Book List

<h2 style="text-align: center;">အခန်း (၇၃၀)</h2> <h2 style="text-align: center;">ငါက တကယ်တော်တယ်ဆိုတာ ဝန်ခံပါတယ်</h2> <h2 style="text-align: center;">*</h2> <p> </p> <p style="text-align:justify">အထိနာဆုံးလူမှာ မူရုန်ဖိန်ပင် ဖြစ်၏။ သူသည် ကျင့်ကြံမှုပိုင်း၌ ယဲ့ပုဖန်ကို မယှဉ်နိုင်ခဲ့သော်လည်း သူ၏ အဓိကကျွမ်းကျင်မှုဖြစ်သော သင်ကြားပြသမှုပိုင်း၌မူ မည်သို့မျှ အရှုံးမပေးလိုပေ။</p> <p style="text-align:justify">သူသည် ခြောက်သွေ့နေသော နှုတ်ခမ်းကို လျှာဖြင့်သပ်ကာ ထိတ်လန့်မှုကို အောင့်အီးထားရင်း မိမိကိုယ်မိမိ ပြန်လည်နှစ်သိမ့်နေမိသည်။ "စိတ်အေးအေးထားစမ်း... ဒီသုံးယောက်ပဲ အဆင့် တက်နိုင်တာ ဖြစ်မှာပါ။ သူတို့က မျက်နှာပန်းလှအောင် ဒီသုံးယောက်ကို ရှေ့ဆုံးကနေ တင်ပြခိုင်းတာပဲ ဖြစ်ရမယ်"</p> <p style="text-align:justify">သို့သော် ကျူးချွဲအသင်းသားများ တစ်ယောက်ပြီး တစ်ယောက် ရလဒ်တင်ပြလာသောအခါတွင်မူ သူ၏ နှလုံးသားမှာ အစိတ်စိတ် အမွှာမွှာ ကွဲကြေသွားရတော့သည်။</p> <p style="text-align:justify">ကျူးချွဲ နံပါတ် ၁၄ က နှစ်ဆင့်တက်သည်။ နံပါတ် ၁၅ က သုံးဆင့်တက်သည်။ နံပါတ် ၁၆ ကလည်း...</p> <p style="text-align:justify">မကြာမီမှာပင် ကျူးချွဲအသင်းသား ၂၄ ဦးစလုံး တင်ပြပြီးစီးသွားခဲ့ပြီ ဖြစ်သည်။ တိုးတက်မှု အနှေးဆုံးလူမှာ အဆင့်တစ်ခု တက်လှမ်းနိုင်ခဲ့ပြီး အမြန်ဆုံးလူမှာ သုံးဆင့်အထိ တက်လှမ်းနိုင်ခဲ့ကြ၏။</p> <p style="text-align:justify">ယခုတစ်ကြိမ် လေ့ကျင့်ရေးနှင့် မြှင့်တင်မှုအပြီးတွင် တစ်သင်းလုံး၌ ကောင်းကင်အဆင့်အောက် ရောက်နေသူ တစ်ဦးမှ မကျန်တော့ပေ။</p> <p style="text-align:justify">ကောင်းကင်အဆင့် ပြီးပြည့်စုံခြင်းအဆင့် ၅ ဦး၊ အထွတ်အထိပ်အဆင့် ၁၀ ဦးနှင့် ကျန်သူများမှာ အလယ်အလတ်အဆင့်များ ဖြစ်ကြသည်။</p> <p style="text-align:justify">ဤမျှလောက်သော တိုးတက်မှုအရှိန်အဟုန်မှာ တကယ့်ကို အံ့မခန်း ဖြစ်သဖြင့် ပတ်ဝန်းကျင်ရှိ လူအားလုံး ဆွံ့အသွားကြရတော့သည်။ </p> <p style="text-align:justify">နောက်ဆုံးလူမှာ စီတုတျန့်မော့ ဖြစ်ပြီး အားလုံးက သူမထံသို့ အကြည့်များ စုပြုံထားကြသည်။</p> <p style="text-align:justify">"တင်ပြပါတယ် နည်းပြချုပ်ကြီး... ကျွန်မ ကောင်းကင်အဆင့် အပိတ်အဆို့ကို ချိုးဖျက်ပြီး မြေကမ္ဘာအဆင့် အစောပိုင်းအဆင့်ကို ရောက်ရှိသွားပါပြီ"</p> <p style="text-align:justify">ဤနေရာသို့ ရောက်မှသာ သူမ၏ လှပသော မျက်နှာထက်ဝယ် ဖုံးဖိ၍မရသော ဝမ်းသာပီတိများ ထင်ဟပ်လာတော့သည်။ သူမသည် ကောင်းကင်အဆင့်၌ တစ်ဆို့နေခဲ့သည်မှာ ကြာပြီဖြစ်ပြီး ယခုမှသာ နောက်ဆုံးတွင် အောင်မြင်စွာ ချိုးဖျက်နိုင်ခဲ့ခြင်း ဖြစ်သည်။</p> <p style="text-align:justify">ဤအခိုက်အတန့်တွင် မူရုန်ဖိန်၊ ဟယ်ချင်းကျီနှင့် လိုင်ဖော်ကျွင်းတို့၏ ယခင်က ရှိခဲ့သော ယုံကြည်မှုနှင့် မာန်မာနများမှာ လုံးဝ ပြိုလဲပျက်စီးသွားခဲ့လေပြီ။ သူတို့ အကြည့်မမှားခဲ့ပေ။ တစ်ဖက်လူမှာ မြေကမ္ဘာအဆင့်သို့ တကယ်ပင် တက်လှမ်းသွားခဲ့ခြင်း ဖြစ်သည်။</p> <p style="text-align:justify">ကျင့်ကြံမှုအဆင့် မြင့်မားလာလေလေ ပို၍ ခက်ခဲလာလေဖြစ်ကြောင်း သိထားကြရန် လိုအပ်သည်။ မြေကမ္ဘာအဆင့်သို့ တက်လှမ်းခြင်း တစ်ခုတည်းကပင် ကောင်းကင်အဆင့် အယောက် ၁၀၀ တက်ခြင်းထက် ပို၍ အဓိပ္ပာယ်ရှိပေသည်။</p> <p style="text-align:justify">ဒုနည်းပြ သုံးဦးသည် မြေကမ္ဘာအဆင့် အစောပိုင်း သိုင်းပညာရှင်များ ဖြစ်ကြသည့်အားလျော်စွာ ကောင်းကင်အဆင့်နှင့် မြေကမ္ဘာအဆင့် ကြားရှိ ကွာဟချက်မှာ မည်မျှ ကြီးမားကြောင်းနှင့် အဆင့်တက်ရန် မည်မျှ ခက်ခဲကြောင်း သူတို့ ကောင်းစွာ သိကြသည်။</p> <p style="text-align:justify">မူရုန်ဖိန်မှာ ကျင့်ကြံရေး အရင်းအမြစ်များစွာရှိသော မိသားစုကြီးမှ ဖြစ်သလို ပါရမီလည်း ထူးချွန်သူ ဖြစ်သော်လည်း ဤအဆင့်သို့ ရောက်ရန် ငါးနှစ်တိတိ အချိန်ယူခဲ့ရသည်။ လိုင်ဖော်ကျွင်းမှာ ခြောက်နှစ်နှင့် ဟယ်ချင်းကျီမှာ ရှစ်နှစ်တိတိ အချိန်ယူခဲ့ရခြင်း ဖြစ်သည်။</p> <p style="text-align:justify">သို့သော် နည်းပြချုပ်၏ လမ်းညွှန်မှုအောက်တွင် စီတုတျန့်မော့သည် သုံးရက်သာ အချိန်ယူခဲ့ရသည်။ တကယ်တမ်းဆိုလျှင် နာရီအနည်းငယ်သာ ဖြစ်၏၊ ကျန်ရှိသော အချိန်များကို အနားယူခြင်းဖြင့်သာ ကုန်ဆုံးခဲ့သောကြောင့်ပင်။</p> <p style="text-align:justify">တင်ပြမှုများ ပြီးဆုံးသွားသောအခါ ယဲ့ပုဖန်က စီမာဝေကို ကြည့်ကာ "ဒါက ငါတို့ ကျူးချွဲအသင်းရဲ့ ရလဒ်တွေပဲ။ ငါတို့က ဘယ်အဆင့်မှာ ရှိမလဲဆိုတာ သိပါရစေဦး" ဟု ဆိုလိုက်သည်။</p> <p style="text-align:justify">သူ၏ စကားကို ကြားလိုက်ရသောအခါ ကျန်သည့် နည်းပြသုံးဦးမှာ ခေါင်းပင် မူးနောက်သွားကြတော့သည်။ </p> <p style="text-align:justify">ဘယ်အဆင့်မှာ ရှိမလဲ ဟုတ်လား။ ငါတို့ သုံးသင်းပေါင်းရဲ့ တိုးတက်မှုကတောင် မင်းတို့ တစ်သင်းတည်းကို မမီဘူးလေ။</p> <p style="text-align:justify">အဓိကအချက်မှာ သူတို့ဖက်က ငွေကြေးတွေ အများကြီး သုံးစွဲခဲ့ရခြင်း ဖြစ်သည်။ အခြားသူတွေ အားလုံး မတိုးတက်ဘဲ နေခဲ့လျှင်တောင် မြေကမ္ဘာအဆင့် သိုင်းပညာရှင် တစ်ယောက် ထွက်ပေါ်လာခြင်းကပင် လုံလောက်လှပေပြီ။</p> <p style="text-align:justify">စီမာဝေ၏ မျက်နှာထက်ဝယ် ဂုဏ်ယူဝင့်ကြွားသော အပြုံးတစ်ခု ပေါ်လာကာ သူမ ရွေးချယ်ခဲ့သော ယောကျာ်း အတွက် အလွန်ပင် ကျေနပ်နေမိသည်။</p> <p style="text-align:justify">သူမက "ကဲ ရလဒ်ကို ကျွန်မ ကြေညာပါမယ်... ကျူးချွဲအသင်းက နံပါတ်တစ် ရရှိပါတယ်" ဟု အသံကျယ်ကျယ်ဖြင့် ဆိုလိုက်၏။</p> <p style="text-align:justify">ထိုစကားကြောင့် ကျူးချွဲအသင်းသား ၂၅ ဦးစလုံးမှာ ဝမ်းသာအားရ အော်ဟစ်အောင်ပွဲခံကြသော်လည်း အခြားအသင်းသားများမှာမူ မျက်နှာပျက်လျက် စိတ်ဓာတ်ကျနေကြတော့သည်။</p> <p style="text-align:justify">စီမာဝေက မူရုန်ဖိန်နှင့် အခြားနှစ်ဦးကို ကြည့်ကာ "ကဲ... ဘယ်လိုလဲ။ ဒီရလဒ်ကို လက်ခံကြရဲ့လား" ဟု မေးလိုက်သည်။</p> <p style="text-align:justify">လိုင်ဖော်ကျွင်းက အရင်ဆုံး "နည်းပြချုပ်ကြီးက တကယ့်ကို နည်းပြချုပ်ကြီးပါပဲ။ သူက ကျုပ်တို့ထက် အများကြီး သာလွန်ပါတယ်။ ကျုပ် လိုင်အိုကြီးကတော့ အကြွင်းမဲ့ လက်ခံပါတယ်" ဟု ဝန်ခံလိုက်၏။</p> <p style="text-align:justify">ဟယ်ချင်းကျီကလည်း "နည်းပြချုပ်ကြီးက တကယ်ကို အရည်အချင်းရှိတာပါ။ ကျုပ်လည်း ရှက်ရွံ့စွာနဲ့ပဲ အရှုံးပေးပါတယ်" ဟု ဆိုသည်။</p> <p style="text-align:justify">မူရုန်ဖိန်မှာ မျက်နှာထား တင်းမာနေသော်လည်း "ငါ အရှုံးကို ဝန်ခံပါတယ်" ဟု ပြတ်သားစွာ ပြောလိုက်တော့သည်။</p> <p style="text-align:justify">စီမာဝေက ဆက်လက်၍ "ကောင်းပါပြီ... ပထမအဆင့် လေ့ကျင့်ရေး ပြီးဆုံးသွားပြီ။ အခု ဒုတိယအဆင့်ကို ချက်ချင်း ကူးပြောင်းပါမယ်"</p> <p style="text-align:justify">"အခုကစပြီး နည်းပြ တစ်ယောက်ချင်းစီက ကိုယ့်အသင်းသားတွေကို လက်တွေ့ တိုက်ခိုက်ရေး လေ့ကျင့်ပေးရပါမယ်။ ဒုတိယမြောက် ပြိုင်ပွဲကိုတော့ ခုနစ်ရက်အကြာမှာ ကျင်းပမှာ ဖြစ်ပါတယ်"</p> <p style="text-align:justify">"အဲဒီပြိုင်ပွဲက တစ်ဦးချင်း တိုက်ခိုက်ရမှာဖြစ်ပြီး အနိုင်ရတဲ့သူက ပထမဆုကို ရရှိမှာ ဖြစ်ပါတယ်"</p> <p style="text-align:justify">လေ့ကျင့်ရေး အစီအစဉ်ကို ကြေညာပြီးနောက် ချင်လုံ၊ ပိုင်ဟုနှင့် ရွှမ်ဝူ အသင်းသုံးသင်းစလုံး အပြင်းအထန် လေ့ကျင့်ရန် ကိုယ့်စခန်းကိုယ် ချက်ချင်း ပြန်သွားကြတော့သည်။ ဤတစ်ခါ ရှုံးခဲ့သော်လည်း နောက်တစ်ကြိမ်တွင်မူ ထပ်မရှုံးစေရဟု သူတို့ ကြုံးဝါးနေကြ၏။</p> <p style="text-align:justify">ယဲ့ပုဖန်ကမူ ထိုမျှလောက်ထိ စိုးရိမ်ပူပန်ခြင်း မရှိပေ။ သူက အသင်းသားများကို လှည့်ကြည့်ကာ "အားလုံးပဲ... ခဏ အနားယူပြီး အားလပ်ချိန် သုံးလိုက်ကြဦး။ နေ့လယ်စာ စားပြီးမှ ငါတို့တွေ အတူတူ ပြန်လေ့ကျင့်ကြမယ်" ဟု ဆိုလိုက်သည်။</p> <p style="text-align:justify">မိန်းကလေးများမှာ ဝမ်းသာအားရ အော်ဟစ်လိုက်ကြ၏။ သူမတို့၏ လေ့ကျင့်ရေးမှာ အလွန်ပင် ပျော်စရာကောင်းလှပေသည်။ ပင်ပန်းခြင်း မရှိသည့်အပြင် ရလဒ်မှာလည်း အံ့မခန်းဖြစ်သဖြင့် အခြားသူများကို အဝေးကြီးမှာ ချန်ထားခဲ့နိုင်သည် မဟုတ်ပါလား။</p> <p style="text-align:justify">ဤအရာအားလုံးမှာ ရှေ့မှ နည်းပြချုပ်ကြောင့် ဖြစ်ရသည်ဟု သူတို့ နားလည်ထားကြရာ ယခုအခါတွင်မူ သူတို့၏ မျက်လုံးများထဲ၌ အားကျလေးစားမှုများဖြင့်သာ ပြည့်နှက်နေတော့သည်။</p> <p style="text-align:justify">စီမာဝေက ယဲ့ပုဖန်ကို ဘေးသို့ ဆွဲထုတ်သွားကာ အသံတိုးတိုးဖြင့် "မြန်မြန်ပြောစမ်း... ရှင် ဒါကို ဘယ်လို လုပ်လိုက်တာလဲ" ဟု မေးလိုက်သည်။</p> <p style="text-align:justify">ယဲ့ပုဖန်က "ဘာကို ရှင်းပြရမှာလဲ"</p> <p style="text-align:justify">စီမာဝေက "ရှင် အဲဒီကောင်မလေးတွေကို တစ်ခုခု လုပ်လိုက်တာလား။ မဟုတ်ရင် သူတို့ရဲ့ ကျင့်ကြံမှုက ဘယ်လိုဖြစ်ပြီး ဒီလောက် မြန်မြန် တက်လာနိုင်မှာလဲ"</p> <p style="text-align:justify">ယဲ့ပုဖန်မှာ ခေတ္တမျှ ကြောင်သွားပြီးမှ သူမ၏ နဖူးကို ခပ်ဖွဖွလေး တောက်လိုက်ကာ "မင်း ခေါင်းထဲမှာ ဘာတွေ တွေးနေတာလဲ"</p> <p style="text-align:justify">"ငါက တကယ်တော်တယ်ဆိုတာ ဝန်ခံပါတယ်။ ဒါပေမဲ့ တစ်ညတည်းနဲ့ မိန်းကလေး ဒီလောက် အများကြီးကို အဆင့်တက်အောင် လုပ်ပေးဖို့ဆိုတာ မဖြစ်နိုင်ဘူးမလား။ ငါ့ခန္ဓာကိုယ်က တောင့်ခံနိုင်ရင်တောင် အချိန်က လောက်မှာ မဟုတ်ဘူးလေ"</p> <p style="text-align:justify">စီမာဝေ မျက်နှာလေး နီမြန်းသွားကာ "ဒါဆို သူတို့ ဘာလို့ ဒီလောက် မြန်မြန် တိုးတက်လာတာလဲ။ ပြီးတော့ ရှင်က ဒီရက်ပိုင်း ဘာမှ မလေ့ကျင့်ပေးဘဲ အလှပဲ ပြင်ပေးနေတာလေ"</p> <p style="text-align:justify">ယဲ့ပုဖန်က "ကျင့်ကြံမှုအဆင့်ကို မြန်မြန်တက်အောင် လုပ်တဲ့ နည်းလမ်းတွေ အများကြီး ရှိပါတယ်။ တူနှစ်ကိုယ် ကျင့်ကြံခြင်း တစ်မျိုးတည်း မဟုတ်ဘူး"</p> <p style="text-align:justify">"ငါတို့ အရင်က လုပ်ခဲ့တာက အလှပြင်တာတင် မဟုတ်ဘူး... စိတ်ဝိညာဉ် ကျင့်ကြံခြင်းအတွက် အခြေခံ အုတ်မြစ် ချပေးခဲ့တာ"</p> <p style="text-align:justify">ထို့နောက် ယဲ့ပုဖန်သည် ကျူးချွဲအသင်းသားများကို မည်သို့ မြှင့်တင်ပေးခဲ့ကြောင်း ရှင်းပြလိုက်ပြီး "ဒီအသင်းသားတွေက ပါရမီ ရှိကြပါတယ်။ ငါက သူတို့နဲ့ ကိုက်ညီတဲ့ ကျင့်စဉ်ကို ပေးပြီး ငါ့ရဲ့ ဆေးလုံးတွေနဲ့ ပေါင်းစပ်လိုက်တာလေ။ သူတို့ မြန်မြန် မတိုးတက်ဘူးဆိုရင်မှ အံ့သြစရာ ဖြစ်လိမ့်မယ်" ဟု နိဂုံးချုပ်လိုက်သည်။</p> <p style="text-align:justify">အမှန်စင်စစ် သူ မပြောခဲ့သော အခြား အရေးကြီးသည့် အချက်တစ်ချက်မှာ စိတ်ဝိညာဉ်အာရုံပင် ဖြစ်သည်။ သူ၏ စိတ်ဝိညာဉ်အာရုံကြောင့် အဖွဲ့ဝင်တစ်ဦးချင်းစီ၏ ကျင့်ကြံမှုကို အချိန်မရွေး စောင့်ကြည့်နိုင်ပြီး ပြဿနာများကို ချက်ချင်း ဖြေရှင်းပေးနိုင်ခဲ့ခြင်း ဖြစ်သည်။</p> <p style="text-align:justify">မဟုတ်ပါက ဤမျှ ပြင်းထန်သော လေ့ကျင့်မှုနှင့် အရှိန်အဟုန်ဖြင့် အဆင့်တက်ရာတွင် သွေးလေ ခြောက်ခြားခြင်းကဲ့သို့သော ပြဿနာများ ကြုံတွေ့ရနိုင်ခြေ ရှိပေသည်။</p> <p style="text-align:justify">စီမာဝေက တခိခိ ရယ်မောလိုက်ကာ "မဆိုးပါဘူး... အနည်းဆုံးတော့ ရှင်က ကျွန်မကို မျက်နှာပန်း လှအောင် လုပ်ပေးနိုင်ခဲ့တာပဲ"</p> <p style="text-align:justify">ခေတ္တမျှ ချစ်ကြည်နူးပြီးနောက် သူမသည် ကိုယ့်အလုပ်ကိုယ် ပြန်သွားတော့သည်။ စခန်း၏ ထောက်ပံ့ရေး တာဝန်ခံတစ်ဦးအနေဖြင့် သူမ၌ လုပ်စရာများစွာ ရှိနေသေးသည် မဟုတ်ပါလား။</p> <p style="text-align:justify">သူမ ထွက်သွားသည်နှင့် စီတုတျန့်မော့သည် ယဲ့ပုဖန်ထံ ချဉ်းကပ်လာကာ လေးလေးစားစား ဦးညွှတ်လျက် "နည်းပြချုပ်ကြီး... ကျေးဇူးတင်ပါတယ်" ဟု ကျေးဇူးတင်စကား ဆိုလိုက်သည်။</p> <p style="text-align:justify">သူမသည် မူလက အလွန်မာနကြီးသော မိန်းကလေး ဖြစ်သော်လည်း ယခုမူ ထိုမာန်မာနများ ပျောက်ကွယ်သွားကာ သူမ၏ မျက်လုံးများထဲ၌ အကြွင်းမဲ့ ရိုသေလေးစားမှုများသာ ရှိတော့သည်။</p> <p style="text-align:justify">ယဲ့ပုဖန်က "ကျေးဇူးတင်နေဖို့ မလိုပါဘူး။ ငါက မင်းရဲ့ နည်းပြလေ။ မင်းတို့ကို အဆင့်တက်အောင် ကူညီပေးတာက ငါ့တာဝန်ပဲ"</p> <p style="text-align:justify">"နည်းပြချုပ်ကြီး... ဘာပဲဖြစ်ဖြစ် ကျွန်မ ရှင့်ကို ကျေးဇူးတင်ချင်ပါတယ်"</p> <p style="text-align:justify">စီတုတျန့်မော့၏ ကျေးဇူးတင်စကားမှာ စိတ်ရင်းမှန် ဖြစ်ပေသည်။ သူမသည် လူနုံတစ်ယောက် မဟုတ်ရာ ယဲ့ပုဖန်က သူမကို မည်မျှအထိ ကူညီပေးခဲ့သည်ကို သိရှိထားသည်။</p> <p style="text-align:justify">သူမသည် ကောင်းကင်အဆင့် အထွတ်အထိပ်၌ နှစ်နှစ်ကျော် တစ်ဆို့နေခဲ့ခြင်းဖြစ်ပြီး အကယ်၍ နည်းပြချုပ်၏ အကူအညီသာ မပါလျှင် အချိန်တိုအတွင်း အဆင့်တက်နိုင်လိမ့်မည် မဟုတ်ပေ။</p> <p style="text-align:justify">မြေကမ္ဘာအဆင့် ကနဦးသို့ ရောက်ရှိသွားလျှင်ပင် ရှေ့ဆက် တိုးတက်ရန်မှာ အလွန်ပင် ခက်ခဲလှပေသည်။ ယခုမူ ယဲ့ပုဖန်က သူမအတွက် ခိုင်မာသော အခြေခံကို ချပေးခဲ့ပြီး သင့်တော်သော ကျင့်စဉ်ကိုလည်း လမ်းညွှန်ပေးခဲ့သဖြင့် သူမ၏ အနာဂတ်မှာ ပန်းခင်းသော လမ်းကဲ့သို့ ဖြောင့်ဖြူးနေတော့မည် ဖြစ်သည်။ </p> <p style="text-align:justify">ယဲ့ပုဖန်၏ ကျေးဇူးမှာ အတိုင်းအဆမရှိ ကြီးမားလှပေသည်။</p> <p style="text-align:justify">ယဲ့ပုဖန်က "ကျေးဇူးတင်စရာ မလိုဘူးလို့ ပြောပြီးပြီလေ။ ဒါပေမဲ့ ငါတို့ အရင်က လောင်းထားတာ ရှိတယ်နော်... အခု အဲဒီလောင်းကြေးကို အကောင်အထည်ဖော်ရမယ့် အချိန်ရောက်ပြီ မဟုတ်လား" ဟု ဆိုလိုက်၏။</p> <p style="text-align:justify">စီတုတျန့်မော့က ရိုရိုသေသေဖြင့် "သေချာတာပေါ့... ကျွန်မ မှတ်မိပါတယ်။ ရှင် ခိုင်းတာမှန်သမျှ ကျွန်မ လုပ်ပေးပါ့မယ်"</p> <p style="text-align:justify">"သေချာလား... ဘာမဆို လုပ်ပေးမယ်ဆိုတာ"</p> <p style="text-align:justify">ယဲ့ပုဖန် စကားပြောရင်း သူမ၏ မို့မောက်နေသော ရင်သားအစုံကို ခပ်ပြုံးပြုံးဖြင့် ကြည့်လိုက်သည်။</p> <p style="text-align:justify">စီတုတျန့်မော့မှာ ချက်ချင်းပင် ကိုယ်ကို တောင့်လိုက်ကာ "ရှင်... ရှင် ဘာလုပ်မလို့လဲ။ အဲဒါတော့ မရဘူးနော်"</p> <p style="text-align:justify"> </p> <p style="text-align: center;">***<br />  </p>


Save