Book List

<h2 style="text-align: center;">အခန်း (၃)</h2> <h2 style="text-align: center;">ဒါက ငွေညှစ်တာ မဟုတ်ဘူးလား</h2> <h2 style="text-align: center;">*</h2> <p> </p> <p> </p> <p style="text-align:justify">ဂဏန်းတန်းရှည်ကြီးအား ထပ်မံကြည့်ရှုပြီးနောက် မာယောင်း သည် ခေါင်းကိုမော့ကာ ကြောင်တောင်တောင်ဖြင့် ပြောလိုက်သည် "ထန်ဖန်ကျင်း ဟုတ်တယ်မလား။ ဒီပမာဏက မမှားဘူးဆိုတာ သေချာရဲ့လား။ အချိန်ပိုကြေး ခြောက်သိန်းကျော်ကြီးတောင်လား”</p> <p style="text-align:justify">ဂဏန်းပမာဏက များလွန်းနေရုံသက်သက်ကြောင့်တော့ မဟုတ်ပေ။ မျှမျှတတ ပြောရလျှင် သူမ အလုပ်သမားခုံရုံးတွင် အလုပ်လုပ်သည်မှာ မကြာသေးသော်လည်း ထိုကဲ့သို့ မတန်တဆများပြားသော လျော်ကြေးငွေများအကြောင်းကို ကြားဖူးပါသည်။ </p> <p style="text-align:justify">သို့သော် ထိုအရာများသည် လစာအလွန်မြင့်မားသူများ သို့မဟုတ် လုပ်သက် အလွန်ရှည်ကြာသူများ အတွက်သာ ဖြစ်ပြီး အများစုမှာ အလုပ်ထွက်ပြီးနောက် ရရှိသော လျော်ကြေးငွေ သို့မဟုတ် နစ်နာကြေးများသာ ဖြစ်ကြသည်။</p> <p style="text-align:justify">လုပ်သက်နှစ်နှစ်အတွင်း အချိန်ပိုကြေးက ဒီလောက်အထိ ရောက်သွားသည်ကို သူမ တစ်ခါမှ မကြားဖူးခဲ့ချေ...။</p> <p style="text-align:justify">ဒီပမာဏနဲ့ယှဉ်လိုက်ရင် ဥပဒေနဲ့မညီဘဲ အလုပ်ဖြုတ်ခံရလို့ရမယ့် နှစ်ဆလျော်ကြေးဆိုတာက ရေတစ်စက်လောက်ပဲ ရှိတော့သည်။</p> <p style="text-align:justify">ထန်ဖန်ကျင်းက စာရွက်စာတမ်းပုံကြီးကို လက်ညှိုးထိုးပြကာ ပြောလိုက်သည် "ဒီပမာဏက သေချာပါတယ်။ ခြောက်သိန်း ရှစ်သောင်း သုံးထောင် နှစ်ရာ့ဆယ့်သုံးယွမ်နဲ့ အကြွေ ငါးကျောက်ပါ။ အားလုံးကို အသေးစိတ် တွက်ချက်ထားတာမို့လို့ ခင်ဗျား ကြည့်လို့ရပါတယ်”</p> <p style="text-align:justify">မာယောင်းက စာရွက်စာတမ်းများကို စတင်လှန်လှောကြည့်ရင်း ပြောလိုက်သည် "ဒါပေမယ့် ရှင်ရဲ့ လျှောက်လွှာကို ကြည့်ရသလောက် ရှင် ဒီကုမ္ပဏီမှာ အလုပ်လုပ်တာ နှစ်နှစ်ပဲ ရှိသေးတယ်လေ။ ဘယ်လိုလုပ် ဒီလောက်များနေရတာလဲ... နေပါဦး။ ရှင်က အလုပ်ဆင်းပြီးနောက်ပိုင်း WeChat နဲ့ DingTalk ကနေ ဆက်သွယ်တာတွေကိုပါ အခြေခံပြီး တွက်ထားတာလား”</p> <p style="text-align:justify">အမှန်ပင်... စာရွက်စာတမ်းများကို ဖတ်ရှုရင်း မာယောင်း တစ်ယောက် တွက်ချက်မှု၏ အခြေခံကို နောက်ဆုံးတွင် တွေ့သွားခဲ့ပြီဖြစ်သည်။</p> <p style="text-align:justify">"ဟုတ်ပါတယ်။ ကျွန်တော် တင်ပြထားတဲ့ သက်သေအထောက်အထားတွေက ပြီးခဲ့တဲ့ နှစ်နှစ်အတွင်းမှာ ရုံးဖွင့်ရက်၊ စနေ တနင်္ဂနွေ ဒါမှမဟုတ် ရုံးပိတ်ရက်တွေပါမကျန် ဆက်သွယ်ရေးဆော့ဖ်ဝဲလ် အမျိုးမျိုးကနေ တစ်ဆင့် ကျွန်တော် အလုပ်လုပ်ခဲ့ရတယ် ဆိုတာကို သက်သေပြနိုင်ပါတယ်..."</p> <p style="text-align:justify">သို့သော် ထန်ဖန်ကျင်း၏ စကားမဆုံးခင်မှာပင် ဖြတ်ပြောခံလိုက်ရသည်။</p> <p style="text-align:justify">"ဒါပေမယ့် ဒါက... အလုပ်ဆင်းပြီးနောက် WeChat ကနေ စာပြန်တာကို အချိန်ပိုလို့ သတ်မှတ်လို့ ရလို့လား”</p> <p style="text-align:justify">သူမတွင် ထိုသို့သော သံသယများ ရှိနေခြင်းမှာ အံ့သြစရာတော့ မဟုတ်ပေ။ အလုပ်သမားခုံရုံး၏ ဝန်ထမ်းတစ်ဦးဖြစ်သော သူမလိုလူမျိုးပင် တိတိကျကျ မဆုံးဖြတ်နိုင်သော မေးခွန်းတစ်ခု ဖြစ်နေသည်ကိုး။ </p> <p style="text-align:justify">တရုတ်နိုင်ငံသည် Common Law နိုင်ငံ (တရားသူကြီးများ၏ ဆုံးဖြတ်ချက်ကို အခြေခံသော ဥပဒေစနစ် ကျင့်သုံးသည့် နိုင်ငံ) မဟုတ်သော်လည်း ယခင်ဖြစ်ပွားခဲ့သော အမှုအခင်းများသည် လုံးဝ အသုံးမဝင်ဘူးဟု ဆိုလိုခြင်း မဟုတ်ပေ။ သို့မဟုတ်ပါက တရားလွှတ်တော်ချုပ် နှစ်ခုက အဘယ့်ကြောင့် လမ်းညွှန်အမှုအခင်း များစွာကို ထုတ်ပြန်နေမည်နည်း။</p> <p style="text-align:justify">တစ်ဖက်လူ၏ တုံ့ပြန်မှုသည် ထန်ဖန်ကျင်း မျှော်လင့်ထားသည့်အတိုင်းပင် ဖြစ်သည်။</p> <p style="text-align:justify">သူ ထင်ထားသည့်အတိုင်းပင်။ ပြဋ္ဌာန်းပြီးသား စည်းမျဉ်းများကို လိုက်နာခြင်းက ကြီးမားသော ပြဿနာများကို မဖြစ်ပေါ်စေနိုင်သော်လည်း အသစ်အဆန်း ပြောင်းလဲမှုများ ပြုလုပ်ခြင်းကသာ ပြဿနာများကို ဖြစ်စေနိုင်သည်။ </p> <p style="text-align:justify">ဘာပဲဖြစ်ဖြစ် ဤကိစ္စကို အလုပ်သမားခုံရုံးက ဆုံးဖြတ်ပေးနိုင်လိမ့်မည် ဟု သူ ဘယ်တုန်းကမှ မမျှော်လင့်ထားခဲ့ပေ။ </p> <p style="text-align:justify">ထို့ကြောင့် ထန်ဖန်ကျင်းက တိုက်ရိုက်ပင် ပြောလိုက်သည် "အခြေအနေကတော့ ဒီလိုပါပဲဗျာ။ ဘာပဲဖြစ်ဖြစ် ကျွန်တော့်ရဲ့ တောင်းဆိုချက်တွေထဲမှာ ဒါတွေ ပါဝင်ပါတယ်။ ဒါပေမယ့် ခင်ဗျားတို့ဘက်က နည်းနည်းတော့ မြန်မြန်လေး လုပ်ပေးဖို့ လိုမယ်။ ကျွန်တော် တကယ်ကို လောနေလို့ပါ”</p> <p style="text-align:justify">မာယောင်းသည် ဤစကားကို ကြားသောအခါ မျက်မှောင်ကြုတ်သွားပြီးနောက် မတ်တတ်ရပ်ကာ လှမ်းခေါ်လိုက်သည် "အစ်မဝမ်… အစ်မဝမ်… ခဏလောက် ဒီကို လာခဲ့ပေးလို့ရမလား”</p> <p style="text-align:justify">"ဒီလျှောက်လွှာကို ကြည့်ပါဦး။ သူက အလုပ်ဆင်းပြီးနောက်ပိုင်းနဲ့ နားရက်တွေမှာ WeChat ကနေ ခဏခဏ ဆက်သွယ်ရတာတွေ ရှိခဲ့တယ်တဲ့။ အဲဒါကို သူက အချိန်ပိုအဖြစ် သတ်မှတ်တယ်တဲ့။ အစ်မ ဘယ်လိုထင်လဲ..."</p> <p style="text-align:justify">အစ်မဝမ် ဟုခေါ်သော အမျိုးသမီးကလည်း စာရွက်စာတမ်းများကို မြင်သောအခါ အေးခဲသွားသော်ငြား ချက်ချင်းပင် ပြန်ပြောလိုက်သည် "တစ်ဖက်လူက ဒီတောင်းဆိုချက်ကိုပဲ အတင်းတောင်းဆိုနေတာ မဟုတ်လား။ အဲဒါဆိုရင်လည်း ပုံမှန် လုပ်ထုံးလုပ်နည်းအတိုင်းပဲ ဆက်လုပ်လိုက်ပါ”</p> <p style="text-align:justify">မာယောင်းက ခေါင်းညိတ်ကာ ထိုင်ချလိုက်ပြီး ပြောသည် "ထန်ဖန်ကျင်း ဟုတ်တယ်မလား။ ကျွန်မ ရှင်းပြပါရစေ။ စာရွက်စာတမ်းတွေကို လက်ခံရရှိပါပြီ။ ရလဒ်တစ်ခုခု ထွက်လာတာနဲ့ ရှင့်ကို အကြောင်းကြားပေးပါ့မယ်။ ရှင် အရင် ပြန်လို့ရပါပြီ”</p> <p style="text-align:justify">မည်သည့် တွေဝေမှုမှမရှိဘဲ ထွက်ခွာသွားသော ထန်ဖန်ကျင်းကို ကြည့်ရင်း မာယောင်းက သိချင်စိတ်ဖြင့် မေးလိုက်သည် "အစ်မဝမ်… ဒီတောင်းဆိုချက်ကို အတည်ပြုပေးလိမ့်မယ်လို့ ထင်လား။ ဒီလိုမျိုး ကျွန်မ တစ်ခါမှ မမြင်ဖူးဘူး”</p> <p style="text-align:justify">အစ်မဝမ်က နှုတ်ခမ်းမဲ့ကာ ပြောလိုက်သည် "ဒီမှာတော့ ဖြစ်နိုင်ခြေနည်းတယ်။ ငါထင်တာတော့ သူက ရှေ့နေတစ်ယောက်ယောက်ရဲ့ လိမ်ညာတာကို ခံလိုက်ရတာနေမယ်။ ဒီစာရွက်စာတမ်းပုံကြီးကို ကြည့်ဦး။ ရှေ့နေခက သေချာပေါက် နည်းမှာမဟုတ်ဘူး"</p> <p style="text-align:justify">မကြာမီပင် ဤလျှောက်လွှာ စာရွက်စာတမ်းများသည် ခုံရုံးအတွင်း ပျံ့နှံ့သွားခဲ့သည်။ ယခင်ကလည်း အလားတူ လျှောက်လွှာမျိုး ရှိခဲ့ဖူးသည်။</p> <p style="text-align:justify">သို့သော် ထိုကဲ့သို့ စာရွက်စာတမ်းများသည် မသိနားမလည်သူများကို မျက်စိလှည့်စားရန် သို့မဟုတ် ဟန်ပြသက်သက်သာ ဖြစ်ကြောင်း သိသာလှသည်။ အလုပ်သမားခုံရုံးက အခကြေးငွေ မယူသောကြောင့် အချို့လူများက ဖြစ်သလို ရေးတတ်ကြသည်။</p> <p style="text-align:justify">သို့သော် ထန်ဖန်ကျင်း ပြင်ဆင်ထားသော စာရွက်စာတမ်းများသည် တကယ်ကို အသေးစိတ်ကျပြီး ခိုင်မာလှသည်။ အချိန်ပို မည်မျှလုပ်ခဲ့ရသည်။ အချိန်ပိုအတွက် သက်သေအထောက်အထားများနှင့် အချိန်ပိုကြေး တွက်ချက်မှုများ အားလုံး တိကျရှင်းလင်းစွာ ပါဝင်နေသည်။</p> <p style="text-align:justify">ယခုအခါ ဖြေရှင်းရန် မေးခွန်း တစ်ခုသာ ကျန်တော့သည် : အလုပ်ချိန်ပြင်ပတွင် ဆက်သွယ်ရေးဆော့ဖ်ဝဲလ်မှ တစ်ဆင့် ဆက်သွယ်ခြင်းသည် အချိန်ပိုအဖြစ် သတ်မှတ်နိုင်ပါသလား။</p> <p style="text-align:justify">ထန်ဖန်ကျင်းကတော့ အခြား ဘာမှမလုပ်ဘဲ ယခုနှစ်အတွက် ရှေ့နေလိုင်စင်စာမေးပွဲ ဖြေဆိုရန်သာ ပြင်ဆင်နေခဲ့သည်။ </p> <p style="text-align:justify">ဟုတ်ပါသည်။ အရင်ဘဝက နာမည်ကြီးရှေ့နေဖြစ်ခဲ့သော အဘိုးကြီးထန် တစ်ယောက် ယခုအချိန်တွင် ရှေ့နေလိုင်စင်စာမေးပွဲ ဖြေဆိုရန် ပြင်ဆင်နေရဆဲပင်။ </p> <p style="text-align:justify">စဉ်းစားကြည့်ပါ။ မင်းက အိမ်ထောင်ရေးဥပဒေကို ဆယ်နှစ်လောက် ကိုင်တွယ်လာခဲ့ပြီး အခု ရုတ်တရက် ရာဇဝတ်မှုဥပဒေ စာမေးပွဲကို သွားဖြေရမယ်။ အဲဒီစာမေးပွဲကလည်း နေ့စဉ်ဘဝမှာ တစ်ခါမှ မသုံးဖူးတဲ့ ရှုပ်ထွေးပြီး ရှားပါးတဲ့ အမှုအခင်းတွေအကြောင်း ဖြစ်နေမယ်...</p> <p style="text-align:justify">ဒီလိုအခြေအနေမှာ စာမေးပွဲကျတယ်ဆိုတာ တကယ်ကို သာမန်ပါပဲ။</p> <p style="text-align:justify">နာမည်ကြီးရှေ့နေတွေက စာမေးပွဲကို အလွယ်တကူ အောင်မြင်သွားကြတယ်ဆိုတဲ့ စကားတွေကိုတော့ နားထောင်ပြီးရင် မေ့သာပစ်လိုက်ပါ...။ ထို့ကြောင့် ထန်ဖန်ကျင်းက စာများကို အစွမ်းကုန် ကျက်မှတ် လေ့လာရလေတော့သည်။</p> <p style="text-align:justify">တစ်ပတ်တာအချိန်သည် မျက်တောင်တစ်ခတ်အတွင်း ကုန်ဆုံးသွားခဲ့သည်။</p> <p style="text-align:justify">ကျင်းကျိုးမြို့ရှိ Bluebird အင်တာနက် စီမံခန့်ခွဲမှု ကုမ္ပဏီလီမိတက်အတွင်းတွင်တော့ သဟဇာတ ဖြစ်မှုတွေက အပြည့်အဝ ရှိနေဆဲပင်။</p> <p style="text-align:justify">ဌာနမှူးလျို တစ်ယောက် မကြာသေးမီက အလွန် ပျော်ရွှင်နေခဲ့သည်။ ပြဿနာရှာတတ်သူများအတွက် ဂေါ်ဒီးယန်းကြိုးထုံးကို ဓားဖြင့် ဖြတ်ချလိုက်သလို အမြန်ဆုံး ရှင်းလင်းပစ်သင့်ကြောင်း အချက်အလက်များက သက်သေပြနေသည်။ </p> <p style="text-align:justify">ရလဒ်ကတော့ အလွန်ကောင်းမွန်လှသည်။ ယခုအခါ သူ၏ဌာနတွင် မည်သူမှ ပြဿနာ မရှာရဲကြတော့ပေ။ </p> <p style="text-align:justify">ညဘက် ကာစတန်မာတွေနဲ့ ဆက်သွယ်ခိုင်းတာ ဘာများမှားနေလို့လဲ။ မက်ဆေ့ချ်တစ်ခုကို ပြန်ခိုင်းတာ ဘာများမှားနေလို့လဲ။ </p> <p style="text-align:justify">နောက်ထပ် တနင်္လာနေ့ နံနက်ခင်း အစည်းအဝေးတစ်ခုသို့ ရောက်ရှိလာပြန်ပြီး ဌာနမှူးလျိုသည် အရှေ့ဆုံးတွင် မတ်တပ်ရပ်ကာ လေးလေးနက်နက် ပြောဆိုနေသည်။</p> <p style="text-align:justify">"မင်းတို့ဘာသာ စဉ်းစားကြည့်ကြ။ ကုမ္ပဏီက မင်းတို့ကို ဒုက္ခပေးပါ့မလား။ မင်းတို့အားလုံး အိမ်ပြန်ရောက်ရင် ဖုန်းသုံးကြတယ် မဟုတ်လား။ ဗီဒီယိုတွေကြည့်မယ်။ ဝတ္ထုတွေဖတ်မယ်။ ဂိမ်းတွေဆော့မယ်။ မင်းတို့အရွယ်မှာ အသစ်အဆန်းတွေ ပိုသင်ယူတာက ထိခိုက်နစ်နာစရာ မရှိပါဘူးကွ”</p> <p style="text-align:justify">"ဒါ့အပြင် လူငယ်တွေဆိုတာ အခက်အခဲတွေကို သည်းခံနိုင်ဖို့ လိုသေးတယ်။ ငါတို့ရဲ့ မန်နေဂျာချုပ်ဟူကို ကြည့်။ မန်နေဂျာဝမ် ကို ကြည့်။ သူတို့ ငယ်ငယ်တုန်းက ဒုက္ခမရောက်ခဲ့တဲ့သူ ဘယ်သူရှိလဲ။ အားလုံး ဖြတ်သန်းခဲ့ရတာချည်းပဲ။ မန်နေဂျာချုပ်ဟူ ဆိုရင် ငယ်ငယ်တုန်းက တစ်နေ့ကို သုံးနာရီပဲ အိပ်ခဲ့ရတာကွ သိလား”</p> <p style="text-align:justify">"ကဲပါ... ငါ အပိုစကားတွေ မပြောတော့ဘူး။ အတွေ့အကြုံရှိတဲ့သူ တစ်ယောက်အနေနဲ့ ငါ မင်းတို့ကို ပြောချင်တာက လူငယ်တွေအနေနဲ့ ငွေကို ပထမဦးစားပေး မထားသင့်ဘူး။ အချိန်တိုင်း ငွေအကြောင်းချည်းပဲ မပြောကြနဲ့။ မင်းတို့ရဲ့ ကျွမ်းကျင်မှုတွေကို သေချာသင်ယူထားရင် ငွေရှာဖို့ အခွင့်အရေးတွေ အများကြီး ရလာလိမ့်မယ် သိလား။ ကဲ... အားလုံး ကိုယ့်နေရာကိုယ် ပြန်သွားလို့ရပြီ”</p> <p style="text-align:justify">ဟူး... ဒီဆိုးရွားတဲ့ ခေတ်ရေစီးကြောင်းကြီး လူ့အဖွဲ့အစည်းထဲမှာ ဘယ်အချိန်ကတည်းက စတင်ခဲ့လဲဆိုတာတော့ မသေချာဘူး။ အားလုံးက ငွေအကြောင်းချည်းပဲ ပြောနေကြတယ်။ ကျောင်းကနေ အခုမှ ဘွဲ့ရခါစ ကောင်တွေတောင် ငွေဘယ်လောက်ရမလဲ ဆိုတာကိုပဲ ပြောနေကြတယ်။</p> <p style="text-align:justify">ပြီးတော့ တချို့လူတွေဆို ပြဿနာလေး နည်းနည်းတက်တာနဲ့ အချိန်ပိုကြေး တောင်းကြတယ်။ အရင်ခေတ်တွေကလို မဟုတ်တော့ဘူး...။</p> <p style="text-align:justify">ထိုအချိန်တွင် တံခါးဝရှိ လုံခြုံရေးဝန်ထမ်းတစ်ဦးက အော်ပြောလိုက်သည် "ဌာနမှူးလျို… ဌာနမှူးလျို… ဒီမှာ စာရွက်စာတမ်းတစ်ခု ရှိတယ်။ အလုပ်သမားခုံရုံးက လာပို့တာပါ”</p> <p style="text-align:justify">ဟမ်...</p> <p style="text-align:justify">"အလုပ်သမားခုံရုံး" ဆိုသော စကားလုံးက လူတိုင်း၏ အာရုံကို ချက်ချင်း ဖမ်းစားသွားသည်။ ဌာနမှူးလျိုက လှည့်ကြည့်ကာ ပြောလိုက်သည်။</p> <p style="text-align:justify">"မင်းတို့အားလုံး ဘာရပ်လုပ်နေကြတာလဲ။ အလုပ်သွားလုပ်ကြလေ။ ကုမ္ပဏီက မင်းတို့ကို ပိုက်ဆံပေးထားတာ အလုပ်လုပ်ဖို့ကွ။ ဇာတ်လမ်းကြည့်ဖို့ မဟုတ်ဘူး"</p> <p style="text-align:justify">ထိုသို့ပြောပြီးနောက် သူက လုံခြုံရေးဝန်ထမ်းထံသို့ လျှောက်သွားကာ ယူနီဖောင်းဝတ်ထားသော လူငယ်လေးအား ကြည့်ပြီး မေးလိုက်သည် "အလုပ်သမားခုံရုံးက စာရွက်စာတမ်း လာပို့တာလား”</p> <p style="text-align:justify">လူငယ်လေးက ခေါင်းညိတ်ကာ လျှောက်လွှာမိတ္တူနှင့် အခြားစာရွက်စာတမ်းများကို ကမ်းပေးရင်း ပြောလိုက်သည် "ကျွန်တော်တို့ ဒီနေရာမှာ တစ်ခါတည်း အသိပေးရမှာက ခင်ဗျားတို့အနေနဲ့ ဒီစာရွက်တွေကို လက်ခံရရှိပြီး ဆယ်ရက်အတွင်း ချေပလွှာ တင်သွင်းရပါမယ်။ တကယ်လို့ မတင်သွင်းဘူးဆိုရင်..."</p> <p style="text-align:justify">ဌာနမှူးလျိုက လျှောက်လွှာမိတ္တူကို လှမ်းယူလိုက်ပြီး မျက်မှောင်ကြုတ်ကာ ဖတ်ကြည့်လိုက်ရာ သူ၏ မျက်နှာမှာ ချက်ချင်းဆိုသလို သိသိသာသာ ပြောင်းလဲသွားတော့သည်။ သူက အသံကုန် အော်ဟစ်လိုက်သည် "အချိန်ပိုကြေးက ခြောက်သိန်းရှစ်သောင်းကျော်ကြီးတောင်လား"</p> <p style="text-align:justify">သူ တကယ်ကို အံ့သြသွားခြင်း ဖြစ်သည်။ ထိုမျှ ကျယ်လောင်စွာ အော်ဟစ်လိုက်သဖြင့် အနီးအနား ရုံးခန်းဧရိယာရှိ အခြားဌာနများမှ ဝန်ထမ်းများပင် ကြားသွားကြသည်။</p> <p style="text-align:justify">ထို့အပြင် ကြောက်မက်ဖွယ် ပမာဏကြီးနှင့် "အချိန်ပိုကြေး" ဆိုသော စကားလုံးပေါင်းစပ်မှုက အလွန်တရာ မျက်စိကျစရာကောင်းလှသဖြင့် လူများစွာက လှမ်းကြည့်လာကြသည်။</p> <p style="text-align:justify">ဌာနမှူးလျိုက ယခုအချိန်တွင် အခြားမည်သည့်အရာကိုမှ ဂရုမစိုက်နိုင်တော့ချေ။ သူ၏ရှေ့ရှိ လူငယ်လေးအား ကြည့်ကာ အော်ပြောလိုက်သည်။</p> <p style="text-align:justify">"ဒါက ဘာသဘောလဲ။ မင်းတို့ အလုပ်သမားခုံရုံးက ဒါကို ဘယ်လို ကိုင်တွယ်တာလဲ။ အချိန်ပိုကြေး ခြောက်သိန်းရှစ်သောင်းကျော်တဲ့လား။ ဒါက ငွေညှစ်တာ မဟုတ်ဘူးလား။ ပြီးတော့ မင်းတို့က ဒါကို ငါတို့ဆီ လာပို့ပေးတယ်ပေါ့လေ"</p> <p style="text-align:justify">ယွမ် ခြောက်သိန်းရှစ်သောင်းကျော် ဆိုသည်မှာ အမှန်ပင် နည်းပါးသော ပမာဏ မဟုတ်ပေ။ အဓိကအချက်မှာ ထန်ဖန်ကျင်း ဆိုသည်က သူကိုယ်တိုင် အလုပ်ထုတ်ရန် အကြံပြုခဲ့သူ ဖြစ်နေခြင်းပင်…။</p> <p style="text-align:justify">သူ ဘယ်လိုလုပ် လုပ်ရဲရတာလဲ။ ဒီလောက် ပိုက်ဆံအများကြီး တောင်းရဲတယ်ပေါ့လေ။</p> <p style="text-align:justify">အလုပ်သမားခုံရုံးမှ ဝန်ထမ်းလေးကလည်း ချက်ချင်း ပြောလိုက်သည်။ "ကျွန်တော်က စာရွက်စာတမ်း လာပို့တာပါ။ ကျွန်တော့်ကို လာမအော်ပါနဲ့။ အသေးစိတ်ကိုတော့ ဥပဒေက ဆုံးဖြတ်ပါလိမ့်မယ်။ ကျေးဇူးပြုပြီး လက်ခံရရှိကြောင်း လက်မှတ်ထိုးပေးပါ”</p> <p style="text-align:justify">ဌာနမှူးလျို တစ်ခုခုပြောမည်အလုပ် မန်နေဂျာဝမ်က လျှောက်လာခဲ့ပြီး မျက်မှောင်ကြုတ်ကာ ပြောလိုက်သည် "အဘိုးကြီးလျို… မင်း ဘာတွေ အော်နေတာလဲ။ အချိန်ပိုကြေး ခြောက်သိန်းရှစ်သောင်းက ဘာလဲ။ မင်း ဘာလုပ်နေတာလဲ”</p> <p style="text-align:justify">ဌာနမှူးလျိုက ကမန်းကတန်း ပြန်ပြောလိုက်သည် "မန်နေဂျာဝမ်… ခင်ဗျားကိုယ်တိုင်သာ ကြည့်ပါတော့ဗျာ။ ဟိုထန်ဖန်ကျင်းလေ။ သူက အလုပ်သမားခုံရုံးကို တိုင်ထားတယ်။ အချိန်ပိုကြေး ခြောက်သိန်းရှစ်သောင်းကျော် တောင်းထားတယ်တဲ့"</p> <p style="text-align:justify">မန်နေဂျာဝမ် သည်လည်း ထိုအရာကို မြင်သောအခါ အေးခဲသွားတော့သည်။ အထူးသဖြင့် ထိုအချိန်ပိုကြေးများထဲတွင် အလုပ်ဆင်းပြီးနောက် ဆက်သွယ်မှုများ ပါဝင်နေသည်ကို မြင်လိုက်ရသောအခါ သူ ပို၍ပင် မကျေမနပ် ဖြစ်သွားတော့သည်။</p> <p style="text-align:justify">သို့သော် နောက်ဆုံးတွင်တော့ သူ ဒေါသတကြီး မတုံ့ပြန်ခဲ့ဘဲ ဤသို့သာ ပြောလိုက်သည် "ကဲပါ ကဲပါ... ငါတို့ လက်မှတ်ထိုးပေးလိုက်မယ်။ အဘိုးကြီးလျို… အရမ်းကြီးလည်း လန့်မနေစမ်းပါနဲ့။ ဒီလောက် ယုတ္တိမရှိတဲ့ တောင်းဆိုချက်မျိုးကို ခုံရုံးက အတည်ပြုပေးလိမ့်မယ်လို့ မင်း တကယ် ထင်နေတာလား။ ဒါက ဟာသပဲ”</p> <p style="text-align:justify">ထိုအခါ ဌာနမှူးလျိုလည်း ဖြည်းဖြည်းချင်း စိတ်တည်ငြိမ်သွားသည်။ သူ ခုနက ကြောက်မက်ဖွယ် ဂဏန်း ပမာဏကြီးကြောင့် အနည်းငယ် လန့်သွားခြင်းသာ ဖြစ်သည်။ ထန်ဖန်ကျင်းက သူနှင့် တစ်ကြိမ် စကားများခဲ့ဖူးသော်လည်း ရိုးသားသူတစ်ယောက်ဟူသော ပုံရိပ်က သူ့စိတ်ထဲတွင် စွဲထင်နေဆဲပင်...။</p> <p style="text-align:justify">"တစ်ဖက်လူက ပိုက်ဆံရဖို့အတွက် ဒီလို ဟန်ပြလုပ်နေတာပါ။ မင်း ခုံရုံးသွားတဲ့အခါ သူ့ကို ပြောလိုက်။ သေသေချာချာ ကောင်းကောင်းမွန်မွန် ပြောရင် ငါတို့ တစ်ခုခု ပေးမယ်လို့။ မဟုတ်ရင်တော့ သူ ဖြည်းဖြည်းချင်းသာ စောင့်နေတော့လို့”</p> <p style="text-align:justify">ဘယ်သူကမှ ဒီကိစ္စကို အလေးအနက် မထားခဲ့ကြပေ။ သူက လူငယ်လေးတစ်ယောက်ပဲလေ။ သူ ဗီဒီယိုအတိုတွေ အရမ်းကြည့်ပြီး ရူးနေတာလား ဘယ်သူသိမှာလဲ။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save