Book List

<h2 style="text-align: center;">အခန်း (၃၉၇)</h2> <h2 style="text-align: center;">*</h2> <p> </p> <p> </p> <p> </p> <p> </p> <p style="text-align:justify">ချူဖုန်းက ရုတ်တရက် ရပ်တန့်လိုက်ပြီး ဟန်ချက်ကို ပြန်လည် ထိန်းပြီးနောက် ညာခြေဖြင့် ဘောလုံးကို ညင်သာစွာ ပင့်တင်လိုက်သည်။</p> <p style="text-align:justify">“ခံစစ် ကူပေးဦး...” </p> <p style="text-align:justify">ခရစ္စတန်ဆန်က ဘောလုံး သူ၏ ခြေထောက်ပေါ်မှ ကျော်သွားသည်ကို ကြည့်ရင်း သူ့ဘေးရှိ ရူဒီဂါကို စိုးရိမ်တကြီး အော်ဟစ် အကူအညီ တောင်းလိုက်သည်။ </p> <p style="text-align:justify">သူ အစွမ်းကုန် ကြိုးစားခဲ့ပြီးပါပြီ။ </p> <p style="text-align:justify">သို့သော် ချူဖုန်း၏ သိမ်မွေ့လှသော လိမ်ခေါက်နိုင်စွမ်းနှင့် ကြောက်မက်ဖွယ်ကောင်းသော ရုပ်ပိုင်းဆိုင်ရာ စွမ်းရည်များကြောင့် သူ၏ အစစ်အမှန် ရည်ရွယ်ချက်များကို ခွဲခြားသိမြင်နိုင်ရန် မဖြစ်နိုင်ခဲ့ချေ။</p> <p style="text-align:justify">ပထမ လှုပ်ရှားမှု နှစ်ခုကို ငါ လိုက်မီခဲ့ပေမဲ့... တတိယ လှုပ်ရှားမှုကျတော့... ကူရာကယ်ရာမဲ့တဲ့ ခံစားချက်ကြီးက ငါ့ကို လွှမ်းမိုးသွားတော့တာပဲ။ </p> <p style="text-align:justify">အီဘရာဟီမိုဗစ် တစ်ခါက လီဗာပူး ဗဟိုနောက်ခံလူ ဟင်ကယ်နဲ့ ပတ်သက်ပြီး ဒီလို ပြောခဲ့ဖူးသည်။ “ငါ ဘယ်ဘက်ကို လိမ်ခေါက်တော့ သူ ဘယ်ဘက်ကို လိုက်ပြေးတယ်... ငါ ညာဘက်ကို ပြောင်းလိုက်တော့ သူ ညာဘက်ကို လိုက်ပြေးတယ်... ငါ ဘယ်ဘက်ကို ထပ်သွားလိုက်ရော... သူ ကွင်းဘေးထွက်ပြီး ဟော့ဒေါ့ သွားဝယ်တော့တာပဲ...” </p> <p style="text-align:justify">ခရစ္စတန်ဆန် တစ်ယောက်လည်း အခုလို အတွေ့အကြုံမျိုးကို ရင်ဆိုင်နေရပြီ ဖြစ်သည်။ သို့ရာ၌ ရူဒီဂါ၏ အချိန်ကိုက် ခံစစ်အကူအညီက အလျင်အမြန် ရောက်ရှိလာပြီး ချူဖုန်းကို အနည်းငယ် တားဆီးနိုင်ခဲ့သည်။ </p> <p style="text-align:justify">ရူဒီဂါ၏ ခံစစ်စွမ်းရည်က တကယ်ကို ကောင်းမွန်သည်ဟု ဆိုရပေမည်။ ချူဖုန်း တစ်ယောက် ရွှံ့နွံထဲ နစ်နေသကဲ့သို့ ခံစားရပြီး အရှိန်တင်၍ ရုန်းထွက်ရန် ကြိုးစားသော်လည်း အောင်မြင်မှု မရခဲ့ပေ။</p> <p style="text-align:justify">သို့သော် သူ့တွင် ပြိုင်ဘက်ကင်းသည့် အတွေ့အကြုံများ ရှိပေသည်။ သူက တမင်တကာ အရှိန်လျှော့လိုက်ပြီး ဟန်ချက်ကို ပြင်ကာ ညာခြေကို မြှောက်၍ ဂိုးကန်သွင်းမည့် ဟန်ပြင်လိုက်သည်။</p> <p style="text-align:justify">ခံစစ်ကစားသမား ဘာလုပ်မလဲ။ </p> <p style="text-align:justify">ချူဖုန်းက ခံစစ်ကစားသမား၏ စဉ်းစားနည်းကို ပြောင်းပြန် လေ့လာဖော်ထုတ်ရန် အလေ့အကျင့် ရနေပြီ ဖြစ်ပြီး ထို့နောက်မှ သိထားသော အဖြေပေါ် မူတည်၍ ဖြေရှင်းနည်းကို ရေးဆွဲလေ့ ရှိသည်။ </p> <p style="text-align:justify">ရူဒီဂါ၏ မျက်လုံးများ ရုတ်တရက် ပြူးကျယ်သွားပြီး ချူဖုန်း၏ လက်ကို တင်းကျပ်စွာ ဆုပ်ကိုင်လိုက်သည်။</p> <p style="text-align:justify">ဖျက်ထုတ်ဖို့ အကောင်းဆုံး အခွင့်အရေးပဲ...</p> <p style="text-align:justify">တိုက်စစ်ကစားသမားတိုင်းမှာ ဂိုးမကန်သွင်းခင် ပြင်ဆင်ရတဲ့ အချိန်လေး ရှိတတ်တယ်... အဲဒါက ကန်ချက်ကို နှောင့်ယှက်ဖို့ အကောင်းဆုံး အချိန်ပဲ...</p> <p style="text-align:justify">သူက အရှိန်ကို အသုံးပြု၍ မြေပြင်ပေါ်သို့ လှဲချလိုက်ပြီး ဘောလုံးကို အညှာအတာမဲ့စွာ လျှောထိုး ဖျက်ထုတ်လိုက်လေသည်။ </p> <p style="text-align:justify">သို့သော် မျှော်လင့်ထားသော အသံ ထွက်ပေါ်မလာခဲ့ချေ။ ရူဒီဂါ တစ်ခုခုကို ချက်ချင်း သဘောပေါက်သွားပြီး မျက်လုံးထောင့်မှ ကြည့်လိုက်ရာ ချူဖုန်းက ဘောလုံးကို ဘယ်ဘက်သို့ ကျွမ်းကျင်စွာ ဆွဲယူသွားသည်ကို တွေ့လိုက်ရသည်။ </p> <p style="text-align:justify">ဂိုးပေါက်ကို စွန့်ခွာလာသော ကီပါနှင့် ရင်ဆိုင်ရချိန်တွင် ချူဖုန်းက ဂိုးသမားကို ထပ်မံ လိမ်ခေါက်ခြင်း မပြုတော့ဘဲ ညာခြေဖြင့် ညာဘက်သို့ အနည်းငယ် ပင့်တင်လိုက်သည်။ </p> <p style="text-align:justify">သူက ခြေဖမိုးကို အသုံးပြု၍ ဘောလုံးကို အဝေးတိုင်ဆီသို့ ကန်သွင်းလိုက်လေသည်။</p> <p style="text-align:justify">ရွှစ်... ဘန်း...</p> <p style="text-align:justify">ဘောလုံးက ပိုက်ကွန်ကို ထိတွေ့သွားသော ကြည်လင်ပြတ်သားသည့် အသံလေးက ကမ္ဘာပေါ်တွင် အလှပဆုံး သံစဉ်လေး တစ်ခုနှင့် တူနေသည်။</p> <p style="text-align:justify">အိုးထရက်ဖို့ဒ်ကွင်းကြီး အလျင်အမြန်ပင် အားပေးသံများဖြင့် ပေါက်ကွဲထွက်လာတော့သည်။</p> <p style="text-align:justify">“ချူဖုန်း... ပင်နယ်တီဧရိယာ အရှေ့မှာ ဘာအကူအညီမှ မရှိတဲ့ အခြေအနေမှာ... သူ့ရဲ့ တစ်ဦးချင်း စွမ်းရည်ကို သုံးပြီး အတင်း ဖောက်ထွက်သွားပြီး ချယ်လ်ဆီး ဂိုးပေါက်ထဲကို နောက်တစ်ကြိမ် ဘောလုံး ပို့လွှတ်လိုက်ပြန်ပါပြီဗျာ...”</p> <p style="text-align:justify">“ကျွန်တော် အရင်ကတည်းက ပြောဖူးပါတယ်... ချူဖုန်းကို လူကပ်ဖို့ အနည်းဆုံး ကစားသမား နှစ်ယောက် လိုအပ်တယ်လို့...”</p> <p style="text-align:justify">“ဒါပေမဲ့ တချို့အချိန်တွေမှာ နှစ်ယောက်တောင် မလုံလောက်ဘူး ဖြစ်နေတယ်...” </p> <p style="text-align:justify">နဗီးလ်က အဓိပ္ပာယ်မရှိသော စကားများကို ပြောနေခြင်းပင်။ </p> <p style="text-align:justify">ထို့နောက် သူက ကာရေဂါကို တစ်ချက် ကြည့်ကာ ရန်စသည့် လေသံဖြင့် “လီဗာပူးတို့ ချူဖုန်းရဲ့ တိုက်ခိုက်မှုတွေအတွက် အသင့်ဖြစ်နေပါစေလို့ မျှော်လင့်ပါတယ်ဗျာ...” ဟု ပြောလိုက်သည်။</p> <p style="text-align:justify">ကာရေဂါ တစ်ယောက် သည်းမခံနိုင်တော့ဘဲ နဗီးလ်ကို လက်ညှိုးထိုးကာ ပြန်လည် ချေပလိုက်သည်။ “ရူဒီဂါနဲ့ ခရစ္စတန်ဆန် နှစ်ယောက်ပေါင်းရင်တောင် ဗန်ဒိုက်ကို မယှဉ်နိုင်ပါဘူး... သူတို့ ချူဖုန်းကို မတားနိုင်တာက ဘာမှ ထူးဆန်းမနေပါဘူး...”</p> <p style="text-align:justify">သူတို့နှစ်ဦး ထပ်မံ၍ ပြင်းပြင်းထန်ထန် ငြင်းခုန်ကြပြန်လေပြီ။</p> <p style="text-align:justify">နဗီးလ်က အချက်အလက်များကို ထုတ်ပြပြီး ကာရေဂါက ခံစားချက်များကို ပြောဆိုကာ အမြဲတမ်း အကြောင်းပြချက် တစ်ခုခုတော့ ရှာတွေ့နေကြသည်ပင်။</p> <p style="text-align:justify">လမ်းပတ်ကတော့ ထိုမြင်ကွင်းကို ကြည့်ရင်း ပိုမို တိတ်ဆိတ်သွားလေသည်။ </p> <p style="text-align:justify">ချယ်လ်ဆီး ကစားသမားများလည်း သူ့လိုပင် ခံစားနေကြရသည်။ ရူဒီဂါက ပင်နယ်တီဧရိယာထဲတွင် ခါးထောက်ကာ ရပ်နေပြီး စောစောက မြင်ကွင်းကို သူ၏ ခေါင်းထဲတွင် ပြန်လည် မြင်ယောင်နေမိသည်။</p> <p style="text-align:justify">ငါတို့ ဘယ်လိုလုပ် ဒီလောက် အလွယ်တကူ အလှည့်စား ခံလိုက်ရတာလဲ။</p> <p style="text-align:justify">တကယ်တမ်း သူက ကိုယ့်ကိုယ်ကိုယ် အလွန်အမင်း အပြစ်တင်နေမိခြင်း ဖြစ်၏။ ဂိုးပေးလိုက်ရသည့် အကြောင်းရင်းများစွာ ရှိသော်လည်း အဓိက သော့ချက်မှာ ညာတောင်ပံ ခံစစ် လစ်ဟင်းသွားမှုကြောင့်ပင်။</p> <p style="text-align:justify">ဝီလီယံ၊ ဘာကလေနှင့် အက်စ်ပီလီကွီတာတို့က ဘယ်အဆင့်မှာ ရှိနေလဲ။</p> <p style="text-align:justify">အက်ရှလေယန်းနှင့် ရက်ရှ်ဖို့ဒ်တို့က ဘယ်လိုလုပ် အဲဒီလောက် အလွယ်တကူ ဖောက်ထွက်သွားနိုင်ပြီး ကွင်းလယ်ခံစစ်ကို ကျော်ဖြတ်ကာ ချူဖုန်းဆီ ဘောလုံး ပေးပို့နိုင်ခဲ့သနည်း…။</p> <p style="text-align:justify">ဆာရီက နည်းပြခုံတန်းတွင် အောက်ငုံ့ကာ ထိုင်နေပြီး လက်ချောင်းများကြားရှိ ဆေးရွက်ကြီး အနည်းငယ်ကို ပွတ်သပ်ကာ ထပ်ခါတလဲလဲ ဝါးနေမိသည်။</p> <p style="text-align:justify">အနိုင်အရှုံးကိုလည်း သူ သိပ်ဂရုမစိုက်တော့ချေ။</p> <p style="text-align:justify">ဂျော်ဂျင်ဟိုနှင့် ဟီဂူအင်ကဲ့သို့သော သူ၏ အဓိက ကစားသမားများ အတွက်တော့ နှမြောမိပါသည်။ သူတို့ကို ချယ်လ်ဆီး၏ မီးတွင်းထဲသို့ သူကိုယ်တိုင် ဆွဲခေါ်လာခဲ့ပြီး ယခု သူကိုယ်တိုင် ထွက်ပြေးရတော့မည် မဟုတ်ပါလား။</p> <p style="text-align:justify">“ပက်ဒရိုကို သွေးပူလေ့ကျင့်ခန်း လုပ်ခိုင်းလိုက်... ခဏနေရင် သူက ဝီလီယံ နေရာ ဝင်ကစားမယ်... ပြီးတော့ ဂျရူးက ဟီဂူအင် နေရာ ဝင်မယ်...”</p> <p style="text-align:justify">ဆာရီ နောက်ဆုံးတော့ စိတ်မကောင်း ဖြစ်သွားသည်။ </p> <p style="text-align:justify">သူက အောက်ခြေ လိဂ်များမှနေ၍ သူ၏ မလျှော့သော ဇွဲလုံ့လဖြင့် ယနေ့ နေရာအထိ တက်လှမ်းလာခဲ့သူ ဖြစ်သည်။ သို့မဟုတ်ပါက စီးရီးအေတွင် တိုက်စစ်ကစားဟန်ကို သူ ကစားပြနိုင်မည် မဟုတ်ပေ။</p> <p style="text-align:justify">ကံဆိုးစွာဖြင့် သူ၏ နည်းဗျူဟာပိုင်းဆိုင်ရာ တွေးခေါ်မှုက ချယ်လ်ဆီးနှင့် မကိုက်ညီခဲ့ပေ။ မကြာမီမှာပင် ချယ်လ်ဆီးတို့ လူစားလဲမှု ပြုလုပ်ခဲ့ပြီး ဂျရူး ဝင်ရောက်လာကာ အသင်းဖော်များကို နှစ်သိမ့်ပေးရင်း သူတို့၏ တိုက်ပွဲဝင်လိုစိတ်ကို ပြန်လည် နှိုးဆွပေးရန် ကြိုးစားခဲ့သည်။ </p> <p style="text-align:justify">သို့သော် ထိရောက်မှုက အလွန် နည်းပါးလှသည်။</p> <p style="text-align:justify">ချယ်လ်ဆီးတို့ ဘာလှိုင်းဂယက်မှ မဖန်တီးနိုင်တော့သည်ကို မြင်သောအခါ မော်ရင်ညိုက အပြောင်းအလဲများ ပြုလုပ်ကာ ချူဖုန်း၊ ပေါ့ဘာ နှင့် မာတစ်တို့ကို လူစားလဲလိုက်သည်။ အဘယ်ကြောင့်ဆိုသော် ချန်ပီယံလိဂ် ဆီမီးဖိုင်နယ် အတွက် သူတို့၏ စွမ်းအင်များကို ချွေတာထားရန် လိုအပ်သောကြောင့်ပင်။</p> <p style="text-align:justify">“လူကာကူက တိုက်စစ်ဆင်ချင်စိတ် ပြင်းပြနေပုံရတယ်... ကိုယ်အလေးချိန် အောင်အောင်မြင်မြင် လျှော့ချနိုင်ခဲ့ပြီးနောက် သူ့ရဲ့ စွမ်းဆောင်ရည်တွေလည်း တိုးတက်လာတယ်ဗျ...”</p> <p style="text-align:justify">“ဒါပေမဲ့... အသင်းကနေ ထွက်ချင်တဲ့ စိတ်ကူး သူ့မှာ ရှိနေတယ်လို့ ကျွန်တော် ကြားတယ်... ဘာလို့လဲ ဆိုတော့ ချူဖုန်း မန်ယူမှာ ရှိနေသရွေ့ သူက အဓိက တိုက်စစ်မှူးပဲ ဖြစ်နေမှာမို့... လူကာကူက အရံအဖြစ် နေရတာကို သေချာပေါက် သဘောကျမှာ မဟုတ်ဘူးလေ...”</p> <p style="text-align:justify">“ကောလာဟလတွေ အရ အသင်း တချို့က လူကာကူကို ဆက်သွယ်ထားပြီး ပြောင်းရွှေ့ကြေး အများကြီး ပေးဖို့ ဆန္ဒရှိနေကြတယ်တဲ့...”</p> <p style="text-align:justify">“အိုးဗျာ... လူကာကူရဲ့ ဂိုးပေါက်ရှေ့ အဆုံးသတ်နိုင်စွမ်းက ပြီးခဲ့တဲ့ရာသီကလိုပဲ ကြောက်စရာကောင်းလောက်အောင် ညံ့ဖျင်းနေတုန်းပဲ...”</p> <p style="text-align:justify">နဗီးလ်၏ ဝေဖန်တင်ဆက်မှုများနှင့်အတူ အချိန်များ ဆက်လက် ကုန်လွန်သွားလေသည်။</p> <p style="text-align:justify">မန်ယူတို့ အကောင်းဆုံး အခွင့်အရေး အချို့ကို လွဲချော်ခဲ့ပြီးနောက် ချယ်လ်ဆီး၏ တိုက်စစ်က တဖြည်းဖြည်း ပုံပေါ်လာသော်လည်း သူတို့အတွက် အချိန်သိပ်မကျန်တော့ချေ။</p> <p style="text-align:justify">နောက်ဆုံးတွင် ဒိုင်လူကြီးက ခရာမှုတ်လိုက်လေပြီ။ </p> <p style="text-align:justify">တီ… တီ… တီ…</p> <p style="text-align:justify">ပွဲက အဆုံးသတ်သွားပြီ ဖြစ်ပြီး မန်ယူ ၃-၀ ချယ်လ်ဆီး။</p> <p style="text-align:justify">“မန်ယူတို့ သူတို့ရဲ့ နောက်ဆုံး လိဂ်ပြိုင်ဘက် သုံးသင်းထဲက အားအကောင်းဆုံး အသင်း ဖြစ်တဲ့ ချယ်လ်ဆီးကို အနိုင်ယူနိုင်ခဲ့ပြီး ပရီးမီးယားလိဂ် ချန်ပီယံဆုနဲ့ နောက်တစ်လှမ်း ပိုနီးကပ်သွားပါပြီ...”</p> <p style="text-align:justify">“အခု ချူဖုန်းရဲ့ ကိုယ်ပိုင် အချက်အလက်တွေ အကြောင်း ပြောကြရအောင်...”</p> <p style="text-align:justify">“ဒီနေ့ပွဲက သွင်းဂိုး သုံးဂိုးကြောင့်... သူက လိဂ် ၃၆ ပွဲမှာ ၃၉ ဂိုး သွင်းယူနိုင်ခဲ့ပြီး ပြီးခဲ့တဲ့ရာသီက သူ့ရဲ့ ကိုယ်ပိုင်စံချိန်ကို ချိုးဖျက်နိုင်ခဲ့သလို လိဂ်ရဲ့ သွင်းဂိုး စံချိန်သစ် တစ်ခုကိုလည်း တင်နိုင်ခဲ့ပါပြီဗျာ...”</p> <p style="text-align:justify">“အခု သူ သွင်းလိုက်တဲ့ ဂိုးတိုင်းက သမိုင်းကို ရေးထိုးနေတာပါပဲ...”</p> <p style="text-align:justify">နဗီးလ် တစ်ယောက် ချီးကျူးစကားများ တသီတတန်းကြီး ပြောနေတော့သည်။ ထို့နောက် နဗီးလ်က လက်သီးလက်မောင်း တန်းကာ ချူဖုန်းဍီကာ ဖွင့်လေ၏။</p> <p style="text-align:justify"> “ကာရင်တန် လေ့ကျင့်ရေးကွင်းကြီးက ဂစ်၊ ဘက်ခမ်းနဲ့ စခိုးလ်တို့လို နာမည်ကြီး ကစားသမား အများအပြားကို မွေးထုတ်ပေးခဲ့တယ်... ဒါပေမဲ့ ချူဖုန်းရဲ့ အောင်မြင်မှုတွေက သူတို့ထက်တောင် ပိုကြီးမားလာလိမ့်မယ်လို့ ကျွန်တော် ရဲရဲကြီး ပြောရဲတယ်... ဘာလို့လဲဆိုတော့ အဲဒီအချိန်ကာလတွေကို ကျွန်တော် ကိုယ်တိုင် ဖြတ်သန်းခဲ့ရလို့ ချူဖုန်း တကယ်ကို ဘယ်လောက် ကောင်းသလဲ ဆိုတာ ကျွန်တော် နားလည်လို့ပါပဲ...”</p> <p style="text-align:justify">ကာရေဂါ တစ်ယောက် မနေနိုင်ဘဲ အနည်းငယ် မနာလို ဖြစ်လာကာ စောင်းမြောင်း၍ ပြောဆိုလာသည်။</p> <p style="text-align:justify">“ဒါပေမဲ့ ချူဖုန်းက တိုးတက်ဖို့ နေရာမရှိတော့တာတော့ မဟုတ်ဘူးလေ... ဥရောပ ထိပ်သီးလိဂ် ငါးခုကို ကြည့်လိုက်ရင်... တစ်ရာသီတည်း သွင်းဂိုး အများဆုံး စံချိန်က လာလီဂါ မှာ ရှိတယ်... ၂၀၁၁-၂၀၁၂ ရာသီတုန်းက ဘာစီလိုနာရဲ့ မက်ဆီ သွင်းခဲ့တဲ့ ဂိုး ၅၀ လေ...”</p> <p style="text-align:justify">“ဒါက လူသားတွေရဲ့ အလားအလာ အကန့်အသတ်ပဲလို့ ကျွန်တော် ထင်တယ်... ဘယ်သူကမှ အဲဒါကို ချိုးဖျက်နိုင်မှာ မဟုတ်သလို မီအောင်လည်း လိုက်နိုင်မှာ မဟုတ်ဘူး...”</p> <p style="text-align:justify">သူ၏ စကားများက ဘက်လိုက်မှု ပါနေကြောင်း ကာရေဂါ ကိုယ်တိုင် သိသည်။ မည်သို့ပင်ဆိုစေ လာလီဂါ၏ အခြေအနေက ပရီးမီးယားလိဂ်နှင့် မတူပေ။ </p> <p style="text-align:justify">လာလီဂါတွင် ရီးရဲလ်မက်ဒရစ်၊ အက်သလက်တီကို မက်ဒရစ်နှင့် ဘာစီလိုနာတို့သာ ပြိုင်ဆိုင်မှု ပြင်းထန်ပြီး ဘာစီလိုနာ အနေဖြင့် အားနည်းသော အသင်းများကို အခွင့်ကောင်းယူကာ အလွယ်တကူ ဂိုးသွင်းနိုင်ပေသည်။</p> <p style="text-align:justify">ဥရောပ ထိပ်သီး ဘောလုံးလိဂ် ၅ ခုမှ အချက်အလက်များက အရာအားလုံးကို ရှင်းလင်းစွာ သက်သေပြနေသည်။</p> <p style="text-align:justify">လာလီဂါ၏ သမိုင်းတွင် ဂိုးသွင်းအများဆုံး ထိပ်တန်း ၃ ဦးမှာ မက်ဆီ (၅၀ ဂိုး)၊ ရော်နယ်ဒို (၄၈ ဂိုး)နှင့် မက်ဆီ (၄၆ ဂိုး) တို့ ဖြစ်သည်။ </p> <p style="text-align:justify">ပရီးမီးယားလိဂ်တွင် ဂိုးသွင်းအများဆုံး ထိပ်တန်း ၃ ဦးမှာ ချူဖုန်း (၃၉ ဂိုး)၊ ဆာလာ (၃၇ ဂိုး)နှင့် အလန်ရှီးယား (၃၄ ဂိုး) တို့ ဖြစ်သည်။ </p> <p style="text-align:justify">ဘွန်ဒက်စ်လီဂါတွင် ဂိုးသွင်းအများဆုံး ထိပ်တန်း ကစားသမားများမှာ ဂတ်မူလာ (၄၀ ဂိုး)နှင့် လီဝန်ဒေါစကီး (၃၅ ဂိုး) တို့ ဖြစ်သည်။ </p> <p style="text-align:justify">ယင်းကို ကြည့်လျှင် လိဂ်များအကြား ကွာခြားချက်များ ရှိနေသည်မှာ သေချာလှသည်။</p> <p style="text-align:justify">သေချာသည်မှာ မက်ဆီနှင့် ရော်နယ်ဒိုတို့ နှစ်ဦးစလုံးက တစ်ဦးချင်း စွမ်းရည် အလွန် ကောင်းသည်ကို ငြင်းဆို၍ မရပေ။ အဘယ်ကြောင့်ဆိုသော် ဘွန်ဒက်စ်လီဂါ၏ အားနည်းသော အသင်းများကို အနိုင်ယူရာတွင် ဘုရင်တစ်ပါး ဖြစ်သော ဘိုင်ယန်မြူးနစ်မှ တိုက်စစ်မှူး နှစ်ဦးပင်လျှင် မက်ဆီ၏ စံချိန်ကို မကျော်ဖြတ်နိုင်ခဲ့သောကြောင့် ဖြစ်သည်။ </p> <p style="text-align:justify">***</p>


Save