Book List

<h2 style="text-align: center;">အခန်း (၅)</h2> <h2 style="text-align: center;">တိုက်ဆိုင်လိုက်တာ</h2> <h2 style="text-align: center;">*</h2> <p> </p> <p> </p> <p style="text-align:justify">ကွမ်မင် ခရိုင်တရားရုံး၏ အမှုဖွင့်ကောင်တာတွင်… ဝန်ထမ်းဖြစ်သူသည် သူ့ရှေ့ရှိ လူငယ်လေးကို တစ်လှည့်၊ အပြည့်ထည့်ထားသော စာရွက်စာတမ်းအိတ်ကြီးကို တစ်လှည့် ကြည့်လိုက်ပြီးနောက် သူ့အလိုလို ကုလားထိုင်ပေါ်သို့ နောက်မှီချလိုက်မိသည်။</p> <p style="text-align:justify">"အကုန်လုံး ပါရဲ့လား။ ဒါက အလုပ်သမား အငြင်းပွားမှု အမှုပဲ။ အနုညာတ ခုံရုံး ဖြတ်ပြီးပြီလား... အို… မင်းရဲ့ အနုညာတ ရလဒ်တွေကို တွေ့ပြီ”</p> <p style="text-align:justify">ကောင်းလိုက်လေ။ ကြည့်ရတာ ဒီနေ့လည်း သူ အချိန်ပို ဆင်းရဦးမယ့်ပုံပဲ။ </p> <p style="text-align:justify">အမှုဖွင့်ရန် စစ်ဆေးသည့် ကောင်တာဆိုသည်မှာ စာရွက်စာတမ်းများကို လက်ခံရုံသက်သက် မဟုတ်ဘဲ အမှုဖွင့်၍ ရ၊ မရ သိနိုင်ရန် စာရွက်စာတမ်းတိုင်းကို စစ်ဆေးရခြင်း ဖြစ်သည်။</p> <p style="text-align:justify">ထို့အပြင် ဒီလူငယ်လေးက သူတစ်ယောက်တည်း အမှုလာဖွင့်တာလေ။ သူက ရှေ့နေတောင် မဟုတ်ဘူး...။</p> <p style="text-align:justify">သူ ရှေ့နေမဟုတ်မှန်း သိနေရသည့် အကြောင်းရင်းက ရှိသည်။</p> <p style="text-align:justify">ဒေသအသီးသီးရှိ တရားရုံးများတွင် ကိုယ်ပိုင် သီးသန့် လုပ်ထုံးလုပ်နည်းများ ရှိနိုင်သော်လည်း၊ ပေကျင်းတွင်တော့ ရှေ့နေများ အမှုဖွင့်ခြင်းနှင့် သာမန် နိုင်ငံသားများ အမှုဖွင့်ခြင်းကို သီးခြားစီ ခွဲထားသည်။ ရှေ့နေများအတွက် သီးသန့် အမှုဖွင့်ကောင်တာ ရှိပြီး တန်းစီသည့် လုပ်ငန်းစဉ်ကတည်းက ခွဲခြားထားခြင်း ဖြစ်သည်။</p> <p style="text-align:justify">အချိန်ပို ဆင်းရချိန်တွင် မည်သူမှ စိတ်အခြေအနေ မကောင်းနိုင်ကြပေ။ ဝန်ထမ်းဖြစ်သူက တိုင်ကြားလွှာကို ဂရုတစိုက် စတင်ဖတ်ရှုလိုက်ပြီးနောက် သူပါ ကြောင်အမ်းသွားရသည်။</p> <p style="text-align:justify">"အချိန်ပို... မင်းက အချိန်ပိုကြေးကို ခြောက်သိန်းကျော်ကြီးတောင် တောင်းထားတာလား"</p> <p style="text-align:justify">သူက အနုညာတ ရလဒ်များကို ထပ်ထုတ်ကြည့်လိုက်ပြန်သည်။ ဝန်ထမ်းဖြစ်သူက ထန်ဖန်ကျင်းကို မော့ကြည့်ကာ တုံ့ဆိုင်းဆိုင်းဖြင့် ပြောလိုက်သည်။</p> <p style="text-align:justify">“ညီလေး… အလုပ်သမားခုံရုံးကလည်း မင်းရဲ့ အချိန်ပိုကြေးကို အတည်မပြုပေးခဲ့ဘူးပဲ။ ဘယ်ရှေ့နေက မင်းကို ဒီအမှုလုပ်ပေးတာလဲ”</p> <p style="text-align:justify">ထိုသို့ပြောပြီးနောက် ထိုကဲ့သို့ မပြောသင့်ဘူးဟု ခံစားလိုက်ရဟန်ဖြင့် သူက ကမန်းကတန်း ဆက်ပြောသည်။ "ဒါပေါ့လေ။ မင်းရဲ့ အမှုနဲ့ပတ်သက်ပြီး ငါ ဘာမှဝင်ပြောနေတာတော့ မဟုတ်ပါဘူး..."</p> <p style="text-align:justify">ယခုအခါတွင် အမှုမှတ်ပုံတင်စနစ် ဖြစ်နေပြီဖြစ်ရာ အခြေခံ လိုအပ်ချက်များနှင့် ပြည့်စုံပါက ယေဘုယျအားဖြင့် အမှုဖွင့်ခွင့်ရှိသည်။ အလုပ်သမားခုံရုံးမှ မာယောင်း ကဲ့သို့ပင် ဝန်ထမ်းသည်လည်း တစ်ဖက်လူက ရှေ့နေလိမ်တစ်ခုခု၏ လှည့်စားခြင်းကို ခံလိုက်ရပြီဟု စိုးရိမ်နေခြင်း ဖြစ်သည်။</p> <p style="text-align:justify">ဘာပဲဖြစ်ဖြစ် လုပ်ငန်းခွင်တိုင်းမှာ အမှိုက်သရိုက်တွေ ရှိတတ်စမြဲပင်။ သို့သော် ဥပဒေလောကမှ အမှိုက်သရိုက်များသည် အမြဲတမ်း ပါးစပ်အလွန်ကြမ်းပြီး "ဒါက ဥပဒေနဲ့ လုံးဝ ညီတယ်။ မင်းနဲ့ ဘာဆိုင်လို့လဲ" ဟူသော စကားမျိုးကို မကြာခဏ ပြောတတ်ကြရာ လူတွေကို ဝင်ထိုးချင်စိတ် ပေါက်အောင် လုပ်နိုင်စွမ်းရှိသည်။ </p> <p style="text-align:justify">သို့သော် ထန်ဖန်ကျင်း ပြန်ပြောလိုက်သော စကားကြောင့် ဝန်ထမ်းဖြစ်သူ၏ ရင်လေးသွားရသည်...။</p> <p style="text-align:justify">"အာ... ကျွန်တော် စာရွက်စာတမ်းတွေ အားလုံးကို ကိုယ်တိုင် ပြင်ဆင်လာတာပါ။ အခုလောလောဆယ် ကျွန်တော် ရှေ့နေလိုင်စင်ရဖို့ ကြိုးစားပြီး စာကျက်နေပါတယ်” </p> <p style="text-align:justify">ဝန်ထမ်းဖြစ်သူ၏ မျက်နှာက အေးခဲသွားပြီး သူ့ရှေ့ရှိ စာရွက်စာတမ်းပုံကြီးကို ကြည့်ကာ မျက်နှာကြွက်သားများပင် တွန့်လိမ်သွားတော့သည်။</p> <p style="text-align:justify">စာရွက်စာတမ်းပုံကြီးကို စစ်ဆေးရခြင်းထက် ပို၍ ဆိုးရွားသည်မှာ ပရော်ဖက်ရှင်နယ် မဆန်သော စာရွက်စာတမ်းပုံကြီးကို စစ်ဆေးရခြင်းပင် ဖြစ်ပေလိမ့်မည်။ ဝိဇ္ဇာဘာသာရပ် စာမေးပွဲစစ်သူ တစ်ယောက်က စာမရတဲ့ကောင်တွေ လျှောက်ရေးပြီး အပြည့်ဖြည့်ထားတဲ့ စာမေးပွဲအဖြေလွှာကြီးကို ကြည့်ရသလိုမျိုးပေါ့...။</p> <p style="text-align:justify">ထန်ဖန်ကျင်း တစ်ယောက် ဖောင်များ ဖြည့်နေစဉ် တစ်ဖက်ရှိ ဝန်ထမ်းမှာ ပို၍ ပို၍ ကြောင်တောင်တောင် ဖြစ်လာတော့သည်။ </p> <p style="text-align:justify">ဒီလူငယ်လေး ပြင်ဆင်ထားတဲ့ စာရွက်စာတမ်းတွေက ဘာလို့ ဒီလောက်တောင် ပရော်ဖက်ရှင်နယ် ဆန်နေရတာလဲ။</p> <p style="text-align:justify">ထို့အပြင် အတွင်းရှိ စာရွက်စာတမ်း အများစုမှာ သက်သေအထောက်အထားများ ဖြစ်နေကြောင်း သူ တွေ့ရှိလိုက်ရသဖြင့် အလုပ်က တော်တော်လေး လွယ်ကူသွားတော့သည်။</p> <p style="text-align:justify">ပြဿနာမရှိကြောင်း ထပ်မံအတည်ပြုပြီးနောက် ဝန်ထမ်းဖြစ်သူက ထန်ဖန်ကျင်း အား အမှုဖွင့်ပြီးစီးကြောင်း အသိပေးလိုက်သည်။</p> <p style="text-align:justify">တရားစွဲဆိုစရိတ်အတွက်မူ အလုပ်သမား အမှုအခင်းများတွင် အလွန်ကောင်းမွန်သော မူဝါဒတစ်ခု ရှိသည်။ တရားစွဲဆိုစရိတ်သည် တောင်းဆိုသည့် ပမာဏနှင့် သက်ဆိုင်ခြင်း မရှိပေ။ ဆယ်ယွမ်သာ ပြယုဂ်အနေဖြင့် ကောက်ခံခြင်း ဖြစ်သည်။</p> <p style="text-align:justify">တစ်ခါတစ်ရံတွင် ငါးယွမ်အထိပင် လျှော့ချပေးတတ်သေးသည်...</p> <p style="text-align:justify">အမှုဖွင့်ခြင်း လုပ်ငန်းစဉ် ပြီးစီးသွားသည်နှင့်တပြိုင်နက် ထန်ဖန်ကျင်းက တန်းထွက်လာခဲ့သည်။ သူ ဆက်လုပ်ရမည့်အရာမှာ စောင့်ဆိုင်းရန်ပင် ဖြစ်သည်။ တရားရုံး လုပ်ငန်းစဉ်များက အမြဲတမ်း အချိန်ယူရစမြဲ မဟုတ်လော။</p> <p style="text-align:justify">…………</p> <p style="text-align:justify">အိမ်ပြန်ရောက်ပြီးနောက် သူ့ရှေ့ရှိ ငှားရမ်းထားသော အခန်းကျဉ်းလေးကို ကြည့်ရင်း ထန်ဖန်ကျင်း တစ်ယောက် ခဏမျှ စဉ်းစားပြီးနောက် အိမ်ပြောင်းရန် ဆုံးဖြတ်လိုက်သည်။</p> <p style="text-align:justify">မူလခန္ဓာကိုယ်ပိုင်ရှင်တွင် စုဆောင်းငွေ အနည်းငယ် ရှိသည်။ မူလပိုင်ရှင် တက္ကသိုလ်တက်နေစဉ်မှာပင် မိဘများ ကွယ်လွန်သွားခဲ့ကြသည်ဆိုတော့ ဒါက ဝတ္ထုတွေထဲက စံပြ အစပျိုးမှုမျိုးပေါ့...။</p> <p style="text-align:justify">ထို့ကြောင့် လောလောဆယ်တွင် ငွေကြေးကတော့ သေချာပေါက် လုံလောက်နေသည်။</p> <p style="text-align:justify">ထန်ဖန်ကျင်း ယခု အိမ်ပြောင်းချင်ရသည့် အဓိက အကြောင်းရင်းမှာ ဤပတ်ဝန်းကျင်က လူကို ဖျားနာလွယ်စေသည်ဟု ခံစားရသောကြောင့် ဖြစ်သည်။ အခန်းက အရမ်း စိုစွတ်လွန်းနေသည်။</p> <p style="text-align:justify">သူက အိမ်ရှင်ကို ကြိုတင် ဖုန်းဆက်လိုက်ပြီး မကြာမီ အိမ်ရှင် ရောက်လာခဲ့သည်။ သူက အဘိုးအိုခန်း ဟုခေါ်ပြီး ကြည့်ရသည်မှာ ကြမ်းတမ်းပြီး တင်းမာမည့်ပုံ ပေါက်သော်လည်း အံ့သြစရာ ကောင်းလောက်အောင် အကြောင်းအကျိုး ဆင်ခြင်တတ်သူ ဖြစ်နေသည်။</p> <p style="text-align:justify">"ရှောင်ထန်... မင်း ပြောင်းချင်ရင်လည်း ရပါတယ်။ နေရာတစ်ခု ရှာပြီး တန်းပြောင်းသွားလိုက်ပေါ့။ အဲဒီကျရင် မင်းရဲ့ စပေါ်ငွေကို ပြန်ပေးမယ်။ လူ့အဖွဲ့အစည်းထဲကို အခုမှ စဝင်လာတဲ့ မင်းတို့ လူငယ်တွေ အတွက်လည်း မလွယ်ပါဘူးကွာ”</p> <p style="text-align:justify">လူ့အဖွဲ့အစည်းဆိုသည်မှာ ဤသို့ပင်။ လူဆိုးတွေ အရမ်းများလွန်းလို့ မျှော်လင့်ချက်မဲ့နေပြီဟု သင် ခံစားရချိန်တိုင်းတွင် သင့်နှလုံးသားကို နွေးထွေးစေမည့် လူအချို့နှင့် အရာအချို့က အမြဲတမ်း ရှိနေတတ်စမြဲပင်။</p> <p style="text-align:justify">ထိုအရာက မျက်နှာသေကြီးဖြင့် နေလာခဲ့သော ထန်ဖန်ကျင်းကို မည်သည့် မျက်နှာအမူအရာ လုပ်ပြရမည်မှန်း မသိအောင် ဖြစ်သွားစေသည်။</p> <p style="text-align:justify">သူ မျက်နှာသေကြီး ဖြစ်နေရသည့် အကြောင်းရင်းမှာ မူလပိုင်ရှင်၏ မှတ်ဉာဏ်များအရ အနှီ အဘိုးကြီးသည် စကားပြော အလွန်ကြမ်းတမ်းပြီး မကြာခဏ စကားများရန်ဖြစ်တတ်ကြောင်း သိထားသောကြောင့် ဖြစ်သည်။ မူလပိုင်ရှင်ကလည်း သူ့ကို ပြန်အာခံဖူးသည်။</p> <p style="text-align:justify">သို့သော် ဤကဲ့သို့ အရေးကြီးသော ကိစ္စမျိုးတွင် တစ်ဖက်လူက အလွန် ရှင်းလင်းပြတ်သားစွာ တွေးတောတတ်လိမ့်မည်ဟု သူ မမျှော်လင့်ထားခဲ့ချေ။</p> <p style="text-align:justify">ထန်ဖန်ကျင်းက ဘာပြောရမှန်းမသိဘဲ တိတ်ဆိတ်စွာ ခေါင်းညိတ်ပြလိုက်သည်။ အဘိုးကြီးခန်း ကတော့ ပုံမှန်အတိုင်းပင် တင်းမာ ခက်ထန်သော မျက်နှာထားဖြင့် ခေါင်းညိတ်ပြကာ လှည့်ထွက်သွားတော့သည်။</p> <p style="text-align:justify">ဤသည်ကပင် ဘဝကြီး ဖြစ်ပေလိမ့်မည်။</p> <p style="text-align:justify">ကွမ်မင် ခရိုင်တွင် ထန်ဖန်ကျင်း သိကျွမ်းသူ သိပ်မရှိပေ။ မူလက သူက အိမ်ရှင်ကို တိုက်ရိုက်ရှာပြီး အိမ်ငှားမည်ဟု စိတ်ကူးထားသော်လည်း အကြိမ်အနည်းငယ် လိုက်ရှာပြီးနောက် လက်လျှော့လိုက်ရသည်။</p> <p style="text-align:justify">အခြေခံအားဖြင့် အိမ်ရာအားလုံးကို ပွဲစားများက လက်ဝါးကြီးအုပ်ထားသည်ဟု ဆိုနိုင်ရာ ပွဲစားရှာရန်မှ လွဲ၍ ရွေးချယ်စရာ မရှိတော့ပေ။</p> <p style="text-align:justify">ပွဲစားလောကဆိုသည်မှာ ထန်ဖန်ကျင်း အတွက် စိမ်းသက်နေသောအရာ မဟုတ်ပေ။ သူ၏ အရင်ဘဝတွင် ပွဲစားများနှင့် အပေးအယူ လုပ်ဖူးသည်။ </p> <p style="text-align:justify">သူက App Store တွင် ရှာဖွေလိုက်ပြီး ဒေါင်းလုဒ်အကြိမ်ရေ သန်းတစ်ထောင်ကျော်ရှိသော "Anke" ဟုခေါ်သည့် App တစ်ခုကို ဒေါင်းလုဒ်ဆွဲလိုက်သည်။</p> <p style="text-align:justify">သူက အထဲသို့ ဝင်ကာ အိမ်များကို စတင်ကြည့်ရှုတော့သည်။ သေချာသည်ကတော့ ထန်ဖန်ကျင်းက ပွဲစားတွေရဲ့ လှည့်ကွက်အချို့ကို သိထားပြီးသားလေ။</p> <p style="text-align:justify">လူအများစုက အိမ်ကြည့်လျှင် ဓာတ်ပုံများကိုသာ ကြည့်တတ်ကြသည်။ သို့သော် သင် သိထားရမည်မှာ ဓာတ်ပုံဆိုသည်က လူတွေကို လှည့်စားဖို့ အလွယ်ကူဆုံးအရာပင်…။</p> <p style="text-align:justify">မဟုတ်လို့ကတော့ အွန်လိုင်းပေါ်မှာ အဲဒီလောက် လှတဲ့မိန်းကလေးတွေ၊ ချောတဲ့ကောင်လေးတွေ ပေါများနေပြီး အပြင် လက်တွေ့ဘဝမှာကျတော့ ဘာလို့ ရှားပါးနေရမှာလဲ။</p> <p style="text-align:justify">ထို့အပြင် ဓာတ်ပုံထဲက အိမ်ကောင်းကောင်းကြီးက အိမ်လငှားရမ်းခကျတော့ အဲဒီလောက် နည်းနေတာ... အခုခေတ် အိမ်ငှားရတာ ခက်တယ်လို့ ဘယ်သူပြောလဲ။</p> <p style="text-align:justify">ဒါပေမယ့် သေချာလေး တစ်ချက်လောက် ပြန်စဉ်းစားကြည့်လိုက်ပါဦး။ ဒီလောကကြီးမှာ အလကားရတဲ့ နေ့လယ်စာ ဆိုတာမျိုး တကယ် ရှိလို့လား။</p> <p style="text-align:justify">တကယ်လို့ အဲဒီလောက် တန်တဲ့အရာမျိုး တကယ်ရှိနေပြီး ဒေါင်းလုဒ် သန်းတစ်ထောင်ကျော်ရှိတဲ့ App ပေါ်မှာ တင်ထားမယ်ဆိုရင်တောင် မင်းအလှည့် ရောက်ပါဦးမလား။</p> <p style="text-align:justify">တကယ်တမ်း သေချာလေး ကြည့်လိုက်ရင် မင်း တွေ့လာရလိမ့်မယ် "ဟေး... ဒီအိမ်ရဲ့ ဓာတ်ပုံနဲ့ ဟိုအိမ်ရဲ့ ဓာတ်ပုံက ဘာလို့ တစ်ပုံစံတည်း ဖြစ်နေရတာလဲ" ဆိုပြီးပေါ့။</p> <p style="text-align:justify">ဒါက သူတို့ရဲ့ လှည့်ကွက်တွေထဲက တစ်ခုပဲ။ မင်းကို ဓာတ်ပုံတွေ ကြည့်ပြီး သဘောကျသွားအောင် လုပ်မယ်။ ပြီးတော့ မင်း အဲဒီကို ရောက်သွားတဲ့အခါ သူတို့က ဆင်ခြေတစ်ခု ရှာပေးလိမ့်မယ်။</p> <p style="text-align:justify">"အာ... အဲဒီအိမ်က ခုလေးတင် ငှားသွားပြီဗျ။ တခြားအိမ်တစ်လုံးလောက် သွားကြည့်ရအောင်လား။ အဲဒါလည်း တော်တော်လေး ကောင်းပါတယ်" လို့။</p> <p style="text-align:justify">မင်းကလည်း "ကံဆိုးလိုက်တာ" လို့ တွေးမိပြီး "ရောက်မှတော့ ရောက်လာပြီပဲ" ဆိုတဲ့ စိတ်နဲ့ သွားကြည့်လိုက်မိမှာ သေချာတယ်...။</p> <p style="text-align:justify">ထန်ဖန်ကျင်းက ဤကဲ့သို့ လှည့်ကွက်များကို သဘာဝကျကျပင် သိထားပြီးသား ဖြစ်သည်။ တစ်ခါတစ်ရံ တစ်ဖက်လူက ကြိုတင်ငွေတောင် တောင်းတတ်သေးကြောင်းကို သူ သိထားသည်။</p> <p style="text-align:justify">သို့သော် သိတာက သိတာပဲလေ။ ပွဲစားလောကတွင် အကောင်းအဆိုး ဒွန်တွဲနေပြီး လူတိုင်းကို တုတ်တစ်ချောင်းတည်းဖြင့် ရိုက်ကာ အပြစ်တင်ရန်တော့ မလိုအပ်ပေ။</p> <p style="text-align:justify">ဒါ့အပြင် ပြန်တွေးကြည့်ရင် ပေကျင်းမြို့ကြီးက ဒီလောက်ကျယ်တာ။ သူ အဲဒီလို ပွဲစားမျိုးနဲ့ တိုက်တိုက်ဆိုင်ဆိုင် သွားတွေ့ဖို့ဆိုတာ မဖြစ်နိုင်ပါဘူး... ဟုတ်တယ်မလား။</p> <p style="text-align:justify">သူက အိမ်များကို အချိန်အတော်ကြာ ဂရုတစိုက် ရှာဖွေခဲ့ပြီး တည်နေရာကို အဓိကထား ကြည့်ရှုကာ နောက်ဆုံးတွင် စိတ်တိုင်းကျစရာ တစ်လုံးကို တွေ့သွားခဲ့သည်။ သူက App မှတစ်ဆင့် တစ်ဖက်လူကို ဆက်သွယ်ခဲ့ပြီး မကြာမီ နှစ်ဖက် သဘောတူညီမှု ရသွားခဲ့သည်။</p> <p style="text-align:justify">နောက်တစ်နေ့ နံနက်ခင်းတွင် ထန်ဖန်ကျင်း ထွက်လာခဲ့ပြီး ထိုလူနေရပ်ကွက်ဆီသို့ တန်းတန်းမတ်မတ် သွားခဲ့သည်။ ရပ်ကွက်အမည်မှာ လင်ယွိ ဖြစ်ပြီး ကဗျာဆန်သော အမည်လေးပင်။</p> <p style="text-align:justify">ရပ်ကွက်အဝင်ဝတွင် Huashi အိမ်ခြံမြေအကျိုးဆောင်မှ ချီကွမ်းက စောင့်နေနှင့်ပြီ ဖြစ်သည်။ ထန်ဖန်ကျင်း ကားပေါ်မှ ဆင်းလာသည်ကို မြင်သောအခါ သူက အပြုံးဖြင့် ရှေ့သို့လှမ်းလာပြီး ပြောလိုက်သည်။</p> <p style="text-align:justify">"အစ်ကိုက ထန်ဖန်ကျင်း… အစ်ကိုထန် မဟုတ်လား”</p> <p style="text-align:justify">ပွဲစားလောကတွင်တော့ ပိုက်ဆံမရှင်းရသေးခင် အချိန်အထိ သူတို့က အမြဲတမ်း ယဉ်ကျေး ပျူငှာနေတတ်ပြီး သင့်ကို "အစ်ကို" သို့မဟုတ် "အစ်မ" ဟု ချိုသာစွာ ခေါ်ဝေါ်တတ်ကြသည်။</p> <p style="text-align:justify">ထန်ဖန်ကျင်း ခေါင်းညိတ်လိုက်ပြီး ရပ်ကွက်ကို လှမ်းကြည့်ကာ ပြောလိုက်သည် "ကျွန်တော်တို့ အခုပဲ တက်ကြည့်ကြမလား။ ကျွန်တော် အချိန်နည်းနည်း လောနေလို့ မြန်မြန်လုပ်မှ ရမယ်”</p> <p style="text-align:justify">ချီကွမ်းက ချက်ချင်း ပြန်ဖြေလိုက်သည် "အစ်ကိုထန်… အာ... ကျွန်တော် အစ်ကို့ကို တောင်းပန်ရမယ်ထင်တယ်။ တကယ်ကို ဆောရီးပါဗျာ။ အစ်ကို App ပေါ်မှာ ကြည့်ထားတဲ့ အိမ်က ဒီနေ့ပဲ ငှားသွားပြီဗျ”</p> <p style="text-align:justify">ထန်ဖန်ကျင်း၏ မျက်ခုံးတို့ တွန့်ကွေးသွားသည်။ ထို့နောက် သူ့ကံကြမ္မာကို ကြိတ်၍ အပြစ်တင်မိ၏။</p> <p style="text-align:justify">တိုက်ဆိုင်လိုက်တာဗျာ... ဟုတ်တယ်မလား...။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save