Book List

<h2 style="text-align: center;">အခန်း (၃၉၃)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p style="text-align:justify">“တစ်သင်းက လိဂ်ချန်ပီယံဆု အတွက် ကြိုးပမ်းနေတဲ့ ခရီးလမ်းမှာ တစ်ပွဲမှ ရှုံးလို့ မဖြစ်တဲ့ မန်ယူ... နောက်တစ်သင်းက ဥရောပပြိုင်ပွဲ ဝင်ခွင့်အတွက် လိဂ်ရဲ့ ထိပ်ဆုံး ၆ သင်း စာရင်းမှာ ပါဝင်ဖို့ တိုက်ပွဲဝင်နေတဲ့ ချယ်လ်ဆီး...”</p> <p style="text-align:justify">“ပွဲထွက် လူစာရင်းနဲ့ ပတ်သက်ပြီး ပြောရရင်... ချယ်လ်ဆီးက ယူရိုပါလိဂ် ပွဲစဉ်မှာ အဓိက ကစားသမား တချို့ကို အနားပေးခဲ့ပြီး ဒီနေ့ပွဲအတွက် သိမ်းထားခဲ့တယ်...”</p> <p style="text-align:justify">“မန်ယူ အနေနဲ့ကတော့ မန်စီးတီးနဲ့ အရေးပါတဲ့ ပွဲစဉ်ကို ကစားပြီးခါစပဲ ရှိသေးတယ်... ပြီးတော့ သုံးရက်တည်းနဲ့ သူတို့ရဲ့ အကောင်းဆုံး ပုံစံကို ပြန်ရဖို့ ဆိုတာ မဖြစ်နိုင်ပါဘူး...”</p> <p style="text-align:justify">“ဒါကြောင့် ကစားသမားတွေရဲ့ ရုပ်ပိုင်းဆိုင်ရာ အခြေအနေ အရ ကြည့်ရင် ချယ်လ်ဆီးက အနည်းငယ် အသာစီး ရနေပါတယ်...”</p> <p style="text-align:justify">“ဒါပေမဲ့... ချယ်လ်ဆီးက မကြာသေးခင်ကမှ အတွင်းရေး ပြဿနာတွေ မကြာခဏ ကြုံတွေ့နေရတယ်... ကစားသမား အများအပြားက စာချုပ်သက်တမ်းတိုးဖို့ ငြင်းဆန်နေကြတယ်... နည်းပြ ဆာရီကို ထုတ်ပယ်လိုက်တာနဲ့ပါ ပေါင်းလိုက်တော့ ချယ်လ်ဆီးရဲ့ စွမ်းဆောင်ရည်က ဆက်တိုက် ထိုးကျနေတာပါပဲ...”</p> <p style="text-align:justify">နဗီးလ် အနေဖြင့် မည်သို့ပင်ဆိုစေ မန်ယူက ပွဲကို အနိုင်ရမည်ဟု အလွန် မျှော်လင့်ထားဆဲပင်။ </p> <p style="text-align:justify">ဝေဖန်ရေးဆရာများ၏ ဘေးတွင် ထိုင်နေသော ကာရေဂါက ဝင်ပြောလိုက်သည်။ “ဒီနေ့ ကျွန်တော်တို့နဲ့ အတူ လမ်းပတ်လည်း ရှိနေပါတယ်... ချယ်လ်ဆီးရဲ့ တရားဝင် ကြေညာချက်အရ သူက လာမယ့်ရာသီမှာ ချယ်လ်ဆီးရဲ့ နည်းပြ ဖြစ်လာမှာပါ...”</p> <p style="text-align:justify">“ဖရန့်... ဒီနေ့ပွဲနဲ့ ပတ်သက်ပြီး ခင်ဗျား ဘာပြောချင်လဲ...”</p> <p style="text-align:justify">လမ်းပတ်က ကော်လာကို သပ်ရပ်အောင် ပြင်လိုက်ပြီး ကင်မရာကို လက်ပြနှုတ်ဆက်ကာ ပြောလိုက်သည်။ “အသင်းနှစ်သင်း ကြားက ကွာဟချက်ကို ကျွန်တော်တို့ ဝန်ခံရဲဖို့ လိုပါတယ်... ဒါပေမဲ့ ဒါက ချယ်လ်ဆီးမှာ အခွင့်အရေး မရှိဘူးလို့ ဆိုလိုတာ မဟုတ်ပါဘူး... ကိုယ့်ကွင်းဘက်ခြမ်းက နေရာလွတ်တွေကို ပိတ်ဆို့ထားနိုင်ပြီး မန်ယူရဲ့ ကျောနံပါတ် ၇ကို လှုပ်ရှားခွင့် မပေးသရွေ့ အခွင့်အရေး ရှိပါတယ်...”</p> <p style="text-align:justify">လမ်းပတ်က ငါးမိနစ်ခန့် အသံနေအသံထား ကောင်းကောင်းဖြင့် ပြောဆိုသွားလေသည်။</p> <p style="text-align:justify">သူက ချန်ပီယံရှစ် အသင်းများကိုသာ ကိုင်တွယ်ဖူးသော်လည်း သူ့ကိုယ်သူ ကမ္ဘာ့အဆင့်မီ နည်းပြတစ်ဦးဟု ယူဆထား၏။ ထို့ပြင် လမ်းပတ်က ချယ်လ်ဆီးနှင့် သုံးနှစ် စာချုပ် ချုပ်ဆိုထားခြင်း ဖြစ်သည်။</p> <p style="text-align:justify">ဆိုလိုသည်မှာ သူက ကြားဖြတ် နည်းပြ အနေဖြင့် ရောက်လာခြင်း မဟုတ်ဘဲ ချယ်လ်ဆီးကို လမ်းမှန်ပေါ်သို့ ပြန်လည် ရောက်ရှိလာစေရန် ဦးဆောင်မည့်သူ ဖြစ်သည်။</p> <p style="text-align:justify">အေဗရာမိုဗစ်က သူ့ကို ဘာကြောင့် ရွေးချယ်ခဲ့တာလဲ ဆိုတော့...</p> <p style="text-align:justify">ချယ်လ်ဆီး ဂန္ထဝင် တစ်ဦး အနေဖြင့် လမ်းပတ်သည် သူ၏ အတွေ့အကြုံနှင့် သြဇာတိက္ကမကို အသုံးပြု၍ လှိုင်းထန်နေသော အဝတ်လဲခန်းကို ငြိမ်သက်သွားအောင် လုပ်နိုင်လိမ့်မည် ဖြစ်သည်။ ဇီဒန်း ကဲ့သို့ပင် ဖြစ်သည်။ </p> <p style="text-align:justify">“ကောင်းပါပြီ... အခု အသင်းနှစ်သင်းရဲ့ ပွဲထွက် လူစာရင်းကို ကျွန်တော် မိတ်ဆက်ပေးပါ့မယ်...”</p> <p style="text-align:justify">ပွဲက စတင်တော့မည် ဖြစ်ပြီး လမ်းပတ်၏ စကားလည်း ဆုံးသွားပြီ ဖြစ်ရာ နဗီးလ်က အဓိက အကြောင်းအရာဆီသို့ လျင်မြန်စွာ ပြန်လှည့်လာခဲ့သည်။</p> <p style="text-align:justify">“ချယ်လ်ဆီးက ထုံးစံအတိုင်း ၄-၃-၃ ကစားကွက်ကိုပဲ အသုံးပြုလာပါတယ်... ဆာရီက တခြား ကစားကွက်ကို အသုံးပြုမယ့်ပုံ မပေါ်ပါဘူး... ဂိုးသမားက ကီပါပါ...”</p> <p style="text-align:justify">“နောက်တန်းမှာ... မားကို့စ်၊ ခရစ္စတန်ဆန်၊ ရူဒီဂါ၊ အက်စ်ပီလီကွီတာ...”</p> <p style="text-align:justify">“ကွင်းလယ်မှာ... ကိုဗာဆစ်၊ ဂျော်ဂျင်ဟို၊ ဘာကလေ...”</p> <p style="text-align:justify">“တိုက်စစ်မှာ... ဟာဇက်၊ ဟီဂူအင်၊ ဝီလီယံ...”</p> <p style="text-align:justify">“ဆောင်းရာသီ အပြောင်းအရွှေ့မှာ ရောက်လာတဲ့ ကိုဗာဆစ်နဲ့ ဟီဂူအင် နှစ်ယောက်လုံး ပွဲထွက်ခွင့် ရလာပါတယ်... ကိုဗာဆစ်ရဲ့ ချယ်လ်ဆီးက စွမ်းဆောင်ရည်က အတော်လေး အထင်ကြီးစရာ ကောင်းပြီး ဆာရီ ယုံကြည်ရတဲ့ အဓိက ကစားသမား တစ်ယောက် ဖြစ်လာခဲ့ပါတယ်...”</p> <p style="text-align:justify">“နောက်တစ်ယောက်ကတော့ ပရီးမီးယားလိဂ်နဲ့ အသားမကျသေးတဲ့ ပုံပါပဲ... ပြင်းထန်တဲ့ ပွဲစဉ်တွေမှာ အမှားတွေ မကြာခဏ လုပ်တတ်ပြီး အခုဆိုရင် ရှစ်ပွဲဆက်တိုက် ဂိုးပေါက် ပျောက်ဆုံးနေတဲ့ အခြေအနေကို ရောက်နေပါပြီ...”</p> <p style="text-align:justify">“မန်ယူရဲ့ လူစာရင်း ကတော့... မန်စီးတီးနဲ့ ပွဲတုန်းက အတိုင်းပါပဲ... ညာနောက်ခံလူ နေရာမှာ ဗလင်စီယာ ပါလာတာနဲ့ ရက်ရှ်ဖို့ဒ်က တိုက်စစ်တန်းမှာ ချူဖုန်းရဲ့ တွဲဖက် ဖြစ်လာတာကလွဲရင် ကျန်တာ အတူတူပါပဲ...”</p> <p style="text-align:justify">နဗီးလ်က အကျဉ်းချုပ် မိတ်ဆက်ပြီးနောက် စိမ်းလန်းသော ကွင်းပြင်ဆီသို့ အောက်ငုံ့ကြည့်လိုက်သည်။</p> <p style="text-align:justify">“နောက်တန်းမှာ ခံစစ်ကစားတဲ့အခါ သတိထား... မန်ယူရဲ့ ကျောနံပါတ် ၇ ကို ဘောလုံး အလွယ်တကူ လက်ခံခွင့် မပေးနဲ့...” </p> <p style="text-align:justify">အက်စ်ပီလီကွီတာက ရူဒီဂါကို ညွှန်ကြားချက် တချို့ ပေးလိုက်သည်။ </p> <p style="text-align:justify">ရူဒီဂါ၏ မျက်နှာက ချက်ချင်းပင် ရှုံ့မဲ့သွား၏။ ပြီးခဲ့သည့် မန်ယူနှင့် ပွဲစဉ်တွင် သူက မှော်နက်ပညာ တစ်မျိုး ဖြစ်သည့် ချိုင်းနံ့ရှူ ခံစစ်ကို အသုံးပြုခဲ့သည်။ </p> <p style="text-align:justify">သို့သော် ထိုလှည့်ကွက်က ချူဖုန်းအပေါ် သိပ်ပြီး ထိရောက်မှု မရှိခဲ့ပေ။ </p> <p style="text-align:justify">ပထမဆုံးအနေဖြင့် ချူဖုန်း၏ ပေါက်ကွဲအားက ကြောက်စရာ ကောင်းလွန်းသည်။ သူက မျက်တောင် တစ်ခတ်အတွင်းမှာပင် ရူဒီဂါကို ကိုယ်တစ်ဝက်စာ အကွာအဝေး အထိ ဖြတ်ကျော်သွားနိုင်သည်။</p> <p style="text-align:justify">ဒုတိယအနေဖြင့် ချူဖုန်း၏ လိမ်ခေါက်နိုင်စွမ်းက အလွန် သိမ်မွေ့လွန်းသည်။ </p> <p style="text-align:justify">မယုံနိုင်လောက်အောင် ကြောက်မက်ဖွယ် ကောင်းသော ထိုလှည့်စားမှုများကို တွေးမိလိုက်တိုင်း ရူဒီဂါ တစ်ယောက် ကျောချမ်းသွားရလေသည်။</p> <p style="text-align:justify">“ခရစ္စတန်ဆန်... ငါ့ရဲ့ ဘယ်ဘက် အနောက်ကို သတိထားကြည့်ပေး... ငါ ဘယ်ဘက်ကို တမင် ဟထားပေးမယ်... သူ သေချာပေါက် ဖောက်ထွက်ဖို့ ကြိုးစားလိမ့်မယ်...”</p> <p style="text-align:justify">ရူဒီဂါက ဉာဏ်ကောင်းသော အကြံတစ်ခု ရလာခဲ့သည်။ “ဖျက်ထုတ်မယ့် အချိန်ကိုက်လေးသာ လုံလုံလောက်လောက် ကောင်းမယ်ဆိုရင်... ငါတို့ သူ့ဘောလုံးကို သေချာပေါက် ဖြတ်ယူနိုင်မှာပါ...”</p> <p style="text-align:justify">ခရစ္စတန်ဆန်က မှုန်ကုပ်ကုပ် မျက်နှာဖြင့် “အိုကေ...” ဟု တုံ့ပြန်လိုက်သည်။</p> <p style="text-align:justify">သူ့ရဲ့ နာမည်ပြောင်က ဘာလဲ။ လိမ်ညာမှု ဘုရင်ကြီးတဲ့။ </p> <p style="text-align:justify">သူ၏ အကြီးမားဆုံး ပြဿနာမှာ ကစားသမားကို အာရုံမစိုက်ဘဲ ဘောလုံးကိုသာ အာရုံစိုက်လွန်းခြင်းပင်။ ယင်းက သူ့ကို ရူဒီဂါနှင့် ပူးပေါင်း၍ ဘောလုံး ဖြတ်တောက်ရန် ခက်ခဲစေသည်။</p> <p style="text-align:justify">ခရစ္စတန်ဆန် ကိုယ်တိုင်လည်း သေချာ မသိသော်လည်း ထိုအကြံက မဆိုးလှသဖြင့် ရူဒီဂါကို သူ မငြင်းဆန်နိုင်ခဲ့ချေ။</p> <p style="text-align:justify">တစ်ဖက်ရှိ မန်ယူကွင်းဘက်ခြမ်းတွင်…</p> <p style="text-align:justify">ချူဖုန်းက ခရစ္စတန်ဆန် ဘက်သို့ မေးငေါ့ပြကာ “ငါတို့ ချယ်လ်ဆီးရဲ့ ဘယ်ဗဟိုနောက်ခံလူကို ပစ်မှတ်ထားပြီး ဖောက်ထွက်ကြမယ်...”</p> <p style="text-align:justify">“ချူ ပြောတာ မှန်တယ်... အဲဒီကောင်က တော်တော် ညံ့တာ...” ဒေးဗစ်လူးဝစ်က ထောက်ခံလိုက်သည်။ </p> <p style="text-align:justify">သူသာ ကွန်တီနှင့် ပြဿနာ မတက်ခဲ့လျှင် ခရစ္စတန်ဆန် တစ်ယောက် ပွဲထွက်ခွင့် ရလာမည် မဟုတ်ပေ။</p> <p style="text-align:justify">တီ…</p> <p style="text-align:justify">အသင်းနှစ်သင်းလုံး အသင့်ဖြစ်သွားသောအခါ ဒိုင်လူကြီးက ပွဲစတင်ရန် ခရာမှုတ်လိုက်လေပြီ။</p> <p style="text-align:justify">ချယ်လ်ဆီးတို့ ဘောလုံး စတင် ပိုင်ဆိုင်ခွင့် ရရှိသည်။</p> <p style="text-align:justify">ဟီဂူအင်က ပွဲစတင်ကန်ထုတ်ပြီး ဂျော်ဂျင်ဟိုထံသို့ နောက်ပြန်ပေးလိုက်သည်။ ဘောလုံး အကြိမ် အနည်းငယ် အပေးအယူ လုပ်ပြီးနောက် ခရစ္စတန်ဆန်၏ ခြေအောက်သို့ ရောက်လာသည်။ </p> <p style="text-align:justify">သူက အဝေးဘော ကန်တင်ရန် ပြင်လိုက်စဉ် မန်ယူတို့က သူ့ကို ဖိအားပေးလာကြသည်။ သို့သော် သူ မော့ကြည့်လိုက်သောအခါ အနည်းငယ် ဇဝေဇဝါ ဖြစ်သွားလေသည်။ </p> <p style="text-align:justify">အဘယ်ကြောင့်ဆိုသော် မန်ယူ၏ ကစားကွက်က ကွင်းလယ်တွင်သာ နေရာယူထားသောကြောင့် ဖြစ်သည်။</p> <p style="text-align:justify">ကမ္ဘာပေါ်မှာ ဂွါဒီယိုလာ ဆိုတာ တစ်ယောက်ပဲ ရှိတာလေ။ ဘောလုံးပေးပို့ထိန်းချုပ်တဲ့ ကစားကွက်ကို ဘယ်သူမဆို ကျွမ်းကျင်နိုင်မယ်လို့ မင်း တကယ် ထင်နေတာလား။</p> <p style="text-align:justify">ချယ်လ်ဆီး၏ တိုက်စစ် နည်းဗျူဟာများက အလွန် ရိုးရှင်းလှသည်။</p> <p style="text-align:justify">ညာတောင်ပံမှ ရှေ့သို့ တိုးတက်လာခြင်း သို့မဟုတ် ဘယ်တောင်ပံတွင် ဧရိယာကျဉ်း အတွဲအဖက် ကစားခြင်းများသာ ဖြစ်သည်။</p> <p style="text-align:justify">ချယ်လ်ဆီးတို့ စမ်းသပ် တိုက်ခိုက်မှု အနည်းငယ် ပြုလုပ်ခဲ့သော်လည်း မန်ယူက မတုန်မလှုပ် ရှိနေသည်ကို တွေ့ရသဖြင့် သူတို့ ချမှတ်ထားသော နည်းဗျူဟာများကိုသာ ဆက်လက် အသုံးပြုရန်မှလွဲ၍ ရွေးချယ်စရာ မရှိတော့ချေ။</p> <p style="text-align:justify">ကိုဗာဆစ်က ဂျော်ဂျင်ဟိုထံမှ ပေးပို့မှုကို လက်ခံရယူပြီး သူ၏ အသင်းဟောင်းနှင့် ရင်ဆိုင်ရချိန်တွင် မည်သည့် ကြောက်ရွံ့မှုမျှ မရှိဘဲ ဘောလုံးပေးပို့ခြင်းနှင့် ရွေ့လျားခြင်း အတွဲအဖက်ကို ယုံကြည်မှု အပြည့်ဖြင့် လုပ်ဆောင်နေလေသည်။</p> <p style="text-align:justify">ချူဖုန်းက တိုက်စစ်ဇုန်တွင် အေးအေးဆေးဆေး လမ်းလျှောက်နေပြီး အသင်းဖော်များ၏ တန်ပြန် တိုက်စစ်ကို အချိန်မရွေး ကူညီပေးရန် အသင့်ပြင်ထား၏။</p> <p style="text-align:justify">ယခုအခါ သူ၏ နည်းဗျူဟာပိုင်းဆိုင်ရာ အခန်းကဏ္ဍက အလွန် အရေးကြီးနေပြီး မန်စီးတီး ကဲ့သို့သော အသင်းမျိုးနှင့် ရင်ဆိုင်ရချိန်မှလွဲ၍ ခံစစ်ပိုင်းတွင် ပါဝင်ကစားရန် လိုအပ်ခဲလှသည်။ သို့ရာတွင် တိုက်စစ်ဇုန်တွင် လိုအပ်သော နှောင့်ယှက်မှုများ ပြုလုပ်ရန်တော့ မရှိမဖြစ် လိုအပ်ဆဲပင်။</p> <p style="text-align:justify">မည်သို့ပင်ဆိုစေ သူ့ကို မက်ဆီလို ကစားခိုင်းမည် ဆိုပါက သူ အသားကျရန် အလွန် ခက်ခဲလိမ့်မည် ဖြစ်သည်။ </p> <p style="text-align:justify">ဟာရဲရားက သူ၏ နောက်ကျောဘက်သို့ လက်ယမ်းပြလိုက်သည်။ ကန်တေကို အချိန်မရွေး နောက်ပါ ကူညီပေးရန် အချက်ပြလိုက်ခြင်း ဖြစ်ပြီးနောက် ကိုဗာဆစ်ထံသို့ ပြေးဝင်သွားလေသည်။</p> <p style="text-align:justify">ကိုဗာဆစ်က အလွန် သန်မာသော ကစားသမား တစ်ဦးဖြစ်ပြီး မိုဒရစ်၏ ဆက်ခံသူဟုပင် သတ်မှတ်ခံထားရသူ ဖြစ်သည်။ </p> <p style="text-align:justify">သူက ဘယ်ဘက်သို့ အရင်ဆွဲထွက်လိုက်ပြီးနောက် ပြန်လည် တွန်းထုတ်ကာ ရိုးရှင်းသော လှုပ်ရှားမှု တစ်ခုဖြင့် နေရာလွတ် ဖန်တီးလိုက်ပြီး လှည့်စားမှု ပြည့်နှက်နေသော ဒေါင့်ဖြတ်ပေးပို့မှု တစ်ခုကို လုပ်ဆောင်လိုက်သည်။</p> <p style="text-align:justify">ဘောလုံးက ဟီဂူအင် ရှိရာသို့ မြေပြင်ပေါ်မှ လျင်မြန်စွာ လိမ့်သွားလေသည်။</p> <p style="text-align:justify">ရိုးရိုးသားသား ပြောရလျှင် ဟီဂူအင်၏ ကံကြမ္မာက တကယ်ကို ဆိုးရွားလှသည်။</p> <p style="text-align:justify">သူ ဂျူဗင်တပ်စ်တွင် အဆင်ပြေနေခဲ့သော်လည်း ရော်နယ်ဒိုအတွက် နေရာဖယ်ပေးရသဖြင့် အေစီ မီလန်သို့ အရင် အငှားချခံရပြီး ထိုမှတစ်ဆင့် ချယ်လ်ဆီးသို့ ထပ်မံ အငှားချခံရပြန်သည်။</p> <p style="text-align:justify">ရီးရဲလ်မက်ဒရစ်တွင် ရှိနေစဉ်ကလည်း ထိုအတိုင်းပင် ဖြစ်ခဲ့သည်။ ရော်နယ်ဒိုအတွက် ဂိုးကန်သွင်းခွင့်ကို အလျှော့ပေးရုံ သာမက တစ်ယောက်ချင်း အခွင့်အရေးများတွင်လည်း ရော်နယ်ဒိုကို ပေးခဲ့ရသည်။</p> <p style="text-align:justify">နိုင်ငံအသင်းတွင်တော့ အခြေအနေ ပိုကောင်းမည်ဟု သူ ထင်ခဲ့မိသည်။ </p> <p style="text-align:justify">ဒါပေမဲ့ ရလဒ်က ဘာဖြစ်ခဲ့လဲ။ </p> <p style="text-align:justify">သူက မရေမတွက်နိုင်သော ကိစ္စများအတွက် မတရား အပြစ်တင် ခံခဲ့ရသည်။ </p> <p style="text-align:justify">ဗိုလ်လုပွဲ သုံးပွဲ၌ တစ်ယောက်ချင်း အခွင့်အရေး သုံးကြိမ် လွဲချော်ခဲ့သည့် အတွက် အပြစ်တင်ခံရသည်ကို သူ နားလည်ပါသည်။</p> <p style="text-align:justify">သို့သော် အချက်အလက်တွေကို သေချာ ပြန်ကြည့်မယ် ဆိုရင်ကော...</p> <p style="text-align:justify">သူက ကမ္ဘာ့ဖလားနှင့် ကိုပါအမေရိက ခြောက်ကြိမ် ပါဝင်ကစားခဲ့ပြီး ၁၂ ဂိုး သွင်းယူထားကာ မက်ဆီထက်ပင် ပိုများနေသေးသည်။ သူသာ မပါခဲ့လျှင် အာဂျင်တီးနား အနေဖြင့် ဗိုလ်လုပွဲသို့ ရောက်ရှိရန် အလွန် ခက်ခဲမည်မှာ သေချာလှသည်။</p> <p style="text-align:justify">သို့သော် လူတွေက သူ လွဲချော်ခဲ့သော ဂိုးသွင်းခွင့်များကိုသာ မှတ်မိကြပြီး မက်ဆီကို အဓိက ချန်ပီယံဆု အများအပြား အကြွေးတင်နေသည်ဟုသာ ပြောဆိုကြသည်။ </p> <p style="text-align:justify">နောက်ဆုံးတွင် သူ အပြင်းအထန် ဝေဖန်ခံရလွန်းသဖြင့် နိုင်ငံအသင်းမှ အနားယူခဲ့ပြီး ကိုယ်ပိုင် လူမှုကွန်ရက် အကောင့်များကိုပါ စွန့်လွှတ်လိုက်သော်လည်း အပြစ်တင်ခံရခြင်းမှ မလွတ်ကင်းနိုင်ခဲ့သေးချေ။ </p> <p style="text-align:justify">ဥပမာ- ရုရှား ၂၀၁၈ ကမ္ဘာ့ဖလား ပြိုင်ပွဲ။ </p> <p style="text-align:justify">အာဂျင်တီးနား၏ တိုက်စစ်ပိုင်း အားနည်းမှုကြောင့် ပြင်သစ်ကို ၃-၄ ဖြင့် ရှုံးနိမ့်ခဲ့ပြီး ၁၆ သင်း အဆင့်တွင်ပင် ကျေနပ်ခဲ့ရသည်။ </p> <p style="text-align:justify">အာဂျင်တီးနား ပရိသတ်များက နိုင်ငံအသင်းမှ အနားယူသွားသော သူ့ကို ထပ်မံ ဝေဖန်နေကြပြန်သည်။ ဆိုးရွားသော အကြောင်းအရာ အမျိုးမျိုး စုပုံလာသောအခါ ဟီဂူအင်၏ စွမ်းဆောင်ရည်က အလွန်အမင်း ကျဆင်းလာတော့သည်။ </p> <p style="text-align:justify">ထို့ကြောင့် သူက ဘောလုံးကို လက်ခံရယူရန် တက်ကြွစွာ နောက်မဆုတ်ခဲ့ဘဲ ကန်တေက သူ့ဆီ လာနေသော ဘောလုံးကို လမ်းတစ်ဝက်တွင် ကြားဖြတ်လုယူသွားကာ ကွင်းတွင်းရှိ ကစားပုံကို ချက်ချင်း ပြောင်းလဲပစ်လိုက်လေသည်။</p> <p style="text-align:justify">***</p>


Save