Book List

<h2 style="text-align: center;">အခန်း (၇၂၉) - တကယ့်ကို ကြွားလုံးထုတ်လွန်းတာပဲ</h2> <h2 style="text-align: center;">*</h2> <p> </p> <p style="text-align:justify">လွန်ခဲ့သော ရက်အနည်းငယ်အတွင်း မူရုန်ဖိန်သည် ကျူးချွဲအသင်း၏ လှုပ်ရှားမှုများကို အမြဲမပြတ် စောင့်ကြည့်နေခဲ့ခြင်း ဖြစ်သည်။ ကနဦးတွင် ယဲ့ပုဖန်၏ လုပ်ရပ်များမှာ ဟန်ပြသက်သက်သာ ဖြစ်နိုင်ပြီး အဖွဲ့ဝင်များ၏ ကျင့်ကြံမှုကို မြှင့်တင်ရန် တိတ်တဆိတ် နည်းလမ်းတစ်ခုခု သုံးနေလိမ့်မည်ဟု သူ သံသယ ဝင်ခဲ့မိသည်။</p> <p style="text-align:justify">သို့သော် နောက်ပိုင်းတွင်မူ သူ အလွန်အမင်း တွေးတောမိနေခဲ့ကြောင်း သိလိုက်ရသည်။ တစ်ဖက်လူမှာ မိန်းကလေးများကို အလှပြင်ပေးခြင်း၊ ကျန်းမာရေး ဂရုစိုက်ပေးခြင်းတို့ဖြင့်သာ အချိန်ဖြုန်းနေပြီး ကျင့်ကြံခြင်း သို့မဟုတ် အဆင့်တက်ခြင်း၏ အရိပ်အယောင်မျှပင် မရှိခဲ့ပေ။</p> <p style="text-align:justify">မနေ့ညကဆိုလျှင်ပင် လူစုပြီး ကတ်ကစားနေခဲ့ကြသေးသည်။ ၎င်းမှာ ဟန်ဆောင်နေခြင်း မဟုတ်ဘဲ တကယ့်ကို ပျက်စီးယိုယွင်းနေသည့် လက္ခဏာပင် ဖြစ်တော့သည်။ ထိုသို့သော လူမျိုးထံတွင် သူ မည်သို့ ရှုံးနိမ့်ခဲ့ရပါလိမ့်ဟုပင် သူ တွေးမရ ဖြစ်နေတော့၏။</p> <p style="text-align:justify">လိုင်ဖော်ကျွင်းကလည်း ဝင်၍ "အဲဒါ အမှန်ပဲဗျ။ ကျုပ်လည်း ဒီရက်ပိုင်း တွေ့နေတာပဲ။ မနေ့ညကဆိုရင် အဲဒီ စီတုတျန့်မော့လေးကိုတောင် သူ့ကို နှိပ်ခိုင်းနေသေးတာ" ဟု ဆိုလိုက်သည်။</p> <p style="text-align:justify">"နည်းပြတစ်ယောက် ဖြစ်ပြီးတော့ အသင်းကို လေ့ကျင့်ပေးဖို့ အာရုံမစိုက်ဘဲ အကျိုးမရှိတာတွေပဲ လုပ်နေတယ်။ ဒီလိုအတိုင်းသာ ဆက်သွားနေမယ်ဆိုရင် ဘာအောင်မြင်မှုများ ရနိုင်မှာလဲ"</p> <p style="text-align:justify">"ဒါပေမဲ့ ဒါကလည်း ကောင်းပါတယ်။ ကျူးချွဲအသင်းသာ မရှိရင် ငါတို့ရဲ့ ပိုင်ဟုအသင်းက အောက်ဆုံး ရောက်နေမှာလေ"</p> <p style="text-align:justify">ဟယ်ချင်းကျီမှာမူ ထိုသတင်းများကို ကြားသောအခါ နှမြောတသစွာဖြင့် ခေါင်းခါလိုက်ပြီး "နှမြောစရာပါပဲ။ ဒီလောက် အရည်အချင်းရှိတဲ့ လူငယ်လေးတစ်ယောက်က ရည်မှန်းချက်သာ ကြီးကြီး ထားမယ် ဆိုရင် သူ့ရဲ့ အနာဂတ်က အကန့်အသတ် ရှိမှာ မဟုတ်ဘူး" ဟု ရေရွတ်လိုက်မိသည်။</p> <p style="text-align:justify">စီမာဝေမှာမူ ကျူးချွဲအသင်း၏ စခန်းဖက်သို့ ဝေခွဲမရသော မျက်နှာထားဖြင့် လှည့်ကြည့်နေမိ၏။</p> <p style="text-align:justify">သူမ၏ ရည်းစားမှာ အခြားသူများ ပြောသကဲ့သို့ ဖြစ်လိမ့်မည်ဟု သူမ မယုံကြည်သော်လည်း ယဲ့ပုဖန်ကို ကာကွယ် ပြောဆိုပေးစရာ သင့်တော်သော အကြောင်းပြချက်ကိုမူ ရှာမတွေ့ပေ။ လွန်ခဲ့သော ရက်ပိုင်းအတွင်း ယဲ့ပုဖန် တစ်စုံတစ်ဦးကိုမျှ လေ့ကျင့်ပေးခြင်း မရှိသည်ကို သူမလည်း ကိုယ်တိုင် မြင်တွေ့ခဲ့ရသည် မဟုတ်ပါလား။</p> <p style="text-align:justify">"ဝေဝေ... မင်း သူ့ကို လက်ခံသည်ဖြစ်စေ၊ လက်မခံသည်ဖြစ်စေ... ငါကတော့ ဒီကိစ္စကို ရွှမ်ယွမ်စံအိမ်ရဲ့ အကြီးအကဲများ ကောင်စီဆီ တင်ပြရလိမ့်မယ်။ ဒီလိုလူမျိုးက ငါတို့ရဲ့ နည်းပြချုပ်ဖြစ်ဖို့ လုံးဝ မသင့်တော်ဘူး..."</p> <p style="text-align:justify">မူရုန်ဖိန် စကားမဆုံးသေးခင်မှာပင် ကျူးချွဲစခန်းဖက်မှ ရုတ်တရက် ဆူညံသံများ ထွက်ပေါ်လာပြီး ကောင်းကင်နှင့် မြေကြီး၏ မူလစွမ်းအင်များမှာ သွေးလေခြောက်ခြားလာသကဲ့သို့ မငြိမ်မသက် ဖြစ်လာတော့၏။</p> <p style="text-align:justify">နည်းပြများမှာ မြေကမ္ဘာအဆင့် သိုင်းပညာရှင်များ ဖြစ်ကြသည့်အားလျော်စွာ ကောင်းကင်နှင့် မြေကြီး၏ ဝိညာဉ်စွမ်းအင် ပြောင်းလဲမှုအပေါ် အလွန်ပင် အာရုံခံစားနိုင်စွမ်း ရှိကြသည်။</p> <p style="text-align:justify">ဟယ်ချင်းကျီက "ဘာတွေ ဖြစ်နေတာလဲ... တစ်ယောက်ယောက် အဆင့်တက်နေတာလား" ဟု အံ့သြစွာ မေးလိုက်သည်။</p> <p style="text-align:justify">သူ စကားပြောပြီးသည်နှင့် စွမ်းအင်များ မငြိမ်မသက်ဖြစ်မှုမှာ ပိုမို ပြင်းထန်လာပြီး စခန်းအတွင်း၌ လေဝဲ အသေးစားများပင် ဖြစ်ပေါ်လာတော့၏။</p> <p style="text-align:justify">လိုင်ဖော်ကျွင်းမှာ ပါးစပ်အဟောင်းသား ဖြစ်သွားကာ "ဘုရားရေ... စွမ်းအင်တွေက အရမ်း ပြင်းထန်တာပဲ။ ဒီလောက်ထိ ဖြစ်လာဖို့ဆိုရင် လူ ဘယ်နှယောက်များ အဆင့်တက်နေလို့လဲ" ဟု အော်ဟစ်မိတော့သည်။</p> <p style="text-align:justify">မူရုန်ဖိန်မှာ အိယွမ်ဂိုဏ်း၏ တပည့်ဖြစ်သည့်အားလျော်စွာ ကျူးချွဲအသင်း၏ ထူးခြားသော လှုပ်ရှားမှုကို ချက်ချင်း သတိပြုမိလိုက်သည်။</p> <p style="text-align:justify">သို့သော်ငြားလည်း သူ မယုံကြည်နိုင်သေးပေ။ လက်ရှိမြင်ကွင်းအရဆိုလျှင် လူအများအပြား တစ်ပြိုင်နက်တည်း အဆင့်တက်နေခြင်းကြောင့် ဖြစ်ရပေမည်။ သို့သော် ၎င်းမှာ မည်သို့ ဖြစ်နိုင်ပါမည်နည်း။</p> <p style="text-align:justify">အဆင့်တက်ခြင်း ဆိုသည်မှာ အလွန်ခက်ခဲလှသော ကိစ္စဖြစ်သည်။ တစ်ယောက် သို့မဟုတ် နှစ်ယောက် အဆင့်တက်လျှင်ပင် ထူးခြားနေပြီ ဖြစ်ရာ တစ်အသင်းလုံး တစ်ပြိုင်နက်တည်း အဆင့်တက်ရန်မှာ လုံးဝ မဖြစ်နိုင်သလောက်ပင် ဖြစ်ပေသည်။</p> <p style="text-align:justify">လိုင်ဖော်ကျွင်းက "ဒါ ကျူးချွဲအသင်း တစ်ဖွဲ့လုံး အဆင့်တက်နေကြတာများလား" ဟု ထပ်မံ မေးခွန်းထုတ်လိုက်သည်။</p> <p style="text-align:justify">မူရုန်ဖိန်က ခေါင်းခါလျက် "အဲဒါ လုံးဝ မဖြစ်နိုင်ဘူး။ အဆင့်တက်တယ်ဆိုတာ ပေါက်ပေါက် ဖောက်သလို မင်းလုပ်ချင်တိုင်း လုပ်လို့ရတဲ့ အရာမှတ်နေလို့လား" ဟု ပြန်ပြောလိုက်၏။</p> <p style="text-align:justify">လိုင်ဖော်ကျွင်းက သူ၏ မုတ်ဆိတ်ကို ဆွဲရင်း "အဲဒါလည်း ဟုတ်တာပဲ။ ကျူးချွဲအသင်းက ဒီရက်ပိုင်း ဘာမှ မလေ့ကျင့်ခဲ့ဘူးလေ။ တကယ်လို့ သူတို့အားလုံး တစ်ပြိုင်နက် အဆင့်တက်နိုင်တယ်ဆိုရင်တော့ နည်းပြချုပ်ယဲ့က တကယ့် နတ်ဘုရား ဖြစ်သွားမှာပဲ"</p> <p style="text-align:justify">သူတို့ စကားပြောနေစဉ်မှာပင် ပိုမို အားပါသော အရှိန်အဝါတစ်ခုသည် ကျူးချွဲစခန်းမှ ကောင်းကင်ယံသို့ ဝှစ်ခနဲ ထိုးတက်သွားကာ ပတ်ဝန်းကျင်ရှိ ကောင်းကင်နှင့် မြေကြီး၏ မူလစွမ်းအင်များမှာ မြစ်ရေများ ပင်လယ်ထဲသို့ စီးဝင်သကဲ့သို့ ထိုနေရာသို့ စုပြုံသွားတော့သည်။</p> <p style="text-align:justify">ထိုအခါ လူအုပ်ကြီး၏ မျက်နှာထားများ ချက်ချင်း ပြောင်းလဲသွားကြတော့၏။ ဟယ်ချင်းကျီက "ဒါ... ဒါ မြေကမ္ဘာအဆင့် သိုင်းပညာရှင်တစ်ယောက် အဆင့်တက်တဲ့ လက္ခဏာပဲ" ဟု အလန့်တကြား အော်လိုက်မိသည်။</p> <p style="text-align:justify">မူရုန်ဖိန်ကမူ "မဖြစ်နိုင်တာ... လုံးဝ မဖြစ်နိုင်တာ..." ဟု တိုးတိုးလေး ရေရွတ်နေမိတော့၏။</p> <p style="text-align:justify">ဤဖက်ရှိ လူများ မည်သို့ပင် တုံ့ပြန်ကြစေကာမူ ကျူးချွဲစခန်းမှာ တဖြည်းဖြည်း ပြန်လည် ငြိမ်သက်သွားခဲ့လေပြီ။</p> <p style="text-align:justify">ငါးမိနစ်၊ ခြောက်မိနစ်ခန့်အကြာတွင် ယဲ့ပုဖန်သည် အဖွဲ့ဝင် ၂၅ ဦးကို ဦးဆောင်ကာ စခန်းအတွင်းမှ စနစ်တကျ လမ်းလျှောက် ထွက်လာခဲ့သည်။</p> <p style="text-align:justify">မနေ့ညကနှင့် နှိုင်းယှဉ်လျှင် ယနေ့ ကျူးချွဲအသင်းမှာ တားဆီး၍မရသော အရှိန်အဟုန်များ ပြည့်နှက်နေပေသည်။ အဖွဲ့ဝင်တိုင်းထံမှ ပြင်းထန်သော အရှိန်အဝါများ ထွက်ပေါ်နေပြီး ယုံကြည်မှု အပြည့်ရှိသော အပြုံးများကို ဆင်မြန်းထားကြသည်။ တစ်သင်းလုံးမှာ အသွင်တစ်မျိုး ပြောင်းလဲသွားခဲ့လေပြီ။</p> <p style="text-align:justify">သူတို့၏ ထူးခြားမှုကို ခံစားမိလိုက်သောအခါ အမြဲတမ်း တည်ငြိမ်သူဖြစ်သော ဟယ်ချင်းကျီပင်လျှင် မှင်သက်သွားကာ "ဒါကို သူတို့ ဘယ်လိုလုပ်လိုက်တာလဲ" ဟု တိုးတိုးလေး မေးလိုက်မိသည်။</p> <p style="text-align:justify">ယဲ့ပုဖန်သည် အဖွဲ့ဝင်အားလုံးကို လေ့ကျင့်ရေးကွင်းလယ်သို့ ခေါ်ဆောင်လာပြီး ပြုံးလျက် "ငါတို့ နောက်မကျသေးဘူးမလား" ဟု ဆိုလိုက်သည်။</p> <p style="text-align:justify">"အချိန်ကတော့ ကွက်တိပါပဲ" </p> <p style="text-align:justify">စီမာဝေက သူမ၏ နာရီကို တစ်ချက်ကြည့်ကာ "သုံးရက်တာ အကဲဖြတ်ပွဲ ပြီးဆုံးသွားပြီ။ ချင်လုံ၊ ပိုင်ဟုနဲ့ ရွှမ်ဝူ အသင်းတွေကတော့ ရလဒ်တွေ တင်ပြပြီးကြပြီ။ ရှင့်ဖက်က အောင်မြင်မှုတွေကိုလည်း ပြောပြပါဦး"</p> <p style="text-align:justify">"ရလဒ်နဲ့ ပတ်သက်ရင်တော့ ငါ မရေတွက်ရသေးဘူး" </p> <p style="text-align:justify">ယဲ့ပုဖန်က ကျူးချွဲအသင်းသားများကို ကြည့်ကာ "ကဲ... မင်းတို့ပဲ အစကနေ စပြီး တစ်ယောက်ချင်းစီ ပြောပြလိုက်ကြစမ်း။ ဘယ်လောက်အထိ တိုးတက်လာခဲ့ကြလဲဆိုတာ"</p> <p style="text-align:justify">ပထမဆုံးနေရာတွင် ရပ်နေသော ကျူးချွဲ နံပါတ် (၁) က စတင်၍ "ကျွန်မက ကောင်းကင်အဆင့် အလယ်အလတ်ကနေ အထွတ်အထိပ် အဆင့်ကို တိုးတက်လာခဲ့ပါတယ်။ အဆင့်တစ်ခု မြင့်တက်လာတာပါ" ဟု တင်ပြလိုက်သည်။</p> <p style="text-align:justify">ထို့နောက် သူမက သူမ၏ ချီစွမ်းအင်ကို ထုတ်ဖော်လိုက်ရာ ကောင်းကင်အဆင့် အထွတ်အထိပ် သိုင်းပညာရှင် တစ်ဦး၏ အရှိန်အဝါများ ဝုန်းခနဲ ထွက်ပေါ်လာတော့၏။</p> <p style="text-align:justify">ယဲ့ပုဖန်က မျက်မှောင် အနည်းငယ်ကြုတ်ကာ "အဆင့်တစ်ခုပဲ တက်တာလား... ဒါက နည်းနည်း အားမရစရာပဲ" ဟု ဆိုလိုက်သည်။</p> <p style="text-align:justify">သူ မကျေမနပ်ဖြစ်နေသည်ကို မြင်သောအခါ ကျူးချွဲ နံပါတ် (၁) က အမြန်ပင် တောင်းပန်ကာ "တောင်းပန်ပါတယ် နည်းပြချုပ်ကြီး။ နောင်ကျရင် ပိုပြီး ကြိုးစားပါ့မယ်" ဟု ဆိုလိုက်၏။</p> <p style="text-align:justify">ပတ်ဝန်းကျင်ရှိ လူတိုင်းမှာ မျက်လုံးပြူးသွားကြတော့သည်။ ကောင်းကင်အဆင့် အလယ်အလတ်မှ အထွတ်အထိပ်သို့ ရောက်ရန်မှာပင် တကယ့်ကို ထူးခြားသော အောင်မြင်မှု မဟုတ်ပါလား။</p> <p style="text-align:justify">သူတို့၏ အမြင်တွင်မူ ဤလူနှစ်ဦးမှာ လူအများရှေ့တွင် တမင်သက်သက် ကြွားလုံးထုတ်နေကြခြင်း ဟုသာ ထင်မှတ်နေကြသည်။</p> <p style="text-align:justify">ယဲ့ပုဖန်က လူတိုင်း၏ မျက်နှာထားများကို ဂရုမစိုက်ဘဲ ကျူးချွဲ နံပါတ် (၂) ကို ကြည့်ကာ "မင်းရော... ဘယ်လိုလဲ" ဟု မေးလိုက်ပြန်သည်။</p> <p style="text-align:justify">"နည်းပြချုပ်ကြီးကို တင်ပြချင်ပါတယ်... ကျွန်မက ကောင်းကင်အဆင့် အစောပိုင်း ကနေ အထွတ်အထိပ် အဆင့်အထိ နှစ်ဆင့်ဆင့်ပြီး အဆင့်တက်သွားတာပါ"</p> <p style="text-align:justify">အားလုံး ထိတ်လန့်သွားကြရပြန်သည်။ လေ့ကျင့်ရေးစခန်း စတင်ကတည်းက ချင်လုံ၊ ပိုင်ဟုနှင့် ရွှမ်ဝူ အသင်းသုံးသင်းလုံးတွင် မည်သူမျှ နှစ်ဆင့်ဆက်တိုက် အဆင့်တက်နိုင်ခြင်း မရှိခဲ့ချေ။</p> <p style="text-align:justify">ယဲ့ပုဖန်ကမူ တည်ငြိမ်စွာဖြင့် "တော်ကာကျရုံပါပဲ" ဟု မှတ်ချက်ပေးလိုက်၏။</p> <p style="text-align:justify">"ဘုရား... ဘုရား... ဒါကတော့ တကယ့်ကို ကြွားလုံးထုတ်လွန်းတာပဲ"</p> <p style="text-align:justify">လူတိုင်းမှာ ကျူးချွဲအသင်း၏ တိုးတက်မှုအပေါ် ထိတ်လန့်နေကြသော်လည်း ယဲ့ပုဖန်၏ စကားများမှာမူ ဟန်ကြီးပန်ကြီး လုပ်လွန်းသည်ဟု ကောက်ချက်ချလိုက်ကြတော့သည်။</p> <p style="text-align:justify">နှစ်ဆင့်တောင် တက်သွားတာလေ။ ဒါက တကယ့်ကို ရှားပါးတဲ့ အောင်မြင်မှု မဟုတ်ဘူးလား။ </p> <p style="text-align:justify">အဲဒါကိုတောင် တော်ကာကျရုံပဲလို့ ပြောနေသေးတယ် ဟုတ်လား။ ဒီထက်ပိုပြီး ဟန်ဆောင်ကောင်းတဲ့သူ ရှိနိုင်ပါဦးမလား။</p> <p style="text-align:justify">ထိုစဉ် ကျူးချွဲ နံပါတ် (၃) က "နည်းပြချုပ်ကြီးကို တင်ပြချင်ပါတယ်... ကျွန်မရဲ့ ကျင့်ကြံမှုက မြေအဆင့် အထွတ်အထိပ် ကနေ ကောင်းကင်အဆင့် အထွတ်အထိပ် အဆင့် အထိ သုံးဆင့်ဆင့်ပြီး အဆင့်တက်သွားတာပါ" ဟု ဆိုလိုက်ပြန်သည်။</p> <p style="text-align:justify">"ဖူး..."</p> <p style="text-align:justify">ရောက်ရှိနေသူများမှာ ကိုယ့်တံတွေးကိုယ်ပင် သီးမတတ် ဖြစ်သွားကြရတော့သည်။ ကျူးချွဲ အသင်းသားများမှာ တစ်ယောက်ထက် တစ်ယောက် ပို၍ တိုးတက်လာကြပြီး ယခုတစ်ယောက်မှာ သုံးဆင့်တောင် ဆက်တိုက် တက်သွားသည်တဲ့လား။ </p> <p style="text-align:justify">ဒီအတိုင်းသာ ဆက်သွားနေမယ်ဆိုရင် ဒီပြိုင်ပွဲက ဘယ်လို ဆက်လုပ်မှာလဲ။ နည်းပြတွေကရော ဘယ်မျက်နှာနဲ့ ဆက်နေကြမှာလဲ။</p> <p style="text-align:justify">မူရုန်ဖိန်က ကျူးချွဲ နံပါတ် (၃) ကို အေးစက်စွာ ကြည့်ကာ "စစ်တပ်ထဲမှာ နောက်ပြောင်စရာ မရှိဘူး။ မင်း တကယ်ပဲ လိမ်မပြောဘူး ဆိုတာ သေချာလား" ဟု မေးလိုက်သည်။</p> <p style="text-align:justify">"သေချာပါတယ်... စစ်ဆေးတာကိုလည်း လိုလိုလားလား လက်ခံပါတယ်"</p> <p style="text-align:justify">ကျူးချွဲ နံပါတ် (၃) က သူမအား စော်ကားလိုက်သကဲ့သို့ ခံစားရသဖြင့် မကျေမနပ် ကြည့်လိုက်ပြီး ကောင်းကင်အဆင့် အထွတ်အထိပ် သိုင်းပညာရှင်တစ်ဦး၏ အရှိန်အဝါကို ရုတ်တရက် ထုတ်ဖော်ပြသလိုက်တော့၏။</p> <p style="text-align:justify">စီမာဝေက ကျူးချွဲ နံပါတ် (၃) ၏ လေ့ကျင့်ရေးစခန်းသို့ စတင်ဝင်ရောက်စဉ်က မှတ်တမ်းကို အမြန် စစ်ဆေးကြည့်ရာ သူမသည် မြေအဆင့အထွတ်အထိပ်မှာသာ ရှိခဲ့ကြောင်း တွေ့လိုက်ရသည်။</p> <p style="text-align:justify">တစ်နည်းအားဖြင့်ဆိုရသော် သူတို့ လိမ်ပြောနေခြင်း မဟုတ်ပေ။ တကယ်ပင် သုံးဆင့် ဆက်တိုက် တက်သွားခဲ့ခြင်း ဖြစ်သည်။</p> <p style="text-align:justify">"ဒါ... ဒါက..."</p> <p style="text-align:justify">မူရုန်ဖိန်၏ မျက်နှာကြီးမှာ ချက်ချင်းပင် ခရမ်းရောင်သန်းသွားကာ ဘာစကားမျှ ပြန်မပြောနိုင်တော့ပေ။</p> <p style="text-align:justify">တစ်ချိန်တည်းမှာပင် သူသည် လုံးဝ ဆွံ့အသွားရတော့၏။ အိယွမ်ဂိုဏ်းမှာ လမ်းညွှန်မှုပေးရာတွင် နာမည်ကျော်သော်လည်း သုံးဆင့် ဆက်တိုက် အဆင့်တက်သွားသူမျိုးကိုမူ သူ တစ်ခါမျှ မကြားဖူးခဲ့ပေ။</p> <p style="text-align:justify">ယင်းနှင့် ဆန့်ကျင်ဘက်အနေဖြင့် ယဲ့ပုဖန်၏ မျက်နှာမှာမူ အလွန်ပင် တည်ငြိမ်နေဆဲ ဖြစ်သည်။ သူက ခေါင်းညိတ်ပြကာ "မဆိုးပါဘူး... ဒီအတိုင်းပဲ ဆက်ကြိုးစားကြ" ဟု ဆိုလိုက်လေသည်။</p> <p style="text-align:justify">ထိုစကားကို ကြားလိုက်ရသောအခါ နည်းပြ ဟယ်ချင်းကျီနှင့် လိုင်ဖော်ကျွင်းတို့မှာ သွေးအန်မတတ် ဖြစ်သွားကြရတော့၏။ တစ်ဖက်လူက သုံးဆင့်တောင် တက်သွားတာကိုမှ "မဆိုးပါဘူး" ဟုသာ မှတ်ချက်ပေးခံရသည်ဆိုလျှင်...</p> <p style="text-align:justify">ဤစံနှုန်းနှင့်သာ တိုင်းတာမည်ဆိုပါက သူတို့နည်းပြများအားလုံး အသက်ရှင်နေဖို့ပင် မထိုက်တန်တော့ပေ။</p> <p style="text-align:justify">တစ်ချိန်တည်းမှာပင် သူတို့အားလုံး တစ်ခုကို နားလည်သွားကြတော့သည်။ တစ်ဖက်လူမှာ ကြွားလုံးထုတ်နေခြင်း မဟုတ်ဘဲ... တကယ်ကို စွမ်းဆောင်နိုင်သည့် အစွမ်းအစ အစစ်အမှန် ရှိနေခြင်းပင် ဖြစ်ပေတော့သတည်း။</p> <p style="text-align:justify"> </p> <p style="text-align: center;">***</p>


Save