Book List

<h2 style="text-align: center;">အခန်း (၇၂၇) - အလွယ်ကူဆုံးသော လေ့ကျင့်ရေး</h2> <h2 style="text-align: center;">*</h2> <p> </p> <p style="text-align:justify">ချင်လုံလေ့ကျင့်ရေးစခန်းတွင် မူရုန်ဖိန်က စီမာဝေနှင့်အတူ ရပ်နေ၏။ သူ၏ လက်အောက်ငယ်သားထံမှ အစီရင်ခံစာကို နားထောင်ပြီးနောက် သူက "ဝေဝေ... မင်း တကယ်ပဲ ဒီလူက မင်းနဲ့ သင့်တော်တယ်လို့ ယူဆနေတာလား" ဟု မေးလိုက်သည်။</p> <p style="text-align:justify">စီမာဝေက "သေချာတာပေါ့... ကျွန်မရဲ့ အကဲဖြတ်မှုက ဘယ်တော့မှ မမှားဘူး" ဟု ပြန်ပြောလိုက်၏။</p> <p style="text-align:justify">မူရုန်ဖိန်က ခေါင်းခါလျက် "ဒီတစ်ခါတော့ မင်း အကဲခတ်မှားသွားပြီ ထင်တယ်။ ဘာမှ လက်ကြော တင်းအောင် မလုပ်ဘဲ မိန်းကလေးတွေနောက်ပဲ လိုက်နေတတ်တဲ့ ယောကျာ်းတစ်ယောက်မှာ ဘယ်လို အနာဂတ်မျိုး ရှိနိုင်မှာလဲ"</p> <p style="text-align:justify">"သူ့ရဲ့ လက်ရှိကျင့်ကြံမှုအဆင့်က မြင့်နေတယ်ဆိုပေမဲ့ အဲဒါက သူတက်နိုင်သမျှ အမြင့်ဆုံးပဲ ဖြစ်လိမ့်မယ်။ အဲဒီထက် ပိုပြီး ထူးခြားတဲ့ အဆင့်ကို သူ ဘယ်တော့မှ ရောက်နိုင်မှာ မဟုတ်ဘူး"</p> <p style="text-align:justify">စီမာဝေက "အဲဒါက ရှင် သူ့အကြောင်းကို မသိလို့ပါ။ သူ ဘာပဲလုပ်လုပ် သူ့မှာ ကိုယ်ပိုင် အကြောင်းပြချက် ရှိလိမ့်မယ်လို့ ကျွန်မ ယုံကြည်တယ်"</p> <p style="text-align:justify">မူရုန်ဖိန်က "စောင့်ကြည့်နေလိုက်ပါ။ သုံးရက်နေရင် ချင်လုံအသင်းက ကျူးချွဲအသင်းကို အပြတ်အသတ် အနိုင်ယူပြလိမ့်မယ်။ ငါက သူ့ထက် ပိုတော်တယ်ဆိုတာကို မင်းကို သက်သေပြမယ်" ဟု အခိုင်အမာ ဆိုလိုက်လေသည်။</p> <p style="text-align:justify">စီမာဝေကမူ "ရှင် အရမ်းတွေးနေတာပဲ... ကျွန်မ ရွေးချယ်တဲ့ ယောကျာ်းက အကောင်းဆုံးပဲ ဖြစ်ရမယ်" ဟုသာ ပြန်ပြောလိုက်တော့၏။</p> <p style="text-align:justify">အချိန်ကား ကုန်လွန်ခြင်း အတောင်ပံများ တပ်ထားသည့်အလား လျင်မြန်လှပေသည်။ ဒုတိယမြောက် နေ့၏ ညနေခင်းသို့ ရောက်ရှိလာပြီဖြစ်ရာ သုံးရက်မြောက်နေ့ အကဲဖြတ်ပွဲအတွက် နောက်ဆုံး တစ်ညသာ ကျန်ရှိတော့၏။</p> <p style="text-align:justify">ကျန်ရှိသော အသင်းသုံးသင်းမှာ အလုပ်များလျက် အစွမ်းကုန် ကြိုးစားနေကြသော်လည်း ကျူးချွဲအသင်းမှာမူ အေးဆေးသက်သာစွာ ရှိနေကြသည်။</p> <p style="text-align:justify">ယဲ့ပုဖန်သည် ရှေ့မှ အမျိုးသမီး အဖွဲ့ဝင် ၂၅ ဦးကို ကြည့်ကာ ကျေနပ်စွာ ခေါင်းညိတ်လိုက်၏။ ဤရက်ပိုင်းအတွင်း ကုသမှုများ ပြုလုပ်ပေးပြီးနောက် ဤမိန်းကလေးများမှာ တစ်ဦးချင်းစီ အသားအရေ စိုပြေဝင်းပလာရုံတင်မကဘဲ အရင်ကထက်ပင် ပိုမိုလှပလာကြလေပြီ။</p> <p style="text-align:justify">သူက "ဘယ်လိုလဲ... နေလို့ကောင်းကြရဲ့လား" ဟု မေးလိုက်သည်။</p> <p style="text-align:justify">"နည်းပြချုပ်ကြီးကို တင်ပြချင်ပါတယ်... ကျွန်မတို့ တကယ်ပဲ အရင်ကထက် အများကြီး ပိုပြီး နေလို့ကောင်းလာပါတယ်"</p> <p style="text-align:justify">"ဒါပေမဲ့ ကျွန်မတို့ ဒီကိုလာတာ အလှပြင်ဖို့ မဟုတ်ဘူးလေ။ ဒီလိုမျိုးပဲ နေနေတာ တကယ်ပဲ အဆင်ပြေပါ့မလား။ မနက်ဖြန် ပြိုင်ပွဲကျရင် ဘယ်လိုလုပ်မလဲ။ ကျွန်မတို့ရဲ့ ကျင့်ကြံမှုက ဘာမှ မတိုးတက်သေးဘူး"</p> <p style="text-align:justify">စကားပြောသူမှာ မျက်လုံးဝိုင်းဝိုင်းလေးဖြင့် ကျူးချွဲအသင်းမှ နံပါတ် (၁၃) ဖြစ်သည်။ ဤနေရာတွင် အဖွဲ့ဝင်များကို အမည်ဖြင့် မခေါ်ဘဲ နံပါတ်ဖြင့်သာ သတ်မှတ်ထားခြင်း ဖြစ်သည်။</p> <p style="text-align:justify">ယဲ့ပုဖန်က "စိတ်မလောပါနဲ့... ပုဆိန်ကို အရင်သွေးထားမှ သစ်ပင်ခုတ်တဲ့အခါ အလုပ်တွင်မှာပေါ့။ အချိန်တွေ အများကြီး ရှိပါသေးတယ်။ နံပါတ်တစ်နေရာက ငါတို့အတွက်ပဲ ဖြစ်ရမယ်" ဟု အေးအေးဆေးဆေးပင် ဆိုလိုက်၏။</p> <p style="text-align:justify">"အချိန်တွေ အများကြီး ရှိသေးတယ် ဟုတ်လား... ရှင် နောက်နေတာလား" </p> <p style="text-align:justify">စီတုတျန့်မော့က ဒေါသတကြီးဖြင့် "ရှင့်မှာ အချိန်အာရုံခံစားမှုရော ရှိရဲ့လား။ ကျွန်မတို့တွေမှာ ဒီတစ်ညပဲ ကျန်တော့တာလေ"</p> <p style="text-align:justify">"ရှင်က ဒီဆယ်နာရီကျော်လေးအတွင်းမှာ ကျွန်မတို့တွေကို အဆင့်တက်အောင် လုပ်ပေးနိုင်မယ်လို့ ထင်နေတာလား။ ရှင်က ကိုယ့်ကိုယ်ကိုယ် နတ်ဘုရားများ မှတ်နေလို့လား"</p> <p style="text-align:justify">ယဲ့ပုဖန်က သူမကို ပြုံးစစဖြင့် ကြည့်ကာ "မင်းက ငါ့ကို မယုံဘူးပေါ့... ဟုတ်လား"</p> <p style="text-align:justify">စီတုတျန့်မော့က "တစ်နေ့ကုန် အဖွဲ့ဝင်တွေကို အလှပြင်ပေးနေတဲ့ နည်းပြမျိုးကို ဘယ်သူက ယုံမှာလဲ" ဟု မကျေမနပ် ပြန်ပြောလိုက်သည်။</p> <p style="text-align:justify">သူမသည် ပြီးခဲ့သော နှစ်ရက်အတွင်း အစွမ်းကုန် သည်းခံခဲ့ရခြင်း ဖြစ်သည်။ အကယ်၍ သူမက ယဲ့ပုဖန်ကို မယှဉ်နိုင်မှန်း မသိခဲ့လျှင် ယခုအချိန်တွင် သူ့ကို ပညာပေးပြီးလောက်ပြီ ဖြစ်သည်။</p> <p style="text-align:justify">"ငါတို့တွေ လောင်းကြေးတစ်ခု ထပ်ကြမလား" ယဲ့ပုဖန်က သူမကို ကြည့်ကာ ပြုံးလိုက်၏။</p> <p style="text-align:justify">"တကယ်လို့ မနက်ဖြန် အကဲဖြတ်ပွဲမှာ ငါတို့အသင်းက နံပါတ်တစ် မရခဲ့ရင် ငါ ဒီနေရာကနေ ချက်ချင်း ထွက်သွားမယ်"</p> <p style="text-align:justify">"ဒါပေမဲ့ တကယ်လို့ ငါတို့ နံပါတ်တစ် ရခဲ့ရင်တော့... မင်း ငါ့ရဲ့ တောင်းဆိုချက် တစ်ခုကို ဖြည့်ဆည်းပေးရမယ်။ လောင်းရဲလား"</p> <p style="text-align:justify">စီတုတျန့်မော့က "အဲဒီ တောင်းဆိုချက်က ဘာလဲဆိုတာ အရင်ပြောလေ။ မဟုတ်ရင် ရှင်က မကောင်းတဲ့ အလုပ်တွေ ခိုင်းနေရင် ဘယ်လိုလုပ်မလဲ" ဟု ပြန်မေးလိုက်သည်။</p> <p style="text-align:justify">"တောင်းဆိုချက်ကတော့ ငါ မစဉ်းစားရသေးဘူး။ ဒါပေမဲ့ တစ်ခုတော့ အာမခံနိုင်တယ်... မင်းကို ဥပဒေ ချိုးဖောက်တာ၊ ရွှမ်ယွမ်စံအိမ်ရဲ့ စည်းကမ်းတွေကို ဖောက်ဖျက်တာ ဒါမှမဟုတ် လူသားတစ်ယောက်ရဲ့ ကိုယ်ကျင့်တရားနဲ့ ဆန့်ကျင်တာမျိုး ဘာတစ်ခုမှ မခိုင်းစေရဘူး"</p> <p style="text-align:justify">ယဲ့ပုဖန်က သူမကို စိုက်ကြည့်ကာ "ကဲ... ဘယ်လိုလဲ။ လောင်းမလား"</p> <p style="text-align:justify">"လောင်းတာပေါ့... ဘယ်သူက ကြောက်လို့လဲ" စီတုတျန့်မော့မှာ ငယ်ရွယ်ပြီး စိတ်ဆတ်သူ ဖြစ်သည့် အားလျော်စွာ ဝန်မလေးဘဲ ချက်ချင်း သဘောတူလိုက်တော့သည်။</p> <p style="text-align:justify">သူမက ဆယ်နာရီကျော်လေးနှင့် ကျင့်ကြံမှု မြင့်တက်လာရန်မှာ လုံးဝ မဖြစ်နိုင်ဟု ယူဆထားသောကြောင့် ဖြစ်သည်။ မနက်ဖြန် ပြိုင်ပွဲတွင် သူမ၏ ကျူးချွဲအသင်းမှာ နောက်ဆုံးမှသာ ဖြစ်မည်ဟု သူမ အခိုင်အမာ ယုံကြည်နေသည်။</p> <p style="text-align:justify">"ကောင်းပြီလေ... ဒါဆို အတည်ပဲ"</p> <p style="text-align:justify">ယဲ့ပုဖန်က ပြောပြီးနောက် စီတုတျန့်မော့နှင့် ကျူးချွဲ ၁၃ ကို လက်ယပ်ခေါ်လိုက်ကာ "မင်းတို့နှစ်ယောက် ခဏလာခဲ့" ဟု ဆိုလိုက်၏။</p> <p style="text-align:justify">အမျိုးသမီးနှစ်ဦးမှာ တစ်ဦးကိုတစ်ဦး ကြည့်ကာ ရှေ့သို့ လျှောက်သွားကြသည်။ သူတို့၏ အထင်တွင် နည်းပြချုပ်မှာ နောက်ဆုံးတွင် ကျင့်ကြံမှု မြင့်တက်စေရန် စတင် လုပ်ဆောင်ပေးတော့မည်ဟု ထင်နေကြခြင်း ဖြစ်သည်။</p> <p style="text-align:justify">သို့သော် မထင်မှတ်ဘဲ ယဲ့ပုဖန်သည် သူ၏ အိတ်ထဲမှ ကတ်ထုပ် တစ်ခုကို ထုတ်လိုက်ကာ "ငါတို့မှာ အချိန်တွေ အများကြီး ရှိပါသေးတယ်။ ဒီတိုင်းနေရင် ပျင်းစရာကောင်းနေမှာပဲ... ကတ်ကစားကြရအောင်" ဟု ဆိုလိုက်တော့သည်။</p> <p style="text-align:justify">ထို့နောက် သူက ဘေးရှိ အခြားအဖွဲ့ဝင်များကိုလည်း "ဒီတိုင်း ထိုင်မနေကြနဲ့... ပျင်းဖို့ကောင်းတယ်။ မင်းတို့ ကြိုက်တာ ကစားလို့ ရတယ်" ဟု ခွင့်ပြုပေးလိုက်၏။</p> <p style="text-align:justify">ခဏမျှ လူတိုင်း ဆွံ့အသွားကြသည်။ မနက်ဖြန် ပြိုင်ပွဲရှိနေသည်ကို အခုမှ ကတ်ကစားနေကြသည်တဲ့လား။</p> <p style="text-align:justify">သို့သော် နည်းပြချုပ်က ပြောလာသည်ဖြစ်ရာ သူတို့ ဘာမှ မတတ်နိုင်ကြပေ။ ကိုယ့်ဘာသာ ကျင့်ကြံနေလျှင်လည်း ထူးထူးခြားခြား တိုးတက်လာမည် မဟုတ်ပေ။</p> <p style="text-align:justify">ထို့ကြောင့်ပင် အမျိုးသမီး အဖွဲ့ဝင်များမှာ လေ့ကျင့်ရေးကို လက်လျှော့လိုက်ကြပြီး ဖျော်ဖြေရေးများကိုသာ လုပ်ဆောင်နေကြတော့သည်။ အချို့က ကတ်ကစားကြသည်။ အချို့က ဂိမ်းကစားကြပြီး အချို့မှာမူ ဟိုဟိုဒီဒီ စကားစမြည် ပြောနေကြတော့၏။ အချုပ်အားဖြင့်ဆိုရသော် ကျင့်ကြံခြင်း အရိပ်အယောင်မျှပင် မရှိတော့ချေ။</p> <p style="text-align:justify">ဘေးရှိ အသင်းသုံးသင်းမှာမူ ထိုမြင်ကွင်းကို ကြည့်ကာ ပါးစပ်အဟောင်းသား ဖြစ်နေကြသည်။ ပြိုင်ပွဲနီးလာလေလေ ကျူးချွဲအသင်းမှာ ပို၍ ပေါ့ပေါ့ပါးပါး ဖြစ်လာလေလေ ဖြစ်နေသည်။ </p> <p style="text-align:justify">သူတို့ ပြိုင်ပွဲကို လက်လျှော့လိုက်ကြပြီလား။</p> <p style="text-align:justify">စီမာဝေမှာလည်း သံသယများဖြင့် ပြည့်နှက်နေသော်လည်း ယဲ့ပုဖန်မှာ လူနုံတစ်ယောက် မဟုတ်သဖြင့် ထိုသို့လုပ်ခြင်းမှာ ကိုယ်ပိုင်အကြောင်းပြချက် ရှိလိမ့်မည်ဟု သူမ ယုံကြည်နေသည်။</p> <p style="text-align:justify">အချိန်များမှာ တရွေ့ရွေ့ ကုန်လွန်သွားပြီး သန်းခေါင်ယံအချိန်သို့ ရောက်ရှိလာခဲ့သည်။ စီတုတျန့်မော့နှင့် ကျူးချွဲ ၁၃ တို့၏ မျက်နှာနှင့် လက်မောင်းများတွင် ကတ်ကစားရာ၌ ရှုံးနိမ့်သဖြင့် ကပ်ထားသော စက္ကူပြားလေးများမှာ ပြည့်နှက်နေပြီး ကြည့်ရသည်မှာ အလွန်ပင် ထူးဆန်းနေတော့သည်။</p> <p style="text-align:justify">"ကျွန်မ မကစားတော့ဘူး"</p> <p style="text-align:justify">စီတုတျန့်မော့မှာ စိတ်မကြည်မလင် ဖြစ်နေသည့်အပြင် ကတ်ကစားရာတွင်လည်း တစ်ပွဲမှ မနိုင်ခဲ့သဖြင့် ပို၍ပင် စိတ်တိုနေလေပြီ။</p> <p style="text-align:justify">ယဲ့ပုဖန်က အကြောဆန့်လိုက်ရင်း "မကစားတော့လည်း နေပေါ့... မင်းတို့နှစ်ယောက်က ညံ့လွန်းပါတယ်။ နိုင်ရတာတောင် အရသာ မရှိဘူး"</p> <p style="text-align:justify">"တစ်ညလုံး ကတ်ကစားလိုက်ရတာ ကျောနဲ့ ခါးတွေတောင် နာနေပြီ။ ဒီကိုလာပြီး ငါ့ကို နှိပ်ပေးစမ်း"</p> <p style="text-align:justify">စီတုတျန့်မော့က "ရှင်က... ကျွန်မကို နှိပ်ခိုင်းနေတာလား" ဟု အံ့သြတုန်လှုပ်စွာ အော်လိုက်သည်။</p> <p style="text-align:justify">ယဲ့ပုဖန်က "ဘာလဲ... မရဘူးလား။ ငါက မင်းရဲ့ နည်းပြချုပ်ပဲ။ ဒါက အမိန့်ပဲ"</p> <p style="text-align:justify">"ရှင်... ရှင်..."</p> <p style="text-align:justify">စီတုတျန့်မော့မှာ ဒေါသထွက်လွန်းသော်လည်း ရှေ့သို့ လျှောက်သွားကာ သူ၏ ပုခုံးကို မကျေမနပ်ဖြင့် ထုရိုက်နှိပ်ပေးလိုက်ရသည်။ သူမက စိတ်ထဲမှ "မနက်ဖြန် ပြိုင်ပွဲပြီးရင်တော့ ရှင် ဒီကနေ အထုတ်ဆွဲပြီး ထွက်သွားရတော့မှာပါ။ အဲဒီကျရင် ဘယ်လောက်အထိ လေကျယ်နိုင်ဦးမလဲ ကြည့်ရသေးတာပေါ့" ဟု ကြုံးဝါးနေမိသည်။</p> <p style="text-align:justify">ယဲ့ပုဖန်ကမူ မျက်လုံးများကို မှိတ်ထားကာ "စိတ်မပူပါနဲ့... အနိုင်ရမယ့်သူက ငါတို့ပဲ ဖြစ်လိမ့်မယ်" ဟု အေးအေးဆေးဆေး ပြောနေ၏။</p> <p style="text-align:justify">စီတုတျန့်မော့က "ရှင်က ကျွန်မကို ကလေးမှတ်နေတာလား။ အခု ဘယ်အချိန် ရှိပြီလဲ ကြည့်ဦး... သန်းခေါင်ကျော်နေပြီ။ ကျွန်မတို့တွေ ဘာမှ မလုပ်ရသေးဘဲနဲ့ ဘယ်လိုလုပ် နိုင်မှာလဲ"</p> <p style="text-align:justify">အခြားအဖွဲ့ဝင်များမှာလည်း ခေါင်းခါလိုက်ကြကာ မနက်ဖြန် ပြိုင်ပွဲအတွက် မျှော်လင့်ချက်များ အားလုံးကို စွန့်လွှတ်လိုက်ကြလေပြီ။</p> <p style="text-align:justify">"မင်းရဲ့ နှိပ်တဲ့ လက်ရာက သိပ်မကောင်းသေးဘူးပဲ... နောင်ကျရင် ပိုသင်ရဦးမယ်"</p> <p style="text-align:justify">ယဲ့ပုဖန်သည် စကားပြောရင်း မတ်တပ်ရပ်လိုက်ကာ အချိန်ကို ကြည့်လိုက်ရာ သန်းခေါင်ကျော်သွားပြီ ဖြစ်ကြောင်း တွေ့လိုက်ရသည်။</p> <p style="text-align:justify">"ကဲ... ကျူးချွဲအသင်းသားတွေအားလုံး... လူစုကြစမ်း"</p> <p style="text-align:justify">သူ၏ အမိန့်သံကို ကြားလိုက်ရသောအခါ အဖွဲ့ဝင်များမှာ ခေတ္တမျှ ကြောင်သွားကြသော်လည်း ချက်ချင်းပင် စနစ်တကျ ပြန်လည် စုစည်းလိုက်ကြသည်။</p> <p style="text-align:justify">ယဲ့ပုဖန်၏ မျက်နှာမှာ ယခင်ကကဲ့သို့ နောက်ပြောင်နေသည့် အမူအရာများ ပျောက်ကွယ်သွားကာ လေးနက်တည်ကြည်သွားတော့၏။ သူက အားလုံးကို ဝေ့ကြည့်ကာ "ငါ လွန်ခဲ့တဲ့ နှစ်ရက်လုံးလုံး အချိန်ဖြုန်းနေခဲ့တယ်လို့ မင်းတို့ ထင်နေကြတာလား" ဟု မေးလိုက်သည်။</p> <p style="text-align:justify">စီတုတျန့်မော့က မလျှော့သောလေသံဖြင့် "မဟုတ်လို့လား... နှစ်ရက်ခွဲ ကုန်သွားပြီ။ ပြိုင်ပွဲက လက်တစ်ကမ်းမှာ ရှိနေပြီလေ။ ကျွန်မတို့တွေ ဘာမှ မလုပ်ရသေးဘူး" ဟု ပြန်ပြောလိုက်၏။</p> <p style="text-align:justify">"ဘာမှ မလုပ်ရသေးဘူး ဟုတ်လား... မင်းက တကယ်ပဲ အမြင်ကျဉ်းတာပဲ" </p> <p style="text-align:justify">ယဲ့ပုဖန်က သူမကို စိုက်ကြည့်လျက် "ငါ လွန်ခဲ့တဲ့ နှစ်ရက်လုံး မင်းတို့ကို အလှပြင်ပေးနေတယ်လို့ တကယ်ပဲ ထင်နေတာလား"</p> <p style="text-align:justify">အဖွဲ့ဝင်များမှာ ဝေခွဲမရ ဖြစ်သွားကြသည်။ သူတို့ လက်တွေ့ အလှပြင်ခဲ့ကြသည်မှာ အမှန်ပင် မဟုတ်ပါလား။ ပြိုင်ပွဲမှာ ရှုံးနိမ့်တော့မည်ဖြစ်ရာ ယခုကဲ့သို့ တာဝန်ရှောင်နေခြင်းက ပို၍ပင် အရှက်ရစရာ ဖြစ်မနေဘူးလား။</p> <p style="text-align:justify">စီတုတျန့်မော့က "အဲဒါ မဟုတ်လို့ တခြား ဘာရှိဦးမှာလဲ" ဟု ထပ်မေးလိုက်သည်။</p> <p style="text-align:justify">"အလှအပဆိုတာ အပေါ်ယံပဲ... ငါ လုပ်ပေးနေတာက မင်းတို့ရဲ့ ကိုယ်တွင်း ယင်နဲ့ယန် စွမ်းအင်တွေကို ထိန်းညှိပေးနေတာ"</p> <p style="text-align:justify">ယဲ့ပုဖန်က ဆက်လက်၍ "မင်းတို့ မျက်နှာမှာ ဝက်ခြံပေါက်တာ၊ ဓမ္မတာ မမှန်တာနဲ့ အသားအရေ ညစ်နွမ်းနေတာတွေက မင်းတို့ရဲ့ ကိုယ်တွင်း ယင်နဲ့ယန် စွမ်းအင်တွေ မမျှတတာနဲ့ သွေးကြောတွေ ပိတ်ဆို့နေတာကြောင့် ဖြစ်တာ"</p> <p style="text-align:justify">"ငါ ပြီးခဲ့တဲ့ ရက်ပိုင်းမှာ မင်းတို့ကို ကုသပေးခဲ့တာက မင်းတို့ရဲ့ ခန္ဓာကိုယ်ကို ပြန်လည် ထိန်းညှိပေးဖို့၊ ပိတ်ဆို့နေတဲ့ သွေးကြောတွေကို ဖွင့်ပေးဖို့နဲ့ ယင်နဲ့ယန် စွမ်းအင်ကို ညီမျှသွားစေဖို့ပဲ။ ဒါတွေအားလုံးက အခု လာတော့မယ့် ကျင့်ကြံမှု အဆင့်တက်ခြင်း ဖြစ်စဉ်အတွက် ကြိုတင်ပြင်ဆင်ပေးနေတာပဲ"</p> <p style="text-align:justify"> </p> <p style="text-align: center;">***</p>


Save