Book List

<h2 style="text-align: center;">အခန်း (၃၉၈)</h2> <h2 style="text-align: center;">*</h2> <p> </p> <p> </p> <p> </p> <p> </p> <p style="text-align:justify">“ဖြစ်နိုင်တာကတော့...”</p> <p style="text-align:justify">နဗီးလ်က ချူဖုန်း အနေဖြင့် ထိုစံချိန်ကို ချိုးဖျက်ရန် အခွင့်အရေး ရှိသည်ဟု ပြောချင်သော်လည်း စကားလုံးများကို ပြန်မျိုချလိုက်ရသည်။ </p> <p style="text-align:justify">ချူဖုန်း တကယ် လုပ်နိုင်ပါ့မလား။</p> <p style="text-align:justify">ယင်းကိစ္စနှင့် ပတ်သတ်လျှင် သူ ယုံကြည်မှု သိပ်မရှိပေ။ အဘယ်ကြောင့်ဆိုသော် အခက်အခဲ အဆင့်က မြင့်မားလွန်းသောကြောင့်ပင်။</p> <p style="text-align:justify">“မက်ဆီသာ ပရီးမီးယားလိဂ်ကို လာပြီး ဂိုး ၅၀ သွင်းနိုင်သေးတယ် ဆိုရင်တော့... ကျွန်တော် ခင်ဗျား ပြောတာကို လက်ခံပေးမယ်ဗျာ” </p> <p style="text-align:justify">နဗီးလ်က စသလို နောက်သလိုဖြင့် ထိုကိစ္စကို လျှောချလိုက်ပြီး ပြင်းထန်သော စကားများကို မပြောခဲ့ပေ။ </p> <p style="text-align:justify">အကယ်၍ သူက လူထု၏ အာရုံစိုက်မှုကို ဆွဲဆောင်လိုက်ပါက ချူဖုန်းလည်း ဖိအားများ အောက်သို့ ရောက်သွားပေလိမ့်မည်။ ထိုအရာက သူ၏ စွမ်းဆောင်ရည်ကို ထိခိုက်သွားလျှင် ဘယ်လိုလုပ်မလဲ။ </p> <p style="text-align:justify">“ဟီးဟီး... ချူဖုန်းက မက်ဆီကို ကျော်တက်နိုင်မလား ဆိုတာကို နောက်ထပ် အလောင်းအစား တစ်ခု လုပ်ကြမလား... ဒီတစ်ခါတော့ ခင်ဗျား လောင်းကြေးကို ရွေးချယ်ခွင့် ပေးမယ်လေ...”</p> <p style="text-align:justify">ကာရေဂါက အာဏာပြချင်စိတ်ဖြင့် အဆက်မပြတ် တိုက်ခိုက်နေလေသည်။</p> <p style="text-align:justify">နဗီးလ် တစ်ယောက် အမြီးအနင်းခံလိုက်ရသော ကြောင်တစ်ကောင်လို ဖြစ်သွားသည်။ </p> <p style="text-align:justify">မန်ယူက လီဗာပူးလောက် ခြေစွမ်းမပြနိုင်ခင် အချိန်တုန်းက ကာရေဂါ အရမ်း မောက်မာခဲ့တာပဲ။ သူက နောက်ကနေ လိုက်ကစားရချိန်ဆို ဘယ်တော့မှ အလောင်းအစား မလုပ်ဘူးလေ။</p> <p style="text-align:justify">ဒါပေမဲ့ အခု ဘယ်သူက ပိုကောင်းတဲ့ အခြေအနေမှာ ရှိနေလဲ။</p> <p style="text-align:justify">နဗီးလ်က သူ၏ ရင်ဘတ်ပေါ်ရှိ အသင်းတံဆိပ်ကို လက်ညှိုးထိုးပြကာ “အဲဒါကို လောင်းနေလို့ ဘာအဓိပ္ပာယ် ရှိမှာလဲ... မက်ဆီက လီဗာပူး ကစားသမားမှ မဟုတ်တာ... ချန်ပီယံလိဂ် ဆီမီးဖိုင်နယ်မှာ ဘယ်သူ နောက်တစ်ဆင့် တက်မလဲ ဆိုတာကိုပဲ လောင်းကြတာပေါ့...” </p> <p style="text-align:justify">ကာရေဂါ တစ်ယောက် ခေတ္တမျှ ဆွံ့အသွားသည်။ </p> <p style="text-align:justify">အရင်က လီဗာပူးကို သူ အရမ်း ယုံကြည်လွန်းခဲ့လို့ မန်ယူ ပရိသတ်တွေကြားမှာ သူက ရယ်စရာ တစ်ခု ဖြစ်ခဲ့ရတာလေ။ အခု ငါ ထပ်ပြီး အလှည့်စား ခံရဦးမလား။</p> <p style="text-align:justify">သူက စာရွက်စာတမ်းများကို တိတ်တဆိတ် သိမ်းဆည်းကာ မတ်တပ်ရပ်ပြီး လှည့်ထွက်သွားလိုက်သည်။ </p> <p style="text-align:justify">……………………</p> <p style="text-align:justify">ပရီးမီးယားလိဂ် ပွဲစဉ် ၃၆၏ ပွဲများ ပြီးဆုံးသွားပြီးနောက်… </p> <p style="text-align:justify">တချို့က ပျော်ရွှင်ကြပြီး တချို့ကတော့ ဝမ်းနည်းနေကြသည်။ မန်ယူ ပရိသတ်များက ပျော်ရွှင်နေကြသော်လည်း မန်စီးတီးနှင့် လီဗာပူး ပရိသတ်များကတော့ စိုးရိမ်ပူပန်နေကြသည်။</p> <p style="text-align:justify">အရေးပါသော ပွဲစဉ်ကို ရှုံးနိမ့်ပြီးနောက် မန်စီးတီး၏ ခြေစွမ်းက သိသိသာသာ ကျဆင်းသွားခဲ့သော်လည်း ဘန်လေ အဝေးကွင်းတွင် ၁-၀ ဖြင့် ခက်ခက်ခဲခဲ အနိုင်ရခဲ့သည်။ </p> <p style="text-align:justify">ပွဲချိန် ၆၃ မိနစ်တွင် အဂူရို ဂိုးသွင်းယူခဲ့ပြီးနောက် ကွင်းတွင်းရှိ မြင်ကွင်းက အလွန် အံ့အားသင့်စရာ ကောင်းခဲ့သည်။ ဘန်လေ၏ အညှာအတာမဲ့ တိုက်စစ်က မန်စီးတီးကို လွှမ်းမိုးထားနိုင်ခဲ့သည်။</p> <p style="text-align:justify">နောက်ဆုံးတွင် ဘန်လေက သူ၏ ဂိုးပေါက်ကို ဖောက်ထွင်းပြီး သရေကျသွားမည်ကို ရှောင်ရှားရန် အတွက် ဂွါဒီယိုလာက ခြောက်ယောက်တန်း ခံစစ်ကိုပင် အသုံးပြုခဲ့ရသည်။ </p> <p style="text-align:justify">မန်စီးတီး၏ ခြေစွမ်းကျဆင်းနေမှုနှင့် မတူဘဲ လီဗာပူးတို့ကတော့ စိတ်ဓာတ် တက်ကြွနေကြပြီး ဟတ်ဒါဖီးလ်တောင်း ကို ၅-၀ ဖြင့် အနိုင်ရခဲ့သည်။ နာဘီကီတာက တစ်ဂိုး သွင်းယူခဲ့ပြီး မာနေးနှင့် ဆာလာတို့ နှစ်ဦးစလုံးက နှစ်ဂိုးစီ သွင်းယူခဲ့ကြသည်။</p> <p style="text-align:justify">ပြိုင်ဘက်က အတော်လေး အားနည်းသည် ဆိုသော်လည်း လီဗာပူး၏ ခြေစွမ်းကို ပြသနိုင်ခဲ့သည်။</p> <p style="text-align:justify">ယင်းက မန်ယူ ပရိသတ်များကို စိုးရိမ်မှု အချို့ကိုလည်း ဖြစ်ပေါ်စေခဲ့သည်။ အဘယ်ကြောင့်ဆိုသော် မကြာမီ မန်ချက်စတာ ယူနိုက်တက်က လီဗာပူးနှင့် ချန်ပီယံလိဂ် ဆီမီးဖိုင်နယ်ကို ရင်ဆိုင် ကစားရတော့မည် ဖြစ်သောကြောင့်ပင်…။</p> <p style="text-align:justify">အကယ်၍ လီဗာပူးကသာ သူတို့ကို အမှန်တကယ် အနိုင်ယူသွားခဲ့ပါက နောင်နှစ်ပေါင်းများစွာ တိုင်အောင် လှောင်ပြောင်ခံရတော့မည် ဖြစ်သည်။ </p> <p style="text-align:justify">မကြာမီမှာပင် ဤအပတ် ပရီးမီးယားလိဂ် ပွဲစဉ်များနှင့် ပတ်သက်သည့် သတင်းများက အင်တာနက် တစ်လျှောက် လျင်မြန်စွာ ပြန့်နှံ့သွားတော့သည်။</p> <p style="text-align:justify">“ချူဖုန်းက ပြီးခဲ့သည့် ရာသီတွင် လိဂ်သွင်းဂိုး စံချိန်ကို ချိုးဖျက်ခဲ့ပြီး ယခုရာသီတွင် သူ၏ ကိုယ်ပိုင် စံချိန်ကို ထပ်မံ ချိုးဖျက်ခဲ့ပြန်သည်။ ချူဖုန်း၏ အကန့်အသတ်က အတိအကျ ဘယ်နေရာမှာ ရှိနေသနည်း”</p> <p style="text-align:justify">“နောက်ရာသီအတွက် မန်ယူရဲ့ ဖြစ်နိုင်ခြေရှိတဲ့ အပြောင်းအရွှေ့ ပစ်မှတ်များ အကြောင်း...”</p> <p style="text-align:justify">“...”</p> <p style="text-align:justify">ချူဖုန်းက အင်္ဂလန်သာမက ဥရောပ ဘောလုံးလောက တစ်ခုလုံး၏ ဗဟိုချက် ဖြစ်လာခဲ့လေပြီ။  ယခင်က နာမည်ကျော်ခဲ့သော အမ်ဘာပေ ကဲ့သို့သော လူငယ် ကစားသမားများပင်လျှင် ယခုအခါ ချူဖုန်း၏ အနောက်တွင် တဖြည်းဖြည်း ကျန်ရစ်နေခဲ့ပြီ ဖြစ်သည်။</p> <p style="text-align:justify">【မန်ယူတို့ ပရီးမီးယားလိဂ် ချန်ပီယံဆုကို အခြေခံအားဖြင့် သေချာသွားပါပြီ... အခုဆို ချန်ပီယံလိဂ်နဲ့ အက်ဖ်အေဖလား ပြိုင်ပွဲတွေက သူတို့ရဲ့ အခွင့်အရေးတွေအပေါ်မှာပဲ မူတည်နေတော့တယ်...】</p> <p style="text-align:justify"><br /> 【ပွဲစဉ်ဇယား အရမ်း ကြပ်လွန်းတယ်... မန်ယူ အနေနဲ့ မျက်နှာစာ သုံးခုလုံးမှာ ယှဉ်ပြိုင်ဖို့က အန္တရာယ် များပါတယ်... သူတို့ ချန်ပီယံလိဂ်ကိုပဲ အပြည့်အဝ အာရုံစိုက်လိုက်တာက ပိုကောင်းလိမ့်မယ်...】</p> <p style="text-align:justify">【လောလောဆယ် လီဗာပူးက မန်ယူထက် သိပ်မနိမ့်ပါဘူးလို့ ကျွန်တော် ခံစားရတယ်... အထူးသဖြင့် ဒီလောက် အချိန်အကြာကြီး တွဲကစားလာပြီးနောက်ပိုင်းပေါ့... ဘာပဲဖြစ်ဖြစ် လီဗာပူးက ချန်ပီယံလိဂ်မှာ သေချာပေါက် အခွင့်အရေး ရှိပါတယ်... မန်ယူတို့ စောစောစီးစီး အောင်ပွဲခံမနေတာ ပိုကောင်းမယ်... မဟုတ်ရင် အေစီမီလန် လိုမျိုး နောင်တရနေရလိမ့်မယ်...】</p> <p style="text-align:justify">【ဒါနဲ့... မန်ယူက နောက်ရာသီမှာ ဘာလို့ ကစားသမားတွေ ထပ်ဝယ်ဖို့ လုပ်နေသေးတာလဲ... သူတို့ လူစာရင်းက အခုလေးတင် ပြီးပြည့်စုံလုနီးပါး ဖြစ်နေပြီကို...】</p> <p style="text-align:justify">【လူကာကူ၊ ရက်ရှ်ဖို့ဒ်နဲ့ လင်ဂတ် အပါအဝင် ကစားသမား အများအပြားက အသင်းကနေ ထွက်ချင်နေကြတယ်လေ... ကွင်းလယ်လူတွေကလည်း ခြေစွမ်းကို ထိန်းထားနိုင်ဖို့ ရုန်းကန်နေရတယ်... ဒါကြောင့် ဘက်စုံသုံး ကွင်းလယ်လူ နောက်တစ်ယောက် ထပ်ဖြည့်ဖို့ လိုအပ်တာပေါ့...】</p> <p style="text-align:justify">………………….</p> <p style="text-align:justify">ပရီးမီးယားလိဂ် နောက်ဆုံးပွဲစဉ် မတိုင်မီ ပွဲစဉ်များ ပြီးဆုံးသွားပြီးနောက် ဥရောပ ဘောလုံးလောကမှာ ခေတ္တမျှ တိတ်ဆိတ်ငြိမ်သက်သွားသော်လည်း ထိုအရာက မကြာမီ ကျရောက်လာတော့မည့် မုန်တိုင်းကြီး တစ်ခုအတွက် အစပျိုးမှု သက်သက်သာ ဖြစ်ကြောင်း လူတိုင်း သိကြသည်။</p> <p style="text-align:justify">ချန်ပီယံလိဂ် ဆီမီးဖိုင်နယ်။</p> <p style="text-align:justify">မန်စီးတီးနှင့် အေဂျက်၊ မန်ယူနှင့် လီဗာပူး။</p> <p style="text-align:justify">မန်ချက်စတာ ကလပ်အသင်း နှစ်သင်းစလုံးက သေချာပေါက် ဂယက်ရိုက်ခတ်မှုများ ဖြစ်စေခဲ့ပြီး သူတို့၏ ပွဲစဉ်များကို ကိုယ်တိုင်ကိုယ်ကျ ကြည့်ရှုနိုင်ရန် ကမ္ဘာတစ်ဝှမ်းမှ ကမ္ဘာလှည့် ခရီးသည် ထောင်ပေါင်းများစွာကို ဆွဲဆောင်နိုင်ခဲ့သည်။</p> <p style="text-align:justify">အကယ်၍များ</p> <p style="text-align:justify">အကယ်၍သာ မန်ယူနှင့် မန်စီးတီးတို့ နှစ်သင်းစလုံးက သူတို့၏ ပြိုင်ဘက်များကို အသီးသီး အနိုင်ယူနိုင်ခဲ့မည် ဆိုပါက ကမ္ဘာ့ဘောလုံးလောကတွင် စံချိန်သစ် တစ်ခု ပေါ်ပေါက်လာပေလိမ့်မည်။</p> <p style="text-align:justify">ဆိုလိုသည်မှာ လိဂ်ဖလား ဗိုလ်လုပွဲ၊ အက်ဖ်အေဖလား ဗိုလ်လုပွဲနှင့် ချန်ပီယံလိဂ် ဗိုလ်လုပွဲများ အားလုံးတွင် ရင်ဆိုင်ရမည့် ပြိုင်ဘက်များက တူညီနေမည် ဖြစ်သည်။</p> <p style="text-align:justify">နှစ်ပေါင်းများစွာတိုင်အောင် ထိုကဲ့သို့သော အခြေအနေမျိုး မရှိခဲ့ဖူးပေ။ အထူးသဖြင့် ပရီးမီးယားလိဂ် အမှတ်ပေးဇယား၏ ထိပ်ဆုံးသို့ နှစ်သင်းစလုံး ရောက်နေသည်ကိုပါ ထည့်တွက်လိုက်လျှင် အခြေအနေမှာ အတော်လေး ထူးဆန်းနေသည် ဟု ဆိုရပေမည်။</p> <p style="text-align:justify">မန်စီးတီး လေ့ကျင့်ရေးကွင်း။</p> <p style="text-align:justify">ဇိမ်ခံ အပြင်အဆင်များနှင့် ခေတ်မီဆန်းသစ်သော အထောက်အကူပြု ပစ္စည်းများသည် ဤနေရာ၌ ရှိနေပြီး ကမ္ဘာ့တန်ဖိုးအကြီးဆုံး လေ့ကျင့်ရေးစခန်း ဟူသော နာမည်နှင့် တကယ်ကို ထိုက်တန်လှသည်။ မန်စီးတီး ကစားသမားများက အတူတကွ စုရုံးကာ စကားစမြည် ပြောဆိုနေကြသည်။</p> <p style="text-align:justify">“လိဂ်ချန်ပီယံဆု ပြိုင်ပွဲ၊ လိဂ်ဖလား ဗိုလ်လုပွဲ၊ အက်ဖ်အေဖလား ဗိုလ်လုပွဲနဲ့ ချန်ပီယံလိဂ် ဗိုလ်လုပွဲတွေ အားလုံးမှာ ငါတို့ မန်ယူကို ရှုံးသွားနိုင်တယ်လို့ မင်းတို့ ထင်လား...”</p> <p style="text-align:justify">ဖိုဒန်က ရုတ်တရက် ပြောလိုက်သည်။ သူ စကားပြောလို့ပင် မဆုံးသေးမီ လူတိုင်း၏ အကြည့်များက သူ့ထံသို့ ရောက်လာကြသည်။</p> <p style="text-align:justify">ဒေါသကြီးတတ်သော ကွန်ပနီက စားပွဲကို လက်သီးဖြင့် ပြင်းပြင်းထန်ထန် ထုချလိုက်သည်။ “မင်းပြောသလိုသာ တကယ် ဖြစ်လာခဲ့ရင်... ငါတို့က တကယ့်ကို ဆူညံတဲ့ အိမ်နီးချင်းတွေ ဖြစ်သွားပြီပေါ့... ပြီးတော့ ငါတို့ တစ်ယောက်ချင်းစီတိုင်းက အရှက်ရစရာ ဆိုတဲ့ နာမည် တပ်ခံရပြီး နောင်အနှစ် သုံးဆယ်၊ ငါးဆယ် ဒါမှမဟုတ် အနှစ်တစ်ရာလောက်ကြာတဲ့အထိ ငါတို့ကိုယ်ပေါ်က အရှက်ရစရာတွေကို ဆေးကြောပစ်နိုင်မှာ မဟုတ်တော့ဘူး...” </p> <p style="text-align:justify">“ပြီးတော့ အနာဂတ်မှာ ငါတို့ရဲ့ အောင်မြင်မှုတွေက ဘယ်လောက်ပဲ ကြီးကျယ်ခမ်းနားလာပါစေ... ငါတို့ ခေါင်းပေါ်ကို နင်းပြီး မန်ယူက ချန်ပီယံဆုတွေ ရသွားခဲ့တယ် ဆိုတာကိုပဲ လူတွေက မှတ်မိနေကြတော့မှာ...”</p> <p style="text-align:justify">“အဲဒီလိုဆိုရင် ဘောလုံး ဆက်ကစားနေတာ ဘာအဓိပ္ပာယ် ရှိတော့မှာလဲ... အခုချက်ချင်း အနားယူလိုက်တာကမှ ပိုကောင်းဦးမယ်...”</p> <p style="text-align:justify">ကွန်ပနီ၏ အားပါသော အသံကြီးက အဝတ်လဲခန်းအတွင်း ပဲ့တင်ထပ်သွားပြီး မန်စီးတီး ကစားသမားများ အားလုံး၏ ရင်ထဲသို့ ကိုယ်ချင်းစာစိတ်များ မသိစိတ်မှ ဝင်ရောက်လာစေသည်။ ထို့နောက် သူတို့အားလုံး ကျောချမ်းသွားကြသည်။</p> <p style="text-align:justify">ထို့နောက် ကွန်ပနီ၏ စကား မှန်ကန်ကြောင်း တွေးမိကြ၏။ လိဂ်ပွဲစဉ် နှစ်ပွဲ၊ လိဂ်ဖလား ဗိုလ်လုပွဲ၊ အက်ဖ်အေဖလား ဗိုလ်လုပွဲနှင့် အတည်မပြုရသေးသော ချန်ပီယံလိဂ် ဗိုလ်လုပွဲ အပါအဝင် စုစုပေါင်း ၅ ပွဲတောင် ရှိသည်။</p> <p style="text-align:justify">အကယ်၍ မန်စီးတီး အနေဖြင့် ထိုငါးပွဲ အနက် တစ်ပွဲလေးတောင် အနိုင်မရခဲ့ဘူး ဆိုပါက... သူတို့ အခု နေရာမှာတင် အနားယူလိုက်တာက ပိုကောင်းပေလိမ့်မည်။</p> <p style="text-align:justify">“မနေ့က ပွဲစဉ်မှာ ပြသခဲ့တဲ့ ငါတို့ရဲ့ ခြေစွမ်းအရ ဆိုရင်... မန်ယူကို အနိုင်ယူဖို့ အခွင့်အရေး ရှိခဲ့တယ်လို့ မင်းတို့ ထင်လား...” </p> <p style="text-align:justify">ကွန်ပနီက ပတ်ဝန်းကျင်ကို ဝေ့ကြည့်လိုက်ပြီးနောက် သူကိုယ်တိုင်ပင် ပထမဆုံး အဖြေပေးလိုက်သည်။ “ဟင့်အင်း... အခွင့်အရေး လုံးဝ မရှိခဲ့ဘူး... မန်ယူ ဘယ်လောက် ကောင်းလဲ။ ချူဖုန်း ဘယ်လောက် တော်လဲ ဆိုတာ ငါတို့ အားလုံး သိကြပါတယ်... ဒါကြောင့် အဆိုးမြင်မနေကြပါနဲ့... ဒါပေမဲ့ ပွဲတိုင်းကိုတော့ ပိုပြီး အလေးအနက်ထားဖို့ လိုတယ်...”</p> <p style="text-align:justify">အဝတ်လဲခန်းထဲတွင် ခေတ္တမျှ တိတ်ဆိတ်သွားပြီးနောက် မန်စီးတီး ကစားသမားများ၏ ဟိန်းဟောက်သံများ ပေါက်ကွဲထွက်လာတော့သည်။ </p> <p style="text-align:justify">***</p>


Save