Book List

<h2 style="text-align: center;">​အပိုင်း (၅၇၈)</h2> <h2 style="text-align: center;">စပါတာ  သံတမန်နှင့် ထိပ်တိုက်တွေ့ခြင်း (၂)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p> </p> <p>​ဒါးဗို့စ် စကားတွေက ခီရီဆိုဖပ်စ်ကို အကြီးအကျယ် စိုးရိမ်သွားစေတယ်။</p> <p>​"ဒါက ဆွေးနွေးပွဲ မစခင် စပါတာ က ရေးဆွဲထားတဲ့ စည်းကမ်းချက်တွေပါ။ ခင်ဗျား စည်းကမ်းချက်တွေကိုလည်း ပြောလို့ ရပါတယ်။ ညှိနှိုင်းကြတာပေါ့"</p> <p>​"ခီရီဆိုဖပ်စ်"</p> <p>​ဒါးဗို့စ် အေးစက်စက် ပြောလိုက်တယ်။</p> <p>​"မက်ဂနာ ဂရိ စစ်ပွဲ ပြီးသွားပြီ။ စစ္စလီ မှာလည်း သီအိုနီယာ  အတွက် အခြေအနေ တည်ငြိမ်နေပြီ။ ဒါကြောင့် အခုအချိန်မှာ ကျွန်တော် စစ်သင်္ဘော ၂၀၀ ကျော်နဲ့ တပ်သား ၅၀,၀၀၀ ကျော်ကို အချိန်မရွေး ထုတ်သုံးလို့ ရတယ်။ ဒီရေတပ်ကြီး ဦးဆောင်ပြီး အရှေ့ဘက်ကို ထွက်လာရင် ပယ်လိုပိုနီးစ် ကို ရောက်ဖို့ ၃ ရက်တောင် ကြာမှာ မဟုတ်ဘူး။ စပါတာ က တားနိုင်မလား?!"</p> <p>​ခီရီဆိုဖပ်စ် ပြန်မဖြေခင် ဒါးဗို့စ် ပြတ်ပြတ်သားသား ဆက်ပြောတယ်။</p> <p>​"မတားနိုင်ဘူး! ခင်ဗျားတို့ ရေတပ်က နီဒေါ့စ် မှာ ကိုနွန် ရေတပ် လက်ချက်နဲ့ ပျက်စီးသွားပြီ။ အခု ကိုရင့်သ် (Corinth) ပင်လယ်ကွေ့ထဲမှာ အစင်း ၁၀၀ တောင် မပြည့်တဲ့ သင်္ဘောတွေနဲ့ ပုန်းနေရပြီး အပြင်မထွက်ရဲကြဘူး! သီအိုနီယာ ရေတပ်ကို ဘယ်ယှဉ်နိုင်မလဲ! တပ်သား ၅၀,၀၀၀ ပါတဲ့ ရေတပ်ကြီး မက်ဆီးနီးယား (Messenia) ကမ်းရိုးတန်းမှာ ကမ်းတက်လာရင်၊ ခင်ဗျားတို့ ကြည်းတပ်က တားနိုင်မလား?!"</p> <p>​ဒါးဗို့စ် နှုတ်ခမ်းထောင့် အနည်းငယ် ကွေးတက်သွားတယ်။</p> <p>​"မတားနိုင်ဘူး! စပါတာ စစ်သည်တော် အများစုကို ကိုရင့်သ် ပို့ထားရတယ်။ တချို့ ပါရှား (Persia) ရောက်နေတယ်။ ကျန်တဲ့သူတွေက စပါတာ မှာ ဟီလော့ (Helots) တွေကို ဖိနှိပ်ထားရတယ်။ စပါတာ စစ်သည်တော် အကုန် စုလိုက်ရင်တောင်၊ သီအိုနီယာ က မကြောက်ပါဘူး။ သီအိုနီယာ လီဂျင် စစ်သည်တွေက ခင်ဗျားတို့ မာနကြီးတဲ့ စပါတာ စစ်သည်တော်တွေကို အပြတ်အသတ် ချေမှုန်းနိုင်မယ် လို့ ယုံကြည်တယ်!"</p> <p>​ဒါးဗို့စ် သစ်သားစားပွဲကို လက်သီးနဲ့ ထုလိုက်တယ်။ သေရေးရှင်ရေး တိုက်ပွဲပေါင်းများစွာ ကြုံခဲ့ဖူးတဲ့ ခီရီဆိုဖပ်စ် တောင် သူ့နှလုံးသားကို လက်သီးနဲ့ ထိုးလိုက်သလို ခံစားလိုက်ရပြီး တုန်လှုပ်သွားတယ်။</p> <p>​"တကယ်တော့... အဲဒီလောက်တောင် အားထုတ်စရာ မလိုပါဘူး"</p> <p>​ဒါးဗို့စ် မျက်နှာထား ပြန်လျော့သွားပြီး ဖြည်းဖြည်းချင်း ထိုင်ချလိုက်တယ်။</p> <p>​"မက်ဆီးနီးယား မှာ ကျန်နေတဲ့ စပါတာ တပ်တွေကို လူစုခွဲခိုင်း၊ တာဂျီတပ်စ် (Tagetus) တောင်ကြားလမ်းကို ပိတ်ဆို့၊ ပြီးရင် ဟီလော့တွေကို ထောက်ပံ့ပေးလိုက်ရုံပဲ။ ဒါမှမဟုတ် မက်ဆီးနီးယား တွေကို လွတ်လပ်ရေး ပေးပြီး လက်နက် တပ်ဆင်ပေးလိုက်မယ်။ ပြီးရင် ကျွန်တော်တို့ ပြန်ဆုတ်သွားလိုက်မယ်။ ဒါဆို ရိက္ခာ အများကြီး မကုန်သလို တိုက်ပွဲတွေ အများကြီး ဝင်တိုက်စရာလည်း မလိုတော့ဘူး။ လက်နက်ကိုင်ထားတဲ့ မက်ဆီးနီးယား တွေကို ခင်ဗျားတို့ စပါတာ တွေ အလွယ်တကူ ဖြေရှင်းနိုင်မလား? မဖြေရှင်းနိုင်ဘူး! လွန်ခဲ့တဲ့ ဆယ်စုနှစ်များစွာက မက်ဆီးနီးယား ပုန်ကန်မှုတုန်းက ခင်ဗျားတို့ ခံခဲ့ရပြီးပြီလေ!"</p> <p>​ခံရတာထက် ပိုပါသေးတယ်။ မက်ဆီးနီးယား ပုန်ကန်မှုတုန်းက စပါတာ တွေ ဘာမှ မလုပ်နိုင်လို့ အေသင် (Athens) နဲ့ တခြား မဟာမိတ်တွေကို စစ်ကူတောင်းခဲ့ရတာ။ အေသင် အကြီးအကဲ ဆိုင်မွန် (Cimon) က တပ်သား ထောင်ချီ ခေါ်လာပြီး ကူညီခဲ့တယ်။ ဒါပေမဲ့ နိုင်ငံရေး စနစ်နဲ့ ဓလေ့ထုံးစံ မတူတာကြောင့် စပါတာ တွေက သံသယ ဝင်ပြီး ရန်လိုခဲ့လို့ အေသင် တပ်သားတွေ ဒေါသတကြီး ပြန်သွားခဲ့ကြတယ်။ ပြန်ရောက်တော့ ပြည်သူတွေကို ပြောပြလို့ အေသင် ပြည်သူတွေ စပါတာ ကို ဒေါသထွက်ပြီး စပါတာ လိုလားတဲ့ ဆိုင်မွန် ပြုတ်ကျသွားတယ်။ အဲဒီနောက် ပယ်ရီကလိစ် (Pericles) တက်လာပြီး အေသင် ရဲ့ ရွှေခေတ်ကို တည်ဆောက်ခဲ့တာ။</p> <p>​မဟာမိတ်တွေ ကူညီတာတောင် စပါတာ တွေ မက်ဆီးနီးယား ပုန်ကန်မှုကို မနှိမ်နင်းနိုင်ခဲ့ဘူး။ ဟီလော့တွေက ဆက်တိုက် တော်လှန်နေလို့ စပါတာ တွေ စားဝတ်နေရေး ကျပ်တည်းခဲ့ရတယ်။ နောက်ဆုံးတော့ ပုန်ကန်သူတွေ စပါတာ နယ်မြေကနေ လွတ်လွတ်လပ်လပ် ထွက်သွားခွင့် ပြုပြီး အလျှော့ပေးလိုက်ရတယ်။</p> <p>​ဒါ စပါတာ တွေ အတွက် နာကျင်စရာ အတိတ်ပါ။ ဒါးဗို့စ် က ဒီကိစ္စကို ထပ်လုပ်မယ် လို့ လွယ်လွယ်လေး ပြောလိုက်တော့ ခီရီဆိုဖပ်စ် ရန်လိုတဲ့ လေသံနဲ့ မေးလိုက်တယ်။</p> <p>​"သီအိုနီယာ က စပါတာ ကို စစ်ကြေညာချင်နေတာလား?!"</p> <p>​"သီအိုနီယာ က မလုပ်ချင်ပါဘူး။ ဒါပေမဲ့ စပါတာ က သီအိုနီယာ ကို စစ်ပြင်ဆင်ဖို့ ဖိအားပေးနေတာ!"</p> <p>​ဒါးဗို့စ် လေးလေးနက်နက် ပြောလိုက်တယ်။</p> <p>​"သီအိုနီယာ ကို ဖိအားပေးတယ် ဟုတ်လား?!"</p> <p>​ခီရီဆိုဖပ်စ် ဟာသ ကြားလိုက်ရသလို ဖြစ်သွားပြီး သတိပေးလိုက်တယ်။</p> <p>​"စပါတာ က သီအိုနီယာ နဲ့ ငြိမ်းချမ်းရေး ဆွေးနွေးဖို့ ရိုးသားစွာ လာခဲ့တာပါ!"</p> <p>​"ဆီရာကျု (Syracuse) က စစ္စလီ (Sicily) မြို့ပြနိုင်ငံ အများအပြားကို ဖျက်ဆီးပြီး အတင်းအကျပ် နာခံခိုင်းတုန်းက စပါတာ ဝင်မတားခဲ့ဘူး! ဒိုင်ယွန်နီးစီးယပ်စ် (Dionysius) တပ်တွေနဲ့ မက်ဂနာ ဂရိ ကို ကျူးကျော်၊ လူတွေ သတ်၊ ပစ္စည်းတွေ လုတုန်းကလည်း ခင်ဗျားတို့ စပါတာ တွေ ဝင်မတားခဲ့ဘူး! အခု သီအိုနီယာ က ဆီရာကျု ကို အနိုင်ယူပြီး မက်ဂနာ ဂရိ နဲ့ စစ္စလီ ကို တည်ငြိမ်အောင်၊ ငြိမ်းချမ်းအောင် လုပ်နေတော့မှ ခင်ဗျားတို့ ထွက်လာပြီး တားချင်နေကြတာလား?! ဒါ စပါတာ ရဲ့ ရိုးသားမှုလား?!!"</p> <p>​ဒါးဗို့စ် အေးစက်စက် ပြောရင်း အသံ တဖြည်းဖြည်း မြင့်လာတယ်။</p> <p>​"ဒါးဗို့စ်... နားထောင်ပါဦး-"</p> <p>​ခီရီဆိုဖပ်စ် ရှင်းပြချင်ပေမယ့် ဒါးဗို့စ် ဖြတ်ပြောလိုက်တယ်။</p> <p>​"စပါတာ မှာ သီအိုနီယာ၊ မက်ဂနာ ဂရိ နဲ့ စစ္စလီ ကို အမိန့်ပေးဖို့ ဘာအခွင့်အရေး ရှိလို့လဲ?!"</p> <p>​ဒါးဗို့စ် ဒေါသတကြီး မေးခွန်းထုတ်တယ်။</p> <p>​"ခင်ဗျားတို့ရဲ့ စစ်သည်တော် ထောင်ဂဏန်းနဲ့လား?! ပယ်လိုပိုနီးစ် က မဟာမိတ် သောင်းချီနဲ့လား?! ဟို ကြေးစား သောက်ပျက်တွေနဲ့လား?! ကျွန်တော် အမိန့်ပေးလိုက်တာနဲ့ စစ်သင်္ဘော ၂၀၀ ကျော်၊ အထက်တန်းလွှာ တပ်သား ၅၀,၀၀၀ စုပြီး ပယ်လိုပိုနီးစ် ကို တိုက်၊ စပါတာ နယ်မြေနဲ့ မဟာမိတ်တွေကို အပိုင်းပိုင်းအစစ ဖြစ်အောင် လုပ်ပစ်လိုက်လို့ ရတယ်။ အဲဒီကျမှ ခင်ဗျားတို့ မာနကြီးတဲ့ စပါတာ တွေ အင်အားကြီး နိုင်ငံ တစ်ခုကို ဘယ်လို လေးစားရမလဲ ဆိုတာ နားလည်လာလိမ့်မယ်! လောဘကြီးပြီး ကိုယ်ကျိုးကြည့်တဲ့ စပါတာ တွေ... အနောက် မြေထဲပင်လယ် ဆိုတာ နိုင်ငံခြား အင်အားစုတွေ စိတ်ကြိုက် မွှေလို့ရတဲ့ ပယ်လိုပိုနီးစ် မဟုတ်ဘူး ဆိုတာ နားလည်လာလိမ့်မယ်!..."</p> <p>​ဒါးဗို့စ် ရဲ့ စိတ်လှုပ်ရှားပြီး ဒေါသထွက်နေတဲ့ စွပ်စွဲချက်တွေ၊ အားပါပါနဲ့ လက်သီးထိုးနေတာတွေကို ကြည့်ပြီး... ဖီးဒီးယပ်စ် (Phidias) သီအိုနီယာ က ပြန်လာတုန်းက ပြောခဲ့တာတွေကို ခီရီဆိုဖပ်စ် ပြန်သတိရမိတယ်။</p> <p>​'သီအိုနီယာ ဆိုတာ အင်အားနဲ့ ကျူးကျော်မှုကို အားပေးတဲ့ သမဂ္ဂ တစ်ခု။ သူတို့ကို ထိန်းချုပ်မယ့် နည်းလမ်း ရှာရမယ်။ မဟုတ်ရင် အနာဂတ်မှာ ဒုက္ခပေးလိမ့်မယ်!'</p> <p>​အခုတော့ ဒုက္ခပေးရုံတင် မကတော့ဘူး။ အကြီးမားဆုံး ခြိမ်းခြောက်မှု ဖြစ်လာပြီ! သူ့ရှေ့က ဒါးဗို့စ် က ခြေသည်းလက်သည်း ဝှက်ထားစရာ မလိုတော့ဘဲ ဂရိ အရှင်သခင်ဟောင်းကို ဟိန်းဟောက်နေတဲ့ အရွယ်ရောက်ပြီးသား ခြင်္သေ့ကြီး တစ်ကောင် ဖြစ်နေပြီ။</p> <p>​ဒီအချိန်မှာ ခီရီဆိုဖပ်စ် စိတ်တည်ငြိမ်သွားပြီး ဒါးဗို့စ် ရဲ့ ဒေါသနောက်က အဓိပ္ပာယ်ကို နားလည်လိုက်တယ်။</p> <p>​"ဘုရင်မင်းမြတ် ဒါးဗို့စ်... ငြိမ်းချမ်းရေး ဆွေးနွေးပွဲ အတွက် ကျွန်တော်တို့ စည်းကမ်းချက်တွေကို မကျေနပ်ရင်၊ ခင်ဗျား စည်းကမ်းချက်တွေက ဘာတွေလဲ"</p> <p>​ဒါးဗို့စ် ပြသလိုက်တဲ့ ဒေါသက ခီရီဆိုဖပ်စ် ကို မဟုတ်ဘဲ၊ သူ့နောက်က စပါတာ အကြီးအကဲ ကောင်စီ (Gerousia) ကို ရည်ရွယ်တာပါ။ ခီရီဆိုဖပ်စ် မေးလိုက်တော့ သူ့ရည်မှန်းချက် ပြည့်သွားပြီ လို့ ထင်လိုက်တယ်။ ဒေါသ မပြေသေးပေမယ့် အော်မပြောတော့ဘဲ နှာခေါင်းရှုံ့ပြီး ပြောလိုက်တယ်။</p> <p>​"အနောက် မြေထဲပင်လယ်က ဂရိတွေ ကိစ္စကို ကျွန်တော်တို့ ဘာသာ စီမံနိုင်တယ်။ စပါတာ ဝင်ပါစရာ မလိုဘူး။ စပါတာ သာ ဒါကို အသိအမှတ်ပြုရင်၊ သီအိုနီယာ ကလည်း အရှေ့ မြေထဲပင်လယ်က ဂရိ ကိစ္စတွေကို စိတ်ဝင်စားမှာ မဟုတ်ဘူး။ ဒါ သီအိုနီယာ နဲ့ စပါတာ ငြိမ်းချမ်းရေး သဘောတူညီချက် ရဖို့ အခြေခံ စည်းကမ်းချက်ပဲ!"</p> <p>​ခီရီဆိုဖပ်စ် အံ့သြသွားတယ်။ ဒါးဗို့စ် က မြေထဲပင်လယ် ဂရိ ကမ္ဘာကြီးကို စပါတာ နဲ့ ခွဲဝေယူဖို့ ရည်မှန်းထားတာကိုး။ စပါတာ က အနောက် မြေထဲပင်လယ်ကို သိပ်အာရုံမစိုက်ပေမယ့်၊ စပါတာ နောက်ကျောကို ကာကွယ်ဖို့ ဆီရာကျု ကို ထောက်ပံ့ပေးထားတာ။ စပါတာ စစ်သည်တော်တွေ အမြင်မှာ ဆီရာကျု က စပါတာ ဦးဆောင်တဲ့ မဟာမိတ် အဖွဲ့ထဲက အားနည်းသူ တစ်ဦးသာ ဖြစ်တယ်။ ဒိုင်ယွန်နီးစီးယပ်စ် က ဆီရာကျု အင်အားကြီးလာလို့ ခေါင်းမာလာပေမယ့်ပေါ့။ အခု သီအိုနီယာ က စပါတာ နဲ့ တန်းတူ နေဖို့ တရားဝင် ကမ်းလှမ်းလာတာ... ခီရီဆိုဖပ်စ် မယုံကြည်နိုင်စွာနဲ့ ဒါးဗို့စ် ကို စိုက်ကြည့်နေမိတယ်။</p> <p>​ဒါးဗို့စ် ကတော့ ခီရီဆိုဖပ်စ် ကို စူးစူးရဲရဲ ပြန်ကြည့်နေတယ်။</p> <p>​ခဏကြာတော့ ခီရီဆိုဖပ်စ် ပြောလိုက်တယ်။</p> <p>​"ခင်ဗျား ဆိုလိုရင်းကို နားလည်ပါပြီ။ အကြီးအကဲ ကောင်စီကို ပြန်တင်ပြပေးပါ့မယ်။ သူတို့ အမြန်ဆုံး အကြောင်းပြန်ပေးလိမ့်မယ် လို့ ယုံကြည်ပါတယ်"</p> <p>​"ကောင်းပြီ။ ဒါပေမဲ့ အနောက် မြေထဲပင်လယ် စစ်ပွဲ အခြေအနေက မြန်မြန်ဆန်ဆန် ပြောင်းလဲနေတယ်။ ရက်နည်းနည်း ကြာရင် အခြေအနေ လုံးဝ ပြောင်းသွားမှာ စိုးရတယ်။ ဒါကြောင့် ခင်ဗျား မြန်မြန် လုပ်မှ ရမယ်"</p> <p>​ဒါးဗို့စ် ရဲ့ သတိပေးစကားကြောင့် ခီရီဆိုဖပ်စ် စိုးရိမ်စိတ် ပြန်ဝင်လာတယ်။</p> <p>​အလောတကြီး ပြန်သွားတဲ့ ခီရီဆိုဖပ်စ် ကို နှုတ်ဆက်ပြီးနောက် ဟန်နီပိုလစ် (Henipolis) စိုးရိမ်တကြီး မေးတယ်။</p> <p>​"သခင်ကြီး... စပါတာ က သခင်ကြီး စည်းကမ်းချက်တွေကို သဘောတူပါ့မလား"</p> <p>​ဒါးဗို့စ် မသေချာပေမယ့် ပြုံးပြီး ပြောတယ်။</p> <p>​"လက်ရှိ သီအိုနီယာ က စပါတာ ကို မကြောက်သလို၊ စပါတာ ဆီက လိုချင်တာလည်း ဘာမှ မရှိဘူး။ ကျွန်တော်တို့နဲ့ မတူတာက... ခီရီဆိုဖပ်စ် ကျွန်တော့် ခြိမ်းခြောက်စကားတွေ ပြန်ပြောပြလိုက်ရင် စပါတာ တွေ အိပ်ပျော်တော့မှာ မဟုတ်ဘူး"</p> <p>​"ဒါပေမဲ့ ဒီစည်းကမ်းချက်တွေနဲ့ ငြိမ်းချမ်းရေး စာချုပ် လက်မှတ်ထိုးရင်တောင်၊ စပါတာ တွေက သီအိုနီယာ ကို ရင်ထဲကနေ မုန်းနေကြမှာပဲ!"</p> <p>​ဟန်နီပိုလစ် စိုးရိမ်တကြီး ဆက်ပြောတယ်။</p> <p>​"ဘုရင်မင်းမြတ်... စပါတာ က စစ်ပွဲ ရွှံ့နွံထဲ နစ်နေတုန်း အခွင့်ကောင်း ယူပြီး သူတို့ကို အပြီးတိုင် ချေမှုန်းပစ်လိုက်ရင် ပိုမကောင်းဘူးလား?!"</p> <p>​"ဟားဟားဟား... ဟန်နီ... မင်းက ငါ့ထက်တောင် စပါတာ ကို ပိုမုန်းနေပါလား!"</p> <p>​ဒါးဗို့စ် ရယ်မောလိုက်တယ်။</p> <p>​"ဘုရင်မင်းမြတ်... ကျွန်တော်က... နောက်ပိုင်း စပါတာ ဘာလုပ်လာမလဲ ဆိုတာ စိုးရိမ်လို့ပါ..."</p> <p>​ဒါးဗို့စ် သူ့ပခုံးကို ပုတ်ပြီး ယုံကြည်မှု ရှိရှိ ပြောလိုက်တယ်။</p> <p>​"စိတ်ချပါ။ စပါတာ လို မြို့ပြနိုင်ငံမျိုးက ငါတို့ သီအိုနီယာ အကူအညီ မပါရင် အနာဂတ် မရှိပါဘူး!"</p> <p>​ဒီကာလ သမိုင်းကြောင်းကို ဒါးဗို့စ် သေချာ မမှတ်မိပေမယ့်၊ နှစ်တွေ ကြာလာတာနဲ့ အမျှ ဂရိ အကြောင်း နက်နက်နဲနဲ နားလည်လာလို့ သိနေတာ တစ်ခု ရှိတယ်။ စပါတာ က ပယ်လိုပိုနီးစ် ကျွန်းဆွယ်မှာ ကိုရင့်သ်၊ အာဂေါ့စ် (Argos) တွေနဲ့၊ ဂရိ အလယ်ပိုင်းမှာ အေသင်၊ သီးဘီးစ် (Thebes) တွေနဲ့ ပြေလည်အောင် ညှိနှိုင်းလို့ မရနိုင်တဲ့ ပဋိပက္ခတွေ ရှိနေတယ်။ သူတို့ စစ်ပွဲတွေက ဆက်ဖြစ်နေဦးမှာ။</p> <p>​အခု သီအိုနီယာ က ဆီရာကျု နဲ့ စစ်ပွဲ ပြီးသွားပြီမို့၊ နယ်မြေ အသစ်တွေကို စီမံခန့်ခွဲဖို့ အချိန် အရေးတကြီး လိုအပ်နေတယ်။ ဒါကြောင့် စပါတာ ဆိုတဲ့ ပျားအုံကို သွားတို့စရာ မလိုဘူး။ စပါတာ အင်အား နည်းသွားရင်တောင် သီအိုနီယာ အတွက် အကျိုးမရှိဘူး။ ဆန့်ကျင်ဘက် အနေနဲ့ အေသင်၊ သီးဘီးစ် လို တခြား ဂရိ မြို့ပြနိုင်ငံတွေ နယ်မြေချဲ့ထွင်ဖို့ အခွင့်အရေး ပိုရသွားလိမ့်မယ်... ဒါကြောင့် သူတို့ အချင်းချင်း တိုက်နေကြတာက သီအိုနီယာ ဖွံ့ဖြိုးတိုးတက်ဖို့ အချိန် ပိုရစေတယ်။</p> <p>​. . . . . . . . . . . . .</p> <p>​ဒါးဗို့စ် မျှော်လင့်ထားတဲ့ အတိုင်းပါပဲ။ ခီရီဆိုဖပ်စ် သတင်းပို့တာ ရပြီးနောက် အကြီးအကဲ ကောင်စီက အပြင်ပန်း ဒေါသထွက်ပြပေမယ့်၊ အတွင်းစိတ်မှာ ကြောက်ရွံ့နေကြတယ်။ မက်ဂနာ ဂရိ က သီအိုနီယာ တပ်မတော်ကြီး တိုက်ခိုက်ဖို့ အသင့် ဖြစ်နေပြီ။ စပါတာ ကတော့ စစ်မျက်နှာသစ် ဖွင့်ဖို့ အင်အား မရှိတော့ဘူး။</p> <p>​ဂရိတွေက စပါတာ တွေကို 'ပါနွန် (Parnon) တောင် နောက်က မြွေပွေးတွေ' လို့ လှောင်ပြောင် ခေါ်လေ့ ရှိတယ်။ ဒီ အသက် ၆၀ ကျော် စပါတာ အကြီးအကဲတွေက မာနကြီးပြီး ရှေးရိုးစွဲ ဆန်တယ် ထင်ရပေမယ့်၊ အခြေအနေ အချိန်အခါ ကို ကြည့်ပြီး ဘယ်လို နေရမယ် ဆိုတာ ကောင်းကောင်း သိကြတယ်။</p> <p>​</p> <p> </p> <p> </p> <p> </p> <p> </p> <p> </p> <p> </p> <p style="text-align: center;">အပိုင်း (၅၇၈) ပြီးဆုံး</p> <p style="text-align: center;">***</p>


Save