Book List

<h2 style="text-align: center;">အခန်း (၂)</h2> <h2 style="text-align: center;">အချိန်ပိုကြေး ယွမ် ၆၈၀,၀၀၀ ကျော် </h2> <h2 style="text-align: center;">*</h2> <p> </p> <p> </p> <p style="text-align:justify">ယင်းမတိုင်မီကဆိုလျှင် ဘဝကြီးသည် ဤမျှ လှပနေလိမ့်မည်ဟု ထန်ဖန်ကျင်း တစ်ယောက် ဘယ်တုန်းကမှ တွေးမထားခဲ့ဖူးချေ။</p> <p style="text-align:justify">ကောင်းကင်ဘုံက သူ့ကို ဟာသလုပ်နေသကဲ့သို့ပင်။ သို့သော် ကံကောင်းထောက်မစွာဖြင့် စနစ်က ပေါ်လာခဲ့ပြီး ပို၍အရေးကြီးသည်မှာ မစ်ရှင်ပြီးမြောက်ပါက ရရှိမည့် ဆုလာဘ်သည် သူ အသည်းအသန် လိုအပ်နေသော အသက်ရှင်ခွင့်ရက်များ ဖြစ်နေခြင်းပင်…။</p> <p style="text-align:justify">ဥပဒေရေးရာ နည်းလမ်းများ ဆိုသည်ကတော့ သူ အရင်ဘဝတုန်းကတည်းက လုပ်နေကျအလုပ်သာ ဖြစ်ပြီး ယခု သူ၏ အသက်ရှင်ခွင့်အတွက် သူ ဘာမဆို လုပ်ရဲသည်။</p> <p style="text-align:justify">သူ့ရှေ့ရှိ ဌာနမှူးလျိုကို ကြည့်ရင်း ထန်ဖန်ကျင်း တစ်ယောက် ပြေးသွားပြီး ပါးနှစ်ဖက်ကို ရွှတ်ခနဲ နမ်းပစ်လိုက်ချင်စိတ်များပင် ပေါက်လာသည်။ </p> <p style="text-align:justify">ကျေးဇူးရှင်ဆိုတာ ဘာလဲ။ ဒါမျိုးကို ကျေးဇူးရှင်လို့ ခေါ်တာပေါ့။</p> <p style="text-align:justify">"ဌာနမှူး... ဌာနမှူးလျို… ခင်ဗျားပြောတာ တကယ်လား" ထန်ဖန်ကျင်းက အလောတကြီး မေးလိုက်သည်။</p> <p style="text-align:justify">"ဟမ်... ဘာကို ပြောတာလဲ”</p> <p style="text-align:justify">"ဟို... ကြိုက်တဲ့နေရာ သွားတိုင် ဆိုတဲ့စကားလေ"</p> <p style="text-align:justify">"အဲဒါ... အဲဒါ တကယ်ပေါ့"</p> <p style="text-align:justify">"ကောင်းလိုက်တာ... တကယ်ကို ကောင်းလိုက်တာ"</p> <p style="text-align:justify">ထန်ဖန်ကျင်း သည် ခေါင်းကိုမော့ကာ စိတ်လှုပ်ရှားမှုများ အပြည့်အဝပါဝင်နေသော ရယ်သံကြီးဖြင့် ရယ်မောလိုက်တော့သည်။</p> <p style="text-align:justify">ဌာနမှူးလျို တစ်ယောက် လုံးဝကို ကြောင်အမ်းသွားသည်။ </p> <p style="text-align:justify">ဒီကောင် ဘာဖြစ်သွားတာလဲ။ စောစောလေးတင် သေတော့မယ့်သူလို သူ့ကို ပြန်အာခံနေပြီး အခုကျတော့ ထီပေါက်သွားတဲ့သူလို ဖြစ်နေပါလား။</p> <p style="text-align:justify">ဌာနတွင်းရှိ အခြားဝန်ထမ်းများကတော့ ရှောင်ထန် တစ်ယောက် ရူးသွားပြီဟု ထင်နေကြသည်...</p> <p style="text-align:justify">သို့သော် အနည်းငယ် ရယ်မောပြီးနောက် ထန်ဖန်ကျင်းက ချက်ချင်း ရပ်တန့်လိုက်ကာ ဌာနမှူးလျိုအား ကြည့်ပြီး ပြောလိုက်သည်။</p> <p style="text-align:justify">"ဌာနမှူးလျို… ခင်ဗျား ကျုပ်ကို အလုပ်ဖြုတ်တော့မယ်ဆိုမှတော့ လုပ်ငန်းစဉ်တွေကို မြန်မြန်လေး လုပ်ပေးပါ။ ကျုပ် လောနေလို့။ တကယ်ကို လောနေလို့ပါ"</p> <p style="text-align:justify">ဌာနမှူးလျို "..."</p> <p style="text-align:justify">၂၀၀% ပြီးမြောက်မှုဆိုသည်ကို အခြားသူများ နားမလည်နိုင်သော်လည်း ထန်ဖန်ကျင်း မြင်လိုက်သည်နှင့် သူ၏ခေါင်းထဲတွင် ပြီးပြည့်စုံသော အစီအစဉ် တစ်ခုက ချက်ချင်း ပေါ်လာခဲ့ပြီးဖြစ်သည်။</p> <p style="text-align:justify">ကုမ္ပဏီကို ဘယ်လို ပညာပေးရမလဲ။ အလုပ်ဖြုတ်ခံရလျှင် လျော်ကြေးရမည်။ သို့သော် ဥပဒေနှင့် မညီဘဲ အလုပ်ဖြုတ်ပါက နှစ်ဆလျော်ကြေး ရမည်ဖြစ်သည်။ သို့ရာတွင် ဤငွေကြေးသည် လုပ်သက်နှစ်များနှင့် သက်ဆိုင်နေသည်။</p> <p style="text-align:justify">သူ အလုပ်လုပ်သည်မှာ နှစ်နှစ်သာ ရှိသေးသဖြင့် လုပ်သက် x ၂ လစာ ရလျှင်တောင် ဘာမှ မဟုတ်သေးပေ။ ကုမ္ပဏီအတွက် ပညာပေးလောက်သည့် အဆင့်နှင့် အဝေးကြီး ဝေးနေသေးသည်။</p> <p style="text-align:justify">စနစ်၏ ပြီးမြောက်မှု အခြေအနေအရ ကြည့်လျှင် လုပ်သက် + ၁ လစာသည် ၅၀% ပြီးမြောက်မှု ဖြစ်သင့်ပြီး 2N သည် ၁၀၀% ဖြစ်မည်။</p> <p style="text-align:justify">သို့သော် ၁၀၀% ပြီးမြောက်လျှင် အသက်ရှင်ခွင့် တစ်ပတ်သာ ရမည်ဖြစ်ရာ သူ့အတွက် အသုံးမဝင်လှပေ။ ထို့ကြောင့် သူ၏ အသက်ရှင်ရေး ဖိအားကို လျော့ပါးစေရန် ၂၀၀% ပြီးမြောက်ရန် လိုအပ်သည်။</p> <p style="text-align:justify">ကင်ဆာရောဂါသည် လူတစ်ယောက်၏ သက်တမ်းကို အဆက်မပြတ် တိုက်စားနေသည် ဆိုသည်ကို သိထားရမည်...။</p> <p style="text-align:justify">ထန်ဖန်ကျင်း စဉ်းစားမိသော အမြင့်ဆုံး ပြီးမြောက်မှု အခြေအနေမှာ အချိန်ပိုကြေးပင် ဖြစ်သည်။</p> <p style="text-align:justify">သူ၏ အရင်ဘဝနှင့် ဤကမ္ဘာသည် အခြေခံအားဖြင့် ကွာခြားမှု မရှိပေ။ ဥပဒေများကပင် တူညီနေသည်။ သို့သော် သူ၏ အရင်ဘဝက အမှုအခင်း များစွာမှာ ဤကမ္ဘာတွင် မရှိသေးခြင်းသာ ဖြစ်သည်...</p> <p style="text-align:justify">ဥပမာအားဖြင့် အလုပ်ဆင်းပြီးနောက် စာတိုပေးပို့ရေး ဆော့ဖ်ဝဲလ်များမှတစ်ဆင့် ဆက်သွယ်ခြင်းသည် အချိန်ပိုအဖြစ် သတ်မှတ်နိုင်သလား၊ မည်သည့် အခြေအနေမျိုးတွင် အချိန်ပိုအဖြစ် အသိအမှတ် ပြုနိုင်သလဲ ဆိုသည်ကို သူ အသိဆုံးပင်။</p> <p style="text-align:justify">ဘာကြောင့်လဲဆိုတော့ ဤကိစ္စအတွက် လမ်းညွှန်အမှုအခင်းကို သူ၏ အရင်ဘဝတွင် သူကိုယ်တိုင် ဖန်တီးခဲ့ခြင်းကြောင့် ဖြစ်သည်။</p> <p style="text-align:justify">အလုပ်ဆင်းပြီးနောက် ဆက်သွယ်တာလား။ </p> <p style="text-align:justify">အဲဒါကို အချိန်ပိုလို့ ခေါ်တယ်ဗျ။ ကျေးဇူးပါပဲ။</p> <p style="text-align:justify">ရုံးဖွင့်ရက်များတွင် အလုပ်ဆင်းပြီးနောက် အချိန်ပိုကြေးသည် ပုံမှန်လစာ၏ ၁.၅ ဆ၊ စနေ၊ တနင်္ဂနွေများတွင် ၂ ဆ နှင့် ရုံးပိတ်ရက်များတွင် ၃ ဆ ဖြစ်သည်။</p> <p style="text-align:justify">သူက WeChat၊ DingTalk စသည်တို့၏ မှတ်တမ်းများကို အကြမ်းဖျင်း စစ်ဆေးကြည့်လိုက်သည်။ ဤကုမ္ပဏီတွင် ထိုသို့သော ဆက်သွယ်မှုများ နေ့စဉ်နီးပါး ရှိနေပြီး စနေ၊ တနင်္ဂနွေနှင့် ရုံးပိတ်ရက်များတွင်ပင် ရပ်နားခြင်း မရှိခဲ့ချေ။</p> <p style="text-align:justify">ဒါက ဘာကိုဆိုလိုတာလဲ။ ဆိုလိုတာက သူတော့ အကြီးအကျယ် ပွဲကြမ်းရတော့မည်...။</p> <p style="text-align:justify">.........</p> <p style="text-align:justify">အခြားတစ်ဖက်တွင် ဌာနမှူးလျိုသည် ကြောင်အမ်းနေသော်လည်း စကားများက ဤအခြေအနေအထိ ရောက်သွားပြီဖြစ်ရာ စီစဉ်ထားသည့်အတိုင်း ဆက်လုပ်ရုံသာ ရှိတော့သည်။</p> <p style="text-align:justify">သို့မဟုတ်ပါက ထိုသို့သောသူကို ဆက်ထားပါက အခြားသူများ၏ စိတ်ဓာတ်များပါ ကျဆင်းသွားပြီး အဖွဲ့ကို ဦးဆောင်ရန် ခက်ခဲသွားပေလိမ့်မည်။</p> <p style="text-align:justify">အပေါ်ထပ်ရှိ ရုံးခန်းအတွင်းတွင် ဌာနမှူးလျိုနှင့် မန်နေဂျာဝမ်တို့သည် သူဌေးကုလားထိုင်ပေါ်တွင် ထိုင်နေသော အမျိုးသားအား ကြည့်ကာ "မန်နေဂျာချုပ်ဟူ… အခြေအနေက အဲဒီလိုပါပဲ" ဟု ပြောလိုက်သည်။</p> <p style="text-align:justify">မန်နေဂျာချုပ်ဟူက ပေါ့ပေါ့ပါးပါးပင် "အဲဒါဆိုလည်း သူ့ကို အလုပ်ထုတ်လိုက်ပေါ့။ ဥပဒေရေးရာဌာနကို အကြောင်းပြချက် ရှာခိုင်းလိုက်။ သူက ဘယ်သူ့ကို လာခြောက်နေတာလဲ။ လုပ်ထုံးလုပ်နည်းအတိုင်းပဲ ဆက်လုပ်”</p> <p style="text-align:justify">သူ ခေတ္တရပ်လိုက်ပြီးနောက် ဆက်ပြောသည် "ဒီခေတ် လူငယ်တွေက ကြိုးစားချင်စိတ် လုံးဝ မရှိတော့ဘူး။ တစ်ယောက်ပြီး တစ်ယောက် ဗီဒီယိုအတိုတွေ အရမ်းကြည့်ပြီး သူတို့ကိုယ်သူတို့ လုပ်ငန်းခွင်ကို ပြုပြင်ပြောင်းလဲနိုင်မယ် လို့ ထင်နေကြတာ”</p> <p style="text-align:justify">"ကဲပါ... မင်းတို့နှစ်ယောက် သွားပြီး အလုပ်ဆက်လုပ်ကြတော့”</p> <p style="text-align:justify">Bluebird ကုမ္ပဏီ၏ သူဌေးအတွက်တော့ ဤသည်မှာ ကြီးကျယ်သောကိစ္စ မဟုတ်ပေ။ စကား နားမထောင်သော ဝန်ထမ်းများကို အလုပ်ထုတ်ပစ်ရုံသာ။ တစ်ဖက်လူ၏ စိတ်လှုပ်ရှားနေသော တုံ့ပြန်မှုနှင့် "ကောင်းလိုက်တာ" ဟု ပြောခြင်းသည် သူဌေးအမြင်တွင် ဟန်ဆောင်နေခြင်းသာ ဖြစ်သည်။</p> <p style="text-align:justify">ဝတ္ထုတွေထဲကလို ဝန်ထမ်းတွေက ခုံရုံးသွားတိုင်ရင် သူဌေးတွေက ကြောက်သွားလိမ့်မယ်လို့ သူတို့အားလုံး ထင်နေကြတာလား။</p> <p style="text-align:justify">ကုမ္ပဏီကို သေချာလေး လာပြောရင်တောင် သနားပြီး ပိုက်ဆံနည်းနည်းပါးပါး ပေးကောင်း ပေးနိုင်ပေမယ့် အခုလို အခြေအနေမျိုးမှာတော့ အိပ်မက်သာ မက်နေလိုက်တော့</p> <p style="text-align:justify">သူက မင်းကို လစာတိုးပေးမယ့်အစား အဲဒီပိုက်ဆံတွေကို အလှူငွေထည့်ပစ်လိုက်မယ်။ ဆင်းရဲသားတွေကို ပိုက်ဆံအလကားပေးတာက အပြစ်တစ်ခုပဲကွ သိလား။</p> <p style="text-align:justify">အချိန်သည် လျင်မြန်စွာ မွန်းလွဲပိုင်းသို့ ရောက်ရှိသွားပြီး ထန်ဖန်ကျင်းသည် အလုပ်ထုတ်စာကို လက်ခံရရှိလိုက်သည်။</p> <p style="text-align:justify">ထိုအထဲတွင် အကြောင်းပြချက်များစွာ ပါဝင်သည် - ကုမ္ပဏီ၏ စည်းမျဉ်းစည်းကမ်းများကို ဖောက်ဖျက်ခြင်း၊ လုပ်ဖော်ကိုင်ဖက်များကို စော်ကားခြင်း၊ အလုပ်တာဝန်များကို မထမ်းဆောင်နိုင်ခြင်း စသည်ဖြင့် ဖြစ်သည်။</p> <p style="text-align:justify">အတိုချုပ်ပြောရလျှင် ဤစာရွက်ကိုသာ ကြည့်မည်ဆိုပါက ကုမ္ပဏီကပင် တကယ်ကို မတရားခံရသည်ဟု ခံစားရနိုင်ပေသည်။</p> <p style="text-align:justify">WeChat၊ DingTalk အစရှိသော အလုပ်နှင့်သက်ဆိုင်သည့် ဂရုများအားလုံးမှ သူ့ကို ဖယ်ရှားလိုက်ပြီ ဖြစ်သော်လည်း ကိစ္စမရှိပေ။ တစ်နေကုန်နီးပါး အချိန်ရခဲ့သည်က ထန်ဖန်ကျင်း အတွက် လုံလောက်နေပြီ ဖြစ်သည်။ သူက ပရော်ဖက်ရှင်နယ်လေ။</p> <p style="text-align:justify">သူ၏ ပစ္စည်းများကို သယ်ကာ ကုမ္ပဏီမှ ထွက်ခွာလာချိန်တွင် ရောဂါကြောင့် ခန္ဓာကိုယ်က တုန်ယင်နေသော်လည်း ထန်ဖန်ကျင်း၏ ရင်ထဲတွင် မီးတောက်တစ်ခု လောင်ကျွမ်းနေသကဲ့သို့ ခံစားနေရသည်။</p> <p style="text-align:justify">အိမ်ပြန်ရောက်သည်နှင့်တပြိုင်နက် သူသည် အလုပ်သမားခုံရုံးသို့ တိုင်ကြားရန် လျှောက်လွှာနှင့် သက်သေအထောက်အထားများကို ချက်ချင်း စတင်ပြင်ဆင်တော့သည်။ အဓိကကတော့ သက်သေအထောက်အထားတွေပင်…။</p> <p style="text-align:justify">သေချာသည်မှာ ရှေ့နေလူလည် တစ်ယောက်အနေဖြင့် ထန်ဖန်ကျင်းသည် အလုပ်သမားခုံရုံးတွင် အမှုရှုံးနိုင်ခြေ မြင့်မားကြောင်း ကောင်းစွာ သိရှိထားသည်။</p> <p style="text-align:justify">အကြောင်းပြချက်မှာ ရိုးရှင်းပါသည်။ ဤကမ္ဘာတွင် အလားတူ အမှုအခင်းမျိုး ယခင်က မရှိခဲ့ဖူးသောကြောင့် အလုပ်သမားခုံရုံးက ထောက်ခံမည်မဟုတ်သလို ပထမအကြိမ် ကြားနာမှုတွင်ပင် ပယ်ချခံရနိုင်ခြေ ရှိသည်။</p> <p style="text-align:justify">ဥပဒေနယ်ပယ်တွင် "အချက်အလက်တွေအပေါ် အခြေခံပြီး ဥပဒေရဲ့ လမ်းညွှန်မှုအတိုင်း လုပ်ဆောင်ပါ" ဟု ဆိုရိုး ရှိသည်။ သို့သော် လုပ်ထုံးလုပ်နည်းဟောင်းများအတိုင်း လိုက်နာခြင်းသည် ကြီးမားသော ပြဿနာများကို မဖြစ်ပေါ်စေသော်လည်း အသစ်အဆန်းများကို မိတ်ဆက်ရာတွင်တော့ များစွာ ပြဿနာ ရှိနိုင်၏။</p> <p style="text-align:justify">အချို့သောအမှုများသည် တရားလွှတ်တော်ချုပ်အထိ သွားရန် လိုအပ်ပြီး ဤသည်မှာလည်း ဥပဒေ နယ်ပယ်၏ လက်တွေ့အခြေအနေပင် ဖြစ်သည်။ အခြားအရာများကြောင့် မဟုတ်ဘဲ ပြောင်းလဲမှုတစ်ခု ပြုလုပ်ရန် ဖိအားများကို ခံနိုင်ရည်ရှိရန် လိုအပ်ပြီး မည်သည့်လုပ်ငန်းခွင်တွင်မဆို ထိုနည်းတူပင် ဖြစ်သည်။</p> <p style="text-align:justify">နှစ်ရက်တိတိ ထန်ဖန်ကျင်းသည် အိမ်ပြင်မထွက်ခဲ့ပေ။ သူသည် မှောင်မိုက်ပြီး စိုစွတ်နေသော အခန်းငယ်လေးထဲတွင် အဆက်မပြတ် ပြင်ဆင်တွက်ချက်နေခဲ့သည်။</p> <p style="text-align:justify">သူသည် ဤကမ္ဘာတွင် ရှေ့နေတစ်ယောက် မဟုတ်သေးသော်လည်း ယခုနှစ်အတွက် ရှေ့နေလိုင်စင် စာမေးပွဲက နီးကပ်လာပြီဖြစ်ရာ စာမေးပွဲအား ဝင်ရောက် ဖြေဆိုရန် ရည်ရွယ်ထားသည်။</p> <p style="text-align:justify">ဤကမ္ဘာရှိ ရှေ့နေလိုင်စင်စာမေးပွဲသည် နှစ်စဉ်ကျင်းပဆဲ ဖြစ်ပြီး ဥပဒေဘွဲ့ မရထားသူများလည်း ဖြေဆိုခွင့်ရှိသည်မှာ ကံကောင်းခြင်းပင်...</p> <p style="text-align:justify">တတိယမြောက်နေ့ နံနက်ခင်းသို့ ရောက်ရှိလာခဲ့သည်။ ထန်ဖန်ကျင်းသည် သူ၏ နှစ်ရက်တာ ကြိုးပမ်းအားထုတ်မှု ရလဒ်ဖြစ်သော အထုတ်ကြီးတစ်ထုတ်ကို ဆွဲကာ အိမ်မှ ထွက်လာခဲ့သည်။</p> <p style="text-align:justify">နာရီဝက်အကြာတွင်တော့ သူသည် အလုပ်သမားခုံရုံး၏ ကောင်တာရှေ့တွင် ရပ်နေပြီ ဖြစ်သည်။</p> <p style="text-align:justify">"မင်္ဂလာပါ… ကျွန်တော် အလုပ်သမားခုံရုံးကို အမှုလာတိုင်ချင်လို့ပါ"</p> <p style="text-align:justify">အလုပ်သမားခုံရုံးမှ ဧည့်ကြိုဝန်ထမ်း မာယောင်းက သူမ၏ အလုပ်များဖြင့် ရှုပ်ယှက်ခတ်လုပ်နေရင်းမှ "မှတ်ပုံတင်နဲ့ လျှောက်လွှာပေးပါ..."</p> <p style="text-align:justify">"ကျွန်တော် အကုန်ယူလာပါတယ်။ နည်းနည်းလောက် မြန်မြန်လေး လုပ်ပေးပါ။ ကျွန်တော် လောနေလို့ပါ"</p> <p style="text-align:justify">ဘာတွေများ လောနေတာလဲ...။</p> <p style="text-align:justify">မာယောင်းက ခေါင်းမော့ကာ တစ်ခုခုပြောမည်အလုပ် ကောင်တာပေါ်တွင် တင်လိုက်သော အထုတ်ကြီး တစ်ထုတ်ကို မြင်လိုက်ရသည်။ သူမရှေ့ရှိ ဖြူဖျော့ဖျော့ လူငယ်လေးသည် ဇစ်ကိုဆွဲဖွင့်ကာ ကြည့်လိုက်ရုံဖြင့် ခေါင်းမူးသွားစေလောက်မည့် စာရွက်စာတမ်း အထပ်လိုက်ကြီးကို ဆွဲထုတ်လိုက်သည်။</p> <p style="text-align:justify">မာယောင်း တစ်ယောက် မသိမသာ တံတွေးမြိုချလိုက်မိသည် "ဒါတွေ... ဒါတွေ အကုန်လုံးပဲလား”</p> <p style="text-align:justify">"အကုန်လုံးပါပဲ။ အရင်ဆုံး ကြည့်လိုက်ပါဦး။ အဓိက တောင်းဆိုချက်တွေကတော့ ဥပဒေနဲ့မညီဘဲ အလုပ်ဖြုတ်မှု၊ လျော်ကြေးငွေ နှစ်ဆနဲ့ အချိန်ပိုကြေးတွေပါ”</p> <p style="text-align:justify">စာရွက်စာတမ်းပုံပေါ်ရှိ လျှောက်လွှာကို ကောက်ကိုင်လိုက်ရင်း မာယောင်းက ပြောလိုက်သည် "အို... အချိန်ပိုကြေးပါ ပါတာလား။ ကြည့်ရအောင်... အချိန်ပိုကြေး ခြောက်သိန်းရှစ်သောင်း သုံးထောင်... ဟမ်”</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save