Book List

<h2 style="text-align: center;">​အပိုင်း (၅၇၂)</h2> <h2 style="text-align: center;">ဟီရိုလစ်၏ အဆိုပြုချက်</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p>​ဖီးဒီးယပ်စ် (Phidias) ရဲ့ ခြိမ်းခြောက်သံ ပါတဲ့ စကားကြောင့် အားလုံး တင်းမာသွားကြတယ်။</p> <p>​စတိုင်စီကော့စ် (Steisikus) သတိထားပြီး မေးလိုက်တယ်။</p> <p>​"ခင်ဗျား အဆိုပြုချက်က ဘာလဲ"</p> <p>​"ဒိုင်ယွန်နီးစီးယပ်စ် (Dionysius) နဲ့ ထိပ်တိုက်တွေ့နေတာ ရပ်ပြီး နှစ်ဖက် ညှိနှိုင်းကြ! ဟုတ်ပါတယ်... ဒိုင်ယွန်နီးစီးယပ်စ် အာဏာရှင်ဆန်လွန်းလို့ ဆီရာကျု (Syracuse) တစ်မြို့လုံး မကျေနပ်ကြဘူး။ ဒါကြောင့် ဒိုင်ယွန်နီးစီးယပ်စ် ကို အကြီးအကဲ ရာထူးကနေ ဖယ်ရှားပြီး 'ခေါင်းဆောင် ၂၀ စနစ်' ကို ပြန်ကျင့်သုံးဖို့ အကြံပြုတယ်။ စစ်ပွဲ ကာလ အတွင်းမှာတော့ ခေါင်းဆောင် ပြောင်းလဲမှုကြောင့် ဆုံးရှုံးမှုတွေ မဖြစ်အောင် သူ့ကို ပိုလီမားခေါ့စ် (Polemarchos - စစ်ဘက်ဆိုင်ရာ အကြီးအကဲ) အဖြစ် ခေတ္တ ထားရှိမယ်"</p> <p>​(ဆီရာကျု လူဦးရေ များလွန်းလို့ မြို့ပြနိုင်ငံ ကိစ္စရပ်တွေကို စီမံဖို့ ခေါင်းဆောင် ပိုလိုအပ်တယ်။ ဒီမိုကရေစီ ကျင့်သုံးတုန်းက ဒီစနစ်ကို အချိန်တစ်ဝက်လောက် ကျင့်သုံးခဲ့ဖူးတယ်)</p> <p>​ဖီးဒီးယပ်စ် အဆိုပြုချက်ကြောင့် ခေါင်းဆောင်တွေ တိတ်ဆိတ်သွားကြတယ်။</p> <p>​ဒါပေမဲ့ ဟီရိုလစ် (Heloris) အသံကျယ်ကျယ် မေးလိုက်တယ်။</p> <p>​"ဒါ ခင်ဗျား အဆိုပြုချက်လား၊ ဒိုင်ယွန်နီးစီးယပ်စ် အဆိုပြုချက်လား?!"</p> <p>​"သူနဲ့ ညှိနှိုင်းပြီး ရလာတဲ့ ရလဒ်ပါ"</p> <p>​ဖီးဒီးယပ်စ် မျက်တောင်မခတ်ဘဲ လိမ်လိုက်တယ်။</p> <p>​ဟီရိုလစ် တခြားသူတွေကို သတိပေးလိုက်တယ်။</p> <p>​"သူ့သူငယ်ချင်း ဖြစ်ခဲ့တာ ၁၀ နှစ်ကျော်ပြီ... သူ့အကြောင်း ငါ သိသလောက်၊ လက်ရှိ အခြေအနေကြောင့် စပါတာ (Spartan) သံတမန်ရဲ့ အဆိုပြုချက်ကို သူ သဘောတူတယ် ထားဦး... အကြပ်အတည်း ကျော်လွန်သွားရင် အာဏာရှင် စနစ် ပြန်ကျင့်သုံးပြီး ဒီနေ့ သူ့ကို ဆန့်ကျင်တဲ့ ငါတို့ကို သတ်ပစ်မှာ သေချာတယ်! လွန်ခဲ့တဲ့ ၅ နှစ်က ရခဲ့တဲ့ နာကျင်စရာ သင်ခန်းစာကို မမေ့ကြနဲ့!"</p> <p>​ဒါကြားတော့ အားလုံး မျက်နှာ ပျက်သွားကြတယ်။ လွန်ခဲ့တဲ့ ၄ နှစ်က ကာသေ့ချ် (Carthaginian) တပ်မတော်ကို အနိုင်ရပြီးတာနဲ့၊ ဒိုင်ယွန်နီးစီးယပ်စ် က ပုန်ကန်သူ ခေါင်းဆောင် အားလုံးကို 'နိုင်ငံတော် သစ္စာဖောက်မှု' နဲ့ ဖမ်းဆီးပြီး တရားမစစ်ဘဲ သတ်ပစ်ခဲ့တာ။ ပိုင်ဆိုင်မှုတွေ သိမ်း၊ မိသားစုဝင်တွေကို ကျွန်ပြု... ဒီရက်စက်မှုတွေကြောင့် ဆီရာကျု တွေ ကြောက်လန့်ပြီး ဒိုင်ယွန်နီးစီးယပ်စ် ကို မဆန့်ကျင်ရဲတော့တာ။ နောက်ပိုင်း နှစ်တွေမှာ အားလုံး ငြိမ်ကုပ်နေခဲ့ရတာ။ ဒိုင်ယွန်နီးစီးယပ်စ် စစ်ပွဲမှာ အကြီးအကျယ် ရှုံးနိမ့်ပြီး မြို့ကို အကာအကွယ်မဲ့ ထားခဲ့လို့သာ၊ ဟီရိုလစ် တို့ ဦးဆောင်မှုနဲ့ ပြည်သူတွေ ဒိုင်ယွန်နီးစီးယပ်စ် ကို ပြန်တော်လှန်ရဲကြတာလေ!</p> <p>​နာကျင်စရာ အတိတ်ကို ပြန်သတိရသွားကြတော့ ခေါင်းဆောင်တွေ မျက်နှာမှာ ကြောက်ရွံ့မှုနဲ့ ဒေါသတွေ ပေါ်လာတယ်။</p> <p>​ဖီးဒီးယပ်စ် ကတော့ ဒါတွေ မသိဘဲ ဟန်ဆောင်ပြီး လေးလေးနက်နက် ပြောလိုက်တယ်။</p> <p>​"ဟရာကလီးစ် (Heracles) နာမည်နဲ့ ကျိန်ဆိုပြီး ကတိပေးပါတယ်-"</p> <p>​"ခင်ဗျား ဟရာကလီးစ် လည်း သောက်ဂရုမစိုက်ဘူး! ခင်ဗျား ကတိလည်း သောက်ဂရုမစိုက်ဘူး!"</p> <p>​လူအုပ်ထဲက တစ်ယောက် ဒေါသတကြီး ဆဲဆိုလိုက်တယ်။ ဖီးဒီးယပ်စ် နား ပြေးသွားပြီး လက်ညှိုးထိုးကာ အံကြိတ်ပြီး အော်ပြောတယ်။</p> <p>​"ခင်ဗျားပဲ! ခင်ဗျားပဲ! ခင်ဗျား ကတိပေးလို့သာ ငါ့အစ်ကိုနဲ့ တခြားလူတွေက ဒိုင်ယွန်နီးစီးယပ်စ် ကို အလွတ်ပေးလိုက်တာ။ ရလဒ်က သူတို့ ခေါင်းဖြတ်ခံရတယ်၊ ငါ့မရီး ကျွန်ဖြစ်ပြီး ဘယ်ရောက်သွားမှန်း မသိတော့ဘူး၊ သူ့ကလေး ၂ ယောက်ကို ဟိုယုတ်မာတဲ့ ကြေးစားတွေက ထိုးသတ်ပစ်လိုက်တယ်၊ ငါ့မိဘတွေလည်း-"</p> <p>​ကီးယပ်စ် (Kias) ပြောရင်း ဒေါသ ပိုထွက်လာတယ်။ လက်လှမ်းပြီး ဖီးဒီးယပ်စ် အင်္ကျီကို ဆွဲမလို့ လုပ်ပေမယ့်၊ ဖီးဒီးယပ်စ် တွန်းလိုက်လို့ လဲကျသွားတယ်။</p> <p>​ပြန်ထပြီး ဝင်လုံးမလို့ လုပ်ပေမယ့် စတိုင်စီကော့စ်၊ တက်သီးတီးစ် (Tethytes) နဲ့ တခြားလူတွေ ဝိုင်းတားထားလိုက်ကြတယ်။ ဒါကြောင့် ဒေါသတကြီး ဆဲဆိုရုံပဲ တတ်နိုင်တော့တယ်။</p> <p>​"သောက်ကျိုးနည်း စပါတာ! မင်း ငါ့မိသားစုကို သတ်ခဲ့တာ။ တစ်နေ့... တစ်နေ့ ကလဲ့စားချေ နတ်ဘုရားမက စပါတာ ကို အပြစ်ပေးလိမ့်မယ်! စပါတာ ကျဆုံးပြီး စပါတာ တွေ အကုန်လုံး ကျွန်ဖြစ်သွားတဲ့ နေ့ကို မြင်ရပါစေလို့ ဆုတောင်းတယ်!"</p> <p>​လူတွေ အများကြီး သတ်ဖူးတဲ့ ဖီးဒီးယပ်စ် က ကီးယပ်စ် ကို ဂရုမစိုက်ပါဘူး။ ဒါပေမဲ့ ကီးယပ်စ် နောက်ဆုံး ကျိန်ဆဲလိုက်တာက ရက်စက်လွန်းလို့ ဒေါသထွက်သွားတယ်။</p> <p>​"ဒါ စပါတာ အပေါ် ခင်ဗျားတို့ သဘောထားလား?!"</p> <p>​"သံတမန် ဖီးဒီးယပ်စ်"</p> <p>​ဟီရိုလစ် ညင်ညင်သာသာ ကြည့်ပြီး ဖျောင်းဖျလိုက်တယ်။</p> <p>​"ကီးယပ်စ် မိသားစုက ဆီရာကျု မှာ အစောဆုံး အခြေချခဲ့သူတွေ ဖြစ်ပြီး ပြည်သူတွေ ကြားမှာ နာမည်ကောင်း ရှိတယ်။ ဒါပေမဲ့ ဒိုင်ယွန်နီးစီးယပ်စ် က သူ့မိသားစု တစ်ခုလုံးကို သတ်ပစ်ပြီး သူ့ကို ကျောက်တိုက်ထဲ ထည့်ထားခဲ့တာ။ ဒီပုန်ကန်မှုသာ မအောင်မြင်ရင် သူ အသံတိတ် သေသွားလောက်ပြီ... ဒါကြောင့် သူ့ဒေါသကို နားလည်ပေးပါ!</p> <p>​လွန်ခဲ့တဲ့ ၄ နှစ်က လူအများရှေ့မှာ ပေးခဲ့တဲ့ ကတိကို ဒိုင်ယွန်နီးစီးယပ်စ် ဘယ်လို လွယ်လွယ် ဖျက်ဆီးပြီး ပြည်သူတွေကို နှိပ်စက်ခဲ့လဲ ဆိုတာ ခင်ဗျား မြင်နိုင်ပါတယ်။ သူ့စကားတွေက ပျားရည်လို ချိုပေမယ့်၊ သေဆုံးသွားတဲ့ ဆွေမျိုးတွေရဲ့ သွေးတွေက ပြည်သူတွေကို မျက်စိပွင့်သွားစေပြီ။ သူ့ကတိ ဘာတစ်ခုမှ မယုံတော့ဘူး! ဒါကြောင့် ဒိုင်ယွန်နီးစီးယပ်စ် ရဲ့ ကံကြမ္မာက... ကျွန်တော်တို့ ဖမ်းဆီး တရားစီရင်တာ ခံမလား၊ ဆီရာကျု ကနေ ထွက်ပြေးပြီး ဘယ်တော့မှ ပြန်မလာနဲ့မလား... ဒါပဲ ရှိတယ်! တခြား ရွေးချယ်စရာ မရှိဘူး!!!"</p> <p>​"သူ့ကို ဖမ်းမိတာနဲ့ ကျွန်တော်တို့ကို လုပ်ခဲ့သလိုပဲ သူ့မိသားစု တစ်ခုလုံးကို နိုင်ငံတော် သစ္စာဖောက်မှုနဲ့ တရားစွဲမယ်!"</p> <p>​ကီးယပ်စ် အံကြိတ်ပြီး ပြောတယ်။</p> <p>​"ဟုတ်တယ်။ ငြိမ်းချမ်းရေး မယူဘူး။ ဒိုင်ယွန်နီးစီးယပ်စ် နဲ့ သူ့လူတွေကို တရားစီရင်ရမယ်!"</p> <p>​ဖီလော့ဇီးနပ်စ် လည်း ဝင်ပြောတယ်။ တခြား ခေါင်းဆောင်တွေလည်း ထောက်ခံကြတယ်။</p> <p>​စိတ်လှုပ်ရှားနေတဲ့ ခေါင်းဆောင်တွေကို ဖီးဒီးယပ်စ် မျက်နှာထား တင်းတင်းနဲ့ ကြည့်ပြီး အေးစက်စက် ပြောလိုက်တယ်။</p> <p>​"ဒါဆိုရင် ခင်ဗျားတို့ စပါတာ နဲ့ ရင်ဆိုင်ရလိမ့်-"</p> <p>​"သံတမန် ဖီးဒီးယပ်စ်!"</p> <p>​ခြိမ်းခြောက်တော့မယ့် ဖီးဒီးယပ်စ် စကားကို ဟီရိုလစ် အချိန်မီ ဖြတ်ပြောလိုက်တယ်။</p> <p>​"ခင်ဗျားက မက်ဂနာ ဂရိ မှာ ဒိုင်ယွန်နီးစီးယပ်စ် နဲ့ အတူ စစ်တိုက်နေလို့ ပယ်လိုပိုနီးစ် (Peloponnese) စစ်ပွဲ အခြေအနေကို မသိသေးဘူး ထင်တယ်။ အေသင် (Athenians) နဲ့ ကိုရင့်သ် (Corinthians) တွေ ပေါင်းပြီး စပါတာ မဟာမိတ် အဖွဲ့ကို အကြီးအကျယ် ထိခိုက်အောင် လုပ်လိုက်ပြီ။ အေသင် တွေက အာကေးဒီးယား (Arcadia) ကိုတောင် ကျူးကျော်နေပြီ။ ခင်ဗျားတို့ ဘုရင် အေဂျီဆီလော့စ် (Agesilaus) တောင် စပါတာ ဆန့်ကျင်ရေး မဟာမိတ် အဖွဲ့ကို ကာကွယ်ဖို့ တပ်သစ် စုဆောင်းဖို့ စပါတာ ကို ပြန်သွားပြီ တဲ့..."</p> <p>​စပါတာ နဲ့ ဆီရာကျု က စစ်ရေး ဆက်ဆံမှု ရှိရုံတင် မကဘူး၊ ရိက္ခာ လို ကုန်သွယ်ရေး အတွက်ပါ ဆီရာကျု ကို မှီခိုနေရတာ။ မြေထဲပင်လယ် တစ်ခုလုံးက သတင်းအချက်အလက်တွေ စုဆောင်းဖို့ ဆီရာကျု ကုန်သည် သင်္ဘောတွေကို အားကိုးရတယ်။ အာရှမိုင်းနား (Asia Minor) က ကုန်သည်တွေ ပါရှား (Persians) က သူတို့ ရေတပ်ကို အေသင် ရေတပ်ဗိုလ်ချုပ် ကိုလွန် (Colon) လက်ထဲ အပ်ပြီး စပါတာ ရေတပ်ကို တိုက်ဖို့ လုပ်နေတဲ့ သတင်းကို ကြိုပေးခဲ့ဖူးတယ်။ စပါတာ မှာ ဖြစ်ပျက်တာတွေကိုလည်း ကုန်သည်တွေက ဆီရာကျု ကို အချိန်မီ သတင်းပို့လေ့ ရှိတယ်။ ဒါကြောင့် ပယ်လိုပိုနီးစ် စစ်ပွဲ အကြောင်း ဟီရိုလစ် ပိုသိနေတာ။</p> <p>​ဖီးဒီးယပ်စ် တုန်လှုပ်သွားပြီး မာနကြီးတဲ့ မျက်နှာထားကို မနည်း ထိန်းထားရတယ်။</p> <p>​"ခင်ဗျား ပြောတာ တကယ်လား?!"</p> <p>​"ဆီရာကျု နဲ့ စပါတာ က သိပ်မဝေးပါဘူး။ အမြန်ရွက်လှေ နဲ့ ဆို ၂ ရက်ပဲ ကြာမှာ။ ဟိုရောက်ရင် အမှန် ဟုတ်မဟုတ် သိရမှာပေါ့! ကျွန်တော်တို့ သင်္ဘော စီစဉ်ပေးလို့ ရပါတယ်"</p> <p>​ဖီလော့ဇီးနပ်စ် က လှောင်သလို ပြောလိုက်တယ်။</p> <p>​ဟီရိုလစ် အမြန် ဖြည့်စွက် ပြောလိုက်တယ်။</p> <p>​"သံတမန် ဖီးဒီးယပ်စ်... ဆီရာကျု နဲ့ စပါတာ က အမြဲတမ်း မဟာမိတ်တွေပါ။ အပြန်အလှန် ကူညီသင့်ပါတယ်။ ဒါပေမဲ့ ဒိုင်ယွန်နီးစီးယပ်စ် အာဏာရှင် ဖြစ်လာကတည်းက သူ့ကိုယ်ကျိုး အတွက် စပါတာ က အကူအညီ ပိုပေးခဲ့ရပြီး၊ ဆီရာကျု က အကူအညီ နည်းနည်းပဲ ပြန်ပေးခဲ့တာ... အခု ဒိုင်ယွန်နီးစီးယပ်စ် ထက် ကျွန်တော်တို့က အသာစီး ရနေပြီ။ စပါတာ က ဒိုင်ယွန်နီးစီးယပ်စ် ကို ဆက်ထောက်ခံနေရင်၊ ဆီရာကျု တည်ငြိမ်ဖို့ အချိန်အကြာကြီး ယူရလိမ့်မယ်။ ဒါပေမဲ့ စပါတာ က ကျွန်တော်တို့ကို ထောက်ခံမယ် ဆိုရင်၊ ဆီရာကျု တည်ငြိမ်မှုနဲ့ ကြွယ်ဝမှုကို အမြန် ပြန်ရအောင် လုပ်နိုင်ပြီး၊ သဘောတူညီချက် အတိုင်း စပါတာ ကို အမြဲ အကူအညီ ပေးနိုင်မှာပါ!"</p> <p>​ဟီရိုလစ် ရဲ့ နောက်ဆုံး စကားက ရိုးသားပြီး ဆွဲဆောင်မှု ရှိလို့ ဖီးဒီးယပ်စ် စိတ်ဝင်စားသွားတယ်။ ဟီရိုလစ် ကို ခဏ ကြည့်ပြီး တွန့်ဆုတ်စွာ မေးလိုက်တယ်။</p> <p>​"ခင်ဗျား ပြောတာ... အမှန်ပဲလား"</p> <p>​ဟီရိုလစ် နဲ့ ဘေးက ခေါင်းဆောင်တွေ အကြည့်ချင်း ဖလှယ်ပြီးနောက်၊ လေးနက်စွာ ပြောလိုက်တယ်။</p> <p>​"ဒါ ကျွန်တော်တို့ ဆွေးနွေး ဆုံးဖြတ်ထားတာပါ။ စပါတာ နဲ့ စာချုပ်သစ်တောင် ပြန်ချုပ်နိုင်ပါတယ်!"</p> <p>​ဖီးဒီးယပ်စ် လူအုပ်ကို ကြည့်လိုက်တော့ မျက်လုံးထဲက အေးစက်မှုတွေ ပျောက်သွားတယ်။</p> <p>​. . . . . . . . . . . . .</p> <p>​အောတီဂျီယာ ကျွန်းပေါ်မှာ ဖီးဒီးယပ်စ် ပြန်လာမှာကို ဒိုင်ယွန်နီးစီးယပ်စ် မျှော်နေတယ်။ ဒါပေမဲ့ ရောက်လာတာက သတင်းဆိုး။ "ပုန်ကန်သူတွေ ညှိနှိုင်းဖို့ ငြင်းတယ်၊ သူ့ကို ဆီရာကျု ကနေ မောင်းထုတ်မယ်" တဲ့။ ဒါ ဒိုင်ယွန်နီးစီးယပ်စ် တွေးထားတဲ့ အဆိုးဆုံး ရလဒ်တွေထဲက တစ်ခု ဖြစ်ပေမယ့်၊ ဒေါသထွက်နေတုန်းပဲ။</p> <p>​ဆီရာကျု အခြေအနေ နဲ့ ပုန်ကန်သူ ခေါင်းဆောင်တွေ အကြောင်း ဖီးဒီးယပ်စ် ဆီကနေ ဆက်မေးချင်သေးတယ်။ ဒါပေမဲ့ ဖီးဒီးယပ်စ် စိတ်မပါတော့ဘူး။ သူ့ကို စပါတာ ပြန်ဖို့ အမြန်ရွက်လှေ စီစဉ်ပေးဖို့ ဒိုင်ယွန်နီးစီးယပ်စ် ကို ချက်ချင်း တောင်းဆိုတယ်။</p> <p>​မဟာမိတ် စပါတာ ကို ပိုအားကိုးနေရတဲ့ ဒိုင်ယွန်နီးစီးယပ်စ် မငြင်းရဲဘူး။ ဒါပေမဲ့ ဖီးဒီးယပ်စ် ရဲ့ ရုတ်တရက် ပြောင်းလဲသွားတဲ့ သဘောထားကြောင့် အန္တရာယ် အငွေ့အသက် ရလိုက်တယ်။ လူတွေကို လိုသလို ကြိုးကိုင်တတ်သူ တစ်ယောက် အနေနဲ့၊ လက်ရှိ အခြေအနေက သူ့ဘက်မှာ မရှိဘူး ဆိုတာ သိတယ်။ ဒါကြောင့် သံသယ ဝင်မိတယ်။</p> <p>​'ဒီမာနကြီးတဲ့ စပါတာ က ငါ့ကို စွန့်ပစ်ပြီး ပုန်ကန်သူတွေကို ရွေးလိုက်တာလား'</p> <p>​ဒါ တွေးမိတော့ ထိုင်မရတော့ဘူး။ စပါတာ က စစ်ပွဲထဲ နစ်နေတော့ သူ့ကို စစ်ကူ ပေးနိုင်ချင်မှ ပေးနိုင်မှာ။ ဒါပေမဲ့ စပါတာ ရဲ့ ဂုဏ်သရေက ဟိုကောင်တွေကို ဟန့်တားနိုင်တယ်၊ မြို့ကို မြန်မြန် တည်ငြိမ်စေနိုင်တယ်၊ တခြား မြို့ပြနိုင်ငံတွေရဲ့ အတွေးတွေကို ဖျောက်ဖျက်နိုင်တယ်။ စပါတာ သာ သူ့ကို စွန့်ပစ်လိုက်ရင်၊ အထီးကျန်ပြီး အကူအညီမဲ့နေတဲ့ သူက ချောက်ထဲ တွန်းချခံရသလို ဖြစ်သွားမှာ...</p> <p>​ဒါကြောင့် အကြပ်အတည်း ကြုံနေရတဲ့ ဒိုင်ယွန်နီးစီးယပ်စ် က သူ့ဇနီး ၂ ယောက်၊ ကလေးတွေနဲ့ နှုတ်ဆက်ချိန်တောင် မယူတော့ဘဲ နန်းတော်ထဲ တစ်ယောက်တည်း ပိတ်နေပြီး ထွက်ပေါက် ရှာနေတယ်။ မကြာခင် ကြေးစားခေါင်းဆောင် မီဂါကော်လစ် (Megakorlis) နဲ့ ထောက်လှမ်းရေး ခေါင်းဆောင် ဟစ်ပါရီးနပ်စ် (Hipparinus) ကို ခေါ်ပြီး တိတ်တဆိတ် ဆွေးနွေးကြတယ်။</p> <p>​. . . . . . . . . . . . .</p> <p>​ညဉ့်နက်ပိုင်းမှာ ဆီရာကျု မြို့မက လူတွေ အိပ်ပျော်နေကြပြီ။ ကျွန်းဆွယ်မှာ အသစ်ဆောက်ထားတဲ့ မြို့ရိုးပေါ်က ကင်းသမားတွေက အောတီဂျီယာ ကျွန်း ငြိမ်သက်နေတာ ရက်အတော်ကြာပြီမို့ သတိပေါ့လျော့ပြီး အိပ်ပျော်သွားကြတယ်။</p> <p>​ဒိုင်ယွန်နီးစီးယပ်စ် ကိုယ်တိုင် ကြေးစား အားလုံးကို ဦးဆောင်ပြီး အောတီဂျီယာ ကနေ တိတ်တဆိတ် ထွက်လာတယ်။</p> <p>​ဟီရိုလစ် က လူစုပြီး မြို့ရိုး အမြန် ဆောက်ခဲ့ပေမယ့်၊ ကတုတ်မြောင်း တူးတာ၊ အတားအဆီးနဲ့ ထောင်ချောက်တွေ ဆင်တာတွေ လုပ်ဖို့ အချိန်မရလိုက်ဘူး။ ဒါကြောင့် ကြေးစားတွေ မြို့ရိုးအောက်ထိ တိတ်တဆိတ် ရောက်လာနိုင်ခဲ့တယ်။ ကင်းသမားတွေ ရိပ်မိတဲ့ အချိန်မှာ ကြေးစားတွေက လှေကားတွေနဲ့ မြို့ရိုးပေါ် ရောက်နေကြပြီ။ ကင်းသမား အနည်းငယ်ကို အမြန် သတ်ပြီး မြို့ရိုးကို သိမ်းပိုက်လိုက်ကြတယ်။</p> <p>​</p> <p> </p> <p> </p> <p> </p> <p> </p> <p style="text-align: center;">အပိုင်း (၅၇၂) ပြီးဆုံး</p> <p style="text-align: center;">***</p>


Save