Book List

<h2 style="text-align: center;">​အခန်း ၁၀၈၁</h2> <h2 style="text-align: center;">ဖခင်ဖြစ်လာတော့မည့် ချင်ယိ</h2> <h2 style="text-align: center;">*</h2> <p> </p> <p> </p> <p>​"ယောကျ်ားကို နောက်ပြောင်ရဲတဲ့ ပြစ်မှုအတွက် မိသားစုစည်းမျဉ်းနဲ့ အပြစ်ပေးရမယ်"</p> <p> </p> <p>​ချင်ယိက မျက်နှာကို တည်တင်းထားပြီး ပြောလိုက်သည်။</p> <p> </p> <p>​"ဟင့်အင်း... မလုပ်ပါနဲ့"</p> <p> </p> <p>​ဟောင်ယီလျန်က ရုတ်တရက် အော်ဟစ်လိုက်ပြီး ချင်ယိ၏လက်ထဲမှ လွတ်မြောက်ရန် သူမ၏ နူးညံ့သော ခန္ဓာကိုယ်လေးကို ဂဏာမငြိမ် လူးလွန့်ရုန်းကန်လိုက်လေသည်။</p> <p> </p> <p>​ချင်ယိပြောသည့် မိသားစုစည်းမျဉ်းဆိုသည်မှာ အဘယ်အရာဖြစ်ကြောင်း သူမ ကောင်းကောင်းသိထားပေသည်။</p> <p> </p> <p>​ညီမလေးများ၏ ရှေ့တွင်တော့ သူမ၏ယောကျ်ားဖြစ်သူထံမှ ထိုကဲ့သို့သော အရှက်မဲ့သည့် အပြုအမူမျိုးကို သူမ မခံယူချင်သေးချေ။</p> <p> </p> <p>​တကယ်ကို ရှက်စရာကောင်းလွန်းလှသည် မဟုတ်ပါလော။</p> <p> </p> <p>​သို့သော်လည်း သူမကဲ့သို့ နူးညံ့ပျော့ပျောင်းသော အလှလေးတစ်ဦးက ချင်ယိ၏လက်ထဲမှ မည်သို့လျှင် ရုန်းထွက်နိုင်ပါမည်နည်း။</p> <p> </p> <p>​"ဖြောင်း"</p> <p> </p> <p>​ချင်ယိ၏ ကြီးမားသော လက်ဝါးကြီးက ဟောင်ယီလျန်၏ ကော့တက်နေသော တင်ပါးလုံးလုံးလေးပေါ်သို့ ရိုက်ချလိုက်ရာ ကြည်လင်သော အသံတစ်ခု ထွက်ပေါ်လာသည်။</p> <p> </p> <p>​"အာ့"</p> <p> </p> <p>​ချက်ချင်းပင် ဟောင်ယီလျန်က အာမေဍိတ်သံလေး ပြုလိုက်ပြီး သူမ၏ မျက်နှာလေးမှာ ရဲတက်သွားကာ အလွန်အမင်း ဆွဲဆောင်မှုရှိပြီး ချစ်စရာကောင်းသော ဟန်ပန်လေး ဖြစ်သွားလေသည်။</p> <p> </p> <p>​"ယောကျ်ားက တကယ်ကိုလူဆိုးကြီးပဲ"</p> <p> </p> <p>​"အစ်မတော်ယီလျန်ကို ထပ်ပြီး အနိုင်ကျင့်နေပြန်ပြီ... ဟီးဟီးဟီး"</p> <p> </p> <p>​"အစ်မတော်ယီလျန်က အရှက်အသည်းဆုံးဆိုတော့ ယောကျ်ားက သူ့ကို အနိုင်ကျင့်ရတာအကြိုက်ဆုံး ဖြစ်နေတာပေါ့"</p> <p> </p> <p>​စုန့်ရွှဲအာနှင့် အခြားမိဖုရားများ၏ နောက်ပြောင်ကျီစယ်သံများကြောင့် ဟောင်ယီလျန်မှာ ရှက်သွေးဖြာသွားပြီး ချင်ယိ၏ ရင်ခွင်ထဲသို့ မျက်နှာအပ်ကာ ပုန်းကွယ်နေတော့သည်။</p> <p> </p> <p>​ရှားပါးလှသော နွေးထွေးမှုများက နောက်ဖေးဥယျာဉ်ထဲတွင် တစ်ဖန် ပြည့်နှက်သွားပြန်၏။</p> <p> </p> <p>​အချိန်အတော်ကြာ ပျောက်ဆုံးနေခဲ့သော ပျော်ရွှင်ရယ်မောသံများကလည်း နောက်ဖေးဥယျာဉ်ထဲတွင် ထပ်မံ ထွက်ပေါ်လာခဲ့သည်။</p> <p> </p> <p>​မိန်းကလေးများအားလုံး ပန်းပွင့်လေးများအလား ပြုံးရွှင်နေကြပြီး သူတို့၏ယောကျ်ားဖြစ်သူနှင့် အတူရှိနေရသော ဤအချိန်လေးကို အလွန်အမင်းတန်ဖိုးထားနေခဲ့ကြသည်။ ဤကဲ့သို့သော အားလပ်ချိန်မျိုးက တကယ်ကို ရှားပါးလွန်းလှသည် မဟုတ်ပါလော။</p> <p> </p> <p>​သူတို့၏ယောကျ်ားသည် အင်ပါယာအရှင်သခင်ဖြစ်သောကြောင့် ဖြေရှင်းရမည့် တိုင်းပြည်ရေးရာကိစ္စရပ်များ များပြားလွန်းလှပြီး အချိန်မရွေးထွက်ခွာသွားကာ ကျန်းလျန်နှင့်အခြားအမတ်များကို ခေါ်ယူ၍ အရေးကြီးသော ကိစ္စများကို ဆွေးနွေးရတတ်သည်။</p> <p> </p> <p>​အကယ်၍ ယောကျ်ားဖြစ်သူက အနာဂတ် အရှင်သခင်ဆိုသော နတ်ဘုရားစွမ်းအားတစ်မျိုးကို ကျင့်ကြံထားပြီး တိုင်းပြည်ရေးရာ ကိစ္စရပ်များကို ကူညီဖြေရှင်းပေးရန် ကိုယ်ပွားတစ်ခု ဖန်တီးထားနိုင်လျှင်တောင်မှ အားလပ်ချိန်က နည်းပါးလွန်းလှသည်။</p> <p> </p> <p>​သူတို့ယောကျ်ား၏အဆိုအရ ထိုအနာဂတ် အရှင်သခင်သည် နတ်ဘုရားစွမ်းအားများမှ ထွက်ပေါ်လာသော ရလဒ်တစ်ခုဖြစ်ပြီး ၎င်း၏တွက်ချက်နိုင်စွမ်းသည် သူ၏ကျင့်ကြံခြင်းအဆင့်၊ ဗဟုသုတများနှင့် ယုံကြည်ကိုးကွယ်မှု စွမ်းအင်များအပေါ်တွင် မူတည်နေပေသည်။</p> <p> </p> <p>​အနာဂတ်အရှင်သခင်ကို ယခုမှသာ ဖန်တီးထားနိုင်ခဲ့ပြီး ကြီးထွားလာဆဲအဆင့်တွင်သာ ရှိနေသေးသည်။ အများစုသော တိုင်းပြည်ရေးရာကိစ္စရပ်များကို ဖြေရှင်းနိုင်သော်လည်း အချို့သော အရေးကြီးသည့်ကိစ္စရပ်များကိုမူ ချင်ယိကိုယ်တိုင် ကိုင်တွယ်ဖြေရှင်းရန် လိုအပ်နေဆဲ ဖြစ်လေသည်။</p> <p> </p> <p>​ဤမိသားစုကြီးထဲသို့ ယခုမှ ဝင်ရောက်လာခဲ့သော လင်းယွင်ရွှယ်၏ မျက်နှာပေါ်တွင်တော့ အားကျသည့် အရိပ်အယောင်လေးတစ်ခု ထွက်ပေါ်နေပေသည်။</p> <p> </p> <p>​သူမက ပုလော့နန်းတော်ထဲသို့ ယခုမှ ခြေချလာခဲ့သူဖြစ်ရာ လျိုရီရီနှင့်အခြားသူများကြားထဲသို့ ချက်ချင်းကြီး ဝင်ဆံ့နိုင်ရန် မဖြစ်နိုင်သေးချေ။</p> <p> </p> <p>​လင်းယွင်ရွှယ် ပုလော့မင်းဆက်သို့ ရောက်ရှိလာပြီးနောက် ချင်ယိက သူမကို ယွင်ဖေး (ယွင်မိဖုရား) ဟူသော ဘွဲ့အမည်ကို ပေးအပ်ခဲ့ပြီး ပုလော့နန်းတော်၏ မိသားစုဝင်တစ်ဦး ဖြစ်လာခဲ့သည်။</p> <p> </p> <p>​လျိုရီရီနှင့် အခြားသူများက သူမကိုအနိုင်ကျင့်လိုသည့် စိတ်ကူးမရှိကြသော်လည်း မည်သို့ပင်ဆိုစေ နှစ်ဖက်စလုံးက ရင်းနှီးကျွမ်းဝင်မှုမရှိသေးသည်ဖြစ်ရာ သူတို့ကြားတွင် အနည်းငယ်သော ကွာဟမှုလေးတစ်ခု ရှိနေဆဲပင်။</p> <p> </p> <p>​"ညီမလေးယင်ရွှယ်... စိတ်မလောပါနဲ့။အစ်မတော်ရီရီနဲ့ တခြားသူတွေက ပေါင်းသင်းဆက်ဆံရတာ အရမ်းလွယ်ကူပါတယ်"</p> <p> </p> <p>​ကျော့ရှင်းလှပသော ဟန်းကော့က လင်းယွင်ရွှယ်၏ နူးညံ့သော လက်ကလေးကို ဆုပ်ကိုင်ကာ ပြောလိုက်၏။</p> <p> </p> <p>​"အစ်မတော်ဟန်းကော့... ယွင်ရွှယ် နားလည်ပါတယ်"</p> <p> </p> <p>​လင်းယွင်ရွှယ်က ဟန်းကော့ကို အားနာဟန်ဖြင့် ပြုံးပြလိုက်ပြီး သူမ၏စိတ်အခြေအနေလည်း ဖြည်းညှင်းစွာ တည်ငြိမ်သွားခဲ့သည်။</p> <p> </p> <p>​"အင်းပါ"</p> <p> </p> <p>​ဟန်းကော့က ခေါင်းကို ညင်သာစွာ ညိတ်ပြလိုက်ပြီး သိပ်ပြီး ဂရုမစိုက်တော့ချေ။</p> <p> </p> <p>​လျိုရီရီ၏ ဦးဆောင်မှုအောက်တွင် ပုလော့နန်းတော် တစ်ခုလုံးသည် အခြားသောမင်းဆက်များ၏ မိဖုရားဆောင်များကဲ့သို့ အကောက်ကြံမှုများဖြင့် ပြည့်နှက်မနေခဲ့ချေ။</p> <p> </p> <p>​အခြားသောမင်းဆက်များနှင့် နှိုင်းယှဉ်ပါက ပုလော့နန်းတော်က အတော်လေး သဟဇာတဖြစ်ပြီး သင့်မြတ်လှသည်။</p> <p> </p> <p>​ဟန်းကော့က ကြိမ်ကုလားထိုင်ပေါ်တွင် ပျင်းရိစွာ လဲလျောင်းနေပြီး အကြောဆန့်လိုက်သည်။ မည်သည့်အကြောင်းကြောင့်မှန်းမသိ လွန်ခဲ့သည့် ရက်အနည်းငယ်မှစ၍ သူမက အကြောင်းရင်းမရှိဘဲ အနည်းငယ်အိပ်ချင်သလို ခံစားနေရသည်။</p> <p> </p> <p>​ကြည်လင်တောက်ပနေသော ဖီးနစ်မျက်လုံးအစုံက အနည်းငယ်မှေးစင်းသွားပြီး သူမ၏ လှပသော မျက်နှာလေးပေါ်တွင် အိပ်ချင်မူးတူး အရိပ်အယောင်လေးများ ထွက်ပေါ်လာလေသည်။</p> <p> </p> <p>​ခေတ္တမျှ ကြာပြီးနောက် ဟန်းကော့သည် ကြိမ်ကုလားထိုင်ပေါ်တွင် အိပ်ပျော်သွားလေတော့သည်။</p> <p> </p> <p>​မွန်းတည့်ချိန်ရောက်မှသာ ဟန်းကော့က ချင်ယိ၏ နှိုးခြင်းကို ခံလိုက်ရသည်။</p> <p> </p> <p>​"ဟန်ကော့... ဘာဖြစ်လို့လဲ၊ နေမကောင်းဘူးလား"</p> <p> </p> <p>​ချင်ယိက ဟန်းကော့၏ ဆံပင်များကို သပ်တင်ပေးရင်း စိုးရိမ်တကြီး မေးလိုက်လေသည်။</p> <p> </p> <p>​"နှမတော်က ဘာမှမဖြစ်ပါဘူး။ လောလောဆယ် နည်းနည်း အိပ်ချင်နေရုံလေးတင်ပါ"</p> <p> </p> <p>​ဟန်းကော့က ချင်ယိကို အိပ်ချင်မူးတူးဖြင့် တစ်ချက်ကြည့်လိုက်ပြီး ညင်သာစွာ ပြုံးပြကာ ဘာမှမဖြစ်ကြောင်း အချက်ပြလိုက်သည်။</p> <p> </p> <p>​"ဝေါ့"</p> <p> </p> <p>​သူမ စကားပြောနေစဉ်မှာပင် ဟန်းကော့မှာ ဆက်လက် မထိန်းထားနိုင်တော့ဘဲ ရုတ်တရက် အန်ထုတ်လိုက်ပြီး သူမ၏ မျက်နှာလေးမှာလည်း ဖြူလျော့သွားရသည်။</p> <p> </p> <p>​"ဘာဖြစ်လို့လဲ"</p> <p> </p> <p>​"အစ်မတော်ဟန်းကော့... ဘာဖြစ်လို့လဲ၊ သမားတော် ခေါ်ပြရမလား"</p> <p> </p> <p>​"အစ်မတော်ဟန်းကော့... နေမကောင်းဘူးလား"</p> <p> </p> <p>​ဟန်းကော့၏ ထူးဆန်းသောအပြုအမူကြောင့် ချင်ယိနှင့် အခြားသူများမှာ အံ့အားသင့်သွားကြပြီး စိုးရိမ်တကြီး ဖြစ်သွားကြသည်။</p> <p> </p> <p>​ချင်ယိက ရှေ့သို့လှမ်းကာ ဟန်းကော့ကို ညင်သာစွာ ဆွဲထူလိုက်၏။</p> <p> </p> <p>​ချင်ယိ၏ ခန္ဓာကိုယ်မှ စစ်မှန်သော စွမ်းအင်စီးကြောင်းတစ်ခုက ဟန်းကော့၏ခန္ဓာကိုယ်ထဲသို့ စီးဝင်သွားလေသည်။ ခေတ္တမျှ ကြာပြီးနောက် ချင်ယိ၏ မျက်မှောင်များက နက်ရှိုင်းစွာ ကုတ်ကျသွားသည်။</p> <p> </p> <p>​ဟန်းကော့၏ ခန္ဓာကိုယ်ထဲတွင် ထူးခြားမှုမရှိသလို နေမကောင်းသည့် လက္ခဏာမျိုးလည်း မတွေ့ရချေ။</p> <p> </p> <p>​'ဒါဆို ဘာလို့ ဟန်းကော့က ရုတ်တရက် အန်ရတာလဲ'</p> <p> </p> <p>​'ကောင်းကင်ဘုံစတုတ္ထအဆင့် ကျင့်ကြံခြင်းရှိတဲ့ ဟန်းကော့က ဘာအကြောင်းမှမရှိဘဲ ဘယ်လိုလုပ် အန်နိုင်မှာလဲ'</p> <p> </p> <p>​'နေပါဦး'</p> <p> </p> <p>​'အိပ်ချင်မူးတူးဖြစ်နေတာရယ်... အန်တာရယ်...'</p> <p> </p> <p>​ရုတ်တရက် ချင်ယိ၏စိတ်ထဲတွင် တစ်စုံတစ်ခုကို တွေးမိသွားသည့်အလား အလင်းတစ်ချက်လင်းလက်သွားခဲ့သည်။</p> <p> </p> <p>​ချင်ယိက သူ၏ စစ်မှန်သောစွမ်းအင်အချို့ကို ဟန်းကော့၏ဝမ်းဗိုက်ထဲသို့ အလျင်အမြန်နှင့် သတိထားကာ ပို့လွှတ်လိုက်သည်။ ထိုနေရာတွင် တိတ်ဆိတ်သော်လည်း အားကောင်းသော သက်ရှိလှိုင်းလေးတစ်ခုက သူနှင့် အံ့သြဖွယ်ကောင်းသော ခံစားချက်တစ်ခုကို ဖန်တီးနေပေသည်။</p> <p> </p> <p>​သွေးသားတော်စပ်မှု သံယောဇဉ်ကြိုးလေးက အလိုအလျောက် ချိတ်ဆက်သွားလေပြီ။</p> <p> </p> <p>​သူ မျှော်လင့်ထားခဲ့သော်လည်း ချင်ယိမှာ မှင်သက်သွားဆဲပင်။</p> <p> </p> <p>​ပြောပြ၍မရနိုင်သော ခံစားချက်တစ်ခုက ချင်ယိ၏ နှလုံးသားထဲသို့ ချက်ချင်း တိုးဝင်လာခဲ့သည်။</p> <p> </p> <p>​စိတ်လှုပ်ရှားမှု၊ ဝမ်းသာမှု၊ စိုးရိမ်ပူပန်မှု... ဖော်ပြ၍မရသော ခံစားချက်မျိုးစုံက တစ်ခုပြီးတစ်ခု ထွက်ပေါ်လာလေသည်။</p> <p> </p> <p>​တစ်ချိန်တည်းမှာပင် လှိုင်းလုံးကြီးတစ်ခုအလား ဝမ်းမြောက်မှုက သူ၏ရင်ထဲမှ ပေါက်ကွဲထွက်လာခဲ့ပြီး ၎င်းသည် ချင်းကျိုးတစ်ခုလုံးကို စည်းလုံးကာ ချင်းကျိုး၏အရှင်သခင် ဖြစ်လာခဲ့စဉ်က သူ၏စိတ်လှုပ်ရှားမှုထက်ပင် များစွာသာလွန်နေသေးသည်။</p> <p> </p> <p>​'ဟန်းကော့ဆီမှာ သက်ရှိအသစ်လေးတစ်ခု သန္ဓေတည်နေပြီ'</p> <p> </p> <p>​'ဒါက ငါ့ရဲ့ ကလေးလေးပဲ'</p> <p> </p> <p>​"ဘယ်လိုနေလဲ... အစ်မတော်ဟန်းကော့"</p> <p> </p> <p>​ချင်ယိ၏မျက်နှာအမူအရာ ပြောင်းလဲသွားသည်ကို မြင်သောအခါ ဘေးပတ်လည်ရှိ မိန်းကလေးများမှာ ရုတ်တရက် စိုးရိမ်တကြီး ဖြစ်သွားကြရသည်။</p> <p> </p> <p>​ဟန်းကော့သည် သူတို့နှင့်အတူ အချိန်ကြာမြင့်စွာ နေထိုင်လာခဲ့ပြီး သံယောဇဉ်နက်ရှိုင်းနေပြီဖြစ်ရာ မိန်းကလေးများအားလုံးက သူမအတွက် စိုးရိမ်နေကြခြင်းဖြစ်၏။</p> <p> </p> <p>​"ဘာမှမဖြစ်ပါဘူး၊ ဟန်းကော့ရဲ့ ကျန်းမာရေးက အရမ်းကောင်းပါတယ်။ ဟားဟားဟား"</p> <p> </p> <p>​ချင်ယိက အလှလေးကို နာကျင်သွားစေမည်ကို စိုးရိမ်သည့်အလား ဟန်းကော့၏ လက်ကလေးကို ရှားပါးရတနာတစ်ပါးကို ကိုင်တွယ်ရသလို ညင်သာစွာ ချထားပေးလိုက်လေသည်။</p> <p> </p> <p>​"ဒါဆို အစ်မတော်ဟန်းကော့က ဘာလို့ ရုတ်တရက် အန်ရတာလဲ"</p> <p> </p> <p>​စုန့်ရွှဲအာနှင့် အခြားမိန်းကလေးများမှာ နားမလည်နိုင်အောင် ဖြစ်နေကြဆဲပင်။</p> <p> </p> <p>​"ဂုဏ်ယူပါတယ်... အစ်မတော်ဟန်းကော့"</p> <p> </p> <p>​ဆန့်ကျင်ဘက်အနေဖြင့် ဉာဏ်ကောင်းသော လျိုရီရီက ပထမဆုံး သဘောပေါက်သွားပြီး ဟန်းကော့ကို ဝမ်းသာအားရ ဂုဏ်ပြုလိုက်သည်။</p> <p> </p> <p>​ဤသည်က စုန့်ရွှဲအာနှင့် အခြားမိန်းကလေးများကို ပို၍ပင် တွေဝေသွားစေခဲ့သည်။</p> <p> </p> <p>​ဟန်းကော့မှာ ထင်ရှားစွာပင် နေမကောင်းဖြစ်နေသည်ကို ဘာကများ ဝမ်းသာစရာဖြစ်နေသနည်း။</p> <p> </p> <p>​ဟန်းကော့ကိုယ်တိုင်ပင် ကြောင်အမ်းအမ်း ဖြစ်နေပြီး ဘာကို ဝမ်းသာရမှန်း မသိဖြစ်နေခဲ့လေသည်။</p> <p> </p> <p>​"ယောကျ်ား... အစ်မတော်ရီရီ... ကျွန်မတို့ကို မြန်မြန်ပြောပြပါဦး"</p> <p> </p> <p>​ပြုံးနေပြီး စကားမပြောကြသော ချင်ယိနှင့် လျိုရီရီတို့ နှစ်ယောက်ကို ကြည့်ကာ စုန့်ရွှဲအာနှင့် အခြားမိန်းကလေးများမှာ စိတ်ထဲတွင် ကြောင်ကုတ်ခံရသလို ယားယံနေကြပြီး ဆက်တိုက် မေးမြန်းနေကြသည်။</p> <p> </p> <p>​"သေချာစဉ်းစားကြည့်ကြလေ... အစ်မတော်ဟန်းကော့ရဲ့ လက္ခဏာတွေကို"</p> <p> </p> <p>​လျိုရီရီက လျှို့ဝှက်ဆန်းကြယ်စွာ ပြုံးလိုက်လေသည်။</p> <p> </p> <p>​"အစ်မတော်ဟန်းကော့ရဲ့ လက္ခဏာတွေက... သိပြီ၊ အစ်မတော်ဟန်းကော့ ကိုယ်ဝန်ရှိနေတာပဲ"</p> <p> </p> <p>​စုန့်ရွှဲအာက တီးတိုးရေရွတ်ရင်း ရုတ်တရက် သဘောပေါက်သွားကာ အံ့သြတကြီး အော်ဟစ်လိုက်သည်။</p> <p> </p> <p>​"ငါ ကိုယ်ဝန်ရှိနေတာလား"</p> <p> </p> <p>​ထိုစကားကို ကြားသောအခါ ဟန်းကော့က သူမ၏ နှုတ်ခမ်းနီနီလေးများကို အနည်းငယ်ဟကာ မှင်သက်သွားရသည်။</p> <p> </p> <p>​ဤသည်မှာ သူမ လုံးဝထင်မှတ်မထားခဲ့သော အရာဖြစ်သည်။ မူလက မိန်းကလေးများ၏ခန့်မှန်းချက်အရ ဟန်းကော့သည် ချင်ယိအတွက် သွေးသားဆက်ခံသူကို အလွယ်ကူဆုံး ကိုယ်ဝန်ဆောင်ပေးနိုင်မည့်သူ ဖြစ်သည်။</p> <p> </p> <p>​သို့သော်လည်း ဤအလွယ်ကူဆုံးဆိုသည်မှာ နှိုင်းယှဉ်ချက်တစ်ခုအရသာဖြစ်၏။</p> <p> </p> <p>​ချင်ယိ၏ ကျင့်ကြံခြင်းအဆင့်က အသွင်ပြောင်းအဆင့်သို့ ချိုးဖောက်ရောက်ရှိနေပြီဖြစ်ပြီး စစ်မှန်သောနဂါးသွေးကြောကိုလည်း ပိုင်ဆိုင်ထားရာ သာမန်အမျိုးသမီးများအနေဖြင့် ချင်ယိ၏သက်ရှိ မျိုးရိုးဗီဇများကို လုံးဝ ခံနိုင်ရည်မရှိချေ။</p> <p> </p> <p>​လျိုရီရီနှင့် အခြားသူများကဲ့သို့ ကျင့်ကြံခြင်းအဆင့် မဟာသခင်ကြီးအဆင့်သာရှိသော မိန်းကလေးများဆိုလျှင် ချင်ယိ၏သွေးကြောကို သယ်ဆောင်နိုင်စွမ်း လုံးဝ မရှိပေ။</p> <p> </p> <p>​ဟန်းကော့၏ ကျင့်ကြံခြင်းအဆင့်က အတော်လေး မြင့်မားပြီး စနစ်၏ခေါ်ယူမှုကို ခံရသူဖြစ်ရာ အလွန် ပါရမီပါပေသည်။ သူမသည်သာ အချိန်တိုအတွင်း အသွင်ပြောင်းအဆင့်သို့ ချိုးဖောက်ပြီး ချင်ယိအတွက် သားသမီး မွေးဖွားပေးနိုင်မည့် အကြီးမားဆုံး မျှော်လင့်ချက် ဖြစ်သည်။</p> <p> </p> <p>​သို့သော် ဟန်းကော့ အသွင်ပြောင်းအဆင့်သို့ မချိုးဖောက်နိုင်ခင်မှာပင် သူမ၏ကိုယ်ဝန်သတင်းကို ကြားရလိမ့်မည်ဟု ချင်ယိကိုယ်တိုင်ပင် ထင်မှတ်မထားခဲ့ချေ။</p> <p> </p> <p>​အင်ပါယာအရှင်သခင်တွင် သွေးသားဆက်ခံမည့်သူ ရှိလာခဲ့လေပြီ။</p> <p> </p> <p>***</p> <p> </p>


Save