Book List

<h2 style="text-align: center;">အပိုင်း (၅၉၈)</h2> <h2 style="text-align: center;">အစီစတီးစ် ၏ အကဲဖြတ်မှု (၃)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>​"အရှင် ဘားခ်စ်၊ ရှင်းပြပေးတဲ့အတွက် ကျေးဇူးတင်ပါတယ်!" အစီစတီးစ် က ဆက်ပြောတယ်။ "တကယ်တော့ အရှင် ကရဲရူး သာ အီနာ ကို သေချာ သွားစစ်ဆေးကြည့်မယ် ဆိုရင်၊ ကျွန်တော်တို့က မြေပြန့်မှာ ပေါက်နေတဲ့ သစ်ပင်တွေကိုပဲ ခုတ်လှဲခဲ့ပြီး တောင်ပေါ်က သစ်ပင်တွေကို မခုတ်ခဲ့ဘူး ဆိုတာ တွေ့ရပါလိမ့်မယ်။</p> <p>​မြေပြန့်က သစ်ပင်တွေကိုပဲ ဘာလို့ ခုတ်လှဲခဲ့တာလဲ? ဆမ်နိုက် တွေ အီနာ ကို သိမ်းပိုက်ထားတုန်းက မြေယာတွေကို မဖော်ထုတ်ခဲ့လို့ သစ်တောတွေက ပင်လယ် အထိ ရောက်နေခဲ့တယ်။ ဒါကြောင့် ကျွန်တော်တို့က သစ်ပင်တွေကို မခုတ်ဘဲ မြေရိုင်းတွေကို မရှင်းလင်းရင် အီနာ မှာ စိုက်ပျိုးစရာ မြေ မရှိတော့ဘဲ၊ တိရစ္ဆာန် မွေးမြူရေး တစ်ခုတည်းကိုပဲ အားကိုးနေရရင် တိုးပွားလာတဲ့ လူဦးရေကို ကျွေးမွေးနိုင်မှာ မဟုတ်ဘူး။ တခြားနေရာကနေ ကောက်ပဲသီးနှံ ဝယ်ရမယ် ဆိုရင်လည်း ဈေးကြီးလို့ ပြည်သူတွေရဲ့ ဘဝကို အကြီးအကျယ် ထိခိုက်စေလိမ့်မယ်။ နိုင်ငံတော်ရဲ့ တခြားနေရာတွေမှာ စိုက်ပျိုးစရာ မြေတွေ အများကြီး အလွတ် ရှိနေရင် သူတို့က အီနာ မှာ နေချင်ပါ့မလား?! ဒါကြောင့် အီနာ ကို ဆက်ထိန်းထားဖို့ ဆိုရင် နိုင်ငံတော်က ကြီးမားတဲ့ ကုန်ကျစရိတ်တွေ ပေးရမှာမို့ မတန်ဘူးလေ!</p> <p>​ဒါ့အပြင် အီနာ မြို့က ဆိုရန်တမ် (Sorrentum) ကျွန်းဆွယ်နဲ့ တိုက်ရိုက် နယ်နိမိတ်ချင်း ဆက်နေပြီး၊ ပိုဆီဒိုးနီးယား (Poseidonia) နဲ့ ကီလိုမီတာ အနည်းငယ်ပဲ ကွာဝေးတဲ့ တောင်ဘက်မှာ မြို့ငယ်လေး အများစု ရှိတယ်။ ဒါကြောင့် ကုန်းလမ်းကနေ ဆက်သွယ်ထားတဲ့ လမ်း မရှိရင် ဆိပ်ကမ်းကနေ သယ်ယူပို့ဆောင်ရေး လုပ်ဖို့ အဆင်မပြေဘူး။ ပြီးတော့ လမ်းတွေ ဖောက်ဖို့လည်း အဲဒီသစ်ပင်တွေကို ခုတ်လှဲရဦးမယ်။ ဒါပေမဲ့ အရေးကြီးဆုံး အချက်ကတော့-"</p> <p>​အစီစတီးစ် က ပတ်ဝန်းကျင်ကို ကြည့်ပြီး လေးနက်တဲ့ လေသံနဲ့ ဆက်ပြောတယ်။</p> <p>​"လွန်ခဲ့တဲ့ ၁၀ နှစ်က စစ်ပွဲမှာ အကြီးအကျယ် ရှုံးနိမ့်သွားလို့ ဆမ်နိုက် တွေ ကျွန်တော်တို့ရဲ့ မဟာမိတ်တွေ ဖြစ်လာပေမယ့်၊ ကျွန်တော်တို့ သတိလက်လွတ် နေလို့ မရသေးပါဘူး။ မကြာသေးခင်က မြောက်ဘက်က ကော်ဒီနီ တွေ ကမ်ပါနီယန် မဟာမိတ် အဖွဲ့ကို ပြန်တိုက်ခိုက်နေတယ်လို့ ကျွန်တော် ကြားတယ်။ ပြီးတော့ အီနာ က နိုင်ငံတော်ရဲ့ ဗဟိုချက်နဲ့ အဝေးကြီးမှာ ရှိနေတော့၊ မတော်တဆ တစ်ခုခု ဖြစ်လာရင် ကျွန်တော်တို့ လီဂျင်တပ်မတွေ အချိန်မီ ရောက်လာနိုင်အောင် သယ်ယူပို့ဆောင်ရေး အဆင်ပြေဖို့ သေချာအောင် လုပ်ဖို့ လိုအပ်တယ်။ ဒါ့အပြင် ကျွန်တော်တို့ လီဂျင် တပ်သားတွေက မြေပြန့်မှာ ပိုပြီး အစွမ်းပြနိုင်ပြီး၊ ဆမ်နိုက် တွေက တောင်တောတွေထဲမှာ တိုက်ခိုက်တာ ပိုကျွမ်းကျင်တယ်။ ဒါကြောင့် မြေပြန့်က သစ်ပင်တွေကို ခုတ်လှဲတာက အီနာ ကို ကာကွယ်ဖို့လည်း ဖြစ်ပါတယ်..."</p> <p>​အစီစတီးစ် စကားဆုံးသွားတော့ အထက်လွှတ်တော် အမတ်တွေ အချင်းချင်း ဆွေးနွေးလာကြတယ်။ လွန်ခဲ့တဲ့ ရက်အနည်းငယ်က နေပယ် (Naples) က သတင်းပို့သမား တစ်ယောက် သူရီ ကို ရောက်လာပြီး ကော်ဒီနီ တွေ ကမ်ပါနီယန် မဟာမိတ် အဖွဲ့ကို တိုက်ခိုက်နေကြောင်း သတင်းပို့ထားတာကိုး။ ဆမ်နိုက် တွေက သဘောတူညီချက်ကို ဖောက်ဖျက်ပြီး နိုင်ငံတော်ကို စစ်ကြေညာရဲမယ်လို့ အထက်လွှတ်တော် အမတ်တွေ မထင်ကြပေမယ့်၊ အစီစတီးစ် ရဲ့ ကြိုတင် ပြင်ဆင်ထားတဲ့ ချဉ်းကပ်မှုကိုတော့ သူတို့ ကျေနပ်ကြတယ်။ ဒါကြောင့် ကရဲရူး လည်း ဘာမှ ဆက်မပြောနိုင်တော့ဘူး။</p> <p>​ဒါးဗို့စ် ကတော့ နှစ်ပေါင်းများစွာ လေ့ကျင့်ပေးပြီးနောက် အစီစတီးစ် တိုးတက်လာတာကို မြင်တော့ ခေါင်းညိတ်ပြလိုက်တယ်။</p> <p>​ဒါပေမဲ့ အဲဒီအချိန်မှာ မာရီဂျီ မတ်တပ်ရပ်ပြီး ယဉ်ယဉ်ကျေးကျေး မေးလိုက်တယ်။</p> <p>​"အရှင် အစီစတီးစ်... ကျွန်တော့်မှာ မေးခွန်း တစ်ခု ရှိပါတယ်။ ဒါက ခင်ဗျားရဲ့ အလုပ်တာဝန်နဲ့ မသက်ဆိုင်ပေမယ့်၊ ခင်ဗျားကို တိုင်ပင်ချင်လို့ပါ။ အီနာ မှာ ၆ နှစ်တာ အတွေ့အကြုံ ရှိတဲ့ ခင်ဗျား အနေနဲ့ ဆာဒီးနီးယား (Sardinia) နဲ့ ကော်စီကာ (Corsica) ကျွန်းတွေ အပေါ် ကာသေ့ချ် တွေရဲ့ ကုန်သွယ်ရေး လက်ဝါးကြီးအုပ်မှုကို ဘယ်လို ချိုးဖျက်ရမလဲ ဆိုတာနဲ့ ပတ်သက်ပြီး အကြံပြုချက်လေးတွေ ပေးနိုင်မလား"</p> <p>​ဒီမေးခွန်းက တကယ်ကို သူ့အလုပ်တာဝန်နဲ့ မသက်ဆိုင်တာကြောင့် အထက်လွှတ်တော် ခန်းမထဲမှာ ဆူညံသွားတယ်။</p> <p>​ဒါပေမဲ့ မာရီဂျီ ရဲ့ စိတ်အားထက်သန်တဲ့ အကြည့်ကို မြင်တော့ အစီစတီးစ် က သူ့ကို ခေါင်းညိတ်ပြနေတဲ့ ဒါးဗို့စ် ကို ကြည့်လိုက်တယ်။</p> <p>​ဒါကို မြင်တော့ အစီစတီးစ် က ဒီမေးခွန်းကို ငြင်းလို့ မရမှန်း သိလိုက်တယ်။ ဒါကြောင့် ခဏလောက် စဉ်းစားပြီးနောက် အစီစတီးစ် က ပြောလိုက်တယ်။</p> <p>​"ကာသေ့ချ် နဲ့ ချုပ်ဆိုထားတဲ့ သဘောတူညီချက်ထဲမှာ 'သီအိုနီယာ ကုန်သည် သင်္ဘောတွေ အိုက်ဘေးရီးယန်း (Iberian) ကျွန်းဆွယ် တောင်ပိုင်း၊ ဆာဒီးနီးယား နဲ့ ကော်စီကာ တွေဆီ ကုန်သွယ်ဖို့ သွားရောက်ခွင့် မပြုရ...' ဆိုတဲ့ အချက် ပါတာကို ကျွန်တော် မှတ်မိနေပါတယ်။ ဒါကြောင့် ဒီကျွန်းကြီး နှစ်ကျွန်းနဲ့ ကုန်သွယ်ရေးမှာ ကာသေ့ချ် ရဲ့ လက်ဝါးကြီးအုပ်မှုကို ပြောင်းလဲပြီး အဖိုးတန် သတ္တု အမြောက်အမြား ရယူနိုင်မယ့် တစ်ခုတည်းသော အကောင်းဆုံး နည်းလမ်းကတော့ ကာသေ့ချ် နဲ့ သဘောတူညီချက် အသစ် ပြန်လည် ချုပ်ဆိုဖို့ပါပဲ။</p> <p>​ဒါပေမဲ့ အိုက်ဘေးရီးယန်း ကျွန်းဆွယ် တောင်ပိုင်းနဲ့ ကျွန်းနှစ်ကျွန်း ကြားက ကုန်သွယ်ရေးဟာ ကာသေ့ချ် ရဲ့ ကြွယ်ဝချမ်းသာမှုကို ထောက်ပံ့ပေးနေတဲ့ အရေးကြီးဆုံး ကုန်သွယ်ရေး စျေးကွက် ဖြစ်တာကြောင့်၊ ကာသေ့ချ် တွေက ဒါကို လုံးဝ လက်လွှတ်မှာ မဟုတ်လို့ အဲဒါက မဖြစ်နိုင်သလောက်ပဲလို့ ကျွန်တော် ထင်ပါတယ်။ လွန်ခဲ့တဲ့ နှစ်တစ်ရာက မက်ဂနာ ဂရိ တွေ ဆာဒီးနီးယား ကို မျက်စိကျခဲ့လို့ ကာသေ့ချ် က ရေကြောင်း တိုက်ပွဲ နှစ်ကြိမ် စတင်ခဲ့ပြီး အနိုင်ရခဲ့ဖူးပါတယ်။ ဒါကြောင့် ကျွန်တော်တို့ အနေနဲ့ ကာသေ့ချ် နဲ့ သဘောတူညီချက်ကို ဖျက်သိမ်းပြီး စစ်မတိုက်ချင်ဘူး ဆိုရင် သူတို့ကို မရန်စတာ အကောင်းဆုံးပါပဲ"</p> <p>​အစီစတီးစ် ရဲ့ သတိပေးချက်ကို ကြားပြီးနောက် လူတွေက စိတ်ပျက်လက်ပျက်နဲ့ ခေါင်းယမ်းလိုက်ကြတယ်။ ဒီအဖြေက တခြား အထက်လွှတ်တော် အမတ်တွေရဲ့ အဖြေတွေနဲ့ ဘာမှ မကွာခြားလို့ပါ။</p> <p>​ဒါပေမဲ့ ရုတ်တရက် အစီစတီးစ် က စကားလမ်းကြောင်း ပြောင်းလိုက်တယ်။</p> <p>​"ဒါပေမဲ့... ကာသေ့ချ် က ကျွန်တော်တို့နဲ့ သဘောတူညီချက် ရှိထားပြီး ဆာဒီးနီးယား နဲ့ ကော်စီကာ က ဖိုနီးရှန်း (Phoenicians) တွေ အပေါ်မှာလည်း အလားတူ ကန့်သတ်ချက်တွေ ရှိထားပေမယ့်၊ ကာသေ့ချ် ထုတ်ကုန်တွေ ဘယ်လောက်ပဲ ကောင်းကောင်း ဒီကျွန်း နှစ်ကျွန်းက ဖိုနီးရှန်း တွေ လိုအပ်သမျှ အရာတိုင်းကိုတော့ သူတို့ မထုတ်လုပ်ပေးနိုင်ပါဘူး။ ဥပမာ - ဆာဒီးနီးယား တွေက ကာသေ့ချ် မြေအိုးတွေထက် အေသင် (Athens) မြေအိုးတွေကို ပိုကြိုက်တယ်လို့ ကြားဖူးပါတယ်။ ဒါကြောင့် ကာသေ့ချ် တွေက အေသင် မြေအိုးတွေကို ဝယ်ပြီး ဆာဒီးနီးယား တွေကို ဈေးပိုကြီးကြီးနဲ့ ပြန်ရောင်းကြတယ်။ ဒါ့အပြင် ကာသေ့ချ် ကနေ ဆာဒီးနီးယား နဲ့ ကော်စီကာ ကို ထုတ်ကုန်တွေ သယ်ယူပို့ဆောင်ရတဲ့ အခါ ခရီးအကွာအဝေး ဝေးတာကြောင့် သယ်ယူပို့ဆောင်ရေး စရိတ်တွေ တက်လာပြီး ထုတ်ကုန် ဈေးနှုန်းတွေလည်း မြင့်တက်လာပါတယ်။ ဒါပေမဲ့ ကျွန်တော်တို့သာ အီနာ၊ ပိုဆီဒိုးနီးယား နဲ့ ပစ်ဇူးစ် (Pyxous) တွေကနေ သူတို့ လိုအပ်တဲ့ ထုတ်ကုန်တွေကို ပိုကောင်းတဲ့ ဈေးနှုန်းနဲ့ ပို့ပေးနိုင်မယ် ဆိုရင်၊ ကျွန်း နှစ်ကျွန်းစလုံးက ဖိုနီးရှန်း ကုန်သည်တွေကို ဆွဲဆောင်နိုင်မယ်လို့ ကျွန်တော် ယုံကြည်ပါတယ်။</p> <p>​အခုဆိုရင် အီနာ ဈေးကွက်မှာ သူတို့ကို တစ်ခါတလေ တွေ့ရတတ်ပါတယ်။ ဒါပေမဲ့ ကျွန်တော်တို့ အဲဒီလို လုပ်ပြီးရင် လူပိုများများ လာအောင် ဆွဲဆောင်နိုင်မယ်လို့ ယုံကြည်ပါတယ်။ ဒါပေမဲ့ ကျွန်တော်တို့ အောင်မြင်ခဲ့ရင်တောင် ကြီးမားတဲ့ ကုန်သွယ်မှုမျိုး၊ အထူးသဖြင့် အဖိုးတန် သတ္တု ကုန်သွယ်မှုမျိုးတော့ လုပ်နိုင်မှာ မဟုတ်ပါဘူး။ ဘာပဲဖြစ်ဖြစ် ဒီကျွန်းတွေပေါ်က ဖိုနီးရှန်း တွေက ကာသေ့ချ် အပေါ် အများကြီး မှီခိုနေရတာကြောင့် ကာသေ့ချ် ရဲ့ အကျိုးစီးပွားကို အလွန်အကျွံ ထိခိုက်စေမယ့် အရာတွေကို လုပ်ဖို့တော့ အလားအလာ မရှိပါဘူး..."</p> <p>​"အဖြေအတွက် ကျေးဇူးတင်ပါတယ်" မာရီဂျီ က အစီစတီးစ် ရဲ့ အကြံပြုချက်က သူ့အတွေးတွေကို အတည်ပြုပေးလိုက်လို့ ပြုံးပြီး ပြန်ထိုင်လိုက်တယ်။</p> <p>​အဲဒီနောက် အထက်လွှတ်တော် အမတ် အတော်များများက မေးခွန်းတွေ မေးကြပြီး အစီစတီးစ် က ချောချောမွေ့မွေ့ ဖြေဆိုနိုင်ခဲ့တယ်။ သူ့ရဲ့ ကြေးစား နောက်ခံ၊ လူကာနီးယန်း တွေနဲ့ လက်ထပ်ထားတာ၊ ပြီးတော့ သူ့ဦးလေး အန်တိုနီးယော့စ် က စစ္စလီ အထက်လွှတ်တော် အမတ်တွေရဲ့ ခေါင်းဆောင် တစ်ယောက် ဖြစ်နေတာတွေကြောင့်၊ အစီစတီးစ် ရဲ့ အထက်လွှတ်တော် အမတ် အုပ်စုကြီး အတော်များများနဲ့ ဆက်ဆံရေး ရှိနေတာက တခြား အထက်လွှတ်တော် အမတ်တွေကို သူ့ကို ပြဿနာ မရှာရဲအောင်၊ သူ့အကဲဖြတ်မှုမှာ အတားအဆီး မလုပ်ရဲအောင် တားဆီးထားနိုင်ခဲ့တယ်။</p> <p>​မေးခွန်းမေးတဲ့ အပိုင်း ပြီးတော့မယ်လို့ မြင်တော့ အစီစတီးစ် က စိတ်လျှော့လိုက်ချင်တယ်။ ဒါပေမဲ့ ရုတ်တရက် ရင်းနှီးတဲ့ အသံ တစ်ခုကို ကြားလိုက်ရတယ်။</p> <p>​"မင်းကို မေးစရာ မေးခွန်း တစ်ခု ရှိတယ်"</p> <p>​အစီစတီးစ် က အရမ်း စိတ်လှုပ်ရှားသွားပြီး အမြန် လှည့်ကာ ရိုသေစွာ ပြောလိုက်တယ်။</p> <p>​"ဘုရင်မင်းမြတ်၊ ဘာမေးခွန်းများလဲ ခင်ဗျာ?!"</p> <p>​အထက်လွှတ်တော် အမတ်တွေလည်း နားစွင့်လိုက်ကြတယ်။</p> <p>​ဒါးဗို့စ် က မေးလိုက်တယ်။ "ကမ်ပါနီယန် တွေက ရောမ တွေအပေါ် ဘယ်လို ထင်ကြလဲ"</p> <p>​'ရောမ?' အထက်လွှတ်တော် အမတ် တချို့က ဒီနာမည်ကို စိမ်းနေကြတယ်။</p> <p>​အဲဒါကို ကြားပြီးနောက် အန်တိုနီးယော့စ် က ဒါးဗို့စ် က အစီစတီးစ် ကို တမင် ပစ်မှတ်ထားနေတာ မဟုတ်ဘူးဆိုတာ သေချာသွားလို့ စိတ်သက်သာရာ ရသွားတယ်။</p> <p>​မနေ့ညက သူ့တူနဲ့ စကားများခဲ့ပေမယ့် အစီစတီးစ် ရဲ့ စကားတွေက သူ့ကို သတိဝင်သွားစေတယ်။ ဒါကြောင့် ဒီနေ့ အစည်းအဝေးမှာ သူက ဒါးဗို့စ် ရဲ့ လှုပ်ရှားမှုတိုင်းကို စတင် အာရုံစိုက်နေခဲ့ပြီး၊ သံသယ မဖြစ်စေဖို့ အစီစတီးစ် ကို မေးခွန်း မမေးဘဲ ရှောင်နေခဲ့တာပါ။</p> <p>​"ဘုရင်မင်းမြတ်... ကမ်ပါနီယန် တွေနဲ့ ကျွန်တော် ဆက်ဆံခဲ့တဲ့ အချိန်တွေ အတွင်း မြောက်ဘက်က လက်တင် (Latin) မြို့ပြနိုင်ငံတွေ အကြောင်း သူတို့ ပြောခဲပါတယ်။ ဘာပဲဖြစ်ဖြစ် ရောမ နဲ့ ကမ်ပါနီးယား ကြားမှာ ဗိုလ်စကီ (Volsci) နဲ့ တခြား လက်တင် မြို့ပြနိုင်ငံတွေ ရှိနေသေးတာကိုး။ ဒါ့အပြင် ရောမ က ရေကြောင်း ကုန်သွယ်ရေးကို မဖွံ့ဖြိုးသေးတော့ ကမ်ပါနီးယား နဲ့ ကုန်သွယ်မှု အနည်းငယ်ပဲ ရှိပါတယ်။ ဒါကို ကြည့်ခြင်းအားဖြင့် သူတို့က ဒီမြို့ပြနိုင်ငံ အကြောင်း သိပ်မသိကြသလို သိပ်လည်း အရေးမပါဘူးလို့ ထင်ကြတာပါ။ ဒါပေမဲ့... တစ်ခါတလေ သူတို့ ရောမ အကြောင်း ပြောရင် 'အရိုင်းအစိုင်းဆန်တယ်'၊ 'ရန်လိုတယ်' ဆိုတဲ့ စကားလုံးတွေကို အမြဲ သုံးလေ့ ရှိပါတယ်။ ဒါကြောင့် ကမ်ပါနီယန် တွေက ရောမ ကို အထင်သေးသလို ကြောက်လည်း ကြောက်ကြတယ်လို့ ကျွန်တော် ခံစားရပါတယ်။ ဒါပေမဲ့ အဲဒါက နိုင်ငံတော် တည်ထောင်တဲ့ တတိယနှစ် (ဘီစီ ၃၉၀) မှာ အီထရပ်စကန် (Etruscan) နဲ့ လက်တင် မြို့ပြနိုင်ငံ အများအပြားကို ကျူးကျော် သိမ်းပိုက်ခဲ့တဲ့ ဆဲလ်တစ် (Celts) တွေကို ရောမ တွေ အနိုင်ယူခဲ့လို့လည်း ဖြစ်နိုင်ပါတယ်...."</p> <p>​အီနာ ကို ၆ နှစ် အုပ်ချုပ်ခဲ့တဲ့ အစီစတီးစ် ဟာ ရောမ တွေနဲ့ တစ်ခါမှ အဆက်အသွယ် မရှိခဲ့ပါဘူး။ ဒါပေမဲ့ လွန်ခဲ့တဲ့ ၃ နှစ်က အီနာ မြို့ဝန်အဖြစ် ဒုတိယအကြိမ် အရွေးခံရပြီးနောက်၊ ဒါးဗို့စ် က အစီစတီးစ် ကို ညစာစားပွဲ ဖိတ်ပြီး သူ့ကို ပြန်ပို့တဲ့ အချိန်မှာ ရောမ အကြောင်း ထည့်ပြောခဲ့လို့ အစီစတီးစ် စိတ်ဝင်စားသွားခဲ့တယ်။ ဒါကြောင့် သူက ဒီမေးခွန်းကို ဖြေဖို့ အပြည့်အဝ ပြင်ဆင်ထားခဲ့တာပါ။</p> <p>​ဒါးဗို့စ် က ဒီမေးခွန်းကို မေးရတဲ့ အကြောင်းရင်းက ကမ်ပါနီယန် တွေရဲ့ ရောမ တွေအပေါ် သဘောထားကို သိချင်လို့ပါ။ သူ့အရင်ဘဝ သမိုင်းမှာ ကမ်ပါနီယန် တွေက ဆမ်နိုက် တွေရဲ့ ကျူးကျော်မှုကို ခံရပြီးနောက် ရောမ ဆီကနေ အကူအညီ တောင်းဖို့ ဆုံးဖြတ်ခဲ့ကြတယ်။ ဘာလို့လဲဆိုတော့ သူတို့ ပတ်ဝန်းကျင်မှာ ရောမ ကလွဲရင် သူတို့ကို ကူညီနိုင်မယ့် တခြား အင်အားစု မရှိလို့ပါ။ တကယ်တော့ သူတို့က အခု ကမ်ပါနီယန် တွေလိုပဲ စိတ်ထဲမှာ တွေးခဲ့ကြတာ ဖြစ်နိုင်ပါတယ်။ ဒါပေမဲ့ တစ်ခုတည်းသော ကွာခြားချက်ကတော့ အခု သူတို့မှာ ပိုကြီးမားတဲ့ ကျောထောက်နောက်ခံ ရှိနေတာပါပဲ။ ပြီးတော့ သီအိုနီယာ ရဲ့ အကူအညီနဲ့ ဆမ်နိုက် တွေက သူတို့ကို ထပ်ပြီး မကျူးကျော်ရဲတော့လို့ သူတို့က ရောမ တွေဆီ လက်နက်ချသင့်မှာ မဟုတ်ဘူး... ဒါးဗို့စ် က အတွေးထဲ နစ်မျောနေပေမယ့် မျက်နှာကတော့ တည်ငြိမ်နေပြီး အစီစတီးစ် ကို ခေါင်းညိတ်ပြလိုက်တယ်။</p> <p>​ဒါးဗို့စ် မေးခွန်း မေးပြီးနောက် ဘယ်သူကမှ နောက်ထပ် မေးခွန်း မမေးတော့ဘူး။</p> <p>​အလှည့်ကျ စကားပြောသူ ကော်နီးလီယပ်စ် က အစီစတီးစ် ကို သူ့နေရာကို ပြန်ထိုင်ဖို့ ပြောလိုက်တယ်။</p> <p>​နောက်တစ်ဆင့်ကတော့ နိုင်ငံတော် နိုင်ငံ့ဝန်ထမ်း စီမံခန့်ခွဲရေး ကော်မတီ (Kingdom's Civil Servant Management Committee) က အထက်လွှတ်တော် အမတ် ၅ ဦးက အစီစတီးစ် ရဲ့ ၃ နှစ်တာ အီနာ အုပ်ချုပ်မှုအပေါ် အခြေခံပြီး အမှတ်ပေး အကဲဖြတ်ဖို့ပါ။ အစီစတီးစ် ရဲ့ စွမ်းဆောင်ရည်က 'ကောင်း' အဆင့် ရရှိခဲ့ပေမယ့် ဒီအမှတ်ကို လူသိရှင်ကြား မကြေညာပါဘူး။ ဘုရင် ဒါးဗို့စ် ရဲ့ အကဲဖြတ်မှု အပြီးမှာ၊ ကော်မတီက ဒီအမှတ်ကို အစီစတီးစ် ရဲ့ အနာဂတ် ခန့်အပ်မှုတွေအတွက် အရေးကြီးတဲ့ အထောက်အထား တစ်ခု အဖြစ် သိမ်းဆည်းထားမှာပါ။</p> <p>​"အစီအစဉ် အရ နောက်ထပ် အကြောင်းအရာကတော့..." ကော်နီးလီယပ်စ် က အသံကျယ်ကျယ်နဲ့ ပြောလိုက်တယ်။ "အီနာ ရဲ့ မြို့ဝန်သစ် ရွေးချယ်ရေးပါ"</p> <p>​အဲဒီနောက် သူက နောက်ကို လှည့်ပြီး "ဘုရင်မင်းမြတ်... စိတ်ထဲမှာ ရွေးထားတဲ့သူ ရှိပါသလား" လို့ မေးလိုက်တယ်။</p> <p>​ဒါက ကော်နီးလီယပ်စ် က ဒါးဗို့စ် ကို ဖားတာ မဟုတ်ပါဘူး။ အဆင့်မြင့် အရာရှိ တစ်ယောက်ကို ရွေးချယ်တဲ့ အခါ ဘုရင်မှာ ရွေးထားတဲ့သူ ရှိ၊ မရှိ အတည်ပြုတာက အထက်လွှတ်တော်ရဲ့ ထုံးစံ တစ်ခုပါ။ ရှိရင် သူတို့က ဆွေးနွေးပြီး သင့်တော်တယ် ထင်ရင် ခန့်အပ်လိုက်မှာပါ။ ဒါပေမဲ့ အများစုက ဘုရင် ရွေးချယ်ထားတဲ့သူဟာ အရည်အချင်း မပြည့်မီဘူးလို့ ထင်ရင် ဘုရင်ကလည်း သူ ရွေးချယ်ထားတဲ့သူကို ပြောင်းလဲနိုင်ပါတယ်။</p> <p>​ဒါက သီအိုနီယာ ဘုရင် တစ်ပါး အနေနဲ့ ရရှိထားတဲ့ အထူး အခွင့်အရေး ဖြစ်ပေမယ့်၊ ဒါးဗို့စ် က ဒါကို သိပ်မသုံးပါဘူး။ ဘာလို့လဲဆိုတော့ သူ တစ်ယောက်တည်း အကျိုးအမြတ် ရနေရင် လူတွေက သူ့ကို မုန်းသွားမယ် ဆိုတာ သိလို့ပါ။ ဒါ့အပြင် တူညီတဲ့ ရလဒ်ကို ရဖို့ မာရီဂျီ နဲ့ တခြားသူတွေကို လျှို့ဝှက်စွာ အကြောင်းကြားလို့ ရနေတာပဲ၊ ဘာလို့ လူသိရှင်ကြား လုပ်ရမှာလဲ?</p> <p>​"ငါ့မှာ ရွေးထားတဲ့သူ မရှိပါဘူး" ဒါးဗို့စ် က လက်ရန်းပေါ်မှာ လက်ချောင်းတွေနဲ့ ခေါက်လိုက်တယ်။ အဲဒီနောက် သေချာ စဉ်းစားပြီး ပြောလိုက်တယ်။ "ဒါပေမဲ့ အီနာ မြို့ဝန် ဖြစ်ဖို့ လိုအပ်ချက်တွေက တခြား မြို့တွေနဲ့ မတူဘူး။ နိုင်ငံတော်ရဲ့ အမြောက်ဘက်ဆုံး မြို့ ဖြစ်တဲ့အတွက်၊ နေရာဆက်ခံမယ့်သူက ကမ်ပါနီးယား နဲ့ ဆမ်နိုက် တွေနဲ့ ကျွန်တော်တို့ရဲ့ ဆက်ဆံရေးကို ဆက်လက် ကိုင်တွယ်ဖြေရှင်းရမှာ ဖြစ်ပြီး နိုင်ငံတော် အပေါ် သူတို့ရဲ့ သဘောကျမှုကို မြှင့်တင်ပေးရမှာပါ။ တစ်ချိန်တည်းမှာပဲ အီနာ ကို နိုင်ငံတော်နဲ့ အီတလီ အလယ်ပိုင်းနဲ့ မြောက်ပိုင်း ကြားက ရေကြောင်း ကုန်သွယ်ရေး အချက်အချာ နေရာ တစ်ခု ဖြစ်လာအောင် ဆက်လက် ဖွံ့ဖြိုးတိုးတက်အောင် လုပ်ဆောင်ရပါမယ်။</p> <p>​ဒါ့အပြင် အီနာ ပြည်သူတွေရဲ့ ဇာစ်မြစ်က ရှုပ်ထွေးပြီး ဓလေ့ထုံးစံတွေ မတူညီတာကြောင့် ပဋိပက္ခတွေနဲ့ အငြင်းပွားမှုတွေက ရှားပါးတဲ့ ကိစ္စ မဟုတ်ပါဘူး။ ဒါက ဆက်ခံမယ့်သူရဲ့ အုပ်ချုပ်ရေး စွမ်းရည်ကို စမ်းသပ်နေတာပါ။ ဒါကြောင့် ကိုယ်စားလှယ် အဖြစ် လျှောက်ထားမယ့် အထက်လွှတ်တော် အမတ်တွေနဲ့ ခင်ဗျားတို့ ရွေးချယ်မယ့် အထက်လွှတ်တော် အမတ်တွေ အနေနဲ့ ဆုံးဖြတ်ချက် မချခင် အဲဒါတွေကို သေချာ စဉ်းစားကြဖို့ မျှော်လင့်ပါတယ်!"</p> <p>​ဒါးဗို့စ် ရဲ့ စကားတွေက အထက်လွှတ်တော် အမတ်တွေကို နက်နက်နဲနဲ စဉ်းစားသွားစေတယ်။</p> <p>​</p> <p> </p> <p> </p> <p> </p> <p> </p> <p style="text-align: center;">အပိုင်း (၅၉၈) ပြီးဆုံး</p> <p style="text-align: center;">***</p>


Save