Book List

<h2 style="text-align: center;">အခန်း (၇၃၂)</h2> <h2 style="text-align: center;">တားဆီး၍မရနိုင်သော စွမ်းအား</h2> <h2 style="text-align: center;">*</h2> <p> </p> <p style="text-align:justify">မိန်းမပျိုလေးများက ယဲ့ပုဖန်အား အလယ်တွင် ဝန်းရံထားလိုက်ကြပြီး "နည်းပြချုပ်... ကျွန်မတို့ သင်တန်းဆင်းပြီလို့ သတ်မှတ်လို့ ရပြီလား..." ဟု တစ်ပြိုင်နက်တည်း မေးလိုက်ကြသည်။</p> <p style="text-align:justify">ယဲ့ပုဖန်က ခပ်ရေးရေး ပြုံးကာ ခေါင်းညိတ်ပြလိုက်၏။</p> <p style="text-align:justify">သူ့အသင်းသားများ၏ စွမ်းဆောင်ရည်အပေါ် သူ အလွန် ကျေနပ်မိပေသည်။ ယဲ့ထျန်းမှာ မြေကမ္ဘာ အလယ်အလတ်အဆင့်၏ အထွတ်အထိပ်တွင် ရှိသူ ဖြစ်ရာ သူ၏ ကိုယ်ပေါ်သို့ ဓားချီစွမ်းအင် တစ်ချက် ထိမှန်အောင် လုပ်နိုင်ခြင်းက တကယ်ကို အံ့မခန်းပင် ဖြစ်လေသည်။</p> <p style="text-align:justify">ယခု ကျူးချွဲအသင်း ဖော်ဆောင်လိုက်သော ကျင်းဟုန် ဓားအစီအရင်၏ စွမ်းအားဖြင့်ဆိုလျှင် ရှန်တုန်းလိုင် အဆင့်ရှိသော သိုင်းဆရာကြီးများကိုပင် ရင်ဆိုင် တိုက်ခိုက်နိုင်စွမ်း ရှိနေပြီ ဖြစ်သည်။ မြေကမ္ဘာ အစောပိုင်းအဆင့် သိုင်းပညာရှင် မျိုးဆိုလျှင် ပွဲချင်းပြီး သတ်ဖြတ်နိုင်ပေလိမ့်မည်။</p> <p style="text-align:justify">"နည်းပြချုပ် ကျန်းမာပါစေ..."</p> <p style="text-align:justify">အမျိုးသမီး အသင်းသားလေးများမှာ ထပ်မံ၍ စိတ်လှုပ်ရှားသွားကြပြန်သည်။ ယဲ့ထျန်းကဲ့သို့သော သိုင်းပညာရှင် တစ်ဦးနှင့် ရင်ပေါင်တန်း တိုက်ခိုက်နိုင်မည်ဟု ယခင်က သူတို့ အိပ်မက်ပင် မမက်ရဲခဲ့ချေ။</p> <p style="text-align:justify">ဘယ်သူက စတင်လိုက်မှန်း မသိသော်လည်း အားလုံးက ယဲ့ပုဖန်၏ ပါးပြင်ကို ဝိုင်းဝန်း နမ်းရှုံ့လိုက်ကြတော့သည်။ မျက်စိတစ်မှိတ်အတွင်းမှာပင် နည်းပြချုပ်၏ မျက်နှာတစ်ပြင်လုံး နှုတ်ခမ်းနီရာများဖြင့် ပြည့်နှက်သွားတော့၏။</p> <p style="text-align:justify">စီတုတျန့်မော့မှာ ခေတ္တမျှ တုံ့ဆိုင်းနေသော်လည်း နောက်ဆုံးတွင် အခြားကောင်မလေးများ နည်းတူ ယဲ့ပုဖန်၏ ပါးပြင်ကို ဖွဖွလေး နမ်းလိုက်လေသည်။</p> <p style="text-align:justify">ယဲ့ပုဖန်က သူ၏ မျက်နှာပေါ်မှ နှုတ်ခမ်းနီရာများကို ကမန်းကတန်း သုတ်ပစ်လိုက်ပြီး "ကဲ... ဒီနေ့ လေ့ကျင့်ရေး မရှိတော့ဘူး... အားလုံး နားကြတော့..." ဟု အနေခက်စွာဖြင့် ပြောလိုက်ရသည်။</p> <p style="text-align:justify">ကောင်မလေးများ လူစုကွဲသွားချိန်တွင် စီမာဝေက သူ၏ ဘေးနားသို့ ရောက်လာ၏။ သူမက တည်ငြိမ်သော မျက်နှာထားဖြင့် "နည်းပြချုပ်ယဲ့... ရှင်က တော်တော် စွမ်းတာပဲ... ခဏလေးအတွင်းမှာ လူတိုင်းက ရှင့်ကို ဝိုင်းနမ်းတဲ့အထိ ဖြစ်သွားတာလား..." ဟု ဆိုသည်။</p> <p style="text-align:justify">"အာ..."</p> <p style="text-align:justify">ယဲ့ပုဖန်က ခပ်ရှက်ရှက်ဖြင့် "ဒါက ငါက အရမ်း ဆွဲဆောင်မှု ရှိနေတာကြောင့်လေ... ငါလည်း ဘာမှ တတ်နိုင်တာမှ မဟုတ်တာ..." ဟု တုံ့ပြန်လိုက်သည်။</p> <p style="text-align:justify">စီမာဝေက လှမ်း၍ သူ၏ ခါးမှ အသားပျော့ပျော့လေးကို လိမ်ဆွဲလိုက်ပြီး "ရှင့်ရဲ့ အသင်းသားတွေတောင် မြေကမ္ဘာအဆင့်ကို ရောက်နေကြပြီ... ကျွန်မကတော့ ကောင်းကင်အဆင့် ပြီးပြည့်စုံခြင်းအဆင့်မှာပဲ ရှိနေတုန်း... ရှင် မြန်မြန် ကျင့်ကြံဖို့ မကောင်းဘူးလား..." ဟု ဆိုလေသည်။</p> <p style="text-align:justify">"ဒါက... အခုအချိန်မှာ သိပ်ပြီး မသင့်တော်ဘူး ထင်တယ်နော်... နောက်မှ အခွင့်အရေး ရတဲ့အခါမှ ပြောကြရင် မကောင်းဘူးလား..."</p> <p style="text-align:justify">"မရဘူး... ရှင် အခုချက်ချင်း ကျွန်မနဲ့အတူ စခန်းကို လိုက်ခဲ့ရမယ်... ဒီကျားမလေးကို မြေကမ္ဘာ အစောပိုင်းအဆင့် ရောက်အောင် မကူညီပေးရသေးသရွေ့ ထွက်သွားဖို့ မစဉ်းစားနဲ့..."</p> <p style="text-align:justify">စီမာဝေသည် ကျားမလေး ဟူသော သူမ၏ စစ်မှန်သည့် သဘာဝကို ထပ်မံ ထုတ်ဖော်လိုက်ပြန်သည်။ သူမက ယဲ့ပုဖန်ကို ဆွဲခေါ်ကာ သူမ၏ အခန်းထဲသို့ ဝင်သွားတော့သည်။</p> <p style="text-align:justify">ယဲ့ပုဖန်မှာ ရွေးချယ်စရာ မရှိတော့သဖြင့် အခန်းတွင်း၌ အသံလုံ အစီအရင် တစ်ခုကို ခင်းကျင်းလိုက်ပြီး ပြင်းပြင်းထန်ထန် စတင် ကျင့်ကြံရတော့လေသည်။</p> <p style="text-align:justify">နောက်တစ်နေ့ နံနက်စောစော နေရောင်ခြည် ဖြာကျလာချိန်တွင် ကောင်းကင်နှင့် မြေကြီး၏ မူလချီစွမ်းအင်များသည် ရုတ်တရက် လှုပ်ရှားလာကာ စီမာဝေ၏ အခန်းဆီသို့ လျင်မြန်စွာ စုရုံးသွားကြသည်။</p> <p style="text-align:justify">ဟယ်ချင်းကျီ၊ လိုင်ဖော်ကျွင်းနှင့် အခြားသူများ အားလုံး မျက်နှာအမူအရာများ ပြောင်းလဲသွားကြ၏။ ကနဦးတွင် ကျူးချွဲအသင်းမှ တစ်ယောက်ယောက် မြေကမ္ဘာအဆင့်သို့ ထပ်မံ တက်လှမ်းသွားပြန်ပြီဟု ထင်မှတ်ခဲ့သော်လည်း အမှန်တကယ်မှာ စီမာဝေ၏ အခန်းဘက်မှ ဖြစ်နေကြောင်း သတိပြုမိသွားကြသည်။</p> <p style="text-align:justify">အတန်ကြာပြီးနောက် ယဲ့ပုဖန်သည် အခန်းထဲမှ ထွက်လာခဲ့ရာ သူ၏ မျက်နှာပေါ်တွင် စိတ်သက်သာရာ ရသွားသော အမူအရာများ အထင်းသား ပေါ်လွင်နေ၏။ တစ်ညတာလုံး ကြိုးစားပမ်းစား လုပ်ဆောင်ခဲ့ရမှုများက အချည်းနှီး မဖြစ်ခဲ့ပေ။ နောက်ဆုံးတွင် စီမာဝေအား မြေကမ္ဘာ အစောပိုင်းအဆင့်သို့ ရောက်ရှိသွားစေရန် သူ ကူညီပေးနိုင်ခဲ့ပြီ ဖြစ်သည်။</p> <p style="text-align:justify">သူ့ကို မြင်သောအခါ အခြားသူများ အားလုံးကလည်း သဘောပေါက် နားလည်သွားသော အမူအရာများဖြင့် ကြည့်လိုက်ကြသည်။ စီမာဝေ တစ်ယောက် ဤမျှ လျင်မြန်စွာ အဆင့်တက်သွားသည်မှာ မဆန်းတော့ပေ။ အားလုံးက နည်းပြချုပ်၏ ကျေးဇူးကြောင့်ပင် ဖြစ်နေသည် မဟုတ်ပါလား။</p> <p style="text-align:justify">လိုင်ဖော်ကျွင်းက စိတ်လှုပ်ရှားစွာဖြင့် ရှေ့သို့ တိုးလာကာ ယဲ့ပုဖန်၏ လက်မောင်းကို ဆုပ်ကိုင်လျက် "နည်းပြချုပ်... ဒီည ကျုပ်ရဲ့ အခန်းကို လာပြီး ကျုပ် အဆင့်တက်အောင်ရော ကူညီပေးပါလား..." ဟု ဆိုလေသည်။</p> <p style="text-align:justify">သူ၏ မုတ်ဆိတ်မွေး ဖားဖားကြီးကို ကြည့်ရင်း ယဲ့ပုဖန်မှာ ကြက်သီးမွေးညင်းများပင် ထသွားရ၏။ သူ့တွင် ထိုကဲ့သို့သော ထူးဆန်းသည့် ဝါသနာမျိုး မရှိပေ။</p> <p style="text-align:justify">သူက ကမန်းကတန်း လက်ကို ရုန်းထွက်လိုက်ပြီး "အစ်ကိုလိုင်... မလုပ်ပါနဲ့ဗျာ... အဆင့်တက်တယ် ဆိုတာက ကံအကြောင်းတရားနဲ့ ဆက်စပ်နေတာ... အတင်းအကျပ် လုပ်ယူလို့ ရတဲ့ ကိစ္စမျိုး မဟုတ်ဘူး..." ဟု ဆိုလိုက်သည်။</p> <p style="text-align:justify">မူရုန်ဖိန်မှာမူ အရာအားလုံးကို အလွန် တည်ငြိမ်သော မျက်နှာထားဖြင့် စောင့်ကြည့်နေ၏။ ပြီးခဲ့သည့် ပြိုင်ပွဲတွင် ရှုံးနိမ့်ပြီးနောက် သူ၏ အတွင်းစိတ် ပဋိပက္ခများကို ဖြေရှင်းနိုင်ခဲ့ပြီး ဖြစ်သည်။ </p> <p style="text-align:justify">သူ၏ ရှေ့မှ ဤလူသည် သူ့ထက် အမှန်တကယ် သာလွန်ပြီး စီမာဝေနှင့် ပို၍ ထိုက်တန်ပေသည်။ အနည်းဆုံးတော့ သူ၏ ကိုယ်ပိုင် စွမ်းရည်ဖြင့်ဆိုလျှင် စီမာဝေကို ဤမျှ လျင်မြန်စွာ အဆင့်တက်အောင် ကူညီပေးနိုင်မည် မဟုတ်ပေ။</p> <p style="text-align:justify">နံနက်စာ စားပြီးနောက် စီမာဝေ၏ ကြီးကြပ်မှုအောက်တွင် ဒုတိယအကြိမ်မြောက် ပြိုင်ပွဲကို ထပ်မံ စတင်လိုက်ကြသည်။</p> <p style="text-align:justify">တိုင်ပင် ဆွေးနွေးပြီးနောက် အသန်မာဆုံး ဖြစ်သော ကျူးချွဲအသင်းကို ပစ်မှတ်ထားရန် သူတို့ ဆုံးဖြတ်လိုက်ကြသည်။ ပြီးခဲ့သည့် ပြိုင်ပွဲ၏ အဆင့်သတ်မှတ်ချက်များအရ ပထမအချီတွင် ကျူးချွဲအသင်းက ပိုင်ဟုအသင်းနှင့် ရင်ဆိုင်ရမည် ဖြစ်သည်။</p> <p style="text-align:justify">စည်းမျဉ်းများအရ အသင်းသားများသာ ပြိုင်ပွဲဝင်ခွင့် ရှိပြီး နည်းပြများက ဘေးမှသာ ညွှန်ကြားခွင့် ရှိကာ လက်တွေ့ တိုက်ခိုက်ရေးတွင် တိုက်ရိုက် ပါဝင်ခွင့် မရှိပေ။</p> <p style="text-align:justify">ပြိုင်ပွဲ စတင်သောအခါ ပိုင်ဟု အသင်းသားများမှာ စိုးရိမ်တကြီးဖြင့် အသင့်အနေအထား ပြင်ဆင်ထားကြသည်။</p> <p style="text-align:justify">ကျူးချွဲအသင်းဘက်မှ အားလုံး ပါဝင်ယှဉ်ပြိုင်ခြင်း မရှိဘဲ စီတုတျန့်မော့ တစ်ဦးတည်းသာ ထွက်လာခဲ့သည်။ သူမက လက်နက်အစစ်ကို အသုံးမပြုဘဲ သစ်သားတုတ် တစ်ချောင်းကိုသာ ကိုင်ဆောင်ထား၏။</p> <p style="text-align:justify">ကျင်းဟုန် ဓားသိုင်းကို တတ်မြောက်ပြီးကတည်းက ၎င်း၏ စွမ်းအားကို စမ်းသပ်ကြည့်ရန် သူမ အမြဲတမ်း ဆန္ဒရှိနေခဲ့ခြင်း ဖြစ်သည်။</p> <p style="text-align:justify">ပြိုင်ဘက်က တုတ်တစ်ချောင်းတည်း ကိုင်ထားသော လူတစ်ယောက်တည်း ဖြစ်နေသော်လည်း ပိုင်ဟုအသင်းဘက်မှ သူမကို အထင်မသေးရဲကြပေ။ အကြောင်းမှာ သူတို့ရှေ့တွင် ရပ်နေသူသည် မြေကမ္ဘာအဆင့် သိုင်းပညာရှင် တစ်ဦး ဖြစ်နေသောကြောင့်ပင်။</p> <p style="text-align:justify">စီမာဝေက ခရာမှုတ်လိုက်သည်နှင့် ပြိုင်ပွဲကို တရားဝင် စတင်လိုက်လေပြီ။</p> <p style="text-align:justify">"အားလုံးပဲ... ဖွဲ့စည်းပုံကို ထိန်းထား... အတူတူ တိုက်ခိုက်ကြမယ်..." </p> <p style="text-align:justify">ခေါင်းဆောင် တစ်ယောက်အနေဖြင့် လိုင်ဖော်ကျွင်းသည် မိမိ အသင်းသားများ၏ စွမ်းဆောင်ရည်ကို ကောင်းစွာ သိရှိထားသည်။ သူတို့ထဲမှ မည်သူကမျှ တစ်ဦးချင်း ယှဉ်ပြိုင် တိုက်ခိုက်ရာတွင် တစ်ဖက်လူကို အနိုင်ယူနိုင်မည် မဟုတ်ပေ။</p> <p style="text-align:justify">သူ၏ အစီအစဉ်အရ ပွဲစသည်နှင့် တစ်ပြိုင်နက် လူ (၂၅) ယောက်၏ အင်အားကို ပေါင်းစပ်ကာ စီတုတျန့်မော့ကို ဝိုင်းဝန်း ရင်ဆိုင်ကြမည် ဖြစ်သည်။</p> <p style="text-align:justify">သို့သော် သူ၏ အမိန့်ပေးသံ မဆုံးမီမှာပင် စီတုတျန့်မော့သည် လျှပ်စီးလက်သကဲ့သို့ လျင်မြန်သော အဟုန်ဖြင့် တစ်ဖက်အသင်းထဲသို့ ပြေးဝင်သွားတော့သည်။ သူမ၏ လက်ထဲမှ သစ်သားတုတ်လေးမှာ ကခုန်နေပြီး ထက်မြက်လှသော ဓားချီစွမ်းအင်များကိုပင် ထုတ်လွှတ်နေလေသည်။</p> <p style="text-align:justify">အားလုံးက ဆွံ့အလျက် ငေးကြည့်နေစဉ်မှာပင် တစ်မိနစ်ပင် မပြည့်လိုက်သော အချိန်အတွင်း ပိုင်ဟုအသင်းသား (၂၅) ဦးစလုံး မြေပြင်ပေါ်သို့ လဲကျသွားကြတော့သည်။</p> <p style="text-align:justify">ဤသည်မှာ တိုက်ခိုက်ရေး လေ့ကျင့်မှု တစ်ခုသာ ဖြစ်သည်။ အကယ်၍ အသေအကြေ တိုက်ပွဲသာ ဖြစ်ခဲ့လျှင် ဤလူများထဲမှ ထက်ဝက်ပင် အသက်ရှင်နိုင်မည် မဟုတ်ပေ။</p> <p style="text-align:justify">"ဒါက သိပ်ကို အစွမ်းထက်လွန်းနေပြီ..."</p> <p style="text-align:justify">လိုင်ဖော်ကျွင်းသာမက ဟယ်ချင်းကျီနှင့် မူရုန်ဖိန်တို့ပါ ပြင်းပြင်းထန်ထန် တုန်လှုပ်သွားကြသည်။</p> <p style="text-align:justify">ဤတိုက်ပွဲမှတဆင့် စီတုတျန့်မော့သည် မြေကမ္ဘာ အစောပိုင်းအဆင့်သို့ ယခုမှ ရောက်ရှိထားသူ ဖြစ်သော်လည်း သူမ၏ စွမ်းအားမှာ သူတို့ထက် လုံးဝ နိမ့်ကျမနေကြောင်း ထင်ရှားစွာ သိမြင်လိုက်ရသည်။</p> <p style="text-align:justify">ခန့်မှန်းရခက်သော ကျင်းဟုန် ဓားသိုင်းနှင့် ပေါင်းစပ်လိုက်သောအခါ သူမ၏ စွမ်းအားမှာ အလွန် ကြောက်မက်ဖွယ် ကောင်းသော အဆင့်တစ်ခုသို့ ရောက်ရှိနေလေပြီ။ သူတို့လို ခေါင်းဆောင်တွေ ကိုယ်တိုင် ဝင်ရောက် တိုက်ခိုက်လျှင်တောင် အနိုင်ရရန် သေချာမည် မဟုတ်ချေ။</p> <p style="text-align:justify">စီမာဝေက "ပထမအချီ... ကျူးချွဲအသင်း နိုင်တယ်..." ဟု ကြေညာလိုက်သည်။</p> <p style="text-align:justify">လိုင်ဖော်ကျွင်းက ခပ်ဟဟ ပြုံးရင်း "ဒီကောင်မလေးကို နည်းပြချုပ်က သိပ်ကို ကောင်းကောင်း လေ့ကျင့်ပေးထားတာပဲ... ဒီအတိုင်း ဆက်သွားရင် ယှဉ်ပြိုင်ဖို့ လုံးဝ မဖြစ်နိုင်တော့ဘူး..." ဟု ဆိုသည်။</p> <p style="text-align:justify">မူရုန်ဖိန်ကလည်း ထောက်ခံလျက် "ဟုတ်တယ်... မြေကမ္ဘာအဆင့်ရှိတဲ့ သိုင်းပညာရှင် တစ်ယောက် သူတို့အဖွဲ့ထဲမှာ ပါနေမှတော့ ငါတို့ အရှုံးပေးဖို့ပဲ ရှိတော့တယ်..." ဟု ဆိုလေသည်။</p> <p style="text-align:justify">ယဲ့ပုဖန်က "အရှုံးမပေးပါနဲ့... အဲဒီလိုဆို သိပ်ပြီး ပျင်းစရာ ကောင်းသွားမှာပေါ့... ဒီလိုလုပ်ကြတာပေါ့... နောက်လာမယ့် ပွဲတွေမှာ စီတုတျန့်မော့ မပါစေရဘူး... ကျန်တဲ့ အသင်းသား (၂၄) ယောက်ကိုပဲ လွှတ်လိုက်မယ်..." ဟု ဝင်ပြောလိုက်သည်။</p> <p style="text-align:justify">အခြားအသင်းသားများ လက်တွေ့ တိုက်ခိုက်ခွင့် ရစေရန် သူက ဤသို့ စီစဉ်ပေးလိုက်ခြင်း ဖြစ်သည်။</p> <p style="text-align:justify">မူရုန်ဖိန်က "ဒါဆိုရင်တော့ ငါတို့ ယှဉ်ပြိုင်လို့ ရနိုင်သေးတယ်..." ဟု ဆို၏။</p> <p style="text-align:justify">ထို့နောက် ဒုတိယပွဲစဉ်အဖြစ် ကျူးချွဲအသင်းနှင့် ချင်လုံအသင်းတို့ ရင်ဆိုင်ကြရသည် ကျူးချွဲအသင်းမှ (၂၄) ဦးသာ ပါဝင်ပြီး ချင်လုံအသင်းဘက်မှမူ အင်ပြည့်အားပြည့် ဝင်ရောက် ယှဉ်ပြိုင်ကြသည်။</p> <p style="text-align:justify">ပွဲစတင်ပြီးနောက် မူရုန်ဖိန်၏ မူလအတွေးတွင် သူ၏ အသင်းမှာ ပိုင်ဟုအသင်းထက် အင်အား သာလွန်သဖြင့် စီတုတျန့်မော့ မပါဝင်သော ကျူးချွဲအသင်းကို အနည်းဆုံးတော့ အချိန်အတိုင်းအတာ တစ်ခုအထိ တောင့်ခံထားနိုင်လိမ့်မည်ဟု ထင်မှတ်ထားခဲ့သည်။</p> <p style="text-align:justify">သို့သော် မမျှော်လင့်ဘဲ ပွဲစသည်နှင့် တစ်ပြိုင်နက် ကျူးချွဲအသင်းက လူ (၂၄) ဦးပါဝင်သော ကျင်းဟုန် ဓားအစီအရင်ကြီးကို ဖွဲ့စည်းလိုက်ကြသည်။ ဤအစီအရင်၏ ဝန်းရံမှုအောက်တွင် ချင်လုံအသင်းသားများ မဆိုထားနှင့် ယဲ့ထျန်းပင်လျှင် ဒဏ်ရာရရှိသွားနိုင်ပေသည်။</p> <p style="text-align:justify">ရလဒ်မှာ ပိုင်ဟုအသင်းထက်ပင် ပို၍ လျင်မြန်စွာ ထွက်ပေါ်လာ၏။ စက္ကန့်သုံးဆယ်ပင် မပြည့်လိုက်သော အချိန်အတွင်း ချင်လုံအသင်း တစ်သင်းလုံး မြေပြင်ပေါ်သို့ လဲကျသွားကြပြီး တစ်ယောက်မျှ မလွတ်မြောက်ခဲ့ပေ။ </p> <p style="text-align:justify">မူရုန်ဖိန်က သူ၏ နဖူးကို ရိုက်ကာ "နည်းပြချုပ် လေ့ကျင့်ပေးထားတဲ့ လူတွေက ပုံမှန် မဟုတ်တော့ဘူးကွ... ဒါက အသင်းသားသစ်တွေ ရှိသင့်တဲ့ စွမ်းအားမျိုးမှ မဟုတ်တာ... ငါ ကိုယ်တိုင် ဝင်တိုက်ရင်တောင် ဘာအသာစီးမှ ရမှာ မဟုတ်ဘူး..." ဟု ရေရွတ်လိုက်မိသည်။</p> <p style="text-align:justify">သူသည် ရင်တွင်းမှ လှိုက်လှိုက်လှဲလှဲ ပြောနေခြင်း ဖြစ်သည်။ ကျင်းဟုန် ဓားအစီအရင်မှ ထုတ်လွှတ်လိုက်သော စွမ်းအားမှာ သူ၏ ရင်ကိုပင် တဒိတ်ဒိတ် ခုန်သွားစေလောက်အောင် ကြောက်မက်ဖွယ် ကောင်းလှပေသည်။</p> <p style="text-align:justify">ဤမျှ တိုတောင်းသော အချိန်လေးအတွင်း ယဲ့ပုဖန် မည်သို့များ လေ့ကျင့်ပေးခဲ့သနည်း ဆိုတာကို သူ တကယ်ပင် နားမလည်နိုင်တော့ချေ။</p> <p style="text-align:justify">လိုင်ဖော်ကျွင်းက "အစ်ကိုဟယ်... ကျူးချွဲအသင်းကို ယှဉ်နိုင်ဖို့ဆိုတာ မင်းရဲ့ ရွှမ်ဝူအသင်းပဲ ကျန်တော့တယ် ထင်တယ်..." ဟု ဆိုလိုက်သည်။</p> <p style="text-align:justify">ပုံမှန်အားဖြင့် ဆိုရလျှင် သိုင်းပညာ ကျင့်ကြံမှု အပိုင်းတွင် ရွှမ်ဝူအသင်း၌ မည်သည့် အားသာချက်မျှ မရှိပေ။</p> <p style="text-align:justify">သို့သော် သူတို့က စက်ယန္တရားများ တပ်ဆင် ပြုပြင်ထားသူများ ဖြစ်ကြပြီး တပ်ဆင်ထားသော စက်ပစ္စည်းများတွင် အလွန် အစွမ်းထက်သည့် တိုက်ခိုက်ရေး လက်နက်များ ပါဝင်သည်။ ၎င်းတို့၏ စွမ်းအားမှာ စစ်တပ်သုံး သေနတ်များထက်ပင် နိမ့်ကျမနေပေ။</p> <p style="text-align:justify">ကျူးချွဲအသင်းသားများသည် ကောင်းကင်ကိုပင် အာခံနိုင်သော စွမ်းရည်များကို ပြသနိုင်ခဲ့သော်လည်း နောက်ဆုံးတွင်တော့ ကောင်းကင်အဆင့် သိုင်းပညာရှင်များသာ ဖြစ်ကြသေးရာ သေနတ်များ၏ စွမ်းအားကိုမူ ယှဉ်ပြိုင်နိုင်စွမ်း မရှိသေးချေ။</p> <p style="text-align:justify"> </p> <p style="text-align: center;">***</p>


Save