Book List

<h2 style="text-align: center;">​အခန်း ၁၀၈၂</h2> <h2 style="text-align: center;">သွေးသားဆက်ခံသူ</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p>​မိဖုရား ကိုယ်ဝန်ရှိနေပြီဆိုသည့်သတင်းက ပုလော့မင်းဆက် တစ်ခုလုံးသို့ ချက်ချင်း ပျံ့နှံ့သွားဆလသည်။</p> <p> </p> <p>​အင်ပါယာမင်းဆက်တစ်ခုလုံးကို တုန်လှုပ်သွားစေပြီး အမတ်များအားလုံးမှာလည်း ဤသတင်းကြောင့် စိတ်လှုပ်ရှား ဝမ်းသာနေခဲ့ကြသည်။</p> <p> </p> <p>​"မိဖုရားကြီး ကိုယ်ဝန်ရှိနေပြီ... ဝမ်းသာစရာကိစ္စပဲ၊ ဝမ်းသာစရာကိစ္စကြီးပဲ"</p> <p> </p> <p>​"မိဖုရားကြီးက ကိုယ်ဝန်ဆောင်ထားပြီဆိုတော့ မင်းဆက်အတွက် သွေးသားဆက်ခံမယ့်သူ ရှိလာပြီ။ ဒါက ဘဝရဲ့ အကြီးမားဆုံး ဝမ်းသာစရာကိစ္စကြီးပဲ"</p> <p> </p> <p>​"မင်းဆက်ကြီး တည်ငြိမ်သွားပြီ"</p> <p> </p> <p>​သတင်းကိုကြားပြီးနောက် ပုလော့မင်းဆက်မှ အမတ်များမှာ ဝမ်းသာအားရ ရယ်မောလိုက်ကြသည်။</p> <p> </p> <p>​အင်အားစုတစ်ခု တည်ငြိမ်မှုဆိုသည်မှာ အရှင်သခင်၏အင်အားအပေါ်တွင်သာမက အရှင်သခင်၏သွေးသားဆက်ခံသူများအပေါ်တွင်လည်း မူတည်နေပေသည်။</p> <p> </p> <p>​မင်းဆက်တစ်ခုအတွက် အိမ်ရှေ့မင်းသားကို သတ်မှတ်ခြင်းက အရေးအကြီးဆုံးကိစ္စရပ်ပင် ဖြစ်သည်။</p> <p> </p> <p>​အင်ပါယာအရှင်သခင်၏ သွေးသားဆက်ခံသူရှိနေမှသာလျှင် အမတ်များနှင့်ပြည်သူများ၏ နှလုံးသားများကို ပိုမို တည်ငြိမ်စေနိုင်မည်ဖြစ်၏။</p> <p> </p> <p>​ဤမတိုင်မီက ပုလော့မင်းဆက်တစ်ခုလုံးသည် ပုလော့တည်ငြိမ်မှုကို သေချာစေရန် ပုလော့နန်းတော်ရှိ မိဖုရားများ ကိုယ်ဝန်ဆောင်နိုင်ရန် မျှော်လင့်နေခဲ့ကြသည်။</p> <p> </p> <p>​သို့သော်လည်း ပုလော့နန်းတော်မှ သတင်းအစအနမျှ မထွက်ပေါ်လာသည်မှာ အချိန်အတော်ကြာမြင့်ခဲ့ပြီဖြစ်ရာ လူများစွာမှာ မျှော်လင့်တကြီး စောင့်စားနေခဲ့ကြရသည်။ နောက်ဆုံးတွင်တော့ ယနေ့၌ မိဖုရားကြီး ကိုယ်ဝန်ရှိနေပြီဆိုသည့်သတင်းက ပုလော့နန်းတော်မှ ထွက်ပေါ်လာခဲ့ပြီဖြစ်ရာ ပြည်သူများမှာ အလွန်အမင်း စိတ်လှုပ်ရှား ပျော်ရွှင်နေကြလေသည်။</p> <p> </p> <p>​အကယ်၍ မိဖုရားက သားတော်လေးမွေးဖွားလာမည်ဆိုလျှင် ပို၍ပင် အဓိပ္ပာယ်ပြည့်ဝနေဦးမည် ဖြစ်သည်။</p> <p> </p> <p>​ဤသည်မှာ ပုလော့မင်းဆက်၏ပထမဆုံးသော မင်းသား၊ တရားဝင်အိမ်ရှေ့မင်းသားပင် ဖြစ်လာမည် မဟုတ်ပါလော။</p> <p> </p> <p>​နောက်ဆုံးတွင် ဤသတင်းသည် ဟာဂိုရိုမိုက ထာ့ထျန်းဂိုဏ်းကို ချေမှုန်းဖျက်ဆီးလိုက်သည့် သတင်းကိုပင် ကျော်လွန်သွားခဲ့ပြီး ပုလော့မင်းဆက်၏ စိတ်ဝင်စားစရာ အကောင်းဆုံး သတင်းတစ်ပုဒ်ဖြစ်လာခဲ့လေသည်။</p> <p> </p> <p>​နန်းတော်သို့ ယခုမှ ပြန်လည်ရောက်ရှိလာကြသော မယ်တော်ယန်နှင့် မယ်တော်ကြီးတို့ပင်လျှင် သတင်းကြားကြားချင်း အလျင်အမြန် ရောက်ရှိလာခဲ့ကြသည်။</p> <p> </p> <p>​"ဘာဖြစ်လို့လဲ။ နေမကောင်းဘူးလား။ သမားတော်တွေကို ခေါ်ပြရမလား"</p> <p> </p> <p>​မယ်တော်ယန်နှင့် မယ်တော်ကြီးတို့က ဟန်းကော့ကို ဘယ်ညာတစ်ဖက်တစ်ချက်စီမှ တွဲကူပေးထားကြပြီး ဟန်းကော့ အနည်းငယ်မျှ နေမသက်မသာ ဖြစ်သွားမည်ကို စိုးရိမ်သည့်အလား အလွန်ညင်သာစွာ လှုပ်ရှားနေကြလေသည်။</p> <p> </p> <p>​ကိုယ်ဝန်ရှိနေသော ဟန်းကော့သည် အမှန်တကယ်ပင် တိုင်းပြည်၏ အဖိုးတန်ရတနာတစ်ပါးအဖြစ် ပြောင်းလဲသွားခဲ့ချေပြီ။</p> <p> </p> <p>​မယ်တော်ယန်ရော မယ်တော်ကြီးပါ ဟန်းကော့ကို အနည်းငယ်မျှ ထိခိုက်သွားမည်ကိုပင် ကြောက်ရွံ့နေခဲ့ကြသည်။</p> <p> </p> <p>​ချင်ယိက ဟန်းကော့ကို မျက်နှာပျက်ပြရဲလျှင်တောင်မှ မယ်တော်ယန်နှင့် မယ်တော်ကြီးတို့၏ ပြင်းထန်စွာ ဆူပူကြိမ်းမောင်းခြင်းကို သေချာပေါက် ခံရမည်သာ ဖြစ်သည်။</p> <p> </p> <p>​မယ်တော်နှစ်ပါး၏ မျက်လုံးထဲတွင် ချင်ယိ၏ အဆင့်အတန်းက အောက်ဆုံးအထိ ထိုးကျသွားသည်ဟု ဆိုနိုင်လေသည်။</p> <p> </p> <p>​သို့သော်လည်း ဤနှစ်ဦးထဲမှတစ်ဦးက သူ၏ အရင်းချာမယ်တော်ဖြစ်ပြီး နောက်တစ်ဦးက သူ့ကိုမွေးစားခဲ့သော မယ်တော်ဖြစ်နေသည် မဟုတ်ပါလော။ ချင်ယိက လုံးဝမစော်ကားရဲပေ။</p> <p> </p> <p>​"ခမည်းတော်... သမီးတော်မှာ မောင်လေးတစ်ယောက် ထပ်ရတော့မှာလား"</p> <p> </p> <p>​လိမ္မာရေးခြားရှိသော ချင်ယာယာလေးက ချင်ယိအတွက် အခက်တွေ့နေမှုများကို ဖြေရှင်းပေးလိုက်လေသည်။</p> <p> </p> <p>​ပုလော့ဇီးယွဲ့မင်းသမီးလေးသည် အသက်အရွယ် ကြီးပြင်းလာသည်နှင့်အမျှ ပို၍ပို၍ လှပကျော့ရှင်းလာပြီး သူမ၏အသားအရေက နှင်းပွင့်များအလား ဖြူဖွေးနူးညံ့ကာ ဆံကေသာက ရေတံခွန်အလား ဖြောင့်စင်းနေသည်။</p> <p> </p> <p>​ရုပ်ရည်အသွင်အပြင်ကို ပြောရမည်ဆိုလျှင် သူမက လျိုရီရီနှင့် အခြားမိဖုရားများထက် အားနည်းခြင်းမရှိဘဲ နတ်သမီးလေးတစ်ပါးအလား ဖြစ်နေလေသည်။</p> <p> </p> <p>​ဤအခိုက်အတန့်တွင် ချင်ယာယာက သူမ၏ တောက်ပသော မျက်လုံးဝိုင်းကြီးများကို ပုတ်ခတ်ပုတ်ခတ်လုပ်ကာ လူအုပ်ကြီး ဝိုင်းရံထားသော ဟန်းကော့ကို စူးစမ်းလိုစိတ်ဖြင့် ကြည့်နေခဲ့သည်။</p> <p> </p> <p>​"သေချာပေါက်တော့ မဟုတ်ဘူးလေ။ ညီမလေးလည်းဖြစ်နိုင်တာပဲ မဟုတ်ဘူးလား"</p> <p> </p> <p>​ချင်ယိက ရယ်မောလိုက်ပြီး ခပ်အေးအေးပင် ပြောလိုက်လေသည်။</p> <p> </p> <p>​သူ၏ အမြင်တွင် သားတော်လေးဖြစ်စေ၊ သမီးတော်လေးဖြစ်စေ သူ၏ကလေးသာ ဖြစ်သည်။</p> <p> </p> <p>​အရင်ဘဝကနေ ယခုဘဝအထိ ဖခင်တစ်ယောက်ဖြစ်ရသည့် ခံစားချက်ကို သူ တစ်ကြိမ်တစ်ခါမျှ မခံစားဖူးခဲ့ချေ။ ဤအတွေ့အကြုံက သူအဖို့ အလွန်တရာဆန်းသစ်နေပေသည်။</p> <p> </p> <p>​"ဒါပေမဲ့ မောင်လေး ဒါမှမဟုတ် ညီမလေး မွေးဖွားလာဖို့ကတော့ အချိန်နည်းနည်း ယူရလိမ့်မယ်"</p> <p> </p> <p>​ချင်ယိက ညင်သာစွာ ပြုံးလိုက်သည်။</p> <p> </p> <p>​"ဘာဖြစ်လို့လဲဟင်"</p> <p> </p> <p>​ချင်ယာယာမှာ နားမလည်နိုင်အောင် ဖြစ်သွားရသည်။</p> <p> </p> <p>​"ကျင့်ကြံသူတွေရဲ့ ကျင့်ကြံခြင်းအဆင့်က မြင့်မားလေလေ သွေးသားဆက်ခံမယ့်သူ မွေးဖွားဖို့ ခက်ခဲလေလေပဲ။ ကိုယ်ဝန်ဆောင်ရတဲ့ အချိန်ကလည်း ပိုပြီး ကြာမြင့်တတ်တယ်"</p> <p> </p> <p>​"ခမည်းတော်က အင်ပါယာအရှင်သခင်ဖြစ်သလို၊ သမီးတော်ရဲ့အန်တီကလည်း ကောင်းကင်ဘုံအဆင့် ကျင့်ကြံသူတစ်ယောက်ဖြစ်နေတော့ သက်ရှိလေးတစ်ခု မွေးဖွားလာဖို့ အချိန်အတော်ကြာ ယူရလိမ့်မယ်"</p> <p> </p> <p>​ချင်ယိက ပြုံးလျက် ရှင်းပြလိုက်၏။</p> <p> </p> <p>​ယေဘုယျအားဖြင့်ဆိုရလျှင် မိခင်၏ဝမ်းဗိုက်ထဲတွင် အချိန်ပိုကြာကြာ နေရလေလေ၊ သန္ဓေသား၏ ပါရမီနှင့် သွေးကြောက သာမန်လူများထက် ပိုမိုထူးချွန်ပြောင်မြောက်လေလေ ဖြစ်သည်။</p> <p> </p> <p>​ချင်ယိက စစ်မှန်သော နဂါးသွေးကြောကို ပိုင်ဆိုင်ထားပြီး ဟန်းကော့၏ခန္ဓာကိုယ်ထဲရှိ သန္ဓေသားလေးသည်လည်း နဂါးသွေးကြောကို သဘာဝကျကျ အမွေဆက်ခံရရှိမည်ဖြစ်ရာ ကိုယ်ဝန်ဆောင်ရန် အချိန်ကြာမြင့်ခြင်းသာ ဖြစ်လေသည်။</p> <p> </p> <p>...........</p> <p> </p> <p>​ယုံချင့်နန်းဆောင်။</p> <p> </p> <p>​နန်းတော်ကြီးက ခမ်းနားထည်ဝါပြီး မီတာတစ်ရာခန့် မြင့်မားကာ ပန်းပေါင်းစုံဖြင့် လှပစွာအလှဆင်ထားခဲ့သည်။</p> <p> </p> <p>​ပြင်းထန်သော ကနဦးစွမ်းအင်များသည် မမြင်နိုင်သော လက်ကြီးတစ်ဖက်၏ ဆွဲငင်မှုအောက်တွင် ယုံချင့်နန်းဆောင်ထဲသို့ စီးဝင်သွားလေသည်။</p> <p> </p> <p>​လှပသော အစေခံမိန်းကလေးများနှင့် အမျိုးသမီး သူတော်စင်တစ်စုက ယုံချင့်နန်းဆောင်၏ ဘေးတစ်ဖက်တစ်ချက်စီတွင် ရိုသေလေးစားစွာ ရပ်နေကြ၏။</p> <p> </p> <p>​ဟန်းကော့ ကိုယ်ဝန်ရသွားပြီးနောက် အင်ပါယာအရှင်သခင်၏ အလိုလိုက်အကြိုက်ဆောင်တတ်မှုကို မင်းဆက်တစ်ခုလုံးက မြင်တွေ့ခဲ့ရလေသည်။</p> <p> </p> <p>​ဖခင်တစ်ယောက်ဖြစ်လာတော့မည့် အမျိုးသားတစ်ဦးအနေဖြင့် ကိုယ်ဝန်ဆောင်ဇနီးသည်ကို အလိုလိုက်ခြင်းက သဘာဝမကျဘူးလား။</p> <p> </p> <p>​ချင်ယိက ဟန်းကော့၏ တောင်းဆိုမှုတိုင်းကို ဖြည့်ဆည်းပေးခဲ့သည်။</p> <p> </p> <p>​အချိန်ပြည့်စောင့်ရှောက်ရန်အတွက် အစေခံများနှင့် သမားတော်များကို စီစဉ်ပေးထားပြီး အနည်းငယ်မျှ အမှားအယွင်းဖြစ်မည်ကိုပင် ကြောက်ရွံ့နေခဲ့ရာ လျိုရီရီနှင့် အခြားမိဖုရားများပင် မနာလိုဖြစ်ရသည်အထိပင်။</p> <p> </p> <p>​အမျိုးသမီးကျင့်ကြံသူများအတွက် သွေးသားဆက်ခံမည့်သူ မွေးဖွားရန်ဆိုသည်မှာ အလွန်ရှားပါးလှသည်။ မျိုးဆက်သစ်တစ်ခု မွေးဖွားရန် ခက်ခဲခြင်းအပြင် အခြားသော အကြောင်းရင်းတစ်ခုလည်း ရှိသေးသည်။</p> <p> </p> <p>​၎င်းမှာ အမျိုးသမီးကျင့်ကြံသူများ ကလေးမွေးဖွားပါက သူတို့ကိုယ်တိုင်အတွက် ကြီးမားသော ဆုံးရှုံးမှုကြီးဖြစ်စေပြီး သူတို့၏ကျင့်ကြံခြင်းကိုပင် ထိခိုက်စေနိုင်သောကြောင့် ဖြစ်သည်။</p> <p> </p> <p>​ဤအကြောင်းကြောင့်ပင် အမျိုးသမီးကျင့်ကြံသူအများစုသည် ကလေးယူရန် ရွေးချယ်လိုစိတ် မရှိကြချေ။</p> <p> </p> <p>​ဟန်းကော့ ကိုယ်ဝန်ဆောင်ထားချိန်တွင် ချင်ယိက သဘာဝကျကျပင် ဟန်းကော့ကို အဆုံးရှုံး မခံနိုင်ချေ။</p> <p> </p> <p>​စနစ်ထံမှ ရရှိထားသော သန္ဓေသားထိန်းဆေးလုံးကိုလည်း ချင်ယိက ဟန်းကော့အတွက် ထုတ်ယူပေးခဲ့လေသည်။</p> <p> </p> <p>​ထိုက်ရှန်းလောင်ကျွင်း၏ တောက်စစ်နန်းဆောင်မှ သန္ဓေသားထိန်းဆေးလုံးသည် လောကတွင် ရှားပါးလှသော အမြင့်မြတ်ဆုံး ဆေးစွမ်းကောင်းတစ်လက် ဖြစ်ပြီး သူတော်စင်ဆေးလုံးများထက်ပင် များစွာ သာလွန်နေသေးသည်။</p> <p> </p> <p>​ဟန်းကော့က ၎င်းကို အသုံးပြုပြီးနောက်တွင် သူမ၏ ဆုံးရှုံးမှုများကို အပြည့်အဝပြန်လည်ဖြည့်တင်းနိုင်ရုံသာမက သူမ၏ကျင့်ကြံခြင်းကလည်း တိုးတက်လာခဲ့သည်။ ကောင်းကင်ဘုံစတုတ္ထအဆင့်မှ နဝမအဆင့်အထိရောက်ရှိသွားပြီး အသွင်ပြောင်းအဆင့်သို့ ချိုးဖောက်ရန် ခြေလှမ်းတစ်ဝက်သာ လိုတော့လေသည်။</p> <p> </p> <p>​ဤအချက်တစ်ချက်တည်းကပင် အမြင့်မြတ်ဆုံး ဆေးစွမ်းကောင်းဟူသော ဂုဏ်ပုဒ်နှင့် ထိုက်တန်နေပေပြီ။</p> <p> </p> <p>​ထို့ထက်ပို၍ အကျိုးကျေးဇူး အများဆုံးရရှိသူမှာ ဟန်းကော့မဟုတ်ဘဲ သူမ၏ ဝမ်းဗိုက်ထဲရှိ သန္ဓေသားလေးသာ ဖြစ်သည်။</p> <p> </p> <p>​ချင်ယိသည် ဟန်းကော့၏ဝမ်းဗိုက်ထဲရှိ သန္ဓေသားလေး၏ အားကောင်းသော သက်ရှိလှိုင်းများကို ရှင်းလင်းစွာ ခံစားသိရှိနိုင်သည်။ ဆေးလုံးကို သောက်သုံးပြီးနောက် ပို၍ပင် အားကောင်းလာခဲ့သည်။</p> <p> </p> <p>​ချင်ယိက စနစ်ထံမှ အံ့သြဖွယ်ကောင်းသော သတင်းတစ်ခုကို သိရှိခဲ့ရပြန်သည်။</p> <p> </p> <p>​သူ၏ကလေးလေးသည် မိခင်၏ဝမ်းဗိုက်ထဲတွင် ရှိနေစဉ်မှာပင် ကျင့်ကြံခြင်းအဆင့်က မဟာသခင်ကြီးအဆင့်သို့ ရောက်ရှိနေခဲ့ပြ ဖြစ်သည်။</p> <p> </p> <p>​အသက်သုညအရွယ်မှာပင် မဟာသခင်ကြီးအဆင့်သို့ ရောက်ရှိနေခြင်းပင်။</p> <p> </p> <p>​တကယ်ကို တုန်လှုပ်ချောက်ချားဖွယ် ကောင်းလှသည် မဟုတ်ပါလော။</p> <p> </p> <p>​ထိုသတင်းကို ကြားသောအခါ ချင်ယိကိုယ်တိုင်ပင် စကားမပြောနိုင်လောက်အောင် အံ့သြမှင်သက်သွားခဲ့ရလေသည်။</p> <p> </p> <p>​ပြန်လည်စဉ်းစားကြည့်မည်ဆိုလျှင် သူကိုယ်တိုင်ပင် မဟာသခင်ကြီးအဆင့်သို့ ချိုးဖောက်နိုင်ရန် စနစ်၏ အကူအညီဖြင့် နှစ်ပေါင်းများစွာ ကျင့်ကြံခဲ့ရသည် မဟုတ်ပါလော။</p> <p> </p> <p>​မမွေးဖွားလာခင်မှာပင် သူ၏ကလေးက ဤမျှ ကြောက်မက်ဖွယ်ကောင်းသော ကျင့်ကြံခြင်းအဆင့်သို့ ရောက်ရှိနေသည်ကို တွေးမိသောအခါ ချင်ယိမှာ ဘာပြောရမှန်းပင် မသိတော့ချေ။</p> <p> </p> <p>​သို့သော်လည်း သူက အတွေးကို ပြောင်းလဲလိုက်ပြီး စိတ်သက်သာရာ ရသွားရသည်။</p> <p> </p> <p>​ဟန်းကော့၏ ဝမ်းဗိုက်ထဲရှိ သန္ဓေသားလေး ဤမျှ ကျင့်ကြံခြင်းအဆင့်ရှိနေခြင်းမှာ ချင်ယိနှင့် မသက်ဆိုင်လှချေ။</p> <p> </p> <p>​ချင်ယိထံမှ အမွေဆက်ခံရရှိသော စစ်မှန်သော နဂါးသွေးကြောအပြင် သန္ဓေသားထိန်းဆေးလုံး၏ အာနိသင်ပါ ပေါင်းစပ်သွားသောကြောင့် မိမိ၏ ကလေးသည် မမွေးဖွားခင်မှာပင် ဤကဲ့သို့သော ကျင့်ကြံခြင်းအဆင့်ရှိနေခြင်းမှာ လက်မခံနိုင်စရာ မဟုတ်ချေ။</p> <p> </p> <p>​နှိုင်းယှဉ်ရမည်ဆိုလျှင် အကယ်၍ သန္ဓေသားထိန်းဆေးလုံး၏ အာနိသင်အများစုကို သန္ဓေသား၏ ပါရမီနှင့် နတ်ဘုရားခန္ဓာကိုယ်အဖြစ်သို့ ပြောင်းလဲရန်သာ အသုံးမပြုခဲ့ပါက သန္ဓေသားလေး၏ကျင့်ကြံခြင်းအဆင့်က ဤမျှသာ မကနိုင်ကြောင်း သူ စိုးရိမ်မိပေသည်။</p> <p> </p> <p>​သန္ဓေသားထိန်းဆေးလုံးနှင့် စစ်မှန်သော နဂါးသွေးကြောတို့၏ အာနိသင်ပေါင်းစပ်မှုက တစ် အပေါင်း တစ်လို ရိုးရှင်းပါမည်လော။</p> <p> </p> <p>​ထိုနှစ်ခုပေါင်းစပ်သွားခြင်းက သန္ဓေသားအပေါ် သက်ရောက်မှုမှာ နည်းနည်းနောနော မဟုတ်ချေ။</p> <p> </p> <p>​ထို့ကြောင့် ဟန်းကော့၏ ဝမ်းဗိုက်ထဲရှိ သန္ဓေသားလေး၏ကျင့်ကြံခြင်းက မဟာသခင်ကြီးအဆင့်သို့ ရောက်ရှိသွားခြင်းမှာ အံ့သြစရာ မဟုတ်တော့ပေ။</p> <p> </p> <p>​တစ်နည်းဆိုရသော် ဤသည်မှာ ကောင်းကင်ယံနှင့် လောကကြီးထဲတွင် သာမန်ကိစ္စတစ်ခုအဖြစ်သာ သတ်မှတ်နိုင်သည်။</p> <p> </p> <p>​သိထားရမည်မှာ ကောင်းကင်ယံနှင့်လောကကြီးထဲတွင် ဟန်းကော့၏ဝမ်းဗိုက်ထဲရှိ သန္ဓေသားလေးထက် ပိုမိုကြောက်မက်ဖွယ်ကောင်းသော ပါရမီရှင်မိစ္ဆာများစွာ ရှိနေသေးကြောင်းပင်။</p> <p> </p> <p>​ဤပါရမီရှင်မိစ္ဆာများ၏ ကြောက်မက်ဖွယ်ကောင်းမှုက သာမန်လူများ၏စိတ်ကူးထက်ပင် များစွာ သာလွန်နေသေးသည်။</p> <p> </p> <p>​ကောင်းကင်ယံနှင့် မရေမတွက်နိုင်သော ကမ္ဘာကြီးများက အလွန်အမင်းကျယ်ပြောလှပြီး သာမန်လူများ မယုံကြည်နိုင်လောက်အောင် ကြောက်မက်ဖွယ်ကောင်းသည့် မျိုးနွယ်စုများကိုပင် မွေးဖွားပေးခဲ့သည် မဟုတ်ပါလော။</p> <p> </p> <p>***</p> <p> </p>


Save