Book List

<h2 style="text-align: center;">အခန်း (၁၇၉)</h2> <h2 style="text-align: center;">မျိုးနွယ်စုတစ်ခုလုံး စွမ်းအားတိုးတက်လာကြခြင်း (၂)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>သူတို့၏ အချက်အလက်များမှာလည်း အသစ်ပြန်လည်ပြောင်းလဲသွားလေသည်။</p> <p> </p> <p>[မျိုးနွယ်] - နှင်းဝံပုလွေ (မဟာနှင်းစောင့်အရှောက်များ)</p> <p> </p> <p>[အဆင့်] - ၂၀ (ပါရမီရှင်အဆင့်)</p> <p> </p> <p>[ပင်ကိုစွမ်းရည်များ] - နှင်းခဲအကာအကွယ် (ရွှေရောင် အလယ်အလတ်)၊ ရေပြာကြေးခွံသွေးမျိုးဆက် (မဟာနှင်းသွေးမျိုးဆက်အဖြစ် သန့်စင်ပြီး)</p> <p> </p> <p>[အတန်းအစား] - အစောင့်အရှောက်</p> <p> </p> <p>[စွမ်းရည်များ] - ခံတပ်အားလှိုင်း (ခရမ်းရောင် အလယ်အလတ်)၊ ရေခဲလက်သည်းတိုက်ကွက်</p> <p> </p> <p>“အာဝူး”</p> <p> </p> <p>မဟာနှင်းအစောင့်အရှောက် ခြောက်ဦးလုံးသည် တစ်ပြိုင်နက် ခေါင်းကိုမော့ကာ ဟိန်းဟောက်လိုက်ရာ သူတို့၏အသံထဲတွင် အစွမ်းထက်သော ခွန်အားနှင့် ဖျက်ဆီး၍မရနိုင်သော စိတ်ဆန္ဒများ ပါဝင်နေခဲ့သည်။</p> <p> </p> <p>ဤအံ့မခန်း အစုလိုက်အပြုံလိုက် ဆင့်ကဲပြောင်းလဲမှုသည် အနီးရှိသမီးလေးနှစ်ဦး၏ မျက်လုံးထဲသို့ ရှင်းလင်းစွာ ဝင်ရောက်သွားတော့သည်။</p> <p> </p> <p>ရေခဲသလင်းချပ်ဝတ်တန်ဆာ ဝတ်ဆင်ထားပုံရသော ဝံပုလွေဦးလေးကြီး ခြောက်ကောင်ကို ကြည့်ရင်း ရှောင်ယင်းတစ်ယောက် စိတ်လှုပ်ရှားစွာဖြင့် ရှောင်လန်၏ လက်ကို ဆွဲကိုင်လိုက်သည်။</p> <p> </p> <p>“ရှောင်လန် ကြည့်ပါဦး၊ ဟိုဝံပုလွေဦးလေးကြီးတွေ အရမ်းခန့်ညားသွားတာပဲ၊ ရေခဲနဲ့လုပ်ထားတဲ့ ချပ်ဝတ်တန်ဆာကို ဝတ်ဆင်ထားသလိုပဲ”</p> <p> </p> <p>အသွင်ပြောင်းနေသော နှင်းဝံပုလွေများအပေါ် အကြည့်ရောက်သွားပြီးနောက် ရှောင်လန်က လေးနက်စွာ ခေါင်းညိတ်လိုက်သည်။</p> <p> </p> <p>“ဟုတ်တယ်၊ ဖေဖေ ပြန်သယ်လာတဲ့ အပြာရောင်သလင်းကျောက်တွေက တကယ်ကို အစွမ်းထက်တာပဲ”</p> <p> </p> <p>“ဝံပုလွေဖေဖေရဲ့ အရင်းအမြစ်အသုံးပြုပုံက အမြဲတမ်း တိကျလွန်းတယ်”</p> <p> </p> <p>အသွင်ပြောင်းသွားသော မဟာနှင်းအစောင့်အရှောက် ခြောက်ဦးကို ကြည့်ရင်း သူမစိတ်ထဲတွင် အကဲဖြတ်နေသည်။</p> <p> </p> <p>‘ဒီလိုမျိုး အစုလိုက်အပြုံလိုက် သွေးမျိုးဆက်သန့်စင်မှုနဲ့ ခံစစ်ပိုင်းအားဖြည့်မှုက မျိုးနွယ်စုတစ်ခုလုံးရဲ့ စွမ်းအားကို တစ်ဆင့်မြင့်တက်သွားစေနိုင်တယ်'</p> <p> </p> <p>‘အထူးသဖြင့် အဲဒီဝံပုလွေဦးလေးကြီး ခြောက်ဦးရဲ့ ခံစစ်ပင်ကိုယ်စွမ်းရည်တွေက အရည်အသွေးပိုင်းအရပါ ပြောင်းလဲသွားတယ်'</p> <p> </p> <p>ခိုင်မာသော စွမ်းအင်လှိုင်းများကို ခံစားရင်း ရှောင်ယင်းက ပြောလိုက်သည်။</p> <p> </p> <p>“သူတို့ရဲ့ မူလအစွမ်းတွေနဲ့ ပေါင်းစပ်လိုက်ရင် အခုဆို သူတို့ထက်ပိုမြင့်တဲ့အဆင့်က တိုက်ခိုက်မှုတွေကိုတောင် ခံနိုင်ရည်ရှိသွားလောက်ပြီ”</p> <p> </p> <p>သို့သော် မပြီးသေးပေ။</p> <p> </p> <p>လင်းထျန်းလုံ၏ အကြည့်က အငွေ့အသက်များ ပါရမီရှင်အဆင့်နှင့် နီးစပ်နေသော၊ အုပ်စုအတွင်းရှိ အထူးသန်မာတောင့်တင်းသည့် ထိပ်တန်းနှင်းဝံပုလွေများဆီသို့ လှည့်သွားသည်။</p> <p> </p> <p>သူတို့ထဲမှ အများစုမှာ လုပ်ကြံသတ်ဖြတ်သူများ သို့မဟုတ် ထိုသို့ဖြစ်လာနိုင်ရန် အလားအလာရှိသူများ ဖြစ်သည်။</p> <p> </p> <p>“မင်းတို့တွေလည်း အဆင့်ချိုးဖျက်ဖို့ အချိန်တန်ပြီ”</p> <p> </p> <p>သာမန် ရေခဲချပ်ဝတ်သားရဲ အမြုတေ ဒါဇင်ပေါင်းများစွာသည် အခြားရေခဲစွမ်းအင်သုံး မိစ္ဆာအမြုတေများနှင့် ရောနှောကာ အလားအလာမြင့်မားသောသူများထံသို့ တိကျစွာ ပျံသန်းသွားလေသည်။</p> <p> </p> <p>နှင်း၀ံပု‌လွေများအားလုံး အမြုတေများကို မျိုချပြီးနောက် အံ့သြဖွယ်မြင်ကွင်းတစ်ခု ဖြစ်ပေါ်လာသည်။</p> <p> </p> <p>အသန်မာဆုံး ထိပ်တန်းနှင်းဝံပုလွေ ငါးကောင်ပတ်လည်ရှိ စွမ်းအင်များမှာ ပြင်းထန်စွာ လှုပ်ခတ်သွားပြီး သူတို့၏ အရွယ်အစားများမှာလည်း သိသိသာသာ ကြီးမားလာသည်။ </p> <p> </p> <p>အရိုးများမှ ပဲလှော်ပေါက်သကဲ့သို့ အသံများ ထွက်ပေါ်လာကာ ငွေပြာနှင်းဝံပုလွေဖြူသွေးမျိုးဆက်အတွင်းရှိ ခံစစ်ဆိုင်ရာစွမ်းအင်များ နိုးထလာသည်။</p> <p> </p> <p>အေးစက်စွာ တောက်ပနေသော သေးငယ်သည့် ကြေးခွံပုံရိပ်များ ခန္ဓာကိုယ်ပေါ်တွင် ပေါ်ထွက်လာပြီး လျင်မြန်စွာ စစ်မှန်လာခဲ့သည်။</p> <p> </p> <p>“ဒါက လျှို့ဝှက်ရေခဲကြေးခွံချပ်ဝတ်ပဲ၊ သူတို့ အခြေခံအဆင့် ခံစစ်ပင်ကိုယ်စွမ်းရည်ကို နိုးထသွားကြပြီ”</p> <p> </p> <p>ရန့်မြဲ့က ဤမြင်ကွင်းကို အံ့သြစွာ ကြည့်လိုက်သည်။ ဤသည်မှာ ခံစစ်ကို အဓိကထားသော အစောင့်အရှောက်မျိုးစေ့အသစ်များ မျိုးနွယ်စုအတွင်း မွေးဖွားလာခြင်းပင်ဖြစ်သည်။</p> <p> </p> <p>မိနစ်အနည်းငယ်အတွင်းမှာပင် ဤနှင်းဝံပုလွေ ငါးကောင်သည် အဆင့် ၁၉ (ခြေလှမ်း၀က်ပါရမီရှင်အဆင့်) သို့ အဆင့်ချိုးဖျက်နိုင်ခဲ့ပြီး အခြေခံ ပင်ကိုစွမ်းရည် လျှို့ဝှက်ရေခဲကြေးခွံချပ်ဝတ်ကို အောင်မြင်စွာ နိုးထနိုင်ခဲ့သည်။</p> <p> </p> <p>မဟာနှင်းအစောင့်အရှောက်များ၏ နှင်းခဲအကာအကွယ်ထက် အများကြီး နိမ့်ကျနေသော်လည်း သူတို့၏ ခံစစ်စွမ်းအားမှာ သာမန်နှင်းဝံပုလွေများထက် များစွာ သာလွန်နေပြီဖြစ်ကာ အနာဂတ်တွင် အစစ်အမှန်အစောင့်အရှောက်များ ဖြစ်လာစေရန် ခိုင်မာသော အုတ်မြစ်တစ်ခုကို ချပေးလိုက်ခြင်းဖြစ်သည်။</p> <p> </p> <p>“ဒီနေ့ကစပြီး မင်းတို့ကို ရေပြာကြေးခွံအစောင့်အရှောက်တွေလို့ ပြောင်းခေါ်မယ်”</p> <p> </p> <p>လင်းထျန်းလုံက ဤရေပြာကြေးခွံအစောင့်အရှောက် ငါးဦးထံ စိတ်ဖြင့် လှမ်းပြောလိုက်သည်။</p> <p> </p> <p>“လှလိုက်တာ”</p> <p> </p> <p>ရှေ့တန်းစစ်မြေပြင်အတွက် ဤအဖွဲ့ဝင်သစ်များ၏ အလားအလာကို မြင်ပြီးနောက် ထျန်းပင်းက ကျယ်လောင်စွာ ရယ်မောလိုက်သည်။</p> <p> </p> <p>“အခုဆို ငါတို့ရဲ့ အဆင့်မြင့်တိုက်ခိုက်ရေးစွမ်းအားတွေ ထပ်တိုးလာပြန်ပြီကွ”</p> <p> </p> <p>လင်းထျန်းလုံလည်း ထိုနည်းတူ ဝမ်းသာနေသည်။ အစိမ်းနုရောင် ကြေးခွံချပ်ဝတ်တန်ဆာများ ဝတ်ဆင်ထားသော အဆင့်တက်ခါစ နှင်းဝံပုလွေ ငါးကောင်ကို ကြည့်ပြီးနောက် စိတ်အားထက်သန်နေသော ထျန်းပင်းကိုပါ ကြည့်လိုက်ရင်း ဆုံးဖြတ်ချက်တစ်ခု စိတ်ထဲတွင် ပေါ်လာလေသည်။</p> <p> </p> <p>“ထျန်းပင်း”</p> <p> </p> <p>“ရှိပါတယ် ဘုရင်မင်းမြတ်”</p> <p> </p> <p>ခန္ဓာကိုယ်တစ်ခုလုံး တိုက်ပွဲဝင်လိုစိတ်များ လွှမ်းမိုးနေလျက် ထျန်းပင်း ချက်ချင်း ရှေ့ထွက်လာသည်။</p> <p> </p> <p>“မဟာနှင်းအစောင့်အရှောက်တွေနဲ့ ဒီ ရေပြာကြေးခွံအစောင့်အရှောက်အသစ် ငါးဦးက အခုကစပြီး မင်းရဲ့ ကွပ်ကဲမှုအောက်မှာပဲ ရှိမယ်*</p> <p> </p> <p>လင်းထျန်းလုံ၏ အသံက ဝံပုလွေအသိုက်တစ်ခုလုံး ပျံ့နှံ့သွားသည်။</p> <p> </p> <p>“မင်း သူတို့ကို ဝံပုလွေအုပ်ရဲ့ အသန်မာဆုံးဒိုင်းနဲ့ အထက်မြက်ဆုံးလှံဖြစ်လာအောင် သွေးပေးရမယ်၊ မင်းတို့က ငါ့ဝံပုလွေဂူရဲ့ အသန်မာဆုံး အကြီးစားတိုက်ခိုက်ရေးတပ်ဖွဲ့ ဖြစ်လာလိမ့်မယ်*</p> <p> </p> <p>ထျန်းပင်း ခေတ္တမျှ မှင်တက်သွားပြီးနောက် ကြီးမားသော ဝမ်းမြောက်မှုလှိုင်းလုံးကြီးတစ်ခုက သူ၏ရင်ထဲသို့ ဝင်ရောက်လာသည်။</p> <p> </p> <p>အမဲလိုက်သတ်ဖြတ်သူဖြစ်သော သူက အသန်မာဆုံး အစောင့်အရှောက်များကို ဦးဆောင်ရခြင်းမှာ ပြီးပြည့်စုံသော လိုက်ဖက်မှုပင်ဖြစ်သည်။ သူ ခေါင်းမော့ကာ ကောင်းကင်ယံအထိ တုန်လှုပ်သွားစေသော အူသံရှည်ကြီးကို ထုတ်လွှတ်လိုက်လေသည်။</p> <p> </p> <p>“အာဝူးးးးး”</p> <p> </p> <p>“နားလည်ပါပြီ ဘုရင်မင်းမြတ်၊ ရန်သူအားလုံးကို ကိုက်ဖြဲပစ်နိုင်မယ့် အသန်မာဆုံး တိုက်ခိုက်ရေးတပ်ဖွဲ့ဖြစ်လာအောင် ထျန်းပင်း သေချာပေါက် လေ့ကျင့်ပေးပါ့မယ်”</p> <p> </p> <p>သူ၏ရွှေရောင်မျက်လုံးများက ရေခဲခံတပ်ကြီးများနှင့်တူသော မဟာနှငိးအစောင့်အရှောက် ခြောက်ဦးနှင့် ကြေးခွံချပ်ဝတ်တန်ဆာ ပေါ်ထွက်ခါစ ရေပြာကြေးခွံအစောင့်အရှောက် ငါးဦးအပေါ်သို့ ဖြတ်ပြေးသွားပြီး တိုက်ပွဲဝင်လိုစိတ်များ ပြင်းထန်စွာ တောက်လောင်လာတော့သည်။</p> <p> </p> <p>“ဦးလေးထျန်းပင်းတော့ အလုပ်များတော့မယ့်ပုံပဲ”</p> <p> </p> <p>စိတ်လှုပ်ရှားနေသော ထျန်းပင်းကို ကြည့်ရင်း ရှောင်ယင်းက ရှောင်လန်ကို တီးတိုးပြောလိုက်သည်။</p> <p> </p> <p>“ဟုတ်တယ်၊ ဦးလေးထျန်းပင်းက သူတို့ကို ဦးဆောင်ဖို့ အရမ်းသင့်တော်တယ်”</p> <p> </p> <p>ရှောင်လန်ကလည်း သဘောတူလိုက်သည်။</p> <p> </p> <p>“အမဲလိုက်သတ်ဖြတ်သူကို အကြီးစားချပ်ဝတ်တပ်ဖွဲ့တစ်ခုမှာ ကွပ်ကဲခိုင်းလိုက်တာက တိုက်စစ်နဲ့ ခံစစ် တစ်သားတည်းဖြစ်နေတဲ့ အင်အားစုတစ်ခုကို ဖန်တီးလိုက်တာပဲ။ ဝံပုလွေဖေဖေရဲ့ စီမံခန့်ခွဲမှုက အရမ်းတိကျတယ်”</p> <p> </p> <p>ဤအစီအစဉ်ကို သူမ စိတ်ထဲတွင် အကဲဖြတ်လိုက်သည်။</p> <p> </p> <p>“ဒီတပ်ဖွဲ့သာ ပုံပေါ်လာပြီဆိုရင် ရှေ့တန်းစစ်မြေပြင်မှာ လုံးဝကို တစ်ဖက်ရန်သူကို အဟန့်အတားဖြစ်စေမယ့် အင်အားတစ်ခုဖြစ်လာမှာ”</p> <p> </p> <p>ရှောင်ယင်းကလည်း ထောက်ခံလိုက်လေသည်။</p> <p> </p> <p>ဤအစုလိုက်အပြုံလိုက် အဆင့်တက်ခြင်းနှင့် ပြန်လည်ဖွဲ့စည်းခြင်းများ ပြီးဆုံးပ်းလုနီးချိန်တွင်၊ ရွှေရောင်အလင်းဝန်းများ ထုတ်လွှတ်လျက် တိတ်ဆိတ်စွာ လွင့်မျောနေသော ရေခဲချပ်ဝတ်ဘုရင်အမြုတေနှင့်အတူ စွမ်းအင်ကြွယ်ဝသော အခြားအဖြူရောင် အမြုတေတစ်လုံးတို့သည် ရှောင်လန်နှင့် ရှောင်ယင်းတို့ရှေ့သို့ ဖြည်းညင်းစွာ ပျံသန်းလာလေသည်။</p> <p> </p> <p>“ရော့၊ ဒါက သမီးတို့နှစ်ယောက်အတွက်ပဲ”</p> <p> </p> <p>လင်းထျန်းလုံ၏အသံက ထိုအချိန်တွင် နူးညံ့နေခဲ့လေသည်။</p> <p> </p> <p>“ဖြည်းဖြည်းချင်း စုပ်ယူကြ။ သမီးတို့အတွက် ကောင်းကျိုးဖြစ်စေလိမ့်မယ်”</p> <p> </p> <p>ရှောင်ယင်းက အဖြူရောင်အမြုတေကို ဝမ်းသာအားရ လှမ်းယူလိုက်သည်။</p> <p> </p> <p>“ကျေးဇူးပါ ဖေဖေ”</p> <p> </p> <p>ရှောင်လန်ကလည်း ရွှေရောင်အမြုတေကို ဂရုတစိုက် ဆုပ်ကိုင်ထားသည်။</p> <p> </p> <p>၎င်းအတွင်း၌ ပါဝင်သော ကြီးကျယ်ခမ်းနားသည့် ရှေးဟောင်းရေခဲမူလစွမ်းအင်ကို သူမ ခံစားမိပြီး ထိုအရာက အသစ်နိုးထလာသော သူမ၏ အာရုံခံပင်ကိုယ်စွမ်းရည်ကို ခိုင်မာစေရန် များစွာအထောက်အကူပြုမည်ဖြစ်သည်။</p> <p> </p> <p>“ကျေးဇူးပါ ဖေဖေ”</p> <p> </p> <p>ရှောင်ယင်းတို့နှစ်ဦးလု ဘာမျှထပ်မပြောတော့ဘဲ အမြုတေများအတွင်းရှိ စွမ်းအင်များကို စုပ်ယူရန် ချက်ချင်းစတင်လိုက်တော့သည်။</p> <p> </p> <p>သန့်စင်သော ရေခဲဝိညာဉ်ချီများက သူတို့၏ခန္ဓာကိုယ်ထဲသို့ နွေးထွေးသော စီးကြောင်းတစ်ခုပမာ စီးဝင်လာပြီး သွေးကြောများကို တိတ်ဆိတ်စွာ အားဖြည့်ပေးကာ ကျင့်ကြံမှုကို ခိုင်မာလာစေလေသည်။</p> <p> </p> <p>[စနစ်အသိပေးချက် (ရှောင်လန်)။  ။ရေခဲချပ်ဝတ်ဘုရင်အမြုတေ (ရွှေရောင်)ကို စုပ်ယူလိုက်ပါသည်။ စိတ်ပိုင်းဆိုင်ရာစွမ်းအား ပိုမိုသန့်စင်လာပြီး အာရုံခံနိုင်စွမ်း တိုးတက်လာသည်။</p> <p> </p> <p>[စနစ်အသိပေးချက် (ရှောင်ယင်း)]။  ။ရေခဲချပ်ဝတ်သားရဲအမြုတေ (အဖြူရောင်)ကို စုပ်ယူလိုက်ပါသည်။ ခန္ဓာကိုယ်လှုပ်ရှားမှုနှင့် တုံ့ပြန်မှုအမြန်နှုန်း မြင့်တက်လာပါသည်။</p> <p> </p> <p>ဝံပုလွေဂူအတွင်း စွမ်းအင်များ တဟုန်ထိုး မြင့်တက်လာပြီး လေထုက ခမ်းနားကြီးကျယ်နေ လသည်။ </p> <p>နှင်းဝံပုလွေများအားလုံး အောင်ပွဲခံနေကြပြီး အဓိကအမျိုးအစား စနစ်သုံးခုမှာလည်း (လုပ်ကြံသူ၊ တိုက်ခိုက်သူနဲ့၊ ကင်းထောက်) အရင်းအမြစ်များ၏ အားဖြည့်ပေးမှုအောက်တွင် ပိုမိုရှင်းလင်းပြည့်စုံလာသည်။</p> <p> </p> <p>အဖွဲ့ဝင်တိုင်း ပိုမိုသန်မာလာကြပြီး မျိုးနွယ်စုတစ်ခုလုံးမှာ အဆက်မပြတ် အဆင့်မြှင့်တင်အားဖြည့်နေသော စစ်စက်ယန္တရားကြီးတစ်ခုပမာ ဖြစ်လာလေသည်။</p> <p> </p> <p>အကာအကွယ်အပြင်ဘက် လေထန်နေသော နေရာများဆီမှ မသိနိုင်သောစိန်ခေါ်မှုများအတွက် တောင်တန်းများကိုပင် တုန်လှုပ်စေနိုင်လောက်သည့် စွမ်းအားများကို စုဆောင်းနေတော့သည်။</p> <p> </p> <p>……</p> <p> </p> <p>ဝံပုလွေအသိုက်အတွင်းတွင် ကြယ်တာရာအကာအကွယ်၏ နူးညံ့သောအလင်းရောင်က အရည်ပျော်နေသော ငွေတုံးများပမာ စီးကျလာပြီး ကြီးကျယ်ခမ်းနားသော ဗီဇအသွင်ပြောင်းလဲမှုကို ဖြတ်သန်းထားခါစဖြစ်သည့် ဝံပုလွေအုပ်ကြီးကို ညင်သာစွာ ဖုံးလွှမ်းထားသည်။ </p> <p> </p> <p>လေထုထဲတွင် ရေခဲ၊ နဂါးအငွေ့အသက်နှင့် အသစ်မွေးဖွားလာသော စွမ်းအားတို့ ရောနှောနေသည့် ထူးခြားသော အနံ့တစ်မျိုး ပြည့်နှက်နေသည်။</p> <p> </p> <p>ရှူရှိုက်လိုက်သည့် လေထုတိုင်းက ဝံပုလွေများကို လန်းဆန်းတက်ကြွစေလေသည်။</p> <p> </p> <p>အစုလိုက်အပြုံလိုက် အဆင့်တက်ခြင်း ပြီးဆုံးသွားသော်လည်း နှင်းဝံပုလွေအဖွဲ့ဝင်များသည် တဟုန်ထိုး မြင့်တက်လာသော စွမ်းအားများကြောင့် စိတ်လှုပ်ရှားနေကြကာ အသားကျရန် ကြိုးစားနေကြရဆဲဖြစ်သည်။</p> <p> </p> <p>ပျမ်းမျှအဆင့် ၂၂ ပါရမီရှင်အဆင့်သို့ ခုန်တက်သွားသော သာမန်နှင်းဝံပုလွေများသည် တစ်ကောင်နှင့်တစ်ကောင် လည်ပင်းချင်း ပွတ်သီးပွတ်သပ်လုပ်ရင်း ကျေနပ်စွာ အသံပြုနေကြသည်။</p> <p> </p> <p>အဖော်များ၏ ကိုယ်တွင်း၌ စီးဆင်းနေသော ပိုမိုသန့်စင်အေးစက်လာသည့် ငွေပြာနှင်းဝံပုလွေဖြူ သွေးမျိုးဆက်ကို ရှင်းလင်းစွာ ခံစားမိနေပြီး သူတို့ကြားရှိ သံယောဇဉ်ကြိုးကလည်း ပိုမိုခိုင်မာသွားသကဲ့သို့ ရှိသည်။</p> <p> </p> <p>အဆင့်တက်ခါစ ရေပြာကြေးခွံအစောင့်အရှောက် ငါးဦးကမူ အနည်းငယ် ရိုးအသော်လည်း စိတ်လှုပ်ရှားနေပုံရသည်။</p> <p> </p> <p>အပြာနုရောင် သတ္တုရောင်ဝါများ တောက်ပနေသော ရင်ဘတ်ပေါ်ရှိ အသစ်ဖြစ်တည်လာသည့် လျှို့ဝှက်ရေခဲကြေးခွံချပ်ဝတ်ကို ရံဖန်ရံခါ ခေါင်းငုံ့ကာ ကြည့်ကာ ရန်ဖန်ရံခါတွင် စူးစမ်းလိုစိတ်အပြည့်နှင့် လက်သည်းများဖြင့် ခေါက်ကြည့်နေကြလေသည်။</p> <p> </p> <p> </p> <p> </p> <p> </p> <p> </p> <p> </p> <p style="text-align: center;">***</p>


Save