Book List

<h2 style="text-align: center;">အခန်း (၁၆၇)</h2> <h2 style="text-align: center;">မုရုံမျိုးနွယ်စု၏ အကဲဖြတ်မှု (၁)</h2> <h2 style="text-align: center;">*</h2> <p> </p> <p> </p> <p>အချိန်သိပ်မကြာခင်မှာပင် ကင်းစောင့်ထွက်သွားသည့် လမ်းကြောင်းဘက်မှ အလျင်စလို လျှောက်လာသော ခြေသံများကို ယန်ချင်းက အာရုံခံမိလိုက်သည်။</p> <p>ယန်ချင်းက သူ၏ ဧကရာဇ်အာရုံကို ဖြန့်ကြက်ထားပြီး ဖြစ်သဖြင့်၊ လာနေသော အဖွဲ့ဝင်အများစုမှာ ချီသန့်စင်ခြင်း နှောင်းပိုင်းအဆင့်တွင်သာ ရှိကြောင်း သိလိုက်ရသည်။</p> <p> သို့သော် အများစု၏ အရှိန်အဝါများမှာ သက်တမ်းကုန်ဆုံးလုနီးပါး ဖြစ်နေသူများတွင် တွေ့ရလေ့ရှိသည့် အားနည်းသော အရှိန်အဝါမျိုး ဖြစ်နေသည်။</p> <p>ယန်ချင်းက စိတ်ထဲမှ ရေရွတ်လိုက်သည်။</p> <p>“အင်း... ဒါက အခြေတည်အဆင့်အဖွဲ့ဝင်ပေါ့၊ အံ့ဩစရာပဲ...”</p> <p>စက္ကန့်အနည်းငယ် အကြာတွင် အဘိုးအိုနှင့် အဘွားအို အစုအဝေး တစ်ခုက စိတ်လှုပ်ရှား တက်ကြွနေသော အမူအရာများဖြင့် အစုလိုက်အပြုံလိုက် ထွက်ပေါ်လာကြသည်။</p> <p>သူတို့၏ ရုတ်တရက် ထွက်ပေါ်လာမှုကြောင့် လမ်းလျှောက်နေကြသော အခြားမျိုးနွယ်စုဝင်များအားလုံးမှာ၊ အကြီးအကဲများက ရတနာတစ်ခုခုကို လိုက်ဖမ်းနေသကဲ့သို့ ပြေးလွှားနေသည်ကို ကြည့်ကာ အံ့အားသင့်စွာဖြင့် ခြေလှမ်းများရပ်တန့်သွားကြသည်။</p> <p>ထိုအုပ်စု၏ ရှေ့ဆုံးတွင် ပိန်ပါးသောခန္ဓာကိုယ်၊  ဆံပင်ဖြူများနှင့် ရင်ဘတ်အထိ ကျဆင်းနေသော မုတ်ဆိတ်မွေးများရှိသည့် အဘိုးအိုတစ်ဦး ရှိနေသည်။</p> <p> သူသည် ကျန်အဖွဲ့ဝင်များနှင့် ဆင်တူသော အဖြူရောင်ဝတ်ရုံကို ဝတ်ဆင်ထားသည်။</p> <p>ရှေ့ဆုံးမှ အဘိုးအိုက ပြောလိုက်သည်။</p> <p>“ကြိုဆိုဖို့ မရှိနေခဲ့တဲ့ ကျွန်တော်တို့ရဲ့ ရိုင်းစိုင်းမှုတွေကို ခွင့်လွှတ်ပေးပါ... ဒီနေ့ လာမယ်မှန်း ကြိုသိခဲ့ရင် ဧည့်ခံပွဲတစ်ခု ပြင်ဆင်ထားမှာပါ...”</p> <p>သူတို့အားလုံးက စိတ်လှုပ်ရှားနေသလို အနည်းငယ်လည်း စိုးရိမ်နေပုံရသည်။</p> <p>အဘယ်ကြောင့်ဆိုသော် သူတို့ကို ပေးထားသော  အကဲဖြတ်မည့် နေ့ရက် အချိန်ဇယားအရ နောက်တစ်ပတ်မှသာ ဖြစ်သောကြောင့်ပင်။</p> <p>အကဲဖြတ်မှုက တစ်ပတ်စောသွားရသည့် တစ်ခုတည်းသော အကြောင်းရင်းမှာ၊ သတ်မှတ်ထားသော တရားသူကြီးနှင့် အချိန်ဇယားအတိုင်း မသွားဘဲ လဲ့ဝေယွမ်က အကဲဖြတ်မှုများကို ယန်ချင်းထံသို့ လွှဲပြောင်းပေးခဲ့စဉ်က ဝင်ရောက် စွက်ဖက်မှုကြောင့်သာ ဖြစ်သည်။</p> <p>ယန်ချင်းက ယဉ်ကျေးစွာ ပြုံးပြရင်း ပြန်ဖြေလိုက်သည်။</p> <p>“ရပါတယ်... ကြိုတင် အကြောင်းမကြားဘဲ ရောက်လာတဲ့ ကျွန်တော့်အမှားပါ...”</p> <p>မုရုံကျဲက လက်နှစ်ဖက်ကို ယှက်ကာ ပြောလိုက်သည်။</p> <p>“တောင်းပန်ပါတယ်... ကျွန်တော့် နာမည်က မုရုံကျဲပါ၊ မုရုံမျိုးနွယ်စုရဲ့ လက်ရှိခေါင်းဆောင် ဖြစ်ပြီး နောက်က လူတွေကတော့ မျိုးနွယ်စုရဲ့ အကြီးအကဲတွေပါ...”</p> <p>ယန်ချင်းက မောင်နှမနှစ်ဦးကို ရှေ့သို့ တွန်းပို့ရင်း ပြောလိုက်သည်။</p> <p> “တွေ့ရတာ ဝမ်းသာပါတယ် မျိုးနွယ်စုခေါင်းဆောင်မုရုံကျဲ... ကျုပ်နာမည်က ယန်ချင်းပါ၊ ဒီနေ့ ခင်ဗျားတို့ မျိုးနွယ်စုရဲ့ အကဲဖြတ်မှုကို တာဝန်ယူရမယ့်သူပါ...”</p> <p>“သူတို့ကတော့ ကျိုးရီနဲ့ ကျိုးလီချင်တဲ့၊ အတူတူ လိုက်လာတဲ့ သူတွေပါ၊ စိတ်မရှိဘူးလို့ မျှော်လင့်ပါတယ်...”</p> <p>“ကျိုးရီ၊ ကျိုးလီချင်... မျိုးနွယ်စုခေါင်းဆောင် မုရုံကျဲနဲ့ တခြားသူတွေကို နှုတ်ဆက်လိုက်ကြလေ...”</p> <p>ကျိုးရီနှင့် ကျိုးလီချင်တို့ နှစ်ယောက်လုံးက လက်နှစ်ဖက်ကို ယှက်၍ တစ်ပြိုင်နက်တည်း ပြောလိုက်ကြသည်။</p> <p> “ဂါရဝပြုပါတယ် မျိုးနွယ်စုခေါင်းဆောင် မုရုံကျဲ... ကျွန်တော်တို့ရဲ့ နှုတ်ခွန်းဆက်စကားနဲ့ ကြိုတင်ဂုဏ်ပြုစကားကို လက်ခံပေးပါ...”</p> <p>သူတို့က လက်ယှက်သည်မှစ၍ စကားပြောသည်အထိ အတိအကျ တူညီနေသည်ကို မြင်သောအခါ ယန်ချင်းက တွေးလိုက်သည်။</p> <p>“လမ်းမှာကတည်းက ကြိုပြီးတိုက်ထားကြတာလား...”</p> <p>မျိုးနွယ်စုခေါင်းဆောင်မုရုံကျဲက ပြုံး၍ အရိုအသေပေးရင်း ပြောလိုက်သည်။.</p> <p> “ဟားဟား... သခင်လေးကျိုးရီနဲ့ သခင်မလေးကျိုးလီချင်ပါလား၊ မုရုံမျိုးနွယ်စုကိုယ်စား နွေးထွေးတဲ့ ဆုတောင်းစကားတွေအတွက် ကျေးဇူးတင်ပါတယ်...”</p> <p>ကျန်ရှိနေသော အဖွဲ့ဝင်များကလည်း မုရုံကျဲ၏ အပြုအမူကို အတုယူကာ တစ်သံတည်း ကျေးဇူးတင်စကား ဆိုလိုက်ကြသည်။</p> <p>သခင်လေးဟု အခေါ်ခံလိုက်ရသဖြင့် ကျိုးရီက မသိမသာ ရင်ကော့လိုက်ရာ ဘေးပတ်ဝန်းကျင်ရှိ သက်ကြီးရွယ်အိုအုပ်စုထံမှ အပြုံးလေးများ ထွက်ပေါ်လာစေပြီး၊ ယန်ချင်းပင်လျှင် ခေါင်းခါယမ်းရင်း မပြုံးဘဲ မနေနိုင်တော့ပေ။</p> <p>ကျိုးမောင်နှမနှင့် မုရုံမျိုးနွယ်စုတို့၏ အပြန်အလှန် ဆက်ဆံရေးကို အကဲခတ်ရင်း ယန်ချင်းက တွေးလိုက်သည်။</p> <p> “ဒီသုံးနှစ်တာ ကာလအတွင်း သူတို့ရဲ့ အတွေ့အကြုံတွေက လုံးဝ အလဟဿတော့ မဖြစ်သွားပါဘူးလေ...”</p> <p>နှုတ်ဆက်ရာတွင် သူတို့ကို ရှေ့သို့ တွန်းပို့လိုက်ရသည့် အကြောင်းရင်းမှာ၊ အဆင့်နိမ့်မျိုးနွယ်စုတစ်ခုအပေါ် ထားရှိသော သူတို့၏ စိတ်နေစိတ်ထားနှင့် သဘောထားများကို စောင့်ကြည့်ရန် ဖြစ်သည်။</p> <p>အဖွဲ့အစည်းကို စတင်တည်ထောင်သည့် အချိန်မှစ၍ ယနေ့အထိ၊ သူတို့၏ အခြေခံ လူသစ်စုဆောင်းရေး စည်းမျဉ်းများအနက် တစ်ခုမှာ အဆင့် ၅ မျိုးနွယ်စုများ၊ အဆင့်မရှိသော အဖွဲ့အစည်းများနှင့် လွတ်လပ်သောကျင့်ကြံသူများထံမှသာ လူသစ်စုဆောင်းရန် ဖြစ်သည်။</p> <p> ထိုစည်းမျဉ်းအတွက် အထူးချွင်းချက်များ ရှိသော်လည်း အဆင့် ၄ နှင့် အထက်အဖွဲ့အစည်းများမှ မည်သူ့ကိုမျှ လက်ခံမည် မဟုတ်ပေ။</p> <p>ဥပမာအားဖြင့် ကျိုးမောင်နှမကို ကျိုးမျိုးနွယ်စုမှ နှင်ထုတ်လိုက်သကဲ့သို့ မူလအဖွဲ့အစည်းမှ နှင်ထုတ်ခံရသော ကျင့်ကြံသူမျိုး ဆိုလျှင်တော့ ချွင်းချက် ဖြစ်သည်။</p> <p>ထိုသို့သော အခြေအနေမျိုးတွင် သူတို့၏ အကဲဖြတ်မှုများကို အောင်မြင်ပါက အဖွဲ့အစည်းက လက်ခံမည် ဖြစ်သည်။</p> <p>အဘယ်ကြောင့်ဆိုသော် သူတို့ကို လွတ်လပ်သောကျင့်ကြံသူများဟု သတ်မှတ်နိုင်သောကြောင့် ဖြစ်သည်။</p> <p>သို့သော် အဆင့်မြင့်အဖွဲ့အစည်းများတွင် ပါဝင်ခဲ့ဖူးသူများ အနေဖြင့် ဝင်ခွင့်စာမေးပွဲကို အောင်မြင်ပြီး အဖွဲ့အစည်းသို့ ဝင်ခွင့်ရပြီးနောက်တွင်ပင် သူတို့၏ စရိုက်လက္ခဏာများ မည်သို့ ရှိသနည်း ဆိုသည်ကို အနီးကပ် စောင့်ကြည့်ခံရမည် ဖြစ်သည်။</p> <p>ဤသို့ တောင်းဆိုရခြင်း၏ အကြောင်းရင်းမှာ အဆင့်မြင့် အဖွဲ့အစည်းများတွင် မွေးဖွားလာသူများသည် ရည်ရွယ်သည်ဖြစ်စေ၊ မရည်ရွယ်သည်ဖြစ်စေ သူတို့အောက်ရှိ သူများအပေါ် အသိစိတ်ဖြင့်ဖြစ်စေ၊ မသိစိတ်ဖြင့်ဖြစ်စေ ဘက်လိုက်မှု ရှိတတ်သောကြောင့် ဖြစ်သည်။</p> <p>အခြားနေရာများတွင်ဆိုလျှင် ထိုကဲ့သို့သော စိတ်နေစိတ်ထားများက ပြဿနာ မဟုတ်သော်လည်း၊ အားလုံးအတွက် တရားမျှတမှု၏ မီးရှူးတန်ဆောင် ဖြစ်ရမည့် အဖွဲ့အစည်းအတွင်းတွင်မူ ထိုကဲ့သို့သော အကျင့်စရိုက်မှာ ကြီးမားသောအဟန့်အတားတစ်ခု ဖြစ်ပြီး အဖွဲ့အစည်းအတွင်း ဘက်လိုက်မှုများကို ဖြစ်ပေါ်စေနိုင်သည့် အကြောင်းအရင်းတစ်ခု ဖြစ်သည်။</p> <p>ယန်ချင်းက ကိုယ်ချင်းစာစိတ်ရှိပြီး သူတို့၏ အကဲခတ်နိုင်စွမ်းကို တန်ဖိုးထားသော်လည်း၊ သူတို့၏စရိုက်လက္ခဏာများနှင့် ပတ်သက်၍မူ စိုးရိမ်နေဆဲပင်။</p> <p>သူတို့သည် အဆင့် ၂ မျိုးနွယ်စုတွင် မွေးဖွားလာခဲ့ကြပြီး ထိုသို့ အဆင့်မြင့်မျိုးနွယ်စုတစ်ခု၏ ဂုဏ်သိက္ခာများနှင့်အတူ ကြီးပြင်းလာခဲ့ကြသည်။</p> <p>ခရမ်းမြို့တော်မှစ၍ ယခုအချိန်အထိ၊ သူတို့နှင့် အခြားသူများ၏ အပြန်အလှန် ဆက်ဆံရေးကို အနီးကပ် စောင့်ကြည့်နေခဲ့ပြီး သူ မြင်တွေ့ရသလောက်တော့ ယခုအချိန်အထိ လူများနှင့် ဆက်ဆံရာတွင် မျှော်လင့်ထားတတ်သည့် မထီမဲ့မြင်ပြုမှုမျိုး မရှိခဲ့ပေ။</p> <p>တစ်ခါတရံတွင် မျက်နှာဖုံး တပ်ထားတတ်သော်လည်း ၎င်းမှာ အခြားအရာများထက် သူတို့၏ မည်သူမည်ဝါဖြစ်ကြောင်းကို ဖုံးကွယ်ရန်အတွက် အကာအကွယ်တစ်ခုမျှသာ ဖြစ်သည်။</p> <p>ယန်ချင်း၏ အမြင်တွင်တော့ သူတို့ ကိုယ့်ဘာသာ ရှင်သန်ခဲ့ရသော သုံးနှစ်တာကာလက သူတို့အတွင်းရှိ သာလွန်မှုဟူသော ခံစားချက်မှန်သမျှကို ရိုက်ချိုးပစ်ခဲ့ပြီး၊ ဘဝအလွှာပေါင်းစုံ၊ အဆင့်အတန်းပေါင်းစုံမှ လူများနှင့်  သက်သောင့်သက်သာ ဆက်ဆံနိုင်သူများအဖြစ် ပြောင်းလဲပေးလိုက်ပုံရသည်။</p> <p>“အနည်းဆုံးတော့ အခု သူတို့ ဝင်ခွင့်ရဖို့ အလားအလာ ပိုများသွားပြီပေါ့...”</p> <p> လူအုပ်ကြီး၏ အလယ်တွင် တစ်ယောက်တည်း ရပ်နေသော အမျိုးသမီးတစ်ဦးထံသို့ အကြည့်များ ရောက်ရှိသွားရင်း ယန်ချင်းက တွေးလိုက်သည်။</p> <p> သူမသည် အသက်သုံးဆယ်နှောင်းပိုင်း အရွယ်ခန့် ရှိပုံရသည်။ သူမလည်း အဖြူရောင်ဝတ်ရုံကို ဝတ်ဆင်ထားပြီး ဆံပင်ကို ရိုးရှင်းသောဆံထုံးလေး ထုံးထားသည်။</p> <p>သူမသည် ရင်သပ်ရှုမောဖွယ် လှပသူတစ်ဦး မဟုတ်သော်လည်း လမ်းပေါ်တွင် ဖြတ်သွားပါက လူတိုင်း သတိပြုမိမည့် သူမျိုးဖြစ်သည်။</p> <p> သူမတွင် နက်မှောင်သောဆံပင်များ၊ ပန်းနုရောင်အသားအရေနှင့် ဝိုင်းစက်သည့် မျက်လုံးနက်ကြီးများ ရှိသည်။</p> <p>ယန်ချင်း၏ မျက်လုံးများ သူမထံသို့ ရောက်သွားရသည့် အကြောင်းရင်းမှာ သူမ၏အလှကို သဘောကျ၍ မဟုတ်ဘဲ သူမ ထုတ်လွှတ်နေသော စွမ်းအင် အတက်အကျများကြောင့် ဖြစ်သည်။</p> <p>သူမသည် သူအကဲဖြတ်ရမည့် အခြေတည်အဆင့်အဖွဲ့ဝင် ဖြစ်မည်ဟု  ခန့်မှန်းလိုက်သည်။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save