Book List

<h2 style="text-align: center;">အခန်း (၃၈၃)</h2> <h2 style="text-align: center;">*</h2> <p> </p> <p style="text-align:justify">အိုးထရက်ဖို့ဒ်ကွင်းကြီး။</p> <p style="text-align:justify">အဂူရိုက လက်နှစ်ဖက်ကို ရူးသွပ်စွာ ဝှေ့ယမ်းပြနေပုံမှာ မန်ယူပရိသတ်များကို မန်စီးတီးကို အနိုင်ယူပြီး ချန်ပီယံဆု ရယူဖို့ဆိုတာ လုံးဝ မဖြစ်နိုင်ဘူးဟု ပြောနေသကဲ့သို့ပင်။ </p> <p style="text-align:justify">"ဆာဂျီယို... ငါတို့ သရေကျသွားပြီကွ..."</p> <p style="text-align:justify">"ရလဒ်က ဒီအတိုင်းသာ ဆက်သွားမယ်ဆိုရင် ချန်ပီယံဆုက ငါတို့အတွက်ပဲ ဖြစ်မှာသေချာတယ်..."</p> <p style="text-align:justify">"ငါတို့ လမ်းကြောင်းပေါ်က ဆူးငြောင့်ခလုတ် ဖြစ်နေတဲ့ မန်ယူကို ကန်ထုတ်ပစ်လိုက်ကြစို့..."</p> <p style="text-align:justify">“…”</p> <p style="text-align:justify">မန်ယူအသင်း၏ တရစပ် ဖိအားပေးမှုကို မိနစ် ၅၀ တိတိ ခံခဲ့ရပြီးနောက် မန်စီးတီး ကစားသမားများမှာ သူတို့၏ ဒေါသများကို ပေါက်ကွဲထုတ်ပစ်ချင်နေကြပြီ ဖြစ်သည်။ သူတို့သာ အမြန်ဆုံး ချေပဂိုး မသွင်းနိုင်ခဲ့ပါက ဗုံးတစ်လုံးလို ပေါက်ကွဲသွားလောက်ပေသည်။ </p> <p style="text-align:justify">ကံကောင်းထောက်မစွာဖြင့် နည်းဗျူဟာနှင့် စိတ်ဓာတ်ခွန်အား ယှဉ်ပြိုင်မှု တိုက်ပွဲတွင် သူတို့ အသာစီး ရယူနိုင်ခဲ့လေပြီ။</p> <p style="text-align:justify">ဒီဘရိုင်းက အသေးစား အောင်ပွဲခံမှုလေး တစ်ခု လုပ်ပြီးနောက် ခွန်အားပြန်လည် ပြည့်ဝလာစေရန် ငြိမ်ငြိမ်လေး ရပ်နေလိုက်သည်။ မန်ယူ၏ ဖိအားပေးစနစ်က ပိုမို ပင်ပန်းသည် မှန်သော်လည်း မန်စီးတီး ကစားသမားများကလည်း အပြေးအလွှား အများကြီး လုပ်ခဲ့ရသည် မဟုတ်ပါလား…။</p> <p style="text-align:justify">အဘယ်ကြောင့်ဆိုသော် ဘောလုံးပေးပို့ခြင်းနှင့် ရယူခြင်းက ကစားသမားများ အဆက်မပြတ် ရွေ့လျားရန် လိုအပ်သော လုပ်ငန်းစဉ် တစ်ခု ဖြစ်သောကြောင့်ပင်…။</p> <p style="text-align:justify">ထိုကဲ့သို့ လုပ်ငန်းစဉ် အတွင်း ပြင်းထန်သော ယှဉ်ပြိုင်မှုများ၊ အပြန်အလှန် ပြေးလွှားမှုများ၊ အရှိန်ကုန် ပြေးရမှုများ စသည်တို့လည်း ပါဝင်နေသေးသည်။ ထို့ကြောင့် သူတို့၏ ရုပ်ပိုင်းဆိုင်ရာ ကြံ့ခိုင်မှုကလည်း မန်ချက်စတာ ယူနိုက်တက် ကစားသမားများထက် များစွာ ပိုမကောင်းချေ။</p> <p style="text-align:justify">"အခု အရှိန်လေး နည်းနည်း လျှော့လိုက်ရမလား..." လက်ထောက်နည်းပြ အာတီတာက မေးမြန်းလိုက်သည်။</p> <p style="text-align:justify">ဂွါဒီယိုလာက ခေါင်းအနည်းငယ် ခါယမ်းကာ ပြောလိုက်၏။ "မန်ယူရဲ့ ကစားသမားတွေ သူတို့ရဲ့ အကန့်အသတ်ကို ရောက်နေပြီဆိုတာ ငါ ခံစားမိတယ်... ဆာနေးနဲ့ ဂန်ဒိုဂန်ကို သွေးပူလေ့ကျင့်ခန်း လုပ်ခိုင်းထား... အချိန်မရွေး ဝင်ကစားဖို့ အသင့်ပြင်ထားခိုင်း... ငါတို့ သူတို့ကို ပိုပြီး ဖိအားပေးရမယ်... ပွဲချိန် ၆၀-၇၀ မိနစ်လောက်မှာ ပွဲကို အဆုံးသတ်ဖို့ ကြိုးစားရမယ်..."</p> <p style="text-align:justify">ပြီးခဲ့သည့် နှစ်နှစ်အတွင်း မန်ယူနှင့် အကြိမ်ကြိမ် ရင်ဆိုင်ခဲ့ရပြီးနောက် မန်ယူက သတ်၍ မသေနိုင်သော ပိုးဟပ်တစ်ကောင်နှင့် တူကြောင်း သူ တွေ့ရှိခဲ့ရသည်။ အသက်ရှူချိန်နှင့် နေရာလွတ် အနည်းငယ်မျှ ပေးလိုက်သည်နှင့် သူတို့က မမျှော်လင့်ဘဲ ပြန်လည် မတ်တပ်ရပ်လာနိုင်စွမ်း ရှိကြသည်။ </p> <p style="text-align:justify">ထို့ကြောင့် မန်ယူကို တစ်ခါတည်း အပြတ်အသတ် အနိုင်ယူပစ်ရမည် ဖြစ်ပြီး အခြေအနေကို ပြောင်းပြန် လှန်ပစ်ရန် အခွင့်အရေး လုံးဝ မပေးသင့်ပေ။</p> <p style="text-align:justify">အာတီတာ တစ်ယောက် စဉ်းစားလေလေ၊ ယုတ္တိရှိလေလေ ဖြစ်နေသည်။ အနာဂတ်တွင် သူ နည်းပြ ဖြစ်လာသောအခါ မန်ယူကို အမှုန့်ကြိတ်ပစ်ရန် သေချာပေါက် မှတ်ထားရမည်ဟု စိတ်ထဲမှ တေးမှတ်ထားလိုက်၏။</p> <p style="text-align:justify">"လီရွိုင်း... မင်းက လိဂ်ဂိုးသွင်းအများဆုံး စာရင်းမှာ ချူဖုန်းရဲ့ နောက် ၄ ဂိုး အကွာမှာ ရှိနေတာနော်... ဒီနေ့တော့ သူ့ကို မီအောင် လိုက်နိုင်ဖို့ အခွင့်အရေး မရှိလောက်ဘူး..." </p> <p style="text-align:justify">ဖိုဒန်က အနည်းငယ် မနာလိုသော လေသံဖြင့် ပြောလိုက်သည်။ "ဒါပေမဲ့ လိဂ်ပွဲစဉ် ၃ ပွဲ ကျန်သေးတယ် ဆိုတော့... မင်း ရွှေဖိနပ်ဆုကို သေချာပေါက် ရနိုင်မယ်လို့ ငါ ယုံတယ်..."</p> <p style="text-align:justify">သို့သော် ဆာနေးက မကျေမနပ် အမူအရာ ပြကာ ဆိုလာ၏။ "ဒီနေ့ အလုပ်မဖြစ်ဘူးလို့ မင်း ဘယ်လို သိလဲ... ဘာပဲဖြစ်ဖြစ် မန်ယူရဲ့ ကျောနံပါတ် ၁၃ က ငါ့ကို တားနိုင်မှာ မဟုတ်ဘူး... သူ့ရဲ့ ခွန်အားတွေ သိသိသာသာ ကျနေပြီဆိုတာ ပြောနေစရာတောင် မလိုဘူး... သူ့ရဲ့ ခံစစ်ကို ငါ ဘယ်လို ဖောက်ထွက်ပြမလဲ ဆိုတာ ခဏနေရင် မင်း မြင်ရလိမ့်မယ်..."</p> <p style="text-align:justify">သူက သူ့ကိုယ်သူ အလွန် စွမ်းဆောင်ရည် ရှိသည်ဟု ယုံကြည်ထားသောကြောင့် ယုံကြည်ချက် အပြည့်ဖြင့် ပြောလိုက်ခြင်းပင်။ </p> <p style="text-align:justify">သူက ရှော်ကေးအသင်းမှ ပါရမီရှင် တစ်ဦး ဖြစ်ခဲ့သည်။ အသက် ၁၉ နှစ် အရွယ်တွင် ရီးရဲလ် မက်ဒရစ်နှင့် ယှဉ်ပြိုင်ခဲ့သော ချန်ပီယံလိဂ် ပွဲဦးထွက်တွင် အရန်ခုံမှ ဝင်ရောက်လာပြီး အီကာ ကာဆီးလက်စ်ကို ဂိုးသွင်းယူနိုင်ခဲ့ကာ ချန်ပီယံလိဂ်တွင် ရီးရဲလ်မက်ဒရစ်ကို ဂိုးသွင်းနိုင်သည့် အသက်အငယ်ဆုံး ကစားသမား ဖြစ်လာခဲ့သည်။</p> <p style="text-align:justify">ပြီးတော့ ဘာဆက်ဖြစ်လဲ...</p> <p style="text-align:justify">ထိုစံချိန်ကို ချူဖုန်းက ချိုးဖျက်ပစ်ခဲ့သည်။</p> <p style="text-align:justify">မန်စီးတီးသို့ ပြောင်းရွှေ့ပြီးနောက် ဆာနေး၏ ခြေစွမ်းက သာမန်သာ ဖြစ်ခဲ့သော်လည်း ဂွါဒီယိုလာ၏ လမ်းညွှန်မှုအောက်တွင် သူ၏ အလားအလာများကို အပြည့်အဝ ထုတ်ဖော်နိုင်ခဲ့ပြီး ဂိုးသွင်းအများဆုံး စာရင်း၏ ထိပ်ဆုံးသို့ တက်လှမ်းနိုင်ခဲ့သည်။ ပြီးခဲ့သည့် ရာသီက PFA ပရီးမီးယားလိဂ် တစ်နှစ်တာ အကောင်းဆုံး လူငယ်ကစားသမားဆုကိုပင် သူ ရရှိထားပြီး ဖြစ်သည်ဟု ခံစားခဲ့ရသည်။</p> <p style="text-align:justify">ပြီးတော့ ဘာဆက်ဖြစ်လဲ...</p> <p style="text-align:justify">ချူဖုန်းက လူငယ်အသင်းမှ ပထမအသင်းသို့၊ အရန်ကစားသမားမှ ပွဲထွက်ကစားသမားသို့၊ လိဂ်ပြိုင်ပွဲမှ ချန်ပီယံလိဂ်သို့ အဆင့်ဆင့် တိုးတက်လာပြီး ထင်ရှားကျော်ကြားလာခဲ့သည်။ သူ၏ မှတ်တမ်းက အလွန် တောက်ပလွန်းလှရာ ဆာနေးပင်လျှင် မနာလိုစိတ်များ တဖွားဖွား ပေါ်ပေါက်လာခဲ့ရသည်။ </p> <p style="text-align:justify">ယခုရာသီတွင် သူ ဂိုးသွင်းအများဆုံး စာရင်း၏ ထိပ်ဆုံးသို့ နောက်ဆုံးတော့ ရောက်ရှိလာခဲ့ပြီ။ သို့သော် ယခု ချူဖုန်းက တစ်လှမ်းချင်း လိုက်မီလာသည်ကို မြင်နေရပြန်ပြီ။ သူ၏ ရင်ထဲမှ မနာလိုစိတ်များက ပြင်းထန်စွာ တောက်လောင်နေသည်မှာ အချိန်အတော်ကြာခဲ့ပြီ ဖြစ်သည်။</p> <p style="text-align:justify">"ကောင်းပြီလေ... အဲဒီလိုဆိုရင် မင်း လေးဂိုး ဆက်တိုက် သွင်းနိုင်ပါစေလို့ ငါ ဆုတောင်းပေးပါတယ်..."</p> <p style="text-align:justify">ဖိုဒန်က အနေရခက်စွာ ပြုံးလိုက်ပြီး 'ဒီကောင် တကယ် ရူးနေပြီ...' ဟု စိတ်ထဲမှ တွေးလိုက်မိသည်။ </p> <p style="text-align:justify">လူမှုဆက်ဆံရေး ကျွမ်းကျင်မှုပိုင်းမှာတော့ ဆာနေးက ချူဖုန်းကို ဘယ်လိုမှ ယှဉ်နိုင်မှာ မဟုတ်ဘူးဟု ဖိုဒန်က ဆာနေးကို တိတ်တဆိတ် တံဆိပ်ကပ်လိုက်သည်။</p> <p style="text-align:justify">မန်စီးတီးဘက်မှ လူစားလဲမှုများ ပြုလုပ်ပြီးနောက် ပွဲကို ပြန်လည် စတင်လိုက်သည်။ </p> <p style="text-align:justify">မန်ယူ၏ ဖိအားပေးမှုများက ထိရောက်မှု မရှိတော့ဘဲ မန်စီးတီး၏ ဖိနှိပ်မှုကြောင့် ကိုယ့်ကွင်းဘက်ခြမ်းတွင်သာ ကပ်နေရကာ ခံစစ်ပုံစံဖြင့်သာ ရုန်းကန်နေရတော့သည်။ </p> <p style="text-align:justify">မန်ယူတို့ ငါးမိနစ်လောက် တောင့်ခံနိုင်မယ် ဆိုတာ မျက်စိရှိသူတိုင်း မြင်နိုင်သော်လည်း ဆယ်မိနစ်လောက်တော့ တောင့်ခံနိုင်ပါ့မလား။ </p> <p style="text-align:justify">လက်ရှိတွင် ရလဒ်က ၂-၂ ဖြစ်နေသော်လည်း အောင်ပွဲ ချိန်ခွင်လျှာက တစ်ဖက်သို့ ယိမ်းယိုင်နေခဲ့ချေပြီ။</p> <p style="text-align:justify">"ဘော့စ်... ကျွန်တော်တို့ ဘာလို့ လူစားမလဲသေးတာလဲ..."</p> <p style="text-align:justify">ဖာရီယာ အလွန် နားမလည်နိုင် ဖြစ်နေသည်။ မန်စီးတီးက လူစားလဲခွင့် သုံးကြိမ်လုံးကို အသုံးပြုပြီးသွားပြီ ဖြစ်သော်လည်း မန်ယူက မည်သည့် အပြောင်းအလဲမျှ မလုပ်ရသေးပေ။ </p> <p style="text-align:justify">ဒါက လုံးဝ ယုတ္တိမရှိဘူးလေ...</p> <p style="text-align:justify">မော်ရင်ညိုက ရေသန့်ဘူး အဖုံးကို ဖွင့်ကာ ရေတစ်ငုံ ကြီးကြီး သောက်ချလိုက်သော်လည်း လည်ချောင်းက ခြောက်သွေ့နေဆဲပင်။ </p> <p style="text-align:justify">'ငါတို့ရဲ့ ဖိအားပေးစနစ်က ၅၇ မိနစ်မှာတင် ပျက်စီးသွားပြီ... အခု ကစားသမား တစ်ယောက် နှစ်ယောက်လောက် လဲလိုက်ရုံနဲ့ အပြောင်းအလဲ ဖြစ်သွားမယ်လို့ မင်း ထင်နေတာလား...'</p> <p style="text-align:justify">“သိပ်မထူးဘူး...”</p> <p style="text-align:justify">မော်ရင်ညိုက စိတ်ထဲမှနေ၍ အဖြေပေးလိုက်သည်။ </p> <p style="text-align:justify">ချန်ပီယံဆုတွေကြောင့်လားတော့ မသိ။ မန်စီးတီးကို သူ အထင်သေးမိသွားသည်ကို ဝန်ခံရပေမည်။ </p> <p style="text-align:justify">ဂွါဒီယိုလာ၏ ဘောလုံးပိုင်ဆိုင်မှုကို အခြေခံသော နည်းဗျူဟာ ဆန်းသစ်မှုများက သူတို့ခေတ်ထက် များစွာ ရှေ့ရောက်နေခဲ့ပြီ ဖြစ်သည်။ </p> <p style="text-align:justify">မန်ယူအတွက် ပွဲကို အနိုင်ရရန် နည်းလမ်း တစ်ခုတည်းသာ ရှိတော့သည်။ ယင်းက အစွမ်းကုန် တိုက်စစ်ဆင်ရန်ပင်။ </p> <p style="text-align:justify">မော်ရင်ညိုက သူ၏ လျှို့ဝှက်လက်နက် ဖြစ်သော ၄-၃-၃ ကစားကွက် ပုံစံကြမ်း ရေးဆွဲထားသည့် မှတ်စုစာအုပ်ကို တစ်ချက် ကြည့်လိုက်သည်။ အခြေအနေတွေက လွန်ခဲ့တဲ့ ဆယ်နှစ်ကလို မဟုတ်တော့ဘူးဆိုတာ နားလည်ထားရပေမည်။</p> <p style="text-align:justify">ဘာစီလိုနာ၏ ဘောလုံးပိုင်ဆိုင်မှု အသားပေး ကစားဟန်ကို ရင်ဆိုင်ခဲ့ရစဉ်ကတောင် သူတို့က ဘတ်စ်ကား ပိတ်ရပ်ပြီး ခံစစ်ကစားနိုင်ခဲ့သေးသည်။ အကယ်၍ ထိုနည်းဟောင်းကြီးကိုသာ ဆက်သုံးနေမည်ဆိုလျှင် အနိုင်ရဖို့ မဆိုထားနှင့်။ သရေကျဖို့ပင် သေချာမည် မဟုတ်ပေ။</p> <p style="text-align:justify">သို့သော် နည်းလမ်းအချို့တော့ ရှိပေသည်။</p> <p style="text-align:justify">ဥပမာ- ချူဖုန်းကို သူ့ရဲ့ အတွင်းပိုင်း စွမ်းအားတွေ အကုန် ထုတ်သုံးခိုင်းလိုက်တာမျိုးပေါ့။ ဒါပေမဲ့ ဖြစ်နိုင်ပါ့မလား။</p> <p style="text-align:justify">မော်ရင်ညိုက ကွင်းထဲသို့ လှမ်းကြည့်လိုက်ရာ မန်ယူတို့ ကိုယ့်ကွင်းဘက်ခြမ်းသို့ ဆုတ်ခွာနေရပြီး တန်ပြန်တိုက်စစ်ပင် မဆင်နိုင်တော့သည်ကို တွေ့လိုက်ရသည်။</p> <p style="text-align:justify">ချူဖုန်းက ဘောလုံးလောကမှာ နတ်ဘုရားတစ်ပါး ဖြစ်နေရင်တောင် မန်ချက်စတာ စီးတီး၏ အတန်းလိုက် ဖြစ်နေသော ခံစစ်စည်း လေးစည်းကို ကျော်ဖြတ်နိုင်မှာ မဟုတ်ပေ။ </p> <p style="text-align:justify">ပြီးခဲ့သည့် ရာသီက ချန်ပီယံလိဂ် ဗိုလ်လုပွဲမှာဆိုရင်... ဇီဒန်းက ဘောလုံးပိုင်ဆိုင်မှုကို ဦးစားမပေးဘဲ တိုက်စစ် စွမ်းဆောင်ရည်ကိုသာ အာရုံစိုက်ခဲ့တာကြောင့် ချူဖုန်း အတွက် အစွမ်းပြဖို့ အခွင့်အရေး ရခဲ့တာ ဖြစ်၏။</p> <p style="text-align:justify">ဒါပေမဲ့ ဂွါဒီယိုလာနဲ့ ရင်ဆိုင်ရချိန်မှာတော့...</p> <p style="text-align:justify">မော်ရင်ညို၏ မျက်လုံးများတွင် နက်ရှိုင်းသော စိုးရိမ်မှုများ ပြည့်နှက်နေပြီး LED အမှတ်ပေးဘုတ်ကို အဆက်မပြတ် ကြည့်ကာ စိတ်ထဲမှ နောက်ပြန် ရေတွက်နေမိသည်။</p> <p style="text-align:justify">၅၈:၃၆</p> <p style="text-align:justify">၅၉:၁၂</p> <p style="text-align:justify">၆၁:၃၄</p> <p style="text-align:justify">ဆာနေးနှင့် ဂန်ဒိုဂန်တို့ ဝင်ရောက်လာသောအခါ မန်စီးတီးက ကစားပွဲ ထိန်းချုပ်မှုကို ပိုမို အားဖြည့်လိုက်လေသည်။</p> <p style="text-align:justify">"မန်ယူတို့ လေးမိနစ်တိတိ ဘောလုံးနဲ့ မထိရသေးဘူးဗျာ... မန်စီးတီးက ခွေးလေး တစ်ကောင်ကို လမ်းလျှောက်ထွက်ခိုင်းနေသလို သူတို့ကို ဟိုဘက်ဒီဘက် အဆက်မပြတ် ပြေးခိုင်းနေတာ..."</p> <p style="text-align:justify">"ကစားသမား အင်အား ပိုသုံးလိုက်တာနဲ့ ပိုကျယ်ဝန်းတဲ့ ဧရိယာကို လွှမ်းခြုံနိုင်မယ်လို့ မန်ယူတို့ ထင်နေတာလား..."</p> <p style="text-align:justify">"ဒီနည်းဗျူဟာက အားနည်းတဲ့ အသင်းတွေအတွက် အလုပ်ဖြစ်ပေမဲ့ မန်စီးတီးအတွက်ကတော့ အဓိပ္ပာယ် မရှိဘူးလေ... ဘာလို့လဲဆိုတော့ သူတို့ ကစားသမား အားလုံးက တိုက်စစ်မှာ ပါဝင်နေလို့ပဲ..."</p> <p style="text-align:justify">"ခင်ဗျားတို့ မြင်တဲ့အတိုင်းပဲ... ဇင်ချန်ကို ကွင်းလယ်အထိ ပြေးတက်လာပြီဗျာ..."</p> <p style="text-align:justify">"မန်ယူ ပရိသတ်တွေ အနေနဲ့ သူတို့အသင်း ဘာအမှားမှ မလုပ်မိဖို့ ဆုတောင်းနေတာ ပိုကောင်းမယ်... မဟုတ်ရင်တော့ မန်စီးတီးရဲ့ ထိုးဖောက် တိုက်ခိုက်မှုတွေနဲ့ ရင်ဆိုင်ရတော့မှာပဲ..."</p> <p style="text-align:justify">ဂျွန်မာဆန် တစ်ယောက် စိတ်လှုပ်ရှားလွန်း၍ ကခုန်နေတော့သည်။ </p> <p style="text-align:justify"> </p> <p style="text-align: center;">***</p>


Save