Book List

<h2 style="text-align: center;">အခန်း (၇၂၆) - အားမကိုးရသော နည်းပြချုပ်ကြီး</h2> <h2 style="text-align: center;">*</h2> <p> </p> <p style="text-align:justify">ကျူးချွဲအသင်းကို စီတုတျန့်မော့ ဦးဆောင်သည့် အမျိုးသမီး (၂၅) ဦးဖြင့် ဖွဲ့စည်းထားပြီး တစ်ဦးချင်းစီမှာလည်း လောကတွင် ရှားပါးလှသော အလှပိုင်ရှင်လေးများ ဖြစ်ကြပေ၏။</p> <p style="text-align:justify">ယင်းက ယဲ့ပုဖန်ကို များစွာ ဝေခွဲမရ ဖြစ်စေသည်။ ရွှမ်ယွမ်စံအိမ်က အဖွဲ့ဝင်တွေကို ဘယ်လိုများ စုဆောင်းထားပါလိမ့်။ အလှမယ်ပြိုင်ပွဲ စံနှုန်းတွေနဲ့ ရွေးချယ်ထားတာများလား။</p> <p style="text-align:justify">ထိုသို့ ထူးဆန်းအံ့သြဖွယ် အတွေးများမှာ သူ၏ စိတ်ထဲ၌သာ ရှိသော်လည်း ပြင်ပ၌မူ မည်သည့် အမူအရာမျှ ထုတ်မပြပေ။</p> <p style="text-align:justify">သူသည် လက်နှစ်ဖက်ကို နောက်ပစ်လျက် ဘာစကားမျှ မပြောဘဲ ရပ်နေလေသည်။ သူ၏ အကြည့်များမှာ ဓားတစ်စင်းကဲ့သို့ အေးစက် စူးရှလှပြီး သူ့ထံမှ ထွက်ပေါ်နေသော စွမ်းအား ဖိအားများက ပတ်ဝန်းကျင်ကို လွှမ်းမိုးထားတော့၏။</p> <p style="text-align:justify">သူ၏ အစွမ်းထက်သော ပုံရိပ်မှာ အဖွဲ့ဝင်တိုင်း၏ စိတ်ထဲတွင် စွဲထင်နေပြီ ဖြစ်ရာ ယခုအခါတွင်မူ သူတို့အားလုံး အလွန်အမင်း ဖိအားပေးခံနေရသကဲ့သို့ ခံစားနေရသည်။</p> <p style="text-align:justify">အချိန်ကြာလာသည်နှင့်အမျှ အမျိုးသမီး အဖွဲ့ဝင်များကြားဝယ် ဖိအားနှင့် တင်းမာမှုများမှာ ပိုမိုမြင့်တက်လာတော့၏။</p> <p style="text-align:justify">စီတုတျန့်မော့မှာ ထိုဒဏ်ကို အဆိုးရွားဆုံး ခံစားနေရသူ ဖြစ်သည်။ ယဲ့ပုဖန်၏ ကြီးမားလှသော ဖိအားအောက်တွင် သူမသည် အစွမ်းကုန် တောင့်ခံထားသော်လည်း တစ်ကိုယ်လုံးတွင် ချွေးစေးများ ထွက်နေကာ စစ်ဝတ်စုံမှာလည်း ချွေးများဖြင့် ရွှဲနစ်နေလေပြီ။</p> <p style="text-align:justify">"ဘာတွေ ဖြစ်နေတာလဲ... နည်းပြချုပ်က ဘာလုပ်မလို့လဲ။ ငါတို့တွေကို အကြီးအကျယ် မကျေနပ်ဖြစ်နေတာလား။ ငါတို့တွေကို ရုတ်တရက် တိုက်ခိုက်တော့မှာလား..."</p> <p style="text-align:justify">လူတိုင်း၏ စိတ်ထဲတွင် သံသယများဖြင့် ပြည့်နှက်နေစဉ်မှာပင် ယဲ့ပုဖန်သည် ရုတ်တရက် စီတုတျန့်မော့ထံသို့ လျှောက်သွားကာ သူမ၏ ပါးပြင်ကို ညွှန်ပြလျက် "မင်း အခုတလော သွေးပူနေတာပဲ... ဘာလို့ အစပ်တွေကို ဆက်စားနေရတာလဲ။ မျက်နှာမှာလည်း ဝက်ခြံတွေ ပေါက်နေပြီမလား" ဟု ဆိုလိုက်တော့သည်။</p> <p style="text-align:justify">"အမ်..."</p> <p style="text-align:justify">နည်းပြချုပ်ကြီး အမျက်ထွက်တော့မည်ဟု မျှော်လင့်ထားကြသော အဖွဲ့ဝင်များမှာ ချောက်ထဲသို့ ပြုတ်ကျသွားသကဲ့သို့ ခံစားလိုက်ရ၏။ လက်ရှိမြင်ကွင်းနှင့် သူတို့ထင်ထားသည်မှာ ကွာခြားလွန်းလှပေသည်။</p> <p style="text-align:justify">ဒီနည်းပြချုပ်ကြီး ဘာလုပ်နေတာလဲ။ ခုနတုန်းကတော့ မြင့်မြတ်တဲ့ ဆရာကြီးတစ်ယောက်လို အရှိန်အဝါတွေ ထုတ်ပြပြီး အသက်ရှူရတာတောင် ကျပ်နေအောင် လုပ်ထားပြီးတော့ အခုကျမှ ရုတ်တရက်ကြီး မျက်နှာပေါ်က ဝက်ခြံလေးတွေကို အာရုံစိုက်နေတာလား။</p> <p style="text-align:justify">သူတို့ကို ပို၍ ထိတ်လန့်သွားစေသည်မှာ ၎င်းမှာ အစပြုရုံမျှသာ ရှိသေးခြင်း ဖြစ်သည်။ ထို့နောက်တွင်မူ သူသည် အဖွဲ့ဝင်တစ်ဦးချင်းစီကို ညွှန်ပြလျက် - "မင်းက ဓမ္မတာလာနေတာပဲ... ရေအေးတွေ မသောက်မိအောင် သတိထားရမယ်"</p> <p style="text-align:justify">"မင်းရဲ့ အသားအရေက အရမ်းခြောက်သွေ့နေတာပဲ။ မိန်းကလေးတစ်ယောက် ဖြစ်ပြီးတော့ ဘယ်လိုဖြစ်ရတာလဲ..."</p> <p style="text-align:justify">"မင်းကတော့ ကိုယ်တွင်း ဟော်မုန်းစနစ်ကို ပြန်ထိန်းညှိဖို့ လိုမယ်။ မဟုတ်ရင် မျက်နှာမှာ တင်းတိပ်တွေ ထွက်လာလိမ့်မယ်..."</p> <p style="text-align:justify">"မင်းရဲ့ ရင်စည်းဝတ်စုံက အရမ်းကျပ်နေတယ်။ အသက်ရှူရတာ ခက်ခဲစေတဲ့အပြင် မင်းရဲ့ ဖွံ့ဖြိုးမှုကိုလည်း ထိခိုက်စေနိုင်တယ်..."</p> <p style="text-align:justify">ယဲ့ပုဖန်သည် မျက်နှာတည်ကြီးဖြင့် ဟိန်းဟောက် ပြောဆိုနေသော်လည်း သူ ပြောနေသည့် အကြောင်းအရာများမှာမူ နားထောင်ရသူအဖို့ အလွန်ပင် ရှက်ရွံ့စရာ ကောင်းလှပေသည်။</p> <p style="text-align:justify">အဖွဲ့ဝင်များမှာ လုံးဝကို စိတ်ပျက်အားလျော့သွားကြတော့၏။ </p> <p style="text-align:justify">ဒါ ဘယ်လို နည်းပြမျိုးလဲ။ </p> <p style="text-align:justify">အကယ်၍ သူ၏ အစွမ်းအစကိုသာ ကိုယ်တိုင် မမြင်တွေ့ခဲ့ရပါက သူတို့မှာ ဤလူကို အရူးတစ်ယောက်ဟု ထင်မှတ်ကြပေလိမ့်မည်။</p> <p style="text-align:justify">ကျွန်မ ဓမ္မတာလာတာ ရှင်နဲ့ ဘာဆိုင်လို့လဲ။ ကျွန်မ ဝက်ခြံပေါက်တာ ရှင်နဲ့ ဘာဆိုင်လို့လဲ။ ကျွန်မ ဖွံ့ဖြိုးတာ၊ မဖွံ့ဖြိုးတာကရော ရှင့်အပူ ပါလို့လား။</p> <p style="text-align:justify">မကြာမီတွင် စီတုတျန့်မော့မှာ ဆက်လက်၍ အောင့်အီးသည်းခံနိုင်ခြင်း မရှိတော့ပေ။</p> <p style="text-align:justify">သူမသည် ရှေ့သို့ တစ်လှမ်းတိုးကာ "နည်းပြချုပ်ကြီးကို တင်ပြချင်ပါတယ်... ကျွန်မတို့ ဒီကိုလာတာ လေ့ကျင့်ဖို့ပါ။ အလှမယ်ပြိုင်ဖို့ မဟုတ်ပါဘူး။ အခု ရှင်ပြောနေတာတွေက လေ့ကျင့်ရေးနဲ့ ဘာဆိုင်လို့လဲ" ဟု အော်ဟစ်မေးမြန်းလိုက်သည်။</p> <p style="text-align:justify">ယဲ့ပုဖန်က "ငါက နည်းပြလား၊ မင်းက နည်းပြလား။ ငါက ဆိုင်တယ်လို့ ပြောရင် ဆိုင်တာပဲ။ မင်းတို့ လုပ်ရမှာက အမိန့်ကို နာခံဖို့ပဲ" ဟု ပြန်ပြောလိုက်၏။</p> <p style="text-align:justify">"ရှင်... ရှင်..."</p> <p style="text-align:justify">စီတုတျန့်မော့မှာ ဒေါသထွက်လွန်းသဖြင့် မျက်နှာတစ်ခုလုံး နီမြန်းနေသော်လည်း မည်သည့်စကားမျှ ပြန်မပြောဝံ့ဘဲ အောင့်ထားလိုက်ရသည်။ သို့သော် သူမ၏ စိတ်ထဲ၌မူ မကျေနပ်မှုများဖြင့် ပြည့်နှက်နေတော့၏။ </p> <p style="text-align:justify">ဒီလူက ဘာလို့ ဒီလောက်တောင် အားမကိုးရ ဖြစ်နေတာလဲ။ သုံးရက်နေရင် သူ ဘာပြောမလဲဆိုတာ စောင့်ကြည့်ရသေးတာပေါ့။</p> <p style="text-align:justify">ယဲ့ပုဖန်ကမူ ထိုအရာများကို ဂရုမစိုက်ဟန်ဖြင့် အမျိုးသမီး အဖွဲ့ဝင်များကို ကြည့်ကာ "အခုကစပြီး ငါ မင်းတို့ရဲ့ ခန္ဓာကိုယ် လုပ်ဆောင်ချက်တွေကို ပြန်ထိန်းညှိပေးပြီး အားလုံးကို လှပလာအောင် လုပ်ပေးမယ်။ မဟုတ်ရင် မင်းတို့ကို အပြင်ခေါ်သွားရမှာ ငါ့အတွက် အရှက်ရစရာကြီး ဖြစ်နေလိမ့်မယ်" ဟု ဆိုလိုက်သည်။</p> <p style="text-align:justify">အဖွဲ့ဝင်များမှာ အလွန်အမင်း ဝေခွဲမရ ဖြစ်နေကြသည်။ ကောင်းကင်စစ်သည်တော် စီမံကိန်းထဲ မဝင်ခင်က သူတို့သည် ငရဲခန်းကဲ့သို့ ပြင်းထန်သော လေ့ကျင့်ခန်းများ၊ ရက်စက်သော အပြစ်ပေးမှုများနှင့် နေ့စဉ်နှင့်အမျှ ပင်ပန်းဆင်းရဲမှုများကို ကြုံတွေ့ရမည်ဟု ထင်မှတ်ခဲ့ကြသည်။</p> <p style="text-align:justify">သို့သော် လေ့ကျင့်ရေးမှာ ယခုကဲ့သို့ ဖြစ်လာလိမ့်မည်ဟု မည်သူမျှ မထင်ထားခဲ့ကြပေ။ နည်းပြချုပ် ဖြစ်သူက သူတို့ကို အလှပြင်ပေးနေသည်တဲ့လား။ ဒီထက်ပိုပြီး သက်သောင့်သက်သာရှိတဲ့ ဘဝမျိုး ရှိနိုင်ပါဦးမလား။</p> <p style="text-align:justify">လူတိုင်းက နည်းပြချုပ်ကြီး နောက်ပြောင်နေခြင်းလားဟု စဉ်းစားနေစဉ်မှာပင် ယဲ့ပုဖန်က လက်ယပ်ခေါ်ကာ စီတုတျန့်မော့ကို ရှေ့သို့ လာခိုင်းလိုက်သည်။</p> <p style="text-align:justify">"မင်း အရင်လာခဲ့... မင်းမျက်နှာက ဝက်ခြံတွေ ပျောက်သွားအောင် ငါ အပ်စိုက်ပေးမယ်"</p> <p style="text-align:justify">"ကျွန်မက..."</p> <p style="text-align:justify">စီတုတျန့်မော့သည် မလိုလားသော်လည်း တစ်ဖက်လူမှာ နည်းပြချုပ်ဖြစ်နေသဖြင့် အမိန့်အတိုင်း လိုက်နာလိုက်ရသည်။ ထို့အပြင် မိန်းကလေး ဟူသည် အလှအပကို ခင်တွယ်တတ်ကြသည်မှာ သဘာဝပင် ဖြစ်ရာ ကျူးချွဲအသင်းမှ အဖွဲ့ဝင်များ ဖြစ်သော်ငြားလည်း အလှအပ ဖန်တီးပေးမည် ဟူသော စကားကို မည်သူမျှ မငြင်းဆန်နိုင်ကြပေ။</p> <p style="text-align:justify">ထို့ကြောင့်ပင် သူမသည် ယဲ့ပုဖန်ထံသို့ လျှောက်သွားကာ သူ ခိုင်းသည့်အတိုင်း တင်ပျဉ်ခွေ ထိုင်လိုက်သည်။ ယဲ့ပုဖန်သည် သူ၏ ရွှေအပ်များကို ထုတ်ယူကာ သူမအား အပ်စိုက်ပေးလေတော့သည်။</p> <p style="text-align:justify">သူသည် အခြားအဖွဲ့ဝင်များကိုမူ ဘာမှ ခိုင်းခြင်းမရှိဘဲ ဘေးမှ စောင့်ကြည့်နေရန်သာ ပြောထား၏။</p> <p style="text-align:justify">ဤအဖွဲ့ဝင်များမှာ အသက် (၂၅) နှစ်အောက် မိန်းကလေးများ ဖြစ်ကြသည့်အားလျော်စွာ စပ်စုလိုစိတ်များ ရှိကြသဖြင့် ယဲ့ပုဖန်က စီတုတျန့်မော့၏ ဝက်ခြံများကို မည်သို့ ဖယ်ရှားပေးမည်ကို ဝိုင်းအုံကြည့်နေကြတော့သည်။</p> <p style="text-align:justify">ဆယ်မိနစ်ခန့်အကြာတွင် စီတုတျန့်မော့၏ မျက်နှာပေါ်မှ ဝက်ခြံလေးမှာ အံ့သြဖွယ် ကောင်းလောက်အောင်ပင် မည်သည့် အမာရွတ်မျှ မကျန်ဘဲ လုံးဝ ပျောက်ကွယ်သွားသည်ကို အားလုံးက တွေ့လိုက်ရသည်။</p> <p style="text-align:justify">ယဲ့ပုဖန်သည် ရွှေအပ်များကို ပြန်လည် ရုပ်သိမ်းလိုက်ကာ ဘေးမှ အခြားမိန်းကလေးကို ကြည့်၍ "နောက်တစ်ယောက် လာခဲ့... မင်းရဲ့ ဓမ္မတာလာချိန်မှာ ကိုက်ခဲတဲ့ ဝေဒနာက တော်တော်ပြင်းထန်တယ်။ ဒါကို အမြန်ဆုံး ကုသရမယ်။ မဟုတ်ရင် ပိုဆိုးသွားလိမ့်မယ်" ဟု ဆိုလိုက်ပြန်သည်။</p> <p style="text-align:justify">ထို့နောက်တွင်မူ ထူးဆန်းသော မြင်ကွင်းတစ်ခု ဖြစ်ပေါ်လာတော့၏။ ကျန်ရှိသော အသင်းသုံးသင်းမှာ အဖွဲ့ဝင်များ၏ စွမ်းဆောင်ရည် မြင့်တက်လာစေရန် အချိန်နှင့်အမျှ အပြင်းအထန် လေ့ကျင့်နေကြသော်လည်း...</p> <p style="text-align:justify">ကျူးချွဲအသင်းဖက်တွင်မူ အားလုံးမှာ အလှပြင်နေကြခြင်း သို့မဟုတ် ခန္ဓာကိုယ်ကို ပြန်လည် ထိန်းညှိနေကြခြင်းတို့ဖြင့် အလွန်ပင် ပေါ့ပေါ့ပါးပါး ရှိနေကြသည်။ လေ့ကျင့်ရေး ဟူသည့် အရိပ်အယောင်မျှပင် မတွေ့ရတော့ချေ။</p> <p style="text-align:justify">အသင်းလေးသင်းမှာ ပြိုင်ဘက်များ ဖြစ်ကြသည့်အားလျော်စွာ တစ်ဖက်အသင်း၏ အခြေအနေကို စုံစမ်းရန် လူလွှတ်၍ အမြဲ စောင့်ကြည့်နေကြသည်။ ကျူးချွဲအသင်း၏ အခြေအနေကို ကြားလိုက်ရသောအခါ လိုင်ဖော်ကျွင်းမှာ သောက်လက်စ လက်ဖက်ရည်များပင် ပန်းထွက်သွားတော့၏။</p> <p style="text-align:justify">"မင်း ဘာပြောတယ်... နည်းပြချုပ်က အဲဒီကလေးတွေကို အလှပြင်ပေးနေတယ် ဟုတ်လား။ ဒါ ဘယ်လိုဖြစ်နိုင်မှာလဲ... မင်း ငါ့ကို နောက်နေတာလား။ မင်းရဲ့ မျိုးပွားအင်္ဂါကို ငါ ကန်ပစ်လိုက်ရမလား"</p> <p style="text-align:justify">ရှေ့တွင် ရပ်နေသော အဖွဲ့ဝင်မှာ အမြန်ပင် "အသင်းခေါင်းဆောင်... ကျွန်တော် ဘယ်လိုလုပ် နောက်ရဲမှာလဲ။ ဒါက တကယ်ပါဗျာ။ နည်းပြချုပ်က အဲဒီအဖွဲ့ဝင်တွေကို အလှပြင်ပေးနေတာ တကယ်ပါ" ဟု ပြန်ပြောလိုက်သည်။</p> <p style="text-align:justify">လိုင်ဖော်ကျွင်းမှာ မျက်လုံးပြူးသွားကာ "မင်း သေချာကြည့်ခဲ့ရဲ့လား။ ဒါက တစ်ခုခု ထူးခြားတဲ့ ကျင့်စဉ်မျိုးများလား" ဟု မယုံကြည်နိုင်စွာ မေးလိုက်ပြန်၏။</p> <p style="text-align:justify">ထိုအဖွဲ့ဝင်က ကောင်းကင်ကို တိုင်တည်လျက် "အသင်းခေါင်းဆောင်... လုံးဝ မမှားပါဘူး။ ကျွန်တော် ရှင်းရှင်းလင်းလင်း မြင်ခဲ့တာပါ။ နည်းပြချုပ်က အဖွဲ့ဝင်တွေကို ပြောနေတာတွေကိုတောင် ကြားခဲ့သေးတယ်။ သူတို့ တကယ်ပဲ အလှပြင်နေကြတာပါဗျာ"</p> <p style="text-align:justify">"ဘုရား... ဘုရား... ဒါ ဘာတွေ ဖြစ်ကုန်တာလဲ"</p> <p style="text-align:justify">လိုင်ဖော်ကျွင်းမှာ သူ၏ မုတ်ဆိတ်ရှည်ကို ဆွဲလိုက်ရင်း "မုတ်ဆိတ်မွှေး မပေါက်သေးတဲ့ ကောင်လေးတွေက အားမကိုးရဘူးဆိုတာ မှန်တာပဲ" ဟု ရေရွတ်လိုက်မိသည်။</p> <p style="text-align:justify">ရွှမ်ဝူအသင်းတွင်မူ ဟယ်ချင်းကျီသည် ယခုတင် တပ်ဆင်လိုက်သော စက်ရုပ်လက်တုကို စမ်းသပ်ကြည့်နေပြီး သူ၏ မျက်နှာတွင် စိတ်လှုပ်ရှားမှုများ ပေါ်လွင်နေသည်။</p> <p style="text-align:justify">လက်တစ်ဖက် ပြတ်သွားပြီးနောက် သူသည် လက်တစ်ဖက်ပြတ် ဓားဘုရင် ဟူသော ဘွဲ့ကို ရခဲ့သော်လည်း လက်တစ်ဖက် ဆုံးရှုံးခြင်းက သူ၏ တိုက်ခိုက်ရေးစွမ်းအားကို ကန့်သတ်ထားခဲ့သည်မှာ အမှန်ပင် ဖြစ်သည်။</p> <p style="text-align:justify">ယခုအခါ ခေတ်မီနည်းပညာသုံး စက်ရုပ်လက်တုကြောင့် သူ၏ အင်အားမှာ အဆပေါင်းများစွာ မြင့်တက်လာခဲ့၏။ အထူးသဖြင့် လက်တုတွင် တပ်ဆင်ထားသော အထောက်အကူပြု လက်နက်များက သူ့ကို အဆင့်အသစ် တစ်ခုသို့ ပို့ဆောင်ပေးလိုက်လေပြီ။</p> <p style="text-align:justify">ကျူးချွဲအသင်း၏ အခြေအနေကို ကြားလိုက်ရသောအခါ သူက တည်ငြိမ်စွာဖြင့် "အဲဒီကိစ္စကို ဂရုမစိုက်နဲ့။ ငါတို့တွေ ကိုယ့်အလုပ်ကိုယ်ပဲ အာရုံစိုက်ကြရအောင်" ဟု ဆိုလိုက်သည်။</p> <p style="text-align:justify">"ငါတို့တွေ အစွမ်းကုန် ကြိုးစားကြမယ်။ ငါတို့ရဲ့ ရည်မှန်းချက်က သုံးရက်နေရင် နံပါတ်တစ် ဖြစ်ဖို့ပဲ"</p> <p style="text-align:justify">ဟယ်ချင်းကျီမှာ နှိမ့်ချတတ်သူ ဖြစ်သော်လည်း သူ၏ ယုံကြည်မှုကိုမူ မည်သူမျှ မထိခိုက်နိုင်ပေ။</p> <p style="text-align:justify">ရွှမ်ဝူအသင်းမှ အဖွဲ့ဝင်များမှာ တိုက်ပွဲအတွေ့အကြုံများစွာ ရှိသော ဝါရင့်စစ်သည်တော်များ ဖြစ်ကြသည်။ သူတို့သည် ဒဏ်ရာများကြောင့်သာ အနားယူခဲ့ကြရခြင်း ဖြစ်သည်။</p> <p style="text-align:justify">ယခုအခါ စက်ပိုင်းဆိုင်ရာ ပြုပြင်မှုများကြောင့် သူတို့၏ ခန္ဓာကိုယ် ချို့ယွင်းချက်များကို ဖြည့်ဆည်းပေးနိုင်ခဲ့ပြီ ဖြစ်ရာ အရင်ကထက်ပင် ပိုမို သန်မာလာကြလေပြီ။ ထို့ကြောင့်ပင် သူသည် လေ့ကျင့်ရေးကာလတွင် ပထမနေရာကို ရရှိရန် မျှော်လင့်နေခြင်း ဖြစ်ပေတော့သည်။</p> <p style="text-align:justify"> </p> <p style="text-align: center;">***</p>


Save