Book List

<h2 style="text-align: center;">အခန်း (၁၇၆)</h2> <h2 style="text-align: center;">ဝိညာဉ်နယ်မြေအတွင်း ရှင်းလင်းရေးစတင်ခြင်း</h2> <h2 style="text-align: center;">များပြားလွန်းသည့် အရင်းအမြစ်များ (၁)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p>ဤနေရာသည် ယခင်က ဝိညာဉ်နယ်မြေ ဝင်ပေါက်ဖြစ်ခဲ့သော်လည်း ယခုအခါ မူလက တည်ငြိမ်နေသော ဟင်းလင်းပြင်စင်္ကြံမှာ ပျောက်ကွယ်သွားပြီး ပုံပျက်ပန်းပျက်ဖြစ်ကာ အက်ကွဲနေသော မြင်ကွင်းဖြင့် အစားထိုးခံထားရသည်။</p> <p> </p> <p>ဟင်းလင်းပြင်သည် အက်ကွဲနေသော မှန်ချပ်တစ်ခုသဖွယ် ဖြစ်နေပြီး ပုံမှန်မဟုတ်သော အက်ကွဲကြောင်းများကြားမှ ထူးဆန်းသော မြင်ကွင်းများကို တစ်စိတ်တစ်ပိုင်း မြင်တွေ့နေရသည်။ </p> <p>ကြမ်းတမ်းသော ဟင်းလင်းပြင် လှိုင်းဂယက်များက အက်ကွဲကြောင်းများမှ တစ်ခါတစ်ရံ စိမ့်ထွက်လာပြီး စူးရှသော အသံများကို ထုတ်လွှင့်နေတတ်၏။</p> <p> </p> <p>“အရှင်မင်းကြီး၊ ဒီက ဟင်းလင်းပြင်က အရမ်းမတည်မငြိမ် ဖြစ်နေတယ်၊” ယင်းဖုန်းသည် အရိပ်များထဲမှ ထွက်ပေါ်လာပြီး ကင်းထောက်ရလဒ်ကို သတင်းပို့လိုက်သည်။</p> <p> </p> <p>“အက်ကွဲကြောင်း အများစုက ဖျက်ဆီးနိုင်စွမ်းရှိတဲ့ စွမ်းအင်တွေနဲ့ ပြည့်နေတယ်၊ ဒါပေမဲ့ အရှေ့တောင်ထောင့်မှာ စွမ်းအင်လှုပ်ရှားမှု အားနည်းတဲ့ ချောမွေ့တဲ့ အပေါက်တစ်ခု ရှိတယ်... အဲဒီကနေ ဝင်လို့ရနိုင်တယ်၊”</p> <p> </p> <p>ယင်းအချက်အလက်များက သူ၏ သဘာဝအာရုံ ခြေရာခံခြင်းစွမ်းရည်ကို အသုံးပြုထားခြင်း ဖြစ်သည်။</p> <p> </p> <p>လင်းထျန်းလုံ အာရုံစိုက်ကြည့်လိုက်ရာ အရှည် သုံးမီတာ၊ အကျယ် တစ်မီတာခန့်ရှိသော ပုံပျက်နေသည့် အက်ကွဲကြောင်းတစ်ခု လေထဲတွင် ရုပ်ဆိုးသော အမာရွတ်ကြီးတစ်ခုအလား တွဲလောင်းကျနေသည်ကို တွေ့လိုက်ရသည်။</p> <p> </p> <p>အက်ကွဲကြောင်းအတွင်း၌ ပြိုကျသွားသော ဝိညာဉ်နယ်မြေ၏ ကျန်ရစ်နေသည့် ရေခဲနှင့် နှင်းရှုခင်းများကို မှိန်ပျပျ မြင်နေရသော်ငြား တိတ်ဆိတ်မှုနှင့် ကမောက်ကမဖြစ်မှုတို့က လွှမ်းမိုးနေခဲ့၏။</p> <p> </p> <p>“ဒီနေရာပဲ” လင်းထျန်းလုံ အတည်ပြုလိုက်သည်။</p> <p> </p> <p>“အားလုံး ငါ့နောက်ကနေ ကပ်လိုက်ခဲ့၊ သတိထားကြ၊ ဒီက ဟင်းလင်းပြင်တည်ဆောက်ပုံက နုနယ်တယ်၊ ကြမ်းတမ်းတဲ့ စွမ်းအင်ပေါက်ကွဲမှု တစ်ခုခုဖြစ်တာနဲ့ ဆက်တိုက် ပြိုကျသွားနိုင်တယ်”</p> <p> </p> <p>သူက ပထမဆုံး ခြေလှမ်းကို စတင်လိုက်ရာ မိုးပြာနက်နဲရေခဲဝံပုလွေသွေးမျိုးဆက်၏ စွမ်းအားများ ကိုယ်တွင်း၌ လည်ပတ်သွားသည်။</p> <p> </p> <p>ဖျော့တော့တော့ ရေခဲပြာရောင် အလင်းစက်ဝန်းတစ်ခုက သူ၏ ခန္ဓာကိုယ်ကို လွှမ်းခြုံသွားပြီး ဟင်းလင်းပြင် အက်ကွဲကြောင်းထဲသို့ ခြေချလိုက်သည်။</p> <p> </p> <p>အေးစက်သော ရေကန့်လန့်ကာတစ်ခုကို ဖြတ်သန်းသွားရသကဲ့သို့ အနည်းငယ် ဆွဲငင်ခံရပြီး ခေါင်းမူးဝေသွားသည့် ခံစားချက်ကို ရလိုက်သည်။ နောက်ကပါလာသော ဝံပုလွေအုပ်စုဝင်များသည်လည်း ထိုအတိုင်း ခံစားလိုက်ကြရသည်။</p> <p> </p> <p>သူတို့ရှေ့ရှိ မြင်ကွင်းမှာ ရုတ်ခြည်း ပြောင်းလဲသွားတော့၏။ ထျန်းစန်းတောအုပ်၏ စိမ်းလန်းစိုပြည်မှု မဟုတ်တော့ဘဲ ပျက်စီးပြိုကွဲနေသော ရေခဲကမ္ဘာကြီး ဖြစ်နေလေသည်။</p> <p> </p> <p>ကောင်းကင်သည်လည်း ပုံပျက်နေကာ အရောင်ရင့်ရင့် အသွင်ရှိပြီး နေ၊ လ၊ ကြယ်များ မရှိဘဲ တစ်ခါတစ်ရံ မတည်မငြိမ်ဖြစ်နေသော အလင်းတန်းများသာ ဖြတ်ပြေးနေသည်။</p> <p> </p> <p>မြေပြင်ပေါ်တွင် အက်ကွဲကြောင်းများဖြင့် ပြည့်နှက်နေပြီး ရေခဲမြစ်များမှာ အပိုင်းပိုင်း ပြတ်တောက်နေကာ အဝေးတွင် ကြီးမားသော ရေခဲတုံးများနှင့် တောင်ကမ်းပါးယံများ လေထဲတွင် လွင့်မျောနေကြသည်။</p> <p> </p> <p>လေထုထဲတွင် ပါးလွှာသော်လည်း သန့်စင်နေဆဲဖြစ်သော ရေခဲစွမ်းအင်များနှင့် ကြမ်းတမ်းသော ဟင်းလင်းပြင် လှိုင်းဂယက်များ ပြည့်နှက်နေလေသည်။</p> <p> </p> <p>ဤသည်မှာ ပြိုကျသွားသော ဝိညာဉ်နယ်မြေ၏ အကြွင်းအကျန်ဖြစ်ပြီး အန္တရာယ်နှင့် အခွင့်အရေးများ ဒွန်တွဲနေသော ပျောက်ဆုံးနယ်မြေတစ်ခုပင် ဖြစ်သည်။</p> <p> </p> <p>“ကြိုတင်စီစဥ်ထားတဲ့ အစီအစဉ်အတိုင်း စလှုပ်ရှားကြတော့” လင်းထျန်းလုံက တုံ့ဆိုင်းခြင်းမရှိ အမိန့်ပေးလိုက်သည်။</p> <p> </p> <p>တိုက်ပွဲနှင့် ရှင်သန်မှုအတွက် မွေးဖွားလာသော တိကျလှသည့် စက်ယန္တရားကြီးဖြစ်သည့် နှင်းဝံပုလွေမျိုးနွယ်စုသည် ဤကွဲအက်နေသော စစ်မြေပြင်ပေါ်တွင် ခြောက်နာရီတိုင်တိုင် အမြင့်ဆုံး စွမ်းဆောင်ရည်ဖြင့် လည်ပတ်နေတော့သည်။</p> <p> </p> <p>လင်းထျန်းလုံသည် ပုံသေစခန်း မချထားဘဲ အဓိက အဖွဲ့ဝင်များကို ပျောက်ကျားတပ်ဖွဲ့အဖြစ် ဦးဆောင်ကာ နေရာအနှံ့ အကူအညီပေးနေ၏။</p> <p> </p> <p>တစ်ချိန်တည်းမှာပင် ရွေ့လျားနေသည့် အရင်းအမြစ် သိမ်းဆည်းရေးစခန်းသဖွယ် လှုပ်ရှားနေပြီး သူ၏ တစ်ဆယ်ကုဗမီတာ ကျယ်ဝန်းသော အသိစိတ်နေရာလွတ် ထဲတွင် အမျိုးမျိုးသော မိစ္ဆာအမြုတေများနှင့် ရှားပါးဝိညာဉ်ပစ္စည်းများမှာ အံ့မခန်း အမြန်နှုန်းဖြင့် ပြည့်နှက်လာခဲ့လေသည်။</p> <p> </p> <p>အရှေ့ဘက် ရှာဖွေရေးဧရိယာ။</p> <p> </p> <p>ရေပြာကြေးခွံအစောင့်အရှောက် တစ်ကောင်သည် သူ၏ အလွန်ကောင်းမွန်သော အနံ့ခံနှင့် အကြားအာရုံကို အသုံးပြု၍ ရေခဲဂူတစ်ခုထဲတွင် ပုန်းအောင်းနေသော ကောင်းကင်ချိုသမင်အုပ် တစ်အုပ်ကို ခြေရာခံမိသွားသည်။</p> <p> </p> <p>သတင်းအချက်အလက်များကို အလျင်အမြန် ပြန်လည်ပေးပို့လိုက်၏။</p> <p> </p> <p>သိပ်မကြာမီ ထျန်းပင်း ကိုယ်တိုင်တာဝန်ပေးထားသော သာမန် ပါရမီရှင်အဆင့် နှင်းဝံပုလွေနှစ်ကောင်နှင့် ရေပြာကြေးခွံအစောင့်အရှောက် တစ်ကောင် ပါဝင်သည့် ဝံပုလွေသုံးကောင်အဖွဲ့က ချွန်ထက်သော မြှားတစ်စင်းအလား ရောက်ရှိလာသည်။</p> <p> </p> <p>ဟိန်းဟောက်သံများ ပေးမနေတော့ဘဲ အေးခဲနေသော နှင်းများမှုတ်ထုတ်ခြင်းနှင့် ထက်မြက်သော လက်သည်းချက်များ ရောယှက်သွားပြီး ရေခဲဂူအဝင်ဝကို ချက်ချင်း ပိတ်ဆို့လိုက်သည်။ သမင်အုပ်မှာ အသက်ကင်းမဲ့စွာဖြင့် လဲကျသွားရတော့သည်။</p> <p> </p> <p>အစိမ်းရောင် သို့မဟုတ် အဖြူရောင်များ လင်းလက်နေသော မိစ္ဆာအမြုတေ ခုနစ်ခုကို အမြန်ဆွဲထုတ်လိုက်ကြသည်။</p> <p> </p> <p>[စနစ်အသိပေးချက်]။  ။လက်အောက်ခံ နှင်းဝံပုလွေ (မုဆိုး-က) သည် ဝိညာဉ်စွမ်းအင်အဆင့် မိစ္ဆာသားရဲ · ကောင်းကင်ချိုသမင်ကို သတ်ဖြတ်နိုင်ခဲ့ပြီး မိစ္ဆာအမြုတေ (စိမ်းပြာရောင်  ကြေးအဆင့်) ကို ရရှိပါသည်။</p> <p> </p> <p>[စနစ်အသိပေးချက်]။  ။လက်အောက်ခံ ရေပြာကြေးခွံအစောင့်အရှောက် (အစောင့်-ဂ) သည်  ခြေလှမ်း၀က်ပါရမီရှင်အဆင့် မိစ္ဆာသားရဲ · ကောင်းကင်ချိုသမင်ဘုရင်ကို သတ်ဖြတ်နိုင်ခဲ့ပြီး မိစ္ဆာအမြုတေ (အဖြူရောင် ငွေအဆင့်)ကို ရရှိပါသည်။</p> <p> </p> <p>အရှေ့မြောက်ဘက် အရိပ်ချောက်ကမ်းပါး။</p> <p> </p> <p>ယင်းဖုန်း၏ ပုံရိပ်သည် ပုံပျက်နေသော အရိပ်များကြားမှ တိတ်ဆိတ်စွာ ထွက်ပေါ်လာလေသည်။</p> <p> </p> <p>သူ၏ ရှေ့မှောက်တွင် မကောင်းဆိုးဝါး အနက်ရောင်အငွေ့အသက်များ ဝန်းရံနေသည့် ကြီးမားလွန်းသော အရိပ်တစ္ဆေကျားကြီး ရှိနေ၏။</p> <p> </p> <p>ဤအဆင့် ၂၂ ပါရမီရှင်အဆင့် မိစ္ဆာသားရဲကြီး ခြိမ်းခြောက်ဟိန်းဟောက်လိုက်ချိန်မှာပင် ယင်းဖုန်းသည် [အရိပ်ကူးပြောင်းခြင်း] ကို အသုံးပြု၍ နေရာမှ ပျောက်ကွယ်သွားလေပြီ။</p> <p> </p> <p>နောက်တစ်ခဏတွင် အရိပ်တစ္ဆေကျားကြီး ပတ်လည်ရှိ အရိပ်များထဲမှ မရေမတွက်နိုင်သော အစွန်းရောက် အရိပ်လေဓားသွားများ တိတ်ဆိတ်စွာ ပေါက်ကွဲထွက်လာသည်။</p> <p>တိုက်ပွဲသည် စက္ကန့်တစ်ဆယ်ကျော်မျှသာ ကြာမြင့်ခဲ့၏။ ယင်းဖုန်းက တစ္ဆေဆန်ဆန် လင်းလက်နေသော အဖြူရောင် အမြုတေကို ကောက်ယူလိုက်ပြီး သူ၏ ပုံရိပ်မှာ အရိပ်များထဲသို့ ပြန်လည်၀င်ရောက် ပျောက်ကွယ်သွားလေတော့သည်။</p> <p> </p> <p>[စနစ်အသိပေးချက်]။ ။လက်အောက်ခံ ယင်းဖုန်းသည် ပါရမီရှင်အဆင့် မိစ္ဆာသားရဲ · အရိပ်တစ္ဆေကျားကို သတ်ဖြတ်နိုင်ခဲ့ပြီး မိစ္ဆာအမြုတေ (အဖြူရောင် ငွေအဆင့်)ကို ရရှိပါသည်။</p> <p> </p> <p>အရှေ့ဘက် ပင်မစစ်မြေပြင်၊ ရေခဲမြစ်လွင်ပြင်။</p> <p> </p> <p>ရန့်မြဲ့ ဦးဆောင်သော အမဲလိုက်အဖွဲ့၏ အရှိန်အဟုန်မှာ တားဆီးမရနိုင်အောင် ဖြစ်နေလေသည်။</p> <p> </p> <p>သူ၏ ကြီးမားသော ခန္ဓာကိုယ်ကြီးက ရွေ့လျားနေသည့် ခံတပ်ကြီးတစ်ခုအလားပင်။</p> <p> </p> <p>ရေခဲကြေးခွံချပ်ဝတ်တန်ဆာက ပါရမီရှင်အဆင့် ရေခဲဝံပုလွေ အများအပြား၏ ထိုးနှက်ချက်များကို ခံနိုင်ရည်ရှိပြီး မကောင်းဆိုးဝါး အငွေ့အသက်များ ပါဝင်နေသည့် မိစ္ဆာဝိညာဉ်ခွဲလက်သည်းက ပြိုင်ဘက်များကို အလွယ်တကူ ဆုတ်ဖြဲပစ်နေသည်။</p> <p> </p> <p>သူ၏ နောက်ကွယ်ရှိ နှင်းဝံပုလွေများကလည်း အချိတ်အဆက်မိစွာဖြင့် ဝံပုလွေအုပ်များကို တစ်စုပြီးတစ်စု ဝိုင်းရံကာ ချေမှုန်းနေကြ၏။</p> <p> </p> <p>[စနစ်အသိပေးချက်]။  ။လက်အောက်ခံ ရန့်မြဲ့သည် ပါရမီရှင်အဆင့် မိစ္ဆာသားရဲ · ရေခဲဝံပုလွေကို သတ်ဖြတ်နိုင်ခဲ့ပြီး [မိစ္ဆာအမြုတေ (အဖြူရောင် ငွေအဆင့်) ကို ရရှိပါသည်။</p> <p> </p> <p>[စနစ်အသိပေးချက်]။  ။လက်အောက်ခံ နှင်းဝံပုလွေ (မုဆိုး-ဃ) သည် ထူးချွန်အဆင့် မိစ္ဆာသားရဲ · ရေခဲဝံပုလွေကို သတ်ဖြတ်နိုင်ခဲ့ပြီး မိစ္ဆာအမြုတေ (စိမ်းပြာရောင်)ကို ရရှိပါသည်။</p> <p> </p> <p>ဝိညာဉ်နယ်မြေအတွင်း လင်းထျန်းလုံသည် တည်ငြိမ်သော ရေခဲတောင်ကုန်းတစ်ခုကို ရွေးချယ်ကာ ယာယီ ကွပ်ကဲရေးစခန်းအဖြစ် သတ်မှတ်လိုက်သည်။</p> <p> </p> <p>သူ တိတ်ဆိတ်စွာ လှဲလျောင်းနေစဉ် သူ၏ အသိစိတ်ထဲတွင် စနစ်အသိပေးချက်များ ရေတံခွန်တစ်ခုလို အဆက်မပြတ် စီးဆင်းနေ၏။</p> <p> </p> <p>ဤကြေးနှင့် ငွေအဆင့် စွမ်းရည်များသည် လက်ရှိတွင် လင်းထျန်းလုံအတွက် ဆွဲဆောင်မှု မရှိတော့ပေ။</p> <p> </p> <p>အတွေးတစ်ခုဖြင့် ဤအဆင့်နိမ့် စွမ်းရည်များကို သန့်စင်သော စွမ်းအင်များအဖြစ် ပြောင်းလဲလိုက်ပြီး မိုးပြာနက်နဲရေခဲဝံပုလွေသွေးမျိုးဆက်နှင့် ထာဝရတိုက်ပွဲဝိညာဥ်ကဲ့သို့သော အဓိက ဘုရင်အဆင့် စွမ်းရည်များကို အာဟာရဖြည့်တင်းပေးလိုက်သည်။</p> <p> </p> <p>သတ်ဖြတ်ခြင်းနှင့် ရိတ်သိမ်းခြင်းတို့မှာ ထိရောက်စွာ ဆက်လက်လည်ပတ်နေ၏။</p> <p> </p> <p>သူ၏ အသိစိတ်နေရာလွတ်ထဲတွင် အဆင့်နိမ့် မိစ္ဆာအမြုတေများနှင့် ဝိညာဉ်ပစ္စည်း အမျိုးမျိုး တဖြည်းဖြည်း တိုးပွားလာလေပြီ။</p> <p> </p> <p>ယာယီရှင်းလင်းထားသော လုံခြုံရေးဧရိယာထဲတွင် ရှောင်လန်နှင့် ရှောင်ယင်းတို့သည် ပြန့်ပြူးသော ရေခဲကျောက်တုံးတစ်ခုပေါ်တွင် ထိုင်ကာ နွေးထွေးစေရန် သားမွေးထူထူများ ခြုံထားကြသည်။</p> <p> </p> <p>လင်းထျန်းလုံ ပြင်ဆင်ပေးထားသော ဝိညာဉ်သစ်သီးများနှင့် လတ်ဆတ်သော မိစ္ဆာသားရဲ အသားများဖြင့် နေ့လယ်စာစားပြီးခါစ ဖြစ်သည်။</p> <p>သိက်မကြာမီ သူတို့၏ အာရုံများက အဝေးမှ အဆက်မပြတ် ပြန်ရောက်လာပြီး သားကောင်များ လာချပေးနေသော ဝံပုလွေအုပ်ဆီသို့ ရောက်သွားကြသည်။</p> <p> </p> <p>အက်ကွဲနေသော ရေခဲကမ္ဘာကြီးထဲတွင် အလင်းရောင်မှာ ထူးဆန်းနေသော်လည်း အမြင့်ဆုံး စွမ်းဆောင်ရည်ဖြင့် အမဲလိုက်နေသော မြင်ကွင်းက ပြန်ဝင်စားလာသည့် ဧကရီနှစ်ပါး၏ ရင်ထဲတွင် ဖော်ပြရခက်သော လှုပ်ခတ်မှုတစ်ခုကို ဖြစ်ပေါ်စေခဲ့သည်။</p> <p> </p> <p>ရှောင်ယင်းက ကြီးမားသော ရေခဲပြင်ဝံပုလွေ အလောင်းကြီးကို ဆွဲလာသည့် အခြား နှင်းဝံပုလွေအဖွဲ့ကို ကြည့်ကာ ရှောင်လန်အား တိုးတိုးလေး ပြောလိုက်သည်။</p> <p> </p> <p>“ရှောင်လန်၊ ဒီနေ့ အားလုံးက အရမ်းအလုပ်များနေကြတယ်နော်၊ တောက်ပနေတဲ့ ကျောက်တုံးတွေ အများကြီး ပြန်သယ်လာကြတယ်၊”</p> <p> </p> <p>ရှောင်လန်က ခေါင်းညိတ်လိုက်ပြီး တောင်လိုပုံနေသော မိစ္ဆာသားရဲ အလောင်းများနှင့် အရောင်အမျိုးမျိုး လင်းလက်နေသော အမြုတေများကို ဝေ့ကြည့်လိုက်သည်။</p> <p> </p> <p>“အင်း... ဖေဖေက အားလုံး ပိုသန်မာလာဖို့ ပစ္စည်းတွေ ထပ်ရှာပေးနေတာလေ၊”</p> <p> </p> <p>‘ဒီစွမ်းဆောင်ရည်က... တိတိကျကျ လည်ပတ်နေတဲ့ စစ်စက်ယန္တရားကြီးတစ်ခုလိုပဲ’</p> <p> </p> <p>သူမ၏ ရင်ထဲတွင် တုန်လှုပ်စွာ တွေးလိုက်မိသည်။ </p> <p>‘အရင်ဘဝက ငါတွေ့ဖူးသမျှ မိစ္ဆာသားရဲ တပ်မတော်တွေထက် အများကြီး သာလွန်နေတယ်၊’</p> <p> </p> <p>‘ကင်းထောက်တာ၊ နေရာချထားတာက အစ လျင်မြန်တဲ့ လုပ်ကြံသတ်ဖြတ်မှု၊ ပြီးတော့ စစ်မြေပြင် ရှင်းလင်းရေးနဲ့ ပစ္စည်းသယ်ယူပို့ဆောင်ရေး အဆုံး အချိတ်အဆက်မိပြီး တာဝန်ခွဲဝေမှု ရှင်းလင်းတယ်... တုံ့ဆိုင်းမှု တစ်စက်လေးမှ မရှိဘူး”</p> <p> </p> <p>“ဒါက သာမန် မျိုးနွယ်စုတစ်ခုရဲ့ အတိုင်းအတာကို ကျော်လွန်နေပြီ၊” ရှောင်ယင်းကလည်း သူမ၏ အံ့အားသင့်မှုကို မျှဝေလိုက်သည်။</p> <p> </p> <p> သူမ၏ အစွမ်းထက်သော တိုက်ပွဲအသိစိတ်က ဝံပုလွေအုပ်၏ လှုပ်ရှားမှုများထဲတွင် ပါဝင်နေသော ရိုးရှင်းမှုနှင့် သေစေနိုင်စွမ်းကို ပိုမိုသိသာစွာ ခံစားသိရှိနိုင်စေသည်။</p> <p> </p> <p>“နေ့တစ်ဝက်အတွင်းမှာတင် ရိတ်သိမ်းရလာတဲ့ အမြုတေ အရေအတွက်က ဂဏန်းသုံးလုံးလောက် ရှိနေပြီ... ဒီအမဲလိုက်နှုန်းက အရမ်း ကြောက်စရာကောင်းလွန်းတယ်”</p> <p> </p> <p>လင်းထျန်းလုံသည် ထိုလျှို့ဝှက်ဆန်းကြယ်သော နေရာလွတ်ထဲသို့ သားကောင်များကို အသုတ်လိုက် အသုတ်လိုက် တည်ငြိမ်စွာ သိမ်းဆည်းနေပြီး ရပ်တန့်မည့် အရိပ်အယောင်မပြသည်ကို သူတို့ စောင့်ကြည့်နေကြသည်။</p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p style="text-align: center;">***</p>


Save