Book List

<h2 style="text-align: center;">​အပိုင်း (၅၇၄)</h2> <h2 style="text-align: center;">အေဂျီဆီလော့စ်၏ မျှော်လင့်ချက်</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p>​အမည်းရောင် သံချပ်ကာတွေ ဝတ်ဆင်ပြီး ပြေးဝင်လာတဲ့ ရန်သူတွေကို မြင်တော့ ဒိုင်ယွန်နီးစီးယပ်စ် (Dionysius) ရင်ထဲ ထိတ်ခနဲ ဖြစ်သွားတယ်။ အခြေအနေ မကောင်းမှန်း သိလိုက်ပြီး တပ်ဆုတ်ဖို့ ချက်ချင်း အမိန့်ပေးလိုက်တယ်။</p> <p>​ဒါပေမဲ့ အန်တိုနီးယော့စ် (Antonios) က တပ်သားတွေကို လိုက်မတိုက်ခိုင်းဘဲ၊ ခရီးပန်းလာတဲ့ တပ်သားတွေ အနားယူနိုင်အောင် နေရာမှာပဲ ရပ်နားခိုင်းလိုက်တယ်။</p> <p>​ကပ်ဘေးကနေ လွတ်မြောက်သွားတဲ့ ဟီရိုလစ် (Herolis) က သီအိုနီယာ (Theonian) တပ်သားတွေ သံချပ်ကာတွေ ချွတ်၊ ရိက္ခာခြောက်တွေ စား၊ ဆီရာကျု (Syracuse) မြေပေါ် အနားယူနေတာကို ကြည့်ပြီး ခံစားချက်တွေ ရှုပ်ထွေးနေတယ်။</p> <p>​ဘယ်လိုပဲ တွေးတွေး၊ မျက်နှာမှာ အပြုံးမပျက်စေဘဲ အန်တိုနီးယော့စ် ကို ကျေးဇူးတင်စကား ပြောလိုက်တယ်။</p> <p>​"အပိုလို (Apollo) ဘုရားသခင်ကို ကျေးဇူးတင်ပါတယ်။ သီအိုနီယာ တွေ အချိန်မီ ရောက်လာလို့ ကျေးဇူးတင်ပါတယ်။ ခင်ဗျားတို့သာ မရှိရင် ကျွန်တော်တို့ အသက်ပေးလိုက်ရတာ ကိစ္စ မရှိပါဘူး။ ဒါပေမဲ့ ယုတ်မာတဲ့ ဒိုင်ယွန်နီးစီးယပ်စ် က ဆီရာကျု ကို ပြန်သိမ်းပိုက်ပြီး ဆီရာကျု နဲ့ သီအိုနီယာ ပြည်သူတွေ အတွက် ကပ်ဘေးဆိုးကြီး ဖြစ်လာမှာပါ!"</p> <p>​ဟီရိုလစ် စကားထဲက အဓိပ္ပာယ်ကို အန်တိုနီးယော့စ် ဗွေမယူဘဲ လေးလေးနက်နက် ပြန်ပြောတယ်။</p> <p>​"ဒိုင်ယွန်နီးစီးယပ်စ် က စစ်ပွဲရဲ့ အရင်းအမြစ်ပါ။ ငြိမ်းချမ်းရေးကို မြတ်နိုးတဲ့ သီအိုနီယာ နဲ့ ဆီရာကျု ပြည်သူတွေက သူ အာဏာရပြီး စစ်ပွဲတွေ ဆက်တိုက်နေတာကို မလိုလားကြပါဘူး။ ဒါကြောင့် ကျွန်တော် တပ်တွေ ခေါ်လာတာ ရည်ရွယ်ချက် တစ်ခုတည်း ရှိပါတယ်။ သူ့ကို ဆီရာကျု ကနေ မောင်းထုတ်ဖို့ပါ။ ဒီအတွက် နောက်ဆက်လုပ်မယ့် ကိစ္စတွေကို ခင်ဗျားတို့ အကြံပြုချက် အတိုင်း လုပ်ဆောင်ပါ့မယ်"</p> <p>​အန်တိုနီးယော့စ် ရဲ့ ထိန်းထိန်းသိမ်းသိမ်း ပြောဆိုမှုကြောင့် ဟီရိုလစ် တို့ စိတ်အေးသွားကြတယ်။ ဒါကြောင့် ဟီရိုလစ် ပိုပွင့်လင်းလာတယ်။</p> <p>​"ခေါင်းဆောင်... ခင်ဗျား တပ်တွေကို ဦးဆောင်ပြီး ဒိုင်ယွန်နီးစီးယပ်စ် သိမ်းထားတဲ့ မြို့လယ်ခေါင်ကို ပြန်သိမ်းဖို့ ကူညီပေးစေချင်ပါတယ်"</p> <p>​ဟီရိုလစ် တောင်းဆိုချက်ကို လက်ခံပြီး တပ်သားတွေကို ခဏ အနားပေးပြီးနောက်၊ အန်တိုနီးယော့စ် အရှေ့တောင်ဘက်ကို ချက်ချင်း ထွက်ခွာလာတယ်။</p> <p>​ဒီအချိန်မှာ ဒိုင်ယွန်နီးစီးယပ်စ် က ကြေးစားတွေကို ဦးဆောင်ပြီး အောတီဂျီယာ (Ortygia) ကျွန်းပေါ် ပြန်ရောက်နေပြီ။ လီဂျင် တပ်သားတွေ ဆီရာကျု မှာ ပေါ်လာတာ မြင်ကတည်းက သူ့တပ်တွေ မယှဉ်နိုင်မှန်း သိလိုက်ပြီလေ။</p> <p>​သီအိုနီယာ စစ်ကူတွေ မမျှော်လင့်ဘဲ ရောက်လာတော့ ဒိုင်ယွန်နီးစီးယပ်စ် နောင်တရမိတယ်။ ဟီရိုလစ် တို့ သူ့နောက်လိုက်တပ်တွေကို အက်ပီပိုလေ (Epipolae) မှာ အနိုင်တိုက်လိုက်တာ သိသိချင်း သတိထားလွန်းပြီး ဟီရိုလစ် တပ်တွေကို လူခွဲဖို့၊ ကျွန်တပ်သားတွေကို စုစည်းဖို့ အချိန်ဖြုန်းခဲ့မိတယ်။ အဲဒီအစား ကြေးစား အားလုံးကို ဦးဆောင်ပြီး အက်ပီပိုလေ ကို တန်းသွား၊ ဟီရိုလစ် တို့ကို အပြတ်ချေမှုန်း၊ ဆီရာကျု မြောက်ဘက် မြို့ရိုးကို သိမ်းပိုက်ပြီး သီအိုနီယာ တွေ တောင်ဘက် ဆင်းမလာနိုင်အောင် ပိတ်ဆို့ထားခဲ့သင့်တာ!</p> <p>​ဒါပေမဲ့ အခုတော့ နောင်တရလည်း နောက်ကျသွားပြီ။ သူ့ရဲ့ သတိထားလွန်းတဲ့ စရိုက်က ကျရှုံးမှုကို ဖြစ်စေခဲ့တာ။ လက်တစ်ကမ်း အလိုက အောင်ပွဲက မျက်တောင်တစ်ခတ် အတွင်း ပျောက်ကွယ်သွားလို့ ရင်ထဲမှာ နောင်တတွေ ပြည့်နေတယ်။</p> <p>​. . . . . . . . . . . .</p> <p>​အန်တိုနီးယော့စ် တပ်တွေကို အမြန် ချီတက်စေတော့ ဆီရာကျု မြို့ကြီး ဘယ်လောက် ကျယ်ဝန်းလဲ ဆိုတာ သတိထားမိတယ်။ ဒါပေမဲ့ ဒိုင်ယွန်နီးစီးယပ်စ် က နိုင်ငံသားတွေ၊ ရေတပ်သားတွေနဲ့ အရန်တပ်ဖွဲ့ဝင် အများအပြားကို မက်ဂနာ ဂရိ စစ်ပွဲဆီ ခေါ်သွားလို့ မြို့ထဲမှာ လူဦးရေ နည်းပါးနေတယ်။</p> <p>​သီအိုနီယာ တွေ မြို့လယ်ခေါင် ရောက်ဖို့ တစ်နာရီလောက် ကြာတယ်။ လူတွေကို ရိုက်နှက် လုယက်နေတဲ့ ကြေးစားတွေက သူတို့ ရောက်လာတာ မြင်တာနဲ့ အောတီဂျီယာ ကျွန်းပေါ် အလုအယက် ထွက်ပြေးကုန်ကြတယ်။</p> <p>​နောက်မှ ရောက်လာတဲ့ ဟီရိုလစ် တို့က ရင်ပြင် တစ်ခုလုံး အလောင်းတွေ၊ ဒဏ်ရာရသူတွေနဲ့ ပြည့်နေတာ မြင်တော့ အော်ဟစ် ငိုကြွေးကြတယ်။ အများစုက ပုန်ကန်သူတွေရဲ့ မိသားစုတွေနဲ့ သူတို့ကို အပြင်းအထန် ထောက်ခံသူတွေ ဖြစ်နေလို့။</p> <p>​အန်တိုနီးယော့စ် ကတော့ အောတီဂျီယာ ကျွန်းဆွယ် (Isthmus) ဆီ ဆက်ချီတက်တယ်။ အဲဒီမှာ မြင့်မားတဲ့ ခံတပ်နဲ့ အနောက်က ခိုင်ခံ့တဲ့ မြို့ရိုးကြီးကို တွေ့လိုက်ရတယ်။ အထိအခိုက် အကျအဆုံး များမှာ စိုးလို့ အန်တိုနီးယော့စ် မတိုက်တော့ဘဲ မြို့ရိုးသစ် အနောက်ဘက်ကို ပြန်ဆုတ်လိုက်တယ်။</p> <p>​. . . . . . . . . . . . .</p> <p>​စပါတာ (Sparta) မှာလည်း ဝမ်းနည်းမှုတွေ လွှမ်းခြုံနေတယ်။</p> <p>​စပါတာ က စစ်မျက်နှာ ၂ ခု ဖွင့်ပြီး တိုက်နေရတာ။ အာခီလီဒက်စ် (Achilleidas) က မဟာမိတ် တပ်တွေ၊ ကြေးစားတွေနဲ့ အတူ အာရှမိုင်းနား (Asia Minor) မှာ ပါရှား (Persians) တွေကို တိုက်နေတုန်း၊ ပယ်လိုပိုနီးစ် (Peloponnese) ကိုရင့်သ် ကျွန်းဆွယ် (Isthmus of Corinth) မှာလည်း တိုက်ပွဲတွေ ဆက်ဖြစ်နေတယ်။ စစ်ပွဲ အဓိက အင်အားစုတွေက မဟာမိတ် တပ်တွေနဲ့ ကြေးစားတွေ ဖြစ်ပေမယ့်၊ စပါတာ နိုင်ငံသားတွေလည်း အများကြီး သေဆုံးခဲ့ရတယ်။</p> <p>​အကြီးအကဲ ကောင်စီ (Gerousia) က အသက် ၅၀ ကျော် နိုင်ငံသားတွေကိုတောင် သံချပ်ကာ ဝတ်၊ ဒိုင်းနဲ့ လှံ ကိုင်ပြီး စပါတာ မြို့ထဲ ကင်းလှည့်ခိုင်းရတယ်။ ဟီလော့ (Helots - ကျွန်များ) တွေရဲ့ ပုံမှန် မဟုတ်တဲ့ လှုပ်ရှားမှုတွေကို တားဆီးဖို့။ ပြီးတော့ 'အမဲလိုက်ပွဲ (Hunting game)' ကို စောစီးစွာ ကျင်းပဖို့ ဆုံးဖြတ်လိုက်တယ်။ (ဟီလော့ ဦးရေ လျှော့ချဖို့နဲ့ စပါတာ နယ်မြေ လုံခြုံရေး အတွက် ဟီလော့တွေကို သတ်ဖြတ်တဲ့ ပွဲ)</p> <p>​စပါတာ ကို စစ်ရိပ် ဖုံးလွှမ်းနေလို့ ပြည်သူတွေ စိတ်လှုပ်ရှားနေကြတယ်။</p> <p>​ဒီအချိန်မှာ ဖီးဒီးယပ်စ် (Phidias) စပါတာ ပြန်ရောက်လာပြီး ဘုရင် အေဂျီဆီလော့စ် (Agesilaus) ကို အိမ်တော်မှာ သွားတွေ့တယ်။</p> <p>​အခုချိန်မှာ စပါတာ ဘုရင်က အာရှမိုင်းနား၊ ဂရိ အလယ်ပိုင်းနဲ့ ကိုရင့်သ် ကျွန်းဆွယ် တိုက်ပွဲတွေကြောင့် နာမည်ကြီးနေပြီ။ စပါတာ နိုင်ငံသားတွေရဲ့ လေးစားမှုကို ရထားတယ်။ တချို့ဆိုရင် 'လိုင်ဆန်ဒါ (Lysander) ပြီးရင် စပါတာ ရဲ့ သူရဲကောင်း' လို့တောင် ခေါ်ကြတယ်။</p> <p>​သူတို့ ထိုင်နေတဲ့ သစ်သား ကုလားထိုင်တွေက နီးကပ်နေတာကို ကြည့်ရင် အေဂျီဆီလော့စ် က ဖီးဒီးယပ်စ် ကို ဘယ်လောက် အလေးထားလဲ ဆိုတာ သိသာတယ်။ သစ်သီးတွေ၊ အချိုရည်တွေနဲ့ ဧည့်ခံပွဲ မရှိပေမယ့် (ဆီရာကျု မှာတုန်းက ဒီလို ဧည့်ခံတာမျိုး ဖီးဒီးယပ်စ် မကြာခဏ ကြုံခဲ့ရပါတယ်)၊ ဒီလို ရိုးရှင်းတဲ့ ပတ်ဝန်းကျင်မှာ ဖီးဒီးယပ်စ် ပိုသက်သောင့်သက်သာ ရှိတယ်။</p> <p>​ဖီးဒီးယပ်စ် က မက်ဂနာ ဂရိ စစ်ပွဲ အကြောင်း ကြားနေ ဘက်ကနေ အစအဆုံး ပြောပြပြီးနောက်၊ ဘေးနားက မြစ်ရေအေးအေး ထည့်ထားတဲ့ မြေအိုးကြမ်းလေးကို မပြီး တစ်ငုံကြီး မော့သောက်လိုက်တယ်။ ခြောက်သွေ့နေတဲ့ လည်ချောင်း ပြန်စိုစွတ်သွားတယ်။</p> <p>​ဖီးဒီးယပ်စ် ပြောပြတာတွေကို ပြန်စဉ်းစားရင်း၊ မက်ဂနာ ဂရိ မြေပေါ်မှာ နှစ်ဖက် တပ်သား ထောင်ပေါင်းများစွာ တိုက်ပွဲတွေ ဆက်တိုက် ဖြစ်ပွားခဲ့တာကို အေဂျီဆီလော့စ် မြင်ယောင်ကြည့်မိတယ်။ သက်ပြင်းချပြီး ပြောတယ်။</p> <p>​"မက်ဂနာ ဂရိ စစ်ပွဲကြီးက နှစ်ဝက်တောင် မကြာဘဲ ပြီးသွားလိမ့်မယ် လို့ မထင်ထားဘူး။ ရလဒ်ကလည်း ငါတို့ မျှော်လင့်ထားတာနဲ့ တခြားစီပဲ!"</p> <p>​"ဟုတ်ပါတယ်။ အားနည်းတဲ့ သီအိုနီယာ က နောက်ဆုံး အောင်နိုင်သူ ဖြစ်လာလိမ့်မယ် လို့ ဘယ်သူမှ မထင်ခဲ့ကြဘူး!"</p> <p>​ဖီးဒီးယပ်စ် လည်း ညည်းညူလိုက်တယ်။ ဆီရာကျု တပ်မတော် မက်ဂနာ ဂရိ မှာ ကမ်းတက်ကတည်းက ဘယ်သူမှ မတားနိုင်ခဲ့တာကိုး။ အဲဒီတုန်းက အကြီးအကဲ ကောင်စီ နဲ့ သူကိုယ်တိုင်တောင် ဆီရာကျု လွယ်လွယ်ကူကူ နိုင်သွားမှာ စိုးရိမ်ခဲ့ကြတာ။ ဘယ်သူ သိမှာလဲ... ရလဒ်က ပြောင်းပြန် ဖြစ်သွားပြီး စပါတာ တွေ ပါးစပ်အဟောင်းသား ဖြစ်ကုန်ကြတာ။</p> <p>​"မင်း အမြင် အရ... ဆီရာကျု က အခြေအနေ ပြောင်းပြန်လှန်နိုင်ဖို့ ဖြစ်နိုင်သေးလား"</p> <p>​အေဂျီဆီလော့စ် မျှော်လင့်ချက်နဲ့ မေးလိုက်တယ်။ ဆီရာကျု က စပါတာ ရဲ့ နှစ်ရှည် မဟာမိတ်လေ။ သူတို့ ရှုံးသွားရင် စပါတာ ရဲ့ အနောက် မြေထဲပင်လယ် မဟာဗျူဟာကြီး အလကား ဖြစ်သွားပြီး နိုင်ငံခြားရေး မဟာဗျူဟာ တစ်ခုလုံး ပြောင်းလဲပစ်ရမလို ဖြစ်သွားနိုင်တယ်။ ဒါကြောင့် အေဂျီဆီလော့စ် သတိထားရမယ်။</p> <p>​"မဖြစ်နိုင်သလောက်ပါပဲ"</p> <p>​ဖီးဒီးယပ်စ် ချက်ချင်း ဖြေတယ်။ တွန့်ဆုတ်ပြီးမှ ဆက်ပြောတယ်။</p> <p>​"နတ်ဘုရားတွေ ကောင်းချီးပေးပြီး သီအိုနီယာ တပ်မတော်ထဲ ကပ်ရောဂါ ကျရောက်သွားရင်တော့ တစ်မျိုးပေါ့..."</p> <p>​ဒိုင်ယွန်နီးစီးယပ်စ် အာဏာရှင် ဖြစ်ပြီးနောက်ပိုင်း ကာသေ့ချ် (Carthage) က ဆီရာကျု နားထိ ၂ ကြိမ် ကျူးကျော်ခဲ့ဖူးတယ်* (ပထမ အကြိမ်က ဒိုင်ယွန်နီးစီးယပ်စ် အကြီးအကဲ ဖြစ်ပြီး မကြာခင် ဘီစီ ၄၀၆ လောက်က)။ ဒါပေမဲ့ ၂ ကြိမ်လုံး ကာသေ့ချ် တွေ ကပ်ရောဂါ မိပြီး ရှုံးနိမ့်သွားကြတယ်။ ဒါကြောင့် အပြင်လူတွေ အမြင်မှာ ဒိုင်ယွန်နီးစီးယပ်စ် က နတ်ဘုရား မစတာ ခံရသလိုပဲ။ တကယ်တော့ ဆီရာကျု ဆိပ်ကမ်း နယ်မြေက အနာပို (Anapo) မြစ်နားက ရွှံ့နွံတွေနဲ့ နီးတယ်။ ကာသေ့ချ် တွေ အဲဒီမှာ စခန်းချတိုင်း ခြင်တွေ ကိုက်ပြီး ရောဂါပိုး ဖြန့်ကြတာ။</p> <p>​ဒါပေမဲ့ သီအိုနီယာ တပ်မတော် အတွက်တော့ ကပ်ရောဂါ ဖြစ်နိုင်ခြေ နည်းပါတယ်။ သီအိုနီယာ စစ်ဥပဒေ အရ ခြင်ပေါက်ဖွားရာ နေရာတွေနား စခန်းမချရဘူး။ တိုက်ပွဲ ပြီးရင် ရန်သူရော မဟာမိတ် အလောင်းတွေကိုပါ မီးသင်္ဂြိုဟ် မြေမြှုပ်ရတယ်။ တပ်သားတွေက ရေကျက်အေးပဲ သောက်ရတယ်။ ထောက်ပို့ တပ်ဖွဲ့က (သူရီ (Thurii) ကျောက်ထုတ်စခန်းက ရတဲ့) ထုံးတွေ သယ်လာပြီး စခန်း အတွင်းအပြင်က မသန့်ရှင်းတဲ့ နေရာတွေကို ဖြူးရတယ်။</p> <p>​အနာဂတ်က လာတဲ့ ဒါးဗို့စ် (Davos) က ကပ်ရောဂါ ဖြစ်စေတဲ့ အကြောင်းရင်းကို သိလို့၊ ဖြစ်နိုင်ခြေ နည်းအောင် ကြိုတင် ကာကွယ်ထားတာ။</p> <p>​အေဂျီဆီလော့စ် ဒါကို မသိပေမယ့်၊ အရည်အချင်းရှိတဲ့ ခေါင်းဆောင် တစ်ယောက် အနေနဲ့ 'နတ်ဘုရားတွေရဲ့ မရေရာမှု' အပေါ် ဘယ်တော့မှ မျှော်လင့်ချက် မထားပါဘူး။ ဒါကြောင့် ဖီးဒီးယပ်စ် စကားက မက်ဂနာ ဂရိ စစ်ပွဲ ရလဒ်ကို အဆုံးအဖြတ် ပေးလိုက်သလိုပါပဲ။</p> <p>​လေးနက်တဲ့ မျက်နှာထားနဲ့ အေဂျီဆီလော့စ် ဘယ်ဘက် ခြေထောက်ကို ဘယ်လက်နဲ့ ခေါက်ရင်း မေးလိုက်တယ်။</p> <p>​"ဒိုင်ယွန်နီးစီးယပ်စ် က ပုန်ကန်သူတွေကို နိုင်ပြီး ဆီရာကျု ကို ပြန်သိမ်းနိုင်မယ် ထင်လား"</p> <p>​"ခက်မယ်!"</p> <p>​ဒိုင်ယွန်နီးစီးယပ်စ် နဲ့ လပေါင်းများစွာ အတူနေခဲ့ပြီး ပုန်ကန်သူတွေနဲ့ တစ်ကြိမ်ပဲ တွေ့ဖူးပေမယ့် ဖီးဒီးယပ်စ် အမှန်အတိုင်း ပြောလိုက်တယ်။</p> <p>​"ဒိုင်ယွန်နီးစီးယပ်စ် က အင်အားကြီးပြီး သစ္စာရှိတဲ့ ကြေးစား တပ်ဖွဲ့၊ ရေတပ်ကြီး ကို ဆုံးရှုံးလိုက်ရပြီ။ သူ့တပ်မတော်ကို ထားခဲ့ပြီး ထွက်ပြေးလာတာ။ ဆီရာကျု ပြည်သူတွေ သူ့ကို ကျောခိုင်းသွားတာ အပြင်၊ မဟာမိတ် အများစုကလည်း စွန့်ပစ်လိုက်ကြပြီ။ ပြီးတော့ သီအိုနီယာ တွေက ဆီရာကျု ပတ်ဝန်းကျင် မြို့ပြနိုင်ငံတွေမှာ တပ်စွဲထားတယ်။ အခု ဒိုင်ယွန်နီးစီးယပ်စ် က အထီးကျန်ပြီး ရန်သူတွေ ဝိုင်းနေပြီ။ ငါတို့ စစ်ကူ မပို့ရင် သူ မနိုင်နိုင်ဘူး!"</p> <p>​"စပါတာ မှာ ပို့စရာ စစ်ကူ မရှိဘူး"</p> <p>​အေဂျီဆီလော့စ် ပြတ်ပြတ်သားသား ပြောတယ်။ ဖီးဒီးယပ်စ် လည်း ဒါကို မျှော်လင့်ထားပြီးသား။</p> <p>​"ကံဆိုးတာက ငါတို့ ဒိုင်ယွန်နီးစီးယပ်စ် ကို နှစ်ပေါင်းများစွာ ထောက်ပံ့ပေးခဲ့တာ... ရလဒ်က..."</p> <p>​အေဂျီဆီလော့စ် သက်ပြင်းချပြီး နှမြောတသ ဖြစ်မိတယ်။</p> <p>​"ငါတို့ ဆီရာကျု ပုန်ကန်သူတွေကို ပြောင်းပြီး ထောက်ပံ့လို့ ရပါတယ်။ သူတို့ ခေါင်းဆောင်တွေက ကတိပေးထားတယ်။ မက်ဂနာ ဂရိ စစ်ပွဲ ပြီးတာနဲ့ စပါတာ နဲ့ ဆက်လက် မဟာမိတ် ဖွဲ့မယ်၊ စစ်ကူ ပို့ပြီး စပါတာ ကို ဆန့်ကျင်သူတွေကို တိုက်ပေးမယ် တဲ့"</p> <p>​ကံဆိုးတာက ဖီးဒီးယပ်စ် စကားက အေဂျီဆီလော့စ် ကို မပျော်ရွှင်စေပါဘူး။</p> <p>​"ဒါက နောက်ဆုံး နည်းလမ်းပါပဲ။ ဒါပေမဲ့... ဆီရာကျု အစိုးရသစ်က ဒီမိုကရေစီ စနစ် ကျင့်သုံးမှာ ငါ စိုးရိမ်တယ်"</p> <p>​ဖီးဒီးယပ်စ် ဆီရာကျု မြို့တော်ခန်းမမှာ တွေ့ခဲ့တဲ့ 'ခေါင်းဆောင် ၁၀ ယောက်လောက်' ကို ပြန်သတိရသွားတယ်။ ခေါင်းညိတ်ပြီး ပြောတယ်။</p> <p>​"ဖြစ်နိုင်ပါတယ်"</p> <p>​"ဒီမိုကရေစီ အစိုးရ ဆိုတာ မရေရာမှုတွေ များတယ်။ ဉာဏ်များတဲ့ ကောင်တွေက အသိဉာဏ် နည်းတဲ့ သူတွေကို လှုံ့ဆော်ပြီး ဆီရာကျု ခေါင်းဆောင်ပိုင်းကို ဖိအားပေးကာ ငါတို့နဲ့ သဘောတူညီချက်ကို ဖျက်ခိုင်းနိုင်တယ်။ ဒါကြောင့်လည်း အကြီးအကဲ ကောင်စီက အာဏာရှင် ဒိုင်ယွန်နီးစီးယပ်စ် နဲ့ ပူးပေါင်းချင်ခဲ့တာ"</p> <p>​အေဂျီဆီလော့စ် စိုးရိမ်စွာ ပြောတယ်။</p> <p>​</p> <p> </p> <p> </p> <p> </p> <p> </p> <p style="text-align: center;">အပိုင်း (၅၇၄) ပြီးဆုံး</p> <p style="text-align: center;">***</p>


Save