Book List

<h2 style="text-align: center;">အခန်း (၁၈၀)</h2> <h2 style="text-align: center;">ထပ်မံတိုးတက်လာသော စစ်သူကြီးသုံးဦး</h2> <h2 style="text-align: center;">ဝိညာဉ်နယ်မြေ တည်ရှိရာအရပ်မှ ထူးဆန်းသော လှိုင်းတစ်ခု (၁)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p>ယခင်ကထက် များစွာသာလွန်သော ခိုင်မာသည့် ခံစစ်စွမ်းအားကို ခံစားရင်း ကြေးခွံများပေါ်ရှိ အအေးဓာတ်များကို အသက်သွင်းရန် ကြိုးစားကြည့် နေကြပြီး လက်သည်းများပေါ်တွင် ရေခဲလွှာတစ်ခု ဖွဲ့တည်လာသောအခါ ပျော်ရွှင်သွားကြပြီး ပျော်ရွှင်စွာ ဆော့ကစားနေကြသည်။</p> <p> </p> <p>အထင်ရှားဆုံးမှာတော့ ရေခဲတုံးများပမာ ရပ်နေသည့် မဟာနှင်းအစောင့်အရှောက် ခြောက်ဦးပင်ဖြစ်သည်။ အချိန်ကာလ၏ မေ့လျော့ခြင်းကို ခံထားရသော ရှေးဟောင်းရေခဲကရုပ်ထုကြီး ခြောက်ခုပမာ ထျန်းပင်း၏ အနောက်တွင် တိတ်ဆိတ်စွာ ရပ်နေကြသည်။</p> <p> </p> <p>သူတို့၏ လေးလံသော အကြေးခွံများဖြစ်သည့် နှင်းခဲအကာအကွယ်သည် အစိမ်းရင့်ရောင်နှင့် ရေခဲပြာရောင်တို့ ပြီးပြည့်စုံစွာ ပေါင်းစပ်နေပြီး ရေခဲစာလုံးများ ရေးထိုးထားသကဲ့သို့ ကြယ်ရောင်အောက်တွင် အေးစက်မာကျောသော အလင်းတစ်ခု ရောင်ပြန်ဟပ်နေသည်။</p> <p> </p> <p>ငြိမ်သက်စွာ ရပ်နေရုံမျှဖြင့်ပင် မွန်းကျပ်ဖွယ်ကောင်းသော ခံစစ်ဖိအားနှင့် အရိုးကွဲမတတ် အေးစက်မှုက သဘာဝအလျောက် ပျံ့နှံ့နေကာ ဝံပုလွေအသိုက်ဗဟိုရှိ အပူချိန်ကို အခြားနေရာများထက် သိသိသာသာ လျော့ကျသွားစေသည်။</p> <p> </p> <p>သူတို့သည် ဝံပုလွေအသိုက်၏ အခိုင်မာဆုံး ဒိုင်းကာဖြစ်ပြီး လင်းထျန်းလုံ မည်သည့်မုန်တိုင်းကိုမဆို ရင်ဆိုင်နိုင်ရန် ယုံကြည်မှု၏ တစ်စိတ်တစ်ပိုင်းလည်း ဖြစ်သည်။</p> <p> </p> <p>ထူးချွန်သူများဖြင့် ပြည့်နှက်နေသော တက်ကြွသည့် မြင်ကွင်းကို လင်းထျန်းလုံ လှည့်ပတ်ကြည့်ရှုနေရင်း ဖော်ပြရခက်သော အောင်မြင်မှုခံစားချက်နှင့် မျိုးနွယ်စုခေါင်းဆောင်တစ်ဦး၏ တည်ငြိမ်မှုတို့ ရင်ထဲတွင် လွှမ်းမိုးလာသည်။ </p> <p> </p> <p>ဝိညာဉ်နယ်မြေ အကြွင်းအကျန်များကို ပြတ်သားစွာ ရှင်းလင်းလိုက်ခြင်းက သူ၏ မူလခန့်မှန်းချက်များထက် များစွာသာလွန်သော အကျိုးအမြတ်များကို ရရှိစေခဲ့သည်။ </p> <p> </p> <p>ဤသည်မှာ အရင်းအမြစ်များကို ရိတ်သိမ်းလိုက်ရုံသာမက ဝံပုလွေအုပ်တစ်ခုလုံး၏ အသက်စွမ်းအင်အဆင့်အတန်းပါ တဟုန်ထိုး မြင့်တက်သွားခြင်းဖြစ်ပြီး ဝံပုလွေအသိုက်၏ အနာဂတ်အတွက် မကြုံစဖူး ခိုင်မာသော အုတ်မြစ်ကို ချပေးလိုက်ခြင်းပင်ဖြစ်သည်။</p> <p> </p> <p>အနာဂတ်တွင် ကမ္ဘာကြီးကို ပြောင်းလဲပစ်နိုင်လောက်သည့် နှင်းဝံပုလွေတပ်မကြီးတစ်ခု ဤနေရာတွင် တိတ်တဆိတ် ပုံပေါ်လာနေသည်ကို သူ မြင်ယောင်နေမိသည်။</p> <p> </p> <p>ဧရာမခန္ဓာကိုယ်ကြီးဘေးတွင် ကပ်ထိုင်နေသော ကလေးငယ်နှစ်ဦးကို ကြည့်လိုက်ရာ သူ၏ အကြည့်များက နူးညံ့သွားလေသည်။</p> <p> </p> <p>ရှောင်ယင်း၏ မျက်နှာလေးမှာ မှည့်နေသော ပန်းသီးလေးတစ်လုံးပမာ နီမြန်းနေသည်။ </p> <p> </p> <p>သံမဏိရေစီးကြောင်းတစ်ခုပမာ ခက်ထန်သော အငွေ့အသက်များနှင့် ပြန်လည်ဖွဲ့စည်းထားသော အကြီးစား ဝံပုလွေတပ်ဖွဲ့ကို စိတ်လှုပ်ရှားစွာ လက်ညိုးထိုးပြရင်း ခုန်ပေါက်နေကာ ရွှင်လန်းသောအသံဖြင့် ပြောလိုက်သည်။</p> <p> </p> <p>“ဖေဖေ ကြည့်ပါဦး၊ ဦးလေးထျန်းပင်းတို့က အခုဆို အရမ်းခန့်ညားပြီး အစွမ်းထက်နေပုံပဲ၊ တောက်ပနေတဲ့ ရေခဲကျောက်မျက်တွေနဲ့လုပ်ထားတဲ့ ချပ်ဝတ်တန်ဆာတွေ ဝတ်ထားသလိုပဲ။”</p> <p> </p> <p>တက်ကြွနေသော ရှောင်ယင်းနှင့် ယှဉ်လျှင် သူမဘေးရှိ ရှောင်လန်က များစွာ တည်ငြိမ်အေးဆေးသည်။ သို့သော် တောင်ပေါ်ရေကန်ပမာ ကြည်လင်နေသော မျက်လုံးများတွင်လည်း ဖုံးကွယ်မရသော တောက်ပမှုများ လင်းလက်နေသည်။</p> <p> </p> <p>သူမ၏ အကြည့်က အတိကျဆုံး ပေတံတစ်ခုပမာ နှစ်သောင်းချီသက်တမ်းရှိ ရေခဲတောင်ကြီးသဖွယ် နက်ရှိုင်းတည်ငြိမ်သော အငွေ့အသက်များထွက်ပေါ်သည့် ရန့်မြဲ့နှင့် ပေါက်ကွဲခါနီး မီးတောင်တစ်ခုလို ရိုင်းစိုင်းကြမ်းတမ်းသော ထျန်းပင်းတို့ကြားတွင် ဖြည်းညင်းစွာ ရွေ့လျားနေသည်။</p> <p> </p> <p>နောက်ဆုံးတွင် အသက်အရွယ်နှင့်မလိုက်အောင် တည်ငြိမ်မှုအပြည့်ဖြင့် သူမ၏ ပုံမှန်လေသံအတိုင်း ထောက်ခံလိုက်သည်။</p> <p> </p> <p>“အင်း ဦးလေးထျန်းပင်းနဲ့ ဦးလေးရန့်မြဲ့တို့က ပုံပြင်တွေထဲမှာ မှတ်တမ်းတင်ထားတဲ့ အရမ်းအစွမ်းထက်ပြီး ကမ္ဘာမြေရဲ့ တစ်စိတ်တစ်ပိုင်းကို ကာကွယ်ပေးနိုင်တဲ့ သူရဲကောင်းကြီးတွေနဲ့ ပိုပိုတူလာသလို ခံစားနေရတယ်။”</p> <p> </p> <p>အပေါ်ယံကြည့်လျှင် မိန်းကလေးနှစ်ဦးမှာ လူကြီးများနှင့် ဝံပုလွေအုပ်၏ စွမ်းအားအတွက် အမှန်တကယ် ပျော်ရွှင်ဂုဏ်ယူနေပုံရသည်။</p> <p> </p> <p>သို့သော် မသိနိုင်သော အသိစိတ်အလွှာတစ်ခုတွင်မူ သူတို့သာ နားလည်နိုင်သော စကားဝိုင်းက လျှင်မြန်စွာ ဖြစ်ပေါ်နေသည်။</p> <p> </p> <p>“ရှောင်ယင်း… နင်သတိထားမိလား။ အခု ဦးလေးထျန်းပင်းက ဘာမှမလုပ်ဘဲ ရပ်နေရင်တောင် သဘာဝအလျောက် ထွက်ပေါ်နေတဲ့ ထူးခြားတဲ့ အငွေ့အသက်က တောင်ကြီးတစ်လုံးလို လေးလံနေသလို ကြမ်းတမ်းတဲ့ အငွေ့အသက်တွေလည်း ပါနေတယ်"</p> <p> </p> <p>“ဒါက ဝိညာဉ်ခေတ်မှာ အရိုးတွေက တောင်လိုပုံပြီး ရေခဲတွေက ချပ်ဝတ်လိုဖြစ်နေတယ်လို့ နာမည်ကြီးတဲ့ ရေခဲအရိုးမိစ္ဆာဧကရာဇ်အကြောင်း ဖော်ပြထားတဲ့ ပုံပန်းသဏ္ဍာန်နဲ့ ၇၀ ရာခိုင်နှုန်းလောက် တူနေပြီ။”</p> <p> </p> <p>“ရှောင်လန် နင့်ရဲ့ အာရုံခံနိုင်စွမ်းက စိတ်ရှုပ်စရာကောင်းလောက်အောင် ထက်မြက်တုန်းပဲ”</p> <p> </p> <p>“ဒါပေမယ့် ဦးလေးထျန်းပင်းကိုချည်းပဲ ကြည့်မနေနဲ့။ အပြင်ဘက်ကအငွေ့အသက်တွေအားလုံးကို ပြန်သိမ်းထားတဲ့ ဦးလေးရန့်မြဲ့ကို သေချာခံစားကြည့်လိုက်"</p> <p> </p> <p>“အဲဒီ ပြင်းထန်တဲ့ တိတ်ဆိတ်မှုအောက်မှာ အချိန်နဲ့ ဟင်းလင်းပြင်ရဲ့ စီးဆင်းမှုကိုတောင် အေးခဲသွားစေနိုင်လောက်တဲ့ အရိုးကွဲမတတ် အေးစက်တဲ့ ထာဝရအေးခဲမှုတစ်ခု ရှိနေတယ်”</p> <p> </p> <p>“ဒါက ဝိညာဉ်ခေတ်မှာ ထာဝရတိတ်ဆိတ်ခြင်းရေခဲ အာဏာကို ကိုင်စွဲထားတဲ့ ထာဝရရေခဲမိစ္ဆာဧကရာဇ်ရဲ့ လမ်းစဉ်နဲ့ ဘယ်လောက်တောင် ကိုက်ညီနေလိုက်သလဲ။”</p> <p> </p> <p>“အရင်က ငါတို့ရဲ့ ကြိုတင်ခံစားချက်တွေနဲ့ လေ့လာတွေ့ရှိချက်တွေက အခြေအမြစ်မရှိတာ မဟုတ်ဘူးဆိုတာ ပေါ်လွင်နေတယ်"</p> <p> </p> <p>“ဒီဝံပုလွေဦးလေးကြီး နှစ်ယောက်က သူတို့ရဲ့ ဘုန်းကျက်သရေရှိတဲ့ ဧကရာဇ်ပလ္လင်ဆီသွားရာလမ်းမှာ တဆင့်ချင်းဆီ မှန်မှန်လေး လျှောက်လှမ်းနေကြတာပဲ”</p> <p> </p> <p>“ငါ သိချင်တာတစ်ခုက ဒီဘဝမှာ ဝံပုလွေဖေဖေ ရှိနေတဲ့အတွက် သူတို့ နောက်ဆုံးရောက်သွားမယ့် အမြင့်က ဝိညာဉ်ခေတ်က မှတ်တမ်းတွေကိုပါ ကျော်လွန်သွားမလားဆိုတာပဲ။”</p> <p> </p> <p>“ဒီဘဝရဲ့ ဝံပုလွေအသိုက်က အပြောင်းအလဲတွေနဲ့ အလားအလာတွေ အများကြီး ပြည့်နှက်နေပြီမို့လို့ တကယ်ကို ပိုပိုပြီး စိတ်လှုပ်ရှားဖို့ကောင်းလာတယ်၊ ဒါပေမယ့် လောလောဆယ်တော့ ငါတို့ သူတို့ရဲ့ ခြေလှမ်းတွေကို အမီလိုက်နိုင်ဖို့ နည်းလမ်းရှာရအောင်”</p> <p> </p> <p>“ငါတို့ အရမ်းနောက်ကျကျန်ခဲ့ရင် အနာဂတ်မှာ သူတို့နဲ့အတူ ယှဉ်တွဲတိုက်ပွဲဝင်မယ့် ရဲဘော်ရဲဘက်တွေပါလို့ ဘယ်မျက်နှာနဲ့ သွားပြောရမှာလဲ”</p> <p> </p> <p>လင်းထျန်းလုံ၏ အာရုံများမှာ လက်တွေ့ဘ၀သို့ ပြန်လည်ရောက်ရှိလာပြီး သူ၏ လက်သည်းရှေ့တွင် လွင့်မျောနေသော အမြုတေပေါ်သို့ ကျရောက်သွားသည်။</p> <p> </p> <p>၎င်းမှာ ကြည်လင်သန့်စင်ပြီး အဖြူရောင်ရှိကာ အတွင်းတွင် အရည်အသွေးမြင့် ရေခဲချီများနှင့် နဂါးပုံရိပ်များ စီးဆင်းနေပြီး ရင်ခုန်ဖွယ်ကောင်းသော မှိန်ဖျော့ဖျော့ နဂါးဖိအားကို ထုတ်လွှတ်နေသည်။</p> <p> </p> <p>၎င်းသည် အဆင့် ၃၈ ပထမ ဘုရင်အဆင့် အဆင့်မြင့် သားရဲဖြစ်သော ရေခဲစွမ်းအင်ချီနဂါး ထမှ ရရှိသည့် အဖိုးတန် အမြုတေဖြစ်သည်။</p> <p> </p> <p>ဤအမြုတေထဲတွင် ရှေးဟောင်းနဂါးမျိုးဆက်၏ ကြီးမားသန့်စင်သော ရေခဲမူလစွမ်းအင်များ ပါဝင်ပြီး မည်သည့်ရေခဲစွမ်းအင်သုံး သက်ရှိအတွက်မဆို ရှားပါးသော ရတနာတစ်ပါးဖြစ်သည်။ </p> <p> </p> <p>လက်ရှိ သူ၏ စနစ်စွမ်းရည်များအရ ၎င်း၏ စွမ်းအားကို လူများစွာထံ ခွဲဝေရန် မဖြစ်နိုင်သေးသော်ငြား၊ အမြုတေကိုယ်နှိုက်က ပိုမိုကြီးမားသော စွမ်းအားဆီသို့ သွားရာလမ်းစဉ်တစ်ခုကို ကိုယ်စားပြုနေလေသည်။</p> <p> </p> <p>“ယင်းဖုန်း။”</p> <p> </p> <p>လင်းထျန်းလုံ၏ နက်ရှိုင်းပြီး ဩဇာပါသော အသံက ယင်းဖုန်း၏ အသိစိတ်ထဲတ်ွု တိုက်ရိုက် ပဲ့တင်ထပ်သွားသည်။</p> <p> </p> <p>အသံဆုံးသည်နှင့် တစ်ပြိုင်နက်လိုလိုပင် ယင်းဖုန်း၏ ပုံရိပ်က အလင်းနှင့် အရိပ်များ ပေါင်းစပ်ထားသည့်အလား လင်းထျန်းလုံရှေ့တွင် မည်သည့်သတိပေးချက်မျှမရှိဘဲ တိတ်တဆိတ် ပေါ်လာကာ ရိုသေစွာ ခေါင်းငုံ့လိုက်သည်။</p> <p> </p> <p>“ဒီပစ္စည်းက မင်းရဲ့ လက္ခဏာတွေနဲ့ ကိုက်ညီတယ်။ ဒါကို မင်းကို ချီးမြှင့်မယ်။ ဒီအမြုတေအဲ့ စွမ်းအားကို သေချာအသုံးချနိုင်မယ်လို့ ငါ မျှော်လင့်ပါတယ်။”</p> <p> </p> <p>ပိုလျှံသော စကားများမပါချေ။ စကားပြောပြီးသည်နှင့် ဆွဲဆောင်မှုရှိသော အလင်းရောင်နှင့် အစွမ်းထက်သော လှိုင်းများကို ထုတ်လွှတ်နေသည့် ရေခဲစွမ်းအင်ချီနဂါး အမြုတေက ယင်းဖုန်းရှေ့သို့ ဖြည်းညင်းတည်ငြိမ်စွာ ပျံသန်းသွားသည်။</p> <p> </p> <p>အမှောင်ရိပ်ထဲတွင် ပုန်းကွယ်နေသော ယင်းဖုန်း၏ မျက်လုံးများမှာ အနည်းငယ် ကျဉ်းမြောင်းသွားပြီး ကြီးမားသော လေးနက်မှုနှင့် လိုလားတောင့်တမှုတို့ကို ဖော်ပြလာသည်။ ထို့နောက် မည်သည့်တုံ့ဆိုင်းမှုမျှမရှိဘဲ ပါးစပ်ကိုဟကာ အဖိုးတန်အမြုတေကို တစ်ကြိုက်တည်း မျိုချလိုက်တော့သည်။</p> <p> </p> <p>ဝုန်း…</p> <p> </p> <p>ဝံပုလွေဂူထဲ မမြင်ရသော ဗုံးတစ်လုံး ပစ်ချလိုက်သကဲ့သို့ ရေခဲနဂါး၏ ကြီးမားခမ်းနားလှသော စွမ်းအားများက ယင်းဖုန်း၏ ကိုယ်တွင်း၌ ချက်ချင်း ပေါက်ကွဲသွားသည်။</p> <p> </p> <p>သူ၏ ခန္ဓာကိုယ်သည် ထူထပ်သော အရိပ်များနှင့် ပေါက်ကွဲထွက်လာသော ရေခဲမြူများကြားတွင် ပြင်းထန်စွာ လိမ်ကောက်ဆန့်ထွက်သွားပြီး မှုန်ဝါးလာလေသည်။</p> <p> </p> <p>သူ၏ပတ်ဝန်းကျင်ရှိ အရိပ်များသည် အသက်စွမ်းအင်နှင့် အလွန်အမင်းအေးခဲသော ဒြပ်စင်စွမ်းအင်များ ထိုးသွင်းခံလိုက်ရသကဲ့သို့ သန့်စင်သော အမည်းရောင်မဟုတ်တော့ဘဲ နက်ရှိုင်းပြီး ကြောက်မက်ဖွယ်ကောင်းသော ရေခဲပြာရောင်အဆင်း ဖြစ်လာသည်။</p> <p> </p> <p>အရင်ကထက် ပိုမိုအေးစက်နက်နဲကာ ဝိညာဉ်ကိုပါ ထိုးဖောက်နိုင်စွမ်းရှိသည့် အစွမ်းထက် အငွေ့အသက်တစ်ခုက မုန်တိုင်းတစ်ခုပမာ သူ့ထံမှ တိုက်ခတ်လာလေသည်။</p> <p> </p> <p>သူ၏ အရိပ်ပြေးလွှားခြင်း ပင်ကိုစွမ်းရည်သည် မိမိအဆင့်ထက် များစွာသာလွန်သော ဘုရင်အဆင့်အမြုတေ စွမ်းအား၏ ရိုက်ခတ်မှုအောက်တွင် အခြေခံကျသော၊ အသွင်ပြောင်းလဲမှုကို စတင်ခံစားလာရသည်။</p> <p> </p> <p>[စနစ်အသိပေးချက်]။  ။လက်အောက်ခံ ယင်းဖုန်းသည် ရေခဲစွမ်းအင်ချီနဂါး အမြုတေကို စုပ်ယူလိုက်ပါသည်။ </p> <p>အဆင့် ၂၄ ပါရမီရှင်အဆင့် သို့ တက်လှမ်းသွားပါသည်။ ပင်ကိုစွမ်းရည် အရိပ်ပြေးလွှားခြင်းသည် တစ္ဆေရေခဲအရိပ်ထွက်ပြေးခြင်း (ရွှေရောင် အလယ်အလတ်) သို့ ဆင့်ကဲပြောင်းလဲသွားပါသည်။</p> <p> </p> <p>[စနစ်အသိပေးချက်]။  ။လက်အောက်ခံ ယင်းဖုန်းသည် ရေခဲခြေရာ ဟူသော စွမ်းရည်အသစ်တစ်ခုကို နိုးထလာပါသည်။</p> <p> </p> <p>ရွေ့လျားနေစဉ် ချန်ရစ်ခဲ့သော ခြေရာများ၊ အနံ့နှင့် စွမ်းအင်အကြွင်းအကျန်များသည် သဘာဝအလျောက် အလွန်အမင်းအေးခဲသော အငွေ့အသက်များကို သယ်ဆောင်လာမည်ဖြစ်ပြီး ခြေရာခံနည်းလမ်းအများစုကို ထိရောက်စွာ အနှောင့်အယှက်ပေးနိုင်ကာ တစ်ဘက်ရန်သူကို အကြောသေစေနိုင်သည်။</p> <p> </p> <p>လိုအပ်ပါက ဤခြေရာများကို ဖောက်ခွဲပစ်နိုင်ပြီး အသေးစား ရေခဲပေါက်ကွဲမှုနယ်ပယ်ကို ဖြစ်စေနိုင်သည်။</p> <p> </p> <p>[တစ္ဆေရေခဲအရိပ်ထွက်ပြေးခြင်း (ရွှေရောင် အလယ်အလတ်)] - အစွန်းရောက်အရိပ်၏ နိယာမများနှင့် ရှေးဟောင်းချီနဂါး၏ ရေခဲစွမ်းအားတို့ကို ပေါင်းစပ်ထားသော အစွမ်းထက်သည့် ရွေ့လျားခြင်းနှင့် ပုန်းကွယ်ခြင်း ပင်ကိုစွမ်းရည်ဖြစ်သည်။</p> <p> </p> <p>အသက်သွင်းလိုက်သောအခါ အသုံးပြုသူသည် ရုပ်ပိုင်းဆိုင်ရာအရိပ်များနှင့် ပုံသဏ္ဌာန်မဲ့ လေစီးကြောင်းများကြားတွင် လွတ်လပ်စွာ ဖြတ်သန်းသွားလာနိုင်သည်။</p> <p> </p> <p>ရွေ့လျားမှုအမြန်နှုန်းနှင့် ပျော့ပြောင်းမှုတို့မှာ အရည်အသွေးပိုင်းဆိုင်ရာတွင် တိုးတက်သွားပြီး မည်သည့်အေးခဲသောပတ်ဝန်းကျင်တွင်မဆို ပြီးပြည့်စုံလုနီးပါး ပျော်ဝင်သွားစေနိုင်သည်။</p> <p> </p> <p>၎င်း၏ ပုန်းကွယ်နိုင်စွမ်းမှာ အလွန်မြင့်မားသောကြောင့် သာမန် သမာရိုးကျနည်းလမ်းများဖြင့် ရှာဖွေတွေ့ရှိရန် ခက်ခဲသည်။</p> <p> </p> <p>အမှောင်ထုနှင့် အေးခဲစွမ်းအင်များကို ကိုယ်စားပြုသူအလား ယခင်နှင့်မတူဘဲ လုံးဝကွဲပြားနေသော ယင်းဖုန်းထံမှ ထွက်ပေါ်လာသည့် အငွေ့အသက်ကို ခံစားရင်း လင်းထျန်းလုံ ကျေနပ်စွာ ခေါင်းညိတ်လိုက်သည်။</p> <p> </p> <p>ထိုအငွေ့သက်မှာ ပြင်းထန်လွန်းသော်ငြား ကောင်းကောင်းထိန်းချုပ်ထားနိုင်လေသည်။ သာမန်သူများသာဆိုလျှင် ခံစားမိရန် မဖြစ်နိုင်ချေ။</p> <p> </p> <p> </p> <p> </p> <p> </p> <p> </p> <p style="text-align: center;">***</p>


Save