Book List

<h2 style="text-align: center;">အခန်း (၃၉၆)</h2> <h2 style="text-align: center;">*</h2> <p> </p> <p> </p> <p> </p> <p> </p> <p style="text-align:justify">“မြင်လား... ပြီးခဲ့တဲ့ရာသီက သူ အသင်းကို စရောက်လာတုန်းက... အသင်းခေါင်းဆောင် ဖြစ်လာနိုင်မယ့် အလားအလာ ရှိတယ်လို့ ငါ ပြောခဲ့တယ်လေ... ဘာလို့လဲဆိုတော့ သူ့ရဲ့ တည်ငြိမ်မှုက ငြင်းလို့ မရအောင် ကောင်းလွန်းလို့ပဲ...”</p> <p style="text-align:justify">ဗလင်စီယာနှင့် အက်ရှလေယန်းတို့က အချင်းချင်း တီးတိုး ပြောဆိုနေကြသည်။ </p> <p style="text-align:justify">အက်ရှလေယန်းက သဘောတူညီသည့် အနေဖြင့် ခေါင်းညိတ်လိုက်သည်။ “ဇလာတန် တစ်ခါက ငါ့ကို ဒီလို ပြောဖူးတယ်... ချူဖုန်းရဲ့ အရိုးထဲမှာတင် အောင်ပွဲခံချင်စိတ်နဲ့ ချန်ပီယံဆုတွေ ရယူချင်စိတ်က စိမ့်ဝင်နေတာ... ဒါကြောင့် သူက မဖြစ်နိုင်တာတွေကို ဖြစ်လာအောင် အမြဲတမ်း လုပ်ပြချင်ပြီး အံ့ဖွယ်ဖြစ်ရပ်တွေကို ပိုပိုပြီး ဖန်တီးချင်နေတာပဲတဲ့... အစကတော့ ငါ သံသယ ဝင်ခဲ့သေးတယ်...”</p> <p style="text-align:justify">“ဒါပေမဲ့ ပြီးခဲ့တဲ့ ရာသီက ချန်ပီယံလိဂ် ဗိုလ်လုပွဲ ရောက်မှပဲ လူတွေအပေါ် ဇလာတန်ရဲ့ အကဲဖြတ်နိုင်စွမ်းက ဘယ်လောက်တောင် တိကျသလဲ ဆိုတာ ငါ သဘောပေါက်သွားတော့တာပဲ...”</p> <p style="text-align:justify">“ရိုးရိုးသားသား ပြောရရင်ကွာ... ရုပ်ရည်ပိုင်းပဲ ဖြစ်ဖြစ်၊ စွမ်းဆောင်ရည်ပိုင်းပဲ ဖြစ်ဖြစ်၊ လွှမ်းမိုးနိုင်စွမ်းပိုင်းပဲ ဖြစ်ဖြစ်... သူက မင်းထက် အသင်းခေါင်းဆောင် ပိုပီသပါတယ်...” </p> <p style="text-align:justify">စကားအဆုံးတွင် အက်ရှလေယန်းက မျက်စိတစ်ဖက် မှိတ်ပြကာ လက်ဟန်ခြေဟန်များ လုပ်ပြလိုက်သဖြင့် ဗလင်စီယာ တစ်ယောက် ဆွံ့အသွားတော့သည်။</p> <p style="text-align:justify">“မင်းကများ ငါ့ကို အဲဒီလို လာပြောရဲသေးတယ်ပေါ့... မင်းကိုယ်မင်းလည်း ရုပ်ချောတယ်လို့ ထင်နေတာလား...” ဗလင်စီယာက မနည်း ညှစ်ထုတ်ကာ ပြန်ပြောလိုက်သည်။</p> <p style="text-align:justify">“နောက်ရာသီကျရင် ဇလာတန်က ထိပ်သီးလိဂ် ငါးခုထဲက တစ်ခုခုကို ပြန်သွားမယ်လို့ ငါ ကြားတယ်...” ဗလင်စီယာက ရုတ်တရက် စကားလွှဲလိုက်သည်။</p> <p style="text-align:justify">“သူ့ရဲ့ ယှဉ်ပြိုင်လိုစိတ် ပြင်းထန်မှုနဲ့ ဆိုရင်တော့... အမေရိကန် မေဂျာလိဂ်မှာ ကြီးမားတဲ့ စိန်ခေါ်မှုတွေ မရှိတော့ဘူး ဆိုတာနဲ့ သူ သေချာပေါက် အငြိမ်နေနိုင်မှာ မဟုတ်ဘူး...” အက်ရှလေယန်းက သက်ပြင်းချလိုက်သည်။ </p> <p style="text-align:justify">“ဘာပဲဖြစ်ဖြစ် သူ့ရဲ့ စရိုက်က ချူဖုန်းနဲ့ အရမ်း ဆင်တူတာကိုး...”</p> <p style="text-align:justify">“သူ ပြန်လာမလား မသိဘူး... ငါကော စာချုပ် နောက်တစ်နှစ်လောက် ထပ်တိုးသင့်လား...”</p> <p style="text-align:justify">ဗလင်စီယာ စကားပြောလို့ပင် မဆုံးသေး။ သူက ခေါင်းခါကာ သူ့ဘာသာ တိတ်တဆိတ် သက်ပြင်းချလိုက်သည်။ </p> <p style="text-align:justify">“ငါ့ရဲ့ ခြေစွမ်းတွေ ဒီလောက်တောင် ကျဆင်းသွားတာ နှမြောစရာပဲ... ငါသာ နောက်ထပ် ငါးနှစ်လောက် ပိုငယ်ခဲ့မယ်ဆိုရင်... ဒီကောင်လေးတွေနဲ့ အတူ နောက်ထပ် နှစ်အနည်းငယ်လောက် ဆက်ကစားနိုင်ဦးမှာ...”</p> <p style="text-align:justify">ထိုစကားကို ကြားသောအခါ ချူဖုန်းက ဗလင်စီယာ၏ ပခုံးကို ဖက်ကာ သူ၏ အတွေးများကို လေးနက်စွာ ဖွင့်ဟလိုက်သည်။ “ခင်ဗျားရော အက်ရှလေရော လုံလုံလောက်လောက် စွမ်းဆောင်ရည် ရှိကြသေးတယ်လို့ ကျွန်တော် ထင်တယ်... ပွဲထွက်ခွင့် မရရင်တောင် အရန်ကစားသမား အဖြစ်တော့ သေချာပေါက် ကစားနိုင်ပါသေးတယ်...” </p> <p style="text-align:justify">ဗလင်စီယာက မန်ယူတွင် နှစ်ပေါင်းများစွာ ကြိုးကြိုးစားစား တာဝန်ထမ်းဆောင်ခဲ့သူ ဖြစ်သည်။ သူက မန်ယူအသင်း အတွက် သူ၏ အေးဂျင့်ကိုပင် အလုပ်ထုတ်ပစ်ခဲ့ပြီး ပွဲကစားနေစဉ် ခြေထောက် ကျိုးသည် အထိ အစွမ်းကုန် ကြိုးစားခဲ့သူ ဖြစ်သည်။</p> <p style="text-align:justify">မန်ယူတွင် ကစားသမားဘဝ အဆုံးသတ်ခြင်းက သူ၏ အကောင်းဆုံး ရွေးချယ်မှု ဖြစ်ပေလိမ့်မည်။</p> <p style="text-align:justify">“ငါ့ခန္ဓာကိုယ်က ပြင်းထန်တဲ့ ပွဲစဉ်တွေကို မခံနိုင်တော့ဘူး... ဒါပေမဲ့ ဒီစိမ်းလန်းတဲ့ ကွင်းပြင်ကြီးကိုလည်း ငါ မစွန့်ခွာချင်သေးဘူး... ဒါကြောင့် ထွက်သွားတာက အကောင်းဆုံး ရွေးချယ်မှုပါပဲ...” </p> <p style="text-align:justify">ဗလင်စီယာ၏ လေသံက ပေါ့ပါးနေသော်လည်း ထိုစကားများထဲတွင် ပါဝင်နေသော သူ၏ ခိုင်မာသည့် ဆုံးဖြတ်ချက်ကို ချူဖုန်း သိမြင်နိုင်လေသည်။ </p> <p style="text-align:justify">ဇီဝကမ္မဖြစ်စဉ်က ယှဉ်ပြိုင် အားကစားလောကတွင် ရှောင်လွှဲ၍ မရသော သဘာဝတရား၏ နိယာမ တစ်ခုပင်။</p> <p style="text-align:justify">အကယ်၍ အသင်းများက သူတို့၏ ဝါရင့် ကစားသမားဟောင်းများကို မြင့်မားသော လစာများဖြင့် ဆက်တိုက် စာချုပ်သက်တမ်းတိုးနေမည် ဆိုပါက နောက်ဆက်တွဲ ရလဒ်အနေဖြင့် စွမ်းဆောင်ရည်များ ပြိုလဲသွားမည်မှာ အသေအချာပင် ဖြစ်သည်။ </p> <p style="text-align:justify">ဥပမာအနေဖြင့် ၂၀၁၀ ခုနှစ် ဝန်းကျင်က အေစီမီလန် အသင်းကို ကြည့်ပါ။</p> <p style="text-align:justify">ချူဖုန်းက ဗလင်စီယာကို ထပ်မံ ဖျောင်းဖျမနေတော့ချေ။ လူတိုင်းတွင် ကိုယ်ပိုင် ရွေးချယ်မှုများ ရှိကြပြီး သူတစ်ပါးအပေါ် ကိုယ့်စိတ်ကူးများကို အတင်းအကျပ် ရိုက်သွင်းနေရန် မလိုအပ်ပေ။</p> <p style="text-align:justify">သို့သော် ဤအခိုက်အတန့်တွင် သူ၏ ပခုံးပေါ်ရှိ တာဝန်များ ပိုမို လေးလံလာသည်ကို သူ ခံစားလိုက်ရသည်။ </p> <p style="text-align:justify">အဘယ်ကြောင့်ဆိုသော် သူက ယခု တစ်ယောက်တည်း ကစားနေခြင်း မဟုတ်တော့ဘဲ မိသားစု၊ အသင်းဖော်များနှင့် အခြားသူများ၏ မျှော်လင့်ချက်များကိုပါ သယ်ဆောင်ထားရပြီး ၎င်းတို့ကို ချန်ပီယံဆုများ၊ ဂုဏ်ပြုဆုများဖြင့် ပြန်လည် ပေးဆပ်ရမည် ဖြစ်သောကြောင့်တည်း။</p> <p style="text-align:justify">ပထမပိုင်း မပြီးဆုံးမီမှာပင် မန်ယူတို့ နှစ်ဂိုးအသာဖြင့် ဦးဆောင်နိုင်ခဲ့သည်။ </p> <p style="text-align:justify">ချယ်လ်ဆီး၏ စိတ်ဓာတ်ခွန်အားများ အောက်ဆုံးထိ ထိုးကျသွားလေပြီ။</p> <p style="text-align:justify">မန်ယူတို့ ဘောလုံး ပြန်လည် ရရှိသွားပြီး နောက်ထပ် ခြိမ်းခြောက်မှု တစ်ခုကို ဖန်တီးနိုင်ခဲ့သည်။ ထောင့်ကန်ဘောမှ တစ်ဆင့် ပင်နယ်တီဧရိယာ အပြင်ဘက်ရှိ ပေါ့ဘာထံသို့ ဘောလုံး ရောက်ရှိသွားသော်လည်း ကံဆိုးစွာဖြင့် ပြင်သစ်သား၏ အဝေးကန်ချက်က ဂိုးပေါက်နှင့် အနည်းငယ် လွဲချော်သွားခဲ့သည်။</p> <p style="text-align:justify">ပွဲက ပထမပိုင်း နားချိန်သို့ ရောက်ရှိသွားလေပြီ။ </p> <p style="text-align:justify">မန်ယူ ကစားသမားများက အဝတ်လဲခန်းသို့ မျက်နှာပေါ်တွင် အပြုံးများဖြင့် ပြန်လည် ရောက်ရှိလာကြပြီး ဒုတိယပိုင်းတွင် ဘာတွေ အပြောင်းအလဲ လုပ်ကြမည်ကို ဆွေးနွေးနေကြသည်။</p> <p style="text-align:justify">မော်ရင်ညိုက ပွဲအခြေအနေကို အကျဉ်းချုပ် ပြန်လည် သုံးသပ်ပြပြီး သတိဝီရိယ ရှိကြရန် သတိပေးကာ သူတို့ကို အနားယူခွင့် ပေးလိုက်သည်။ </p> <p style="text-align:justify">“ဒီနေ့ပွဲက တကယ့်ကို အကြိတ်အနယ် ရှိလိမ့်မယ်လို့ ငါ ထင်ခဲ့တာ... ချယ်လ်ဆီးက ဒီလောက်တောင် ပျော့ညံ့နေလိမ့်မယ်လို့ ငါ မမျှော်လင့်ထားခဲ့ဘူး... အစကနေ အဆုံးထိ အမှားတွေ ဆက်တိုက် လုပ်နေကြတာပဲ... ပြီးတော့ ကစားသမားတွေကလည်း တိုက်ပွဲဝင်ချင်စိတ် လုံးဝ မရှိကြတာ သိသာလွန်းတယ်...” ဟာရဲရားက ပေါ့ပေါ့ပါးပါး ပြောလိုက်သည်။ </p> <p style="text-align:justify">“လွန်ခဲ့တဲ့ ရက်အနည်းငယ်က ကိုဗာဆစ်နဲ့ ညစာ အတူစားဖြစ်တော့... သူက ငါ့ကို ပြောတယ်... သူတို့ရဲ့ အဝတ်လဲခန်းက ပေါက်ကွဲတော့မယ့် အခြေအနေ ဖြစ်နေပြီတဲ့... အခုဆို နည်းပြချုပ်ရယ်၊ ဝါရင့် ကစားသမားတွေရယ်၊ ကစားသမားသစ်တွေရယ် ဆိုပြီး အုပ်စု သုံးစု ကွဲနေကြတာ... အမှတ်ပေးဇယားရဲ့ အဆင့် (၇) နေရာကို ထိန်းထားဖို့တောင် သူတို့အတွက် မလွယ်ဘူး ဖြစ်နေတာ...” </p> <p style="text-align:justify">ဒေးဗစ်လူးဝစ်က စကားပြောပြီးနောက် ကျေနပ်စွာဖြင့် ရယ်မောလိုက်သည်။</p> <p style="text-align:justify">“အဲဒီကိစ္စတွေ ပြောတာ ရပ်ကြတော့... ဒီပွဲ ပြီးရင် ချန်ပီယံလိဂ် ဆီမီးဖိုင်နယ် လာတော့မှာ... အားလုံး ကိုယ့်ကျန်းမာရေးကို ဂရုစိုက်ပြီး အကောင်းဆုံး ပုံစံရအောင် ပြင်ဆင်ထားကြ...” </p> <p style="text-align:justify">ချူဖုန်းက သူတို့ နည်းပြ၏ မျက်နှာမကောင်းသည်ကို သတိထားမိလိုက်သဖြင့် အသင်းဖော်များ ချယ်လ်ဆီးကို လှောင်ပြောင်နေခြင်းကို အမြန် တားဆီးလိုက်သည်။</p> <p style="text-align:justify">မော်ရင်ညိုက ချယ်လ်ဆီးကို နှစ်ကြိမ်တိုင်တိုင် ကိုင်တွယ်ခဲ့ဖူးပြီး အရာအားလုံးက အတိတ်မှာ ကျန်ခဲ့ပြီ ဟု မီဒီယာများကို ပြောခဲ့သော်လည်း ထိုကလပ်အပေါ် သူ ဘယ်လိုလုပ် သံယောဇဉ် မရှိဘဲ နေနိုင်မည်နည်း။</p> <p style="text-align:justify">ချူဖုန်း၏ စကားကြောင့် မန်ယူ ကစားသမားများ ချက်ချင်း ပါးစပ်ပိတ်သွားကြပြီး အကြောင်းအရာကို အမြန် ပြောင်းလိုက်ကြသည်။</p> <p style="text-align:justify">၁၅ မိနစ် အချိန်က မျက်တောင်တစ်ခတ်အတွင်း ကုန်လွန်သွားပြီး အသင်းနှစ်သင်းလုံး ကွင်းထဲသို့ ပြန်လည် ရောက်ရှိလာကာ ဒုတိယပိုင်းကို အချိန်မီ စတင်လိုက်လေပြီ။</p> <p style="text-align:justify">မန်ယူတို့ အစကတည်းက ပြင်းထန်သော တိုက်စစ်ကို စတင်လိုက်ကြသည်။ </p> <p style="text-align:justify">သူတို့က ပွဲ၏ ရင်ခုန်စိတ်လှုပ်ရှားဖွယ် အခြေအနေကို လုံးဝ အဆုံးသတ်ပစ်ချင်နေပြီး ထို့နောက်မှ အဓိက ကစားသမားများကို လူစားလဲကာ စွမ်းအင်များကို ချွေတာချင်နေကြသည်။ ထို့ကြောင့် ချယ်လ်ဆီးတို့က မန်စီးတီး ခံစားခဲ့ရသော ဖိအားမျိုးကို မြည်းစမ်းခွင့် ရသွားတော့သည်။ </p> <p style="text-align:justify">“မန်ယူတို့ ဘယ်တောင်ပံကနေ အလျင်အမြန် ဆွဲတက်သွားပါတယ်... အက်ရှလေယန်းက ဝီလီယံကို ကျော်ဖြတ်သွားပါပြီဗျာ...” </p> <p style="text-align:justify">“ဘာလို့ အချိန်မီ နောက်ဆုတ်ပြီး ခံစစ်မကစားတာလဲ...”</p> <p style="text-align:justify">လမ်းပတ်က ဒေါသတကြီးဖြင့် ကြိမ်းမောင်းလိုက်သည်။</p> <p style="text-align:justify">ချယ်လ်ဆီးက ဘယ်လောက်ပဲ ရှုံးနေပါစေ… ယခင်က ဤကဲ့သို့ စိတ်အားလျော့ရဲစွာ ဘယ်သောအခါမှ မကစားခဲ့ဖူးပေ။ </p> <p style="text-align:justify">နှစ်ပေါင်းများစွာ ကြာပြီးနောက် ချယ်လ်ဆီး၏ တိုက်ပွဲဝင်လိုစိတ်များ ပျောက်ဆုံးသွားပြီး ကစားသမားတိုင်းက အသက်မပါသော ရုပ်အလောင်းများလို ကစားနေကြ၏။ ဤသည်က သူ့ကို အသေ ဒေါသထွက်စေလေသည်။ </p> <p style="text-align:justify">“လာမယ့် ရာသီမှာ ဒီလိုမျိုး လုံးဝ ဖြစ်လာမှာ မဟုတ်ဘူး ဆိုတာကို ချယ်လ်ဆီး ပရိသတ်တွေ အားလုံးကို ကျွန်တော် အာမခံပါတယ်... အပြာရောင်တပ်သားတွေရဲ့ တိုက်ပွဲဝင်လိုစိတ်ကို ကျွန်တော် ပြန်လည် အသက်သွင်းပေးပါ့မယ်...” </p> <p style="text-align:justify">လမ်းပတ်က ယုံကြည်မှု အပြည့်ဖြင့် ပြောလိုက်သည်။</p> <p style="text-align:justify">သူကလည်း ဇီဒန်းလိုမျိုး ကိုယ်ပိုင် ပြည်ထောင် တစ်ခုကို တည်ထောင်ချင်နေသည်။ ထို့ကြောင့် ခိုင်ကျည်သော စိတ်ထားနှင့် အစီအမံများက မရှိမဖြစ် လိုအပ်ပေသည်။</p> <p style="text-align:justify">ပထမဆုံးအနေဖြင့် စီမံခန့်ခွဲမှု အဖွဲ့၏ ယုံကြည်မှုကို ရယူရမည်။ ထို့နောက် ချယ်လ်ဆီး ပရိသတ်များကို သိမ်းသွင်းရမည်။ နောက်ဆုံးတွင် ရလဒ်များကသာ စကားပြောသွားပေလိမ့်မည်။</p> <p style="text-align:justify">“ဘယ်လောက်ပဲ ဆိုးဆိုး... ဒီရာသီလောက်တော့ မဆိုးလောက်ပါဘူးလေ...” လမ်းပတ်က စိတ်ထဲမှ တွေးလိုက်မိသည်။</p> <p style="text-align:justify">“မန်ယူရဲ့ ဘယ်တောင်ပံ တိုက်စစ်က တကယ့်ကို ချောမွေ့လွန်းပါတယ်... တိုက်စစ်ဇုန်ထဲကို အလျင်အမြန် ဆွဲတက်သွားပြီး... ရက်ရှ်ဖို့ဒ်က အလယ်ကို ကန့်လန့်ဖြတ် ပေးပို့လိုက်ပါတယ်...”</p> <p style="text-align:justify">“ချူဖုန်း...”</p> <p style="text-align:justify">ချူဖုန်းက ခြေခုံဖြင့် ဘောလုံးကို တည်ငြိမ်စွာ ဖမ်းယူလိုက်ပြီးနောက် ချက်ချင်းပင် မြေကြီးကို ကန်၍ အရှိန်တင်လိုက်သည်။ ကျော်ဖြတ်ခံလိုက်ရပြီးနောက် ခရစ္စတန်ဆန် ချက်ချင်း လှည့်ကာ ဆက်လက် လိုက်ပါလာပြီး ရမ်းသမ်း မကန်ထုတ်တော့ဘဲ ချူဖုန်းကို တားဆီးနှောင့်ယှက်ရန် အနီးကပ် လိုက်ပါလာသည်။ </p> <p style="text-align:justify">ချူဖုန်းက မော့ကြည့်ကာ ဟိုဒီ ရှာကြည့်လိုက်သော်လည်း အကူအညီ ပေးနိုင်မည့် အသင်းဖော်များ အနီးအနားတွင် မရှိချေ။</p> <p style="text-align:justify">ဒါက ၄-၃-၁-၂ ကစားကွက်၏ အားနည်းချက်ပင်။ တိုက်စစ်ဇုန်တွင် ကစားသမား အရေအတွက် နည်းပါးလွန်းပြီး နောက်တန်းမှ ကစားသမားများ တိုက်စစ်လိုက်ပါလာရန် အချိန်ယူရသည်။ </p> <p style="text-align:justify">ထို့ကြောင့် ယင်းကဲ့သို့ အချိန်ကာလလေး အတွင်း ချူဖုန်း အနေဖြင့် ဘောလုံးကို ကိုင်ထားပြီး အခြေအနေကို ဖြတ်ကျော်ရမည် ဖြစ်သည်။ </p> <p style="text-align:justify">သို့သော် သူ့မှာ နောက်ထပ် ရွေးချယ်စရာ တစ်ခု ရှိပါသေးသည်။ အဲဒါကတော့ ကိုယ်တိုင် အဆုံးသတ်ပစ်ဖို့ပင်…။</p> <p style="text-align:justify">ဗန်ဒိုက်ကိုတောင် လိမ်ခေါက်ရဲတဲ့သူက ခရစ္စတန်ဆန်ကို ဂရုစိုက်နေရမလား။ </p> <p style="text-align:justify">***</p>


Save