Book List

<h2 style="text-align: center;">အခန်း ၃၁၀</h2> <h2 style="text-align: center;">စစ်ကျင့်နန်းတော်</h2> <h2 style="text-align: center;">*</h2> <p> </p> <p> </p> <p>အစ်ကိုကြီးချန်သည် စနစ်မျက်နှာပြင်ကို ဖွင့်လှစ်၍စစ်ဆေးကြည့်လိုက်သည်။ လက်နက်သန့်စင်ခြင်းပညာကို ကြွားဝါပြသခဲ့သည့်လုပ်ရပ်မှာ ထိရောက်မှုရှိပြီး ရောက်ရှိနေသူအားလုံးကို အံ့အားသင့်သွားစေခဲ့သည်။</p> <p>သူ၏အတိတ်ကို သိရှိထားကြသည့် အင်မော်တယ်ဘုရင်နှစ်ပါးပင်လျှင် ချွင်းချက်မရှိမှင်တက်သွား၏။ သူသည် လက်နက်သန့်စင်နိုင်သည်ဟူသော အချက်ကို ၎င်းတို့ လက်ခံနိုင်သော်လည်း ဤကဲ့သို့သော နည်းလမ်းဖြင့် သန့်စင်ခြင်းကိုမူ ဉာဏ်မမီနိုင်ကြချေ။</p> <p>ကျန်းချန်မှာမူ ကြည့်ရှုသူ ပရိသတ်နည်းပါးလွန်းသဖြင့် အနည်းငယ် နှမြောတသဖြစ်နေမိသည်။ ဤသို့ဖြစ်မည်ကို ကြိုတင်သိရှိပါက ဂိုဏ်းသားအားလုံးကို စုဝေးစေပြီးမှ ပြသလိုက်မည်။ နောက်ရက်များတွင် ဖေးရှန်ဂိုဏ်းသားများသည် အင်မော်တယ်ကျောက်တုံးများ စုဆောင်းကာ အင်မော်တယ်ကံကြမ္မာတိုကင်များ ထပ်မံဝယ်ယူရန် ပြင်ဆင်နေကြသည်။ ထိုအတောအတွင်း အဝေးတစ်နေရာမှ အင်မော်တယ်ဘုရင်သုံးပါးသည်လည်း ဂိုဏ်းချုပ်ကျန်းကို လာရောက်ဂါရဝပြုကြပြန်သည်။</p> <p>ဖေးရှန်ဂိုဏ်းသားများမှာမူ ဤအခြေအနေများကို တွေ့မြင်ရလွန်းသဖြင့် ထုံနေကြလေပြီ။</p> <p>“ငါတို့ရဲ့ ဘိုးဘေးကြီးက အတိတ်တုန်းက ဘယ်လိုကမ္ဘာပျက်မတတ် အောင်မြင်မှုတွေ ရခဲ့လို့လဲ။ အဆက်အသွယ် ကောင်းတယ်ဆိုတာတောင် အကန့်အသတ် ရှိသင့်တာပေါ့”</p> <p>၎င်းတို့က တွေးတောနေကြသည်။ တစ်သက်လုံး ဆုံတွေ့ရန်မလွယ်ကူသော အင်မော်တယ်ဘုရင်ရှစ်ပါးမှာ ယခုအခါ ဘိုးဘေးကြီး၏အနားတွင် ခစားနေကြ၏။ ၎င်းတို့သည် ဘိုးဘေးကြီးအား ခေါင်းဆောင်အဖြစ်သတ်မှတ်ကာ အလွန်အမင်းရိုသေနေကြခြင်းမှာ ဂုဏ်ကျက်သရေအဖြာဖြာနှင့် ပြည့်စုံလှပေသည်။</p> <p>ယွမ်ရှု၊ ယွမ်မူနှင့် အခြားသူများမှာ အမျိုးမျိုးခန့်မှန်းနေကြသော်လည်း အမှန်တရားကိုမူ မသိရှိနိုင်ကြချေ။ တစ်ဖက်တွင်မူ အစ်ကိုကြီးချန်မှာ စိတ်အနှောင့်အယှက် ဖြစ်နေရသည်။ အင်မော်တယ်ဘုရင်ရှစ်ပါးစလုံးမှာ ဖေးရှန်ဂိုဏ်း၌အခြေချကာ သူ့နောက်လိုက်ပါရန် ဆုံးဖြတ်ထားပုံရ၏။</p> <p>အောက်လောကမှ တက်လှမ်းလာသူများ၏စွမ်းဆောင်ရည်ကို သူကောင်းစွာသိရှိထားရာ ဤမျှများပြားသော လူအုပ်ကြီးရှိနေပါက သူကြွားဝါပြသရန်အခွင့်အရေး နည်းပါးသွားပေလိမ့်မည်။ သို့သော် ၎င်းတို့ပေးသောလက်ဆောင်များကို လက်ခံထားပြီးဖြစ်ရာ ယခုအခါ နှင်ထုတ်ရန်မှာလည်း မသင့်တော်တော့ချေ။</p> <p>အထူးသဖြင့် အင်မော်တယ်ဘုရင်မင်ချီနှင့် သူ၏တပည့်များမှာ ကျန်းချန်ကို လက်နက်သန့်စင်ခြင်းနယ်ပယ်၏ လမ်းပြကြယ်အလားသတ်မှတ်ကာ ထက်ကြပ်မကွာ လိုက်ပါနေကြသည်။</p> <p>“ငါအကြိမ်ကြိမ်ပြောပြီးပြီပဲ၊ ဒီဟင်းလင်းပြင်သန့်စင်ခြင်းနည်းလမ်းက အတုခိုးလို့မရဘူး။ ငါ့နောက်ကိုလိုက်နေလို့ ဘာထူးမှာလဲ”</p> <p>သူခေါင်းခဲနေရလေပြီ။</p> <p>မင်ချီနှင့် တပည့်များမှာမူ မြှောက်ပင့်သောအမူအရာဖြင့် ပြုံးလျက်...</p> <p>“ကိစ္စမရှိပါဘူး၊ ကျွန်တော်တို့နားလည်ပါတယ်။ အရှင့်ရဲ့ မြင့်မြတ်တဲ့ပညာရပ်ကို အတုမခိုးနိုင်ပေမဲ့ အရှင့်အနားမှာနေပြီး ဆုံးမစကားတွေကို နားထောင်ချင်ရုံတင်ပါ”</p> <p>ဆိုကြလေသည်။ ၎င်းတို့သည် လူမိုက်များမဟုတ်ကြချေ။ ပညာရပ်သစ်တစ်ခုကိုဖန်တီးနိုင်သူမှာ သမိုင်းတွင်မည့်ပညာရှင်ကြီးဖြစ်ရာ ထိုသူ၏ အမှတ်မထင်ပြောကြားလိုက်သောစကားတစ်ခွန်းမှာပင် ၎င်းတို့၏ပညာရပ်ကို အဆင့်မြင့်တက်သွားစေနိုင်သည်ဟု ယူဆထားကြသည်။</p> <p>“ငါ့မှာ သင်ပေးစရာ ဘာမှမရှိဘူး”</p> <p>“တကယ်တော့ ငါက လက်နက်သန့်စင်ခြင်းအကြောင်း ဘာမှမသိဘူး...”</p> <p>“အမှန်အတိုင်းပြောရရင် စောစောက ငါ့ရဲ့ပထမဆုံးအကြိမ်ပဲ။ ငါက မင်းတို့ထက်တောင် အတွေ့အကြုံနည်းသေးတယ်”</p> <p>ထိုစကားကို မည်သူကယုံကြည်ပါမည်နည်း။ ပထမဆုံးအကြိမ် သန့်စင်ခြင်းမှာပင် အဆင့် ၇ အထွတ်အထိပ် လက်နက်ကို ရရှိနိုင်ခြင်းမှာ သဘာဝတရား၏ ကန့်သတ်ချက်ကို ကျော်လွန်နေပြီ ဖြစ်သည်။</p> <p>“ဂိုဏ်းချုပ်ကျန်းက တကယ့်ကို နှိမ့်ချလွန်းတာပဲ”</p> <p>မင်ချီသည် ကျန်းချန်ကို ကြည်ညိုစွာကြည့်ရင်း သူ၏တပည့်များကိုပါ ဆုံးမလိုက်သေးသည်။</p> <p>“သေချာကြည့်ထားကြ... ဂိုဏ်းချုပ်ကျန်းရဲ့ပညာရပ်က ဒီလောက်အထိနက်နဲတာတောင် သူက ဒီလောက်အထိနှိမ့်ချနေတာ။ မင်းတို့ကတော့ ပညာတစ်ဝက်တစ်ပျက်နဲ့ ဘဝင်မြင့်နေကြတယ်...”</p> <p>ကျန်းချန်မှာမူ စိတ်ပျက်လက်ပျက် ဖြစ်နေရသည်။ စနစ်ကအပ်နှင်းထားသော ပညာရပ်ကြောင့် သူသည် အဆင့် ၉ အင်မော်တယ်လက်နက် သန့်စင်ရန်အတွက် လိုအပ်သော အသိပညာ ဗဟုသုတအားလုံးကို ပိုင်ဆိုင်ထားပြီးဖြစ်သည်။ ဆိုလိုသည်မှာ စနစ်ကိုအသုံးမပြုဘဲ သာမန်နည်းလမ်းများဖြင့် သန့်စင်လျှင်ပင် သူအောင်မြင်နိုင်မည်သာ။ သို့သော်လည်း သူသည် ပညာသင်ကြားပေးရန် စိတ်မရှည်ပေ။</p> <p>တစ်ဖက်တွင်မူ ဖေးရှန်ဂိုဏ်း၏အပြင်ဘက်၌ မုန်တိုင်းမလာမီ လေပြေလေးများ စတင်လာပြီဖြစ်သည်။ ကျန်းချန်၏ ရုတ်တရက် ပေါ်ထွက်လာမှုမှာ အလယ်အင်မော်တယ်လောကတစ်ခုလုံးကို တုန်လှုပ်စေ၏။ အထူးသဖြင့် ထျန်းရှုဂိုဏ်းရှေ့တွင် ထိပ်တန်းပညာရှင်လေးဦးက ဒူးထောက်အညံ့ခံခဲ့သည့်သတင်းမှာ ပတ်ဝန်းကျင်ရှိအင်အားစုများကို စိုးရိမ်ထိတ်လန့်စေခဲ့သည်။</p> <p>ပထမဆုံး ထိခိုက်ခံစားရသည်မှာ ဖေးရှန်ဂိုဏ်းတည်ရှိရာ ချမ်လန်ကောင်းကင်နယ်မြေ၏ အကြီးဆုံးဂိုဏ်းဖြစ်သော စစ်ကျင့်နန်းတော်ပင်။ ဤရှေးဟောင်းဂိုဏ်းသည် နှစ်ပေါင်းဘီလီယံချီ သမိုင်းကြောင်းရှိပြီး အထက်အင်မော်တယ်လောကတွင်လည်း အင်မော်တယ်ဧကရာဇ်တစ်ပါးစိုးစံရာ ပင်မဂိုဏ်းကြီးရှိလေသည်။ အတိတ်က ကျိလင်ဟန်တို့ထွန်းကားစဉ်အချိန်က စစ်ကျင့်နန်းတော်သည် ၎င်းတို့၏နံပါတ်တစ်နေရာကိုကာကွယ်ရန် ဖေးရှန်ဂိုဏ်းကိုတိုက်ခိုက်ခဲ့ဖူးသော်လည်း ရှုံးနိမ့်ကာ ဒုတိယနေရာဖြင့်သာ ကျေနပ်ခဲ့ရ၏။</p> <p>ဖေးရှန်ဂိုဏ်းမှ အင်မော်တယ်ဘုရင်တစ်ထောင်ကျော် အထက်လောကသို့ တက်လှမ်းသွားပြီးနောက်တွင်မှ စစ်ကျင့်နန်းတော်သည် နံပါတ်တစ်နေရာကို ပြန်လည်ရရှိခဲ့ခြင်း ဖြစ်သည်။ ထိုစဉ်ကလည်း အထက်လောက၏ ညွှန်ကြားချက်ဖြင့် ဖေးရှန်ဂိုဏ်းကို ဝိုင်းရံတိုက်ခိုက်ခဲ့ဖူးသော်လည်း ဓားနယ်မြေမှ ဓားကျင့်ကြံသူများနှင့် ထိပ်တိုက်တွေ့ကာ အင်မော်တယ်ဘုရင်သုံးပါး ဆုံးရှုံးခဲ့ရပြန်သည်။</p> <p>ယခုအခါ စစ်ကျင့်နန်းတော်တွင် အင်မော်တယ်ဘုရင်နှစ်ပါးရှိနေပြီး ပတ်ဝန်းကျင်နယ်မြေများတွင် အင်အားအကြီးဆုံးဖြစ်၏။ ကျန်းချန်ပေါ်ထွက်လာခြင်းမှာ ၎င်းတို့အတွက် ကြီးမားသောခြိမ်းခြောက်မှုဖြစ်လာရာ လွှတ်ထားမည်ဆိုပါက လွန်ခဲ့သောနှစ်သန်းပေါင်းများစွာကကဲ့သို့ ဖေးရှန်ဂိုဏ်း၏ဖိနှိပ်မှုကိုခံရပေဦးမည်။ ထို့ကြောင့် ၎င်းတို့သည် အန္တရာယ်အစပျိုးကတည်းကသုတ်သင်ရန် ဆုံးဖြတ်လိုက်ကြသည်။</p> <p>၎င်းတို့၏အစီအစဉ်အရ ကျန်းချန်၏ကိုယ်ပိုင်စွမ်းရည်မှာ မပြောပလောက်ဘဲ နောက်ကွယ်မှ ရှောင်ခွန်းနှင့် ကျီယွင်တို့ကဲ့သို့ ပညာရှင်များကသာ ပြဿနာဖြစ်ကြောင်းယူဆ၏။ ထို့ကြောင့် စစ်ကျင့်နန်းတော်သည် ပတ်ဝန်းကျင်ရှိ အင်အားကြီးဂိုဏ်းများနှင့် လျှို့ဝှက်ဆက်သွယ်ကာ ဖေးရှန်ဂိုဏ်းကို တစ်ပြိုင်နက်တည်း အမြစ်ပြတ်သုတ်သင်ရန် စီစဉ်နေကြသည်။</p> <p>အင်အားစုများစွာမှာ အမျိုးမျိုးသော အကြောင်းပြချက်များဖြင့် ပူးပေါင်းလာကြသည်။ အချို့က စစ်ကျင့်နန်းတော်၏ အာဏာကိုကာကွယ်ရန်၊ အချို့က အဆင့် ၉ အင်မော်တယ်ဓားကို လုယူရန်၊ အချို့က အင်မော်တယ်ကံကြမ္မာတိုကင် ၃,၃၀၀ ကြောင့် မနာလိုဖြစ်ပြီး အချို့ကမူ ကလဲ့စားချေရန်အတွက် ဖြစ်လေသည်။ ဥပမာအားဖြင့် ထျန်းရှုဂိုဏ်းတွင် သုတ်သင်ခံခဲ့ရသော ကျူတောင်မိစ္ဆာများ၏ နောက်ကွယ်တွင် သွေးမီးတောက်ဂိုဏ်းရှိနေပြီး ၎င်းတို့၌လည်း မိစ္ဆာဘုရင်နှစ်ပါးရှိ၏။</p> <p>ယခုအခါ ဂိုဏ်းကြီး ၅ ဂိုဏ်းနှင့် မျိုးနွယ်စုကြီး ၁ ခု ပူးပေါင်းလိုက်ရာ အင်မော်တယ်ဘုရင်နှင့် မိစ္ဆာဘုရင်အဆင့်ရှိ ပညာရှင် ၉ ဦးအထိ ရှိလာပြီဖြစ်သည်။ အမှောင်ထုထဲတွင် လှိုင်းထန်လာသော်လည်း ဖေးရှန်ဂိုဏ်းသားများမှာမူ ဤကြီးမားသောစစ်ပွဲကြီး ဖြစ်ပွားတော့မည်ကို လုံးဝမသိကြသေးပေ။</p> <p> </p> <p> </p> <p style="text-align: center;">***</p>


Save