Book List

<h2 style="text-align: center;">အခန်း (၃၈၉)</h2> <h2 style="text-align: center;">*</h2> <p> </p> <p style="text-align:justify">မြူးနစ် လေယာဉ်ပျက်ကျမှု၊ ဘတ်စ်ဘီ၏ ကလေးများ ၊ ၉၂ ရွှေရောင် မျိုးဆက်…။</p> <p style="text-align:justify">မန်ယူတွင် ပြိုင်ဘက်ကင်းသော စိတ်ပိုင်းဆိုင်ရာ ပိုင်ဆိုင်မှု အမွေအနှစ်များ အများအပြား ရှိပြီး ထိုမျှ ခက်ခဲ ကြမ်းတမ်းသော အတွေ့အကြုံများကပင် သရဲနီ စိတ်ဓာတ်ကို မွေးဖွားပေးခဲ့ခြင်း ဖြစ်သည်။ </p> <p style="text-align:justify">ရူးသွပ်စွာ အောင်ပွဲခံနေကြသော မန်ယူ ကစားသမားများ၏ နောက်ကွယ်တွင် စိတ်ပျက်အားငယ်မှုများ ဝန်းရံနေသည့် မန်စီးတီး ကစားသမားများ ရှိနေသည်။ </p> <p style="text-align:justify">ဒီဘရိုင်းက တိတ်တဆိတ် သက်ပြင်းချလိုက်သည်။ </p> <p style="text-align:justify">မန်စီးတီးတို့ ခံစစ်ကစားရန် နောက်ဆုတ်သွားချိန်ကတည်းက တစ်ခုခု မှားနေပြီဟု သူ ခံစားမိခဲ့သည်။ မန်စီးတီး၏ လူစာရင်းက ဘောလုံးပေးပို့ခြင်းနှင့် ပိုင်ဆိုင်ခြင်းကိုသာ အသားပေးပြီး ဘတ်စ်ကား ပိတ်ရပ်သည့် ကစားကွက်မျိုးတွင် မကျွမ်းကျင်ပေ။ </p> <p style="text-align:justify">ထို့ပြင် ကစားသမားများ၏ ပျမ်းမျှ အရပ်အမောင်းက မန်ယူလောက် မကောင်းသဖြင့် လေကြောင်းဘော ယှဉ်လုရာတွင် သဘာဝကျကျ အားနည်းနေခဲ့သည်။ မကြာခဏ တိုက်စစ် ဆင်ခဲ့ရသဖြင့် အစွန်ခံစစ် ကစားသမား နှစ်ဦးစလုံးမှာ ရုပ်ပိုင်းဆိုင်ရာ ကြံ့ခိုင်မှု သိသိသာသာ ကျဆင်းနေခဲ့ပြီ ဖြစ်သည်။ </p> <p style="text-align:justify">တိုတောင်းလှသော ခုနစ်မိနစ်အတွင်း မန်ယူတို့ ဖြတ်တင်ဘော ဘယ်နှကြိမ်လောက် ပေးပို့ခဲ့သနည်း။ လက်နှစ်ဖက်ဖြင့် ရေ၍ပင် ရမည် မဟုတ်ချေ။</p> <p style="text-align:justify">ပို၍ စိုးရိမ်စရာကောင်းသည်မှာ မန်ယူတို့ ပွဲစဉ်နှစ်ခုလုံးတွင် အမှတ်ရယူနိုင်ခဲ့သော်လည်း မန်စီးတီးက သူတို့၏ နည်းဗျူဟာကို မပြောင်းလဲခဲ့ခြင်းပင်။ အကယ်၍သာ သူတို့ မန်ယူကို ဆက်လက် တိုက်စစ်ဆင်ပြီး တိုက်စစ်ဇုန် အပြင်ဘက်တွင်သာ ခြိမ်းခြောက်မှုများကို ထိန်းချုပ်ထားနိုင်ခဲ့မည် ဆိုပါက ရလဒ်က လုံးဝ ကွာခြားသွားပေလိမ့်မည်။</p> <p style="text-align:justify">ဒါက နည်းဗျူဟာပိုင်းဆိုင်ရာ လုံးဝ မှားယွင်းမှု တစ်ခုပင်။ </p> <p style="text-align:justify">ဒါပေမဲ့ ပြန်တွေးကြည့်ရင် သရေကျရုံနဲ့ ချန်ပီယံဆုကို ထိန်းထားနိုင်မှာဆိုတော့ ဘယ်သူမဆို ခံစစ် ကစားဖို့ပဲ ရွေးချယ်ကြမှာပေါ့။ </p> <p style="text-align:justify">ဒီဘရိုင်းက အဖြေကို မသိသဖြင့် နေရာတွင်ပင် တိတ်ဆိတ်စွာ ရပ်နေလိုက်သည်။ အားပေးစကား တစ်ခုခု မပြောချင်၍ မဟုတ်ပေ။ သူက သဘာဝအရ အရှက်အကြောက်ကြီးပြီး ရင်ထဲက ရှိတာကို ဖွင့်ထုတ်ပြောပြဖို့ မတတ်နိုင်လို့သာ ဖြစ်သည်။ </p> <p style="text-align:justify">နောက်ဆုံးတွင် ဒေးဗစ်ဆေးလ်ဗားက ရှေ့သို့ ထွက်လာပြီး အမှတ်ပေးဘုတ် ပွဲကြည့်စင်ရှိ မျက်နှာပြင်ကြီးကို လက်ညှိုးထိုးပြလိုက်သည်။ </p> <p style="text-align:justify">"လူတိုင်းမှာ အိမ်မက်တွေ ရှိကြတယ်... ဒါပေမဲ့ လူတိုင်းကတော့ သူတို့ရဲ့ အိမ်မက်တွေကို အကောင်အထည် မဖော်နိုင်ကြပါဘူး... ပြီးတော့ လူအများစုက သူတို့ရဲ့ အိမ်မက်တွေကို တကယ်တမ်း မရရှိနိုင်ကြဘူး... အိမ်မက်တွေကို အကောင်အထည် ဖော်နိုင်ခဲ့သူတွေ ဖြစ်စေ၊ အိမ်မက် တံခါးဝ ရောက်တဲ့အထိ ကြိုးစားခဲ့ကြသူတွေ ဖြစ်စေ... သူတို့က အိမ်မက် တံခါးဝမှာတင် လဲကျသွားတာမျိုးလည်း ဖြစ်နိုင်တယ်... ဒါပေမဲ့ သူတို့အားလုံးက အစွမ်းကုန် ကြိုးစားခဲ့ကြတာပဲလေ... နောက်ဆုံး ရလဒ်က ဘယ်လိုပဲဖြစ်ဖြစ်... အခု မိနစ် အနည်းငယ်ပဲ ကျန်တော့တာ... လူတိုင်း ဘဝမှာ နောင်တရစရာတွေ မဖြစ်အောင် အစွမ်းကုန် ကြိုးစားသွားကြပါလို့ ငါ မျှော်လင့်တယ်..."</p> <p style="text-align:justify">အခွင့်အရေး အလွန်နည်းပါးနေပြီဆိုတာ ဒေးဗစ်ဆေးလ်ဗား သိသော်လည်း ပွဲရလဒ်ထက် ပြိုင်ဘက် မန်ယူအသင်းလို မန်စီးတီး ကစားသမားတွေလည်း အရှုံးမပေးကြဖို့ သူ ပိုမို မျှော်လင့်မိသည်။ အဘယ်ကြောင့်ဆိုသော် ပရော်ဖက်ရှင်နယ် ကစားသမား တစ်ယောက်သည် သူ၏ ဘဝ တစ်သက်တာတွင် ပွဲပေါင်း ရာချီ၊ ထောင်ချီ ကစားရမည် ဖြစ်ပြီး ပွဲတိုင်း ချောမွေ့နေရန် မဖြစ်နိုင်ကြောင်း လက်ခံထားသောကြောင့်ပင်…။</p> <p style="text-align:justify">"လာစမ်းပါကွာ..." ဝေါ်ကာကလည်း ကျယ်လောင်စွာ အော်ဟစ်လိုက်သည်။ </p> <p style="text-align:justify">သူ မန်ယူကို အကြိမ်ကြိမ် ရှုံးနိမ့်နေရသည်ကို လုံလောက်နေပြီ ဖြစ်ပြီး ထပ်မံ လှောင်ပြောင် မခံရလိုတော့ပေ။</p> <p style="text-align:justify">ပွဲကို ပြန်လည် စတင်လိုက်သည်။ </p> <p style="text-align:justify">မန်စီးတီးက အရှုံးမပေးဘဲ မန်ယူအပေါ် အညှာအတာမဲ့ တိုက်စစ်ဆင်လာကြသည်။ သူတို့က အသေအလဲ တိုက်စစ်ဆင်လာပြီး ယခင်က မန်ယူ၏ ပြင်းထန်မှုထက် လျော့မနေပေ။ </p> <p style="text-align:justify">သို့သော် မန်ယူက ဘာနဲ့ နာမည်ကြီးသလဲ။ </p> <p style="text-align:justify">EQ မြင့်မြင့် ပြောရရင် - ခံစစ်ကနေ တန်ပြန်တိုက်စစ် ဆင်တာပေါ့...။</p> <p style="text-align:justify">EQ နိမ့်နိမ့် ပြောရရင် - ရိုင်းရိုင်းစိုင်းစိုင်းကြီး ဘတ်စ်ကား ပိတ်ရပ်တာလေ...။</p> <p style="text-align:justify">အသင်းနှစ်သင်းစလုံး၏ ရုပ်ပိုင်းဆိုင်ရာ အခြေအနေ သိသိသာသာ ကျဆင်းနေချိန်တွင် ဘတ်စ်ကား ပိတ်ရပ်သော ခံစစ်စနစ်က ပိုမို ထိရောက်လာပြီး မန်စီးတီး၏ တိုက်စစ်များ ဖောက်ထွက်နိုင်ရန် ခက်ခဲသွားလေသည်။ ထို့ကြောင့် အဝေးကန်ချက်များ၊ ဖြတ်တင်ဘောများနှင့် လေကြောင်း ယှဉ်လုမှုများ စတင်လာတော့သည်။ </p> <p style="text-align:justify">ဒီဂီယာနှင့် မက်ဂွိုင်းယားတို့က စစ်သည်တော်များအဖြစ် ပြောင်းလဲသွားပြီး ကျောက်ဆောင်ပမာ ခိုင်မာသော ခံစစ်ဖြင့် မန်စီးတီး၏ တိုက်စစ်များကို ဖျက်ဆီးပစ်လိုက်ကြသည်။ </p> <p style="text-align:justify">ဤအချိန်တွင် ကွင်းဘေး၌…</p> <p style="text-align:justify">ဂွါဒီယိုလာက နည်းပြခုံတန်းတွင် ထိုင်နေပြီး သူ၏ မုတ်ဆိတ်ဖြူများက အနည်းငယ် တုန်ယင်နေ၏။ မော်ရင်ညို၏ စရိုက်အရ သူ့ကို နောက်ထပ် အခွင့်အရေး လုံးဝ ပေးတော့မည် မဟုတ်ကြောင်း သူ ကောင်းကောင်း သိသည်။ </p> <p style="text-align:justify">လွန်ခဲ့သော နှစ်များစွာက ဘာစီလိုနာအသင်း အကောင်းဆုံး အချိန်ကာလမှာတောင် အင်တာမီလန်က ဘတ်စ်ကား ပိတ်ရပ်ပြီး အသေအလဲ ခံစစ်ကစားနိုင်ခဲ့သေးသည်။ အခုဆိုရင် ပြောနေစရာတောင် လိုသေးလို့လား။</p> <p style="text-align:justify">ဂွါဒီယိုလာက ရှုံးနိမ့်ရခြင်း အကြောင်းရင်းများကို ပြန်လည် သုံးသပ်နေမိသည်။ တကယ်တမ်း မန်စီးတီး ကစားသမားများက အစွမ်းကုန် ကြိုးစားခဲ့ကြပြီး ပွဲမတိုင်မီက နည်းဗျူဟာများကို ပြီးပြည့်စုံစွာ အကောင်အထည် ဖော်နိုင်ခဲ့သလို သူတို့၏ တစ်ဦးချင်း စွမ်းဆောင်ရည်များကလည်း ပြဿနာ မရှိခဲ့ပေ။ </p> <p style="text-align:justify">"ဘော့စ်... ကျွန်တော် သဘောမကျဘူးဗျာ..." အာတီတာက အသံတုန်တုန်ဖြင့် ပြောလိုက်သည်။ </p> <p style="text-align:justify">မန်စီးတီး၏ လက်ထောက်နည်းပြ တစ်ဦးအနေဖြင့် လိဂ်ချန်ပီယံဆု ရရန်အတွက် လူတိုင်း မည်မျှ ကြိုးစားအားထုတ်ခဲ့ရကြောင်း သူ အသိဆုံးပင်။ ကြိုးစားသူတိုင်း အခုလို စိတ်ပျက်စရာများနှင့် မကြုံတွေ့သင့်ဘူး မဟုတ်ပါလား…။</p> <p style="text-align:justify">"ငါတို့ လုပ်နိုင်တာ အကုန် လုပ်ခဲ့ပြီးပြီ... ဒါပေမဲ့ ဒီညတော့ ကံကြမ္မာက ငါတို့ကို မျက်နှာသာ မပေးခဲ့ဘူး... ဒါပေမဲ့ နောက်တစ်ကြိမ်မှာတော့ ကံကောင်းတဲ့သူတွေ ဖြစ်လာနိုင်ပါတယ်..." ဂွါဒီယိုလာက အဓိပ္ပာယ်ပါပါ ပြောလိုက်သည်။ </p> <p style="text-align:justify">ပျော်ရွှင်မှုပြီးရင် ဝမ်းနည်းမှုဆိုတာ အမြဲတမ်း လိုက်လာတတ်စမြဲမို့ အရမ်း စိတ်ဓာတ်ကျနေစရာ မလိုပါဘူး။ လုပ်နိုင်တာ အကုန် လုပ်ခဲ့ပြီးပြီဆိုတော့ အနာဂတ်က သေချာပေါက် တောက်ပနေမှာပါ။</p> <p style="text-align:justify">ဘေးဘက် ညွှန်ကြားရေး ဧရိယာတွင် ရပ်နေသော မော်ရင်ညို၏ အိတ်ကပ်ထဲမှ လက်များမှာ အဆက်မပြတ် တုန်ယင်နေ၏။ သူက နိုင်ပွဲရာခိုင်နှုန်း ၆၃.၆၈% ဖြင့် ပွဲပေါင်း ၉၇၈ ပွဲကို ကိုင်တွယ်ခဲ့ပြီး မယုံနိုင်လောက်စရာ အခြေအနေများကို ပြောင်းပြန်လှန်နိုင်ခဲ့သည့် ပွဲများစွာ ပါဝင်သော်လည်း ယနေ့ပွဲကတော့ အားလုံးထဲတွင် အထူးခြားဆုံး ဟုပင် ဆိုနိုင်လောက်ပေသည်။</p> <p style="text-align:justify">"နောက် သုံးရက်နေရင် ကစားရမှာ ချယ်လ်ဆီးနဲ့ပွဲ မဟုတ်လား..." မော်ရင်ညိုက သူ၏ စိတ်လှုပ်ရှားမှုကို မနည်း ဖိနှိပ်ကာ တုန်ယင်နေသော လေသံဖြင့် မေးလိုက်သည်။ </p> <p style="text-align:justify">ထိုစကားကို ကြားသောအခါ အပျော်လွန်နေဆဲဖြစ်သော ဖာရီယာ တစ်ယောက် ခေတ္တမျှ ကြောင်သွားပြီး "ဟမ်... အော်... ဟုတ်တယ်... ချယ်လ်ဆီးနဲ့ ကစားရမှာ... အဲဒီနောက် ချန်ပီယံလိဂ် ဆီမီးဖိုင်နယ်... အရင်ဆုံး လီဗာပူးနဲ့ အိမ်ကွင်းမှာ ကစားရမယ်..." ဟု ပြန်ဖြေလိုက်သည်။</p> <p style="text-align:justify">မော်ရင်ညိုက အလွန် ပရော်ဖက်ရှင်နယ် ဆန်ကြောင်း လူတိုင်း သိကြသည်။ သူက ပွဲစဉ်ဇယားများကို ကြိုတင် အလွတ်ကျက်ထားတတ်သူ ဖြစ်ရာ ယခုကျမှ ဘယ်လိုလုပ် မေ့သွားရသနည်း…။</p> <p style="text-align:justify">ဖာရီယာက စိတ်ထဲမှ တွေးလိုက်မိသည်။ 'ဘော့စ်က အသက်ကြီးလာလေ၊ ပိုပြီး ကြွားလုံး ထုတ်ချင်လာလေ ဖြစ်လာမယ်လို့ ငါ လုံးဝ မထင်ထားခဲ့ဘူး... လွန်ခဲ့တဲ့ ဆယ်နှစ်က ဘော့စ်သာဆိုရင် အခုချိန် ကွင်းထဲမှာ ရူးသွပ်နေသလို ပတ်ပြေးနေလောက်ပြီ...'</p> <p style="text-align:justify">တစ်ချိန်တည်းမှာပင်… </p> <p style="text-align:justify">ချူဖုန်းက မန်စီးတီး၏ ထောင့်ကန်ဘောကို ပင်နယ်တီဧရိယာ အပြင်ဘက်သို့ ခေါင်းတိုက် ရှင်းထုတ်လိုက်သည်။</p> <p style="text-align:justify">တီ… တီ… တီ…</p> <p style="text-align:justify">စူးရှသော ခရာမှုတ်သံနှင့်အတူ ပွဲက အဆုံးသတ်သွားလေပြီ။</p> <p style="text-align:justify">ဝေါင်း...</p> <p style="text-align:justify">အိုးထရက်ဖို့ဒ်ကွင်းကြီး တစ်ခုလုံး ရူးသွပ်စွာ ပေါက်ကွဲထွက်လာပြီး ကောင်းကင်ယံအထိ ထိုးဖောက်သွားလောက်အောင် ကျယ်လောင်သော အားပေးသံကြီးများနှင့်အတူ ပွဲကြည့်စင် သုံးခုလုံးက အနီရောင် ပင်လယ်ပြင်ကြီးအလား ဖြစ်သွားတော့သည်။ မန်ယူ ပရိသတ်များက လုံးဝ သူစိမ်းတွေ ဖြစ်နေလင့်ကစား စိတ်လှုပ်ရှားစွာဖြင့် အချင်းချင်း လက်ဝါးချင်း ရိုက်ကာ ပွေ့ဖက် အောင်ပွဲခံနေကြသည်။ </p> <p style="text-align:justify">ဤပွဲက မန်ယူသမိုင်းတစ်လျှောက် အကောင်းဆုံး ထိပ်တန်း ၃ ပွဲ စာရင်းဝင်သည်မှာ သေချာလှသည်။ ၎င်း၏ မယုံနိုင်လောက်စရာ ဖြစ်ရပ်များကြောင့် ၁၉၉၉ ခုနှစ် ချန်ပီယံလိဂ် ဗိုလ်လုပွဲ တစ်ပွဲတည်းကသာ ယနေ့ ခြေစွမ်းထက် ပိုမို သာလွန်နိုင်ပေလိမ့်မည်။</p> <p style="text-align:justify"> </p> <p style="text-align: center;">***</p>


Save