Book List

<h2 style="text-align: center;">အခန်း (၁၆၈)</h2> <h2 style="text-align: center;">မုရုံမျိုးနွယ်စု၏ အကဲဖြတ်မှု (၂)</h2> <h2 style="text-align: center;">*</h2> <p> </p> <p> </p> <p>ယန်ချင်း အာရုံခံမိသလောက်ဆိုလျှင် သူမသည် အခြေတည်အဆင့်၏ ပထမအဆင့်အထွတ်အထိပ်သို့ ရောက်ရှိနေပြီဖြစ်ပြီး အဆင့်မှာလည်း တည်ငြိမ်နေသည်။</p> <p>ထိုသို့အကြမ်းဖျင်း စစ်ဆေးကြည့်ရုံဖြင့်  သူမ၏ အစစ်အမှန်အသက် ဖြစ်ကြောင်း ယန်ချင်း သိနိုင်ပေသည်။ သူမ၏ အသက်မှာ ၃၇ နှစ်ခန့်သာ ရှိသေးသည်။</p> <p>အခြားအဆင့်မြင့်အဖွဲ့အစည်းများနှင့် ယှဉ်လျှင် အသက် ၃၇ နှစ်အရွယ် အခြေတည်အဆင့် အစောပိုင်းကျင့်ကြံသူတစ်ဦးမှာ သိပ်ပြီး ပြောပလောက်စရာ မရှိသော်လည်း၊ သေမင်းနှင့် နီးကပ်နေပြီဖြစ်သော အသက်အရွယ် ကြီးရင့်သည့် ချီသန့်စင်ခြင်းအဆင့် ကျင့်ကြံသူများသာ ရှိသော မုရုံမျိုးနွယ်စုကဲ့သို့ သေးငယ်သည့် မိသားစုတစ်ခုအတွက် ၎င်းမှာ အလွန်ကြီးမားသောအရာတစ်ခု ဖြစ်သည်။</p> <p>ချီသန့်စင်ခြင်းအဆင့် နှောင်းပိုင်းသို့ တက်လှမ်းနိုင်သူများသည် များသောအားဖြင့် အသက် ၂၀၀ မှ ၃၀၀ ကြား နေထိုင်ရလေ့ရှိပြီး၊ ယန်ချင်း အာရုံခံမိသလောက်ဆိုလျှင် ယခုရောက်ရှိနေသော အကြီးအကဲအများစုမှာ အသက် ၂၅၀ ဝန်းကျင်သို့ ရောက်ရှိနေကြပြီ ဖြစ်သည်။</p> <p>မျိုးနွယ်စုခေါင်းဆောင် မုရုံကျဲတစ်ယောက်သာလျှင် အသက် ၁၅၀ ခန့်သာရှိသည်။</p> <p> ထိုအမျိုးသမီးကို ဖယ်လိုက်လျှင် သူတို့သည် ကျင့်ကြံခြင်းအဆင့် အမြင့်ဆုံးဖြစ်နိုင်သော်လည်း၊ သူတို့၏ အသက်အရွယ်အရ အခြေတည်အဆင့်သို့ ရောက်ရှိရန် မျှော်လင့်ချက်မှာ လုံးဝမရှိသလောက်ပင် ဖြစ်သည်။</p> <p>အသက်စွမ်းအင် လျော့ကျလာခြင်းက ချီစွမ်းအင်အပေါ် သူတို့၏ အာရုံခံနိုင်စွမ်းနှင့် အတွင်းစွမ်းအင်များကို အလွန်အမင်း ကျဆင်းသွားစေသဖြင့်၊ အခြေတည်အဆင့်သို့ သွားမည့် သူတို့၏ကျင့်ကြံခြင်းလမ်းစဉ်ကို ဖြတ်တောက်လိုက်ခြင်းပင် ဖြစ်သည်။</p> <p>ထို့အပြင် တိုက်ဆိုင်မှု တစ်ခုခုကြောင့် အဆင့်တက်ရန် ကြိုးစားနိုင်သည့် အခြေအနေသို့ ရောက်ရှိသွားသူများပင်လျှင်၊ ထိုလုပ်ငန်းစဉ်အတွက် လိုအပ်သောစွမ်းအင်နှင့် အာရုံစူးစိုက်မှုတို့ကြောင့် လုပ်ငန်းစဉ်အတွင်း သေဆုံးသွားနိုင်ခြေ အန္တရာယ်နှင့် ရင်ဆိုင်ရပေသည်။</p> <p>သို့သော် ဤမျှငယ်ရွယ်သော အခြေတည်အဆင့် အဖွဲ့ဝင်တစ်ဦး ရှိနေခြင်းက သူတို့ကို အဆင့်မကျသွားနိုင်ဘဲ အနည်းဆုံး နှစ်ပေါင်း ၁,၀၀၀ခန့် အဆင့် ၅ မျိုးနွယ်စု တစ်ခုအဖြစ် ဆက်လက်ရှင်သန်နိုင်ရန် အာမခံပေးနိုင်ပေသည်။</p> <p> နှစ်ပေါင်း ၁,၀၀၀ အတွင်း အရာအားလုံး ပြောင်းလဲသွားနိုင်သည်။</p> <p>အထူးသဖြင့် အဖွဲ့အစည်းတွင် အဖွဲ့ဝင်တစ်ဦးစီက သုံးနှစ်တာ လေ့ကျင့်ရေးကာလကို ရရှိသဖြင့်၊ သုံးနှစ်လျှင်တစ်ကြိမ် သူတို့၏ အဖွဲ့ဝင်တစ်ဦးကို အဖွဲ့အစည်းတွင် လေ့ကျင့်ခွင့်ပေးမည့် ခွဲတမ်းတစ်နေရာ ရရှိထားခြင်းကြောင့် ပို၍ပင် ပြောင်းလဲနိုင်ပေသည်။</p> <p>ဆိုလိုသည်မှာ နှစ်ပေါင်း ၁,၀၀၀ အတွင်း သူတို့၏ မျိုးနွယ်စုဝင် ၃၀၀ ခန့်ကို အဖွဲ့အစည်းတွင် လေ့ကျင့်ခွင့် ရစေမည်ဖြစ်ပြီး၊ ၎င်းက သူတို့၏ဖွဲ့စည်းပုံကို အရည်အသွေးပိုင်းအရ ပြောင်းလဲသွားစေမည် ဖြစ်သည်။</p> <p> ထို့အပြင် ထိုအဖွဲ့ဝင် ၃၀၀ ထဲမှ အခြားသောအခြေတည်အဆင့် အဖွဲ့ဝင်များကိုလည်း မွေးထုတ်ပေးနိုင်ခြေလဲရှိသေးသည်။</p> <p>သို့သော် ဤအရာအားလုံးက သူ၏ရှေ့ရှိ အမျိုးသမီးမှာ အခြေတည်အဆင့်တွင်သာ ထာဝရရှိနေမည်ဆိုသော ယူဆချက်အပေါ်တွင်သာ အခြေခံထားခြင်း ဖြစ်သည်။</p> <p> အမြုတေဖွဲ့စည်းခြင်းအဆင့်သို့ တက်လှမ်းရန်မှာ မလွယ်ကူသလို၊ အထူးသဖြင့် ထိုအဆင့်မှစ၍ မိုးကြိုးကပ်ဘေးများ ပေါ်ထွက်လာလေ့ ရှိသော်လည်း၊ သူမ၏ အသက်အရွယ်ကိုထည့်တွက်ကြည့်လျှင်  အဆင့်တက်နိုင်ခြေက ပိုမိုမြင့်မားသည်ဟု ယန်ချင်းက တွေးလိုက်သည်။</p> <p>အဆင့်တစ်ဆင့်စီတိုင်းတွင် သူမ၏ ကျင့်ကြံခြင်း အခြေခံအုတ်မြစ်ကို အချိန်ယူကာ ခိုင်မာအောင် တည်ဆောက်သွားသရွေ့ ရွှေအမြုတေအဆင့်သို့ တက်လှမ်းရန်မှာ မဖြစ်နိူင်သော အိမ်မက်မဟုတ်ပေ။</p> <p> အဖွဲ့အစည်းမှ အများစုဆိုလျှင် ထိုအဆင့်ကို အိပ်ရင်းနှင့်ပင် ကျော်ဖြတ်သွားတတ်ကြပြီး၊ နန်းတော်အဆင့်သို့ တက်လှမ်းချိန်ရောက်မှသာ အနည်းငယ် လေးလေးနက်နက် ထားတတ်ကြသည်။</p> <p>ယန်ချင်းက စိတ်ထဲမှ တွေးလိုက်သည်။</p> <p> “သူမကို အဟန့်အတား ဖြစ်စေနိုင်တဲ့ တစ်ခုတည်းသောအရာက သူမရဲ့ ကျင့်စဉ်ပဲ... ဒါပေမဲ့ သူမသာ အဖွဲ့အစည်းကိုလာဖို့ ခွဲတမ်းရတဲ့သူ ဖြစ်လာရင် လိမ္မော်ရောင်အဆင့်ကျင့်စဉ် တစ်ခုကို အခမဲ့လေ့ကျင့်ခွင့် ရမှာဖြစ်ပြီး၊ သူမရဲ့ ပါရမီအပေါ် မူတည်ပြီး ပိုမြင့်တဲ့ အဆင့်ကိုတောင် ရနိုင်သေးတယ်...”</p> <p>သူမ၏ မျိုးနွယ်စုဝင်များကို မျှဝေခွင့် တားမြစ်ခံရမည် ဖြစ်သော်လည်း၊ လေ့ကျင့်ရေး ပြီးဆုံးသွားသည့်တိုင်အောင် ထိုကျင့်စဉ်ကို ဆက်လက်အသုံးပြုခွင့် ရရှိမည် ဖြစ်သည်။</p> <p>ထို့အပြင်မုရုံမျိုးနွယ်စုကသာ တန်ကြေးတစ်ခုကို ပေးချေနိုင်မည်ဆိုလျှင် ထိုကျင့်စဉ်ကို ကန့်သတ်ချက်မရှိ အသုံးပြုခွင့်ကိုပင် ဝယ်ယူနိုင်ပေလိမ့်မည်။</p> <p>အဖွဲ့အစည်းတွင် လိမ္မော်ရောင်အဆင့်ကျင့်စဉ်များ ပြတ်လပ်နေခြင်း မရှိသဖြင့်၊ အပေးအယူကို ထည့်တွက်ကြည့်လျှင် ထိုအရာများကို ရောင်းချရန် မည်သည့်တွန့်ဆုတ်မှုမျှ မရှိပေ။</p> <p>လိမ္မော်ရောင်အဆင့် ကျင့်စဉ်တစ်ခုမျှဖြင့် ထိုအဖွဲ့အစည်းများနှင့် ကောင်းမွန်သော ဆက်ဆံရေးကို တည်ဆောက်နိုင်မည် ဖြစ်သည်။</p> <p>အသစ်ပေါ်ထွက်လာသော အဆင့် ၄ နှင့် အဆင့် ၃ အဖွဲ့အစည်း အနည်းငယ်မှာ ထိုအခွင့်အရေး တစ်ခုတည်းမှနေ၍ ကြီးထွားလာခဲ့ကြခြင်း ဖြစ်သည်။</p> <p>ယန်ချင်းက စိတ်ထဲမှ ရယ်မောရင်း တွေးလိုက်သည်။</p> <p> “နောက်တစ်ခေါက် ငါဒီကိုလာရင် အဆင့် ၄ ရာထူးတိုးဖို့အတွက် ဖြစ်ကောင်းဖြစ်နိုင်တယ်... အဲဒီအခါကျရင် တောင်ပိုင်းတိုက်ကြီးရဲ့  ချိန်ခွင်လျှာက ပိုပြီးရှုပ်ထွေးလာတော့မှာပဲ...”</p> <p>….</p> <p>အတွေးများကို ပြန်လည် သိမ်းဆည်းလိုက်ပြီးနောက် ယန်ချင်းက မေးလိုက်သည်။</p> <p>“မျိုးနွယ်စုခေါင်းဆောင်မုရုံကျဲ... အကဲဖြတ်မှုကို ဘယ်နေရာမှာ လုပ်ချင်လဲ...”</p> <p>သူလိုအပ်သည့် အရာအားလုံးကို သူ၏ဧကရာဇ်အာရုံဖြင့် အတည်ပြုပြီးဖြစ်ကာ ယခု သူပြုလုပ်မည့် အကဲဖြတ်မှုမှာ အမည်ခံသက်သက်သာ ဖြစ်ပေသည်။</p> <p>မုရုံကျဲက သူ၏လေသံထဲရှိ စိတ်လှုပ်ရှားမှုကို ဖုံးကွယ်ရန် ကြိုးစားရင်း တည်ငြိမ်စွာ ပြောလိုက်သည်။</p> <p>“မျိုးနွယ်စု စုဝေးရာခန်းမဆောင်ထဲမှာ လုပ်ကြတာပေါ့...”</p> <p>သူ၏ အနောက်ရှိ အကြီးအကဲများမှာ တုန်ယင်နေကြပြီ ဖြစ်ပြီး၊ ဘေးတွင် ငေးကြည့်နေခဲ့ကြသော အခြားမျိုးနွယ်စုဝင်များမှာလည်း အကဲဖြတ်မှုဟူသော စကားလုံးကို ကြားလိုက်ရချိန်တွင် မျက်နှာများ လင်းလက်သွားကြသည်။</p> <p>အချို့ဆိုလျှင် သူတို့၏ သူငယ်ချင်းများကို သွားခေါ်ရန်ပင် ပြေးထွက်သွားကြလေသည်။</p> <p>ယန်ချင်းက ခေါင်းညိတ်ရင်း ပြန်ဖြေလိုက်သည်။</p> <p> “ကောင်းပါပြီ...”</p> <p>မုရုံကျဲက လက်နှစ်ဖက်ကို ယှက်ကာ တောင်းဆိုသည့်ဟန်ဖြင့် တွန့်ဆုတ်စွာ မေးလိုက်သည်။</p> <p> “တမန်တော်ယန်ချင်း... ကျန်တဲ့မျိုးနွယ်စုဝင်တွေပါ ကြည့်လို့ ရမလား၊ မျိုးနွယ်စုခန်းမဆောင်က တော်တော်လေး ကျယ်ဝန်းပြီး ရောက်လာမယ့် အဖွဲ့ဝင်တွေကလည်း အယောက်တစ်ရာလောက်ပဲ ရှိမှာမို့လို့ပါ...”</p> <p>“ဒါက အရမ်းကို ကြီးကျယ်တဲ့ အခမ်းအနားတစ်ခုဖြစ်ပြီး၊ လူငယ်လေးတွေလည်း စိတ်အားထက်သန်မှု ရသွားအောင်လို့ သူတို့ကိုပါ ရှိနေစေချင်လို့ပါ...”</p> <p>“ကျွန်တော်တို့အတွက်တော့ နောက်ကျသွားပြီ ဆိုပေမဲ့ သူတို့အတွက်တော့...”</p> <p>ယန်ချင်းက ပေါ့ပေါ့ပါးပါး ပြန်ဖြေလိုက်သည်။</p> <p> “ကျွန်တော်ကတော့ ကိစ္စမရှိပါဘူး... သူတို့ကို ခေါ်လာခဲ့လို့ ရပါတယ်၊ အယောက်တစ်ရာတည်း ဖြစ်စရာ မလိုပါဘူး...”</p> <p>“ခန်းမဆောင်ထဲ ဆံ့သလောက် အကုန်ခေါ်လာခဲ့လို့ ရတယ်၊ ဒါက ခင်ဗျားတို့ အားလုံးအတွက် အောင်ပွဲခံရမယ့် အချိန်ပဲလေ...”</p> <p>“ အားလုံး ကိုယ်တိုင်မြင်တွေ့သင့်ပါတယ်၊ ပြီးတော့ အကဲဖြတ်ရေးလုပ်ငန်းစဉ်ကလည်း အချိန်သိပ်မကြာပါဘူး...”</p> <p>သူ၏ တုံ့ပြန်မှုကြောင့် နေရာအနှံ့အပြားမှ ခိုးနားထောင်နေခဲ့ကြသော လူငယ်မျိုးနွယ်စုဝင်များထံမှ တခဲနက် အော်ဟစ်အားပေးသံကြီး ထွက်ပေါ်လာခဲ့သည်။</p> <p> အကြီးအကဲများက မျက်စောင်းထိုး ကြည့်လိုက်ချိန်တွင်မှသာ သူတို့ ငြိမ်ကျသွားကြလေသည်။</p> <p>ကျိုးရီနှင့် ကျိုးလီချင်တို့ နှစ်ယောက်လုံးမှာ ထိုလေထုနှင့် စိတ်ခံစားမှုများကြောင့် အံ့အားသင့်သွားကြသည်။</p> <p> သူတို့၏ အသက်အရွယ်နှင့် ယခင်စတင်ရာ အမှတ်များအရ၊ ဤအခိုက်အတန့်သည် မုရုံမျိုးနွယ်စု အတွက် မည်မျှအရေးကြီးပြီး ဘဝကို ပြောင်းလဲစေနိုင်သနည်း ဆိုသည်ကို သူတို့ နားမလည်နိုင်ကြသေးပေ။</p> <p>သူတို့အတွက်တော့ ၎င်းမှာ သာမန်အသိအမှတ်ပြုမှု တစ်ခုမျှသာ ဖြစ်နိုင်သော်လည်း၊ မုရုံမျိုးနွယ်စု အတွက်မူ ၎င်းသည် မရေမတွက်နိုင်သော မျိုးဆက်များစွာ၏ မျှော်လင့်ချက်များ ပြည့်ဝသွားခြင်း ဖြစ်သည်။</p> <p> နှစ်ထောင်ပေါင်းများစွာ ကြာပြီးနောက် သူတို့သည် အဆင့် ၃ မျိုးနွယ်စု တစ်ခုအဖြစ်သို့ ပြောင်းလဲသွားနိုင်သည့် အထူး အရာတစ်ခုခု ဖြစ်ပေါ်လာနိုင်သော ခရီးစဉ်သစ် တစ်ခု၏ အစလည်း ဖြစ်ကာ၊ ထိုခရီးစဉ်အတွက် အဓိကတွန်းအားမှာ ယနေ့ ဖြစ်ပေါ်နေသော အကဲဖြတ်မှုပင် ဖြစ်သည်။</p> <p>…</p> <p>မိနစ်အနည်းငယ် အကြာတွင် သူတို့သည် မျိုးနွယ်စုခန်းမဆောင် အတွင်းသို့ ရောက်ရှိသွားကြသည်။</p> <p> ၎င်းမှာ အမိုးခုံးပုံစံ ရှေးဟောင်းအသွင်အပြင် ရှိပြီး၊ စိတ်ကိုတည်ငြိမ်စေသော နံ့သာတိုင် အနည်းငယ်ကို ထွန်းညှိထားသည်။</p> <p>၎င်း၏ အရွယ်အစားအရ လူတစ်ထောင်ခန့်ကို  အလွယ်တကူ ဝင်ဆံ့နိုင်သည်။</p> <p> ခန်းမဆောင်အတွင်းတွင် ကျင့်ကြံရေးဖျာများကို သပ်ရပ်စွာ ခင်းကျင်းထားပြီး၊ ခန်းမဆောင်၏ မြောက်ဘက်တွင် အနည်းငယ်မြင့်သော စင်မြင့်တစ်ခု ရှိသည်။</p> <p>ထိုစင်မြင့်တွင် ခန်းမဆောင်တစ်ခုလုံး၌  လျှို့ဝှက်ဆန်းကြယ်မှု အရိပ်အယောင်တစ်ခု ရှိနေသည်။</p> <p>ယန်ချင်း၊ ကျိုးမောင်နှမ၊ အကြီးအကဲများနှင့် ထိုအမျိုးသမီးငယ်တို့ အားလုံး စင်မြင့်ပေါ်သို့ တက်သွားကြပြီး၊ အခြားစီနီယာအဖွဲ့ဝင်များက ဆူပူအုံကြွမှုများ မဖြစ်စေရန် အခြားအဖွဲ့ဝင်များ ဝင်ရောက်လာမှုကို စည်းကမ်းတကျ ဖြစ်အောင် ထိန်းသိမ်းပေးရန် သွားလိုက်ကြသည်။</p> <p>မိနစ်အနည်းငယ်အကြာတွင် ခန်းမဆောင်တစ်ခုလုံး လူများ ပြည့်နှက်သွားသော်လည်း ကျပ်သိပ်နေသည်ဟု မခံစားရပေ။ .</p> <p>လူကြီးလူငယ်အားလုံးက စင်မြင့်ဆီသို့ စိတ်လှုပ်ရှားစွာဖြင့် စိုက်ကြည့်နေကြပြီး၊ အခိုက်အတန့်တစ်ခုကို လွတ်သွားမည် စိုးသဖြင့် မျက်တောင်ပင် မခတ်ရဲကြပေ။</p> <p>ချန်ရစ်ခံခဲ့ရသော အဖွဲ့ဝင်တစ်ဦးတစ်ယောက်မျှ မရှိပေ။</p> <p>မုရုံမျိုးနွယ်စုမှာ ကြီးမားသောမျိုးနွယ်စုတစ်ခု မဟုတ်သဖြင့်၊ လူတစ်ထောင်ဆံ့သော ခန်းမဆောင်ကြီးက လူတိုင်းအတွက် အံဝင်ခွင်ကျ ဖြစ်နေပြီး အခြားသူများအတွက် နေရာအနည်းငယ်ပင် ပိုနေသေးသည်။</p> <p>ယန်ချင်း ရောက်ရှိလာမည့် နေ့ရက်ကိုသာ သူတို့ သိခဲ့မည်ဆိုလျှင် အောင်ပွဲခံရန် သူတို့နှင့် ဆက်ဆံရေးကောင်းမွန်သော အခြားအဖွဲ့အစည်း အနည်းငယ်ကို ဖိတ်ကြားထားမည် ဖြစ်သော်လည်း၊ ယန်ချင်း၏ ရုတ်တရက် အလည်အပတ်ခရီးကြောင့် မျိုးနွယ်စုဝင်များသာလျှင် တက်ရောက်နိုင်ခဲ့ခြင်း ဖြစ်သည်။</p> <p>သူ၏ဝတ်ရုံသည် ခမ်းနားထည်ဝါသော  အပြာရင့်ရောင်တရားသူကြီးဝတ်စုံအဖြစ်သို့ ပြောင်းလဲသွားချိန်တွင် ယန်ချင်းက ညင်သာစွာ ပြောလိုက်သည်။</p> <p>“စကြရအောင်...”</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save