဖွယ်ရာပင်။</p> <p>မြို့စားမင်းကျန်းက သေသေချာချာအာရုံခံကြည့်သောအခါ အနံ့အသက်ဆိုးများမရှိသည်ကို တွေ့ရှိရသဖြင့် ကျေနပ်သွားကာ ပြုံးလျက်ထူမပေးလိုက်သည်။</p> <p>“ဟားဟား... မတွေ့ရတာကြာပြီပဲ။ မင်းတို့ ငါ့ကို ဘယ်လိုရှာတွေ့တာလဲ”</p> <p>အလောင်းကောင်ဘုရင်ကျန့်ယန်က အလျင်အမြန်ပြန်ဖြေလိုက်သည်။</p> <p>“ကျွန်တော်တို့ အရှင့်ရဲ့ သတင်းကိုကြားခဲ့ရလို့ပါ။ ကျိယွင်၊ ရှောင်ခွန်းနဲ့ ချာလီတို့ လာရောက်ဂါရဝပြုခဲ့ကြတယ်ဆိုတာ သိလိုက်ရကတည်းက အရှင်ပြန်လည်ပေါ်ထွက်လာပြီဆိုတာ ကျွန်တော်တို့ခန့်မှန်းမိပါတယ်”</p> <p>ယင်ရှာကလည်း...</p> <p>“အရှင့်ရဲ့ဒဏ်ရာကုသမှုက အရမ်းကြာမြင့်နေခဲ့တာကြောင့် အရှင်ပြန်မလာတော့ဘူးလို့ ကျွန်တော်တို့ စိုးရိမ်နေခဲ့တာပါ။ ဒီနှစ်တွေအတွင်းမှာ ကျွန်တော်တို့ အရှင့်ကို ပြန်လည်အသက်သွင်းနိုင်ဖို့နဲ့ အရှင် ကျွန်တော်တို့ကို ပြန်လည်ဦးဆောင်နိုင်ဖို့အတွက် အင်မော်တယ်ဂူသင်္ချိုင်း အမြောက်အမြားကို တိတ်တဆိတ်ရှာဖွေခဲ့ကြပါတယ်”</p> <p>၎င်းတို့၏မျက်နှာထားမှာ အေးစက်နေသော်လည်း ပြောဆိုလိုက်သည့်စကားများမှာ ယွမ်ကျိနှင့် အခြားသူများအတွက် အလွန်သိသာစေသည်။ ၎င်းတို့မှာ သာမန်လက်အောက်ခံများမဟုတ်ဘဲ ဘိုးဘေးကြီးအပေါ် အလွန်အမင်းသစ္စာရှိကြသည့် ကိုယ်ရံတော်များပင်။ ၎င်းတို့၏သစ္စာရှိမှုကို မြင်တွေ့ရသူတိုင်းမှာ စိတ်လှုပ်ရှားရ၏။</p> <p>ကျန်းချန်ကမူ စိတ်ထဲမှတွေးတောနေမိသည်။</p> <p>မင်းတို့ ငါ့ကိုအထင်သေးလွန်းနေပြီ၊ မင်းတို့ရဲ့ အသက်သွင်းနည်းက လူတွေကို အလောင်းကောင်ရုပ်သေးဖြစ်အောင်လုပ်တာပဲ၊ ငါ့ကိုတော့ အဲဒီလိုမလုပ်ပါနဲ့ဦး...</p> <p>“ဒီနှစ်တွေအတွင်းမှာ မင်းတို့ ဘယ်လိုတွေဖြတ်သန်းခဲ့ကြလဲ၊ တခြားသူတွေရော ဘယ်မှာလဲ”</p> <p>ကျန့်ယန်က ပြန်ဖြေ၏။</p> <p>“တခြားသူတွေနဲ့တော့ အဆက်အသွယ်မရခဲ့ပါဘူး။ အလယ်အင်မော်တယ်လောကမှာ ကျန်နေခဲ့တဲ့သူက အလွန်နည်းပါတယ်”</p> <p> </p> <p>“အခု အရှင်ပြန်လည်ထွက်ပေါ်လာပြီဆိုတော့ ကျွန်တော်တို့မှာ ခေါင်းဆောင်ပြန်ရှိလာပါပြီ။ ကျွန်တော်တို့ နယ်မြေတွေကိုချဲ့ထွင်ပြီး အထက်အင်မော်တယ်လောကကိုတောင် ကျူးကျော်တိုက်ခိုက်လို့ရပါပြီ”</p> <p>ထိုစကားကြောင့် အကြီးအကဲများမှာ ချွေးစေးများထွက်လာကြရသည်။ အလောင်းကောင်မျိုးနွယ်စုက နယ်မြေချဲ့ထွင်ရန်ကြံစည်နေခြင်းမှာ သွေးချောင်းစီးမည့်တိုက်ပွဲကြီးများကို ဆိုလိုခြင်းပင်။ ၎င်းတို့က ဘိုးဘေးကြီးအား ခေါင်းဆောင်အဖြစ် တင်မြှောက်ချင်နေကြသည် မဟုတ်ပါလော။</p> <p>“နေဦး... နေဦး”</p> <p>မြို့စားမင်းကျန်းက အလျင်အမြန် လက်ဝှေ့ယမ်း၍ တားမြစ်လိုက်သည်။</p> <p>“မင်းတို့မှားနေပြီ၊ ငါဘယ်တုန်းက မင်းတို့ကိုဦးဆောင်မယ်လို့ ပြောခဲ့လို့လဲ။ ဒါကမဖြစ်နိုင်ဘူး၊ မင်းတို့ အေးအေးဆေးဆေးပဲ နေကြစမ်းပါ”</p> <p>သူသည် သက်ရှိများကိုသာနှစ်သက်သူဖြစ်ရာ ကမ္ဘာကြီးတစ်ခုလုံး အလောင်းကောင်များဖြင့် ပြည့်နှက်သွားမည်ကို မလိုလားပေ။ ဂိုဏ်းချုပ်ယွမ်ကျိနှင့် အခြားသူများမှာလည်း ဘိုးဘေးကြီး စိတ်မှန်နေသေးသည့်အတွက် သက်ပြင်းချနိုင်တော့သည်။</p> <p>သို့သော် အလောင်းကောင်ဘုရင်များက ဆက်လက်တောင်းဆိုကြသည်။</p> <p>“အကယ်၍ အလောင်းကောင်မျိုးနွယ်စုသာ ကြီးထွားလာမယ်ဆိုရင် တစ်နေ့မှာ ဟိုရန်သူတွေကို တုံ့ပြန်နိုင်ပါလိမ့်မယ်။ အတိတ်က သူတို့က အကြိမ်ကြိမ်သုတ်သင်ဖို့ကြိုးစားခဲ့တာကို အရှင်ကလဲ့စားမချေချင်ဘူးလား။ ကျွန်တော်တို့ ဒီနှစ်တွေမှာ အရှင့်ရဲ့အမိန့်ကိုစောင့်ရင်း အင်အားစုဆောင်းနေခဲ့တာပါ...”</p> <p>“တော်ပြီ... တော်ပြီ”</p> <p>မြို့စားမင်းကျန်းက စကားဖြတ်လိုက်၏။ အခြားသူများ နားမလည်နိုင်သော်လည်း ရန်သူများဆိုသည်မှာ အထက်လောကမှ အင်မော်တယ်ဧကရာဇ်များနှင့် မိစ္ဆာဧကရာဇ်များကို ဆိုလိုခြင်းဖြစ်ကြောင်း သူသိသည်။ အတိတ်ကဖြစ်ရပ်များမှာ သွေးကြွေးများရှိခဲ့သော်လည်း ကျန်းချန်ကမူ စိတ်ထဲသိပ်မထားတော့ပေ။ ထိုရန်သူများကို နောင်တွင် အထက်လောကရောက်ရှိချိန်မှသာ ကိုင်တွယ်ဖြေရှင်းရန် ရည်ရွယ်ထားသည်။</p> <p>“ဒါက မင်းတို့တိုက်ရမယ့်တိုက်ပွဲမဟုတ်ဘူး၊ အချိန်တန်ရင် ငါကိုယ်တိုင်ဖြေရှင်းမယ်”</p> <p>အလောင်းကောင်ဘုရင်သုံးပါးမှာ တစ်ဦးကိုတစ်ဦးကြည့်လိုက်ကြပြီးနောက် လျှောက်ထားကြလေသည်။</p> <p>“အမိန့်အတိုင်းပါခင်ဗျာ၊ ဒါဆိုရင် အရှင့်နောက်ကိုလိုက်ပါပြီး အတူတူတိုက်ပွဲဝင်ခွင့်ပြုပါ”</p> <p>သူတို့သည် အေးစက်သောအမူအရာရှိသော်လည်း ဂိုဏ်းချုပ်ကျန်းနောက်လိုက်ခြင်းက အောင်မြင်မှုများရရှိစေမည်ကို သေချာသိရှိကြသည်။</p> <p>ဖေးရှန်ဂိုဏ်း၏အကြီးအကဲများ စိတ်လှုပ်ရှားကုန်၏။ အကယ်၍ အလောင်းကောင်ဘုရင်သုံးပါးနှင့် အလောင်းကောင်ရုပ်သေးတပ်မတော်သာ ဂိုဏ်း၏သစ္စာခံဖြစ်လာပါက ဖေးရှန်ဂိုဏ်းကို မည်သူကမှရန်ပြုဝံ့တော့မည်မဟုတ်။</p> <p>သို့ရာတွင် ကျန်းချန်က</p> <p>“မင်းတို့ ဘယ်လောက် စွမ်းဆောင်နိုင်မလဲဆိုတာပေါ်မှာပဲ မူတည်တယ်”</p> <p>ဟု ပြောဆိုလိုက်သောအခါ အားလုံးအံ့ဩသွားကြရသည်။</p> <p> </p> <p>အင်မော်တယ်ဘုရင်အဆင့်ရှိသူများက ကိုယ်တိုင်သစ္စာခံရန်ကမ်းလှမ်းသည်ကို ငြင်းပယ်နေခြင်းမှာ မယုံနိုင်စရာပင်။</p> <p>“ဘိုးဘေးကြီး... ဒါက...”</p> <p>အကြီးအကဲများမှာ ဒီလောက်အထိ ဟန်ဆောင်နေဖို့လိုလို့လားဟုပင် မေးခွန်းထုတ်ချင်နေကြသည်။ အကယ်၍ အင်မော်တယ်ဘုရင်များက စိတ်ဆိုးသွားပါက မည်သို့ဖြစ်မည်နည်း။ သို့သော် အလောင်းကောင်ဘုရင်များကမူ တစ်ပြိုင်နက်တည်း ပြန်လည်ဖြေကြားကြ၏။</p> <p>“ကျွန်တော်တို့ အကောင်းဆုံးစွမ်းဆောင်ပါ့မယ်”</p> <p>ဤကြောက်မက်ဖွယ်ရောင်းလှသော အလောင်းကောင်ဘုရင်များမှာ ဘိုးဘေးကြီး၏ရှေ့မှောက်တွင် တပည့်သစ်လေးများကဲ့သို့ ယဉ်ကျေးနေကြခြင်းမှာ အံ့ဩဖွယ်ရာပင်။ ကျန်းချန်ကမူ အရိပ်အမြွက်ကိုနားမလည်ကြသသည့် ထိုလူများကို စိတ်ပျက်နေ၏။ ထို့ကြောင့် သူက တိုက်ရိုက်ပြောလိုက်တော့သည်။</p> <p>“မင်းတို့ ဂိုဏ်းတွေအများကြီးကိုသုတ်သင်ခဲ့တယ်ဆိုတော့ တိုက်ပွဲဝင်ပစ္စည်းတွေ အများကြီးရှိရမယ်မဟုတ်လား”</p> <p>အလောင်းကောင်မျိုးနွယ်စုအတွက် အင်မော်တယ်ဆေးလုံးများနှင့် အင်မော်တယ်လက်နက် အများစုမှာ အသုံးမဝင်ချေ။ ထို့ကြောင့် ထိုပစ္စည်းများကို အလဟဿထားမည့်အစား ဂိုဏ်းချုပ်ကျန်းထံသို့ လွှဲပြောင်းပေးရန် အရိပ်အမြွက်ပြောကြားခြင်းဖြစ်သည်။ ယွမ်ကျိနှင့် ယွမ်ရှုတို့မှာ ဘိုးဘေးကြီးက ဤကဲ့သို့သော ပုဂ္ဂိုလ်ကြီးများထံမှ ပစ္စည်းများတောင်းခံနေခြင်းအပေါ် အလွန်အံ့အားသင့်သွားကြ၏။</p> <p>ထိုအခါမှသာ အလောင်းကောင်ဘုရင်သုံးပါးမှာ သဘောပေါက်သွားကြပြီး</p> <p>“ရှိပါတယ်... ရှိပါတယ်၊ ကျွန်တော်တို့ မေ့သွားလို့ပါ”</p> <p>ဟုဆိုကာ အင်မော်တယ်လက်နက်များ၊ မှော်ရတနာများနှင့် ဆေးပုလင်းအမြောက်အမြားကို ထုတ်ပေးလိုက်ကြလေသည်။ ၎င်းတို့ထဲတွင် အဆင့် ၆ နှင့် အဆင့် ၇ အင်မော်တယ်လက်နက်များပင် ပါဝင်နေသဖြင့် အားလုံးမှာမှင်သက်သွားကြရသည်။</p> <p>ကျန်းချန်အလွန်ကျေနပ်သွားပြီး ထိုပစ္စည်းအားလုံးကို ချက်ချင်းသိမ်းဆည်းလိုက်သည်။</p> <p>“ကောင်းတယ်... မင်းတို့က ကျိယွင်နဲ့ ရှောင်ခွန်းတို့ထက် အများကြီးပိုတော်ကြတယ်”</p> <p>ထိုသို့ချီးကျူးလိုက်သောအခါ အလောင်းကောင်ဘုရင်သုံးပါးမှာလည်း အလွန်ဂုဏ်ယူဝမ်းမြောက်သွားကြ၏။ ထိုအချိန်မှစ၍ ခန်းမတစ်ခုလုံးတွင် ပျော်ရွှင်ကြည်နူးဖွယ်အရှိန်အဝါများ လွှမ်းမိုးသွားလေတော့သည်။</p> <p> </p> <p> </p> <p style="text-align: center;">***</p>


Save