Book List

<h2 style="text-align: center;">အခန်း (၃၈၂)</h2> <h2 style="text-align: center;">*</h2> <p> </p> <p style="text-align:justify">ချူဖုန်း ပြောခဲ့သလိုပင် လူတိုင်းတွင် မရှုံးရမည့် အကြောင်းပြချက် ကိုယ်စီ ရှိကြသည်။</p> <p style="text-align:justify">ဂုဏ်သိက္ခာ၊ ချန်ပီယံဆု၊ ယုံကြည်ချက်... မည်သည့်အရာပင် ဖြစ်ပါစေ လူတွေကို စိတ်ဓာတ် တက်ကြွစေနိုင်လျှင် လုံလောက်ပြီ မဟုတ်ပါလား။</p> <p style="text-align:justify">တီ…</p> <p style="text-align:justify">ဒုတိယပိုင်းသည် ပရိသတ်များ မျှော်လင့်ထားသည်ထက် ပို၍ ပြင်းထန်လာခဲ့ပြီး နှစ်သင်းလုံးရှိ ကစားသမားများ၏ မျက်လုံးထဲတွင် လူသတ်ချင်သည့် အရိပ်အယောင်များ အထင်းသား ပေါ်လွင်နေ၏။</p> <p style="text-align:justify">"ပွဲစလို့ နှစ်မိနစ်ပဲ ရှိသေးတယ်... မာတစ်နဲ့ ဒီဘရိုင်းနားတို့ ဝင်တိုက်မိကြပြီး ဒီပွဲရဲ့ ပထမဆုံး အဝါကတ် ထွက်လာခဲ့ပါပြီ..."</p> <p style="text-align:justify">"ဒါဟာ ဗုံးတစ်လုံး ပေါက်ကွဲဖို့ မီးစပျိုးလိုက်တာပဲ ဖြစ်ပါလိမ့်မယ်"</p> <p style="text-align:justify">"အံ့ဩစရာကောင်းတာက မန်စီးတီးပါပဲ... သူတို့က မန်ယူထက်တောင် ပိုပြီး ရူးသွပ် ကြမ်းတမ်းနေကြတယ်..."</p> <p style="text-align:justify">ပွဲက မန်ယူအသင်း၏ အရှိန်အောက်သို့ ရောက်နေပြီဟု နဗီးလ် ပြောခါနီးတွင် မန်စီးတီးအသင်း ပြန်လည် တည်ငြိမ်လာသည်ကို သတိထားမိလိုက်သည်။ သူတို့က ဘောလုံးပေးပို့မှုနှင့် ကစားကွက် ထိန်းချုပ်မှုကို အသုံးပြုကာ မန်ယူ၏ ခံစစ်ကို စတင် ဖျက်ဆီးနေကြပြီ ဖြစ်သည်။</p> <p style="text-align:justify">ဖာနန်ဒင်ဟိုက ဘယ်ဘက်သို့ အဝေးဘော တစ်လုံး ပေးပို့လိုက်ရာ စတာလင်းက ဒေးဗစ်ဆေးလ်ဗားထံသို့ သက်တောင့်သက်သာ ချပေးလိုက်သည်။</p> <p style="text-align:justify">ဒေးဗစ်ဆေးလ်ဗားက ထပ်မံ ထိုးဖောက်ရန် မကြိုးစားတော့ဘဲ ရိုးရှင်းသော ဘောလုံး ဆွဲပြေးမှုဖြင့် အတွင်းဘက်သို့ ဝင်လာသော ဒီဘရိုင်းကို ရှာဖွေလိုက်၏။</p> <p style="text-align:justify">ဘောလုံးကစားခြင်း၏ အနှစ်သာရမှာ ကွင်းအတွင်းရှိ အမှတ် (၂၂) ခုကို အခြေခံထားသော ဂျီသြမေတြီ ပုစ္ဆာတစ်ပုဒ်ပင် ဖြစ်သည်။ ဂွါဒီယိုလာ၏ ဒဿနမှာ ဘောလုံးပေးပို့မှုနှင့် ထိန်းချုပ်မှုကို အသုံးပြုကာ အပြောင်းအလဲများကြားမှ အကောင်းဆုံး အဖြေကို ရှာဖွေရန် ဖြစ်သည်။</p> <p style="text-align:justify">မော်ရင်ညိုကရော...</p> <p style="text-align:justify">သူက ကစားသမားများ၏ လှုပ်ရှားမှုနှင့်အတူ ကစားကွက်ကို အမြဲတမ်း ပြောင်းလဲစေပြီး ပုစ္ဆာကို ပို၍ ရှုပ်ထွေးသွားအောင် ဖန်တီးတတ်သည်။</p> <p style="text-align:justify">သူတို့နှစ်ဦး၏ ဒဿန အားပြိုင်မှုသည် ယခုအချိန်တွင် အပြည့်အဝ ပေါ်လွင်နေတော့၏။</p> <p style="text-align:justify">"နောက်မဆုတ်နဲ့... ရှေ့ကို တက်ဖိထား" ချူဖုန်းက နောက်တန်းဆီသို့ လှမ်း၍ အော်ဟစ်လိုက်သည်။</p> <p style="text-align:justify">မန်စီးတီးလို အသင်းမျိုးနှင့် ကစားရာတွင် မန်ယူက ခြေတစ်လှမ်း နောက်ဆုတ်လိုက်သည်နှင့် အဆုံးအစ မရှိ ဖိအားပေးခံရတော့မည် ဖြစ်သည်။</p> <p style="text-align:justify">မန်ယူ ကစားသမားများ နောက်ဆုတ်မည့် အတွေးကို ဖျောက်ဖျက်လိုက်ကြပြီး အားကုန်သုံးကာ ရှေ့သို့ တက်၍ ဖိအားပေးလိုက်ကြရာ ကွင်းလယ် တစ်ခုလုံး အပြင်းအထန် အားပြိုင်ရသော စစ်မြေပြင်ကြီး အလား ဖြစ်သွားတော့သည်။</p> <p style="text-align:justify">ဒီဘရိုင်းက ပေါ့ဘာ၏ ဖိအားပေးမှုကို ရင်ဆိုင်ရင်း မျှောထိုးပေးပို့မှု တစ်လုံးကို စောစီးစွာ ထိုးပေးလိုက်၏။ ကန်တေ တစ်ယောက် ခြေတစ်လှမ်း နောက်ကျသွားသဖြင့် ကြားဖြတ် မလုနိုင်ခဲ့ဘဲ ဘောလုံးက အဂူရို ခြေထောက်ထဲသို့ ရောက်သွားလေသည်။</p> <p style="text-align:justify">မာရာဒိုနာ၏ သမက်ဟောင်း ဖြစ်ခဲ့ဖူးသူ အဂူရိုသည် ကျန်းမာရေး ကောင်းမွန်ချိန်တိုင်း လိဂ်သွင်းဂိုး (၂၀) ကျော် သွင်းယူနိုင်သူ ဖြစ်ပြီး သူ၏ အရည်အချင်းမှာ ဥရောပ ထိပ်တန်းအဆင့်တွင် ရှိသည်ဟု ဆိုရမည်။</p> <p style="text-align:justify">ဂိုးရှာဖွေနိုင်စွမ်း၊ ခန္ဓာကိုယ် ကြံ့ခိုင်မှုနှင့် ဂိုးသွင်းစွမ်းရည်တို့တွင် မည်သည့် အားနည်းချက်မှ မရှိပေ။</p> <p style="text-align:justify">တစ်ခုတည်းသော နှမြောစရာအချက်မှာ သူ့ကိုယ်ပိုင် သီးသန့် ကစားဟန် မရှိခြင်းပင်။</p> <p style="text-align:justify">အဂူရိုက နောက်သို့ ဆုတ်လာပြီး အသင်းဖော်ထံမှ ဘောလုံးကို လက်ခံယူလိုက်ရာ မက်ဂွိုင်းယား အတွက် နှောင့်ယှက်ရန် အခွင့်အရေး မရလိုက်ပေ။</p> <p style="text-align:justify">သို့သော် ထိုကဲ့သို့ တိုတောင်းလှသော အချိန်လေးတွင် မန်စီးတီးက သူတို့၏ တိုက်စစ် စနစ်ကြီးကို တည်ဆောက်နိုင်ခဲ့လေပြီ။</p> <p style="text-align:justify">မျက်စိတစ်မှိတ်အတွင်းမှာပင် မန်စီးတီး ကစားသမား အားလုံး တားဆီး၍မရသော အပြာရောင် ရေစီးကြောင်းကြီး အလား အသက်လု၍ ရှေ့သို့ ပြေးတက်လာကြတော့သည်။</p> <p style="text-align:justify">"ကစားသမား ဆယ်ယောက်လုံး တိုက်စစ်မှာ ပါဝင်နေတာဗျ... မန်စီးတီးတို့ တကယ်ကို ရူးသွပ်သွားကြပြီပဲ"</p> <p style="text-align:justify">"ဒီလို တိုက်စစ်မျိုးကို ဘယ်သူက တားနိုင်မှာလဲဗျာ…"</p> <p style="text-align:justify">ကာရေဂါက အော်ဟစ် လိုက်လေသည်။</p> <p style="text-align:justify">မန်စီးတီး ပရိသတ်များ၏ ရင်ထဲတွင်လည်း ဗုံးပေါက်ကွဲမတတ် ရင်ခုန်နေကြ၏။ ဤမျှ အင်အား အပြည့်သုံးသော တိုက်စစ်ကြီး...</p> <p style="text-align:justify">အကယ်၍ အောင်မြင်သွားခဲ့လျှင်တော့ ပြဿနာ မရှိပေ။</p> <p style="text-align:justify">သို့သော် မန်ယူဘက်ကသာ ကြားဖြတ် လုယူသွားနိုင်ခဲ့လျှင်... မန်ယူအသင်း၏ တန်ပြန်တိုက်စစ် အစွမ်းနှင့်ဆိုပါက ရလဒ် ပြောင်းလဲသွားဖို့ အသေအချာပင်။</p> <p style="text-align:justify">သို့သော် ဤကဲ့သို့သော မြင်ကွင်းမျိုးက တကယ်ကို ရင်ခုန် စိတ်လှုပ်ရှားစရာ ကောင်းလှသည်။</p> <p style="text-align:justify">ချူဖုန်းက နောက်သို့ အစွမ်းကုန် ပြေးဆင်းလာရင်း အဂူရိုထံမှ ဘာနာဒိုဆေးလ်ဗားဆီသို့ ဘောလုံး ပေးပို့လိုက်သည်ကို မြင်လိုက်ရသည်။</p> <p style="text-align:justify">ဤသည်က ဒီရာသီတွင် မန်စီးတီး အများဆုံး အသုံးပြုသော ဗျူဟာဖြစ်ပြီး ပြိုင်ဘက် အသင်းများ မန်စီးတီးကို လေ့လာသည့်အခါတိုင်း အမြဲတမ်း ခြိမ်းခြောက်မှု တစ်ခု ဖြစ်နေကာ လူတိုင်း၏ ခေါင်းပေါ်တွင် တွဲလောင်းကျနေသော သေမင်းတမန် ဓားတစ်လက်လိုပင် ဖြစ်သည်။</p> <p style="text-align:justify">ဘယ်အချိန်မှာ အသုံးပြုလာမလဲ ဆိုတာကို ဘယ်တော့မှ ကြိုမသိနိုင်သော်လည်း တစ်ကြိမ် အသုံးပြုလိုက်ပြီ ဆိုသည်နှင့် မန်စီးတီး၏ တိုက်စစ် ပုံပေါ်သွားပြီဟု ဆိုလိုခြင်းပင်…။</p> <p style="text-align:justify">ဘာနာဒိုဆေးလ်ဗားက နောက်ဆုံးတွင် သူ၏ အစွယ်များကို ထုတ်ပြလိုက်လေပြီ။</p> <p style="text-align:justify">သူက ရုတ်တရက် အရှိန်တင်လိုက်ပြီး အက်ရှ်လေယန်းကို ဖြတ်ကျော်ကာ ပင်နယ်တီ အစွန်နားမှ မျှောထိုးပေးပို့မှု တစ်လုံးကို ထိုးပေးလိုက်လေသည်။</p> <p style="text-align:justify">မက်ဂွိုင်းယား၏ အာရုံများက ဘာနာဒိုဆေးလ်ဗားထံတွင်သာ ရှိနေသဖြင့် အဂူရို တိတ်တဆိတ် ရှေ့တက်လာသည်ကို လုံးဝ သတိမထားမိလိုက်ချေ။</p> <p style="text-align:justify">ဒေးဗစ်လူးဝစ်က အချိန်မီ သတိထားမိလိုက်သော်လည်း သူနှင့် အဂူရို ကြားတွင် အကွာအဝေး ဝေးလွန်းနေသဖြင့် ကာကွယ်ရန် ပြေးသွားဖို့ နောက်ကျသွားခဲ့ပြီ ဖြစ်သည်။</p> <p style="text-align:justify">ဒီဂီယာ…</p> <p style="text-align:justify">ချူဖုန်းက ခြေလှမ်းများကို မရပ်တန့်သေးဘဲ ဒီဂီယာကိုသာ မျက်တောင်မခတ်တမ်း စိုက်ကြည့်နေမိသည်။ ထိုဘဲကြီးက မန်ယူအသင်းကို ကယ်တင်ပေးနိုင်ပါစေဟု ဆုတောင်းနေမိ၏။</p> <p style="text-align:justify">သို့သော် အဂူရိုက စတာလင်း မဟုတ်ပေ။</p> <p style="text-align:justify">ဒီဂီယာ၏ 'K-block' ကာကွယ်မှု ဧရိယာက အလွန် ကြီးမားသည်မှာ မှန်သော်လည်း (၁၇.၅) စတုရန်းမီတာ ကျယ်ဝန်းသော ဂိုးပေါက်ကြီး တစ်ခုလုံးကိုတော့ မလွှမ်းခြုံနိုင်ပေ။ အဂူရိုက ရိုးရိုးရှင်းရှင်းပင် ဘောလုံးကို အဝေးထောင့်ဆီသို့ ဖြည်းညှင်းစွာ ကန်သွင်းလိုက်လေသည်။</p> <p style="text-align:justify">နောက်ဆုံးတော့ ချူဖုန်း ခြေလှမ်းများ ရပ်တန့်သွားခဲ့၏။</p> <p style="text-align:justify">သူက ဒူးနှစ်ဖက်ကို ထောက်ကာ အမောတကော အသက်ရှူနေရပြီး ချွေးများက သူ၏ ဆံပင်အနက်ရောင်များမှ တစ်ဆင့် တစ်ပေါက်ပေါက် ကျဆင်းနေသည်။</p> <p style="text-align:justify">မန်စီးတီးအသင်း အရှိန်ရလာတော့မည်ကို သူ ကောင်းကောင်း သိလိုက်ပြီ ဖြစ်သည်။</p> <p style="text-align:justify">"မန်စီးတီးတို့ နောက်တစ်ကြိမ် ချေပဂိုး သွင်းယူသွားနိုင်ပြန်ပါပြီ"</p> <p style="text-align:justify">"ဂိုးဧရိယာထဲက အဂူရိုရဲ့ နေရာယူမှုနဲ့ လှုပ်ရှားမှုတွေက မန်စီးတီးရဲ့ တိုက်စစ်ကို အသက် ပြန်ဝင်လာစေပြီး ဘာနာဒိုဆေးလ်ဗား အတွက် အချိန် အလုံအလောက် ရသွားစေခဲ့တယ်... နောက်ဆုံးတော့ ဂိုးပေါက်ရှေ့မှာ အကောင်းဆုံး အဆုံးသတ်နိုင်ခဲ့တာပါပဲ"</p> <p style="text-align:justify">"လူတွေက မန်စီးတီးကို သမိုင်းအမွေအနှစ် မရှိတဲ့ အသင်းလို့ အမြဲ ပြောတတ်ကြတယ်... ဒါပေမဲ့ သမိုင်းအမွေအနှစ် ဆိုတာ ဘာမှမရှိတဲ့ နေရာကနေ ပေါ်လာတာ မဟုတ်ဘူး ဆိုတာ သိထားရမယ်... မျိုးဆက်ပေါင်းများစွာရဲ့ စုဆောင်းမှုတွေ၊ ရုန်းကန်မှုတွေနဲ့ တည်ဆောက်ရတာပါ"</p> <p style="text-align:justify">"ပြီးတော့ 92:30တုန်းကလောက် မလျော့တဲ့ အံ့ဖွယ် ရလဒ်မျိုးကို ကျွန်တော်တို့ ထပ်ပြီး ဖန်တီးနိုင်လိမ့်မယ်လို့ ထူးထူးဆန်းဆန်း ကြိုတင် ခံစားနေရပါတယ်"</p> <p style="text-align:justify">"အိမ်မက်ပြဇာတ်ရုံ... အိမ်မက်ပြဇာတ်ရုံတဲ့လား... မန်ယူရဲ့ အိမ်မက်တွေကို သူတို့ရဲ့ အိမ်မက်ပြဇာတ်ရုံထဲမှာပဲ ငါတို့ ဖျက်ဆီးပစ်မယ်"</p> <p style="text-align:justify">မန်စီးတီး၏ သစ္စာခံ ပရိသတ် ဘောလုံးဝေဖန်ရေးဆရာ ဂျွန်မာဆန်က စိတ်လှုပ်ရှားစွာဖြင့် အော်ဟစ်လိုက်လေသည်။ သူသည် အသိဉာဏ် ဝင်လာကတည်းက အပြာရောင် ဂျာစီကို ဝတ်ဆင်ခဲ့ပြီး ဇာတ်လမ်းပေါင်းများစွာကို မျက်မြင်ကိုယ်တွေ့ ကြုံခဲ့ရသူ ဖြစ်သည်။</p> <p style="text-align:justify">၁၉၉၈-၉၉ ရာသီတွင် ဖာဂူဆန်က မန်ယူအသင်းကို ဖလားသုံးလုံး ရအောင် ဦးဆောင်သွားသည်ကို သူ ကြည့်ခဲ့ရသလို မန်စီးတီးအသင်း ပထမတန်းလိဂ်သို့ ပြန်လည် တက်လှမ်းနိုင်ခဲ့သည့် အောင်ပွဲကိုလည်း သူတို့ ဆင်နွှဲခဲ့ကြသည်။</p> <p style="text-align:justify">၂၀၀၀-၀၁ ရာသီတွင် ရွိုင်ကိန်းက ဟာလန်းကို ကန်လိုက်သဖြင့် အနီကတ် အပြခံရသည်ကို သူ မှတ်မိနေဆဲပင်။</p> <p style="text-align:justify">၂၀၁၀-၁၁ ရာသီတွင် အိုးထရက်ဖို့ဒ် ကွင်းကြီးသည် ရွန်နီ၏ အံ့မခန်း နောက်ပြန်ကန်ချက်ကို မျက်မြင်သက်သေ ဖြစ်ခဲ့ရသည်။</p> <p style="text-align:justify">သို့သော် မန်ချက်စတာမြို့ကြီး မည်မျှပင် အနီရောင် လွှမ်းနေပါစေ… အပြာရောင် တော်လှန်ရေးကတော့ အမြဲတမ်း တိတ်တဆိတ် အုံကြွနေခဲ့သည်။</p> <p style="text-align:justify">၂၀၁၁-၁၂ ရာသီ၊ ပရီးမီးယားလိဂ် ချန်ပီယံဆုကို ဆုံးဖြတ်မည့် နောက်ဆုံးပွဲစဉ်တွင် အဂူရိုက ၉၂ မိနစ်၌ အံ့ဖွယ် သွင်းဂိုးတစ်ဂိုး သွင်းယူကာ မန်စီးတီးအသင်းကို ပရီးမီးယားလိဂ် ဖလားကြီး ကိုင်မြှောက်နိုင်ရန် ကူညီပေးခဲ့သည်။</p> <p style="text-align:justify">ဆာအဲလက်စ်ဖာဂူဆန်က တစ်ချိန်က ပြောခဲ့ဖူးသည်။ "ငါ့သက်တမ်း တစ်လျှောက်လုံးမှာ မန်စီးတီးက မန်ယူကို ဘယ်တော့မှ ကျော်တက်နိုင်မှာ မဟုတ်ဘူး"</p> <p style="text-align:justify">ဂျွန်မော့တ်ဆင်က ဖာဂူဆန် ထိုင်နေသည့် ပွဲကြည့်စင်ဘက်သို့ လက်ခလယ် ထောင်ပြရင်း ရယ်မောကာ အော်ဟစ်လိုက်၏။ "သောက်ပေါကြီ… သောက်ရူးစကားတွေ… မန်ချက်စတာမြို့က တစ်နေ့ကျရင် အပြာရောင် ဖြစ်လာရမယ်ကွ"</p> <p style="text-align:justify">သူ့ဘေးရှိ နဗီးလ် တစ်ယောက် ဒေါသကြောင့် တဆတ်ဆတ် တုန်နေလေပြီ။ တိုက်ရိုက် ထုတ်လွှင့်နေသည့် အစီအစဉ်သာ မဟုတ်လျှင် လက်ပါမိတော့မည်မှာ သေချာသည်။</p> <p style="text-align:justify">ထိုအချိန်တွင် တစ်ဖက် ပွဲကြည့်စင်ပေါ်၌ ဖာဂူဆန်က ဆိုးလ်ရှားကို ကြည့်ကာ မေးလိုက်သည်။ "နည်းပြ တစ်ယောက်ရဲ့ ရှုထောင့်ကနေ ဓမ္မဓိဋ္ဌာန်ကျကျ သုံးသပ်ကြည့်ရင်... မန်ယူမှာ အခွင့်အရေး ရှိသေးတယ်လို့ မင်း ထင်လား..."</p> <p style="text-align:justify">ဆိုးလ်ရှားက အောက်သို့ ငုံ့ကြည့်လိုက်ရာ ဆာကြီး၏ လက်နှစ်ဖက်ကို ယှက်ထားသော်လည်း အတိုင်းအဆမဲ့ တုန်ရီနေဆဲ ဖြစ်သည်ကို သတိထားမိလိုက်သည်။</p> <p style="text-align:justify">တိတ်ဆိတ်ခြင်းသည်သာ အဖြေပင်။</p> <p style="text-align:justify">နည်းစနစ်ပိုင်းကို နက်နက်ရှိုင်းရှိုင်း လေ့လာလေ၊ ကစားပွဲ၏ အဓိက သော့ချက်ကို ပို၍ တွေ့ရှိလာလေပင်။</p> <p style="text-align:justify">ပွဲမစမီက ချူဖုန်း ဆွေးနွေးခဲ့သလိုပင်။</p> <p style="text-align:justify">နှစ်သင်းလုံး၏ နည်းစနစ်ပိုင်းနှင့် ကစားကွက် အစွမ်းအစများ အထွတ်အထိပ်သို့ ရောက်ရှိနေချိန်တွင် နောက်ဆုံး အဆုံးအဖြတ်က မည်သူ့ စိတ်ဓာတ်ခွန်အား ပိုမို ခိုင်မာသနည်း ဆိုသည့် အပေါ်တွင်သာ မူတည်တော့သည်။</p> <p style="text-align:justify">မန်စီးတီးက ဤဂိုးကို သွင်းယူနိုင်လိုက်ခြင်းက ဘာကို ကိုယ်စားပြုသနည်း။</p> <p style="text-align:justify">သူတို့၏ ဘောလုံးပေးပို့မှုနှင့် ထိန်းချုပ်မှု စနစ်တွင် မည်သည့် ပြဿနာမှ မရှိဘဲ မန်ယူ၏ ခံစစ် စနစ်ကို ဖောက်ထွက်နိုင်စွမ်း ရှိသည် ဆိုသည်ကို သက်သေပြလိုက်ခြင်းပင်…။</p> <p style="text-align:justify">ထို့ကြောင့် ရှေ့ဆက်ကစားမည့် ပွဲချိန်များတွင် သူတို့ ချမှတ်ထားသော ဗျူဟာများကို ပို၍ ယုံကြည်မှု အပြည့်ဖြင့် ဆက်လက် အကောင်အထည်ဖော်ကြတော့မည် ဖြစ်သည်။</p> <p style="text-align:justify">သို့သော် ဆိုးလ်ရှားက ဆာအဲလက်စ် ဖာဂူဆန်ကို စိတ်သက်သာရာ ရစေရန် ကြိုးစား ပြောဆိုလိုက်သည်။ "ဘော့စ်... ဘောလုံးဆိုတာ အလုံးကြီးလေ... ဘာမဆို ဖြစ်သွားနိုင်ပါတယ်... ကွင်းထဲမှာ အံ့ဖွယ် အဖြစ်အပျက်တွေ ဆိုတာ အမြဲတမ်း ရှိနေတတ်တာပဲ..."</p> <p style="text-align:justify">ဖာဂူဆန်၏ လက်များ တုန်ရီနေမှု ရပ်တန့်သွားပြီး သူ၏ မျက်မှန်နောက်ကွယ်ရှိ မျက်လုံးများက အတိတ်ကို ပြန်လည် မြင်ယောင်နေပုံရသည်။</p> <p style="text-align:justify">"ဟိုးအရင် နူးကမ့်ကွင်းမှာ ကစားခဲ့တဲ့ ချန်ပီယံလိဂ် ဗိုလ်လုပွဲမှာ... ဘိုင်ယန်က ၆ မိနစ်မှာ ဂိုးသွင်းသွားပြီး နာကျင်အချိန်ပို ရောက်တဲ့အထိ ဦးဆောင်ထားနိုင်ခဲ့တယ်... အဲဒီတုန်းက ယူအီးအက်ဖ်အေ ဥက္ကဋ္ဌ လန်းနတ် ဂျိုဟန်ဆန်က ငါ့ကို ဘာပြောခဲ့လဲ သိလား..."</p> <p style="text-align:justify">ဖာဂူဆန်က သူ့ဘာသာ ပြန်ဖြေလိုက်သည်။ "သူက ငါ့ကို တောင်းပန်စကား ပြောပြီး ဘိုင်ယန်ကို ဆုပေးဖို့ ပြင်ဆင်နေခဲ့တာ... ပြီးတော့... အဟွတ်... အဟွတ်... အဟွတ်..."</p> <p style="text-align:justify">စကားအဆုံးတွင် ဖာဂူဆန်က ပြင်းထန်စွာ ချောင်းအနည်းငယ် ဆိုးလိုက်ပြီး ပါးစပ်ထဲမှ ပီကေကို ထွေးထုတ်ကာ ခက်ထန်စွာ ဆိုလိုက်၏။ "အဲဒီနောက် ၃ မိနစ်အတွင်းမှာ ငါတို့ နှစ်ဂိုး သွင်းချလိုက်တော့ ဂျိုဟန်ဆန် တစ်ယောက် အူကြောင်ကြောင် ဖြစ်သွားတော့တာပဲ..."</p> <p style="text-align:justify">"မန်ယူက ကောင်လေးတွေ ဒီနေ့ပွဲကို ရှုံးသွားခဲ့ရင်တောင် နောက်ဆုံး စက္ကန့်အထိ အသေအလဲ တိုက်ပွဲဝင်သွားလိမ့်မယ်လို့ ငါ ယုံကြည်တယ်..."</p> <p style="text-align:justify">ဖာဂူဆန်က ကွင်းအတွင်းရှိ ကျောနံပါတ် (၇) ဂျာစီ ဝတ်ဆင်ထားသူကို လှမ်းကြည့်လိုက်သည်။ ရိုးရိုးသားသား ပြောရလျှင် သူ၏ ထွန်းတောက်လှသော နည်းပြဘဝ တစ်လျှောက်လုံးတွင် ပါရမီရှင်များစွာကို မြင်တွေ့ခဲ့ဖူးသည်။</p> <p style="text-align:justify">သို့သော် ချူဖုန်း ကဲ့သို့သော ကစားသမားမျိုးကိုတော့ တစ်ခါမှ မမြင်ဖူးခဲ့ချေ။ အသက် ၂၁ နှစ်သာ ရှိသေးသော်လည်း အလွန် ရင့်ကျက်လွန်းလှသည်။</p> <p style="text-align:justify">သူ့ အရိုးထဲတွင် စိမ့်ဝင်နေသော ရက်စက်ကြမ်းတမ်းမှုက ပို၍ပင် ကြောက်စရာ ကောင်းလှ၏။ ပြိုင်ဘက်များ အပေါ်တွင် ရက်စက်သလို သူ့ကိုယ်သူ ဆိုလျှင် ပို၍ပင် ရက်စက်တတ်သေးသည်။</p> <p style="text-align:justify">ဥပမာအားဖြင့်... မိနစ်ပိုင်း အထိ အသေးစိတ် စီစဉ်ထားသော တိကျ သေချာသည့် လေ့ကျင့်ရေး အစီအစဉ်ကို အခြား မည်သူတစ်ဦးတစ်ယောက်ကမှ လုပ်ဆောင်နိုင်ခဲ့သည်ကို ဖာဂူဆန် မမြင်ဖူးခဲ့ပေ။</p> <p style="text-align:justify">တစ်ချိန်က ခရစ္စတီယာနို ရော်နယ်ဒိုပင်လျှင် ထိုအဆင့်နှင့် အလှမ်းဝေးနေဆဲပင်။</p> <p style="text-align:justify">ဖာဂူဆန်က ရုတ်တရက် ပြုံးလိုက်သည်။ "တကယ်တော့ ရှုံးသွားလည်း ကိစ္စမရှိပါဘူးလေ... မန်ယူအသင်းရဲ့ အနာဂတ်က အရှည်ကြီး ကျန်ပါသေးတယ်..."</p> <p style="text-align:justify">မန်စီးတီး ကစားသမားများ အောင်ပွဲခံ၍ မပြီးသေးချိန်တွင် ချူဖုန်း တစ်ယောက် အသင်းဖော်များဆီသို့ စကားတစ်ခွန်းမှ မဆိုဘဲ တိတ်ဆိတ်စွာ လျှောက်သွားလေသည်။</p> <p style="text-align:justify">အဘယ်ကြောင့်ဆိုသော် ပြောစရာ ရှိသည်များကို အစောကြီးကတည်းက ပြောပြီးသွားပြီ ဖြစ်သောကြောင့်ပင်။</p> <p style="text-align:justify">ထို့အပြင်... သူသည် စကားထက် လက်တွေ့ လုပ်ရပ်ဖြင့် ပြသတတ်သည့် အကျင့် ရှိသူ မဟုတ်ပါလား။</p> <p style="text-align:justify"> </p> <p style="text-align: center;">***</p>


Save