Book List

<h2 style="text-align: center;">အခန်း (၃၉၄)</h2> <h2 style="text-align: center;">*</h2> <p> </p> <p> </p> <p> </p> <p> </p> <p style="text-align:justify">မန်ယူတို့ ညာဘက်ခြမ်းမှနေ၍ တန်ပြန်တိုက်စစ် စတင်လိုက်ချေပြီ။</p> <p style="text-align:justify">ကန်တေက တောင်ပံမှနေ၍ ထပ်ဆင့် တိုက်စစ်လိုက်ပါလာသော ဗလင်စီယာထံသို့ ဘောလုံး ပေးပို့လိုက်သည်။ ယနေ့ သူက အသင်းခေါင်းဆောင် လက်ပတ်ကို ပြန်လည် ဝတ်ဆင်ထားသည်။ </p> <p style="text-align:justify">အဘယ်ကြောင့်ဆိုသော် ရာသီကုန်လျှင် မန်ယူမှ ထွက်ခွာတော့မည် ဖြစ်ကြောင်း သူ ကြေညာထားပြီး ဖြစ်သောကြောင့်တည်း။</p> <p style="text-align:justify">ဘာဘာတော့ဗ်နှင့် ရွန်နီ၊ ဗန်ပါစီနှင့် ချီချာရီတို၊ ထို့နောက် ရက်ရှ်ဖို့ဒ်နှင့် ချူဖုန်းတို့ကို ဖန်တီးမှုများ ပြုလုပ်ပေးခဲ့ခြင်းများမှ စတင်၍...</p> <p style="text-align:justify">မန်ယူတွင် သူ ချန်ထားခဲ့သမျှ အရာအားလုံးက အမှတ်တရများသာ ဖြစ်သည်။ </p> <p style="text-align:justify">သူက ကန်တေနှင့် ဝမ်းတူး ကစားကွက်ကို အသုံးပြု၍ ကိုဗာဆစ်ကို ကျော်ဖြတ်လိုက်ပြီး မားကို့စ် အလွန်ဆိုကိုပါ ချက်ချင်း အရှိန်တင် ကျော်ဖြတ်သွားလေသည်။ သို့သော် မားကို့စ် အလွန်ဆိုက ရုပ်ပိုင်းဆိုင်ရာအရ ပိုမို သန်မာလာသည်။ ထို့ကြောင့် သူ့အနေဖြင့် ရှေ့ဆက်တိုးရန် မဖြစ်နိုင်တော့ချေ။</p> <p style="text-align:justify">“ဗလင်စီယာ ရုတ်တရက် ရပ်တန့်လိုက်ပြီး အလယ်ကို ချိုးဝင်လာတယ်... တကယ့်ကို ပါးနပ်တဲ့ ရွေးချယ်မှုပါပဲဗျာ...”</p> <p style="text-align:justify">“ဘာလို့လဲဆိုတော့ ဗလင်စီယာက ညာသန် ကစားသမား တစ်ယောက် ဖြစ်လို့ ဂိုးစည်းအနီးကနေ ဖြတ်တင်ပေးမယ့် ဘောလုံးတွေက အရည်အသွေး မမြင့်နိုင်ဘူးလေ... အလယ်ကနေ ကစားကွက် ပြန်တည်တာက ပိုကောင်းလိမ့်မယ်...”</p> <p style="text-align:justify">“ဟေး... သူတို့ ပေါ့ဘာဆီ မပေးတော့ဘဲ အဝေးဘော ကန်တင်လိုက်ပြီဗျ...”</p> <p style="text-align:justify">ဘောလုံးက ချယ်လ်ဆီးအသင်း၏ ပင်နယ်တီဧရိယာထဲသို့ လေခွင်းသံများဖြင့် ပြေးဝင်သွားလေသည်။ </p> <p style="text-align:justify">မန်ယူ ကစားသမားများလည်း ရှေ့သို့ တက်လာကြပြီး ပင်နယ်တီဧရိယာ အတွင်းရှိ နေရာလွတ် အများစုကို လွှမ်းခြုံထားလိုက်ကြသည်။ </p> <p style="text-align:justify">ချယ်လ်ဆီး ကစားသမားများ အားလုံးက ချူဖုန်းကို လှည့်ကြည့်လိုက်ကြပြီး ကီပါက အသံကုန် အော်ဟစ်လိုက်သည်။ “သူ့ကို ခုန်ခွင့်မပေးနဲ့... ခန္ဓာကိုယ်နဲ့ ဝင်တိုက်ပြီး နှောင့်ယှက်ထား...”</p> <p style="text-align:justify">သို့သော် ဘောလုံး၏ လမ်းကြောင်းက ဘယ်ဘက်တွင် အဆုံးသတ်သွားသည်။ ရက်ရှ်ဖို့ဒ်၏ နေရာယူမှုက အလွန် ကျွမ်းကျင်လှသည်။ ရူဒီဂါက ချူဖုန်းအနီးသို့ ကပ်သွားသည်အထိ စောင့်ဆိုင်းကာ ရှေ့သို့ ပြေးထွက်သွားခြင်းပင်။ </p> <p style="text-align:justify">ရူဒီဂါ တစ်ယောက် ဘာဖြစ်နေမှန်း သဘောပေါက်သွားချိန်တွင် အချိန်နှောင်းသွားခဲ့ပြီ ဖြစ်သည်။</p> <p style="text-align:justify">ဘန်း...</p> <p style="text-align:justify">ရက်ရှ်ဖို့ဒ်က ခုန်ပင် မခုန်ရဘဲ ရပ်နေသည့် နေရာကနေပင် ဘောလုံးကို ဂိုးပေါက်ဆီသို့ ခေါင်းတိုက်ချလိုက်လေသည်။</p> <p style="text-align:justify">“ကီပါ...”</p> <p style="text-align:justify">လမ်းပတ်က အံ့အားသင့်စွာ ရေရွတ်လိုက်သည်။ “သူ့ရဲ့ တုံ့ပြန်မှုက မယုံနိုင်စရာပဲ... သူက ဂိုးပေါက် အပြင်ဘက်ကို လက်တစ်ဖက်တည်းနဲ့ ပုတ်ထုတ်သွားတာဗျ...”</p> <p style="text-align:justify">ဘောလုံးက ပင်နယ်တီ အစက်အနီးရှိ ပေါ့ဘာထံသို့ ခုန်ထွက်သွားလေသည်။ </p> <p style="text-align:justify">ခရစ္စတန်ဆန်က မသိစိတ်၏ စေ့ဆော်မှုအရ ရှေ့သို့ ခုန်ထွက်သွားသော်လည်း ရူဒီဂါက သူ့ကို ရပ်တန့်ရန် အော်ဟစ်လိုက်သည်။ “မင်း နောက်ကို ကြည့်ဦးလေ...”</p> <p style="text-align:justify">ပေါ့ဘာက ဘောလုံးကို ချူဖုန်းထံသို့ ညင်သာစွာ ခေါင်းတိုက် ချပေးလိုက်သည်။</p> <p style="text-align:justify">ကီပါက မြေပြင်ပေါ်မှ အခုလေးတင် ထလာပြီးနောက် နောက်ထပ် ကာကွယ်မှု တစ်ခုကို ရဲရဲဝံ့ဝံ့ ပြုလုပ်ရန် ပြင်လိုက်သည်။ </p> <p style="text-align:justify">သို့သော် ချူဖုန်းက မယုံနိုင်လောက်အောင် တည်ငြိမ်နေခဲ့သည်။ သူ၏ ကန်သွင်းမည့် စည်းချက်က ခေတ္တမျှ ရပ်တန့်သွားပြီး ကီပါ လှုပ်ရှားလိုက်ပြီးနောက်မှသာ ဘောလုံးကို သူ၏ ခြေခုံဖြင့် အားပါပါ ကန်သွင်းလိုက်လေသည်။</p> <p style="text-align:justify">ရွှစ်... ဘန်း...</p> <p style="text-align:justify">ဘောလုံးက ပိုက်ကွန်ကို ထိပြီး သာယာသော အသံတစ်ခု ထွက်ပေါ်လာကာ ချယ်လ်ဆီး ဂိုးပေါက်အတွင်း အကြိမ်အနည်းငယ် ခုန်ပေါက်သွားပြီးနောက် ငြိမ်သက်သွားတော့သည်။ </p> <p style="text-align:justify">အိုးထရက်ဖို့ဒ်ကွင်း၏ အားပေးသံများက ချက်ချင်းပင် အမြင့်ဆုံးသို့ ရောက်ရှိသွားလေသည်။ </p> <p style="text-align:justify">………………..</p> <p style="text-align:justify">နဗီးလ်က လမ်းပတ်ကို ကြည့်မရသည်မှာ ကြာပြီ ဖြစ်ပြီး အကြောင်းအရင်းကို တူးဆွကြည့်မည်ဆိုလျှင် လမ်းပတ်က မိန်းမကိစ္စ အလွန် ရှုပ်ပွေသောကြောင့် ဖြစ်သည်။ </p> <p style="text-align:justify">လွန်ခဲ့သော ဆယ်နှစ်က ချယ်လ်ဆီးအသင်းကို ကြည့်မည် ဆိုလျှင်…</p> <p style="text-align:justify">တယ်ရီက သူ၏ အသင်းဖော် ဘရစ်ချ်၏ ရည်းစားနှင့် ဖောက်ပြန်ခဲ့ပြီး ကိုယ်ဝန်ရသွားစေခဲ့သည်။</p> <p style="text-align:justify">အက်ရှလေကိုးလ်တွင် တရားမဝင် ဇနီးငယ် ငါးယောက် ရှိသည်။ </p> <p style="text-align:justify">လမ်းပတ်၏ ရည်းစားများကလည်း သူ၏ ဂျာစီနံပါတ် (၈) အတိုင်း ရှစ်ယောက်တောင် ရှိသည်။</p> <p style="text-align:justify">နဗီးလ်က အလွန် သံယောဇဉ်ကြီးသူ တစ်ဦး ဖြစ်ပြီး သူ၏ ဇနီးမှာ သာမန် အရောင်းစာရေးမလေး တစ်ဦး ဖြစ်သော်လည်း သူမအပေါ် ထားရှိသော သူ၏ အချစ်ကို မထိခိုက်စေခဲ့ပေ။</p> <p style="text-align:justify">တစ်ခါက နဗီးလ် ဤသို့ ပြောခဲ့ဖူးသည်။ “ငါတို့ လက်ထပ်တဲ့ နေ့ကို လန်ဒန် တစ်မြို့လုံး မှတ်မိနေစေချင်တယ်...”</p> <p style="text-align:justify">အချစ်ရေးအပေါ် သဘောထား မတူညီသည့် အချက်ကြောင့်ပင် ဂယ်ရီနဗီးလ်နှင့် လမ်းပတ်တို့က သိပ်ပြီး အစေးမကပ်လှချေ။ ယင်းကြောင့် နဗီးလ်က လမ်းပတ်ကို အားမနာနေဘဲ ချယ်လ်ဆီးအား မညှာမတာ ဝေဖန်တော့သည်။</p> <p style="text-align:justify">“ဂိုး... ဂိုး...”</p> <p style="text-align:justify">“မန်ယူတို့ အရင် ဦးဆောင်ဂိုး ရသွားပါပြီဗျာ... ချယ်လ်ဆီးရဲ့ တိုက်စစ်ကို ဖြတ်တောက်ပြီးနောက် မန်ယူက အဲဒီဘက်ကနေပဲ တန်ပြန်တိုက်စစ် ဆင်ခဲ့တာပါ... ဝါရင့် အသင်းခေါင်းဆောင် ဗလင်စီယာရဲ့ အဝေးဘော ကန်တင်မှုက ချယ်လ်ဆီး ပင်နယ်တီဧရိယာထဲမှာ ရှုပ်ထွေးသွားစေခဲ့တယ်...”</p> <p style="text-align:justify">“အဲဒီနောက် ချူဖုန်းက အရှုပ်အထွေးကို အခွင့်ကောင်းယူပြီး ဘောလုံးကို ဂိုးပေါက်ထဲ မြေမကျ ကန်သွင်းသွားခဲ့တာပါ... ကန်မသွင်းခင် ရပ်တန့်သွားတဲ့ အခိုက်အတန့်လေးကို ကြည့်လိုက်ပါဦး... လုံးဝကို ယုံကြည်မှု အပြည့်နဲ့ တည်ငြိမ်လွန်းပါတယ်ဗျာ...”</p> <p style="text-align:justify">နဗီးလ်က အသံကျယ်ကြီးဖြင့် ရယ်မောလိုက်ပြီး လမ်းပတ်ကို မျက်လုံးထောင့်မှ တစ်ချက် ကြည့်ကာ မီးလောင်ရာ လေပင့်လိုက်သည်။ “ချယ်လ်ဆီးက အိုးထရက်ဖို့ဒ်မှာ နိုင်ချင်နေတာလား...”</p> <p style="text-align:justify">“လွန်ခဲ့တဲ့ နှစ်အနည်းငယ်က ပွဲစဉ်တွေကိုပဲ သူတို့ ပြန်တွေးပြီး လွမ်းဆွတ်နေတာ ပိုကောင်းလိမ့်မယ်... ဘာလို့လဲဆိုတော့ အနာဂတ်မှာ သူတို့ အဲဒီလို အခွင့်အရေး ရတော့မှာ မဟုတ်လို့ပဲ...”</p> <p style="text-align:justify">ကွင်းထဲတွင်…</p> <p style="text-align:justify">မန်ယူ ပရိသတ်များ၏ စိတ်လှုပ်ရှားနေသော အကြည့်များကို ရင်ဆိုင်ရင်း ချူဖုန်းက ထောင့်ကန်ဘော တိုင်လေးဆီသို့ အရှိန်ကုန် ပြေးသွားကာ လေထဲသို့ ခုန်တက်ပြီး လေကို လက်သီးဖြင့် ပြင်းပြင်းထန်ထန် ထိုးချလိုက်သည်။</p> <p style="text-align:justify">“ဟေး... ဟေး... ဟေး...”</p> <p style="text-align:justify">နားကွဲမတတ် ကျယ်လောင်သော ဟိန်းဟောက်သံ သုံးချက်က ကွင်းကြီးတစ်ခုလုံးကို တုန်ခါသွားစေသကဲ့သို့ပင်။ </p> <p style="text-align:justify">ချူဖုန်း ဂိုးသွင်းလိုက်တိုင်း မန်ယူက ချန်ပီယံဆုနှင့် နောက်တစ်လှမ်း ပိုနီးကပ်သွားပြီး စိတ်လှုပ်ရှားဖွယ် ခံစားချက်ကြီးက သရဲနီတိုင်း၏ နှလုံးသားများကို ပြည့်လျှံသွားစေသည်။</p> <p style="text-align:justify">“မြင်လား... ငါ ပြောသားပဲ... ခရစ္စတန်ဆန်က ဘောလုံးကိုပဲ ကြည့်နေတာ... လူကို ကြည့်တာ မဟုတ်ဘူးလို့...” </p> <p style="text-align:justify">ဒေးဗစ်လူးဝစ်က ဂုဏ်ယူဝင့်ကြွားစွာဖြင့် ပြေးလာသည်။ သူက ချယ်လ်ဆီးမှ ထွက်ခွာလာခဲ့ရပြီးနောက် လက်စားချေရန် ပြတ်ပြတ်သားသား ဆုံးဖြတ်ထားသူ ဖြစ်သည်။ </p> <p style="text-align:justify">ချယ်လ်ဆီးကို အကြိမ်ကြိမ် အနိုင်ယူခဲ့ပြီးသည့်တိုင် သူ လုံးဝ မလုံလောက်သေးဟု ခံစားနေရဆဲပင်။ </p> <p style="text-align:justify">“ခဏနေရင် ခရစ္စတန်ဆန်ကိုပဲ ဆက်ပြီး ပစ်မှတ်ထားကြ...” </p> <p style="text-align:justify">ချူဖုန်းကလည်း မည်သည့် အညှာအတာမှ မပြခဲ့ချေ။ </p> <p style="text-align:justify">ချယ်လ်ဆီးတွင် အသုံးချနိုင်သော အားနည်းချက်များ ရှိနေသရွေ့ သူတို့ကို အညှာအတာမဲ့စွာ ပစ်မှတ်ထားရမည်ပင်။</p> <p style="text-align:justify">“ဟာဇက်ကို စောင့်ကြည့်ဖို့ မမေ့နဲ့နော်... သူက ကြီးမားတဲ့ ခြိမ်းခြောက်မှု တစ်ခု ဖြစ်နေတုန်းပဲ...” ဟာရဲရားက သတိပေးလိုက်သည်။</p> <p style="text-align:justify">ထိုစကားကို ကြားသောအခါ ကန်တေက ရိုးသားစွာ ပြုံးပြကာ “စိတ်မပူပါနဲ့... ကျွန်တော် သူ့ကို သေချာ စောင့်ကြည့်ထားပါ့မယ်...” ဟု ပြောလိုက်သည်။</p> <p style="text-align:justify">မန်ယူ ကစားသမားများ နည်းဗျူဟာများ ဆွေးနွေးနေစဉ် ချယ်လ်ဆီး ကစားသမားများကတော့ အတွင်းရေး ပြဿနာများ ဖြစ်နေကြလေပြီ။</p> <p style="text-align:justify">ရူဒီဂါက အလေးမထားဟန်ဖြင့် လက်ယမ်းကာ “မန်ယူရဲ့ ကျောနံပါတ် ၇ ကို သတိထားဖို့ ငါ မင်းကို ပြောထားတယ်လေ... အဲဒီလို အခြေအနေမျိုးမှာ မင်းက ဘယ်လိုလုပ် သူ့ကို သွားပြီး ဝင်လုရတာလဲ... ငါက ပေါ့ဘာကို အာရုံလွှဲဖို့ အဲဒီနားမှာ အသင့်ရှိနေပြီးသားကို...” </p> <p style="text-align:justify">ခရစ္စတန်ဆန် တစ်ယောက် နှုတ်ဆိတ်နေလိုက်သည်။ ဒါက သေချာပေါက် သူ၏ အမှားဖြစ်ပြီး ပြန်လည် ချေပစရာ အကြောင်းပြချက် မရှိပေ။ </p> <p style="text-align:justify">“နောက်တစ်ကြိမ် ပိုကောင်းအောင် ကြိုးစားလိုက်ပေါ့...”</p> <p style="text-align:justify">ချယ်လ်ဆီး အသင်းခေါင်းဆောင် အနေဖြင့် အက်စ်ပီလီကွီတာက ရှေ့ထွက်ကာ ခရစ္စတန်ဆန်ကို နှစ်သိမ့်ပေးရုံမှလွဲ၍ အခြား မတတ်နိုင်ချေ။ </p> <p style="text-align:justify">အကယ်၍ သူတို့သာ လူလုံးရှေ့တွင် စတင် ငြင်းခုံနေကြမည် ဆိုပါက နောက်ဆက်တွဲ ဆိုးကျိုးများက ပွဲရှုံးရုံ သက်သက်လောက် ရိုးရှင်းမည် မဟုတ်ဘဲ လူထု သဘောထား ပြဿနာများကို သေချာပေါက် ဖြစ်ပေါ်စေလိမ့်မည်။ </p> <p style="text-align:justify">ရူဒီဂါလည်း ဘာမှ ဆက်မပြောတော့ဘဲ သူ့ဘာသာ မှုန်ကုပ်ကုပ် ဖြစ်နေတော့သည်။ </p> <p style="text-align:justify">တစ်ချိန်တည်းမှာပင် တိုက်စစ်ဇုန်မှ ဟာဇက်ကတော့ အေးစက်စက်သာ ကြည့်နေလိုက်သည်။ မည်သို့ပင်ဆိုစေ နောက်ရာသီတွင် သူ ချယ်လ်ဆီးမှ ထွက်ခွာရမည်မှာ သေချာနေပြီ ဖြစ်ရာ ဤပွဲ၏ ရလဒ်ကို သူ သိပ်ဂရုမစိုက်တော့သလို ချယ်လ်ဆီး ကစားသမားများ ကြားရှိ ဆိုးရွားလှသော ဆက်ဆံရေးကို တိုးတက်အောင် လုပ်ပေးရန်ကိုလည်း ဂရုမစိုက်တော့ချေ။</p> <p style="text-align:justify">ပွဲက လျင်မြန်စွာ ပြန်လည် စတင်သည်။ </p> <p style="text-align:justify">ချယ်လ်ဆီးတို့ တိုက်စစ်ဇုန်သို့ ရောက်ရှိရန် ရုန်းကန်နေရပြီး ဘောလုံးကို ဟာဇက်ထံ မကြာခဏ ပေးပို့နေရသည်။ သို့သော် အပြာရောင်တပ်သားတို့၏ အဓိက ကစားသမားက ဂိုးမသွင်းနိုင်ခဲ့ပေ။ </p> <p style="text-align:justify">အချိန်များ ကုန်လွန်လာသည်နှင့်အမျှ မန်ယူတို့က ကွင်းလယ်တွင်ပင် သူတို့၏ ခံစစ်ကို တည်ငြိမ်အောင် ထိန်းထားနိုင်ခဲ့ပြီး ချယ်လ်ဆီးကို မည်သည့် အခွင့်အရေးမှ မပေးခဲ့ချေ။ သို့သော် သူတို့က အပြည့်အဝ တိုက်စစ်လည်း မဆင်ခဲ့ပေ။</p> <p style="text-align:justify">မည်သို့ပင်ဆိုစေ ရှေ့တွင် ချန်ပီယံလိဂ် ဆီမီးဖိုင်နယ် ကျန်နေသေးပြီး လီဗာပူးက လွယ်ကူသော ပြိုင်ဘက်မျိုး မဟုတ်ချေ။ ထို့ကြောင့် သူတို့၏ စွမ်းအင်များကို တတ်နိုင်သမျှ ချွေတာထားရန်က အရေးကြီးသည်။</p> <p style="text-align:justify">ချယ်လ်ဆီးသာ စက္ကူပေါ်တွင် ဤမျှ မသန်မာခဲ့ပါက မော်ရင်ညို အနေဖြင့် ချူဖုန်းနှင့် အခြားသူများကို အနားရချိန် ပိုရစေရန် အရန်ကစားသမားများကိုသာ ထည့်သွင်း အသုံးပြုချင်မည်မှာ သေချာလှသည်။</p> <p style="text-align:justify">***</p>


Save