Book List

<h2 style="text-align: center;">အခန်း ၃၀၉</h2> <h2 style="text-align: center;">သမိုင်းဝင် အစပျိုးမှုတစ်ရပ်</h2> <h2 style="text-align: center;">*</h2> <p> </p> <p> </p> <p>အစ်ကိုကြီးချန်သည် ယခုမှ တိတ်တဆိတ်သက်ပြင်းချနိုင်တော့သည်။ အစောပိုင်းက အင်မော်တယ်ဘုရင်မင်ချီက တစ်စုံတစ်ခုမှားယွင်းနေသည်ဟုဆိုစဉ်က သူသည် စနစ်တွင် ချို့ယွင်းချက်ရှိနေသည်ဟု ထင်မှတ်ခဲ့၏။ အမှန်စင်စစ် အရည်အသွေးမှာ အဆင့်အတန်းမြင့်မားလွန်းနေခြင်းသာ။</p> <p>စနစ်ကသန့်စင်ပေးလိုက်သော လက်နက်များသည် လက်ရှိရရှိထားသော ကုန်ကြမ်းပစ္စည်းများဖြင့်ရရှိနိုင်မည့် အကောင်းဆုံးသောရလဒ်များသာ ဖြစ်ပေလိမ့်မည်။ သို့ရာတွင် အခြားသူများအဖို့မူ ထိုအချက်ကို သာမန်ကိစ္စဟုသတ်မှတ်ရန်ခက်ခဲ၏။ မည်သည့် အထောက်အကူပြုပစ္စည်းကိုမျှအသုံးမပြုဘဲ ခဏချင်းအတွင်း အဆင့် ၇ အထွတ်အထိပ် အရည်အသွေးရှိသောလက်နက်ကို တိုက်ရိုက်ဖန်တီးလိုက်ခြင်းမှာ လူသားတို့တတ်စွမ်းနိုင်သော အရာလော။</p> <p>“ဒါက တကယ့်ကိုအံ့ဖွယ်ကိစ္စပဲ”</p> <p>“'ဟင်းလင်းပြင်သန့်စင်ခြင်းအတတ်ဆိုတာ ဘယ်လိုမျိုးတန်ခိုးစွမ်းအားလဲ”</p> <p>“စောစောက လုပ်ငန်းစဉ်တစ်ခုလုံးကို ငါသေချာကြည့်နေပေမဲ့ ဘာကိုမှနားမလည်ခဲ့ဘူး”</p> <p>“ဟုတ်တယ်... ဒါက တကယ့်ကို နက်နဲလွန်းလှတယ်...”</p> <p>အင်မော်တယ်ဘုရင်မင်ချီ၏နောက်မှ တပည့်များနှင့် မြေးတပည့်များမှာ ကျောက်ရုပ်များကဲ့သို့ မှင်တက်နေကြရလေပြီ။ ၎င်းတို့သည် မိမိကိုယ်မိမိ မည်သူဖြစ်ကြောင်း၊ မည်သည့်နေရာသို့ ရောက်နေကြောင်းပင် ဝေခွဲမရတော့ချေ။ အထွတ်အထိပ် အရည်အသွေးရှိသည့် အဆင့် ၇ အင်မော်တယ်ဓားကို လွယ်လွယ်ကူကူ သန့်စင်လိုက်ခြင်းအား မည်သူကရှင်းပြနိုင်မည်နည်း။</p> <p>ကျန်းချန်သည် ထိုဓားကို ဂိုဏ်းချုပ်ယွမ်ကျိရှေ့သို့ ချပေးလိုက်သည်။ စနစ်မှဖန်တီးထားသောပစ္စည်းများသည် ကုသိုလ်အမှတ်အဖြစ် ပြန်လည်လဲလှယ်၍မရသဖြင့် သူ့အတွက်တန်ဖိုးမရှိသလောက်ပင်။</p> <p>“ယွမ်ကျိ... မင်းရဲ့ကြိုးစားအားထုတ်မှုကို ငါမြင်ပါတယ်။ ဒီဓားဟာ ငါနဲ့အင်မော်တယ်ဘုရင်မင်ချီတို့ ပူးပေါင်းပြီးပေးအပ်တဲ့ဆုလာဘ်ပဲ”</p> <p>ဂိုဏ်းချုပ်ကြီးမှာ အတိုင်းမသိ စိတ်လှုပ်ရှားသွားရသည်။ အစောပိုင်းက မင်ချီ၏ဆုလာဘ်ကို ဘိုးဘေးကြီးကြားဖြတ်တားဆီးလိုက်စဉ်က သူအနည်းငယ် စိတ်မကောင်းဖြစ်ခဲ့မိသော်လည်း ယခုမူ နှစ်ဆမကသောဝမ်းမြောက်မှုကို ခံစားလိုက်ရသည်။ ဤဓားသည် အဆင့် ၇ ဓားများထဲတွင် ဘုရင်သဖွယ်ဖြစ်ရုံမျှမက အထက်အင်မော်တယ်လောကသို့မရောက်မချင်း ဤမျှအရည်အသွေးကောင်းသော ဒုတိယမြောက်ဓားကို ရှာမတွေ့နိုင်ပေ။</p> <p>ထို့ပြင် ၎င်းသည် ဘိုးဘေးကြီးကိုယ်တိုင် သန့်စင်ပေးထားခြင်းဖြစ်ရာ မိမိအပေါ်အသိအမှတ်ပြုခြင်းကို ကိုယ်စားပြုပေသည်။ ၎င်း၏အဓိပ္ပာယ်မှာ ဖေးရှန်ဂိုဏ်း၏ ရှန်းဖန်ဓားကဲ့သို့ပင် တန်ဖိုးကြီးမားလှသည်။</p> <p>“ဘိုးဘေးကြီးကို ကျေးဇူးတင်ပါတယ်”</p> <p>“စီနီယာ အင်မော်တယ်ဘုရင်ကြီးကိုလည်း ကျေးဇူးတင်ပါတယ်”</p> <p>ယွမ်ကျိမှာ အလွန်အမင်း စိတ်လှုပ်ရှားသွားသဖြင့် ဂိုဏ်းချုပ်တစ်ဦးဖြစ်သော်လည်း မြေပြင်၌ဝပ်စင်း၍ ဦးတိုက်လေတော့သည်။ သို့သော်လည်း မည်သူမျှ သူ့ကို မလှောင်ပြောင်ကြချေ။ ကျန်းချန်နှင့် အလောင်းကောင်ဘုရင်သုံးပါးမှလွဲ၍ ကျန်ရှိသူအားလုံး၏ မျက်ဝန်းများမှာ ထိုဓားအပေါ်၌သာ စွဲလမ်းနေကြပြီး လုယူချင်စိတ်များပင် ပေါက်နေကြသည်။ ဖေးရှန်ဂိုဏ်းမှ အခြားအကြီးအကဲများမှာလည်း မိမိတို့လက်ထဲရှိ အဆင့် ၅၊ အဆင့် ၆ လက်နက်များကို အမှိုက်သဖွယ် မြင်လာကြလေ၏။</p> <p>“ဂိုဏ်းချုပ်ကျန်း... ဒီဟင်းလင်းပြင်သန့်စင်ခြင်းနည်းလမ်းကို ဘယ်လိုများလုပ်ဆောင်တာပါလဲ”</p> <p>အင်မော်တယ်ဘုရင်မင်ချီမှာ စိတ်မထိန်းနိုင်တော့ချေ။ သူစိတ်ဝင်စားသည်မှာ ဓား၏တန်ဖိုးထက် အသစ်စက်စက် လက်နက်သန့်စင်ခြင်းနည်းစနစ်အသစ် ဖြစ်သည်။ ၎င်းသည် သူ့ရှေ့မှောက်၌ တံခါးတစ်ချပ်ကို ဖွင့်လှစ်ပေးလိုက်သကဲ့သို့ဖြစ်ပြီး ဝေဝါးနေသောကမ္ဘာသစ်တစ်ခုကို မြင်တွေ့ခွင့်ရလိုက်ခြင်းပင်။ ကျန်းချန်ကမူ...</p> <p>မင်းမှာစနစ်မှမရှိတာ၊ ဒါကိုသိဖို့ကြိုးစားနေတာ အချည်းနှီးပဲ...</p> <p>စိတ်ထဲမှ တွေးလိုက်မိသည်။</p> <p>“ဒါက ထူးခြားတဲ့ပါရမီအပေါ်မှာ အဓိကမူတည်တာပါ။ အထူးသဖြင့် ကိုယ်ခန္ဓာ အခြေခံ၊ အရိုးတည်ဆောက်ပုံ၊ ဝိညာဉ်နဲ့ မျိုးဆက်သွေးစတာတွေ ပြည့်စုံဖို့လိုအပ်တယ်။ လောကမှာ ဒါကိုလုပ်နိုင်တဲ့သူ တစ်ယောက်တည်းပဲရှိတယ်”</p> <p>“ဒါကြောင့် မင်းအနေနဲ့ ဒါကိုအတုခိုးဖို့မကြိုးစားသင့်ဘူး...”</p> <p>သူသည် ဤပညာရှင်ကြီးအား မဖြစ်နိုင်သောလမ်းမှားထဲသို့ သက်ဆင်းသွားစေပြီး ဘဝပျက်သွားစေမည့်အခြေအနေမျိုး မဖြစ်စေလိုချေ။</p> <p>မင်ချီ၏မျက်ဝန်းများတွင် နှမြောတသဖြစ်မှုများကို ဖုံးကွယ်၍မရနိုင်တော့ချေ။ တစ်ချိန်တည်းမှာပင် သူသည် ကျန်းချန်အပေါ် ပိုမို၍ရိုသေလာတော့သည်။</p> <p>“ဒါဆိုရင်... ကျွန်တော်မျိုး နောက်တစ်ကြိမ်လေ့လာခွင့်ရအောင် ဂိုဏ်းချုပ်ကျန်းအနေနဲ့ နောက်တစ်လက် ထပ်ပြီးသန့်စင်ပြလို့ရမလား...”</p> <p>အလယ်အင်မော်တယ်လောက၏ ထိပ်တန်းပညာရှင်ကြီးတစ်ဦးဖြစ်သော အင်မော်တယ်ဘုရင်တစ်ပါးက သင်ယူလိုပါသည်ဟုဆိုခြင်းမှာ မယုံနိုင်စရာပင်။ သို့သော် မျက်မြင်တွေ့ရှိခဲ့ရသော အံ့ဖွယ်ကိစ္စများကြောင့် တပည့်များပင် ၎င်းကိုသဘာဝကျသည်ဟု လက်ခံထားကြသည်။ လက်နက်သန့်စင်ခြင်းပညာရပ်ကို တောင်တက်ခြင်းနှင့်နှိုင်းယှဉ်ပါက ကျန်းချန်မှာ မင်ချီမမြင်နိုင်သော အမြင့်ဆုံးနေရာသို့ရောက်ရှိနေပြီဟု ယူဆကြ၏။</p> <p>ကျန်းချန်သည် နောက်တစ်ကြိမ် ထပ်မံပြုလုပ်ရန် ရည်ရွယ်ထားပြီးသားဖြစ်ရာ သူသည် ထပ်မံဟန်ထုတ်၍ အထူးပြုလုပ်ချက်များဖြင့် နောက်ထပ် အဆင့် ၇ အင်မော်တယ်ဓားတစ်လက်ကို ထုတ်ယူလိုက်ပြန်သည်။ ဓားထွက်ပေါ်လာသည်နှင့် အင်မော်တယ်ဘုရင်မင်ချီနှင့် လျိုယွမ်တို့မှာ မစောင့်နိုင်တော့ဘဲ အလျင်အမြန်စစ်ဆေးကြည့်ကြ၏။</p> <p>“ဒါလည်း အဆင့် ၇ ဓားတွေထဲကဘုရင်ပဲ”</p> <p>“ဒါက ဘယ်လိုလုပ်ဖြစ်နိုင်မှာလဲ”</p> <p>“နှစ်ကြိမ်ဆက်တိုက် အောင်မြင်ရုံတင်မကဘူး၊ ပြီးစီးတာနဲ့ အထွတ်အထိပ်အရည်အသွေးရှိနေတာပဲ”</p> <p>“ဒါက အိပ်မက်တစ်ခုမဟုတ်ပါဘူးနော်”</p> <p>ပရိသတ်မှာ ထပ်မံ၍ ဆူညံသွားပြန်သည်။ နောက်ထပ် အောင်မြင်မှုတစ်ခုက ယခင်တစ်ကြိမ်မှာ တိုက်ဆိုင်မှုမဟုတ်ကြောင်း သက်သေပြလိုက်ခြင်းပင်။</p> <p>လက်နက်သန့်စင်ခြင်း၌ အကြိမ်ကြိမ်ရှုံးနိမ့်ဖူးသော ပညာရှင်များအဖို့ ၎င်းတို့၏အသိဉာဏ်များ ပြိုလဲပျက်စီးသွားကြရသည်။ ဤဟင်းလင်းပြင်သန့်စင်ခြင်းသည် ဘယ်သောအခါမျှ မရှုံးနိမ့်တော့သည်လော။ ၎င်းတို့ တစ်သက်လုံးကြိုးစားအားထုတ်ခဲ့ရသော အတတ်ပညာမှာ ဤမျှလွယ်ကူစွာဖြင့် ကျော်တက်ခံရသည်ကို မြင်တွေ့ရသောအခါ အချို့သောတပည့်များမှာ မိမိကိုယ်မိမိပင် သံသယဝင်လာကြတော့သည်။</p> <p>“ယွမ်ရှန့်... မင်းလည်းကြိုးစားခဲ့တာပဲ၊ ဒီဓားကို မင်းအတွက်ဆုပေးတယ်”</p> <p>ကျန်းချန်က စကားရှည်ရှည်မပြောတော့ဘဲ ဓားကို အကြီးအကဲယွမ်ရှန့်ထံသို့ လွှင့်ပစ်လိုက်၏။ ယွမ်ရှန့်သည်လည်း ဝမ်းသာလွန်းသဖြင့် မှင်တက်သွားရသည်။</p> <p>“ဘိုးဘေးကြီးကို ကျေးဇူးတင်ပါတယ်”</p> <p>ယခင်က ဂိုဏ်းချုပ်သာ ဆုလာဘ်ရလိမ့်မည်ဟု ထင်မှတ်ခဲ့သော်လည်း မိမိပါရရှိခြင်းကြောင့် သူအလွန်ပျော်ရွှင်သွား၏။ ဤဓားသည် အဆင့် ၇ ဖြစ်ရုံမျှမက ယခင်က လင်ဟန်ဟန်ရရှိခဲ့သော ပေါင်ကွမ်းဓားထက်ပင် ပိုမိုသာလွန်ပေသည်။</p> <p>အခြားအကြီးအကဲများမှာမူ ဆက်လက်၍သည်းမခံနိုင်ကြတော့ချေ။</p> <p>“ဘိုးဘေးကြီး...”</p> <p>“ကျွန်တော်တို့ရော...”</p> <p>ယွမ်ရှုနှင့် ယွမ်မူတို့မှာလည်း ဆုလာဘ်ကို မျှော်လင့်တကြီး စောင့်စားနေကြသည်။ သို့သော် ကျန်းချန်သည် လူတိုင်းကိုဆုပေးရန် အစီအစဉ်မရှိချေ။ ပထမအချက်မှာ ကုန်ကြမ်းပစ္စည်း မလုံလောက်ခြင်းဖြစ်ပြီး ဒုတိယအချက်မှာ လူတိုင်းရရှိပါက အဖိုးမတန်တော့ချေ။</p> <p>“မင်းတို့လား”</p> <p>“မင်းတို့လည်း ကောင်းကောင်းလုပ်ဆောင်ပြဖို့ လိုသေးတာပေါ့”</p> <p>“ဂိုဏ်းချုပ်နဲ့ အကြီးအကဲဆီကနေ သင်ယူကြလေ”</p> <p>ဤစကားကြောင့် ယွမ်ကျိနှင့် ယွမ်ရှန့်တို့မှာ အလွန်ဂုဏ်ယူဝံ့ကြွားသွားကြသည်။ ဘိုးဘေးကြီးက ၎င်းတို့၏လုပ်ဆောင်မှုကို အသိအမှတ်ပြုလိုက်ခြင်းပင်။ ဘိုးဘေးကြီး၏အဆင့်အတန်းကို စောစီးစွာလက်ခံခဲ့ခြင်းမှာ အလွန်အကျိုးရှိ၏။</p> <p>“ဟားဟား... ယွမ်ရှု၊ ယွမ်မူ... စိတ်မပူကြပါနဲ့”</p> <p>“အကြီးအကဲယွမ်ပိုင်... ကျွန်တော့်ရဲ့ ဒီအဆင့် ၆ အင်မော်တယ်ဓားက အသုံးမလိုတော့ဘူး၊ ဒါကြောင့် ဒါကို ခင်ဗျားကိုပေးပါတယ်”</p> <p>“ဒါ... ဟုတ်ကဲ့ပါ၊ ကျေးဇူးတင်ပါတယ် ဂိုဏ်းချုပ်”</p> <p>အကြီးအကဲယွမ်ပိုင်သည် စိတ်မသက်မသာဖြစ်နေသောမျက်နှာထားဖြင့် ဓားကိုလက်ခံလိုက်ရသည်။ မူလက သူသည် အဆင့် ၅ ဓားကို အသုံးပြုသူဖြစ်ရာ အဆင့် ၆ ဓားရရှိပါက အလွန်ဝမ်းသာရမည်ဖြစ်သော်လည်း၊ ယခုအခါ အဆင့် ၇ ဓားနှစ်လက်နှင့် နှိုင်းယှဉ်လိုက်သောအခါ စိတ်အားထက်သန်မှု လျော့နည်းသွားရလေတော့သည်။</p> <p> </p> <p> </p> <p style="text-align: center;">***</p>


Save