Book List

<h2 style="text-align: center;">​အခန်း ၁၀၈၄</h2> <h2 style="text-align: center;">အဆင်မြင့် မြင့်မြတ်ဝိညာဥ်လက်နက် - ကျိန်းထျန်းရတနာသင်္ဘော</h2> <h2 style="text-align: center;">*</h2> <p> </p> <p> </p> <p> </p> <p>​ဇာတ်ကောင် - စူးတာ့ကျီ</p> <p> </p> <p>အဆင့်အတန်း - နတ်ဘုရားဒဏ္ဍာရီကမ္ဘာ၊ မဟာရှန်မင်းဆက် ကျီးကျိုးနယ်စား စူးဟူ၏သမီး၊ အမြီးကိုးချောင်းကောင်းကင်မြေခွေး</p> <p> </p> <p>ကျင့်ကြံခြင်းအဆင့် - အသွင်ပြောင်းနဝမအဆင့်</p> <p> </p> <p>လက်နက် - ကျောက်စိမ်းရောင နန်းတွင်းဝတ်စုံ၊ ကျောက်စိမ်းရောင်ဖဲကြိုး</p> <p> </p> <p>နတ်ဘုရားစွမ်းအား - သက်ရှိအားလုံးကို ညှို့ယူဖမ်းစားခြင်း၊ ကောင်းကင်မြေခွေး၏ စစ်မှန်သော ကိုယ်ပွား၊ ကောင်းကင်မြေခွေးနတ်မီးလျှံ စသည်...</p> <p> </p> <p>ပါရမီ - S အဆင့်</p> <p> </p> <p>​စူးတာ့ကျီ။</p> <p> </p> <p>​သက်ရှိအားလုံးကို ညှို့ယူဖမ်းစားခြင်း။</p> <p> </p> <p>​သို့သော်လည်း ချင်ယိက စူးတာ့ကျီကို မဲနှိုက်ရရှိခဲ့ခြင်းအတွက် သိပ်ပြီး ခံစားချက်မရှိလှချေ။</p> <p> </p> <p>​အကယ်၍ ချင်ယိသာ ယခုမှ စတင်ဝင်စားလာချိန်တွင် စူးတာ့ကျီကို မဲနှိုက်ရရှိခဲ့မည်ဆိုပါက သူ အလွန်တရာ ဝမ်းသာပျော်ရွှင်နေလောက်ပေသည်။ ဤကဲ့သို့သော အလှတရားမျိုးကို ချင်ယိက စိတ်မလှုပ်ရှားဘူးဟုဆိုလျှင် ၎င်းမှာ နောက်ပြောင်နေခြင်းသာ ဖြစ်ပေလိမ့်မည်။</p> <p> </p> <p>​သို့သော် ယခုအချိန်တွင်မူ ချင်ယိမှာ သိပ်ပြီး စိတ်လှုပ်ရှားမှု မရှိတော့ချေ။ ဆန့်ကျင်ဘက်အနေဖြင့် ချင်ယိ၏စိတ်ထဲတွင် စူးတာ့ကျီကို ချန်ထားသင့်၊ မချန်ထားသင့် တွေဝေမှု အနည်းငယ်ပင်ရှိနေခဲ့သည်။</p> <p> </p> <p>​မည်သို့ပင်ဆိုစေ စူးတာ့ကျီသည် အင်ပါယာမင်းဆက် တစ်ခုကို ပျက်စီးစေခဲ့သော မိန်းမလှလေးတစ်ဦး ဖြစ်သည်။ အနည်းငယ်ချဲ့ကားထားခြင်း ဖြစ်ကောင်းဖြစ်နိုင်သော်လည်း သူမတည်ရှိနေခြင်း၏ လွှမ်းမိုးမှုကိုတော့ သူ မငြင်းဆန်နိုင်ပေ။</p> <p> </p> <p>​ပို၍ အရေးကြီးသည်မှာ ချင်ယိက ပုလော့နန်းတော်၏ တည်ငြိမ်အေးချမ်းမှုကို စူးတာ့ကျီလာရောက် ဖျက်ဆီးမည်ကို မလိုလားခြင်းပင် ဖြစ်သည်။</p> <p> </p> <p>​လျိုရီရီနှင့် အခြားမိဖုရားများက အလွန်တရာ သဟဇာတဖြစ်စွာ ပေါင်းသင်းဆက်ဆံနေကြပြီး ပုလော့နန်းတော်ကြီးက အလွန် သင့်မြတ်နေပေသည်။</p> <p> </p> <p>​ထိုသို့ဖြစ်နေပါလျက် စူးတာ့ကျီကို အရမ်းကာရော ထည့်သွင်းလိုက်မည်ဆိုပါက မိဖုရားဆောင်၏ တည်ငြိမ်မှုကို ထိခိုက်သွားစေနိုင်သည်။</p> <p> </p> <p>​ဝှစ်...</p> <p> </p> <p>​ချင်ယိက မျက်လုံးများကို ကျဉ်းမြောင်းလိုက်ရာ သူ၏မျက်လုံးများထဲတွင် လူသတ်လိုစိတ်တစ်ခု ဖြတ်ပြေးသွားခဲ့သည်။</p> <p> </p> <p>​မျက်တောင်တစ်ခတ်အတွင်းမှာပင် စနစ်နေရာလွတ် တစ်ခုလုံး၏ အပူချိန်သည် အေးစက်သော ဆောင်းရာသီသို့ ဝင်ရောက်သွားသည့်အလား ဖြစ်သွား၏။</p> <p> </p> <p>​"အို"</p> <p> </p> <p>​စူးတာ့ကျီက ထိတ်လန့်သွားသော ယုန်သူငယ်လေးအလား ရုတ်တရက် အာမေဍိတ်သံပြုလိုက်လေသည်။</p> <p> </p> <p>​နူးညံ့ပြီး အားနည်းနေပုံရသော သူမ၏အသွင်အပြင်က လူအများကို သနားကရုဏာ သက်သွားစေနိုင်သည်။</p> <p> </p> <p>​"ထပါ"</p> <p> </p> <p>​ခေတ္တမျှကြာပြီးနောက် ချင်ယိက ပေါ့ပါးစွာ ပြုံးလိုက်ပြီး သူ၏မျက်နှာပေါ်ရှိ လူသတ်လိုစိတ်များက နွေဦးနှင်းများ အရည်ပျော်သွားသည့်အလား ပျောက်ကွယ်သွားသည်။</p> <p> </p> <p>​'ဘယ်လိုပဲဆိုဆို စူးတာ့ကျီက မိန်းမတစ်ယောက်ပဲ။ မိန်းမတစ်ယောက်က တိုင်းပြည်ကို ဖျက်ဆီးပစ်မှာ ကြောက်နေရမယ်ဆိုရင် ငါကအရည်အချင်းပြည့်မီတဲ့ ဘုရင်တစ်ပါး မဟုတ်တော့ဘူးပေါ့'</p> <p> </p> <p>​'ကျိုးဘုရင်က စူးတာ့ကျီရဲ့ လှည့်စားမှုကို ခံရပြီး တိုင်းပြည်ရေးရာကိစ္စရပ်တွေကို လျစ်လျူရှုခဲ့တာက သူ့ရဲ့စိတ်ဓာတ်အင်အား မလုံလောက်တာနဲ့ မင်းဆက်တစ်ခုရဲ့ အရှင်သခင်ဖြစ်ဖို့ မသင့်တော်တာကို ပြသနေတာပဲ'</p> <p> </p> <p>​'ဒါ့အပြင် မင်းဆက်တစ်ခု ကျဆုံးသွားရတာကို မိန်းမတစ်ယောက်အပေါ် အပြစ်ပုံချတာက ငါ့အမြင်မှာတော့ အဓိပ္ပာယ်မရှိတဲ့ စကားသက်သက်ပဲ'</p> <p> </p> <p>​'အကယ်၍ ကျိုးဘုရင်သာ ခိုင်မာတဲ့ စိတ်နှလုံး ရှိခဲ့မယ်ဆိုရင် ရှန်မင်းဆက်က ဘယ်လိုလုပ်ပျက်စီးနိုင်မှာလဲ'</p> <p> </p> <p>​ချင်ယိအနေဖြင့် စူးတာ့ကျီ တည်ရှိနေခြင်းကို လက်ခံပေးနိုင်ဆဲ ဖြစ်သည်။</p> <p> </p> <p>​မည်သို့ပင်ဆိုစေ စူးတာ့ကျီကို စနစ်ကတစ်ဆင့် ခေါ်ယူထားခြင်းဖြစ်ရာ သစ္စာဖောက်မည်ကို စိုးရိမ်ရန် မလိုအပ်ချေ။ ထို့ပြင် ချင်ယိအနေဖြင့် မိမိကိုယ်တိုင် မဲနှိုက်ခေါ်ယူထားသော လက်အောက်ခံကို ပြန်လည်ရှင်းလင်းရန်မှာလည်း မဖြစ်နိုင်ပေ။</p> <p> </p> <p>​ထို့အပြင် သူမက မိဖုရားဆောင်ကို ရှုပ်ထွေးအောင် လုပ်ချင်သည်ဆိုလျှင်တောင်မှ လွယ်ကူသော ကိစ္စတစ်ခု မဟုတ်ကြောင်း သူ ယုံကြည်ပေသည်။</p> <p> </p> <p>​လျိုရီရီနှင့် အခြားသူများက သဘောတူမည်မဟုတ်ချေ။ လျိုရီရီကို ချင်ယိ နားလည်ထားမှုအရ သူမက မိဖုရားဆောင်နှင့် ပတ်သက်သော ကိစ္စရပ်များကို ကောင်းစွာ ကိုင်တွယ်ဖြေရှင်းနိုင်ပေလိမ့်မည်။</p> <p> </p> <p>​'ဒါ့အပြင် ငါကိုယ်တိုင် ရှိနေမှတော့ စူးတာ့ကျီက ဘယ်လို မုန်တိုင်းမျိုးကို ဖန်တီးနိုင်မှာလဲ'</p> <p> </p> <p>​"ကျေးဇူးတင်ပါတယ် အရှင်မင်းကြီး"</p> <p> </p> <p>​စူးတာ့ကျီက အရိုအသေပေးကာ ကြောက်ရွံ့တုန်လှုပ်စွာဖြင့် မတ်တတ်ရပ်လိုက်သည်။ သူမ၏ နူးညံ့လှပသော အသွင်အပြင်က လူအများကို ရင်ခွင်ထဲသို့ ထည့်သွင်းပွေ့ဖက်ထားချင်စိတ် ပေါ်လာစေပေသည်။</p> <p> </p> <p>​သို့သော်လည်း ချင်ယိက သူမကို တစ်ချက်သာ ကြည့်လိုက်ပြီးနောက် ဆက်မကြည့်တော့ချေ။</p> <p> </p> <p>​ဤမြင်ကွင်းကြောင့် စူးတာ့ကျီ၏ မျက်နှာလေးမှာ ဝမ်းနည်းသွားရသည်။ ချင်ယိက သူမကို သဘောမကျကြောင်းကို သူမ သဘာဝကျကျပင် မြင်တွေ့နိုင်ပေသည်။</p> <p> </p> <p>​ဤသည်မှာ စူးတာ့ကျီအတွက် ယုံမှားသံသယဖြစ်ဖွယ်မရှိ သတင်းဆိုးတစ်ခုပင် ဖြစ်သည်။</p> <p> </p> <p>​သူမအတွက်တော့ ချင်ယိက သူမကို မဲနှိုက်ခေါ်ယူခဲ့ကတည်းက သူမနှင့် ချင်ယိမှာ နီးကပ်စွာ ချိတ်ဆက်မိသွားခဲ့လေပြီ။ အကယ်၍ ချင်ယိကသာ သူမကို သဘောမကျပါက သူမကို အေးစက်သော အိမ်တော် (အမျက်တော်ရှသော မိဖုရားများနေသည့် နေရာ) သို့ နှင်ထုတ်ခံရမည် ဖြစ်သည်။</p> <p> </p> <p>​ထို့အပြင် သူမ၏ကျင့်စဉ်လမ်းစဉ်က အင်ပါယာအရှင်သခင်၏ လမ်းစဉ်နှင့် အပြန်အလှန် အထောက်အကူ ပြုနေခြင်းဖြစ်ရာ ချင်ယိက သူမကို သဘောမကျပါက သူမ၏ကျင့်ကြံခြင်းအဆင့်မှာလည်း ခြေတစ်လှမ်းမျှ တိုးတက်နိုင်တော့မည် မဟုတ်ချေ။</p> <p> </p> <p>​'အားတင်းထား စူးတာ့ကျီ... မင်းကို အရှင်မင်းကြီး သဘောကျလာအောင် မင်း သေချာပေါက်လုပ်နိုင်ရမယ်'</p> <p> </p> <p>​ထိုအကြောင်းကို တွေးမိသောအခါ စူးတာ့ကျီသည် သူမ၏ ဖြူဖွေးနူးညံ့သော လက်ကလေးများကို ဆုပ်ထားလိုက်ပြီး သူမကိုယ်သူမ တိတ်တဆိတ် အားပေးလိုက်သည်။</p> <p> </p> <p>​ထိုအသွင်အပြင်လေးက တကယ်ကို ချစ်စရာကောင်းပြီး ဆွဲဆောင်မှု ရှိလွန်းလှသည်။</p> <p> </p> <p>​သို့သော်လည်း ချင်ယိက ဤအရာများထဲမှ မည်သည့်အရာကိုမျှ သတိမထားမိခဲ့ချေ။ ယခုအချိန်တွင် သူ၏စိတ်အာရုံက အခြားသော မဲနှိုက်မှုတစ်ခု၏ ရလဒ်အပေါ်သို့ အပြည့်အဝ အာရုံစိုက်နေခဲ့ပြီ ဖြစ်သည်။</p> <p> </p> <p>​"ဒင်... လျှို့ဝှက်ရတနာ ကျိန်းထျန်းရတနာသင်္ဘောကို မဲနှိုက်ရရှိတဲ့အတွက် ပိုင်ရှင်ကို ဂုဏ်ပြုပါတယ်"</p> <p> </p> <p>​ဤသည်မှာ လက်နက်မဲနှိုက်ခြင်း၏ရလဒ်ပင် ဖြစ်သည်။</p> <p> </p> <p>​"ကျိန်းထျန်းရတနာသင်္ဘော"</p> <p> </p> <p>​ချင်ယိမှာ ထပ်မံအံ့အားသင့်သွားပြီး လေဟာနယ် ဖြတ်လမ်း၏ အနောက်ဘက်သို့ လှမ်းကြည့်လိုက်သည်။</p> <p> </p> <p>​ဝုန်း...</p> <p> </p> <p>​လေဟာနယ်က တုန်ခါသွားပြီး အရောင်အသွေးစုံလင်သော အလင်းတန်းများ ရစ်သိုင်းနေသည့် ရတနာသင်္ဘောတစ်စင်းက လေဟာနယ်ဖြတ်လမ်း၏ အနောက်မှ ထွက်ပေါ်လာခဲ့သည်။</p> <p> </p> <p>​ခမ်းနားထည်ဝါသော သင်္ဘောကိုယ်ထည်နှင့်အတူ ကြီးမားလေးလံသော အရှိန်အဝါများရှိနေ၏။ ၎င်းက ပေအနည်းငယ်မျှသာ မြင့်သော်လည်း နေ၊ လ၊ ကြယ်တာရာများကို ဖိနှိပ်ထားပြီး လောကကြီးကို ချေမှုန်းပစ်တော့မည့် အရှိန်အဝါများကို ထုတ်လွှတ်နေလေသည်။</p> <p> </p> <p>​သေချာစွာကြည့်မည်ဆိုပါက သင်္ဘောကိုယ်ထည်ပေါ်တွင် တောက်ပနေသော ရတနာများစွာကို မြင်တွေ့နိုင်ပေသည်။</p> <p> </p> <p>​ရတနာသင်္ဘောပေါ်တွင် မရေမတွက်နိုင်သော အစီအရင်များနှင့် ဧရာမဝင်္ကပါကြီးများကို ထွင်းထုထားသည်။</p> <p> </p> <p>​ဤရတနာသင်္ဘောထံမှ ကြောက်မက်ဖွယ်အရှိန်အဝါသည် ဟာဂိုရိုမို သူ့ကို ပေးစွမ်းခဲ့သော ဖိနှိပ်မှုခံစားချက်ထက်ပင် အားနည်းခြင်းမရှိကြောင်း ချင်ယိက ရှင်းလင်းစွာ ခံစားသိရှိနိုင်ပေသည်။</p> <p> </p> <p>​တစ်နည်းဆိုရသော် ဤအရာသည် ရှေးဟောင်းသူတော်စင်ပုဂ္ဂိုလ်ကြီးတစ်ပါးနှင့် နှိုင်းယှဉ်နိုင်သော ရတနာတစ်ခုပင် ဖြစ်သည်။</p> <p> </p> <p>​၎င်းမှာ အသုံးပြုမည့်သူ မရှိသေးသည့် အချိန်တွင်ပင် ဤမျှ အစွမ်းထက်နေခြင်းဖြစ်၏။</p> <p> </p> <p>​ကျိန်းထျန်း ရတနာသင်္ဘော ထွက်ပေါ်လာသည်နှင့် တစ်ပြိုင်နက် ၎င်းက အနည်းငယ်တုန်ခါသွားပြီး စနစ်နေရာလွတ်ထဲရှိ ဧရာမ ကနဦးစွမ်းအင်များက နဂါးတစ်ကောင်အဖြစ်ပြောင်းလဲကာ ကျိန်းထျန်းရတနာသင်္ဘော၏ စုပ်ယူခြင်းကို ခံလိုက်ရသည်။</p> <p> </p> <p>​ကျိန်းထျန်းရတနာသင်္ဘောက လူတစ်ယောက် အသက်ရှူနေသည့်အလားဖြစ်နေပြီး ၎င်းက စုပ်ယူလိုက်တိုင်း စနစ်နေရာလွတ်ထဲရှိ ဝိညာဉ်စွမ်းအင်များကို မုန်တိုင်းတစ်ခုအလား တုန်ခါသွားစေနိုင်ပေသည်။</p> <p> </p> <p>​ဘေးဘက်ရှိ စူးတာ့ကျီမှာ လေထဲတွင် ဝဲပျံနေသော ကျိန်းထျန်းရတနာသင်္ဘောကို ကြည့်ကာ အသက်ရှူကြပ်သွားသလို ခံစားလိုက်ရလေသည်။</p> <p> </p> <p>​ဤကြောက်မက်ဖွယ်ကောင်းသော အရှိန်အဝါက သူမကို ကောင်းကင်ယံရှိ ဧရာမတောင်ထွတ်ကြီးတစ်ခုကို ရင်ဆိုင်နေရသည့် ခံစားချက်မျိုး ပေးစွမ်းနေခဲ့သည်။</p> <p> </p> <p>​စူးတာ့ကျီ၏ ကျင့်ကြံခြင်းအဆင့်က အသွင်ပြောင်းနဝမအဆင့်သာရှိသေးပြီး သူတော်စင်အဆင့်သို့ မဝင်ရောက်ရသေးသည်ဖြစ်ရာ ကျိန်းထျန်းရတနာသင်္ဘော၏ အရှိန်အဝါကို သဘာဝကျကျပင် ခုခံနိုင်စွမ်း မရှိချေ။</p> <p> </p> <p>​ချင်ယိက သူ၏လက်ကို ဆန့်ထုတ်လိုက်ရာ ကျိန်းထျန်းရတနာသင်္ဘောက သူ၏လက်ထဲသို့ တိတ်ဆိတ်စွာ ပျံသန်းလာခဲ့သည်။</p> <p> </p> <p>​စနစ်၏ မဲနှိုက်မှုရလဒ်ဖြစ်သောကြောင့် ချင်ယိနှင့် ကျိန်းထျန်းရတနာသင်္ဘောတို့ကြားတွင် မွေးရာပါဆက်သွယ်မှုတစ်ခုရှိနေပြီး ရတနာသင်္ဘောကို လွယ်ကူစွာ ထိန်းချုပ်နိုင်သည်။</p> <p> </p> <p>​ကျိန်းထျန်းရတနာသင်္ဘောက ချင်ယိ၏ လက်ထဲသို့ ကျဆင်းလာသည်နှင့်တစ်ပြိုင်နက် ကြောက်မက်ဖွယ် အရှိန်အဝါများက ငြိမ်သက်သွားပြီး နတ်ဘုရားအလင်းတန်းများ ပျောက်ကွယ်သွားကာ ရိုးရှင်းသော လှေငယ်လေးတစ်စင်းအဖြစ် ပြောင်းလဲသွားလေသည်။</p> <p> </p> <p>​ကျိန်းထျန်းရတနာသင်္ဘောနှင့် ပတ်သက်သော အချက်အလက်များက ချင်ယိ၏ စိတ်ထဲသို့ သဘာဝကျကျပင် ဝင်ရောက်လာခဲ့သည်။</p> <p> </p> <p>​လျှို့ဝှက်ရတနာ - ကျိန်းထျန်းရတနာသင်္ဘော</p> <p> </p> <p>အဆင့် - အဆင့်မြင့် မြင့်မြတ်ဝညာဥ်လက်နက်</p> <p> </p> <p>အရင်းအမြစ် - မဟာချင်ဒဏ္ဍာရီကမ္ဘာ၊ မဟာချင် အင်ပါယာအရှင်သခင်၏ စစ်သင်္ဘော</p> <p> </p> <p>ဖော်ပြချက် - မိုင်ထောင်ချီ ကျယ်ဝန်းသော တောင်တန်းများနှင့် မြစ်များကို ကိုယ်ထည်အဖြစ် သွန်းလုပ်ထားပြီး ကောင်းကင်နှင့်မြေကြီး၏ တာအိုသဘောတရားများကို အစီအရင်များအဖြစ် ပေါင်းစပ်ထားသည်။</p> <p> </p> <p>​ရတနာသင်္ဘောထွက်ပေါ်လာသည်နှင့် ကောင်းကင်ယံကို စိုးမိုးနိုင်မည်။</p> <p> </p> <p>​အဆင့်မြင့် မြင့်မြတ်ဝိညာဥ်လက်နက်။</p> <p> </p> <p>​ချင်ယိ၏မျက်လုံးများက ရုတ်တရက် းပြူးကျယ်သွားပြီး သူ၏ နှလုံးသားမှာ မလွှဲမရှောင်သာ စိတ်လှုပ်ရှားသွားရသည်။</p> <p> </p> <p>​ဤလျှို့ဝှက်ရတနာသည် အမှန်တကယ်ပင် အဆင့်မြင့် မြင့်မြတ်ဝိညာဥ်လက်နက်တစ်ခုနှင့် နှိုင်းယှဉ်နိုင်သော လျှို့ဝှက်ရတနာတစ်ခု ဖြစ်နေပေသည်။</p> <p> </p> <p>​စူးတာ့ကျီကို မဲနှိုက်ရရှိခဲ့၍ စိတ်ပျက်နေမှုများမှာလည်း ချက်ချင်းပင် ပျောက်ကွယ်သွားရတော့သည်။</p> <p> </p> <p>​"ငါ တကယ်ကို ကံကောင်းတာပဲ"</p> <p> </p> <p>​ချင်ယိက နှုတ်ခမ်းထောင့်ကို ကွေးညွတ်ကာ ပြုံးလိုက်သည်။</p> <p> </p> <p>​အခြားအရာများကို ထားလိုက်လျှင်ပင် ဤလျှို့ဝှက်ရတနာတစ်ခုတည်းကပင် သူ့ကို အမြတ်ကြီး ထွက်သွားစေသည်ဟု ဆိုနိုင်ပေသည်။</p> <p> </p> <p>​ဤမဲနှိုက်မှုနှစ်ကြိမ်စလုံးတွင် ရှေးဟောင်းသူတော်စင်အဆင့်ရှိသော ဇာတ်ကောင်များကို မဲမနှိုက်နိုင်ခဲ့သော်လည်းပေါ့။</p> <p> </p> <p>​သို့သော်လည်း ဤရတနာသင်္ဘောသည် ရှေးဟောင်းသူတော်စင် ပုဂ္ဂိုလ်ကြီးတစ်ပါးထက် အားနည်းခြင်း မရှိချေ။</p> <p> </p> <p>​ဤရတနာသင်္ဘောကို အသုံးပြုပါက ဟာဂိုရိုမိုကိုပင် စိန်ခေါ်နိုင်စွမ်းရှိသည်ဟု ချင်ယိ ခံစားလိုက်ရသည်။</p> <p> </p> <p>​ဤသည်မှာ ကျိန်းထျန်းရတနာသင်္ဘောက သူ့ကို ပေးစွမ်းသော ယုံကြည်မှုဖြစ်ပြီး ကျိန်းထျန်းရတနာသင်္ဘော၏ ကိုယ်ပိုင်ယုံကြည်မှုလည်း ဖြစ်သည်။</p> <p> </p> <p>​၎င်း၏ အဆင့်မြင့် မြင့်မြတ်ဝိညာဥ်လက်နက် ဟူသော အနှစ်သာရအရ အကယ်၍ ၎င်းကိုသာ ဟာဂိုရိုမိုက ထိန်းချုပ်အသုံးပြုမည်ဆိုပါက သူတော်စင် အဋ္ဌမအဆင့်နှင့် အထက်ရှိသော ပုဂ္ဂိုလ်ကြီးများကိုပင် အရေးနိမ့်ခြင်းမရှိဘဲ ယှဉ်ပြိုင်နိုင်စွမ်း ရှိပေလိမ့်မည်။</p> <p> </p> <p>​သိထားရမည်မှာ သူတော်စင်အဆင့်သို့ ရောက်ရှိပြီးနောက်တွင် အဆင့်တစ်ခုနှင့် တစ်ခုကြားရှိ ကွာဟချက်သည် သူတော်စင်စွမ်းအားရှင်များနှင့် သာမန်သေမျိုးများကြားရှိ ကွာဟချက်ကဲ့သို့ ကြီးမားပြီး ပို၍ပင်ကြီးမားနိုင်ခြင်းပင်။</p> <p> </p> <p>​ဟာဂိုရိုမိုသည် သူတော်စင် သတ္တမအဆင့်တွင် ရှိသော်လည်း အကယ်၍ သူတော်စင်အဋ္ဌမအဆင့် ကျင့်ကြံသူတစ်ဦးနှင့် ရင်ဆိုင်ရပါက သူ၏ တာအိုကို လောင်ကျွမ်းစေခြင်း မပြုလုပ်ပါက သူတော်စင် အဋ္ဌမအဆင့်ကျင့်ကြံသူ၏ လက်ထဲတွင် တိုက်ကွက်တစ်ကွက်ကိုပင် ခုခံနိုင်မည် မဟုတ်ချေ။</p> <p> </p> <p>​ကောင်းကင်မြစ်ကြီး တစ်ခုခြားနေသည့်အလားပင်။</p> <p> </p> <p>​သူတော်စင်အဆင့်ရှိ ကွာဟချက်များမှာ အထူးသဖြင့် သူတော်စင်သတ္တမအဆင့်၏ နောက်ပိုင်းတွင် သာမန်လူများ စိတ်ကူးထားသည်ထက်ပင် များစွာ ပိုမို ကြီးမားနေပေသည်။</p> <p> </p> <p>​သို့သော်လည်း ကျိန်းထျန်းရတနာသင်္ဘောကို မောင်းနှင်ခြင်းက ထိုကွာဟချက်ကို ဖြည့်ဆည်းပေးနိုင်သည်ဖြစ်ရာ ရတနာသင်္ဘော၏အစွမ်းထက်မှုကို ပြသနေခဲ့သည်။</p> <p> </p> <p>***</p> <p> </p>


Save