Book List

<h2 style="text-align:center">မြေထဲပင်လယ် အရှင်သခင်</h2> <h2 style="text-align:center">စာစဉ် (၅၈)</h2> <h2 style="text-align:center">​အပိုင်း (၅၇၁)</h2> <h2 style="text-align:center">ကိုယ်ကျိုးကိုယ်စီနှင့်</h2> <h2 style="text-align:center">*</h2> <p> </p> <p> </p> <p> </p> <p> </p> <p> </p> <p>​"ဟီရိုလစ် . သီအိုနီယာ  တွေက ဒိုင်ယွန်နီးစီးယပ်စ်  တပ်တွေ စစ္စလီ  ကို ပြန်မလာနိုင်အောင် တားပေးမယ် ဆိုတာ တကယ်ပဲလား"</p> <p>​ဖီလော့ဇီးနပ်စ် စိုးရိမ်တကြီး မေးလိုက်တယ်။</p> <p>​"ဒိုင်ယွန်နီးစီးယပ်စ် က ရေတပ် မရှိတော့ဘူး။ သူ့တပ်ကို စစ္စလီ ပြန်ခေါ်လာနိုင်မှာ မဟုတ်ဘူး။ သူ့ကို စိုးရိမ်မယ့်အစား... သီအိုနီယာ လက်ထဲ ဖမ်းမိသွားတော့မယ့် တပ်မတော် အတွက် ပိုစိုးရိမ်သင့်တယ်။ အဲဒီမှာ ကြေးစားတွေတင် မကဘူး၊ ဆီရာကျု နိုင်ငံသားတွေနဲ့ ရေတပ်သားတွေလည်း သောင်းချီ ပါနေတာလေ။ သီအိုနီယာ က သူတို့ကို ဆီရာကျု ဆီ တကယ်ပဲ ဘေးကင်းကင်း ပြန်ပို့ပေးပါ့မလား!"</p> <p>​စတိုင်စီကော့စ်  ထောက်ပြတဲ့ အချက်က လူတိုင်း စိတ်ပူနေတဲ့ အရာပါ။ ဒါပေမဲ့ ဘယ်သူမှ ထုတ်မပြောရဲကြဘူး။ ဟီရိုလစ် လည်း အတူတူပဲ။</p> <p>​ပုန်ကန်မှု အောင်မြင်တာ သီအိုနီယာ အကူအညီကြောင့် ဆိုပေမယ့်၊ ဆီရာကျု ခေါင်းဆောင်တွေ အနေနဲ့ အနာဂတ်ကို တွေးကြည့်ရင် သီအိုနီယာ ကို သတိထားရမယ်။ ဆီရာကျု နဲ့ သီအိုနီယာ ကြားမှာ အကျိုးစီးပွား ပဋိပက္ခတွေ ရှိနေတယ်လေ။ ဟီရိုလစ် နဲ့ အဖွဲ့က ဒိုင်ယွန်နီးစီးယပ်စ် ရဲ့ အာဏာရှင် စနစ်ကို တော်လှန်ခဲ့ကြပေမယ့်၊ ဆီရာကျု ရဲ့ ဂုဏ်ရောင်ထွန်းပြောင်မှုကို ဆက်လက် ထိန်းသိမ်းချင်ကြတာ သဘာဝပါပဲ။</p> <p>​"ဒိုင်ယွန်နီးစီးယပ်စ် ကို အပြီးတိုင် မဖယ်ရှားနိုင်သေးဘူး။ ဒါကြောင့် ဒီကိစ္စတွေ နောက်မှ ဆွေးနွေးကြတာပေါ့။ သတိမလျော့ကြနဲ့ဦး။ သီအိုနီယာ တပ်တွေက တောနစ် (Taunis) ကို ရှောင်ကွင်းသွားပြီး စေတနာ ပြထားတယ်။ 'ဆီရာကျု မြေပေါ် သီအိုနီယာ တပ်သား တစ်ယောက်မှ ခြေမချဘူး' ဆိုတဲ့ ကတိကိုလည်း တည်နေသေးတယ်... ဒါပေမဲ့ စိတ်မချရသေးဘူး!</p> <p>​စတိုင်စီကော့စ်... မြောက်ဘက် မြို့ရိုးမှာ ကင်းလှည့်တာတွေ ပိုတိုးဖို့ တပ်သားတွေကို ပြောလိုက်! အရှင် တက်သီးတီးစ် (Tethytes)-"</p> <p>​ဟီရိုလစ် ရေတပ်သားအိုကြီးကို လှည့်ကြည့်လိုက်တယ်။ တခြား ခေါင်းဆောင်တွေလို သဘောထားချင်း တိုက်ဆိုင်တဲ့ မိတ်ဆွေ မဟုတ်ဘဲ၊ ဆိပ်ကမ်းက ဆင်းရဲသား ဘဝကနေ တက်လာတဲ့ ဒီခေါင်းဆောင်အိုကြီးကို သူ သတိပေးရမယ်။</p> <p>​"ဆိပ်ကမ်းမှာ ရှိတဲ့ သီအိုနီယာ တချို့က လူထု စိုးရိမ်ပူပန်အောင် ကောလဟာလတွေ လိုက်လွှင့်နေကြတယ်။ ဆီရာကျု လုံခြုံရေးနဲ့ တည်ငြိမ်မှုကို ထိခိုက်စေတယ်။ ဒါကြောင့် ပြန်သွားပြီး အဲဒီ သီအိုနီယာ သူလျှိုတွေကို ရှာဖွေပြီး ဆီရာကျု ကနေ မောင်းထုတ်လိုက်ပါ!"</p> <p>​"ဒါ အမှန်ပဲ! ဆီရာကျု ကိစ္စကို ဆီရာကျု သားတွေပဲ ဖြေရှင်းသင့်တယ်။ ရန်သူတွေ ဝင်ပါစရာ မလိုဘူး! သူတို့မှာ ဆီရာကျု ကို ထိခိုက်စေမယ့် ရည်ရွယ်ချက်တွေ ရှိနေမှာပဲ!"</p> <p>​ဖီလော့ဇီးနပ်စ် ချက်ချင်း ထောက်ခံလိုက်တယ်။</p> <p>​တက်သီးတီးစ် အံ့သြသွားတယ်။ သူ သိသလောက် သီအိုနီယာ တွေက ဟီရိုလစ် နဲ့ အဆက်အသွယ် ရှိသလို၊ ဆိပ်ကမ်းက လူတွေနဲ့လည်း အဆင်ပြေတယ်။ ဒိုင်ယွန်နီးစီးယပ်စ် လူတွေကို တော်လှန်ဖို့ မြို့နေလူတန်းစားတွေနဲ့ ပေါင်းစည်းပေးခဲ့သလို၊ ကိုယ့်အကျိုးစီးပွား အတွက် ဘယ်လို တိုက်ပွဲဝင်ရမလဲ ဆိုတာလည်း သင်ပေးခဲ့တယ်။ ခုနက အောင်မြင်သွားတဲ့ မြေခွဲဝေမှု ကိစ္စ ဆိုရင်လည်း သူတို့ အကြံပေးချက်ပဲလေ... အခု အကျိုးအမြတ် ရသွားတဲ့ ခေါင်းဆောင်တွေက သူတို့ကို ကျောခိုင်းလိုက်ကြပြီ!</p> <p>​သူ့မျက်နှာ ကြောင်တောင်တောင် ဖြစ်နေတာ မြင်တော့ ဟီရိုလစ် အသံကျယ်ကျယ်နဲ့ သတိပေးလိုက်တယ်။</p> <p>​"အခု ဒိုင်ယွန်နီးစီးယပ်စ် အုပ်ချုပ်မှုကို ဖြုတ်ချလိုက်ပြီ။ ကျွန်တော်တို့ ခေါင်းဆောင်တွေက ဆီရာကျု နိုင်ငံသားတွေ တရားဝင် ရွေးကောက်တင်မြှောက်ထားသူတွေ ဖြစ်ပြီး ပြည်သူ့ဆန္ဒကို ကိုယ်စားပြုတယ်။ ဒါကြောင့် သီအိုနီယာ နဲ့ ဆက်ဆံတဲ့ အခါ တရားဝင် သံတမန်ရေးရာ နည်းလမ်းနဲ့ပဲ ဆက်ဆံသင့်တယ်။ အရင်လို တိတ်တိတ်ပုန်း လုပ်နေရင် ပြည်သူတွေ အထင်လွဲပြီး ဆီရာကျု အကျိုးစီးပွား ထိခိုက်လိမ့်မယ်!"</p> <p>​ဟီရိုလစ် က တဲ့တိုး ပြောလိုက်တော့ တက်သီးတီးစ် ဘာမှ ပြန်မပြောနိုင်တော့ဘူး။</p> <p>​"ဖီလော့ဇီးနပ်စ်... သီအိုနီယာ ကို သွားပြီး သီအိုနီယာ အထက်လွှတ်တော်နဲ့ ဆွေးနွေးပေးမလား? စစ်ပွဲ ဘယ်လို အဆုံးသတ်မလဲ ဆိုတာနဲ့ ဖမ်းဆီးခံ ဆီရာကျု နိုင်ငံသားတွေ ပြန်လွှတ်ပေးဖို့ ကိစ္စတွေလေ"</p> <p>​"သွားပါ့မယ်!"</p> <p>​ဖီလော့ဇီးနပ်စ် တက်ကြွစွာ သဘောတူလိုက်တယ်။</p> <p>​"သီအိုနီယာ က တောင်းဆိုချက်တွေ အများကြီး လုပ်လာရင် ဘယ်လို လုပ်မလဲ?!"</p> <p>​ဖာလီကပ်စ် (Phalekus) ဆိုတဲ့ ခေါင်းဆောင် တစ်ယောက်က စိုးရိမ်တကြီး မေးလိုက်တယ်။</p> <p>​"စစ်လျော်ကြေး အနေနဲ့ သူတို့က... ကာတာနီးယား (Catania)၊ လီယွန်တီနွိုင်း (Leontinoi) နဲ့ ဆီရာကျု မြောက်ဘက်က တခြား မြို့ပြနိုင်ငံတွေ အပေါ် သူတို့ အခွင့်အရေးကို အာမခံချက် ပေးဖို့ တောင်းဆိုလာမှာ စိုးရတယ်"</p> <p>​ဒီရက်ပိုင်း ဟီရိုလစ် က ဒိုင်ယွန်နီးစီးယပ်စ် လက်ကျန်တွေကို ရှင်းလင်းရေး၊ ဆီရာကျု တည်ငြိမ်ရေးတွေ လုပ်နေရင်း၊ အစိုးရသစ် လုံခြုံရေးနဲ့ တိုးတက်ရေး အတွက် ဘယ်လို လုပ်ရမလဲ ဆိုတာလည်း စဉ်းစားနေခဲ့တာ။ သီအိုနီယာ က ဆီရာကျု ရှေ့က ရှောင်လွှဲမရတဲ့ ကျောက်တုံးကြီး ဖြစ်နေတော့ သူ အများကြီး တွေးနေရတယ်။</p> <p>​"သီအိုနီယာ က စစ္စလီ မဟာမိတ် အဖွဲ့ (Sicilian League) ကို ဖျက်သိမ်းဖို့၊ ကျွန်တော်တို့ သိမ်းပိုက်ထားတဲ့ တခြား မြို့ပြနိုင်ငံတွေရဲ့ မြေတွေကို ပြန်ပေးဖို့ တောင်းဆိုလာနိုင်တယ်!"</p> <p>​စတိုင်စီကော့စ် သတိပေးလိုက်တယ်။</p> <p>​အားလုံး မျက်နှာ ပျက်သွားကြတယ်။ အထူးသဖြင့် တက်သီးတီးစ် ပေါ့။ ကောင်စီက ကတိပေးထားတဲ့ မြေတွေက တောင်ဘက်က လက်အောက်ခံ မြို့ပြနိုင်ငံတွေဆီကနေ သိမ်းယူထားတာလေ။</p> <p>​ဟီရိုလစ် ကတော့ တည်ငြိမ်နေတယ်။</p> <p>​"တစ်ဖက်က ဆွေးနွေးပွဲမှာ အလွန်အကျွံ တောင်းဆိုမှုတွေ လုပ်လာမှာ သဘာဝပါပဲ။ ဒါပေမဲ့... ဖီလော့ဇီးနပ်စ်... သတိရပါ... ကျွန်တော်တို့ ပူးပေါင်းဆောင်ရွက်မှု မပါဘဲ သီအိုနီယာ အတွက် ပိုခက်ခဲလိမ့်မယ်။ ဥပမာ - စကိုင်လက်တီယမ် (Scylletium) မှာ ပိတ်မိနေတဲ့ တပ်သား သောင်းချီ လက်နက်ချအောင် ကျွန်တော်တို့ သွားဖျောင်းဖျပေးနိုင်တယ်။ ဒါမှ မက်ဂနာ ဂရိ စစ်ပွဲ အဆုံးသတ်မှာလေ။</p> <p>​နောက်တစ်ချက်က... ကာတာနီးယား၊ လီယွန်တီနွိုင်း တို့လို မြို့တွေကို သီအိုနီယာ က ထောက်ပံ့တာကို ကျွန်တော်တို့ သဘောမတူရင်၊ သီအိုနီယာ အနေနဲ့ စစ္စလီ အရှေ့ဘက် ကမ်းရိုးတန်းမှာ ခြေကုပ်ယူဖို့ မဖြစ်နိုင်ဘူး..."</p> <p>​ပြောရင်းနဲ့ ဟီရိုလစ် ယုံကြည်မှု ပိုတိုးလာတယ်။ သီအိုနီယာ အကြောင်း၊ အထူးသဖြင့် ဒါးဗို့စ် (Davos) အကြောင်း နှစ်ပေါင်းများစွာ လေ့လာခဲ့လို့... ငယ်ရွယ်ပြီး ဉာဏ်ကောင်းတဲ့ သီအိုနီယာ ဘုရင်သစ်က အမုန်းတရားကြောင့် မျက်စိကန်းပြီး အလွန်အကျွံ တောင်းဆိုတာမျိုး လုပ်မှာ မဟုတ်ဘူး လို့ သူ ယုံကြည်တယ်။</p> <p>​ဒါကြားတော့ ဖီလော့ဇီးနပ်စ် စိတ်အေးသွားတယ်။</p> <p>​"စိတ်မပူပါနဲ့။ ဆီရာကျု အကျိုးစီးပွား ထိခိုက်အောင် မလုပ်ပါဘူး!"</p> <p>​"ဒါပေမဲ့ လိုက်လျောသင့်ရင် လိုက်လျောရမယ်။ ကျွန်တော်တို့က အကူအညီ တောင်းနေရသူတွေလေ"</p> <p>​ဖီလော့ဇီးနပ်စ် ခေါင်းမာပြီး ဒါးဗို့စ် ကို စိတ်ဆိုးအောင် လုပ်မိမှာ စိုးလို့ ဟီရိုလစ် သတိပေးလိုက်တယ်။</p> <p>​"သိပါတယ်။ ကျွန်တော် သွားတာ ဆွေးနွေးဖို့ပါ၊ ကဗျာရွတ်ဖို့ မဟုတ်ပါဘူး"</p> <p>​ဖီလော့ဇီးနပ်စ် ပြောလိုက်တော့ တက်သီးတီးစ် ကလွဲရင် ကျန်တဲ့ လူတွေ ရယ်မောလိုက်ကြတယ်။ အရင်တုန်းက ဒိုင်ယွန်နီးစီးယပ်စ် စားပွဲဝိုင်းတွေမှာ ကဗျာရွတ်ရင်း ဖီလော့ဇီးနပ်စ် က ဒိုင်ယွန်နီးစီးယပ်စ် ကို အရှက်ခွဲလေ့ရှိလို့ အာဏာရှင်ရဲ့ အငြိုးထားတာ ခံခဲ့ရတာကိုး။</p> <p>​"ဖာလီကပ်စ်... ဘဏ္ဍာတိုက်ထဲ ပိုက်ဆံ ဘယ်လောက် ကျန်သေးလဲ"</p> <p>​"အမ်..."</p> <p>​ဖာလီကပ်စ် ဖြေမလို့ လုပ်တုန်း အစောင့် တစ်ယောက် ပြေးဝင်လာတယ်။</p> <p>​"ခေါင်းဆောင်တို့... အောတီဂျီယာ ကျွန်းကနေ စပါတာ (Spartan) တစ်ယောက် ရောက်လာပါတယ်။ စပါတာ သံတမန် ပါ တဲ့။ တွေ့ခွင့် တောင်းနေပါတယ်"</p> <p>​"စပါတာ သံတမန်?!"</p> <p>​အားလုံး အံ့သြသွားကြတယ်။</p> <p>​'နောက်ဆုံးတော့ ရောက်လာပြီပေါ့!'</p> <p>​ဟီရိုလစ် လက်သီး ဆုပ်လိုက်တယ်။</p> <p>​. . . . . . . . . . . . .</p> <p>​ဖီးဒီးယပ်စ် (Phidias) မြို့တော်ခန်းမထဲ ဝင်လာတော့ လူ ၁၀ ယောက်လောက် တွေ့ရပေမယ့် တစ်ယောက်မှ မသိဘူး။ ဆီရာကျု ကို လာတိုင်း ဒိုင်ယွန်နီးစီးယပ်စ် က အောတီဂျီယာ ကျွန်းပေါ်က နန်းတော်မှာ နွေးနွေးထွေးထွေး ဧည့်ခံလေ့ ရှိတယ်။ အရာရှိတွေ၊ အစေခံတွေ ဝိုင်းရံပြီး အရှေ့တိုင်းက မင်းသား တစ်ပါးလို ဆက်ဆံခံရတာ။ ဒါကြောင့် ဆီရာကျု မြို့ထဲထိ ဝင်ပြီး လေ့လာတာမျိုး ရှားတယ်။ ကာသေ့ချ် တပ်တွေ မြို့ရိုးနား ကပ်လာတုန်းက တစ်ခေါက်လောက်ပဲ ရှိမယ်။</p> <p>​သူက တခြားသူတွေကို မသိပေမယ့်၊ တခြားသူတွေက သူ့ကို သိကြတယ်။ အနီရောင် ဝတ်ရုံရှည်၊ မုတ်ဆိတ်မွှေး ထူထူ၊ လင်းယုန်နှာခေါင်း၊ စူးရှပြီး ကောက်ကျစ်တဲ့ မျက်လုံး၊ အေးစက်ပြီး မာနကြီးတဲ့ မျက်နှာထား... ဟီရိုလစ် ရင်းနှီးလွန်းတဲ့ စပါတာ ပုံစံမို့ မသိစိတ်နဲ့ အာမေဋိတ် ပြုလိုက်မိတယ်။</p> <p>​"ဒိုင်ယွန်နီးစီးယပ်စ် ပြန်ရောက်နေပြီလား?!"</p> <p>​ဟီရိုလစ် အာမေဋိတ်သံက ဖီးဒီးယပ်စ် ကိုတင် မကဘူး၊ တခြားသူတွေကိုပါ အံ့သြသွားစေတယ်။</p> <p>​ဖီးဒီးယပ်စ် လန့်သွားပေမယ့် မျက်နှာမှာ မပေါ်ဘူး။ လူအုပ် အလယ်မှာ ရပ်နေတဲ့ လူကို ကြည့်ပြီး မေးလိုက်တယ်။</p> <p>​"ခင်ဗျားက ဘယ်သူလဲ"</p> <p>​"ဟီရိုလစ် ပါ။ ပြည်သူ့လွှတ်တော် (Ecclesia) က ရွေးချယ်တင်မြှောက်ထားတဲ့ ဆီရာကျု အကြီးအကဲ ပါ"</p> <p>​ဟီရိုလစ် လေးနက်စွာ ပြောလိုက်တယ်။</p> <p>​"ဂုဏ်သရေရှိ စပါတာ သံတမန် ဖီးဒီးယပ်စ်... ဒိုင်ယွန်နီးစီးယပ်စ် လွှတ်လိုက်တာလား"</p> <p>​'ဒါ ဟီရိုလစ် လား?!'</p> <p>​ဖီးဒီးယပ်စ် စပ်စုချင်စိတ်ကို ထိန်းပြီး နှာခေါင်းရှုံ့လိုက်တယ်။</p> <p>​"စပါတာ တစ်ယောက်ကို ခိုင်းစေဖို့ ဒိုင်ယွန်နီးစီးယပ်စ် မှာ ဘာအခွင့်အရေး ရှိလို့လဲ? မက်ဂနာ ဂရိ စစ်ပွဲ အခြေအနေကို အကြီးအကဲ ကောင်စီ (Gerousia) ဆီ တင်ပြဖို့ စပါတာ ကို ပြန်မလို့ လုပ်နေတာ။ သူ့အတွက် စစ်ကူ တောင်းပေးရင်း ဒီကို ဝင်လာတာ အဆင်ပြေလို့ပါ။ ဒါပေမဲ့ ရာဇဝတ်ကောင် တစ်သိုက် ဆီရာကျု မှာ မွှေနှောက်နေတာ တွေ့ရမယ် လို့ မထင်ထားဘူး!"</p> <p>​"ကျွန်တော်တို့က ရာဇဝတ်ကောင် မဟုတ်ဘူး။ ဒိုင်ယွန်နီးစီးယပ်စ် ကသာ ရာဇဝတ်ကောင်! ဆီရာကျု ပြည်သူတွေ ပိုင်ဆိုင်သင့်တဲ့ အခွင့်အရေးနဲ့ လွတ်လပ်ခွင့်ကို ပြန်ယူလိုက်ရုံပဲ!"</p> <p>​ဖီလော့ဇီးနပ်စ် အသံကျယ်ကျယ် ပြန်ပြောတယ်။</p> <p>​"သြော်... လွတ်လပ်ခွင့်!"</p> <p>​ဖီးဒီးယပ်စ် မဲ့ပြုံး ပြုံးလိုက်တယ်။</p> <p>​"ဒိုင်ယွန်နီးစီးယပ်စ် က ကျဆုံးနေတဲ့ စစ်ပွဲ အခြေအနေကို တပ်မတော်နဲ့ ထိန်းထားနိုင်ခဲ့တယ်။ စစ်ကူ ၁၀,၀၀၀ - ၂၀,၀၀၀ လောက် ထပ်ပို့ပေးရင် စစ်ပွဲ အခြေအနေ ပြောင်းပြန် ဖြစ်သွားမယ့် အစား... ခင်ဗျားတို့က ပုန်ကန်လိုက်တော့ မက်ဂနာ ဂရိ မှာ ပိတ်မိနေတဲ့ ဆီရာကျု နိုင်ငံသား သောင်းချီ အကူအညီမဲ့ပြီး သေကုန်ကြတော့မယ်!"</p> <p>​ခေါင်းဆောင် တချို့ ရှက်သွားကြတယ်။ တချို့ကတော့ ပြန်အော်ကြတယ်။</p> <p>​"ဒီစစ်ပွဲ စပြီး ဆီရာကျု နိုင်ငံသားတွေ အသက်ကို စွန့်စားခဲ့တာ ဒိုင်ယွန်နီးစီးယပ်စ် ပဲ! ဒီစစ်ပွဲ ဆက်ဖြစ်နေရင် စစ္စလီ ဂရိတွေ အကုန်လုံး ဒိုင်ယွန်နီးစီးယပ်စ် ရည်မှန်းချက် အတွက် စတေးခံရလိမ့်မယ်! အပိုလို ဘုရားသခင် ကောင်းချီးပေးလို့ ကျွန်တော်တို့နဲ့ မဆိုင်တဲ့ ဒီစစ်ပွဲ အတွက် နိုင်ငံသားတွေ အလကား အသက်မစွန့်ရတော့အောင် တားဆီးနိုင်ခဲ့တာ။ ပြီးတော့ မက်ဂနာ ဂရိ မှာ ပိတ်မိနေတဲ့ နိုင်ငံသားတွေကို ကယ်တင်ဖို့ သီအိုနီယာ နဲ့ ဆွေးနွေးတော့မှာ!"</p> <p>​စတိုင်စီကော့စ် အော်ပြောလိုက်တယ်။</p> <p>​"ခင်ဗျားတို့နဲ့ မဆိုင်တဲ့ စစ်ပွဲ ဟုတ်လား?!"</p> <p>​ဖီးဒီးယပ်စ် လှောင်ပြောင်လိုက်တယ်။</p> <p>​"သီအိုနီယာ တပ်တွေက ဆီရာကျု နဲ့ အနီးဆုံး တောနစ် ကို သိမ်းပိုက်လိုက်ပြီ။ ဆီရာကျု က သီအိုနီယာ လှံဖျားအောက် ရောက်နေပြီ။ ဒါတောင် ခင်ဗျားတို့နဲ့ မဆိုင်ဘူးလား?!"</p> <p>​"ဒါက ဒိုင်ယွန်နီးစီးယပ်စ် တခြားသူတွေကို အဆက်မပြတ် ကျူးကျော်ခဲ့တဲ့ အကျိုးဆက်ပဲ!"</p> <p>​ဖီလော့ဇီးနပ်စ် လက်ကာပြပြီး ဒေါသတကြီး ပြောတယ်။</p> <p>​ဒါပေမဲ့ ဟီရိုလစ် သူ့သူငယ်ချင်းကို တားလိုက်တယ်။</p> <p>​"သံတမန် ဖီးဒီးယပ်စ်... ဒါတွေက ဆီရာကျု ပြည်တွင်းရေးတွေပါ။ ကျွန်တော်တို့ ဘာသာ ဖြေရှင်းပါ့မယ်။ ခင်ဗျား လာရင်းကိစ္စကိုသာ ပြောပါ"</p> <p>​ဖီးဒီးယပ်စ် ရဲ့ စူးရှတဲ့ အကြည့်က ဓားတစ်ချောင်းလို စိုက်ဝင်သွားတယ်။</p> <p>​"ဆီရာကျု က စပါတာ ရဲ့ မဟာမိတ်! ဒါကြောင့် နိုင်ငံရေး တည်ငြိမ်မှု ရှိဖို့၊ စပါတာ အကျိုးစီးပွား မထိခိုက်ဖို့ အတွက် ဆီရာကျု ပြည်တွင်းရေးကို စပါတာ ဂရုစိုက်ဖို့ လိုအပ်တာ သဘာဝပါပဲ။ လိုအပ်ရင် စပါတာ က တပ်လွှတ်ပြီး ဖရိုဖရဲ ဖြစ်နေတဲ့ ဆီရာကျု ကို ထိန်းသိမ်းပေးလို့ ရတယ်! လွန်ခဲ့တဲ့ ၄ နှစ်က ကျွန်တော် လုပ်ခဲ့သလိုပေါ့... ဒါပေမဲ့ ဒီနေ့တော့ ကျွန်တော့် အဆိုပြုချက်ကို အေးအေးဆေးဆေး စဉ်းစားပေးဖို့ မျှော်လင့်ပါတယ်! စပါတာ ရဲ့ အဆိုပြုချက်!"</p> <p>​</p> <p> </p> <p> </p> <p style="text-align: center;">အပိုင်း (၅၇၁) ပြီးဆုံး</p> <p style="text-align:center">***</p>


Save