Book List

<h2 style="text-align: center;">အခန်း (၁၇၈)</h2> <h2 style="text-align: center;">မျိုးနွယ်စုတစ်ခုလုံး စွမ်းအားတိုးတက်လာကြခြင်း (၁)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p> </p> <p>ဝံပုလွေအသိုက်အတွင်းဝယ်….</p> <p> </p> <p>လေထုက ဆူပွက်နေသော မီးဖိုကြီးတစ်ခုပမာ ပူပြင်းတက်ကြွနေသည်။</p> <p> </p> <p>စူးစမ်းရှာဖွေရေးတပ်ဖွဲ့သည် ပုံမှန်လည်ပတ်နေသော ကြယ်တာရာအကာအကွယ်ကို ဖြတ်သန်းကာ တောင်တမျှမြင့်မားသော စစ်ပွဲပစ္စည်းများကို သယ်ဆောင်ပြန်လာချိန်တွင် တစ်နွယ်လုံး စိတ်လှုပ်ရှားစွာ ဆူညံသွားကြသည်။</p> <p> </p> <p>ကျန်ရစ်ခဲ့သော ဝံပုလွေအနများနှင့် ဝံပုလွေပေါက်စလေးများ ဝိုင်းအုံလာကာ ဝမ်းသာအားရ အူသံများ ပေးလိုက်ကြသည်။ </p> <p>တောင်တမျှပုံနေသော မိစ္ဆာအလောင်းကောင်များ၊ ရောင်စုံဝိညာဉ်အလင်းများ တလက်လက်တောက်ပနေသော အမြုတေများနှင့် ပစ္စည်းကိရိယာများက ဤခရီးစဉ်၏ ကြီးမားသော အောင်မြင်မှုကို ကြေညာနေသည်။</p> <p> </p> <p>လေထုထဲတွင် သွေးနံ့များ၊ ရေခဲစွမ်းအင်များနှင့် မျှော်လင့်ချက် ဟုခေါ်သော အားမာန်အပြည့်အဝရှိသည့် အငွေ့အသက်များ ပြည့်နှက်နေလေသည်။</p> <p> </p> <p>လင်းထျန်းလုံသည် ဝံပုလွေအသိုက်၏ အလယ်ဗဟိုတွင် ရပ်နေသည်။ သူ၏ ဧရာမခန္ဓာကိုယ်ကြီးက ကြယ်တာရာအကာအကွယ်၏ ကြယ်ရောင်အောက်တွင် ပိုမိုခန့်ညားထည်ဝါနေလေသည်။</p> <p> </p> <p>သူ၏အကြည့်က မျိုးနွယ်စုဝင်အားလုံးဆီသို့ ကျရောက်သွားပြီး သူတို့မျက်လုံးထဲမှ စိတ်လှုပ်ရှားမှု၊ ကိုးကွယ်ယုံကြည်မှုနှင့် တောင့်တမှုများကို မြင်တွေ့လိုက်ရသည်။ </p> <p>ခြေထောက်အောက်ရှိ ဤမြေပြင်နှင့် ၎င်းပေါ်ရှိ နှင်းဝံပုလွေအားလုံးသည် အလယ်ဗဟိုရှိ အသွင်ပြောင်းနေသော တိုတမ်မိခင်သစ်ပင်နှင့် အသက်ချင်း ဆက်နွှယ်နေကြောင်း ရှင်းလင်းစွာ ခံစားမိနေသည်။</p> <p> </p> <p>ရှေးဟောင်းဝံပုလွေမျိုးနွယ်မှ မြစ်ဖျားခံလာသော သွေးမျိုးဆက်စွမ်းအားတစ်ခု ဖြည်းညင်းစွာ နိုးထလာနေသည်။</p> <p> </p> <p>၎င်းမှာ နှင်းဝံပုလွေမျိုးနွယ်၏ အခြေခံအုတ်မြစ်ဖြစ်သော ငွေပြာနှင်းဝံပုလွေဖြူသွေးမျိုးဆက်ပင်ဖြစ်သည်။</p> <p> </p> <p>မိမိတို့၏ ကိုယ်ပိုင်ပင်ကိုစွမ်းရည်များနှင့် ဤသွေးမျိုးဆက်အခြေခံပေါ် မူတည်၍ မျိုးနွယ်စုဝင်များသည် ခံစစ်ကိုအဓိကထားသော အစောင့်အရှောက်များ….</p> <p> </p> <p>ထိပ်တိုက်တိုက်ခိုက်ရာတွင် ထူးချွန်သော လုပ်ကြံသတ်ဖြတ်သူများ….</p> <p> </p> <p> </p> <p>ကင်းထောက်ခြင်းနှင့် ရုတ်တရက်တိုက်ခိုက်ခြင်းတို့တွင် ကျွမ်းကျင်သော မုဆိုးများအဖြစ် ကြီးထွားလာကြမည်ဖြစ်သည်။</p> <p> </p> <p>‘ငါတို့ ပြန်လာပြီ'</p> <p> </p> <p>လေးနက်သော အသံတစ်သံက နှင်းဝံပုလွေတိုင်း၏ အသိစိတ်ထဲသို့ တိုက်ရိုက် ပဲ့တင်ထပ်သွားသည်။</p> <p>ထိုအသံထဲတွင် မေးခွန်းထုတ်ဖွယ်မရှိသော အာဏာစက်နှင့် ခံစားသိရှိရန် ခက်ခဲသော သက်သာရာရမှုအငွေ့အသက်တစ်ခု ပါဝင်နေလေသည်။</p> <p> </p> <p>‘ဒီတိုက်ပွဲက ကြီးကျယ်တဲ့ အောင်ပွဲပဲ'</p> <p> </p> <p>ရှည်လျားသော မိန့်ခွန်းများ ပြောမနေတော့ဘဲ ဆုချီးမြှင့်ခြင်း စတင်ပြီဖြစ်ကြောင်း သူ၏လုပ်ရပ်များဖြင့်သာ ကြေညာလိုက်သည်။</p> <p> </p> <p>စိတ်အာရုံတစ်ခုနှင့်အတူ အသိစိတ်နေရာလွတ် စွမ်းရည် ပွင့်လာလေသည်။</p> <p> </p> <p>ရုတ်တရက် ဝံပုလွေအသိုက်၏ ကွင်းပြင်ကျယ်ပေါ်သို့ အဖိုးတန်အရင်းအမြစ်များ မိုးရွာချလိုက်သည့်အလား ပုံကျလာခဲ့သည်။</p> <p> </p> <p>မှိန်ဖျော့ဖျော့ ရေခဲပြာရောင်အလင်းများ တောက်ပနေသော ရေခဲသလင်းကျောက်များက တောင်ပူစာလေးများသဖွယ် ပုံကျလာသည်။</p> <p> </p> <p>စိမ်းပြာ၊ အဖြူနှင့် ခရမ်းရောင် အလင်းတန်းများ ရောယှက်နေသော မတူညီသည့် စွမ်းအင်သဘာဝရှိသော မိစ္ဆာအမြုတေများလည်း တဂျုံးဂျုံးနှင့် ကျဆင်းလာသည်။</p> <p> </p> <p>ရှားပါးဝိညာဉ်ဆေးပင်များ၊ မာကျောသော တိရစ္ဆာန်အရိုးများ၊ အထူးပစ္စည်းကိရိယာများ။</p> <p> </p> <p>ယင်းတို့အထဲတွင် အထင်ရှားဆုံးမှာ အသန့်စင်ဆုံး ရေခဲအမြုတေများကဲ့သို့ နက်ရှိုင်းသော အပြာရောင်ရှိသည့် အလုံးသုံးဆယ်ခန့်ရှိ မိစ္ဆာသလင်းကျောက်များ၊</p> <p> </p> <p>တစ်နည်းအားဖြင့် ရေခဲချပ်ဝတ်သားရဲ၏ အမြုတေများပင်ဖြစ်သည်။ ၎င်းတို့ထံမှ ထွက်ပေါ်နေသော သန့်စင်သည့် ရှေးဟောင်းရေခဲစွမ်းအင်က ရေခဲစွမ်းအင်ပိုင်ဆိုင်သည့် သက်ရှိအားလုံးကို တုန်လှုပ်သွားစေသည်။</p> <p> </p> <p>ထိုအထဲမှ အမြုတေတစ်ခုမှာ အရွယ်အစားပိုကြီးရုံသာမက မှိန်ဖျော့ဖျော့ ရွှေရောင်အလင်းဝန်းတစ်ခုပါ ထွက်ပေါ်နေသည်။</p> <p> </p> <p>၎င်းတွင်ပါဝင်သော စွမ်းအင်လှိုင်းများကြောင့် ရန့်မြဲ့နှင့် ထျန်းပင်းကဲ့သို့သော အဓိကစစ်သူကြီးများပင် ဘေးတိုက်လှည့်ကြည့်လာကြသည်။</p> <p> </p> <p>“အာဝူးးး”</p> <p> </p> <p>ထျန်းပင်းထံမှ ခပ်သြသြဟိန်းသံတစ်ချက် ထွက်ပေါ်လာပြီး ရွှေရောင်မျက်လုံးများထဲတွင် လိုလားတောင့်တမှုအရိပ်အယောင်တစ်ခု လျှပ်တစ်ပြတ် ပေါ်လာသော်လည်း ချက်ချင်း ပြန်ထိန်းချုပ်လိုက်ကာ လင်းထျန်းလုံ၏ ဘေးဘက်မှ သစ္စာရှိစွာ ကာကွယ်ပေးထားလေသည်။</p> <p> </p> <p>ဘုရင်မင်းမြတ်တွင် ကိုယ်ပိုင်အစီအစဉ်ရှိကြောင်း သူသိသည်။</p> <p> </p> <p>လင်းထျန်းလုံ၏ အကြည့်က ပျမ်းမျှအဆင့် ၂၀ ရှိသော သာမန်နှင်းဝံပုလွေအဖွဲ့ဝင်များဆီသို့ ဦးစွာ ကျရောက်သွားသည်။ သူတို့သည် မျိုးနွယ်စု၏ အုတ်မြစ်နှင့် ကျောရိုးများဖြစ်ကြသည်။</p> <p> </p> <p>“ဒီတိုက်ပွဲမှာ မင်းတို့အားလုံး ရဲရဲဝင့်ဝင့် တိုက်ပွဲဝင်ခဲ့ကြတဲ့အတွက် ဆုချီးမြှင့်ခံရဖို့ ထိုက်တန်တယ်”</p> <p> </p> <p>အသံဆုံးသည်နှင့် တပြိုင်နက် လင်းထျန်းလုံသည် အစွမ်းထက်သော စိတ်ထိန်းချုပ်ခြင်းစွမ်းရည်ဖြင့် အဖြူရောင်အဆင့်ရှိ ရေခဲချပ်ဝတ်သားရဲအမြုတေ အလုံးနှစ်ဆယ်ကျော်ကို တိကျစွာ ထိန်းချုပ်လိုက်ရာ သာမန်နှင်းဝံပုလွေတစ်ကောင်စီတိုင်းဆီသို့ အပြာရောင်ကြယ်ပျံများသဖွယ် ပျံသန်းသွားလေသည်။</p> <p> </p> <p>“မျိုချလိုက်ကြ၊ ပြီးရင် ချေဖျက်လိုက်၊ ဒါက မင်းတို့အတွက် ပိုမိုခိုင်မာတဲ့ အုတ်မြစ်တစ်ခုကို တည်ဆောက်ပေးလိမ့်မယ်”</p> <p> </p> <p>“အာဝူး”</p> <p> </p> <p>ဝံပုလွေအုပ်ကြီးသည် ချက်ချင်းပင် စိတ်လှုပ်ရှားကျေးဇူးတင်သော အူသံများ ပေးလိုက်ကြသည်။ ထို့နောက် မည်သည့်တုံ့ဆိုင်းမှုမျှမရှိဘဲ ရှေ့သို့ရောက်လာသော ရေခဲပြာရောင်အမြုတေများကို မျိုချလိုက်ကြလေသည်။</p> <p> </p> <p>ချက်ချင်းပင် ခန္ဓာကိုယ်အတွင်းမှ ပြင်းထန်သော ရေခဲစွမ်းအင်လှိုင်းများ ပေါက်ကွဲထွက်လာပြီး ဝံပုလွေအသိုက်အတွင်းရှိ အပူချိန်မှာလည်း သိသိသာသာ ကျဆင်းသွားသည်။</p> <p> </p> <p>ထူထပ်သော ရေခဲမြူများ ဝန်းရံလာစဉ် သူတို့ မြေပြင်ပေါ်၌ လှဲလျောင်းလိုက်ကြသည်။</p> <p> </p> <p>အရိုးများမှ တဖြောက်ဖြောက် မြည်သံများထွက်ပေါ်လာကာ ကြွက်သားများ ဖောင်းကြွလာပြီး မူလက ငွေရောင်တောက်ပနေသော အမွေးအမှင်များသည် ရေခဲလွှာပါးပါးလေး ဖုံးလွှမ်းသွားသကဲ့သို့ ပိုမိုကြည်လင်တောက်ပလာလေသည်။</p> <p> </p> <p>သူတို့၏ အခြေခံသွေးမျိုးဆက်မှာ ပဲ့တင်ထပ်ကာ သန့်စင်နေပြီဖြစ်သည်။</p> <p> </p> <p>“စတင်နေပြီပဲ”</p> <p> </p> <p>အစောင့်အရှောက်တစ်ဦးဖြစ်သူ ရန့်မြဲ့က အသံဩဩဖြင့် ပြောလိုက်သည်။ မျိုးနွယ်စုဝင်များ၏ အငွေ့အသက်များ တည်ငြိမ်စွာ မြင့်တက်လာပြီး သွေးမျိုးဆက်များ ပိုမိုသန့်စင်တက်ကြွလာသည်ကို သူ ခံစားမိနေသည်။</p> <p> </p> <p>“ဘုရင်မင်းမြတ်ရဲ့ ဒီလုပ်ရပ်က မျိုးနွယ်စုရဲ့ အုတ်မြစ်ကို ပိုပြီး ခိုင်မာစေလိမ့်မယ်”</p> <p> </p> <p>‌ကင်း‌ထောက်တစ်ဦးဖြစ်သော ယင်းဖုန်းကလည်း ထောက်ခံလိုက်သည်။ အမှောင်ရိပ်ထဲတွင် သူ၏ပုံရိပ်က အနည်းငယ် လှုပ်ရှားသွားသည်။</p> <p> </p> <p>ထိုအချိန်တွင် လင်းထျန်းလုံ၏ အကြည့်က ကာကွယ်ရေးတာဝန်ယူထားသော ရေပြာကြေးခွံအစောင့်အရှောက် ခြောက်ဦးဆီသို့ ရောက်သွားသည်။</p> <p> </p> <p>သူတို့သည် ထျန်းပင်း၏ အစောဆုံးလက်အောက်ငယ်သားများဖြစ်ပြီး မျိုးနွယ်စု၏ အမာခံဒိုင်းကာများဆိုလည်း မမှားချေ။</p> <p> </p> <p>“မင်းတို့က မျိုးနွယ်စုကို ကာကွယ်ပေးခဲ့ပြီး ကြီးကြီးမားမား အကျိုးဆောင်ခဲ့ကြတယ်၊ ဒီပစ္စည်းက မင်းတို့နဲ့ အသင့်တော်ဆုံးပဲ”</p> <p> </p> <p>စွမ်းအင်အလွန်ကြွယ်ဝသော အဖြူရောင်အဆင့် ရေခဲချပ်ဝတ်သားရဲ အမြုတေ ခြောက်လုံး သူတို့ရှေ့သို့ ဖြည်းညင်းစွာ ပျံသန်းလာလေသည်။</p> <p> </p> <p>ရေပြာကြေးခွံအစောင့်အရှောက် ခြောက်ကောင်၏ မျက်လုံးများထဲတွင် အံ့သြမှုနှင့် ခိုင်မာပြတ်သားသော အလင်းတန်းများ ပေါက်ကွဲထွက်လာပြီး မည်သည့်တုံ့ဆိုင်းမှုမျှမရှိဘဲ ခန္ဓာကိုယ်ကိုမတ်ကာ အမြုတေများကို မျိုချလိုက်ကြသည်။</p> <p> </p> <p>ဘုန်း….</p> <p> </p> <p>သာမန်နှင်းဝံပုလွေများထက် အဆပေါင်းများစွာ အားကောင်းသော စွမ်းအင်လှိုင်းများ ရုတ်တရက် ပေါက်ကွဲထွက်လာသည်။</p> <p> </p> <p>ရေပြာကြေးခွံအစောင့်အရှောက် ခြောက်ဦးထံမှ နာကျင်မှုနှင့် ကျေနပ်မှု ရောယှက်နေသော ဟိန်းသံများ ထွက်ပေါ်လာခဲ့သည်။</p> <p> </p> <p>ခန္ဓာကိုယ်ပေါ်ရှိ ရေပြာကြေးခွံသွေးမျိုးဆက်မှာ လုံးဝနိုးထလာပြီး ရှေးဟောင်းရေခဲစွမ်းအင်၏ လှုံ့ဆော်မှုအောက်တွင် ခံစစ်ပိုင်းဆိုင်ရာ ပြင်းထန်သော မျိုးဗီဇပြောင်းလဲမှုတစ်ခု ဖြစ်ပေါ်လာသည်။</p> <p> </p> <p>သေးငယ်သော စိမ်းပြာရောင်ကြေးခွံပုံရိပ်များက ရုတ်တရက် စစ်မှန်လာကာ ပိုမိုထူထဲမာကျောပြီး ထင်ရှားလာသည်။ </p> <p>ထို့အပြင် သိပ်သည်းလွန်းသော နက်ရှိုင်းသည့် ရေခဲပြာရောင်စွမ်းအင်လွှာတစ်ခုက ကြေးခွံများပေါ်တွင် သက်ရှိတစ်ခုပမာ ရစ်ပတ်လာပြီး ခန္ဓာကိုယ်တစ်ခုလုံးကို လျင်မြန်စွာ ဖုံးလွှမ်းသွားကာ ခမ်းနားခိုင်မာသော ရေခဲသလင်းအကာအကွယ်လွှာတစ်ခု ဖြစ်တည်လာတော့သည်။</p> <p> </p> <p>သူတို့၏ အငွေ့အသက်များမှာလည်း တည်ငြိမ်စွာ မြင့်တက်လာပြီး ခံစစ်စွမ်းအားမှာ အဆင့်သစ်တစ်ခုသို့ ခုန်တက်သွားလေသည်။</p> <p> </p> <p>[စနစ်အသိပေးချက်]။  ။ပိုင်ရှင်၏လက်အောက်ခံ နှင်းဝံပုလွေ ရေပြာကြေးခွံအစောင့်အရှောက် ၁ သည် ရေခဲချပ်ဝတ်သားရဲ အမြုတေကို စုပ်ယူလိုက်ပါသည်။</p> <p> </p> <p>ပင်ကိုစွမ်းရည် ရေပြာကြေးခွံသွေးမျိုးဆက် သိသိသာသာ သန့်စင်သွားပြီး စွမ်းရည်အချက်အလက်အားလုံး အနည်းငယ် တိုးတက်လာပါသည်။</p> <p> </p> <p>[စနစ်အသိပေးချက်]။  ။လက်အောက်ခံ ရေပြာကြေးခွံအစောင့်အရှောက်များသည် ရေခဲချပ်ဝတ်သားရဲ အမြုတေများကို စုပ်ယူလိုက်ပြီး ပင်ကိုစွမ်းရည် လျှို့ဝှက်ရေခဲကြေးခွံချပ်ဝတ် (ခရမ်းရောင် အလယ်အလတ်) ကို အောင်မြင်စွာ နားလည်သဘောပေါက်သွားပါသည်။</p> <p> </p> <p>[စနစ်အသိပေးချက်]။  ။လက်အောက်ခံ ရေပြာကြေးခွံအစောင့်အရှောက်များသည် ပင်ကိုစွမ်းရည် နဂါးကြေးခွံချပ်၀တ် (ခရမ်းရောင် အလယ်အလတ်)နှင့် လျှို့ဝှက်ရေခဲကြေးခွံချပ်ဝတ် (ခရမ်းရောင် အလယ်အလတ်)တို့ကို တစ်ပြိုင်နက် ပိုင်ဆိုင်ထားကြောင်း တွေ့ရှိရပါသည်။</p> <p> </p> <p>လိုက်ဖက်မှု အလွန်မြင့်မားသောကြောင့် ပင်ကိုယ်စွမ်းရည်များ ပေါင်းစပ်အသွင်ပြောင်းခြင်း စတင်နေပါပြီ။</p> <p> </p> <p>[စနစ်အသိပေးချက်]။  ။ပေါင်းစပ်ခြင်း အောင်မြင်ပါသည်။ ပင်ကိုယ်စွမ်းရည်သည် ဆောင်းဦးအကာအကွယ် (ရွှေရောင်၊ အလယ်အလတ်) သို့ တက်လှမ်းသွားပါသည်။</p> <p> </p> <p>အောင်မြင်သွားပြီပဲ။</p> <p> </p> <p>လင်းထျန်းလုံ၏ မျက်လုံးများထဲမှ စူးရှသော အလင်းတန်းတစ်ခု ပေါက်ကွဲထွက်လာလေသည်။ ပင်ကိုစွမ်းရည်အသစ်၏ အသေးစိတ်အချက်အလက်များကို သူ ချက်ချင်း စစ်ဆေးကြည့်လိုက်သည်။</p> <p> </p> <p>[နှင်းခဲအကာအကွယ် (ရွှေရောင် အလယ်အလတ်အဆင့်)] - နဂါးကြေးခွံချပ်၀တ်နှင့် လျှို့ဝှက်ရေခဲကြေးခွံချပ်ဝတ်တို့ ပေါင်းစပ်အသွင်ပြောင်းရာမှ ဖြစ်ပေါ်လာသော ဘုရင်အဆင့် ခံစစ်ပင်ကိုယ်စွမ်းရည်ဖြစ်သည်။</p> <p> </p> <p>နှင်းခဲ စွမ်းအားကို လမ်းကြောင်းလွှဲကာ ရုပ်ပိုင်းဆိုင်ရာကာကွယ်မှုနှင့် အလွန်အမင်းအေးခဲသော ရောင်ပြန်ဟပ်ပျက်စီးမှု နှစ်မျိုးလုံးပါဝင်သည့် ထာဝရအကာအကွယ်တစ်ခုကို ခန္ဓာကိုယ်ပေါ်တွင် ဖွဲ့စည်းပေးနိုင်သည်။</p> <p> </p> <p>ဘက်စုံခံစစ်စွမ်းအားကို သိသိသာသာ တိုးမြှင့်ပေးပြီး အဆက်မပြတ်တိုက်ခိုက်မှုများ၏ တစ်စိတ်တစ်ပိုင်းကို အေးခဲနေသော လေအေးအဖြစ် ပြောင်းလဲကာ တိုက်ခိုက်သူကို အဆက်မပြတ် တိုက်စားနိုင်ပြီး ၎င်းတို့၏ အမြန်နှုန်းနှင့် အသက်စွမ်းအင်ကို လျှော့ချပစ်နိုင်သည်။</p> <p> </p> <p>“နှင်းခဲအကာအကွယ်တဲ့လား... ကောင်းတယ်”</p> <p> </p> <p>လင်းထျန်းလုံ စိတ်လှုပ်ရှားသွားသည်။ ဤသည်မှာ ခံစစ်ပိုင်းတွင် တိုးတက်ရုံသာမက အဆက်မပြတ်တိုက်ပွဲဝင်နိုင်စွမ်းနှင့် ရန်သူများကို တန်ပြန်တိုက်ခိုက်နိုင်စွမ်းပါ ရရှိသွားခြင်းဖြစ်သည်။</p> <p> </p> <p>အသွင်ပြောင်းသွားသော အစောင့်အရှောက်ခြောက်ဦးကို သူ ကြည့်လိုက်သည်။</p> <p> </p> <p>သူတို့သည် ယခုအခါ ရေခဲများဖြင့် ထာဝရဖုံးလွှမ်းနေသော စိမ်းပြာရောင် ခံတပ်ကြီးခြောက်ခုနှင့် တူနေပြီး စိတ်ချယုံကြည်ရသော လေးလံတည်ငြိမ်မှုနှင့် အရိုးကွဲမတတ် အေးစက်သောအငွေ့အသက်များကို ထုတ်လွှတ်နေသည်။</p> <p> </p> <p> </p> <p> </p> <p> </p> <p style="text-align: center;">***</p>


Save