Book List

<h2 style="text-align: center;">အခန်း ၃၀၄</h2> <h2 style="text-align: center;">မိုးပြားနဂါးသွေးမျိုးဆက်</h2> <h2 style="text-align: center;">*</h2> <p> </p> <p> </p> <p>ကုချင်းယွဲ့မှာ စိတ်ဓာတ်များပင် ပြိုလဲလုနီးပါးဖြစ်သွား၏။ သူမတစ်သက်တာတွင် ကိုယ့်ကိုယ်ကို ဤမျှအထိအမွမ်းတင်လွန်းသောပုဂ္ဂိုလ်မျိုးနှင့် တစ်ကြိမ်တစ်ခါမျှမကြုံဖူးချေ။ သူမအား အစေခံမလေးနှစ်ဦးဖြစ်သော စုယဲ့၊ စုမန်တို့နှင့် နှိုင်းယှဉ်ရခြင်းကို လုံးဝနားမလည်နိုင်ဘဲဖြစ်နေသည်။ အစွမ်းနှင့် ပါရမီကို အသာထား၍ ရုပ်ရည်ပိုင်းအရဆိုလျှင် သူမက အဆပေါင်းများစွာ သာလွန်နေသည် မဟုတ်ပါလော။ ရှုံးနိမ့်မှု၏ခံစားချက်မှာ သူမအပေါ် အကြီးအကျယ် လွှမ်းမိုးသွားလေ၏။</p> <p>ထွက်ခွာသွားသော သူမ၏ကျောပြင်ကိုကြည့်ရင်း အစ်ကိုကြီးချန်က ကျယ်လောင်စွာ ရယ်မောလိုက်သည်။ စနစ်တွင် စိတ်အတွင်းအကြံအစည်ကို သိမြင်နိုင်သောစွမ်းရည် မရှိသေးသော်လည်း ဤမိန်းကလေးက သူ့အပေါ် မည်သို့သဘောထားသည်ကို သူကောင်းစွာသိရှိသည်။</p> <p>သို့ရာတွင် မိမိကိုမုန်းတီးနေသော မိန်းကလေးတစ်ဦးက ချစ်ခင်မြတ်နိုးဟန်ဆောင်နေရခြင်းကို ကြည့်ရသည်မှာ သာမန်မြှောက်ပင့်ဖားယားခြင်းကို ခံရသည်ထက်ပို၍ စိတ်ကျေနပ်မှုပေးစွမ်းနိုင်၏။ သူမသည် ဇွဲကောင်းသူတစ်ဦးဖြစ်ရာ အလွယ်တကူ အရှုံးပေးလိမ့်မည်မဟုတ်ကြောင်းလည်း သိရှိနေသဖြင့် နောက်တစ်ကြိမ်ဆုံတွေ့ရမည့်အချိန်ကိုပင် မျှော်လင့်နေမိသည်။</p> <p>ကုချင်းယွဲ့ထွက်သွားပြီးနောက် ကျန်သောကုသိုလ်အမှတ် ၁၁၀,၀၀၀ ကို ကြည့်ရှုကာ လဲလှယ်ရေးကဏ္ဍကို ထပ်မံဖွင့်လှစ်လိုက်သည်။ အင်မော်တယ်ဘုရင်(Immortal King) အဆင့်သို့ တက်လှမ်းရန်အတွက် အဓိကနိယာမ (Main Rule) အားလုံးမှာ ပြည့်စုံမှုအဆင့် (Perfection) သို့ ရောက်ရှိရမည် ဖြစ်သည်။ နိယာမဆယ်ခုကို မြှင့်တင်ပေးနိုင်သော အဆင့် ၅ နိယာမအပိုင်းအစတစ်ခု၏ တန်ဖိုးမှာ ကုသိုလ်အမှတ် ၃,၀၀၀ ရှိလေသည်။</p> <p>“ဈေးကြီးလိုက်တာ၊ ကျင့်ကြံရတာ တကယ်ခက်ခဲပါလား၊ ဘယ်အရာမှ အလကားမရနိုင်ဘူး”</p> <p>အကယ်၍ ဤတစ်ကြိမ်တွင် အလောင်းကောင်ဘုရင်သုံးပါးထံမှ ပစ္စည်းများမရရှိခဲ့ပါက နှစ်ပေါင်းများစွာ စောင့်ဆိုင်းရပေလိမ့်မည်။ သူသည် အပိုင်းအစ ၃၀ ကို လဲလှယ်လိုက်ပြီး အဓိကနိယာမ ၃၀၀ ကို ပြည့်စုံမှုအဆင့်သို့ တစ်ပြိုင်နက်မြှင့်တင်လိုက်သည်။</p> <p>စနစ်အတွင်းရှိ ရတနာအမြောက်အမြားကိုကြည့်ရှုနေစဉ် သူ၏အကြည့်မှာ မိုးပြာနဂါးသွေးအဆီအနှစ်သို့ ရောက်ရှိသွားသည်။ ယခုအခါ ရရှိထားသော အဆီအနှစ်သွေးတစ်စက်မှာ ၎င်း၏အဆင့်အတန်းအတွက် အကျိုးကျေးဇူးနည်းပါးလာပြီဖြစ်ပြီး ၎င်း၏ဖိအားမှာလည်း အင်မော်တယ်များအပေါ် သက်ရောက်မှုမရှိသလောက်ဖြစ်နေလေပြီ။</p> <p>နောက်ထပ်အစက်အနည်းငယ်လောက် ထပ်ယူရမယ်</p> <p>ဈေးနှုန်းကိုစစ်ဆေးကြည့်သောအခါ မိုးပြာနဂါးသွေးအဆီအနှစ်တစ်စက်လျှင် ကုသိုလ်အမှတ် ၁ မှတ်သာ ကျသင့်လေသည်။ သူသည် သွေးအဆီအနှစ် ၁၀ စက်ကို အလျင်အမြန်လဲလှယ်လိုက်ပြီး တွန့်ဆုတ်နေခြင်းမရှိဘဲ ပေါင်းစပ်ရန်ရွေးချယ်လိုက်သည်။ ယခင်က ပေါင်းစပ်မှုကြောင့် သူသေဆုံးခဲ့ရဖူးသော်လည်း ယခုတစ်ကြိမ်တွင်မူ ယားယံသည့်ခံစားချက်လေးမျှသာရှိပြီး ထူးခြားမှုမရှိချေ။</p> <p>ယခုအခါ သူ၏ခန္ဓာကိုယ်မှာ အင်မော်တယ်နှင့် မိစ္ဆာနှစ်မျိုးလုံး၏ ဂုဏ်သတ္တိများရှိကာ ခံနိုင်ရည်အလွန်မြင့်မားနေသည့်အပြင် ယခင်ကလည်း ပေါင်းစပ်ဖူးသဖြင့် သူ၏ခန္ဓာကိုယ်မှာ အသားကျနေပြီဖြစ်သည်။</p> <p>သွေးအဆီအနှစ် ၁၀ စက်ကို အောင်မြင်စွာပေါင်းစပ်ပြီးနောက် စနစ်မှအကြောင်းကြားချက်တစ်ခု ပေါ်လာသည်။</p> <p>“လက်ခံသူ၏ မိုးပြားနဂါးသွေးမျိုးဆက်မှာ အဆင့် ၂ သို့ ရောက်ရှိသွားပါပြီ။ မိုးပြာနဂါးဖိအားနှင့် တိမ်တိုက်လေပြေခြေလှမ်းတို့မှာ အဆင့် ၂ သို့ မြင့်တက်သွားပါသည်။”</p> <p>မိုးပြာနဂါးမျိုးနွယ်စု၏ ပင်ကိုယ်လျှို့ဝှက်စွမ်းရည်နှစ်ခုကိုလည်း ထပ်မံရရှိခဲ့သည်။ တစ်ခုမှာ တိုက်ခိုက်မှုစွမ်းအားကို ချက်ချင်း ၅၀ ရာခိုင်နှုန်း မြှင့်တင်ပေးသော မိုးပြာနဂါးလျှပ်စီးရိုက်ချက်ဖြစ်ပြီး သွေးမျိုးဆက်အဆင့်မြင့်လာသည်နှင့်အမျှ ပိုမိုအားကောင်းလာမည်ဖြစ်သော်လည်း တစ်ကြိမ်တိုက်ခိုက်ပြီးလျှင် အသုံးပြုသူမှာ အားအင်ကုန်ခမ်းသွားမည်။ အခြားတစ်ခုမှာ ပျံသန်းနှုန်းကိုနှစ်ဆမြှင့်တင်ပေးသော ပုန်းနေသောနဂါးတောင်ပံဖြစ်သည်။</p> <p>အဆင့် ၂ မျိုးဆက်သွေးလောက်နဲ့ ငါ့ရဲ့အဆင့်အတန်းနဲ့ ဘယ်လိုမှမတန်ဘူး</p> <p> </p> <p>လက်ဝယ်တွင် ကုသိုလ်အမှတ် သောင်းဂဏန်းရှိနေသဖြင့် ၁ မှတ်တန်ပစ္စည်းများကို ဝယ်ယူခြင်းမှာ သူ့အတွက်ဘာမျှမဟုတ်ချေ။ သူသည် အစက် ၁၀၀ ပြည့်သည်အထိ ဆက်လက်ပေါင်းစပ်ခဲ့ရာ မိုးပြားနဂါးသွေးမျိုးဆက်မှာ အဆင့် ၃ သို့ ရောက်ရှိသွားပြီး လျှို့ဝှက်စွမ်းရည်သုံးခု ထပ်မံရရှိခဲ့သည်။</p> <p>အစ်ကိုကြီးချန်မှာ ထိုစွမ်းရည်များကို လေ့လာမနေတော့ဘဲ အစက် ၁,၀၀၀ အထိ ဆက်လက်ပေါင်းစပ်ခဲ့ရာ အဆင့် ၄ သို့ ရောက်ရှိသွား၏။</p> <p>ဘာလို့ အဆုံးအထိမရောက်သေးတာလဲ၊ ဒီမျိုးဆက်သွေးကိုမြှင့်တင်ရတာ တကယ်ခက်ခဲပါလား</p> <p>သူသည် အလွန်လောဘကြီးနေခြင်းဖြစ်သည်။ စစ်မှန်သော မိုးပြာနဂါးမျိုးနွယ်စုဝင်များကြားတွင်ပင် အဆင့် ၄ သို့ရောက်ရှိသူ အလွန်နည်းပါးလှသည်။ နှစ်သန်းပေါင်းများစွာကျင့်ကြံခဲ့သည့် နဂါးမျိုးနွယ်စု ထိပ်သီးအနည်းငယ်သာလျှင် ဤအဆင့်သို့ရောက်ရှိနိုင်သည်။</p> <p>ငါတော့မယုံနိုင်ဘူး</p> <p>သူသည် တစ်ကြိမ်လျှင် အစက် ၁,၀၀၀ စီဖြင့် အစက် ၁၀,၀၀၀ အထိ ပေါင်းစပ်လိုက်သောအခါ စနစ်မှ အကြောင်းကြားလာပြန်သည်။</p> <p>“လက်ခံသူ၏ မိုးပြားနဂါးသွေးမျိုးဆက်မှာ ပြည့်စုံမှုအဆင့်သို့ ရောက်ရှိသွားပါပြီ။ မိုးပြာနဂါးစစ်မှန်သောခန္ဓာကိုရရှိခဲ့ပြီး မိုးပြာနဂါးမျိုးနွယ်စု၏ ပင်ကိုယ်လျှို့ဝှက်စွမ်းရည်အားလုံး အဆင့် ၅ သို့ ရောက်ရှိသွားသည်”</p> <p>ပါရမီကဏ္ဍကိုဖွင့်ကြည့်လိုက်သောအခါ လျှို့ဝှက်စွမ်းရည်အားလုံး၏အာနိသင်များ မြင့်တက်သွားကြောင်းတွေ့ရ၏။ ဥပမာအားဖြင့် မိုးပြာနဂါးလျှပ်စီးရိုက်ချက်မှာ တိုက်ခိုက်မှုစွမ်းအားကို နှစ်ဆတိုးလာစေသည်။ သူကျေနပ်စွာပြုံးလိုက်၏။</p> <p>ဒါကိုသာ ၁၀ ဆ တိုက်ခိုက်မှုနဲ့ပေါင်းလိုက်ရင် ပျက်စီးမှုအားက အတိုင်းအထက်အလွန် ဖြစ်မနေဘူးလား...</p> <p>မိုးပြာနဂါးစစ်မှန်သောခန္ဓာနှင့်ပတ်သက်၍ သူသည် စစ်မှန်သောမိုးပြာနဂါးကြီးတစ်ကောင်အဖြစ် အသွင်ပြောင်းလဲနိုင်ကြောင်း စနစ်ကဖော်ပြထား၏။ ၎င်းမှာ ယခင်က ရုပ်ဖျက်အတတ်နှင့် လုံးဝကွာခြားသည်။</p> <p>ရုပ်ဖျက်ခြင်းမှာ အပြင်ပန်းကိုသာ ပြောင်းလဲနိုင်သော်လည်း မိုးပြာနဂါးအသွင်သို့ ပြောင်းလဲချိန်တွင် မိုးပြာနဂါးမျိုးနွယ်စု၏ လျှို့ဝှက်စွမ်းရည်အားလုံးမှာ အာနိသင်နှစ်ဆတိုးလာမည်။ ထိုအခါ၌ မိုးပြာနဂါးဖိအားမှာ မိုးပြာနဂါးဘိုးဘေးကြီး၏အဆင့်သို့ ရောက်ရှိမည်ဖြစ်ပြီး မိုးပြာနဂါးလျှပ်စီးရိုက်ချက်မှာ တိုက်ခိုက်အားသုံးဆ၊ ပုန်ကွယ်နေသောနဂါးတောင်ပံမှာ အမြန်နှုန်းငါးဆအထိ တိုးတက်လာမည်ဖြစ်သည်။</p> <p>သူသည် စမ်းသပ်ကြည့်ရန်အတွက် ကောင်းကင်ယံသို့ပျံတက်ကာ မိုးပြာနဂါးကြီးအဖြစ် အသွင်ပြောင်းလိုက်သည်။ ချက်ချင်းပင် မိုင်ပေါင်းများစွာရှည်လျားသော နဂါးကြီး၏ခန္ဓာကိုယ်မှာ ကောင်းကင်တစ်ခုလုံးဖုံးလွှမ်းသွားပြီး တောက်ပလှသောအလင်းရောင်ကြောင့် တိုက်ရိုက်ကြည့်ရန်ပင်မဖြစ်နိုင်ချေ။ ၎င်း၏ဖိအားကို အပြည့်အဝထုတ်လွှတ်လိုက်သောအခါ ပတ်ဝန်းကျင်ရှိတိမ်တိုက်များ ချက်ချင်းပင်ပျက်စီးသွားပြီး ဝိညာဉ်စွမ်းအင်စီးဆင်းမှုများမှာလည်း ကမောက်ကမဖြစ်ကုန်သည်။ အကယ်၍ အောက်လောကမှ ကျင့်ကြံသူတစ်ဦးသာ ဘေးတွင်ရှိနေပါက ထိုဖိအားကိုမခံနိုင်ဘဲ ခန္ဓာကိုယ်ပေါက်ကွဲသေဆုံးသွားပေလိမ့်မည်။</p> <p>အောက်ဘက်ရှိ ဖေးရှန်ဂိုဏ်း၏ ကာကွယ်ရေးစနစ်မှာလည်း အလိုအလျောက်ပွင့်လာပြီး ထိုကြောက်မက်ဖွယ်ကောင်းသောဖိအားကို အသည်းအသန်ခုခံနေရသည်။ ကာကွယ်ရေးစနစ်မရှိသော ပတ်ဝန်းကျင်တောင်ထိပ်များမှာမူ စတင်ပြိုကျပျက်စီးလာ၏။ ဂိုဏ်းအတွင်းရှိ အကြီးအကဲများမှာ ထိတ်လန့်တုန်လှုပ်နေကြပြီး တပည့်များမှာလည်း ဖိအားကြောင့် မြေပြင်ပေါ်သို့ ဝပ်စင်းနေကြရသည်။</p> <p>ဘယ်သူလဲ၊ နဂါးမျိုးနွယ်စုက ဘာလို့ဒီကိုရောက်လာတာလဲ...</p> <p>အလောင်းကောင်ဘုရင်သုံးပါးမှာလည်း အန္တရာယ်ကိုအာရုံခံမိသဖြင့် ကောင်းကင်သို့ပျံတက်လာ၏။ အစ်ကိုကြီးချန်မှာ ၎င်း၏စွမ်းရည်ကို ပြန်လည်ရုပ်သိမ်းလိုက်ပြီး ကိုယ်ပျောက်အတတ်ဖြင့် မူလနေရာသို့ပြန်လာခဲ့သည်။</p> <p>ခေတ္တမျှပျော်ရွှင်ပြီးနောက် စနစ်အတွင်းရှိ အခြားသော မျိုးဆက်သွေးပေါင်းတစ်ထောင်ကျော်ကို ကြည့်ရှုကာ သက်ပြင်းချလိုက်မိသည်။ တစ်ခုချင်းစီကို အဆုံးအထိမြှင့်တင်ရန်မှာ ကုသိုလ်အမှတ် တစ်သောင်းစီကုန်ကျမည်။ ထို့နောက် သူအလိုချင်ဆုံးဖြစ်သော စစ်သည်တော်သူရဲကောင်းဝိညာဉ်ကို ကြည့်လိုက်၏။ ၎င်းမှာ အောက်လောကတွင် ချီရီဂိုဏ်းကို သုတ်သင်စဉ်က သူခေတ္တအသုံးပြုခဲ့ဖူးသော အထွတ်အထိပ်ဝိညာဉ်ဖြစ်ပြီး တိုက်ခိုက်မှုအား အဆ ၅၀ နှင့် ကာကွယ်မှုအား ၁၀ ဆ မြှင့်တင်ပေးသည်။</p> <p>အကယ်၍ ဤဝိညာဉ်ကို ထာဝရပိုင်ဆိုင်နိုင်ပါက သူသည် အင်မော်တယ်ဘုရင်၏ အင်မော်တယ်နယ်ပယ်ကိုပင် လျစ်လျူရှုကာ အင်အားသက်သက်ဖြင့် ချေမှုန်းနိုင်မည်ဖြစ်သည်။ စနစ်အတွင်းရှိ ဤဝိညာဉ်၏ဖော်ပြချက်မှာ တစ်ခုတည်းသော အနှိုင်းမဲ့ဝိညာဉ်ဖြစ်ပြီး တန်ဖိုးမှာ ကုသိုလ်အမှတ် သန်းတစ်ထောင် (၁ ဘီလီယံ) ဖြစ်လေသည်။</p> <p>စနစ်... မင်းငါ့ကို ဒီအတိုင်းပဲ ဓားပြတိုက်လိုက်ပါတော့လား...</p> <p>ယခင်က ကံစမ်းမဲနှိုက်၍ရခဲ့ဖူးသည်နှင့်နှိုင်းယှဉ်ပါက ဤဈေးနှုန်းမှာ ကောင်းကင်နှင့် မြေကြီးကဲ့သို့ ကွာခြားလှသည်။ လောလောဆယ်တွင် ကြည့်ရုံမျှသာတတ်နိုင်သေးသည်။ နောက်တစ်နေ့တွင် ယွမ်ရှန့်နှင့် ယွမ်ရှုတို့ အပြေးအလွှားရောက်ရှိလာကြ၏။</p> <p>“ဘိုးဘေးကြီး... ငွေရောင်အကြေးခွံနယ်မြေက အင်မော်တယ်ဘုရင်မင်ချီနဲ့ မိုးပြာနဂါးမီးတောက်နယ်မြေက အင်မော်တယ်ဘုရင်လျိုယွမ်တို့ အတူတူရောက်လာပြီး ဘိုးဘေးကြီးကို တွေ့ဆုံခွင့်တောင်းခံနေပါတယ်”</p> <p>ယခုတစ်ကြိမ်တွင် အကြီးအကဲနှစ်ဦးမှာ ယခင်ကထက် ပိုမိုတည်ငြိမ်နေကြသည်။ အဘယ်ကြောင့်ဆိုသော် ယမန်နေ့က အလောင်းကောင်ဘုရင်သုံးပါးပင် ရိုသေခဲ့ကြသဖြင့် ဤပုဂ္ဂိုလ်နှစ်ဦးမှာလည်း ဘိုးဘေးကြီး၏ မိတ်ဆွေဟောင်းများသာဖြစ်လိမ့်မည်ဟု ယူဆထားကြ၏။ ထို့ပြင် ဤအင်မော်တယ်ဘုရင်နှစ်ပါးမှာ အလယ်အင်မော်တယ်လောကတွင် လက်နက်သန့်စင်ခြင်းနှင့် ဆေးဖော်စပ်ခြင်းပညာရပ်တို့၌ ထိပ်သီးပညာရှင်ကြီးများအဖြစ် ကျော်ကြားသူများဖြစ်ကြသည်။</p> <p>အစ်ကိုကြီးချန်မှာ ထိုသူတို့ မည်သူမည်ဝါဖြစ်ကြောင်းကို စဉ်းစား၍မရသော်လည်း အတိတ်က သူသတိမထားမိခဲ့သည့် သူတော်စင်များဖြစ်နိုင်သည်ဟုယူဆကာ ပြောလိုက်သည်။</p> <p>“ကောင်းပြီ... သူတို့ကို ဝင်လာခိုင်းလိုက်ပါ”</p> <p> </p> <p> </p> <p style="text-align: center;">***</p>


Save