Book List

<h2 style="text-align: center;">အခန်း (၁၁၈)</h2> <h2 style="text-align: center;">တန်ယွဲဂျား၏ မွေးနေ့ပွဲ</h2> <h2 style="text-align: center;">*</h2> <p> </p> <p>"အနောက်မျှော်စင်" ဝတ္ထုကို တစ်လနီးပါး အဆက်မပြတ် တင်ပေးခဲ့ပြီးနောက် တန်ယန်သည် "အနောက်မျှော်စင်သို့ အိပ်မက်ပြန်လည်စေခြင်း" ၏ ဇာတ်သိမ်းပိုင်းကို ရေးသားပြီးစီးသွားခဲ့ပြီဖြစ်သည်။ စာအုပ်တစ်အုပ်လုံး၏ စာလုံးရေမှာ ၃၅၀,၀၀၀ (သုံးသိန်းခွဲ) ခန့်ရှိပြီး၊ စာလုံးရေ သန်းချီရှိတတ်သည့် အခြားသော အွန်လိုင်းဝတ္ထုများနှင့် ယှဉ်လျှင်မူ အတော်လေး ကျစ်လျစ်သည်ဟု ဆိုရပေမည်။</p> <p>ဇူလိုင်လ ကုန်ဆုံးခါနီးအချိန်တွင် တန်ယွဲဂျား၏ မွေးနေ့လေး နီးကပ်လာခဲ့သည်။ မိသားစုဝင်များနှင့် သူမ၏သူငယ်ချင်းများ စုံစုံလင်လင်ဖြင့် မွေးနေ့ပွဲကို စနေ၊ တနင်္ဂနွေပိတ်ရက်၌ ကျင်းပရန် အားလုံးက သဘောတူခဲ့ကြသည်။ တန်ယွဲဂျားလေးမှာမူ ဤကဲ့သို့ အတွေ့အကြုံမျိုး တစ်ခါမျှ မရှိခဲ့ဖူးသဖြင့် ထိုနေ့ကို အလွန်ပင် မျှော်လင့်နေရှာသည်။</p> <p>တန်ယန် ကြိုတင်မှာယူထားသော ကလေးသုံး လက်ကိုင်အိတ်နှင့် မင်းသမီးဝတ်စုံလေး ရောက်ရှိလာခဲ့ပြီဖြစ်သည်။ ရှေ့မှောက်ရှိ မင်းသမီးဝတ်စုံလေးကို မြင်လိုက်ရသောအခါ တန်ယွဲဂျား၏ မျက်လုံးလေးများမှာ ဝင်းခနဲ ဖြစ်သွားတော့သည်။ တီဆိုပန်းဥယျာဉ်သို့ သွားစဉ်က ဂါဝန်လေးများ အများကြီး ဝယ်ခဲ့ဖူးသော်လည်း ယခုဝတ်စုံလေးက ပို၍ပင် လှပနေသေးသည်။</p> <p>နောက်ဆုံးတွင် ထိုရက်သို့ ရောက်ရှိလာခဲ့သည်။</p> <p>ထိုနေ့တွင် တန်ယွဲဂျားလေးသည် ထူးထူးခြားခြား စောစောနိုးနေခဲ့သည်။ မိုးသောက် အလင်းတန်းလေး စတင်ပေါ်စ အချိန်မှာပင် သူမသည် ဧည့်ခန်းလေးထဲရှိ ဆိုဖာပေါ်တွင်ထိုင်ကာ ခွေးလေးကို ပွတ်သပ်နေခဲ့သည်။ သူမက</p> <p>"ယိတျန်ရေ... ဒီနေ့က ငါ့မွေးနေ့လေ၊ နင့်မှာရော မွေးနေ့ရှိလား ငါနင့်ကို သီချင်းဆို သင်ပေးရမလား" </p> <p>ဟု တတွတ်တွတ် ပြောနေတော့သည်။</p> <p>【အရှင်... ငါ့ကို ကယ်ပါဦး ခွေးတောင်မှ သည်းမခံနိုင်တော့ဘူး】</p> <p>တန်ယန်မှာ အိပ်ရာမှနိုးလာစဉ် ကြောင်တောင်တောင် ဖြစ်သွားရသည်။</p> <p>【ဘာဖြစ်လို့လဲ】</p> <p>【ဂျားဂျားလေးက အရမ်းကို စိတ်လှုပ်ရှားနေတာလေ ဒီမနက်အစောကြီးကတည်းက ဧည့်ခန်းထဲမှာ ထိုင်စောင့်ရင်း ငါ့ကို တောက်လျှောက် စကားတွေပြောနေတာ အခုဆို ခွေးတစ်ကောင်ကို 'Happy Birthday' သီချင်းတောင် သင်ပေးချင်နေပြီ】</p> <p>【ဟားဟား.... 】</p> <p>တန်ယန်မှာ မရယ်ဘဲ မနေနိုင်တော့ပေ။ ထိုကောင်မလေး တကယ်ကို ပျော်နေရှာသည်ပင် ဖြစ်၏။</p> <p>သူမ အောက်ထပ်သို့ ဆင်းလာသောအခါ ယိတျန်တျန်မှာ လျှပ်စီးလက်သကဲ့သို့ သူမထံသို့ ပြေးဝင်လာတော့သည်။ တန်ယန်က ၎င်း၏ခေါင်းကို နှစ်သိမ့်သည့် အနေဖြင့် အသာပုတ်ပေးလိုက်ကာ ရင်ခွင်ထဲသို့ ပွေ့ပိုက်ထားလိုက်သည်။</p> <p>"မမ" </p> <p>တန်ယန်ကို မြင်လိုက်ရသဖြင့် တန်ယွဲဂျားလေးမှာ ဝမ်းသာအားရ ဖြစ်သွားသည်။</p> <p>"မွေးနေ့မှာ ပျော်ရွှင်ပါစေ ဂျားဂျားလေး"</p> <p>"ကျေးဇူးတင်ပါတယ် မမ"</p> <p>"မမနဲ့အတူ စန္ဒရား သွားတီးကြမလား ဒီည လူတွေအများကြီးရှေ့မှာ တီးပြရမှာဆိုတော့ စိတ်လှုပ်ရှားနေလား"</p> <p>မွေးနေ့ပွဲများတွင် မိသားစုဝင်များရှေ့၌ မိမိ၏ အရည်အချင်းကို ထုတ်ဖော်ပြသရခြင်းမှာ တန်မိသားစု၏ ရှေးယခင်ကတည်းက ရှိခဲ့သော အစဉ်အလာ တစ်ခုပင်ဖြစ်သည်။ တစ်ခါက တန်ယွီကလေးဘဝတွင် ဘာပြရမှန်း မသိသဖြင့် ဂျွမ်းထိုးပြခဲ့သည်ကို တန်ယန် မှတ်မိနေသေးသည်။ ကံမကောင်းစွာဖြင့် သူသည် ဖခင်ဖြစ်သူ အလွန်မြတ်နိုးသော ငါးကန်ကိုတိုက်မိကာ ခွဲလိုက်မိသဖြင့် လမ်းထိပ်အထိ အဖေဖြစ်သူ၏ လိုက်လံ ရိုက်နှက်ခြင်းကို ခံခဲ့ရဖူးသည်။</p> <p>"နည်းနည်းတော့ စိတ်လှုပ်ရှားတယ်မမ၊ အဲဒါကြောင့် သမီးနဲ့အတူ ခဏလောက် လေ့ကျင့်ပေးပါဦးနော် သမီးတီးတာ မှားနေတာရှိရင် ပြပေးပါဦး ဟဲဟဲ"</p> <p>ယိတျန်တျန်မှာတော့ တန်ယန်က ဆိုဖာပေါ်သို့ ပြန်တင်ထားခဲ့သဖြင့် အမြီးလေးကို အသာအယာနန့်ကာ အေးဆေးစွာ ခွေနေတော့သည်။ ဟူး... နောက်ဆုံးတော့ လွတ်လပ်သွားပြီ။</p> <p>မွေးနေ့ပွဲကို နေ့လယ်ပိုင်းတွင် ကျင်းပမည်ဖြစ်ပြီး ယနေ့ ရာသီဥတုမှာလည်း အလွန်ပင် သာယာလှပနေသည်။</p> <p>ဧည့်ခန်းတစ်ခုလုံးကို ကာတွန်းရုပ်ပုံများနှင့် မင်းသမီးလေးများ၏ ပုံစံအတိုင်း အသစ်တစ်ဖန် ပြင်ဆင်ထားသည်။ တန်ယွဲဂျားသည် တန်ယန် ပြင်ဆင်ပေးထားသော မင်းသမီးဝတ်စုံလေးကို လဲလှယ်ဝတ်ဆင်ကာ ထွက်လာခဲ့သည်။ မကြာမီမှာပင် ဧည့်သည်များ စတင် ရောက်ရှိလာကြ၏။</p> <p>တန်ယွဲဂျားသည် သူမ၏ မိသားစုဝင်များအပြင် အတန်းဖော်သူငယ်ချင်း အချို့ကိုလည်း ဖိတ်ကြားထားသည်။ လူတိုင်းက သူမအတွက် လက်ဆောင်များ အသီးသီး ပြင်ဆင်လာကြရာ ကောင်မလေးမှာ မျက်တောင်မခတ်နိုင်အောင် ပြုံးပျော်နေပြီး မျက်လုံးလေးများပင် ပျောက်ကွယ်မတတ် ဖြစ်နေတော့သည်။</p> <p>ကျိုးကျားရှင်း: "ဝါး ဂျားဂျားလေးရေ... ဒီနေ့ နင်တကယ်ကို လှနေတာပဲ မွေးနေ့မှာ ပျော်ရွှင်ပါစေနော် ဒါက ငါ့ရဲ့လက်ဆောင်ပါ၊ နင်ကြိုက်လိမ့်မယ်လို့ မျှော်လင့်ပါတယ်"</p> <p>တန်ယွဲဂျား: "ကျေးဇူးပါပဲ၊ ငါတကယ်ကို ကြိုက်ပါတယ် အခုချက်ချင်း ဖွင့်ကြည့်လို့ရမလား"</p> <p>ကျိုးကျားရှင်း: "အင်း မြန်မြန်ဖွင့်ကြည့်လိုက် ငါဒါကို အကြာကြီး ရွေးထားရတာ"</p> <p>ခွင့်ပြုချက်ရသည်နှင့် တန်ယွဲဂျားသည် လက်ဆောင်ဘူးကို စတင်ဖွင့်လိုက်သည်။ အတွင်း၌ ဝက်ဝံရုပ်လေးတစ်ရုပ် ရှိနေပြီး ထိုဝက်ဝံရုပ်လေးမှာ ချစ်စဖွယ် ဇာနားပါသော ဂါဝန်လေးကို ဝတ်ဆင်ထားသဖြင့် အလွန်ထူးခြားနေသည်။ ထို့ပြင် ဘေးနားတွင်လည်း ဝတ်စုံလေးအချို့ အပိုပါဝင်နေသေးသည်။</p> <p>သူမသည် ဝက်ဝံရုပ်လေးကိုမကာ အံ့သြတကြီး အော်လိုက်သည်။</p> <p>"ရှင်းရှင်း... ဒီဝက်ဝံရုပ်က အင်္ကျီလဲလို့ ရတာလား"</p> <p>ကျိုးကျားရှင်း: "ရတာပေါ့ ဒီဝက်ဝံရုပ်ကို ငါဝယ်တာ အင်္ကျီတွေကိုတော့ ငါ့မေမေက ကိုယ်တိုင် ချုပ်ပေးထားတာလေ"</p> <p>တန်ယွဲဂျား: "နင့်မေမေက တကယ်ကိုတော်တာပဲ ငါအများကြီးကြိုက်တယ်၊ နင့်ကိုလည်း ကျေးဇူးတင်သလို အန်တီ့ကိုလည်း ကျေးဇူးတင်တယ်လို့ ပြောပေးပါဦးနော်"</p> <p>"ထမင်းစားလို့ ရပါပြီ"</p> <p>တန်ချင်းရွှဲ့သည် သူမ၏ချစ်သူ ယန်ဝေကျိန်းနှင့်အတူ ရောက်လာပြီး အားလုံးကို ထမင်းစားရန် လှမ်းခေါ်လိုက်သည်။</p> <p>ယနေ့တည်ခင်းသော တရုတ်ဟင်းလျာများ အားလုံးကို ဝေ့ယီဂဲမှ စားဖိုမှူးကိုယ်တိုင် ပြင်ဆင်ပေးထားခြင်း ဖြစ်သည်။ S မြို့တော်ရှိဆိုင်ခွဲမှာ ပြုပြင်မွမ်းမံမှုများ ပြီးစီးသွားပြီဖြစ်ပြီး ကျန်ရှိသည့် အသေးစိတ် အချက်အလက်များ ပြီးစီးပါက မင်္ဂလာရှိသော နေ့တစ်နေ့တွင် စတင်ဖွင့်လှစ်တော့မည် ဖြစ်သည်။</p> <p>ထို့ကြောင့် S မြို့တော်သို့ ပြောင်းရွှေ့လာသော စားဖိုမှူးသည် ပတ်ဝန်းကျင်အသစ်နှင့် ရင်းနှီးစေရန် ကြိုတင်ရောက်ရှိနေခြင်း ဖြစ်သည်။ တန်ယွဲဂျား၏ မွေးနေ့နှင့် တိုက်ဆိုင်နေသဖြင့် တန်ယန်က သူ့ကို အိမ်သို့လာရောက် ချက်ပြုတ်ပေးရန် ဖိတ်ကြားခဲ့ခြင်းပင် ဖြစ်သည်။</p> <p>စားပွဲပေါ်တွင် အိမ်တော်ထိန်းကျန်းကိုယ်တိုင် တစ်ရက်ချင်းနှုန်းဖြင့် ငှားရမ်းပေးထားသော နာမည်ကြီး အနောက်တိုင်းစားဖိုမှူး ပြင်ဆင်ထားသည့် အနောက်တိုင်း ဟင်းလျာအချို့လည်း ပါဝင်သည်။</p> <p>ထမင်းစားပွဲတွင် တန်ယွဲဂျားသည် သူမ၏ သူငယ်ချင်းများနှင့် အတန်းဖော်များကို ဟင်းများထည့်ပေးရင်း အလွန်ပင် ဂရုတစိုက် ဧည့်ခံနေခဲ့သည်။ အချုပ်ဆိုရသော် အားလုံးပင် ထိုနေ့လယ်စာကို အထူးနှစ်သက် သဘောကျသွားကြသည်။</p> <p>အခမ်းအနား၏ ဒုတိယပိုင်းတွင် တန်ချင်းရွှဲ့က မွေးနေ့ကိတ်ကို တည်ခင်းပေးလိုက်သည်။ ထိုကိတ်မှာ 'တက်စ်ကမ္ဘာ' အပန်းဖြေဥယျာဉ်ရှိ မင်းသမီးလေးပုံစံ ပြုလုပ်ထားသော ပန်းရောင်နှင့် ခရမ်းရောင် ရောယှက်နေသည့် သုံးထပ်ကိတ်ကြီး ဖြစ်သည်။ တန်ယွဲဂျားမှာ ထိုကိတ်ကို အလွန်သဘောကျသဖြင့် သူမ၏အတန်းဖော်များ၊ သူငယ်ချင်းများနှင့်အတူ အမှတ်တရဓာတ်ပုံများ ရိုက်ကူးခဲ့သည်။</p> <p>ထို့နောက် တန်ယွဲဂျား၏ မိသားစုဝင်များက လက်ဆောင်များ စတင်ပေးကြတော့သည်။ တန်ယန်ပေးသော အထူးမှာယူထားသည့် လက်ကိုင်အိတ် အပါအဝင် အခြားသူများ၏ လက်ဆောင်များမှာလည်း အသုံးဝင်သော ပစ္စည်းများသာ ဖြစ်ကြသည်။</p> <p>သို့သော် ယန်ဝေကျိန်းပေးသော လက်ဆောင်မှာမူ အလွန်ထူးခြားလှသဖြင့် တန်ယန်က ထိုလက်ဆောင်ကို ယနေ့၏ 'အကောင်းဆုံးလက်ဆောင်' ဟုပင် သတ်မှတ်လိုက်မိသည်။</p> <p>"ဒါကတော့ ဂျားဂျားလေးအတွက် ဦးဦးပေးတဲ့ ဂိမ်းလေးပါ။ ဂျားဂျားလေး ရဲတိုက်ထဲမှာနေတဲ့ မင်းသမီးလေးလို နေ့တိုင်း ပျော်ရွှင်ပါစေလို့ ဆုတောင်းပါတယ်" </p> <p>ယန်ဝေကျိန်းက သူ၏ လပ်တော့ပ်ကိုဖွင့်ကာ တန်ယွဲဂျားအတွက် ထိုဂိမ်းကို စတင် လည်ပတ်ပြလိုက်သည်။</p> <p>တန်ယန်က အနားသို့ လျှောက်သွားကာ ကြည့်လိုက်သောအခါ ၎င်းမှာ ဝဘ်ဆိုက်အခြေပြု အဝတ်အစားလဲသည့် ဂိမ်းတစ်ခုဖြစ်နေသည်ကို တွေ့လိုက်ရသည်။ သူမ၏ အရင်ဘဝက အလွန်နာမည်ကြီးခဲ့သော မီရယ်ကယ်နစ်ကီဂိမ်းနှင့် ဆင်တူလှသည်။ ပို၍ထူးခြားသည်မှာ ဂိမ်းထဲမှ ဇာတ်ကောင်၏ မျက်နှာမှာ တန်ယွဲဂျား၏ မျက်နှာကို ပုံစံတူယူထားခြင်းဖြစ်ပြီး နောက်ခံမှာလည်း မင်းသမီးလေး၏ ရဲတိုက်ကြီး ဖြစ်နေခြင်းပင်ဖြစ်သည်။</p> <p>တန်ယွဲဂျားသည် သူမနှင့်ပုံစံတူသော ကာတွန်းဇာတ်ကောင်လေးက ရဲတိုက်ထဲရှိ အခန်းများအတွင်း ဝတ်စုံလေးဖြင့် လမ်းလျှောက်နေသည်ကို မြင်လိုက်ရသည့်အခါ အလွန်အံ့သြဝမ်းသာသွားသည်။ သူမသည် မောက်စ်ကို အသုံးပြုကာ ဇာတ်ကောင်လေးအား ဟိုဟိုဒီဒီ ရွှေ့ကြည့်ရင်း စမ်းသပ် ကစားကြည့်နေတော့သည်။</p> <p>"သမီးအရမ်းကြိုက်တယ် ကျေးဇူးတင်ပါတယ် ဦးဦးယန်"</p> <p>တန်မိသားစုဝင်များလည်း ဤသည်ကို မြင်ရသည့်အခါ အလွန်ကျေနပ်သွားကြသည်။ ယန်ဝေကျိန်းသည် ဤလက်ဆောင်အတွက် အတော်လေး စိတ်နှစ်ပြီး ပြင်ဆင်ခဲ့သည်မှာ ထင်ရှားလှသည်။ ဂိမ်းတစ်ခု မည်သို့ဖန်တီးရသည်ကို သူတို့ အသေးစိတ် မသိသော်လည်း ၎င်းမှာ မလွယ်ကူသည့် အလုပ်ဖြစ်ကြောင်းကိုတော့ ခန့်မှန်းမိကြသည်။</p> <p>【အရှင်... ဒီဂိမ်းလေးက အတော်လေး ကောင်းပါတယ် လက်ရှိဈေးကွက်ထဲမှာ ဒီလိုဂိမ်းမျိုး မရှိသေးဘူး】</p> <p>【နင့်မှာရော လယ်ယာတွေ၊ ခြံတွေ စီမံခန့်ခွဲလို့ရတဲ့ ဂိမ်းမျိုးတွေရှိလား】</p> <p>【ငါ့ဆီမှာတော့ မရှိဘူး၊ ဒါပေမဲ့ စတူဒီယို တစ်ခုကတော့ အဲဒါမျိုး ရေးနေပုံရတယ် စမ်းသပ်ပြီး ဖြန့်ချီဖို့တောင် နီးစပ်နေပြီထင်တယ်】</p> <p>【အဲဒါဆိုရင် ငါ့အတွက် သူတို့ကို ဆက်သွယ်ပေးပါ သူတို့ဘက်က ရင်းနှီးမြှုပ်နှံသူ လိုအပ်နေသလား ဆိုတာကို စုံစမ်းပေးဦး】</p> <p>【ဟုတ်ကဲ့ပါ အရှင်၊ ငါ့ကိုပဲ လွှဲထားလိုက်ပါ】</p> <p>*</p> <p>တန်ယွဲဂျား၏ မွေးနေ့ပွဲ ပြီးဆုံးပြီးနောက် တန်ယန်သည် ယန်ဝေကျိန်းနှင့် ထိုအဝတ်အစား လဲသည့်ဂိမ်းကို ဆက်လက်အကောင်အထည်ဖော်ရန် ဆွေးနွေးခဲ့သည်။ သို့သော် ယန်ဝေကျိန်းက သူလက်ဆောင် ပေးထားသော အရာကို ပြန်လည်အသုံးချကာ စီးပွားရေးလုပ်ရန် စိတ်မပါခဲ့ပေ။ ထိုသို့လုပ်ဆောင်ခြင်းက သူပေးခဲ့သော လက်ဆောင်၏ အဓိပ္ပာယ်ကို ပျက်ပြားစေလိမ့်မည်ဟု ခံစားနေရသောကြောင့် ဖြစ်သည်။</p> <p>တန်ချင်းရွှဲ့သည် ဤအကြောင်းကို သိရှိသွားသောအခါ တန်ယွဲဂျားကိုခေါ်၍ ယန်ဝေကျိန်းထံ သွားရောက်ခဲ့သည်။ တန်ယွဲဂျားက စကားတစ်ခွန်းသာ ပြောလိုက်ရုံဖြင့် ယန်ဝေကျိန်းသည် တန်ယန်၏ ပူးပေါင်းဆောင်ရွက်မှု ကမ်းလှမ်းချက်ကို သဘောတူလိုက်လေတော့သည်။ သို့သော် သူက ကန့်သတ်ချက်တစ်ခု ထားရှိခဲ့သည်။ ၎င်းမှာ ဤဂိမ်းမှရရှိသော အကျိုးအမြတ် အားလုံးကို တန်ယွဲဂျား တစ်ဦးတည်းသာ ပိုင်ဆိုင်ရမည်ဟူ၍ ဖြစ်သည်။</p> <p>တန်ယန်သည် ဤဆုံးဖြတ်ချက်ကို လေးစားစွာ လက်ခံလိုက်သည်။ တစ်ဖက်လူ အနေဖြင့် အကျိုးအမြတ်ထက် သူမ၏အဒေါ်နှင့် ဂျားဂျားလေး၏ ခံစားချက်ကို ပိုမိုတန်ဖိုးထားကြောင်း တွေ့ရသဖြင့် သူမဝမ်းသာမိသည်။ သူတို့ဘက်က အားနာစရာမလိုဟု ပြောထားသည့်တိုင် ယန်ဝေကျိန်းက ဤမျှအထိ လိုက်လျောပေးခဲ့ခြင်းမှာ သူသည် သူမ၏အဒေါ်နှင့် ဂျားဂျားလေးအပေါ် တကယ်ပင် ကောင်းမွန်စွာ ဆက်ဆံမည့်သူဖြစ်ကြောင်း သက်သေပြနေသည်။</p> <p>သဘောတူညီချက်များ အပြီးသတ်ပြီးနောက် တန်ယန်က ရင်းနှီးမြှုပ်နှံမှု အပိုင်းကို တာဝန်ယူခဲ့သည်။ တန်ချင်းရွှဲ့သည်လည်း ဝင်ငွေအားလုံးမှာ တန်ယွဲဂျားဆီသို့ ရောက်မည်ဟု ကြားသောအခါ သူမ၏ ပိုင်ဆိုင်မှုအချို့ကို ရင်းနှီးမြှုပ်နှံမှုတွင် အတင်းအကြပ် ပါဝင်ထည့်ဝင်ခဲ့ပြန်သည်။</p> <p>ယန်ဝေကျိန်းက ကုမ္ပဏီရှိ ဝန်ထမ်းအားလုံး၏ ကြိုးပမ်းအားထုတ်မှုကြောင့် "မင်းသမီးလေး၏ ရဲတိုက်" ဟု အမည်ပေးထားသော ထိုဂိမ်းကို စက်တင်ဘာလ အစောပိုင်းတွင် စတင်ဖြန့်ချီနိုင်ခဲ့သည်။ တစ်လအတွင်းမှာပင် ထိုဂိမ်းသည် ဂိမ်းဇယားအသီးသီးကို လွှမ်းမိုးသွားခဲ့ပြီး ထိုနှစ်၏ အမျိုးသမီးကစားသမားများအကြား အကျော်ကြားဆုံး ဂိမ်းအဖြစ် နံပါတ် (၁) နေရာကို သိမ်းပိုက်နိုင်ခဲ့သည်။</p> <p>ကလေးငယ်များသာမက အသက် ၂၀ ကျော်၊ ၃၀ ကျော် အမျိုးသမီးများပင် ထိုဂိမ်း၏ သစ္စာရှိ အသုံးပြုသူများ ဖြစ်လာကြသည်။ ဤဂိမ်းကြောင့် တန်ယွဲဂျားလေးသည် အလွန်များပြားသော ဝင်ငွေများကို ရရှိခဲ့ပြီး မူလတန်းတက်နေစဉ် ကာလမှာပင် ငွေရေးကြေးရေးအရ လွတ်လပ်မှုကို အပြည့်အဝ ရရှိသွားခဲ့လေသည်။</p> <p> </p> <p style="text-align: center;">*** </p> <p> </p>


Save