Book List

<h2 style="text-align: center;">အခန်း (၈)</h2> <h2 style="text-align: center;">ငါလည်း ဒီလို လုပ်နိုင်တာပဲ</h2> <h2 style="text-align: center;">*</h2> <p> </p> <p> </p> <p style="text-align:justify">တရားခွင်တစ်ခုလုံး တိတ်ဆိတ်နေပြီး အထက်တွင် ထိုင်နေသော တရားသူကြီးချုပ် ကျိုးယုံသည် သူ၏ရယ်ချင်စိတ်ကို မနည်းအောင့်ထားရသည်။</p> <p style="text-align:justify">သူက ပရော်ဖက်ရှင်နယ် မဆန်လို့တော့ မဟုတ်ပါဘူး။ တကယ်ကို မရယ်ဘဲ မနေနိုင်လို့ပါ...</p> <p style="text-align:justify">အထူးသဖြင့် ဟိုလူ့ရဲ့ ကြောင်အမ်းအမ်း မျက်နှာထားနဲ့ ခုနက ဟိုကောင်လေးပြောလိုက်တဲ့ စကား... တကယ်ကို အဲဒီနေရာမှာ ဘယ်သူရှိနေပါစေ ရယ်ချင်စိတ်ကို ထိန်းနိုင်မှာ မဟုတ်ပါဘူး။</p> <p style="text-align:justify">တရားသူကြီးတစ်ယောက်က အူတက်မတတ် မရယ်ရဘူးလို့ ဘယ်သူပြောလဲ။ တရားသူကြီးအလုပ်က တကယ်တော့ ရယ်စရာကောင်းတဲ့ အခြေအနေမျိုးစုံနဲ့ ကြုံတွေ့ရဖို့ အလွန် လွယ်ကူတဲ့ အလုပ်တစ်ခုပဲ။ ဘာလို့လဲဆိုတော့ တရားခွင်မှာ သက်သေအထောက်အထားတွေ တင်ပြတဲ့အခါ အသေးစိတ်ကျဖို့ လိုအပ်တယ်လေ။</p> <p style="text-align:justify">အထူးသဖြင့် ကွာရှင်းပြတ်စဲမှု အမှုအခင်းများတွင် လုံးဝကို ယုတ္တိမတန်သော အခြေအနေအချို့ကို မကြာခဏ ကြုံတွေ့ရတတ်သည်...</p> <p style="text-align:justify">ဥပမာအားဖြင့် ကွမ်မင် ခရိုင်တရားရုံးတွင် အမှု တစ်ခု ဖြစ်ခဲ့ဖူးသည်။ ကွာရှင်းပြတ်စဲမှု အမှုတစ်ခုတွင် ဇနီးမောင်နှံနှစ်ဦးသည် သူတို့၏ အိမ်ထောင်ရေးဘဝနှင့် ခင်ပွန်းဖြစ်သူက မယားငယ်ထားသည့် ကိစ္စများ အကြောင်းကို အလွန်အမင်း အသေးစိတ်ကျကျ ငြင်းခုံခဲ့ကြသည်။ </p> <p style="text-align:justify">အခြေခံအားဖြင့် ပြောရလျှင် ဒါက တရားခွင်ထဲမှာသာ မဟုတ်ဘူး ဆိုလျှင် ညစ်ညမ်းစာပေ ဖြန့်ဝေခြင်းနှင့် အတူတူလောက်နီးပါးကို ဖြစ်နေပြီ။ လူတွေဖတ်နေကြသည့် ညစ်ညမ်းဝတ္ထု တော်တော်များများထက်ကို ပိုပြီးတော့တောင် ပွင့်လင်းမြင်သာနေသေးသည်။</p> <p style="text-align:justify">အဓိကအချက်ကတော့ သူတို့ပြောနေစဉ်အတွင်း တရားသူကြီးကို ဆုံးဖြတ်ပေးရန် အဆက်မပြတ် တောင်းဆိုနေကြခြင်းပင်။ ပို၍ တိုက်ဆိုင်သည်မှာ သနားစရာ တရားသူကြီးလေးမှာ မွေးကတည်းက ရည်းစား မထားဖူးသေးသော အပျိုကြီး ဖြစ်ပြီး ကြောင်တောင်တောင်လေးဖြစ်နေကာ သူတို့အတွက် ဆုံးဖြတ်ပေးဖို့နှင့် ဖျောင်းဖျပေးဖို့ လုပ်နေရသေးသည်။</p> <p style="text-align:justify">ထိုအမှုက ကြားရသူ အပေါင်း အတွက် အတော်လေး ရယ်ချင်စရာ ကောင်းလှပေသည်။</p> <p style="text-align:justify">တစ်ချိန်တည်းမှာပင် ဌာနမှူးလျို တစ်ယောက် စိုးရိမ်ပူပန်နေပြီဖြစ်ပြီး တိုးတိုးလေး ဟိန်းဟောက်လိုက်သည်။ "အဘိုးကြီးကျန်း… ဘယ်လိုဖြစ်နေတာလဲ။ ငါတို့ အသာစီးရနေတယ်ဆို။ ဘယ်လိုလုပ် ဒီလို ပြန်ဖြစ်သွားရတာလဲ”</p> <p style="text-align:justify">အဘိုးကြီးကျန်း၏ လက်သီးများမှာ ကျစ်ကျစ်ပါအောင် ဆုပ်ထားပြီးဖြစ်သည်။ သူ အမှု လိုက်လာသည်မှာ ကြာပြီ ဖြစ်သော်လည်း သူ ကြုံတွေ့ဖူးသော ရှေ့နေများမှာ ပုံမှန်အားဖြင့် သူတို့၏ ဇာတ်ညွှန်းများ အတိုင်းသာ ရေရွတ်သွားတတ်ကြပြီး စီရင်ချက်ကို စောင့်ကာ ထွက်သွားတတ်ကြသည်။</p> <p style="text-align:justify">မင်းရဲ့ သက်သေအထောက်အထားက ဟာကွက်ကို အမိအရဖမ်းပြီး တခြားလမ်းကြောင်းတွေဆီ ဆွဲသွားမယ့်သူမျိုးနဲ့ သူ တစ်ခါမှ မကြုံဖူးခဲ့ချေ။</p> <p style="text-align:justify">သူ၏ စိတ်ကို တည်ငြိမ်အောင် မနည်းအားတင်းထားရင်း အဘိုးကြီးကျန်းက စတင်လိုက်သည်။ "နောက်ထပ်က သက်သေအထောက်အထား (၂)..."</p> <p style="text-align:justify">"ဒါက Chat မှတ်တမ်းတစ်ခုပါ။ တရားလိုက အချိန်ပိုလုပ်ခဲ့တယ်ဆိုတဲ့ သက်သေအထောက်အထားလို့ ပြောပါတယ်။ ဒါပေမယ့် တရားလိုရဲ့ အချိန်ပိုဆိုတာက Chat ဂရုတစ်ခုထဲမှာ ကာစတန်မာတွေကို ရံဖန်ရံခါ စာပြန်တာလောက်လေးပဲ ဖြစ်ပြီး ဒါက အချိန်ပိုအဖြစ် လုံးဝ သတ်မှတ်လို့ မရဘူးဆိုတာကို ကျွန်တော်တို့ မြင်တွေ့နိုင်ပါတယ်”</p> <p style="text-align:justify">ပိုမှန်အောင် ပြောရလျှင် ဤသည်မှာ အမှု၏ အဓိက အငြင်းပွားဖွယ်ရာ အချက်ပင် ဖြစ်သည် : အလုပ်ဆင်းပြီးနောက် ထိုသို့ ဆက်သွယ်ခြင်းသည် အချိန်ပိုအဖြစ် သတ်မှတ်နိုင်ပါသလား။</p> <p style="text-align:justify">အဘိုးကြီးကျန်းကတော့ သတ်မှတ်၍မရဟု ယုံကြည်ထားသောကြောင့် အသေးစိတ် တွက်ချက်မှုများကို သူ တစ်ချက်လေးပင် မကြည့်ခဲ့ပေ။ ဒါက အချိန်ပိုမဟုတ်ဘူး ဆိုတာကို သက်သေပြဖို့သာ လိုအပ်သည်လေ။</p> <p style="text-align:justify">တစ်ဖက်တွင် ထန်ဖန်ကျင်းက ထပ်မံပြောဆိုလာသည် "ဒီအထောက်အထားရဲ့ အစစ်အမှန် ဖြစ်တည်မှု အပေါ် ကျွန်တော် ကန့်ကွက်စရာ မရှိပါဘူး။ ဒါပေမယ့် ဒီသက်သေအထောက်အထားက အချိန်ပို အမှန်တကယ် လုပ်ခဲ့ရတယ် ဆိုတာကို ပိုပြီးတော့တောင် သက်သေပြနေတယ်လို့ ကျွန်တော် ယုံကြည်ပါတယ်”</p> <p style="text-align:justify">"ကျွန်တော့်အလုပ်က Operations ပိုင်းဖြစ်ပြီး ကာစတန်မာတွေနဲ့ မကြာခဏ ဆက်သွယ်ဖို့ လိုအပ်ပါတယ်။ Chat ဂရုထဲမှာ ကာစတန်မာတွေရဲ့ မေးခွန်းတွေကို ဖြေဆိုပေးတာက သေချာပေါက် အလုပ်တစ်ခုပါပဲ။ ဒါက အလုပ်ချိန်ပြင်ပမှာ ဖြစ်ပွားခဲ့တာဖြစ်တဲ့အတွက် ဒါကို အချိန်ပိုအဖြစ် သတ်မှတ်ရမယ်လို့ ကျွန်တော် ယုံကြည်ပါတယ်”</p> <p style="text-align:justify">ဤသည်မှာ ထန်ဖန်ကျင်း ၏ ယုတ္တိဗေဒများထဲမှ တစ်ခုပင် ဖြစ်သည်။ </p> <p style="text-align:justify">အလွန် ရိုးရှင်းပါသည်။ အလုပ်ဆင်းပြီးနောက် WeChat ကနေ စာပြန်တာက အလုပ်နဲ့ သက်ဆိုင်သလား။ သက်ဆိုင်တယ်။ ပြီးတော့ အလုပ်ဆင်းပြီးနောက် ဆိုတာက အလုပ်ချိန်အတွင်း မဟုတ်ဘူး။</p> <p style="text-align:justify">ဒါဆို ရှင်းသွားပြီမလား။ အလုပ်ချိန်ပြင်ပမှာ အလုပ်လုပ်ခဲ့ရတယ်ဆိုမှတော့ အဲဒါကို အချိန်ပို မဟုတ်ဘူးလို့ ငြင်းစရာ အကြောင်းမှ မရှိတာ။</p> <p style="text-align:justify">"တရားခွင် စုံစမ်းစစ်ဆေးရေး ပြီးဆုံးပါပြီ။ အခု တရားခွင် အချေအတင် ငြင်းခုံခြင်းကို စတင်ပါမယ်" ဟု အထက်မှ တရားသူကြီး ကျိုးယုံက ကြေညာလိုက်သည်။</p> <p style="text-align:justify">ထန်ဖန်ကျင်းက စတင်လိုက်သည် "ကျွန်တော် တင်ပြထားတဲ့ သက်သေအထောက်အထားတွေက အလုပ်ချိန်ပြင်ပမှာ အလုပ်အတွက် ဆိုရှယ်မီဒီယာကို အသုံးပြုခြင်းဟာ ရိုးရှင်းတဲ့ ဆက်သွယ်မှုဆိုတဲ့ ဘောင်ကို ကျော်လွန်နေပြီဆိုတာ သက်သေပြနေပါတယ်”</p> <p style="text-align:justify">"ဒါ့အပြင် ဒီဆက်သွယ်မှု အပြုအမူတွေက နေ့စဉ်နီးပါး ဖြစ်ပွားနေပြီး အချိန်ကာလတစ်ခုကို အခြေခံကာ ပုံမှန် ဖြစ်ပေါ်နေတဲ့ လက္ခဏာရပ်တွေ ရှိနေပါတယ်။ ဒါက ကျွန်တော့်ရဲ့ အနားယူချိန်တွေကို ရှင်းရှင်းလင်းလင်း သိမ်းပိုက်ထားတာပါ။ ဒါကြောင့် ဒါကို အချိန်ပိုအဖြစ် အသိအမှတ်ပြုသင့်ပါတယ်”</p> <p style="text-align:justify">အဘိုးကြီးကျန်း တစ်ယောက် စတင် စိတ်လှုပ်ရှားလာပြီ ဖြစ်သည်။ ဤသည်က သူ စိတ်ကူးထားသလိုမျိုး မဟုတ်ပေ။ တစ်ဖက်လူ၏ ယုတ္တိကျသော တွေးခေါ်မှုများက အလွန် ရှင်းလင်း ပြတ်သားလွန်းလှသဖြင့် သူ့ကို ဆွံ့အသွားစေသည်။ </p> <p style="text-align:justify">သို့သော် ရွေးချယ်စရာ မရှိပေ။ သူ စကားဆက်ပြောရဦးမည်။</p> <p style="text-align:justify">"ကျွန်တော်တို့ဘက်က... ကျွန်တော်တို့ဘက်က ယုံကြည်တာက ထန်ဖန်ကျင်းဟာ Operations ဌာနက ဝန်ထမ်းတစ်ယောက် ဖြစ်ပါတယ်။ ကုမ္ပဏီက သူ့ကို ကိစ္စတစ်ခုခုရှိလို့ ခေါ်တာကို အချိန်ပိုလို့ သတ်မှတ်လို့ မရပါဘူး။ WeChat ဂရုထဲမှာ စာပြန်တာနဲ့ ပတ်သက်လို့ကတော့ အဲဒါက သူ့ရဲ့ အနားယူချိန်တွေကို သိသိသာသာ နေရာယူထားတာမျိုး မဟုတ်ပါဘူး”</p> <p style="text-align:justify">"ဘာလို့လဲဆိုတော့ သူက စာပြန်နေရင်းနဲ့ တခြားအလုပ်တွေကိုလည်း လုပ်လို့ရနေတာပဲလေ။ ရှင်းနေတာပဲ... အချိန်ပို တကယ်လုပ်နေရတယ်ဆိုရင် တစ်ချိန်တည်းမှာ တခြားအလုပ်တွေကို လုပ်ဖို့ဆိုတာ မဖြစ်နိုင်ဘူးလေ”</p> <p style="text-align:justify">"ဒါကြောင့် အလုပ်ချိန်ပြင်ပ ဆက်သွယ်တာကို အချိန်ပိုအဖြစ် အသိအမှတ်ပြုဖို့ဆိုတာ မသင့်တော်ပါဘူး..."</p> <p style="text-align:justify">ဤအပေါ် ထန်ဖန်ကျင်းက ပြန်လည် ချေပလိုက်သည် "အချိန်ပို ဟုတ်၊ မဟုတ် ဆိုတာ အလုပ် လုပ်နေရင်း တခြားအလုပ်တွေ လုပ်လို့ရသလား၊ မရဘူးလား ဆိုတဲ့အပေါ်မှာ မူတည်ပြီး ဆုံးဖြတ်တာ မဟုတ်ပါဘူး။ အလုပ်သမားက ခိုင်လုံတဲ့ အလုပ်တာဝန်တွေကို တကယ်တမ်း လုပ်ဆောင်ခဲ့သလား ဆိုတဲ့အပေါ်မှာသာ မူတည်တာပါ”</p> <p style="text-align:justify">"ပြီးတော့ Chat မှတ်တမ်းတွေအရဆိုရင် အလုပ်ချိန်ပြင်ပမှာ စာပြန်ရတဲ့ အချိန် သုံးနာရီကျော်သွားတဲ့ နေ့အရေအတွက်က အင်မတန်မှ များပြားပါတယ်။ ဒါကြောင့် ကျွန်တော်ဟာ အလုပ်ချိန်ပြင်ပမှာ ခိုင်လုံတဲ့ အလုပ်တာဝန်တွေကို တကယ်တမ်း လုပ်ဆောင်ခဲ့တယ်ဆိုတာ အပြည့်အဝ အတည်ပြုနိုင်ပြီး ဒါကို အချိန်ပိုအဖြစ် သတ်မှတ်ပေးသင့်ပါတယ်..."</p> <p style="text-align:justify">ဤအချိန်ရောက်မှတော့ ဌာနမှူးလျိုပင်လျှင် တစ်ဖက်လူက ပို၍ ပရော်ဖက်ရှင်နယ် ဆန်နေသည်ဟု ခံစားလာရသည်။</p> <p style="text-align:justify">ထန်ဖန်ကျင်း၏ အဓိကအချက်မှာ အချိန်ပို ဟုတ်၊ မဟုတ် ဆိုသည်မှာ သင် အလုပ်လုပ်ခဲ့သလား ဆိုသည့်အပေါ်တွင် မူတည်သည် ဆိုခြင်းပင်။ သင် အလုပ်လုပ်ခဲ့တယ်ဆိုရင် သင် အီးပါနေရင်း အလုပ်လုပ်နေရင်တောင် အဲဒါက အလုပ်ပဲ။ ဘယ်သူမှ ငြင်းလို့မရဘူးလေ။</p> <p style="text-align:justify">အဘိုးကြီးကျန်း တစ်ယောက် စကားတွေကို လှည့်ပတ်ပြောဆိုနေပြီ ဖြစ်သည်။ ထန်ဖန်ကျင်းကတော့ ထိုင်ချလိုက်ပြီးနောက် တိတ်တဆိတ်သာ နေကာ သူ့ကို ကြိုက်သလို ပြောခွင့်ပေးထားလိုက်သည်။</p> <p style="text-align:justify">တရားခွင် အချေအတင် ငြင်းခုံခြင်း ပြီးဆုံးသွားပြီးနောက် တရားသူကြီး ကျိုးယုံက အကျင့်ပါနေသလို မေးလိုက်သည်။ "နှစ်ဖက်စလုံးက ညှိနှိုင်းမှုကို လက်ခံဖို့ ဆန္ဒရှိကြပါသလား”</p> <p style="text-align:justify">နှစ်ဖက်စလုံးက ညှိနှိုင်းမှုကို လက်မခံလိုကြောင်း ပြောကြားခဲ့ကြသည်။</p> <p style="text-align:justify">တရားသူကြီးအဖွဲ့ ခေတ္တ အနားယူရန် ထွက်သွားကြသည်။ အဘိုးကြီးကျန်းသည် တရားသူကြီးချုပ်နှင့် အခြားနှစ်ဦး ထွက်သွားသည်ကို ကြည့်ပြီးနောက် ထန်ဖန်ကျင်းဘက်သို့ လှည့်ကာ ပြောလိုက်သည်။</p> <p style="text-align:justify">"ခုနက မင်း ပြောတာ ဘာသဘောလဲ။ ငါက မင်းကို စော်ကားမိလို့လား။ ငါက အားကစား တက္ကသိုလ်ကနေ ဥပဒေသင်လာတာဆိုတာ ဘာသဘောလဲ။ ရှင်းပြစမ်း"</p> <p style="text-align:justify">ဤအတွက် ထန်ဖန်ကျင်းက ချက်ချင်း ပြန်ဖြေလိုက်သည် "ဒါက ကျုပ် အလုပ်လုပ်တဲ့ ပုံစံပဲ။ ကျုပ်တို့ တရားခွင်ထဲ ရောက်နေတဲ့အချိန်မှာ ကျုပ်ရှေ့မှာ ရပ်နေတဲ့သူ ဘယ်သူမဆို ပြိုင်ဘက်ပဲ။ ခင်ဗျား မကျေနပ်ရင် ကျုပ်တို့ ဆက်လုပ်ကြတာပေါ့။ ခင်ဗျား တကယ်ပဲ အားကစားတက္ကသိုလ်ကနေ ဥပဒေသင်လာတာ ဟုတ်၊ မဟုတ် ကြည့်ကြတာပေါ့”</p> <p style="text-align:justify">အဘိုးကြီးကျန်းက ဆက်ပြောချင်သေးသော်လည်း တားဆီးခံလိုက်ရသည်။ သူ ဒေါသကြောင့် မျက်နှာတစ်ခုလုံး နီမြန်းနေလျက် မကျေမနပ်ဖြင့်သာ ထိုင်ချလိုက်ရတော့သည်။</p> <p style="text-align:justify">သူ စောင့်ထိန်းလာသမျှသော အရှက်တို့ ကွဲသွားပြီဟု သူ ခံစားလိုက်ရသည်။ </p> <p style="text-align:justify">ဒါက အမှုတစ်ခု သက်သက်ပဲလေ။ လူတစ်ယောက်ကို စော်ကားလိုက်လို့ သူ့အတွက် ဘာများ အကျိုးရှိသွားမှာမို့လို့လဲ။</p> <p style="text-align:justify">ဌာနမှူးလျိုက ဘာမှမပြောပေ။ သို့သော် သူက အဘိုးကြီးကျန်းကို အလွန်အမင်း ဒေါသထွက်နေ၏။</p> <p style="text-align:justify">ဒါက ပရော်ဖက်ရှင်နယ်တဲ့လား…။ သူက အစကနေ အဆုံးထိ လုံးဝ ဖိနှိပ်ခံလိုက်ရတာလေ။ ငါကိုယ်တိုင် တက်ပြောရင်တောင် ဒီရလဒ်ပဲ ထွက်လာလောက်တယ်။</p> <p style="text-align:justify">အချိန်အတော်ကြာ စောင့်ဆိုင်းပြီးနောက် နောက်ဆုံးတွင် တရားသူကြီးချုပ် ကျိုးယုံ ပြန်ရောက်လာပြီး သူ့လက်ထဲရှိ စီရင်ချက်ကို အနည်းငယ် ရှုပ်ထွေးသော မျက်နှာထားဖြင့် ကြည့်နေသည်။</p> <p style="text-align:justify">ဤစီရင်ချက် ထွက်ပေါ်လာသည်နှင့်တပြိုင်နက် Bluebird ကုမ္ပဏီက အယူခံဝင်မည်မှာ သေချာပေါက်ပင် ဖြစ်သည်။ သို့သော်လည်း စီရင်ချက်ကိုတော့ ထိုက်သင့်သလို ချမှတ်ရမည်သာ ဖြစ်သည်။</p> <p style="text-align:justify">"စီးပွားရေး ဖွံ့ဖြိုးတိုးတက်လာမှုနဲ့ အင်တာနက် နည်းပညာတွေ တိုးတက်လာမှုကြောင့် အလုပ်သမားတွေရဲ့ အလုပ် လုပ်ကိုင်မှု ပုံစံတွေက ပိုမို ပြောင်းလွယ်ပြင်လွယ် ရှိလာတယ်လို့ ဒီတရားရုံးက ယုံကြည်ပါတယ်။ သူတို့က ကွန်ပျူတာတွေ၊ မိုဘိုင်းဖုန်းတွေကနေတစ်ဆင့် အချိန်မရွေး၊ နေရာမရွေး အလုပ်လုပ်ပေးနိုင်ကြပြီး အလုပ်ရှင် ပံ့ပိုးပေးထားတဲ့ လုပ်ငန်းခွင် ဒါမှမဟုတ် ရုံးခန်းလေးထဲမှာပဲ ကန့်သတ်မခံရတော့ပါဘူး”</p> <p style="text-align:justify">"အထူးသဖြင့် အလုပ်သမားတွေက အလုပ်ချိန်နဲ့ လုပ်ငန်းခွင် ပြင်ပမှာ WeChat လိုမျိုး ဆိုရှယ်မီဒီယာတွေကို သုံးပြီး အလုပ်လုပ်ကြတာက ရှားပါးတဲ့ ကိစ္စမဟုတ်တော့ပါဘူး။ ဒီလို မျက်မြင်မရှိတဲ့ အချိန်ပို ပြဿနာတွေအတွက် အလုပ်သမားဟာ အလုပ်ရှင်ရဲ့ လုပ်ငန်းခွင်မှာ အလုပ်မလုပ်ခဲ့ရုံသက်သက်နဲ့ အချိန်ပို မဟုတ်ဘူးလို့ ငြင်းပယ်လို့ မရနိုင်ပါဘူး..."</p> <p style="text-align:justify">"ပြီးတော့ Chat မှတ်တမ်းတွေအပေါ် အခြေခံပြီး ကြည့်မယ်ဆိုရင် ထန်ဖန်ကျင်းဟာ အလုပ်ချိန်ပြင်ပမှာ ဆိုရှယ်မီဒီယာကို အသုံးပြုပြီး အလုပ်လုပ်ခဲ့တာကို အတည်ပြုနိုင်ပြီး ဒါဟာ ရံဖန်ရံခါ၊ ယာယီပြုလုပ်တဲ့ သာမန် ဆက်သွယ်မှုဆိုတဲ့ ဘောင်ကို ကျော်လွန်နေပြီ ဖြစ်ပါတယ်..."</p> <p style="text-align:justify">"ဆိုရှယ်မီဒီယာကတစ်ဆင့် အချိန်ပိုလုပ်ခြင်းဟာ ရိုးရာအတိုင်း အချိန်ပိုလုပ်ခြင်းနဲ့ ကွာခြားပါတယ်။ ဒါကြောင့် Bluebird ကုမ္ပဏီအနေနဲ့ ထန်ဖန်ကျင်း ကို အချိန်ပိုကြေးအဖြစ် ယွမ် ၆၀၀,၀၀၀ ပေးချေရန် အမိန့်ချမှတ်လိုက်ပါတယ်”</p> <p style="text-align:justify">စီရင်ချက် ဖတ်ကြားပြီးဆုံးသွားပြီး ဌာနမှူးလျို၏ မျက်နှာမှာ အလွန်တရာ ဆိုးရွားနေတော့သည်။ ဒါက ယွမ် ၆ သိန်းကြီးများတောင်လေ။</p> <p style="text-align:justify">ထို့အပြင် သူတို့ကုမ္ပဏီက ဝန်ထမ်းများကို အမြဲတမ်း ကျွဲနွားများလို ဆက်ဆံခဲ့သည်။ တကယ်လို့ လူတိုင်းသာ တရားစတင်စွဲဆိုလာကြမည်ဆိုပါက ဘာတွေ ဖြစ်ကုန်မည်နည်း။</p> <p style="text-align:justify">"မဖြစ်နိုင်ဘူး။ ခင်ဗျားရဲ့ စီရင်ချက်က မတရားဘူး။ ဒါက ဘယ်လိုလုပ် ဖြစ်နိုင်မှာလဲ။ ကျုပ်တို့ အယူခံဝင်မယ်"</p> <p style="text-align:justify">ထန်ဖန်ကျင်းကတော့ တော်တော်လေး တည်ငြိမ်နေသည်။ ဤသည်မှာ သူ တွက်ဆထားသော အခြေအနေပင် ဖြစ်သည်။ သ</p> <p style="text-align:justify">အမှန်ပင်... Chat မှတ်တမ်းများကိုသာ အခြေခံ၍ အချိန်ပိုနာရီများကို တွက်ချက်ခြင်းသည် အပြည့်အဝ တရားမျှတမှုတော့ မရှိနိုင်ပေ။</p> <p style="text-align:justify">သို့သော် သူ အယူခံဝင်မည် မဟုတ်ပေ။ လက်ရှိ ရလဒ်သည် ၂၀၀% ပြီးမြောက်မှုနှုန်း ရရှိရန် လုံလောက်နေပြီ ဖြစ်ရာ သူက ဒုတိယအကြိမ် ကြားနာမှုကိုသာ စောင့်ဆိုင်းရန် လိုအပ်တော့သည်။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save