Book List

<h2 style="text-align: center;">အခန်း (၃၉၉)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p style="text-align:justify">လီဗာပူး လေ့ကျင့်ရေးကွင်းတွင်…</p> <p style="text-align:justify">“မင်းတို့ထဲက အများစုက လီဗာပူး မြို့ခံတွေဆိုတော့... လီဗာပူးနဲ့ မန်ချက်စတာ မြို့တွေကြားက ပြိုင်ဆိုင်မှုတွေကို ကောင်းကောင်း သိကြမှာပါ... တကယ်လို့သာ မန်ယူနဲ့ မန်စီးတီးက ဗိုလ်လုပွဲကို ရောက်သွားမယ် ဆိုရင်... လီဗာပူး အနေနဲ့ ဘာတွေ ရင်ဆိုင်ရမယ်လို့ မင်းတို့ ထင်လဲ...”</p> <p style="text-align:justify">ကလော့ပ် ကလည်း သူ၏ ကစားသမားများကို စိတ်ဓာတ်ခွန်အား ပေးနေသည်။ </p> <p style="text-align:justify">“လှောင်ပြောင်မှုတွေနဲ့ စော်ကားမှုတွေပေါ့...”</p> <p style="text-align:justify">အာနိုးလ်က လေးနက်သော လေသံဖြင့် ပြောလိုက်သည်။</p> <p style="text-align:justify">လီဗာပူး မြို့ခံ တစ်ဦး အနေဖြင့် သူက မန်ချက်စတာမြို့ အပေါ် ကောင်းမွန်သော အမြင် လုံးဝ မရှိခဲ့ချေ။</p> <p style="text-align:justify">“ဟုတ်တယ်... ဒါကြောင့် နောက် လေးရက်နေရင် ကစားရမယ့် ချန်ပီယံလိဂ် ဆီမီးဖိုင်နယ်မှာ မင်းတို့ အစွမ်းကုန် ကြိုးစားဖို့ လိုတယ်... ကွင်းရဲ့ ထောင့်စွန်းတိုင်းကို ဖိအားတွေနဲ့ လွှမ်းခြုံထားရမယ်... မန်ယူရဲ့ ကစားကွက် တစ်ခုလုံးကို သူတို့ ကွင်းဘက်ခြမ်းမှာပဲ အသေ ဖိနှိပ်ထားရမယ်... သူတို့ အမှား လုပ်လာအောင် အတင်း ဖိအားပေးပြီး အန္တရာယ်ရှိတဲ့ ဧရိယာထဲကို ဘောလုံး ပေးပို့နိုင်မယ့် အခွင့်အရေးကို ဆုပ်ကိုင်ရမယ်...”</p> <p style="text-align:justify">ကစားသမားများ၏ စိတ်ခံစားချက်များ နိုးကြွလာသည်နှင့် ကလော့ပ်က မီးလောင်ရာ လေပင့်ပေးလိုက်သည်။ </p> <p style="text-align:justify">ဂျာမန်လူမျိုးများက လူအများရှေ့ စကားပြောရာတွင် မွေးရာပါ ပါရမီ ပါလာသကဲ့သို့ပင်။ ကလော့ပ်က လီဗာပူး ကစားသမားများကို စိတ်လှုပ်ရှား တက်ကြွလာစေရန် ရိုးရှင်းသော စကားလုံးများ၊ မျက်နှာအမူအရာများနှင့် ကိုယ်ဟန်အမူအရာများကို အသုံးပြုခဲ့သည်။ </p> <p style="text-align:justify">သူက ဒေါ့မွန်တွင် ရှိနေစဉ်ကတည်းက ဤနည်းလမ်းကို အလွန် ကျွမ်းကျင်ခဲ့ပြီး သူ၏ နည်းပြဘဝ အစောပိုင်း ကာလများတွင် တကယ်ကို ကောင်းမွန်သော အကျိုးသက်ရောက်မှုများ ရှိခဲ့သော်လည်း အချိန်ကြာလာသည်နှင့်အမျှ ထိရောက်မှုက တဖြည်းဖြည်း ကျဆင်းလာခဲ့သည်။</p> <p style="text-align:justify">မည်သို့ပင်ဆိုစေ ကစားသမားများ အနေဖြင့် ထိုကဲ့သို့သော စိတ်လှုပ်ရှား တက်ကြွနေသည့် အခြေအနေမျိုးတွင် အမြဲတမ်း နေနိုင်မည် မဟုတ်ချေ။ </p> <p style="text-align:justify">ဤအချိန်တွင် မော်ရင်ညိုကတော့ အခြေအနေများကို ပုံကြီးချဲ့မနေခဲ့ချေ။ သူက ကစားသမားများကို စုရုံးစေပြီး လီဗာပူး၏ နည်းဗျူဟာများကို အကျဉ်းချုပ် ရှင်းပြကာ ၎င်းတို့ကို ပြန်လည် တုံ့ပြန်ရန် ဘာတွေ လုပ်ရမည်ကို ရှင်းပြနေသည်။ </p> <p style="text-align:justify">တိကျသော နည်းဗျူဟာများ အားလုံးကို အစောကြီးကတည်းက လေ့ကျင့်ထားပြီး ဖြစ်သည်။ </p> <p style="text-align:justify">ယခု လိုအပ်သည်မှာ ကစားသမားများကို ဤအချက်ကို သိရှိစေရန်နှင့် ပွဲကစားနေစဉ်အတွင်း အတိအကျ အကောင်အထည်ဖော်ရန်သာ ဖြစ်သည်။</p> <p style="text-align:justify">လေ့ကျင့်ရေးနှင့် နည်းဗျူဟာ အစည်းအဝေး ပြီးဆုံးသွားချိန်တွင် နေမင်းကြီးက ဝင်သွားပြီ ဖြစ်ပြီး ကောင်းကင် တစ်ဝက်ခန့်ကို အနီရောင် ဆေးခြယ်ထားလေသည်။ </p> <p style="text-align:justify">ချူဖုန်းက ကာရင်တန် လေ့ကျင့်ရေးစခန်း အတွင်း လမ်းလျှောက်လာရင်း မသိလိုက်မသိဘာနှင့်ပင် စားသောက်ခန်းမ အပေါက်ဝသို့ ရောက်ရှိလာသည်။ </p> <p style="text-align:justify">သူက လွန်ခဲ့သော နှစ်နှစ်ခန့်က မြင်ကွင်းတစ်ခုကို ရုတ်တရက် အမှတ်ရလာပြီး မျက်နှာချင်းဆိုင်ရှိ နံရံကြီးကို မော့မကြည့်ဘဲ မနေနိုင်ခဲ့ချေ။ ထိုနံရံပေါ်တွင် မန်ယူ၏ နာမည်ကျော် ကြယ်ပွင့် ကစားသမား အများအပြား၏ ပုံများကို ရေးဆွဲထားသည်။ </p> <p style="text-align:justify">ဘက်ခမ်း၊ စခိုးလ်။</p> <p style="text-align:justify">ကစားသမားများ၏ အသက်အရွယ်က ဘယ်မှညာသို့ တဖြည်းဖြည်း ငယ်ရွယ်သွားပြီး နောက်ဆုံး၌ သူ၏ ပုံတူဆီသို့ ရောက်သွားသည်။</p> <p style="text-align:justify">“မန်ယူက ပန်းချီဆရာက တကယ် လက်ရာမြောက်တာပဲ... သူ ဆွဲထားတဲ့ ပုံက ငါနဲ့ ၈၀ ရာခိုင်နှုန်းလောက် တူတယ်...”</p> <p style="text-align:justify">ချူဖုန်းက တီးတိုး ရေရွတ်လိုက်သည်။ သူ ပြန်လည်မွေးဖွားလာခဲ့သည်မှာ နှစ်နှစ်နီးပါး ရှိသွားပြီ ဖြစ်သော်လည်း ထိုနေ့က မြင်ကွင်းကို သူ ရှင်းရှင်းလင်းလင်း မှတ်မိနေဆဲပင်။ </p> <p style="text-align:justify">မက်တော်မီနေးက သူ့ကို လေ့ကျင့်ရေး ဆင်းရန် လာခေါ်ခဲ့ပြီး သူတို့နှစ်ဦး ဤနံရံဆေးရေး ပန်းချီကား အနီးမှ ဖြတ်သွားချိန်တွင် မက်တော်မီနေးက သူ၏ ပုံကို ဘယ်တော့များမှ အဲဒီပေါ်မှာ ရေးဆွဲခံရမလဲ ဟု ညည်းတွားခဲ့ဖူးသည်။ </p> <p style="text-align:justify">“ချူဖုန်း... ဒီနေ့ စားသောက်ခန်းမမှာ ပျားရည်ဆမ်း ကြက်ကင် ရှိတယ်... ဒီတစ်ပတ်စာ အတွက် အကောင်းဆုံး အစားအစာ ဖြစ်မှာ သေချာတယ်... မင်း အခု မသွားရင် ကုန်သွားလိမ့်မယ်နော်...” </p> <p style="text-align:justify">မက်တော်မီနေးက ကြက်ပေါင် နှစ်ချောင်း ကိုင်ကာ စားသောက်ခန်းမထဲမှ ဖြည်းဖြည်းချင်း ထွက်လာရင်း ချူဖုန်းကို ပြောလာသည်။ </p> <p style="text-align:justify">“ငါ့ကို တစ်ချောင်း မကျွေးနိုင်ဘူးလား...”</p> <p style="text-align:justify">ချူဖုန်းက စကော့မိုက်လေး လက်ထဲရှိ ကြက်ပေါင်ကို ကြည့်ကာ အမှတ်တရများ ရောယှက်နေသော အပြုံးဖြင့် မေးလိုက်သည်။ </p> <p style="text-align:justify">“အင်း... ဒီတစ်ခုက ငါ လုံးဝ မစားရသေးဘူး...” </p> <p style="text-align:justify">မက်တော်မီနေးက ကြက်ပေါင် တစ်ချောင်းကို ကမ်းပေးလိုက်သည်။ </p> <p style="text-align:justify">ချူဖုန်းက ဟန်ဆောင်မနေတော့ဘဲ လှမ်းယူလိုက်ပြီး အားပါပါ တစ်ကိုက် ကိုက်စားလိုက်သည်။ </p> <p style="text-align:justify">သူ လူငယ် လေ့ကျင့်ရေး အကယ်ဒမီတွင် ရှိနေစဉ်က နေ့စဉ် အမျှော်လင့်ဆုံး အရာမှာ စားသောက်ခန်းမက ဘာဟင်းတွေ ချက်ထားမလဲ ဆိုသည်ကိုပင်။ </p> <p style="text-align:justify">မည်သို့ပင်ဆိုစေ အိမ်နှင့် ဝေးကွာနေသော ကလေးတစ်ယောက် အတွက် သူ၏ ဘဝတွင် ဖျော်ဖြေရေး သိပ်မရှိလှပေ။ </p> <p style="text-align:justify">နေ့စဉ်နေ့တိုင်း လေ့ကျင့်မည်။ စာသင်မည်။ အနားယူမည်။ နေ့ရက်တိုင်းက တူညီသော လုပ်ရိုးလုပ်စဉ်များသာ ဖြစ်သည်။ </p> <p style="text-align:justify">အကယ်၍ မက်တော်မီနေးနှင့်သာ အတူတကွ တွယ်ကပ်ပြီး နွေးထွေးမှုကို မရှာဖွေနိုင်ခဲ့ပါက သူ ဆက်လက် တောင့်ခံနိုင်ခဲ့မည် မဟုတ်ပေ။ ချူဖုန်းက လက်မထောင်ပြကာ “စကော့... မင်းရဲ့ အကြိုက်က အရင်လိုပဲ ကောင်းတုန်းပဲ... မင်းနဲ့ အတူတူ စားရတာ ဘယ်တော့မှ မမှားဘူးကွ...” ဟု အော်ပြောလိုက်သည်။ </p> <p style="text-align:justify">မက်တော်မီနေးက နှစ်ချက်ခန့် ရယ်မောလိုက်သည်။ ထို့နောက် သူက ပါးစပ်ကို သုတ်ကာ ချူဖုန်းကို လက်ပြနှုတ်ဆက်ရင်း “ဒီည ငါ ကိစ္စလေးတစ်ခု ရှိလို့... မင်းနဲ့ အတူတူ ညစာ စားလို့ မရတော့ဘူး...” ဟု ပြောလိုက်သည်။ </p> <p style="text-align:justify">မက်တော်မီနေး မကြာသေးမီက ရည်းစားရသွားကြောင်း ချူဖုန်း သိထားသည်။ ကောင်မလေးက ပိုင်ဆိုင်မှု စီမံခန့်ခွဲရေး ကုမ္ပဏီတစ်ခု၏ ဒါရိုက်တာ တစ်ဦးလည်း ဖြစ်သည်။ မက်တော်မီနေးက သူတို့နှစ်ဦး တွဲရိုက်ထားသော ဓာတ်ပုံကိုပင် သူ့ကို ပြဖူးသည်။ </p> <p style="text-align:justify">သူမက အတော်လေး လှပသော ကောင်မလေး တစ်ယောက်ပင်။ </p> <p style="text-align:justify">ထို့ကြောင့် ချူဖုန်းက နောက်ပြောင်လိုက်သည်။ “မင်း သတိထားဦးနော်... အရမ်းကြီး အားမကုန်စေနဲ့... မဟုတ်ရင် ပွဲကစားနေတုန်း ခြေထောက်တွေ ခွေသွားလိမ့်မယ်... အဲဒီကျရင် ဘော့စ်ကို ငါ သေချာပေါက် တိုင်ပြောမှာ...” </p> <p style="text-align:justify">မက်တော်မီနေး၏ ညာခြေက မြေကြီးနှင့် မထိတော့ဘဲ လေထဲတွင် ကြောင်တောင်တောင် ရပ်တန့်သွားလေသည်။ </p> <p style="text-align:justify">သူ၏ အတွင်းစိတ် ပြဿနာကို သူ ရုန်းကန်နေရပုံပင်။ </p> <p style="text-align:justify">နောက်ဆုံးတွင် ဆင်ခြင်တုံတရားက ဆန္ဒကို အနိုင်ရသွားပြီး ချူဖုန်းဘက်သို့ လှည့်လာကာ “ရုတ်တရက် ဗိုက်နည်းနည်း ပြန်ဆာလာသလိုပဲ... အတူတူ နည်းနည်းလောက် ထပ်စားကြတာပေါ့...” ဟု ပြောလိုက်သည်။ </p> <p style="text-align:justify">ချူဖုန်းက ပြုံးလိုက်သော်လည်း ဘာမှ ဆက်မပြောတော့ချေ။ </p> <p style="text-align:justify">ပွဲမတိုင်မီ လိင်ကိစ္စ ရှောင်ကြဉ်ခြင်းနှင့် ပတ်သက်၍ ဘောလုံးအသိုင်းအဝိုင်းတွင် မတူညီသော အမြင်များ ရှိကြသည်။ တချို့က ပွဲမတိုင်မီ လိင်ကိစ္စ ကျူးလွန်သော အားကစားသမားများ အနေဖြင့် ခြေလက်များ အားနည်းခြင်း၊ ထိုင်းမှိုင်းခြင်းနှင့် အိပ်ချင်ငိုက်မြည်းခြင်း ကဲ့သို့သော ပင်ပန်း နွမ်းနယ်မှုများကို ခံစားရနိုင်သည်ဟု ယုံကြည်ကြသည်။ </p> <p style="text-align:justify">သို့သော် တချို့ကတော့ ၎င်းက အားကစား စွမ်းဆောင်ရည်ကို တိုးတက်စေနိုင်သည်ဟု ယုံကြည်ကြပြန်သည်။</p> <p style="text-align:justify">မည်သို့ပင်ဆိုစေ ဘက်အသီးသီးတွင် ကိုယ်ပိုင် အကြောင်းပြချက်များ ရှိနေကြသည် ဖြစ်ပြီး ကမ္ဘာ့ဖလားကိုသာ ဥပမာ အနေဖြင့် ကြည့်ကြပါစို့။</p> <p style="text-align:justify">၁၉၆၆ ခုနှစ် အင်္ဂလန် ကမ္ဘာ့ဖလား ပြိုင်ပွဲတွင် အင်္ဂလန် အသင်းက လိင်ကိစ္စ ရှောင်ကြဉ်ရေး စည်းမျဉ်းများကို တင်းကျပ်စွာ လိုက်နာခဲ့ပြီး နောက်ဆုံးတွင် ကမ္ဘာ့ဖလားကို ဆွတ်ခူးနိုင်ခဲ့သည်။ </p> <p style="text-align:justify">၂၀၁၈ ရုရှား ကမ္ဘာ့ဖလား ပြိုင်ပွဲတွင် ဂျာမနီ နိုင်ငံအသင်းကလည်း လိင်ကိစ္စ ရှောင်ကြဉ်ရေး မူဝါဒကို ထုတ်ပြန်ခဲ့သည်။ </p> <p style="text-align:justify">ရလဒ်ကကော...</p> <p style="text-align:justify">ပထမပွဲစဉ်မှာတင် မက္ကဆီကိုကို အရှက်တကွဲ ရှုံးနိမ့်ခဲ့ပြီး နောက်ဆုံးတွင် အုပ်စုအဆင့်မှပင် ထွက်ခွာခဲ့ရသည်။</p> <p style="text-align:justify">မက်တော်မီနေးကတော့ မယုံတာထက် ယုံတာက ပိုကောင်းတယ်လို့ တွေးနေမိသည်။ အဘယ်ကြောင့် ဆိုသော် အကယ်၍ ၎င်းက သူ၏ စွမ်းဆောင်ရည်ကို တကယ် ကျဆင်းသွားစေမည် ဆိုပါက ဆုံးရှုံးမှုက လက်ခံနိုင်စရာ မရှိလောက်အောင် ကြီးမားနိုင်သောကြောင့်ပင်။ </p> <p style="text-align:justify">သူတို့နှစ်ဦး စကားပြောရင်း စားသောက်ခန်းမထဲသို့ ဝင်သွားကြသည်။ ညနေ ၅ နာရီ နီးပါး ရှိနေပြီ ဖြစ်သဖြင့် စားသောက်ခန်းမထဲတွင် လူငယ် လေ့ကျင့်ရေး ကစားသမားများသာ အများစု ရှိနေသည်။</p> <p style="text-align:justify">“ချူဖုန်း...” </p> <p style="text-align:justify">ချူဖုန်းက အာဟာရပညာရှင် တစ်ဦး ငှားရမ်းထားသဖြင့် စားသောက်ခန်းမသို့ လာလေ့ သိပ်မရှိချေ။ ထို့ကြောင့် လူငယ် လေ့ကျင့်ရေး ကစားသမားများ အနေဖြင့် သူ့ကို တွေ့ရသည့် အတွက် အလွန်အမင်း အံ့သြ ဝမ်းသာသွားကြခြင်းပင်။</p> <p style="text-align:justify">မည်သို့ပင်ဆိုစေ ယခု ကာရင်တန် လေ့ကျင့်ရေးစခန်းတွင် ကျယ်ကျယ်ပြန့်ပြန့် ပြောဆိုနေကြသော ဇာတ်လမ်းက ၉၂ ရွှေရောင် မျိုးဆက် အကြောင်း မဟုတ်တော့ဘဲ လူငယ်အသင်းမှ အရန်အသင်းသို့၊ ထိုမှတစ်ဆင့် ပထမအသင်းသို့ တက်လှမ်းလာခဲ့သော မန်ယူ၏ ကျောနံပါတ် ၇ အသစ် အကြောင်းသာ ဖြစ်သည်။ </p> <p style="text-align:justify">ရှိုလာ ရှောတိုင်ရာ၏ မျက်လုံးထဲမှ ကြည်ညိုလေးစားမှုများကို ဖုံးကွယ်ထား၍ မရနိုင်ပေ။ </p> <p style="text-align:justify">သူက လက်ရှိ မန်ယူ လူငယ် အကယ်ဒမီတွင် အတောက်ပဆုံး လူငယ် ကစားသမား တစ်ဦး ဖြစ်ပြီး အသက် ၁၄ နှစ်နှင့် ၃၁၄ ရက် အရွယ်တွင် ယူအီးအက်ဖ်အေ လူငယ်လိဂ်၌ ပွဲထွက်ခွင့်ရသည့် အသက်အငယ်ဆုံး ကစားသမား ဖြစ်လာခဲ့သည်။ ထို့ပြင် သူ၏ ကစားသည့် နေရာကလည်း ဘယ်တောင်ပံ ကစားသမား ဖြစ်သည်။ </p> <p style="text-align:justify">“တစ်နေ့နေ့ကျရင် ငါလည်း ချူဖုန်းလို ဖြစ်လာရမယ်... အသက် ၁၈ နှစ် မပြည့်ခင် ပထမအသင်းကို ရောက်အောင် ကြိုးစားပြီး ချူဖုန်းနဲ့ ကွင်းတစ်ကွင်းတည်းမှာ အတူတူ ကစားနိုင်ရမယ်...” </p> <p style="text-align:justify">ရှောတိုင်ရာက ပြတ်သားစွာ ပြောလိုက်သည်။ </p> <p style="text-align:justify">ချူဖုန်းက ရှောတိုင်ရာ၏ အကြည့်ကို သတိထားမိလိုက်ပြီး ပြုံးကာ အားပေးသည့် အကြည့်ဖြင့် ပြန်ကြည့်လိုက်သည်။ ထို့နောက် ပန်းကန်ပြားကို ကိုင်ကာ ဘယ်ဘက် အစွန်ဆုံး စားပွဲတွင် ဝင်ထိုင်လိုက်သည်။</p> <p style="text-align:justify">***</p>


Save