Book List

<h2 style="text-align: center;">​အပိုင်း (၅၇၇)</h2> <h2 style="text-align: center;">စပါတာ  သံတမန်နှင့် ထိပ်တိုက်တွေ့ခြင်း (၁)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p>​လွန်ခဲ့တဲ့ လပိုင်းက သူရီ  ကို လာတုန်းက၊ သီအိုနီယာ ဟာ ဒိုင်ယွန်နီးစီးယပ်စ် တပ်မတော်ရဲ့ ခြိမ်းခြောက်မှုအောက်မှာ အန္တရာယ် ကြုံနေရတာကို ခီရီဆိုဖပ်စ် မှတ်မိနေသေးတယ်။ ဒါပေမဲ့ လပိုင်း အတွင်းမှာတင် ဆီရာကျု တပ်သားတွေက သီအိုနီယာ ခွင့်ပြုချက် ရမှသာ အိမ်ပြန်ခွင့် ရတော့မယ် ဆိုတဲ့ အခြေအနေကို သူ ထင်မထားခဲ့ဘူး။ အရာရာက အိပ်မက်တစ်ခုလို မြန်ဆန်လွန်းတယ်။</p> <p>​စိတ်ကို တည်ငြိမ်အောင် ထားပြီး ခီရီဆိုဖပ်စ် မြို့ထဲ ဝင်သွားတယ်။</p> <p>​ဒီစစ်ပွဲမှာ စကိုင်လက်တီယမ် မြို့သားတွေ အများစု အသတ်ခံရ၊ ကျွန် အဖြစ် ရောင်းစားခံရလို့ လူနည်းနည်းပဲ ကျန်တော့တယ်။ ဒါပေမဲ့ အခု မြို့ထဲမှာ သီအိုနီယာ ဒုတိယ၊ စတုတ္ထ၊ ပဉ္စမ၊ ဆဋ္ဌမ နဲ့ သတ္တမ လီဂျင်တပ်မတွေ အပြင် ဟီရဲလော့စ် (Hielos) နဲ့ ဟီရိုနီးမပ်စ် (Hieronymus) ဦးဆောင်တဲ့ လိုခရီ (Locri) နဲ့ မဟာမိတ်တွေကို တိုက်ခိုက်ပြီး ပြန်လာတဲ့ တပ်တွေကြောင့် လူဦးရေ ထူထပ်နေတယ်။</p> <p>​ဖမ်းမိတဲ့ ဆီရာကျု တွေကို ပြန်ပို့ပြီးပြီမို့ သီအိုနီယာ လီဂျင်တပ်မတွေ ဖျက်သိမ်းပြီး အသုတ်လိုက် အိမ်ပြန်၊ ထောက်ပို့ ဖိအား လျှော့ချ၊ သမဂ္ဂ လုပ်သား လိုအပ်ချက် ဖြည့်ဆည်းပေးသင့်တာ။ ဒါပေမဲ့ မက်ဂနာ ဂရိ (Magna Graecia) စစ်ပွဲ ပြီးကာစ၊ လက်နက်ချခါစ မြို့ပြနိုင်ငံတွေက ပြည်သူတွေ စိတ်မငြိမ်သေးလို့ ပြဿနာ ဖြစ်မှာ ဒါးဗို့စ် (Davos) စိုးရိမ်တယ်။ ဒါကြောင့် မကောင်းကြံသူတွေကို ဟန့်တားဖို့၊ သီအိုနီယာ ဆက်လက် အကောင်အထည် ဖော်မယ့် အုပ်ချုပ်ရေး စီမံကိန်းတွေ ချောမွေ့ဖို့ စကိုင်လက်တီယမ် မှာ တပ်တွေကို စုစည်းထားတာ။</p> <p>​သူတို့ အပြင် ဆီရာကျု တပ်မတော်ထဲက အင်ဂျင်နီယာ နဲ့ လက်မှုပညာရှင် ၁,၀၀၀ လောက် ပါတဲ့ အထူး အဖွဲ့ တစ်ခုလည်း ရှိတယ်။ သူတို့ကို ဒါးဗို့စ် လိုချင်နေတာ ကြာပြီ။ ဒါကြောင့် ဆီရာကျု တပ်မတော် လက်နက်ချတာနဲ့ သူတို့ကို ကာကွယ်ဖို့ အမိန့်ပေးခဲ့တယ်။ သူတို့ကို ပြန်လွှတ်ပေးမယ့် အကျဉ်းသား စာရင်းထဲ မထည့်ဘဲ ဖီလော့ဇီးနပ်စ် (Philoxenus) ကို ပေးခဲ့တဲ့ ကတိကိုတောင် ဖျက်ခဲ့တယ်။ ပြီးတော့ သူတို့ မိသားစုတွေကို သီအိုနီယာ ရေတပ်နဲ့ သွားခေါ်ပေးဖို့ ဖီလော့ဇီးနပ်စ် ကို ဖိအားပေးခဲ့တယ်။</p> <p>​ဒါးဗို့စ် က သူတို့ကို နိုင်ငံသား ဖြစ်ခွင့်၊ မြေနေရာ၊ ကောင်းမွန်တဲ့ သုတေသန ပတ်ဝန်းကျင် စသဖြင့် ကတိတွေ ပေးပြီးမှ ဒီလူတွေကို 'ဆွဲဆောင်' နိုင်ခဲ့တာ။</p> <p>​. . . . . . . . . . . .</p> <p>​သီအိုနီယာ တပ်သားတွေ လမ်းပေါ်မှာ ၂ ယောက် တစ်တွဲ၊ ၃ ယောက် တစ်တွဲ လျှောက်သွား စကားပြောနေကြတယ်။ ပေါ့ပါးတဲ့ မျက်နှာထားတွေနဲ့။ ခီရီဆိုဖပ်စ် ကို တွေ့တော့ ခဏပဲ စပ်စုကြည့်ပြီး စိတ်မဝင်စားကြတော့ဘူး။ သူ့ကို ခေါ်လာတဲ့ ကင်းလှည့်ခေါင်းဆောင်ကို မေးမြန်းတာ၊ လေးစားမှု ပြတာမျိုး မရှိဘူး။ ဂရိ တစ်ပြည်လုံးမှာ ထူးခြားတဲ့ စပါတာ အမှတ်အသား ဖြစ်တဲ့ အနီရောင် ဝတ်ရုံရှည်၊ ဆံပင်ရှည်၊ မုတ်ဆိတ်မွှေး ထူထူတွေနဲ့ လူတစ်ယောက်ကို သာမန်လူ တစ်ယောက်လိုပဲ သဘောထားနေကြတယ်။</p> <p>​လွန်ခဲ့တဲ့ လနည်းနည်းက သူရီ (Thurii) ရောက်တုန်းကနဲ့ ယှဉ်ရင် သီအိုနီယာ တွေ အများကြီး ပိုအေးဆေး တည်ငြိမ်လာတယ်။</p> <p>​အင်အားကြီး ဆီရာကျု ကို အနိုင်ယူလိုက်ပြီး၊ သီအိုနီယာ က အနောက် မြေထဲပင်လယ် ဂရိ ကမ္ဘာကြီးရဲ့ အရှင်သခင် ဖြစ်လာလို့၊ ကြောက်စရာ ဂရိ မြို့ပြနိုင်ငံ မရှိတော့လို့ နေမှာပေါ့...</p> <p>​ဒါကို တွေးမိတော့ စပါတာ အကြီးအကဲ ကောင်စီ (Gerousia) က သူ့ကို သီအိုနီယာ ဆီ အလောတကြီး ပြန်လွှတ်လိုက်တာ ဒီအချက်ကြောင့် ဖြစ်မယ် လို့ ခီရီဆိုဖပ်စ် ခံစားမိတယ်။ တာဝန်ကြီးတယ် လို့ ခံစားလိုက်ရတယ်။</p> <p>​သီအိုနီယာ တပ်သားတွေ အားကစားကွင်းမှာ စုရုံးပြီး အရာရှိကြီးတွေ စီစဉ်ပေးတဲ့ ရက်ဘီ (Rugby) ပွဲ ကြည့်နေကြတယ်။ ဆူညံသံတွေက လမ်းတွေ အကျော်ထိ ကြားနေရတယ်။ ခီရီဆိုဖပ်စ် စိတ်ဝင်စားပေမယ့် ကြည့်ချိန် မရှိဘူး။</p> <p>​မကြာခင် မြို့တော်ခန်းမ ရောက်သွားတယ်။ ဒါပေမဲ့ ဘုရင် ဒါးဗို့စ် ဧည့်သည် တွေ့နေလို့ ဧည့်ခန်းမှာ စောင့်ခိုင်းထားတယ်။</p> <p>​၁၀ မိနစ်ကျော် စောင့်ရတယ်။ တခြား စပါတာ သံတမန် ဆိုရင် ဒေါသထွက်ပြီး စပါတာ ကို စော်ကားတယ် လို့ ထင်မိမှာ။ ခီရီဆိုဖပ်စ် စိတ်ထိန်းနိုင်တာက... ဧည့်သည်တွေကို တွေ့လိုက်ရလို့။ သီအိုနီယာ တွေ လိမ်နေတာ မဟုတ်ဘူး၊ တမင် ပြဿနာ ရှာနေတာ မဟုတ်ဘူး ဆိုတာ သိလိုက်ရတယ်။ ဒါပေမဲ့ တခြား ဂရိ မြို့ပြနိုင်ငံတွေလို စပါတာ သံတမန်ကို အရေးအပါဆုံး အဖြစ် မဆက်ဆံတာတော့ သေချာတယ်။ ဒီကိစ္စမှာ ခီရီဆိုဖပ်စ် သည်းခံရုံပဲ ရှိတယ်။ ဒါ ဂရိ ပြည်မကြီး မဟုတ်ဘူး၊ အိုင်အိုနီးယား (Ionia) မဟုတ်ဘူး၊ အာရှမိုင်းနား (Asia Minor) မဟုတ်ဘူး... စပါတာ ဩဇာ မသက်ရောက်တဲ့၊ စပါတာ ကို ဘယ်တုန်းကမှ မကြောက်ခဲ့တဲ့ သီအိုနီယာ ပိုင် မက်ဂနာ ဂရိ လေ!</p> <p>​"ခီရီဆိုဖပ်စ်... ပြန်တွေ့ရတာ ဝမ်းသာပါတယ်!"</p> <p>​တွေ့တာနဲ့ ဒါးဗို့စ် က နွေးနွေးထွေးထွေး နှုတ်ဆက်တယ်။ ပြီးတော့ တမင် ထည့်ပြောလိုက်တယ်။</p> <p>​"စောင့်ခိုင်းမိလို့ တောင်းပန်ပါတယ်။ ကော်လိုနီယာ (Caulonia) က ခေါင်းဆောင် တချို့ ရောက်နေလို့ ကြာသွားတာပါ"</p> <p>​'ကော်လိုနီယာ?!'</p> <p>​ခီရီဆိုဖပ်စ် ရင်ထဲ ဒိန်းခနဲ ဖြစ်သွားတယ်။ ကော်လိုနီယာ ဆိုတာ အီတလီ တောင်ပိုင်း မဟာမိတ် အဖွဲ့ (South Italian Alliance) ဝင် မြို့ပြနိုင်ငံ တစ်ခု။ အရင်က သီအိုနီယာ ကို သစ္စာဖောက်ပြီး ဆီရာကျု ဘက် ပါသွားတယ်။ ဆီရာကျု ရှုံးတော့ သီအိုနီယာ ဘက် ပြန်ပါလာပြန်ရော...</p> <p>​သီအိုနီယာ က မက်ဂနာ ဂရိ တစ်ခုလုံး နီးပါး သိမ်းပိုက်ပြီးမှ ဒီအရှက်မရှိတဲ့ မြို့ပြနိုင်ငံက သံတမန် လွှတ်လိုက်တာ ဘာကြောင့်လဲ ဆိုတာ ခီရီဆိုဖပ်စ် မှန်းဆလို့ ရတယ်။ စိတ်တည်ငြိမ်အောင် ထားပြီး ပြောလိုက်တယ်။</p> <p>​"ဒါးဗို့စ်... ဒိုင်ယွန်နီးစီးယပ်စ် ကို အနိုင်ယူပြီး စစ်နိုင်ခဲ့လို့ ဂုဏ်ပြုပါတယ်!"</p> <p>​"စပါတာ က ဂုဏ်ပြုဖို့ လွှတ်လိုက်တာလား"</p> <p>​ဒါးဗို့စ် ပြုံးပြီး တဲ့တိုး မေးလိုက်တယ်။</p> <p>​"ဘုရင်မင်းမြတ် ဒါးဗို့စ်... ခင်ဗျားတို့က စပါတာ မဟာမိတ် ဆီရာကျု ကို အနိုင်ယူခဲ့တယ်။ ပြီးတော့ စစ္စလီ ကို တပ်လွှတ်ပြီး ဂရိ မြို့ပြနိုင်ငံ တချို့ကို သိမ်းပိုက်ခဲ့တယ်... ဒါကြောင့် သီအိုနီယာ ရဲ့ ရန်လိုမှုကို အကြီးအကဲ ကောင်စီက စိုးရိမ်နေတယ်။ သီအိုနီယာ က စပါတာ ကို ရန်လိုမလား ဆိုတာ သိချင်လို့ ကျွန်တော့်ကို လွှတ်လိုက်တာပါ?!"</p> <p>​ခီရီဆိုဖပ်စ် ဒါးဗို့စ် ကို စိုက်ကြည့်ပြီး နောက်ဆုံး စကားလုံးတွေကို လေးလေးနက်နက် ပြောလိုက်တယ်။</p> <p>​ခီရီဆိုဖပ်စ် စကားကြောင့် ဒါးဗို့စ် လေးနက်သွားတယ်။</p> <p>​"ဒိုင်ယွန်နီးစီးယပ်စ် ကျွန်တော့် မက်ဂနာ ဂရိ ကို ကျူးကျော်တုန်းက ကူညီခဲ့တဲ့ ဖီးဒီးယပ်စ် (Phidias) ကို ပြောပြီးပါပြီ။ စပါတာ က သီအိုနီယာ အပေါ် မကောင်းတဲ့ သဘောထား မရှိသရွေ့၊ သီအိုနီယာ ကလည်း စပါတာ ကို ရန်လိုမှာ မဟုတ်ပါဘူး။ ပြီးတော့ အေဒရီယက်တစ် (Adriatic) ပင်လယ် တစ်ဖက်က မြေတွေကို ကျွန်တော် စိတ်မဝင်စားပါဘူး"</p> <p>​"စပါတာ က သီအိုနီယာ ကို လုံးဝ ရန်မလိုပါဘူး!"</p> <p>​ခီရီဆိုဖပ်စ် ချက်ချင်း ကြေညာလိုက်တယ်။</p> <p>​"စပါတာ က ဆီရာကျု ကို ကူညီခဲ့တာ ဒိုင်ယွန်နီးစီးယပ်စ် နဲ့ မဟာမိတ် ဖွဲ့ထားလို့ပါ။ မက်ဂနာ ဂရိ မှာ သီအိုနီယာ သမဂ္ဂ မပေါ်ခင်ကတည်းက ဖွဲ့ထားတာပါ။ ဒါကြောင့် ဟရာကလီးစ် (Heracles) ရှေ့မှာ ပေးထားတဲ့ ကတိ အတိုင်း လုပ်ဆောင်ခဲ့ရတာပါ။ ဒါပေမဲ့ နောက်ဆို ဒီလို ဖြစ်တော့မှာ မဟုတ်ပါဘူး!"</p> <p>​ခီရီဆိုဖပ်စ် စကားထဲက အဓိပ္ပာယ်ကို ရိပ်မိလိုက်တဲ့ ဒါးဗို့စ် မျက်ခုံးပင့်ပြီး မေးလိုက်တယ်။</p> <p>​"စပါတာ က ဒိုင်ယွန်နီးစီးယပ်စ် ကို စွန့်လွှတ်လိုက်ပြီလား"</p> <p>​ခီရီဆိုဖပ်စ် တိုက်ရိုက် ပြန်မဖြေဘဲ အကြံပြုလိုက်တယ်။</p> <p>​"ဒါးဗို့စ်... နှစ်ဖက်စလုံး ရန်လိုမှု မရှိမှတော့... စပါတာ နဲ့ သီအိုနီယာ... အင်အားကြီး မြို့ပြနိုင်ငံ ၂ ခု အဓိပ္ပာယ် မရှိတဲ့ ပဋိပက္ခတွေကြောင့် စစ်မဖြစ်ရအောင် သဘောတူညီချက် တစ်ခု လက်မှတ်ထိုးကြမလား?!"</p> <p>​ဧည့်သည် တွေ့တုန်း ဝင်မပြောလေ့ ရှိတဲ့ ဟန်နီပိုလစ် (Henipolis) က ခီရီဆိုဖပ်စ် နဲ့ ဒါးဗို့စ် ကို အံ့သြတကြီး ကြည့်လိုက်တယ်။</p> <p>​'စပါတာ က သီအိုနီယာ ကို တန်းတူ အဆင့် သတ်မှတ်ပြီး ငြိမ်းချမ်းရေး သဘောတူညီချက် လာတောင်းဆိုတာလား?!!'</p> <p>​ဒါးဗို့စ် ကတော့ တည်ငြိမ်နေတယ်။ ဒီဂုဏ်ပုဒ်ကို ဂရုမစိုက်ဘဲ မေးလိုက်တယ်။</p> <p>​"ဘယ်လို သဘောတူညီချက်မျိုးလဲ"</p> <p>​တခြား ဂရိ မြို့ပြနိုင်ငံတွေကသာ စပါတာ နဲ့ သဘောတူညီချက် ရဖို့ တောင်းပန်လေ့ ရှိတာ။ စပါတာ အကြီးအကဲ ကောင်စီက အခြေအနေ အရ စပါတာ အကျိုးရှိမယ့် စည်းကမ်းချက်တွေ တောင်းဆိုလေ့ ရှိတယ်။ အခုလို ကိုယ်က စပြီး သဘောတူညီချက် တောင်းရတာ၊ ဖဲချပ် အရင် လှန်ပြရတာမျိုး ခီရီဆိုဖပ်စ် မရင်းနှီးဘူး။ ဒါပေမဲ့ စပါတာ အခြေအနေ ဆိုးနေလို့ ခေါင်းငုံ့ရတော့မယ်။ ရင်ထဲ မွန်းကျပ်နေပေမယ့် မျက်နှာမှာ ဖော်ရွေတဲ့ အမူအရာနဲ့ ပြောလိုက်တယ်။</p> <p>​"စပါတာ က သီအိုနီယာ နဲ့ ရေရှည် ငြိမ်းချမ်းရေး သဘောတူညီချက် လက်မှတ်ထိုးချင်ပါတယ်။ တစ်ဖက်နဲ့ တစ်ဖက် မကျူးကျော်ဖို့၊ တစ်ဖက်ကို ဆန့်ကျင်တဲ့ တခြား မြို့ပြနိုင်ငံတွေရဲ့ လုပ်ရပ်တွေမှာ မပါဝင်ဖို့ ပါ!"</p> <p>​ခီရီဆိုဖပ်စ် ခဏ ရပ်လိုက်တယ်။</p> <p>​စပါတာ ဘာလို့ ဒီလို အဆိုပြုလဲ ဒါးဗို့စ် နားလည်လိုက်တယ်။ သီအိုနီယာ က စပါတာ ဆန့်ကျင်ရေး မဟာမိတ် အဖွဲ့ (Anti-Spartan League) ထဲ ဝင်သွားမှာ စိုးရိမ်နေတာ။ စပါတာ အခြေအနေ သိပ်မကောင်းဘူးနဲ့ တူတယ်။</p> <p>​ဒါးဗို့စ် မျက်နှာထား မပြောင်းလဲဘဲ ဘာတွေးနေမှန်း မသိရတော့ ခီရီဆိုဖပ်စ် အသက်ပြင်းပြင်း ရှူပြီး အကြီးအကဲ ကောင်စီ သတ်မှတ်ပေးလိုက်တဲ့ စည်းကမ်းချက်တွေကို ဆက်ပြောတယ်။</p> <p>​"စပါတာ က အပစ်အခတ် ရပ်စဲရေး လက်ခံဖို့၊ သီအိုနီယာ ကို စစ်လျော်ကြေး ပေးဖို့ ဆီရာကျု ကို ဖိအားပေးပါ့မယ်။ ဒါပေမဲ့ သီအိုနီယာ အနေနဲ့ ဆီရာကျု နဲ့ မဟာမိတ်တွေကို အလွန်အကျွံ ဖိအားမပေးဖို့၊ ဆီရာကျု အကျိုးစီးပွားတွေကို ဆက်လက် မထိပါးဖို့ မျှော်လင့်ပါတယ်။ စပါတာ က ဆီရာကျု နဲ့ ဆယ်စုနှစ်များစွာ ရင်းနှီးတဲ့ မဟာမိတ် ဖြစ်ခဲ့တာကိုး..."</p> <p>​ခီရီဆိုဖပ်စ် ရပ်ပြီး ဒါးဗို့စ် ကို ကြည့်လိုက်တယ်။</p> <p>​ဒါးဗို့စ် မျက်နှာမှာ ဝမ်းသာတာ၊ ဒေါသထွက်တာ ဘာမှ မပေါ်ဘူး။ ဒါပေမဲ့ ဘေးက စာရေးတော် ဟန်နီပိုလစ် က သည်းမခံနိုင်တော့ဘဲ ပြောလိုက်တယ်။</p> <p>​"ဆီရာကျု က ကျွန်တော်တို့နဲ့ ငြိမ်းချမ်းရေး စာချုပ် ချုပ်ပြီးပြီ။ စပါတာ က... စပါတာ က စစ်ပြီး ကာလ ကိစ္စရပ်တွေကို သီအိုနီယာ ဘယ်လို ကိုင်တွယ်ရမယ် ဆိုတာ ဝင်စွက်ဖက်ဖို့ ဘာအခွင့်အရေး ရှိလို့လဲ!"</p> <p>​ခီရီဆိုဖပ်စ် ဟန်နီပိုလစ် ကို လစ်လျူရှုလိုက်တယ်။ ဒါးဗို့စ် တိတ်ဆိတ်နေတာ တွေ့တော့ ဆက်ပြောတယ်။</p> <p>​"ဒါ့အပြင်... ဆီရာကျု က တာရန်တို (Taranto) ကို သီအိုနီယာ နဲ့ စစ်တိုက်အောင် လှုံ့ဆော်ခဲ့တယ်။ အခုတော့ သူတို့ နတ်ဘုရား အပြစ်ပေးတာ ခံနေရပြီ။ လူမျိုးခြားတွေက ဒီမြို့ပြနိုင်ငံကြီးကို ဝိုင်းထားပြီး ဂရိ နယ်မြေတွေကို သိမ်းပိုက်နေကြပြီ! တာရန်တို က အရင် အမှားတွေကို ဝန်ခံပြီး သီအိုနီယာ ခွင့်လွှတ်မှု ရဖို့ စစ်လျော်ကြေး အများကြီး ပေးဖို့ ဆန္ဒရှိနေပါတယ်။</p> <p>​တာရန်တို ရဲ့ မိခင် နိုင်ငံ အနေနဲ့၊ သွေးချင်း ဆက်စပ်နေတဲ့ ဒီမြို့ကို စပါတာ ကာကွယ်ပေးရမယ်။ ဒါကြောင့် သီအိုနီယာ အနေနဲ့ တာရန်တို အကျဉ်းသားတွေကို ပြန်လွှတ်ပေးဖို့ မျှော်လင့်ပါတယ်။ ဒါမှ တာရန်တို က လူမျိုးခြား ကျူးကျော်မှုကို ကာကွယ်နိုင်ပြီး မက်ဂနာ ဂရိ ရဲ့ အရှေ့ဘက် အတားအဆီး ပြန်ဖြစ်လာနိုင်မှာ!"</p> <p>​"စပါတာ တွေက အခုမှ မက်ဂနာ ဂရိ လုံခြုံရေး ကို စိတ်ပူနေကြတာလား!"</p> <p>​ဟန်နီပိုလစ် မဲ့ပြုံး ပြုံးပြီး ပြန်ပြောတယ်။</p> <p>​"ဒိုင်ယွန်နီးစီးယပ်စ် က မက်ဂနာ ဂရိ ကို ကျူးကျော်၊ မီးရှို့၊ သတ်ဖြတ်၊ လုယက်ပြီး စကိုင်လက်တီယမ် ပြည်သူတွေကို အစုလိုက် အပြုံလိုက် သတ်ဖြတ်တုန်းက ခင်ဗျားတို့ စပါတာ တွေ ဘယ်ရောက်နေလဲ?! ဝင်မတားကြဘူးလား?! တာရန်တို က သဘောတူညီချက် ဖောက်ဖျက်ပြီး သီအိုနီယာ နယ်မြေကို ရုတ်တရက် တိုက်ခိုက်တုန်းက ခင်ဗျားတို့ ဘယ်ရောက်နေလဲ?!..."</p> <p>​ခီရီဆိုဖပ်စ် မကြားချင်ယောင်ဆောင်ပြီး ဒါးဗို့စ် ကို ဆက်ပြောတယ်။</p> <p>​"ဒါတွေက အကြီးအကဲ ကောင်စီ အကြိမ်ကြိမ် ဆွေးနွေးပြီး ရေးဆွဲထားတဲ့ ငြိမ်းချမ်းရေး သဘောတူညီချက် စည်းကမ်းချက်တွေပါ။ အသေးစိတ်ကိုတော့ ဘုရင်မင်းမြတ် ဒါးဗို့စ် နဲ့ ဆက်လက် ညှိနှိုင်းရပါလိမ့်မယ်"</p> <p>​"ဒါ စပါတာ ရဲ့ စေတနာ ဆိုရင်တော့ ဆက်ဆွေးနွေးစရာ မလိုတော့ဘူး"</p> <p>​ဒါးဗို့စ် လေသံက မုန်တိုင်း မလာခင် ငြိမ်သက်မှုလိုပဲ။ အေးစက်စူးရှတဲ့ ဓားသွားလို မျက်လုံးတွေနဲ့ ခီရီဆိုဖပ်စ် ကို စိုက်ကြည့်ပြီး ပြောလိုက်တယ်။</p> <p>​"ခီရီဆိုဖပ်စ်... ခင်ဗျားနဲ့ ကျွန်တော် ပါရှား မှာ အန္တရာယ်တွေ အတူတူ ရင်ဆိုင်ခဲ့ဖူးတဲ့ ရဲဘော်ရဲဘက်တွေပါ။ ဒီနေ့ ခင်ဗျား ကိုယ်ရေးကိုယ်တာ လာလည်တာ ဆိုရင် နွေးနွေးထွေးထွေး ဧည့်ခံမှာပါ။ ဒါပေမဲ့ စပါတာ သံတမန် အနေနဲ့ ဆိုရင်တော့... စိတ်မကောင်းပါဘူး!"</p> <p>​</p> <p> </p> <p> </p> <p> </p> <p> </p> <p> </p> <p style="text-align: center;">အပိုင်း (၅၇၇) ပြီးဆုံး</p> <p style="text-align: center;">***</p>


Save