Book List

<h2 style="text-align: center;">အခန်း (၃၈၄)</h2> <h2 style="text-align: center;">*</h2> <p> </p> <p style="text-align:justify">ပွဲချိန် ၆၃ မိနစ်။</p> <p style="text-align:justify">မန်ယူ၏ ဘယ်နောက်ခံလူ အက်ရှ်လေယန်း တစ်ယောက် ရုပ်ပိုင်းဆိုင်ရာ ပြဿနာများ ကြုံတွေ့နေရသည်ကို ဒီဘရိုင်းက ပါးနပ်စွာ သတိထားမိလိုက်သဖြင့် ထိုဘက်ခြမ်းသို့ တိုက်စစ် ပိုမို ပြုလုပ်ရန် စတင်လိုက်သည်။ </p> <p style="text-align:justify">ဘာနာဒိုဆေးလ်ဗားက ဘောလုံးလက်ခံရရှိသော်လည်း အသင်းဖော်များနှင့် ပူးပေါင်းခြင်း မပြုဘဲ အက်ရှလေယန်းထံသို့သာ တန်းတန်းမတ်မတ် ပြေးဝင်သွားလေသည်။ သူက သူ၏ တစ်ဦးချင်း စွမ်းရည်များကို အသုံးပြုပြီး မန်ယူ၏ ခံစစ်ကို ဖြိုခွဲတော့မည် ဖြစ်သည်။</p> <p style="text-align:justify">ရှုပ်ထွေးသော လှည့်စားမှု သိပ်မများလှပေ။ စည်းချက် ပြောင်းလဲခြင်းနှင့် ရုတ်တရက် ရပ်တန့်ခြင်းများသာ ဖြစ်သည်။</p> <p style="text-align:justify">အက်ရှ်လေယန်းက မက်ဂွိုင်းယားလောက်တော့ မအပါချေ။ သူက စကားတစ်ခွန်းမှ မဟဘဲ ဘာနာဒိုဆေးလ်ဗားဆီသို့ တန်းတန်းမတ်မတ် ဝင်သွားပြီး သူ့ကို ကျော်ဖြတ်ရန် အခွင့်အရေး လုံးဝ မပေးချေ။ </p> <p style="text-align:justify">'အဝါကတ် ပြခံရလည်း ကိစ္စမရှိဘူး... ခဏနေရင် လူစားလဲခံရတော့မှာပဲဟာကို...'</p> <p style="text-align:justify">အဝေးမှ စောင့်ကြည့်နေသော ဆာနေးက စိတ်တိုတိုဖြင့် အော်လိုက်သည်။ "ခဏနေရင် မင်းတို့ကောင်တွေ ငါ့ကို သေချာ ဂရုစိုက်ပေးကြဦး... ငါ နေရာလွတ်ကို ရောက်နေတာတောင် မင်းတို့က ညာတောင်ပံကနေပဲ ဆက်တိုက် တိုက်စစ်ဆင်နေတယ်... အဲဒါက ထိရောက်မှုလည်း မရှိဘဲနဲ့..."</p> <p style="text-align:justify">သူ အလွန် စိုးရိမ်နေပြီ ဖြစ်သည်။ အချိန်သိပ်မကျန်တော့သည် မဟုတ်ပါလား။ </p> <p style="text-align:justify">သူက တစ်ဂိုး နှစ်ဂိုးလောက် သွင်းရုံနှင့် ကျေနပ်မည် မဟုတ်ဘဲ လေးဂိုးလောက် သွင်းချင်နေ၏။ ထိုသို့မှ မဟုတ်လျှင် သူက ချူဖုန်းထက် ပိုသန်မာကြောင်းကို မည်သို့ သက်သေပြနိုင်မည်နည်း။</p> <p style="text-align:justify">"အင်း..." </p> <p style="text-align:justify">ဒီဘရိုင်းနားက သေချာ စဉ်းစားပြီးနောက် သဘောတူညီသည့်အနေဖြင့် ခေါင်းညိတ်လိုက်သည်။ ဆာနေး၏ အကြံပြုချက်က သေချာပေါက် စဉ်းစားသင့်ပေသည်။ </p> <p style="text-align:justify">အဘယ်ကြောင့်ဆိုသော် မန်ယူ၏ ညာနောက်ခံလူ ဝမ်ဘစ်ဆာကာက အတော်လေး ငယ်ရွယ်သေးပြီး အက်ရှ်လေယန်းလောက် ပွဲအတွေ့အကြုံ မရှိသဖြင့် ဖိအားများအောက်တွင် အမှားလုပ်မိရန် လွယ်ကူသောကြောင့် ဖြစ်သည်။ </p> <p style="text-align:justify">ထို့ပြင် ဝမ်ဘစ်ဆာကာက ကြမ်းတမ်းသော ဝင်ရောက်ဖျက်ထုတ်မှုများကို နှစ်သက်တတ်ရာ အနီကတ် ပြခံရရန် အလွန် လွယ်ကူပေသည်။ ထိုအခြေအနေသို့ ရောက်သွားပါက မန်စီးတီးတို့ အောင်ပွဲကို အလွယ်တကူ ရယူနိုင်ပေလိမ့်မည်။</p> <p style="text-align:justify">သို့သော် နောက်ဆက်တွဲ ဖြစ်ပေါ်လာမှုများက အနည်းငယ် မျှော်လင့်မထားသည်များ ဖြစ်ခဲ့သည်။</p> <p style="text-align:justify">ဆာနေးက ဘောလုံးနှင့်အတူ အပြင်ဘက်မှ ဖောက်ထွက်ရန် ကြိုးစားခဲ့သော်လည်း ဝမ်ဘစ်ဆာကာက မယုံနိုင်လောက်အောင် တည်ငြိမ်နေခဲ့ပြီး ဆာနေး၏ အရှိန်ကို လျှော့ချရန် လက်ဆန့်တန်းကာ အရင်ဆုံး တားဆီးလိုက်သည်။ ထို့နောက် သူ၏ နေရာကို ပိတ်ဆို့ကာ အပြင်ဘက်သို့ အဆက်မပြတ် တွန်းထုတ်နေခဲ့သည်။</p> <p style="text-align:justify">ဆာနေး အရှိန်တင်ရန် ပြင်လိုက်စဉ်မှာပင် ဝမ်ဘစ်ဆာကာက ခြေထောက်ကို ဆန့်ထုတ်ကာ ဘောလုံးကို ကွင်းပြင်သို့ ကန်ထုတ်လိုက်လေသည်။</p> <p style="text-align:justify">"အစွန်ခံစစ်ပိုင်းမှာ တကယ့်ကို အတွေ့အကြုံ ရင့်ကျက်လွန်းပါတယ်ဗျာ..."</p> <p style="text-align:justify">"လူငယ်ကစားသမားတွေက ဒီလောက် တည်ငြိမ်တာမျိုး တွေ့ရခဲတယ်... ဝမ်ဘစ်ဆာကာက သိသိသာသာကို တိုးတက်လာတာပဲ..." နဗီးလ်က ချီးကျူးလိုက်သည်။</p> <p style="text-align:justify">ဝမ်ဘစ်ဆာကာက ဆာနေးကို လှောင်ပြောင်လိုက်သည်။ "ငါ့ရဲ့ ပုံမှန် ခံစစ်လေ့ကျင့်ဖော်က ချူဖုန်းကွ... မင်း ငါ့ကို ပေးတဲ့ ဖိအားက သူ့ကို ယှဉ်လိုက်ရင် ပရီးမီးယားလိဂ်နဲ့ ချန်ပီယံရှစ် ကွာသလိုပဲ..."</p> <p style="text-align:justify">သေချာသည်မှာ သူက များစွာ ချဲ့ကားပြောဆိုထားခြင်း ဖြစ်သည်။ သို့သော် လှောင်ပြောင်ရန် ရည်ရွယ်ထားသည် ဖြစ်ရာ ထိရောက်မှု ရှိစေရန် အချက်အလက်များကို ချဲ့ကားရမည် မဟုတ်ပါလား…။</p> <p style="text-align:justify">ဆာနေးက အမြဲတမ်း ဒေါသကြီးတတ်သူ တစ်ဦး ဖြစ်သည်။ ယခု ဝမ်ဘစ်ဆာကာက သူ့အနာကို လာဆွလိုက်သဖြင့် ဆာနေး တစ်ယောက် ချက်ချင်းပင် ဒေါသပေါက်ကွဲသွားတော့သည်။ </p> <p style="text-align:justify">"ငါက သူ့ထက် ဘာများ အားနည်းနေလို့လဲ။ ပြီးတော့ မင်းလို သောက်ချေးကောင် လူမည်းကများ အဲဒီလို လာပြောခွင့် မရှိဘူးကွ..."</p> <p style="text-align:justify">ဝေါင်း...</p> <p style="text-align:justify">လှောင်ပြောင်မှုကနေ ပုဂ္ဂိုလ်ရေး တိုက်ခိုက်မှုအဆင့်သို့ ရောက်သွားသောအခါ ပြဿနာ၏ သဘော သဘာဝက သိသိသာသာ ပြောင်းလဲသွားလေပြီ။</p> <p style="text-align:justify">သူတို့နှစ်ဦး အပြန်အလှန် တွန်းထိုးကြတော့သည်။</p> <p style="text-align:justify">တီ… တီ… တီ…</p> <p style="text-align:justify">စူးရှသော ခရာမှုတ်သံ ချက်ချင်း ထွက်ပေါ်လာပြီး ဒိုင်လူကြီးက ပြဿနာ ပိုမို ကြီးထွားမလာစေရန် တားမြစ်သတိပေးရန် အပြေးရောက်လာသည်။</p> <p style="text-align:justify">"သူ ကျွန်တော့်ကို ချေးလိုကောင် လူမည်းလို့ ခေါ်တယ်ဗျ... ဒါက ဗြောင်ကျကျ လူမျိုးရေးခွဲခြားတာပဲ..." ဝမ်ဘစ်ဆာကာက ဒေါသတကြီး အော်ဟစ်လိုက်သည်။</p> <p style="text-align:justify">ဆာနေးက အခြေအနေ၏ လေးနက်မှုကို နားလည်သွားပြီး ကွင်းထဲတွင် အသံဖမ်းစက်များ မရှိသည် ဖြစ်ရာ ထိုစကားများကို သူ ဘယ်တုန်းကမှ မပြောခဲ့ကြောင်း အခိုင်အမာ ငြင်းဆိုတော့သည်။ သက်သေအထောက်အထား မရှိဘဲနဲ့ အပြစ်ပေးလို့ မရဘူး မဟုတ်ပါလား…။</p> <p style="text-align:justify">ဒိုင်လူကြီး အက်ကင်ဆန်က တင်းမာသော လေသံဖြင့် သတိပေးလိုက်၏။ "မင်းတို့ ပွဲကိုပဲ အာရုံစိုက်တာ ပိုကောင်းမယ်... ထပ်ပြီး စည်းကမ်းဖောက်ရင် ငါ သေချာပေါက် ကတ်ပြမယ်..."</p> <p style="text-align:justify">ချူဖုန်းက ဝမ်ဘစ်ဆာကာ၏ ပခုံးကို ပုတ်ကာ တည်တည်ငြိမ်ငြိမ် နေရန် အကြံပေးလိုက်သည်။ ပွဲကစားနေစဉ် စိတ်ခံစားချက် ရှိနိုင်သော်လည်း အခြေခံ အကျဆုံးသော ဆင်ခြင်တုံတရားများ ပျောက်ဆုံးသွား၍ လုံးဝ မဖြစ်ပေ။ </p> <p style="text-align:justify">ဘယ်သူက ထင်မှာလဲ... ဝမ်ဘစ်ဆာကာက သူ့ကို မျက်စိတစ်ဖက် မှိတ်ပြကာ တီးတိုးဆိုလာ၏။ "အဲဒီ ငတုံးကို ကျွန်တော် တမင် ရန်စလိုက်တာ... ဒါမှ ခဏနေရင် ညာတောင်ပံမှာ ခံစစ်ကစားရတာ အများကြီး ပိုလွယ်သွားမှာလေ..."</p> <p style="text-align:justify">ချူဖုန်း ခေတ္တမျှ ကြက်သေသေသွားပြီးနောက် တိတ်တဆိတ် ပြုံးလိုက်မိသည်။ ဒီကောင်လေးက တော်တော် ပါးနပ်တာပဲ။</p> <p style="text-align:justify">"ဒီလောက်လေးနဲ့တော့ ဆာနေးကို အထင်မသေးလိုက်နဲ့... သူက တကယ်ကို စွမ်းဆောင်ရည် ရှိတယ်... အထူးသဖြင့် အရှိန်ပြင်းပြင်းနဲ့ လူလိမ်ခေါက်တဲ့ နေရာတွေမှာပေါ့..."</p> <p style="text-align:justify">ချူဖုန်းက လေးနက်စွာ သတိပေးလိုက်သည်။</p> <p style="text-align:justify">"စိတ်မပူပါနဲ့... ကျွန်တော် နားလည်ပါတယ်..." ဝမ်ဘစ်ဆာကာက အားတက်သရော ခေါင်းညိတ်ပြလိုက်သည်။</p> <p style="text-align:justify">ပွဲကို ပြန်လည် စတင်လိုက်သည်။ </p> <p style="text-align:justify">ဆာနေး တစ်ယောက် ဝမ်ဘစ်ဆာကာ အပေါ် အငြိုးထားနေပုံရပြီး ဘောလုံးရတိုင်း သူ၏ စွမ်းရည်ကို သက်သေပြရန်အတွက် ခံစစ်ကို ဖောက်ထွက်ရန်သာ ကြိုးစားနေတော့သည်။</p> <p style="text-align:justify">ဝမ်ဘစ်ဆာကာနှင့် ဟာရဲရားတို့က ကြိုတင် ပြင်ဆင်ထားကြပြီး အချင်းချင်း ၆၀ ဒီဂရီ ထောင့်မှ နေရာ ယူထားကာ ရှေ့သို့ တက်မည့်လမ်းနှင့် အလယ်သို့ ချိုးဝင်မည့် လမ်းကြောင်းများကို ထိရောက်စွာ ပိတ်ဆို့ထားလိုက်ကြသည်။ ထို့ကြောင့် ဆာနေးက ဝမ်ဘစ်ဆာကာကို ကျော်ဖြတ်နိုင်ခဲ့လျှင်တောင် ဟာရဲရားက အကာအကွယ်ပေးရန် အသင့်ရှိနေမည် ဖြစ်သည်။</p> <p style="text-align:justify">"သူက ပွဲမတိုင်ခင်က ချမှတ်ထားတဲ့ နည်းဗျူဟာတွေကို လုံးဝ မေ့သွားပြီး သူတစ်ယောက်တည်း တိုက်စစ်ဆင်ဖို့ကိုပဲ ဂရုစိုက်နေတော့တယ်... အဲဒီလိုဆိုရင် ငါတို့ ဘောလုံးပိုင်ဆိုင်မှု ကစားကွက် ကစားနေတာ ဘာအဓိပ္ပာယ် ရှိတော့မှာလဲ..."</p> <p style="text-align:justify">ဂွါဒီယိုလာက ရေသန့်ဘူးကို ပြင်းပြင်းထန်ထန် ပေါက်ချလိုက်ရာ ရေများ အပြင်သို့ စင်ထွက်သွားလေသည်။ ထိုဖြစ်ရပ်ကို ကြည့်ခြင်းဖြင့် သူ အလွန် ဒေါသထွက်နေကြောင်း သိနိုင်ပေသည်။ </p> <p style="text-align:justify">မည်သို့ပင်ဆိုစေ သူ၏ ယခင် အစီအစဉ်က ပွဲချိန် ၆၀ မှ ၇၀ မိနစ် အတွင်း နောက်ထပ် တစ်ဂိုး ထပ်သွင်းပြီး မော်ရင်ညို၏ အခြေအနေကို ပြန်လည် ထိန်းချုပ်နိုင်မည့် မျှော်လင့်ချက်များကို လုံးဝ ဖျက်ဆီးပစ်ရန် ဖြစ်သည်။ </p> <p style="text-align:justify">သို့သော် သောက်ရူး ဆာနေးက မန်ယူအတွက် အခက်ခဲဆုံး အချိန်ကာလကို ကျော်ဖြတ်နိုင်ရန် ကူညီပေးလိုက်သကဲ့သို့ ဖြစ်သွားခဲ့ချေပြီ။</p> <p style="text-align:justify">ဘောလုံး အသေဖြစ်သွားသည့် အချိန်တွင် ဂွါဒီယိုလာက ဆာနေးကို ကွင်းဘေးသို့ ခေါ်ကာ ဟိန်းဟောက်လိုက်သည်။ "မင်း နောက်တစ်ခါ အဲဒီလို ကစားရဲ ကစားကြည့်... အခုချိန်ကစပြီး အရန်ခုံမှာ သွားထိုင်နေရမယ်..."</p> <p style="text-align:justify">ထိုအခါမှ ဆာနေး တစ်ယောက် အိပ်မက်မှ လန့်နိုးသွားသကဲ့သို့ အလျင်အမြန် ခေါင်းညိတ် သဘောတူလိုက်ရသည်။ မန်စီးတီးတွင် ဘယ်တောင်ပံ ကစားသမား တစ်ယောက်မက ရှိပြီး သူက ပွဲထွက်ခွင့် သေချာရန်အတွက် အလှမ်းဝေးနေဆဲပင်…။ ဂွါဒီယိုလာက ကြင်နာတတ်ပုံပေါ်သော်လည်း ကစားသမား တစ်ယောက်ကို လက်မလွှတ်မီ သတိပေးချက် ပေးလေ့ သိပ်မရှိချေ။</p> <p style="text-align:justify">"ဒုတိယပိုင်း ပွဲချိန် ၆၇ မိနစ်မှာတော့ မန်ယူတို့ နောက်ဆုံးတော့ အပြောင်းအလဲ လုပ်လာပါပြီဗျာ... လူစားလဲခွင့် သုံးကြိမ်လုံးကို တစ်ပြိုင်နက်တည်း အသုံးပြုသွားတာပါ..."</p> <p style="text-align:justify">"အက်ရှလေယန်း နေရာမှာ လုခ်ရှော... မာတစ် နေရာမှာ မက်တော်မီနေး... ပေါ့ဘာ နေရာမှာ ရက်ရှ်ဖို့ဒ် ဝင်လာပါပြီ..."</p> <p style="text-align:justify">"မော်ရင်ညိုရဲ့ ရည်ရွယ်ချက်ကို ကျွန်တော် ရုတ်တရက် နားမလည်နိုင်တော့ဘူးဗျာ..."</p> <p style="text-align:justify">နဗီးလ် လုံးဝကို အံ့အားသင့်သွားသည်။ </p> <p style="text-align:justify">အဝေးမှ စောင့်ကြည့်နေသော ဖာဂူဆန်က ခံစားချက်ဖြင့် မှတ်ချက်ပေးလိုက်သည်။ "ဟိုဆေးက လက်တွေ့ကျတဲ့ ခံစစ်ကိုပဲ ပိုသဘောကျတယ်လို့ လူတွေက အမြဲ ပြောကြတယ်... ဒါပေမဲ့ တကယ့် တကယ်ကျတော့ သူ့ရဲ့ နှလုံးသားက တော်တော်လေး ရူးသွပ်တယ်ကွ... အင်တာမီလန်ရဲ့ ၂-၃-၅ တိုက်စစ် ကစားကွက်ကို မင်း မှတ်မိသေးလား..."</p> <p style="text-align:justify">ဆိုးလ်ရှားက သေချာ ပြန်လည် တွေးတောလိုက်သည်။ </p> <p style="text-align:justify">မော်ရင်ညိုရဲ့ ၄-၃-၃ ကစားကွက်...</p> <p style="text-align:justify">မော်ရင်ညိုက ချယ်လ်ဆီးကို ပရီးမီးယားလိဂ်၌ ဗိုလ်စွဲအောင်၊ အင်တာမီလန်ကို ပထမဆုံးအကြိမ် ဖလားသုံးလုံး ရအောင် ထိုကစားကွက်ကို အသုံးပြုပြီး ဦးဆောင်ခဲ့ခြင်း ဖြစ်သည်။ </p> <p style="text-align:justify">ဂွါဒီယိုလာ၏ ၄-၃-၃ က ဘောလုံးပေးပို့ခြင်းနှင့် ထိန်းချုပ်ခြင်းကို အဓိကထားလျှင် မော်ရင်ညို၏ ၄-၃-၃က ခံစစ်ရော တိုက်စစ်ပါ အစွန်းရောက်သော ကစားဟန် ဖြစ်သည်။ </p> <p style="text-align:justify">"သူက ဖိအားပေးတဲ့ စနစ်ကို စွန့်လွှတ်လိုက်တာလား..." ဆိုးလ်ရှား အနည်းငယ် နားမလည်နိုင် ဖြစ်သွားသည်။</p> <p style="text-align:justify">"မင်း ဆက်ကြည့်နေလိုက်... ပြီးရင် နားလည်သွားလိမ့်မယ်..." ဖာဂူဆန်က ပြုံးကာ ပြောလိုက်သည်။</p> <p style="text-align:justify">ဥရောပ ဘောလုံးလောကတွင် တိုက်စစ် အကောင်းဆုံးအသင်း ဖြစ်သော မန်စီးတီးနှင့် ထိပ်တိုက် ရင်ဆိုင်ချင်လောက်အောင် မော်ရင်ညို တစ်ယောက် ဤမျှအထိ ရူးသွပ်နေလိမ့်မည်ဟု သူ မမျှော်လင့်ထားခဲ့ပေ။</p> <p style="text-align:justify">ဒုတိယပိုင်း ပွဲချိန် ၇၁ မိနစ်။</p> <p style="text-align:justify">ကန်တေနှင့် မက်တော်မီနေးတို့က ခံစစ်ကို ကူညီပေးရာ ဒီဘရိုင်းနား တစ်ယောက် အသင်းဖော်ထံ နောက်ပြန်ပေးလိုက်ရသည်။</p> <p style="text-align:justify">ချူဖုန်းက ဂန်ဒိုဂန်ထံသို့ ပြင်းပြင်းထန်ထန် ခုန်ဝင်သွားလေသည်။</p> <p style="text-align:justify">မန်စီးတီး၏ အကြီးမားဆုံး အားနည်းချက်က ကွင်းလယ်ခံစစ် ဖြစ်ပြီး ဖာနန်ဒင်ဟိုရော ဂန်ဒိုဂန်ပါ လုံလောက်သော ခံစစ်စွမ်းအားကို မပေးစွမ်းနိုင်ကြပေ။ </p> <p style="text-align:justify">ပွဲမစမီက ချူဖုန်း ပြောခဲ့သော စကားများက ဤအခိုက်အတန့်တွင် အမှန်တကယ် ဖြစ်လာခဲ့ချေပြီ။</p> <p style="text-align:justify">ပြင်းထန်သော ရုပ်ပိုင်းဆိုင်ရာ ထိတွေ့မှုများ ကြားတွင် ဂန်ဒိုဂန်၏ ပေးပို့မှုက လမ်းကြောင်းလွဲသွားပြီး ဝမ်ဘစ်ဆာကာ၏ ကြားဖြတ် လုယူခြင်းကို ခံလိုက်ရသည်။ သူက ဆာနေး၏ ဝင်ရောက် လုယူမှုကို ရှောင်တိမ်းကာ ဟာရဲရားထံသို့ ကြိုတင်၍ ဘောလုံး ပေးပို့လိုက်သည်။</p> <p style="text-align:justify">၄-၃-၃ ကစားကွက် အောင်မြင်ရန်အတွက် ထိပ်တန်း ကစားသမားများ အထူးသဖြင့် ဗဟိုတိုက်စစ်မှူး တစ်ဦးက မရှိမဖြစ် လိုအပ်သည်။ အဘယ်ကြောင့်ဆိုသော် ဗဟိုတိုက်စစ်မှူးက တိုက်စစ်တွင် ပိုမို တာဝန်ယူရပြီး ဘောလုံးကို အဆက်မပြတ် လက်ခံရယူကာ တောင်ပံရှိ အသင်းဖော်များ၏ တိုက်စစ်ကို ပံ့ပိုးပေးရပြီး ပြိုင်ဘက်၏ ခံစစ်ကို တစ်ယောက်တည်း တိုက်ခိုက်ရသောကြောင့် ဖြစ်သည်။ </p> <p style="text-align:justify">ချယ်လ်ဆီး၊ အင်တာမီလန်တို့နှင့် ယှဉ်လျှင် မန်ယူ၏ အခြေခံ ဖွဲ့စည်းပုံက အဆင့်မီမှု မရှိသေးဘဲ အထူးသဖြင့် အစွန် နောက်ခံလူ နှစ်ဦး နေရာတွင် ပို၍ သိသာသည်။ ထို့ကြောင့် ချူဖုန်းက ခံစစ်ကစားသမားများကို ပိုမို ဆွဲဆောင်ထားရန် လိုအပ်ပေသည်။</p> <p style="text-align:justify">သူက ဂန်ဒိုဂန်၏ နောက်သို့ ရွေ့လျားသွားကာ အသင်းဖော်များကို အချိန်မရွေး ကူညီပေးရန် အသင့်ပြင်ထားလိုက်သည်။ ချက်ချင်းဆိုသလိုပင် ကစားသမား သုံးဦးက သူတို့၏ အာရုံကို သူ့ထံသို့ စုစိုက်လိုက်ကြသည်။</p> <p style="text-align:justify"> </p> <p style="text-align: center;">***</p>


Save