Book List

<h2 style="text-align: center;">ခေတ်သစ်သမားတော်</h2> <h2 style="text-align: center;">အခန်း (၇၂၁) - အမျိုးသမီးတပ်ဖွဲ့</h2> <h2 style="text-align: center;">*</h2> <p style="text-align:justify"> </p> <p style="text-align:justify">နောက်တစ်နေ့ နံနက်ခင်းတွင် ယဲ့ပုဖန်သည် ဝမ်ရွှယ်နင်အား နှုတ်ဆက်ကာ အရေးကြီးသော တာဝန်တစ်ခုကို ထမ်းဆောင်ရန် ခဏတာ ခွဲခွာရမည်ဖြစ်ကြောင်း ပြောကြားလိုက်လေသည်။</p> <p style="text-align:justify">နံနက်ကိုးနာရီအချိန်တွင် မျက်ရည်စက်လက်ဖြင့် နှုတ်ဆက်ခြင်းကိစ္စ ပြီးဆုံးသွားပြီးနောက် သူသည် ယဲ့ထျန်းကို ခေါ်ဆောင်ကာ စီမာဝေ မောင်းနှင်လာသော စစ်သုံးဂျစ်ကားပေါ်သို့ တက်လိုက်တော့သည်။</p> <p style="text-align:justify">အာကာသအဆင့်သို့ မရောက်သေးသရွေ့ အလောင်းရုပ်သေးမှာ ကိုယ်ပိုင်အသိဉာဏ် မရှိပေ။ ထို့ကြောင့် ၎င်းကို အမြဲတစေ ဘေး၌ ခေါ်ဆောင်ထားရမည်ဖြစ်ပြီး လိုအပ်ပါက သိုလှောင်လက်စွပ် အတွင်းသို့ ထည့်သွင်းသိမ်းဆည်းထားနိုင်သည်။</p> <p style="text-align:justify">နာရီဝက်ခန့်အကြာတွင် သူတို့နှစ်ဦးသည် ကျန်းပေ့မြို့ ဆင်ခြေဖုံးရှိ စစ်တပ်သုံး လေယာဉ်ကွင်းလေး တစ်ခုသို့ ရောက်ရှိလာကာ ဟယ်လီကော်ပတာတစ်စီးပေါ်သို့ ပြောင်းရွှေ့စီးနင်းလိုက်ကြ၏။</p> <p style="text-align:justify">စက်အင်ဂျင်များ၏ ဟိန်းဟောက်သံနှင့်အတူ ဟယ်လီကော်ပတာသည် မြေပြင်မှ အရှိန်အဟုန်ဖြင့် ပျံတက်သွားကာ မြောက်ဘက်အရပ်ဆီသို့ ဦးတည်ပျံသန်းလေတော့သည်။</p> <p style="text-align:justify">ယဲ့ပုဖန်က "လေ့ကျင့်ရေးစခန်းက ဒီကနေ ဝေးလို့လား... ဘာလို့ လေယာဉ်နဲ့ သွားနေရတာလဲ" ဟု မေးလိုက်သည်။</p> <p style="text-align:justify">စီမာဝေက "သိပ်မဝေးပါဘူး၊ ကီလိုမီတာ ၂၀၀ လောက်ပဲ ရှိတာပါ။ ဒီကောင်းကင်စစ်သည်တော် စီမံကိန်းက ရွှမ်ယွမ်စံအိမ်ရဲ့ အထူးလျှို့ဝှက်ချက်ဖြစ်သလို ရွေးချယ်ထားတဲ့ လေ့ကျင့်ရေး စခန်းကလည်း လုံခြုံရေး အရမ်း တင်းကျပ်ပါတယ်။ အပြင်လောကနဲ့ ဆက်သွယ်ထားတဲ့ ကားလမ်းမရှိဘူး။ ဟယ်လီကော်ပတာနဲ့ပဲ သွားလို့ရတယ်" ဟု ရှင်းပြလေသည်။</p> <p style="text-align:justify">"လေ့ကျင့်ရေးက ဘယ်လိုအခြေအနေရှိလဲ။ ငါက ဘယ်လိုတာဝန်တွေကို တာဝန်ယူရမှာလဲ" ဟု ယဲ့ပုဖန်က ထပ်မံမေးမြန်းလိုက်၏။</p> <p style="text-align:justify">သူသည် ကောင်းကင်စစ်သည်တော် စီမံကိန်းနှင့် ပတ်သက်၍ တစ်ခါမျှ ဝင်ရောက်စွက်ဖက်ခြင်း မရှိခဲ့ဘဲ စီမာဝေကိုသာ အလုံးစုံ လွှဲအပ်ထားခဲ့ခြင်း ဖြစ်သည်။</p> <p style="text-align:justify">"နည်းပြချုပ်ကြီးက အခုမှပဲ အခြေအနေကို စုံစမ်းဖို့ သိတော့တာလား..."</p> <p style="text-align:justify">စီမာဝေက သူ့အား မျက်စောင်းလေး တစ်ချက် ထိုးလိုက်ပြီးနောက် "နင်က ဒီကောင်းကင်စစ်သည်တော် စီမံကိန်းရဲ့ အကောင်အထည်ဖော်သူ၊ လေ့ကျင့်ရေးရဲ့ နည်းပြချုပ်ဖြစ်သလို ရွှမ်ယွမ်စံအိမ်က ချီးမြှင့်ထားတဲ့ ပထမအဆင့် ကောင်းကင်စစ်သူကြီးလည်း ဖြစ်တယ်" ဟု ပြောလိုက်သည်။</p> <p style="text-align:justify">ယဲ့ပုဖန်က ထိုဂုဏ်ပုဒ်များကို ဂရုမစိုက်ဟန်ဖြင့် "အဲဒါပြီးတော့ရော..." ဟု ခပ်အေးအေးပင် ဆိုလိုက်၏။</p> <p style="text-align:justify">စီမာဝေက ဆက်လက်၍ "ကောင်းကင်စစ်သည်တော် စီမံကိန်းမှာ စုစုပေါင်း လူ ၁၀၀ စုထားတယ်။ သူတို့ကို အသင်းလေးသင်း ခွဲထားတယ်၊ အဲဒါတွေကတော့ ချင်လုံ (နဂါးပြာ)၊ ပိုင်ဟု (ကျားဖြူ)၊ ကျူးချွဲ (ဖီးနစ်နီ) နဲ့ ရွှမ်ဝူ (လိပ်နက်) တို့ပဲ။ အသင်းတစ်သင်းမှာ လူ ၂၅ ယောက်စီ ပါဝင်တယ်"</p> <p style="text-align:justify">"ဒီလူတွေက အဓိကအားဖြင့် အထူးတပ်ဖွဲ့ဝင်တွေ၊ ဩဇာကြီးမိသားစုတွေက မျိုးဆက်သစ်တွေနဲ့ အထူးဌာနက အဖွဲ့ဝင်တွေဆီကနေ လာကြတာပါ။ သူတို့ရဲ့ ကျင့်ကြံမှုအဆင့်တွေက ယေဘုယျအားဖြင့် မြေအဆင့် အထွတ်အထိပ်အဆင့်ကနေ ကောင်းကင်အဆင့် အစောပိုင်းအဆင့်ကြားမှာ ရှိကြတယ်။ တကယ့်ကို ထူးချွန်တဲ့ ပါရမီရှင် တစ်ယောက်စ၊ နှစ်ယောက်စတော့ ပါနိုင်ပေမယ့် အများကြီးတော့ မဟုတ်ဘူး"</p> <p style="text-align:justify">ယဲ့ပုဖန်က "မင်းတို့ရဲ့ ကျင့်ကြံမှုအဆင့်က နည်းနည်းနိမ့်နေသလိုပဲ" ဟု ဝေဖန်လိုက်သည်။</p> <p style="text-align:justify">"နင်က လူတိုင်းကို နင့်လိုပဲ ထူးဆန်းနေမယ်လို့ ထင်နေတာလား..."</p> <p style="text-align:justify">စီမာဝေက ယဲ့ပုဖန်ကို တစ်ဖန် မျက်စောင်းထိုးလိုက်ပြန်သည်။ အသက် ၂၀ အရွယ်နှင့် မြေကမ္ဘာ အဆင့်သို့ ရောက်ရှိရန်မှာ အလွန်ပင် ရှားပါးလှပေသည်။ </p> <p style="text-align:justify">အချို့သော မိသားစုကြီးများနှင့် ဂိုဏ်းကြီးများတွင် ထိုသို့သော ပါရမီရှင်များ တစ်ခါတစ်ရံ ရှိတတ်သော်လည်း ၎င်းမှာ နှစ်ပေါင်းများစွာ ရင်းနှီးမြှုပ်နှံ လေ့ကျင့်ပေးခဲ့ရသည့် ရလဒ်များပင် ဖြစ်သည်။ ယဲ့ပုဖန်ကဲ့သို့ အချိန်တိုအတွင်း အရှိန်အဟုန်ဖြင့် တိုးတက်လာသူမျိုးမှာမူ လောကတွင် တစ်ဦးတည်းသာ ရှိပေလိမ့်မည်။</p> <p style="text-align:justify">သူမက ဆက်လက်၍ "လက်ရှိ တရုတ်သိုင်းလောကရဲ့ အခြေအနေအရ အသက် ၂၅ နှစ်မတိုင်ခင် ကောင်းကင်အဆင့်ကို ရောက်နိုင်တဲ့သူဆိုရင် ဘယ်ဂိုဏ်း၊ ဘယ်မိသားစုမှာမဆို အဓိကပျိုးထောင်ရမယ့် ပါရမီရှင်လို့ သတ်မှတ်ကြတာပဲ"</p> <p style="text-align:justify">"အခု လူသစ်စုဆောင်းရာမှာ အသက်ကန့်သတ်ထားတာက သူတို့ရဲ့ ပါရမီကို မြှင့်တင်ပေးချင်လို့ပါ။ အသက်ကြီးလေလေ၊ ရှေ့ဆက်တိုးတက်ဖို့ နေရာက နည်းလေလေပဲ"</p> <p style="text-align:justify">ယဲ့ပုဖန်က ခေါင်းညိတ်လိုက်ပြီး "အရင်က ရှန်းမိသားစုက အမှတ်အများဆုံးရတဲ့သူကရော အရွေးခံရလား" ဟု မေးလိုက်သည်။</p> <p style="text-align:justify">စီမာဝေက ခေါင်းညိတ်ပြကာ "ဒီတစ်ခါ အဖွဲ့ဝင်တွေ ရွေးချယ်ရာမှာ တင်းကျပ်တဲ့ သတ်မှတ်ချက်တွေ ရှိတယ်။ အသက် ၂၅ နှစ်ထက် မကျော်ရဘူး။ ကျင့်ကြံမှုကလည်း မြေအဆင့် အထွတ်အထိပ်ထက် မနိမ့်ရဘူး"</p> <p style="text-align:justify">"ရှန်းချောင်ချူးကတော့ သတ်မှတ်ချက်နဲ့ ကိုက်ညီပါတယ်။ သူက အသက် ၂၅ နှစ် အကန့်အသတ်ကို ရောက်နေပြီဆိုပေမယ့် ကျင့်ကြံမှုက ကောင်းကင်အဆင့် အစောပိုင်းအဆင့်ကို ရောက်နေပြီလေ"</p> <p style="text-align:justify">ယဲ့ပုဖန်က "ဘာလို့ ဩဇာကြီးမိသားစုက မျိုးဆက်တွေ ဒီလောက်တောင် အများကြီး ပါနေရတာလဲ။ တစ်ခုခု မျက်နှာလိုက်ထားတာ ရှိလို့လား" ဟု ထပ်မေးလိုက်သည်။</p> <p style="text-align:justify">"မျက်နှာလိုက်တာ မရှိပါဘူး။ ငါရဲ့ ရွှမ်ယွမ်စံအိမ်က နောက်ခံထက် အရည်အချင်းကိုပဲ အမြဲ ဦးစားပေးတယ်။ ဒါပေမဲ့ ဆင်းရဲရင် စာသင်၊ ချမ်းသာလျှင် သိုင်းကျင့် ဆိုတဲ့ စကားအတိုင်းပဲ... သိုင်းပညာရှင်တစ်ယောက်အတွက် ငွေကြေးနဲ့ ကျင့်ကြံရေး အရင်းအမြစ်တွေက အရမ်း အရေးကြီးတယ်လေ" ဟု စီမာဝေက ရှင်းပြသည်။</p> <p style="text-align:justify">ဥပမာအားဖြင့် အဖိုးတန် ဆေးဖက်ဝင်အပင်များ သို့မဟုတ် ရှားပါးဆေးလုံးများကဲ့သို့ ကျင့်ကြံသူကို လျင်မြန်စွာ တိုးတက်စေသည့် အရင်းအမြစ်များသည် ငွေဖြင့်သာ ဝယ်ယူရခြင်းဖြစ်ပြီး ဈေးနှုန်းများမှာလည်း သာမန်လူများ မတတ်နိုင်လောက်အောင်ပင် အလွန်မြင့်မားလှပေသည်။ ထို့ကြောင့်ပင် ချမ်းသာသော မိသားစုမှ လူငယ်များသည် အခြေခံကောင်းများ ရရှိထားပြီး ထူးချွန်လာရန် ပိုမိုလွယ်ကူနေခြင်း ဖြစ်သည်။</p> <p style="text-align:justify">ယဲ့ပုဖန်က "နောက်ထပ် ဘာရှိသေးလဲ။ ဒီလောက် အစီအစဉ်အကြီးကြီးကို ငါတစ်ယောက်တည်း တာဝန်ယူရမှာတော့ မဟုတ်ဘူးမလား" ဟု မေးလိုက်၏။</p> <p style="text-align:justify">"မဟုတ်ပါဘူး။ တကယ်တော့ နင့်ကို ကောင်းကင်စစ်သည်တော် စီမံကိန်းရဲ့ တာဝန်ခံအဖြစ် ခန့်အပ်ဖို့ ကိစ္စက အငြင်းပွားစရာတွေ အများကြီး ရှိခဲ့တယ်။ အဓိကက နင်က အရမ်းငယ်နေသေးတာကိုး။ နောက်ဆုံးမှာ သခင်ကြီးစီတုကပဲ ကန့်ကွက်မှုအားလုံးကို ပယ်ချပြီး နင့်ကို နည်းပြချုပ်အဖြစ် ခန့်အပ်ခဲ့တာ"</p> <p style="text-align:justify">"ဒါပေမဲ့ ရွှမ်ယွမ်စံအိမ်က သခင်ကြီးစီတု တစ်ယောက်တည်း စီမံနေတာ မဟုတ်ဘူး။ ကျန်တဲ့ အကြီးအကဲ နှစ်ဦးက ဒုနည်းပြချုပ် သုံးယောက်ကို ခန့်အပ်ထားတယ်။ သူတို့က ဒုတိယအဆင့် ကောင်းကင်စစ်သူကြီးတွေပဲ"</p> <p style="text-align:justify">"အခုဆိုရင် နည်းပြချုပ် တစ်ယောက်နဲ့ ဒုနည်းပြချုပ် သုံးယောက်။ စုစုပေါင်း လေးယောက် ရှိမယ်။ တစ်ယောက်ကို အသင်းတစ်သင်းစီ တာဝန်ယူရမှာပါ"</p> <p style="text-align:justify">"ချင်လုံအသင်းကို မူရုန်ဖိန်က တာဝန်ယူတယ်။ သူက အသက် ၂၈ နှစ်ရှိပြီ။ မြို့တော်က မူရုန်မိသားစုဝင် ဖြစ်သလို အိယွမ်ဂိုဏ်းချုပ်ရဲ့ တံခါးပိတ်တပည့်လည်း ဖြစ်တယ်။ သူ့ရဲ့ ကျင့်ကြံမှုက မြေကမ္ဘာအဆင့် အစောပိုင်းကို ရောက်နေပြီ"</p> <p style="text-align:justify">"ပိုင်ဟုအသင်းကိုတော့ လိုင်ဖော်ကျွင်းက တာဝန်ယူတယ်။ သူက အသက် ၃၅ နှစ်။ တရုတ်ရိုးရာ သိုင်းဆရာကြီး တစ်ယောက်ရဲ့ သားဖြစ်ပြီး ကျင့်ကြံမှုက မြေကမ္ဘာအဆင့် အစောပိုင်း အဆင့်မှာပဲ ရှိတယ်"</p> <p style="text-align:justify">"ရွှမ်ဝူအသင်းရဲ့ ခေါင်းဆောင်ကတော့ လက်တစ်ဖက်ပြတ် ဓားဘုရင် ဟယ်ချင်းကျီ ဖြစ်တယ်။ သူက အသက် ၄၀ ရှိပြီ။ အရင်က ရူးသွပ်စစ်သည်တော် အထူးတပ်ဖွဲ့ရဲ့ ဗိုလ်ကြီးပေါ့။ တိုက်ပွဲမှာ လက်တစ်ဖက် ဆုံးရှုံးခဲ့ပြီးတဲ့နောက် ဗိုလ်ကြီးရာထူးကနေ နုတ်ထွက်ပြီး ရွှမ်ယွမ်စံအိမ်ကို ဝင်လာခဲ့တာ"</p> <p style="text-align:justify">ယဲ့ပုဖန်က "အဲဒါဆို ကျန်တဲ့ ကျူးချွဲအသင်းကို ငါက တာဝန်ယူရမှာပေါ့" ဟု ဆိုလိုက်သည်။</p> <p style="text-align:justify">"မှန်တာပေါ့" </p> <p style="text-align:justify">စီမာဝေ၏ မျက်နှာတွင် နောက်ပြောင်လိုသော အမူအရာတစ်ခု ပေါ်လာကာ "ကောင်းကင်စစ်သည်တော် စီမံကိန်းရဲ့ ကျူးချွဲအသင်းက အဖွဲ့ဝင် ၂၅ ယောက်စလုံးက အမျိုးသမီးတွေချည်းပဲ"</p> <p style="text-align:justify">"ဘာ..." ယဲ့ပုဖန် အလွန်အံ့အားသင့်သွားသည်။ </p> <p style="text-align:justify">"ငါ့လက်အောက်မှာ အမျိုးသမီးတွေချည်းပဲလား။ အဲဒါက အမျိုးသမီးတပ်ဖွဲ့ ဖြစ်မနေဘူးလား"</p> <p style="text-align:justify">စီမာဝေက ပြုံးလျက် "အတိအကျပဲလေ။ ဘယ်လိုလဲ... အံ့သြသွားလား"</p> <p style="text-align:justify">"အံ့သြတာထက် ပိုတယ်... ဒါက အလှမယ်ပြိုင်ပွဲမှ မဟုတ်တာ။ မိန်းမတွေ ဒီလောက်အများကြီးနဲ့ ငါက ဘာလုပ်ရမှာလဲ"</p> <p style="text-align:justify">ယဲ့ပုဖန်က မျက်နှာပျက်ပျက်ဖြင့် "သခင်ကြီးစီတုက ငါ့အရည်အချင်းအပေါ် တစ်ခုခု နားလည်မှု လွဲနေတာလား" ဟု မေးလိုက်မိသည်။</p> <p style="text-align:justify">သူသည် တူနှစ်ကိုယ် ကျင့်ကြံခြင်း နည်းလမ်းဖြင့် အခြားသူများ၏ ကျင့်ကြံမှုကို မြှင့်တင်ပေးရာတွင် ကျွမ်းကျင်သော်လည်း ထိုနည်းလမ်းမှာ လူတိုင်းအပေါ် အသုံးပြု၍ ရသည်မဟုတ်ပေ။</p> <p style="text-align:justify">စီမာဝေက "နင် အရမ်းတွေးမနေပါနဲ့။ အသင်းတွေ ခွဲတုန်းက ကံစမ်းမဲနှိုက်ပြီး ခွဲခဲ့ကြတာပါ။ သခင်ကြီးစီတုက နင့်အတွက် မဲနှိုက်ပေးခဲ့တာဖြစ်ပြီး ကျူးချွဲအသင်းကို မဲကျသွားခဲ့တာ" ဟု ပြောလိုက်သည်။</p> <p style="text-align:justify">သို့သော်ငြားလည်း ယဲ့ပုဖန်က ခေါင်းခါလိုက်မိ၏။ ထိုအဘိုးကြီး တမင်သက်သက် လုပ်လိုက်ခြင်း ဖြစ်ကြောင်း သူ ခံစားနေရသည်။</p> <p style="text-align:justify">စီမာဝေက ဆက်လက်၍ "နင် နည်းပြချုပ်အဖြစ် သွားတဲ့အခါ သတိထားရမယ့်လူ နှစ်ယောက် ရှိတယ်။ သူတို့က နင့်ကို ပြဿနာရှာနိုင်တယ်"</p> <p style="text-align:justify">ယဲ့ပုဖန်က "နှစ်ယောက်ပဲလား... အားလုံးက ငါ့အပေါ် မကျေနပ်ကြဘဲ ပြဿနာရှာကြလိမ့်မယ်လို့ ငါ ခံစားနေရတယ်"</p> <p style="text-align:justify">"နင့်အထင် မှန်ပါတယ်။ ဒါပေမဲ့ အဲဒီထဲက နှစ်ယောက်က ပိုပြီး ပြင်းထန်လိမ့်မယ်။ တစ်ယောက်ကတော့ နင့်ရဲ့ ကျူးချွဲအသင်းက ဒုအသင်းခေါင်းဆောင် စီတုတျန့်မော့ပဲ"</p> <p style="text-align:justify">ယဲ့ပုဖန်က "သူ့မျိုးရိုးကလည်း စီတုလား... သခင်ကြီးစီတုနဲ့ တစ်ခုခု ပတ်သက်နေတာလား"</p> <p style="text-align:justify">စီမာဝေက "ဟုတ်တယ်။ စီတုတျန့်မော့က သခင်ကြီးစီတုရဲ့ မြေးမလေးပဲ။ သူက အသက် ၂၀ ရှိပြီဖြစ်ပြီး ကျင့်ကြံမှုက ကောင်းကင်အဆင့် အထွတ်အထိပ်ကို ရောက်နေပြီ"</p> <p style="text-align:justify">"အဘိုးကြီးစီတု တမင်လုပ်တာ သေချာသွားပြီ။ သူ့မြေးမလေးက ကျူးချွဲအသင်းမှာ ရှိနေလို့ ငါ့ကို ဒီမဲနှိုက်ပေးလိုက်တာပဲ"</p> <p style="text-align:justify">ယဲ့ပုဖန်က ဆက်လက်၍ "ဒါပေမဲ့ မဟုတ်သေးဘူး... သခင်ကြီးစီတုက အသက် ၁၀၀ ရှိနေပြီလေ။ သူ့မြေးမဆိုရင် အသက် ၄၀၊ ၅၀ လောက် ရှိရမှာပေါ့။ ဘယ်လိုဖြစ်လို့ ဒီလောက် ငယ်နေရတာလဲ"</p> <p style="text-align:justify">စီမာဝေက "ဒါက ပြောရရင် ရှည်ပါတယ်။ အရင်တစ်ခါ နင် ပြောသလိုပဲ သခင်ကြီးစီတုက သူ့ရဲ့ လူပျိုဘဝကို ဆုံးရှုံးခဲ့ဖူးတယ်လေ။ အဲဒါက လွန်ခဲ့တဲ့ နှစ်ပေါင်း ၅၀ လောက်ကပေါ့။ သခင်ကြီးစီတုက အရက်မူးပြီး အမျိုးသမီးတစ်ယောက်နဲ့ တစ်ညတာ အမှားကျခဲ့တာ"</p> <p style="text-align:justify">ယဲ့ပုဖန်က ရယ်မောကာ "တစ်ညတည်းနဲ့တင် ကလေးရခဲ့တာလား... အဘိုးကြီးရဲ့ စွမ်းအားက အလကားတော့ မဟုတ်ဘူးပဲ"</p> <p style="text-align:justify">စီမာဝေက "အဲဒီနောက်မှာ သခင်ကြီးစီတုက အရမ်း နောင်တရပြီး အဲဒီအမျိုးသမီးကို ထပ်မရှာတော့ဘူး။ ဒါပေမဲ့ မထင်မှတ်ဘဲ အဲဒီအမျိုးသမီးက ကိုယ်ဝန်ရသွားပြီး ဘယ်သူနဲ့မှ အိမ်ထောင်မပြုဘဲ နေခဲ့တာ။ လွန်ခဲ့တဲ့ ၁၀ နှစ်ကမှ သူ သေခါနီးအချိန်မှာ သူ့ရဲ့ သားသမီးတွေကို သခင်ကြီးစီတုဆီ လွှတ်ပြီး အမျိုးတော်စပ်ကြောင်း လာပြောခဲ့ကြတာလေ"</p> <p style="text-align:justify"> </p> <p style="text-align: center;">***</p>


Save