Book List

<h2 style="text-align: center;">အခန်း (၇၂၈) - အဆင့်တက်ခြင်း</h2> <h2 style="text-align: center;">*</h2> <p> </p> <p style="text-align:justify">ရောက်ရှိနေသူအားလုံး မှင်သက်သွားကြ၏။ အပေါ်ယံမျှသာဖြစ်သော အလှအပနှင့် ကျန်းမာရေး ကုသမှုများနောက်ကွယ်တွင် ဤမျှနက်ရှိုင်းသော အဓိပ္ပာယ်များ ရှိနေလိမ့်မည်ဟု မည်သူမျှ မထင်မှတ်ထားခဲ့ကြပေ။</p> <p style="text-align:justify">ယဲ့ပုဖန်က စီတုတျန့်မော့ကို ကြည့်ကာ "မင်း ကောင်းကင်အဆင့် အထွတ်အထိပ်မှာ တစ်ဆို့နေတာ တော်တော်ကြာပြီမလား။ အဲဒါ ဘာကြောင့်လဲဆိုတာကိုရော စဉ်းစားဖူးရဲ့လား" ဟု မေးလိုက်သည်။</p> <p style="text-align:justify">"ဘာကြောင့်လဲဟင်..."</p> <p style="text-align:justify">စီတုတျန့်မော့မှာ မဆိုင်းမတွပင် မေးခွန်းထုတ်လိုက်မိ၏။ </p> <p style="text-align:justify">သူမ၏ သိုင်းပါရမီမှာ သံသယဖြစ်ဖွယ်မရှိပေ။ ယခင်က မြို့တော်၌ နာမည်ကျော် သိုင်းပါရမီရှင်လေး အဖြစ် အသိအမှတ်ပြုခံခဲ့ရသူ ဖြစ်သည်။ သို့သော် ကျင့်ကြံမှုအဆင့် မြင့်တက်လာသည်နှင့်အမျှ တိုးတက်မှုမှာ တစ်စ တစ်စ နှေးကွေးလာကာ ယခုအခါ ကောင်းကင်အဆင့် အထွတ်အထိပ်၌ပင် ရပ်တန့်နေပြီး အဆင့်တက်မည့် အရိပ်အယောင်မျှပင် မရှိတော့ပေ။</p> <p style="text-align:justify">ယဲ့ပုဖန်က "ဒါက မင်းကျင့်နေတဲ့ ကျင့်စဉ်က မင်းရဲ့ ခန္ဓာကိုယ်နဲ့ မကိုက်ညီလို့ပဲ။ မိန်းကလေးတွေက သဘာဝအရ ယင်ဓာတ် ရှိကြပေမဲ့ မင်းကျင့်နေတဲ့ ကျင့်စဉ်ကတော့ ယန်ဓာတ် ပြင်းလွန်းတယ်။ အဲဒီတော့ မင်းကျင့်လေလေ၊ တိုးတက်မှုက နှေးလေလေပဲ ဖြစ်နေတာပေါ့"</p> <p style="text-align:justify">"ဒါ... ဒါက..."</p> <p style="text-align:justify">စီတုတျန့်မော့မှာ ဆွံ့အသွားရတော့သည်။ သူမ၏ အဘိုးဖြစ်သူကလည်း ဤပြဿနာကို ယခင်က ပြောပြဖူးခဲ့သည်။</p> <p style="text-align:justify">ဓားသူတော်စင် စီတုချန်ခုန်းသည် အသွင်ပြောင်း ကောင်းကင်ယန်ကျင့်စဉ်ကို ကျင့်ကြံသူ ဖြစ်ပြီး ထိုကျင့်စဉ်မှာ ယန်ဓာတ်ကိုသာ အသားပေးသဖြင့် အမျိုးသမီးများ ကျင့်ကြံရန် လုံးဝ မသင့်တော်ပေ။</p> <p style="text-align:justify">နောက်ပိုင်းတွင် သူသည် စီတုတျန့်မော့အတွက် ထိုက်ချင်းစစ်မှန်ခြင်းကျမ်း ဟူသော ကျင့်စဉ်ကို ရှာဖွေပေးခဲ့သော်လည်း ၎င်းမှာ အဆင့်မြင့်ကျင့်စဉ် ဖြစ်သော်ငြား ယန်ဓာတ်သာ လွှမ်းမိုးနေဆဲ ဖြစ်သည်။</p> <p style="text-align:justify">အမှန်စင်စစ် ၎င်းမှာ အခြားနည်းလမ်းမရှိ၍သာ ဖြစ်ပေသည်။ စီတုချန်ခုန်းမှာ ဓားသူတော်စင် တစ်ဦး ဖြစ်ပြီး ရွှမ်ယွမ်စံအိမ်၏ အကြီးအကဲ သုံးဦးအနက် တစ်ဦးဖြစ်သော်လည်း သူ့ထံ၌ အဆင့်မြင့် သိုင်းကျင့်စဉ်များစွာ မရှိပေ။ သူ၏ ကျင့်စဉ်များမှာ ယန်ဓာတ် ပြင်းလျှင်ပြင်း မပြင်းလျှင်လည်း အဆင့်နိမ့်လွန်းသဖြင့် အနာဂတ်တိုးတက်မှုကို ကန့်သတ်ထားသကဲ့သို့ ဖြစ်နေသည်။ ထို့ကြောင့်ပင် စီတုတျန့်မော့မှာ ယန်ဓာတ်ပြင်းသော ကျင့်စဉ်များကိုသာ မဖြစ်မနေ ကျင့်ကြံခဲ့ရခြင်း ဖြစ်သည်။</p> <p style="text-align:justify">ယဲ့ပုဖန်က ကျန်ရှိသော အဖွဲ့ဝင်များကို ဝေ့ကြည့်ကာ "မင်းတို့အားလုံးရဲ့ ကျင့်ကြံမှုအဆင့်တွေက နိမ့်လွန်းနေသေးတယ်။ အဲဒါကြောင့် အပိတ်အဆို့တွေက စောစောစီးစီး ပေါ်လာတာပဲ"</p> <p style="text-align:justify">"မင်းရဲ့ကျင့်စဉ်ကတော့ သင့်တော်ပေမဲ့ အဲဒီထဲမှာပါတဲ့ အစွမ်းက ယန်ဓာတ် များလွန်းတယ်... မင်းကျင့်ဖို့ မသင့်တော်ဘူး"</p> <p style="text-align:justify">"မင်းကတော့ ကျင့်စဉ်ကျင့်တာ မှားယွင်းခဲ့လို့ ကိုယ်တွင်းဒဏ်ရာအဟောင်းတွေ ရှိနေတာပဲ။ အဲဒါတွေက မင်းရဲ့ ကျင့်ကြံမှုနှုန်းကို အကြီးအကျယ် ထိခိုက်စေတာ..."</p> <p style="text-align:justify">ယဲ့ပုဖန်သည် အဖွဲ့ဝင် ၂၅ ဦးစလုံး၏ ပြဿနာများကို မိမိကိုယ်တိုင် ကြုံတွေ့နေရသကဲ့သို့ပင် တိကျ ပြတ်သားစွာ ထောက်ပြလိုက်ရာ အားလုံးမှာ အံ့သြမှင်သက်သွားကြရတော့သည်။</p> <p style="text-align:justify">ယခုအခါ ကျူးချွဲအသင်းသားအားလုံးမှာ အကြွင်းမဲ့ ယုံကြည်သွားကြပြီ ဖြစ်သည်။ ကျူးချွဲ နံပါတ် (၁)က မျှော်လင့်ချက်အပြည့်ဖြင့် "နည်းပြချုပ်ကြီး... ဒါကို ကုစားဖို့ နည်းလမ်းရှိပါသလား" ဟု မေးလိုက်၏။</p> <p style="text-align:justify">"ရှိတာပေါ့... မဟုတ်ရင် ငါက မင်းတို့ရဲ့ နည်းပြ ဘယ်ဖြစ်မလဲ" </p> <p style="text-align:justify">ယဲ့ပုဖန်က ဆက်လက်၍ "အခု ငါ မင်းတို့ကို ရွှမ်ထျန်းကျင့်စဉ် လို့ ခေါ်တဲ့ အဆင့်မြင့် သိုင်းကျင့်စဉ် တစ်ခုကို သင်ပေးမယ်"</p> <p style="text-align:justify">"ဒါက မင်းတို့နဲ့ အကိုက်ညီဆုံးဖြစ်သလို ဘယ်တော့မှ အကန့်အသတ်မရှိတဲ့ အဆင့်မြင့်ကျင့်စဉ်တစ်ခုပဲ"</p> <p style="text-align:justify">"ကျေးဇူးတင်ပါတယ် နည်းပြချုပ်ကြီး"</p> <p style="text-align:justify">ဤတစ်ကြိမ်တွင်မူ စီတုတျန့်မော့အပါအဝင် အဖွဲ့ဝင်အားလုံး စိတ်လှုပ်ရှားသွားကြတော့သည်။ ဂိုဏ်းကြီးများတွင် သူတို့၏ အကောင်းဆုံးကျင့်စဉ်များကို ရတနာကဲ့သို့ သတ်မှတ်ထားကာ ပြင်ပလူကို ဘယ်တော့မှ မသင်ကြားပေးတတ်ကြောင်း သူတို့ သိထားကြသည်။</p> <p style="text-align:justify">ကျင့်ကြံသူတစ်ဦးအတွက် အဆင့်မြင့်ကျင့်စဉ်ဟူသည် တန်ဖိုးဖြတ်မရသော ရတနာဖြစ်ပြီး ရရှိရန်လည်း အလွန်ခဲယဉ်းလှသည်။ ထို့ကြောင့်ပင် သူတို့မှာ သင့်တော်သောကျင့်စဉ်ကို ရှာမတွေ့ဘဲ ဖြစ်နေခဲ့ကြခြင်း ဖြစ်သည်။ </p> <p style="text-align:justify">ယခုမူ နည်းပြချုပ်က သူတို့ကို အဆင့်မြင့်ကျင့်စဉ်တစ်ခုကို သင်ကြားပေးမည်ဆိုပါက မည်သို့လျှင် စိတ်မလှုပ်ရှားဘဲ ရှိပါမည်နည်း။</p> <p style="text-align:justify">ထို့နောက် ယဲ့ပုဖန်သည် ရွှမ်ထျန်းကျင့်စဉ်၏ ကျင့်စဉ်လမ်းကြောင်းနှင့် အဓိကအချက်များကို အသေးစိတ် ရှင်းလင်းပြသလေသည်။</p> <p style="text-align:justify">နောက်ဆုံးတွင် သူက "အခု ငါ မင်းတို့ကို ဆေးလုံး တစ်လုံးစီ ပေးမယ်။ မင်းတို့ အရင်က ကျင့်ခဲ့တဲ့ ကျင့်စဉ်တွေကို မေ့ပစ်လိုက်ပြီး ဒီရွှမ်ထျန်းကျင့်စဉ်ကိုပဲ အစွမ်းကုန် အာရုံစိုက်ကျင့်ကြံကြပါ။ ကျင့်စဉ်ကို သေချာကျွမ်းကျင်သွားပြီဆိုတာနဲ့ ဆေးလုံးကို သောက်ပြီး အရင်က အပိတ်အဆို့တွေကို ချိုးဖျက်လိုက်ကြ။ မင်းတို့အားလုံး အနည်းဆုံး အဆင့်တစ်ခုစီ တက်လာမယ်လို့ ငါ အာမခံတယ်" ဟု ဆိုလိုက်သည်။</p> <p style="text-align:justify">"ကျေးဇူးတင်ပါတယ် နည်းပြချုပ်ကြီး"</p> <p style="text-align:justify">အားလုံးမှာ စိတ်လှုပ်ရှားစွာဖြင့် ယဲ့ပုဖန်ပေးသော ဆေးလုံးများကို ယူ၍ တင်ပျဉ်ခွေထိုင်ကာ စတင်ကျင့်ကြံကြတော့သည်။</p> <p style="text-align:justify">ယဲ့ပုဖန်မှာ ဘေးတွင်ရပ်လျက် သူ၏ စိတ်ဝိညာဉ်အာရုံကို ဖြန့်ကျက်ထားရာ လူတိုင်း၏ ကျင့်ကြံမှု တိုးတက်ပုံကို ရှင်းလင်းစွာ မြင်တွေ့နေရသည်။ အကယ်၍ အဖွဲ့ဝင် တစ်ဦးဦးက ကျင့်စဉ်လမ်းကြောင်း မှားယွင်းလျှင် သို့မဟုတ် အမှားအယွင်းတစ်ခုခု ပြုလုပ်လျှင် သူက ချက်ချင်းပင် ပြုပြင်ပေးလေသည်။</p> <p style="text-align:justify">သုံးလေးနာရီခန့်အကြာတွင် သူတို့မှာ ရွှမ်ထျန်းကျင့်စဉ်ကို အတော်အတန် ကျွမ်းကျင်သွားကြပြီ ဖြစ်ရာ စောစောက ယဲ့ပုဖန် ပေးထားသော ဆေးလုံးများကို သောက်သုံး၍ ယခင်က အပိတ်အဆို့များကို စတင် တိုက်ခိုက်ကြတော့၏။</p> <p style="text-align:justify">ပုံမှန်အားဖြင့် အဆင့်တက်ရန် ကြိုးစားခြင်းမှာ အလွန်အန္တရာယ်များလှပြီး သွေးလေခြောက်ခြားခြင်း ဖြစ်လွယ်လှပေသည်။ သို့သော် ယဲ့ပုဖန်က အနီးကပ် စောင့်ရှောက်ပေးနေသဖြင့် ထိုသို့သော အခြေအနေမျိုး မဖြစ်ပေါ်နိုင်ပေ။ တစ်စုံတစ်ဦး အမှားလုပ်မိပါက သူက ချက်ချင်းပင် ဝင်ရောက် ပြုပြင်ပေးလေသည်။</p> <p style="text-align:justify">အချိန်ကြာလာသည်နှင့်အမျှ ကျူးချွဲ ၁၃ ထံမှ စတင်၍ ပြောင်းလဲမှုများ ပေါ်ပေါက်လာတော့၏။</p> <p style="text-align:justify">သူမသည် မူလကပင် ကျင့်ကြံမှုအခြေခံ ကောင်းမွန်သူ ဖြစ်သည်။ ယခုအခါ အဆင့်မြင့်ကျင့်စဉ်နှင့် ဆေးလုံး၏ အကူအညီကြောင့် သူမ၏ ချီစွမ်းအင်မှာ အရှိန်အဟုန်ဖြင့် မြင့်တက်လာကာ အစောပိုင်းအဆင့်၏ အပိတ်အဆို့ကို အလွယ်တကူ ချိုးဖျက်၍ ကောင်းကင်အဆင့် အလယ်အလတ်အဆင့်သို့ ရောက်ရှိသွားတော့သည်။</p> <p style="text-align:justify">ထို့ပြင် ရပ်တန့်မည့် အရိပ်အယောင်မျှပင် မရှိဘဲ ကောင်းကင်အဆင့် နှောင်းပိုင်းအဆင့်သို့ပင် ဆက်လက် တိုက်စစ်ဆင်နေတော့၏။</p> <p style="text-align:justify">ကျူးချွဲ ၁၃ မှာ အစပြုရုံမျှသာ ရှိသေးသည်။ သူမ၏နောက်တွင် ဘေးရှိ အဖွဲ့ဝင်များမှာလည်း ပေါက်ပေါက် ဖောက်သကဲ့သို့ တစ်ယောက်ပြီးတစ်ယောက် အဆင့်တက်လာကြတော့သည်။</p> <p style="text-align:justify">နံနက်ခင်းသို့ ရောက်သောအခါ သုံးရက်တာ အပြင်းအထန် လေ့ကျင့်မှုများ ပြီးဆုံးသွားပြီ ဖြစ်ရာ ချင်လုံ၊ ပိုင်ဟုနှင့် ရွှမ်ဝူ အသင်းသုံးသင်းလုံး လေ့ကျင့်ရေးကွင်းပြင်သို့ စောစောစီးစီး စုဝေး ရောက်ရှိနေကြသည်။</p> <p style="text-align:justify">လွန်ခဲ့သော သုံးရက်နှင့် ယှဉ်လျှင် ထိုအသင်းသားများမှာ တက်ကြွလန်းဆန်းနေကြပြီး ကျင့်ကြံမှုအဆင့်များမှာလည်း တိုးတက်လာကြသည်မှာ ထင်ရှားလှပေသည်။</p> <p style="text-align:justify">စီမာဝေမှာ ဤပြိုင်ပွဲ၏ ဒိုင်လူကြီးအဖြစ် စောစီးစွာ ရောက်ရှိလာခဲ့၏။ သူမက မူရုန်ဖိန်နှင့် အခြားသူများကို ကြည့်ကာ "သုံးရက် ကုန်သွားပြီဆိုတော့... အားလုံး ဘယ်လိုနေကြလဲ" ဟု ပြုံးလျက် မေးလိုက်သည်။</p> <p style="text-align:justify">"တကယ့်ကို ခံစားချက် ကောင်းနေတယ်”</p> <p style="text-align:justify">လိုင်ဖော်ကျွင်းက ပထမဆုံး စကားပြောလိုက်၏။ သူသည် ပွင့်လင်းသူဖြစ်ရာ စိတ်ထဲရှိသည့်အတိုင်း အားရပါးရ ပြောလိုက်ခြင်း ဖြစ်သည်။ ထို့နောက် သူက တဟားဟား ရယ်မောလျက် "သိလား... မျက်မှန်တပ်ထားတဲ့ လူတွေ ဖော်စပ်ထားတဲ့ အထူးဆေးရည်တွေက တကယ် အစွမ်းထက်တာပဲ။ လူသားတွေရဲ့ အလားအလာကို အကြီးအကျယ် နှိုးဆော်ပေးနိုင်တယ်"</p> <p style="text-align:justify">"အခု ငါတို့ ပိုင်ဟုအသင်းရဲ့ အဖွဲ့ဝင် ထက်ဝက်လောက်က အဆင့်တက်သွားကြပြီ။ သူတို့ရဲ့ ကျင့်ကြံမှုက အရင်ကထက် တစ်ဆင့်စီ မြင့်တက်လာကြတာ"</p> <p style="text-align:justify">စီမာဝေက "သုံးရက်အတွင်း အဖွဲ့ဝင် ထက်ဝက်လောက် အဆင့်တက်တယ် ဆိုတာ တကယ့်ကို ကောင်းမွန်တဲ့ ရလဒ်ပါပဲ" ဟု ချီးကျူးလိုက်သည်။</p> <p style="text-align:justify">လိုင်ဖော်ကျွင်းက ရယ်မောပြီးနောက် "ဒါပေမဲ့ ဒီအရာမှာ အားနည်းချက်တစ်ခုလည်း ရှိသလိုပဲ။ ကျင့်ကြံမှုအဆင့် မြင့်လေလေ၊ အဆင့်တက်ဖို့ ခက်ခဲလေလေပဲ။ ငါလည်း အဲဒီဆေးရည်ကို သုံးကြည့်ပေမဲ့ ဘာတုံ့ပြန်မှုမှ မရှိဘူး"</p> <p style="text-align:justify">ကောင်းကင်အဆင့် စုံလင်ခြင်း၌ ရှိနေသော အခြားအဖွဲ့ဝင် နှစ်ဦးလည်း ထိုနည်းအတိုင်းပင် ဖြစ်သည်။ ထိုဆေးရည်မှာ သူတို့အတွက် အာနိသင် မရှိသလောက်ပင် ဖြစ်နေသည်။ အဆင့်တက်သွားသူများမှာ ကျင့်ကြံမှုအဆင့် နိမ့်သော မြေအဆင့် အထွတ်အထိပ်နှင့် ကောင်းကင်အဆင့် အစောပိုင်း အဆင့်ရှိသူများသာ ဖြစ်ကြသည်။</p> <p style="text-align:justify">စီမာဝေက ထိုအချက်များကို မှတ်တမ်းတင်လိုက်ပြီးနောက် မူရုန်ဖိန်ကို လှည့်ကြည့်ကာ "ရှင်တို့ဖက်မှာရော ဘယ်လိုလဲ" ဟု မေးလိုက်၏။</p> <p style="text-align:justify">"ငါ့ရဲ့ လမ်းညွှန်မှုအောက်မှာ ချင်လုံအသင်းရဲ့ အဖွဲ့ဝင် ထက်ဝက်လောက်လည်း အဆင့်တက်နိုင်ခဲ့ပါတယ်"</p> <p style="text-align:justify">မူရုန်ဖိန်က မာနကြီးသော မျက်နှာထားဖြင့် "ဒါပေမဲ့ ငါတို့အသင်းရဲ့ တိုးတက်မှုကတော့ အဆင့်အားလုံးမှာ ညီညီမျှမျှ ရှိပါတယ်။ အဖွဲ့ဝင်တစ်ယောက်ဆိုရင် ကောင်းကင်အဆင့် အထွတ်အထိပ် ကနေ ပြီးပြည့်စုံခြင်း အဆင့်အထိတောင် တိုးတက်လာခဲ့တာ"</p> <p style="text-align:justify">သိုင်းပညာရှင်တစ်ဦး၏ ကျင့်ကြံမှုအဆင့် မြင့်မားလာလေလေ၊ တိုးတက်ရန် ခက်ခဲလေလေ ဖြစ်ကြောင်း လူတိုင်း သိထားကြသည်။ ကောင်းကင်အဆင့် အထွတ်အထိပ်မှ ပြီးပြည့်စုံခြင်း အဆင့်သို့ တိုးတက်အောင် ကူညီပေးနိုင်ခြင်းမှာ သူ၏ အရည်အချင်းကို သက်သေပြလိုက်ခြင်းပင် ဖြစ်ရာ သူ ကျေနပ်နေသည်မှာလည်း အံ့သြစရာ မဟုတ်ပေ။</p> <p style="text-align:justify">ထို့နောက် စီမာဝေက ရွှမ်ဝူအသင်းမှ ဟယ်ချင်းကျီကို ကြည့်ကာ "ဗိုလ်ကြီးဟယ်... ရှင်တို့ဖက်ကရော" ဟု မေးလိုက်ပြန်သည်။</p> <p style="text-align:justify">ဟယ်ချင်းကျီမှာ ယနေ့တွင် ထူးခြားနေသည်။ သူ၏ ဘယ်ဘက်လက်မှာ ဟာလာဟင်းလင်း မဟုတ်တော့ဘဲ တပ်ဆင်ထားသော စက်ရုပ်လက်တုနှင့်လည်း အသားကျနေပြီ ဖြစ်သည်။ </p> <p style="text-align:justify">သူက "ကျုပ်တို့ ရွှမ်ဝူအသင်းက အဖွဲ့ဝင်အများစုက အရင်က မသန်စွမ်းဖြစ်ခဲ့ကြသူတွေပါ။ စက်ပိုင်းဆိုင်ရာ ပြုပြင်မှုတွေ လုပ်ပြီးတဲ့နောက် သူတို့ရဲ့ ကျင့်ကြံမှုအဆင့်က မပြောင်းလဲပေမဲ့ တိုက်ခိုက်ရေးစွမ်းအားကတော့ တစ်ဆင့်စီ မြင့်တက်သွားကြတယ်။ အားလုံး သိသိသာသာကို သန်မာလာကြတာပါ"</p> <p style="text-align:justify">"ဒါပေမဲ့ ကျုပ်တို့မှာလည်း အားနည်းချက် ရှိပါတယ်။ အစောပိုင်းမှာ တိုးတက်မှုက ထိရောက်ပေမဲ့ နောက်ပိုင်းမှာ ထပ်ပြီး တိုးတက်ဖို့ဆိုရင်တော့ ပိုပြီး ခက်ခဲသွားလိမ့်မယ်"</p> <p style="text-align:justify">သို့သော်ငြားလည်း အဖွဲ့ဝင်တိုင်းမှာ ကျေနပ်နေကြသည်။ မသန်စွမ်းဘဝမှ နိုင်ငံအတွက် ပြန်လည် တိုက်ပွဲဝင်နိုင်ခြင်းမှာ စစ်သားတစ်ဦး အတွက် အလွန်ဂုဏ်ယူစရာ ကောင်းလှပေသည်။</p> <p style="text-align:justify">စီမာဝေက ခေါင်းညိတ်လိုက်ပြီးနောက် လက်ပတ်နာရီကို ကြည့်ကာ ကျူးချွဲအသင်း၏ စခန်းဖက်သို့ လှည့်ကြည့်လိုက်မိသည်။</p> <p style="text-align:justify">"အချိန်က စေ့တော့မယ်... သူတို့ ဘာလို့ မလာသေးတာလဲ"</p> <p style="text-align:justify">မူရုန်ဖိန်က လှောင်ပြောင်သော အပြုံးဖြင့် "ကြားရသလောက်ဆိုရင် နည်းပြချုပ်က ဒီရက်ပိုင်း အဖွဲ့ဝင်တွေကို အလှပြင်ဆိုင် ခေါ်သွားတာဆိုတော့... အခုထိ အိပ်လို့ မဝသေးတာများလား" ဟု ဆိုလိုက်တော့သည်။</p> <p style="text-align:justify"> </p> <p style="text-align: center;">***</p>


Save