Book List

<h2 style="text-align: center;">အခန်း (၅၂၂) - နှုတ်သီးကျွန်း</h2> <h2 style="text-align: center;">*</h2> <p> </p> <p style="text-align:justify">နန်ယွဲ့နှင့် အခြားသူများ ဇိုမိုကို မြင်လိုက်ရသောအခါ သူတို့၏ မျက်နှာထားများမှာ ထူးခြားစွာ တုန်လှုပ်လျက် ရှိနေကြသည်။ အရှင်သည် ငယ်ရွယ်နုပျိုသူဖြစ်ကြောင်း သိရှိထားသော်ငြား ကိုယ်တိုင်ကိုယ်ကျ မြင်တွေ့လိုက်ရချိန်တွင် ခံစားလိုက်ရသည့် တုန်လှုပ်မှုမှာ လက်ဆယ်ချောင်းထောင် အတွင်းထက်ပင် ပိုမိုပြင်းထန်လှသည်။</p> <p style="text-align:justify">သူတို့အား ပို၍ တုန်လှုပ်စေသည်မှာ အရှင်သည် ကျင့်ကြံသူနယ်မြေထဲတွင် ရောက်ရှိနေခြင်းပင်။ ပို့ဆောင်ရေး အစီအရင်မှ ထွက်လာစဉ် အရှင် အဘယ်ကြောင့် ကျင့်ကြံသူများကဲ့သို့ ရုပ်ဖျက်ခိုင်းခဲ့သည်ကို သူတို့ နောက်ဆုံးတွင် နားလည်သွားကြလေပြီ။</p> <p style="text-align:justify">ယဲ့လင်းနည်းတူပင် နန်ယွဲ့နှင့် အခြားသူတို့မှာ သူတို့ရောက်ရှိနေသည့် နေရာဌာနကြောင့် တုန်လှုပ်နေကြသော်လည်း ဇိုမို၏ မိုဇာစ်မြစ်အပေါ်တွင်မူ သံသယဝင်ခြင်း အလျဉ်းမရှိကြပေ။ </p> <p style="text-align:justify">ပျောက်ကွယ်သွားခဲ့သော ယောင်ပညာရပ် အစုံအလင်ကို ကျွမ်းကျင်ပိုင်နိုင်စွာ တတ်မြောက်ထားပြီး ထောင်ဖောက်ထွက်ပွဲကို အောင်မြင်စွာ ဆင်နွှဲခဲ့သူ တပ်မှူးချုပ် ယွီဟုန်ကိုပင် အနိုင်ယူနိုင်ခဲ့သူတစ်ဦးသည် ယောင်တစ်ဦး မဟုတ်လျှင် အဘယ်သူ ဖြစ်နိုင်ပါမည်နည်း။</p> <p style="text-align:justify">ကျင့်ကြံသူ ဟုတ်လား... အဲဒီဟာသက သိပ်ကို ပေါ့ပျက်ပျက် နိုင်လွန်းတယ်...။</p> <p style="text-align:justify">ဤအချက်နှင့် ပတ်သက်၍ သူတို့၏ အတွေးအမြင်များမှာ ယဲ့လင်း၏ အတွေးများနှင့် တစ်ထပ်တည်း ကျနေသည်။ အရှင်သည် ကျင့်ကြံသူနယ်မြေတွင် လမ်းမှားကာ သောင်တင်နေခဲ့သည့် မဟာမျိုးနွယ်ကြီးတစ်ခုမှ ပါရမီရှင်တစ်ဦးသာ ဖြစ်ရမည်ဟု သူတို့ အခိုင်အမာ ယုံကြည်မိကြသည်။ ယောင်ကမ္ဘာတွင် မည်သူတစ်ဦးတစ်ယောက်မျှ အရှင့်အား မတွေ့မြင်ခဲ့ရခြင်းမှာ မဆန်းတော့ပေ။</p> <p style="text-align:justify">နောက်ဆုံး၌ သူတို့ သဘောပေါက်သွားကြသည်။ အရှင်သည် ယောင်ကမ္ဘာတွင် လုံးဝ ရှိမနေခဲ့ခြင်းပင် ဖြစ်သည်။</p> <p style="text-align:justify">ယခုအချိန်၌ ဇိုမိုသည် အမည်နာမအရရော အာဏာစက်အရပါ တိမ်ပင်လယ်နယ်မြေ၏ စစ်မှန်သော သခင်တစ်ပါး ဖြစ်လာခဲ့ပေပြီ။ တိမ်ပင်လယ်နယ်မြေအတွင်း တိမ်ကျွန်းပေါင်းများစွာ ရှိနေသည့်အနက် သူသည် မီးခိုးရောင်မျိုးနွယ်စု နေထိုင်နိုင်ရန်အတွက် အေးချမ်းတည်ငြိမ်သော တိမ်ကျွန်းတစ်ခုကို ရွေးချယ်ပေးလိုက်သည်။</p> <p style="text-align:justify">နန်ယွဲ့နှင့် အခြားသူများ ရောက်လာသော ပထမဆုံးနေ့မှာပင် ပုယောင် သူတို့အတွက် လေ့ကျင့်ရေး အစီအစဉ်သစ်ကို ချက်ချင်း စတင်ရေးဆွဲတော့သည်။</p> <p style="text-align:justify">ပုယောင်သည် ရည်မှန်းချက်ကြီးမားသူဖြစ်သည်။ တစ်ချိန်က ကမ္ဘာကြီးကို စိုးမိုးခဲ့ဖူးသည့် ယောင်ကမ္ဘာ၏ ထိပ်တန်း တိုက်ပွဲဗိုလ်ချုပ်ကြီးတစ်ဦးအနေဖြင့် နန်ယွဲ့နှင့် အခြားသူများအား ယောင်ကမ္ဘာ၏ အကောင်းဆုံး တိုက်ပွဲဗိုလ်ချုပ်များ ဖြစ်လာစေရန် မွေးထုတ်ပေးသွားမည်ဟု သူ ဆုံးဖြတ်ချက် ချလိုက်သည်။</p> <p style="text-align:justify">ဝေ့အား အလင်းပြပေးရန် သူ ဆုံးဖြတ်လိုက်သည်။ <br /> ဝေ့လေး မင်း ဘာလို့ ကျောက်တိုင်သံချပ်ဝတ် အဖြစ်သာ ရှိနေပြီး ငါ ပုယောင်က ဘာလို့ အကောင်းဆုံး တိုက်ပွဲဗိုလ်ချုပ် ဖြစ်ခဲ့ရသလဲ ဆိုတာ ငါ ပြပေးမယ်…။</p> <p style="text-align:justify">သနားစရာ နန်ယွဲ့နှင့် အပေါင်းအပါတို့မှာ အသက်ရှူချိန်ပင် မရလိုက်ဘဲ ပုယောင်၏ ရူးသွပ်ဖွယ်ကောင်းသော လေ့ကျင့်ရေးအစီအစဉ်များကြားသို့ အတင်းအကျပ် ကန်ထည့်ခြင်း ခံလိုက်ရသည်။ </p> <p style="text-align:justify">တိမ်ကျွန်းတစ်ဝိုက်တွင် ကျင်းကျိ အတားအဆီးများစွာဖြင့် ခင်းကျင်းထားပြီးဖြစ်ရာ ထိုနေရာမှာ သဘာဝအတိုင်း တည်ရှိနေသော မိစ္ဆာဆန်သည့် လေ့ကျင့်ရေးကွင်းပြင်ကြီးတစ်ခု ဖြစ်လာတော့သည်။</p> <p style="text-align:justify">ဇိုမိုမှာ အခြားသော အင်အားစုများကို သိမ်းသွင်းလိုက်ပြီးနောက် တိမ်ပင်လယ်နယ်မြေအတွင်း တည်ငြိမ်မှုများ လျင်မြန်စွာ ပြန်လည်ရရှိလာသည်။ </p> <p style="text-align:justify">အင်အားစုများထဲမှ ရွေးချယ်ခံရသူတို့မှာ တိမ်ပင်လယ်နယ်မြေတွင် နာမည်ကျော်ကြားသူများသာ ဖြစ်ကြသည်။ နေမင်းနတ်ကျောင်းတော်ရှေ့၌ လူအများအလယ် ကိုယ်လုံးတီးဖြင့် အရှက်တကွဲ ပြေးလွှားခဲ့ရပြီးနောက် တိမ်ပင်လယ်နယ်မြေ၏ တစ်ဦးတည်းသော ဝိညာဉ်သန္ဓေအဆင့် ကျင့်ကြံသူနှစ်ဦးမှာ လူလောကထဲမှ ပျောက်ကွယ်သွားသကဲ့သို့ ဖြစ်နေသည်။ ယခုတစ်ကြိမ် မိုတပ်ဖွဲ့ ကျူးကျော်လာစဉ်တွင်လည်း သူတို့မှာ လုံးဝ ပေါ်မလာခဲ့ကြပေ။</p> <p style="text-align:justify">သူတို့မှာ အကြီးအကျယ် အရှက်ကွဲခဲ့ရသဖြင့် တိမ်ပင်လယ်နယ်မြေမှ ထွက်ခွာသွားကြပြီဟု လူအများက ခန့်မှန်းနေကြသည်။ တိမ်ပင်လယ်နယ်မြေတွင် ဆက်လက်နေထိုင်ရန် မည်သို့သော မျက်နှာမျိုးနှင့် ရင်ဆိုင်ရဲတော့မည်နည်း။</p> <p style="text-align:justify">အရာအားလုံး စီစဉ်ပြီးနောက် ဇိုမိုသည် ရေတိမ်သန္ဓေသား အား ရှာဖွေရန် တိမ်ပင်လယ်အတွင်းသို့ ဝင်ရောက်ရန် ဆုံးဖြတ်လိုက်သည်။</p> <p style="text-align:justify">ဤတစ်ခေါက်တွင် သူ လူအများကြီး ခေါ်ဆောင်မသွားပေ။ တိမ်ပင်လယ်၏ နက်ရှိုင်းသော နေရာများမှာ အကြီးစား တိုက်ပွဲများအတွက် မသင့်တော်လှပေ။</p> <p style="text-align:justify">သူတို့အဖွဲ့တွင် လမ်းပြတစ်ဦး ဇိုမို ဝေ့ရှန်း ကျုံးရူ အာဂွီနှင့် ကလေးတစ်သိုက် သာ ပါဝင်သည်။ သူတို့၏ ပုံစံမှာ တိုက်ပွဲဝင်မည့်အဖွဲ့ထက် ကမ္ဘာလှည့်ခရီးသည်အဖွဲ့နှင့်သာ ပို၍တူနေသည်။</p> <p style="text-align:justify">လူအရေအတွက် နည်းပါးသော်ငြား သူတို့၏ တိုက်ခိုက်နိုင်စွမ်းမှာ တိမ်ပင်လယ်နယ်မြေ၏ ထိပ်တန်းအဆင့်တွင် ရှိနေသည်။ ဇိုမို ဝေ့ရှန်းနှင့် ကျုံးရူတို့ သုံးဦး ပေါင်းစပ်လိုက်လျှင် ဝိညာဉ်သန္ဓေအဆင့် ကျင့်ကြံသူတစ်ဦးကိုပင် ယှဉ်ပြိုင်နိုင်လောက်သည်။ </p> <p style="text-align:justify">ဇိုမိုသည် အာဂွီအား ခေါ်ဆောင်သွားရန် အစီအစဉ်မရှိသော်လည်း ရေတိမ်သန္ဓေသားကို ဖမ်းမိသည်နှင့် ချက်ချင်းစားသုံးခြင်းကသာ အထိရောက်ဆုံး ဖြစ်မည်ဟု ပုယောင်က ဆိုသဖြင့် အာဂွီကိုပါ အတူခေါ်ဆောင်လာခဲ့ရသည်။</p> <p style="text-align:justify">ငတုံးငှက်မှာ အာဂွီ၏ဘေးတွင် မာန်ပါပါနှင့် မောက်မာစွာ လျှောက်လှမ်းနေပြီး ဇိုမိုကိုမူ လုံးဝလျစ်လျူရှုထားသည်။ စေတီလေးနှင့် မီးလေး တို့မှာ အာဂွီ၏ရင်ခွင်တွင် တွယ်ကပ်နေကြသည်။ အမည်းလေးကမူ အာဂွီ၏ဆံပင်ကို အသေအချာ ကုတ်တွယ်ထားသည်။ </p> <p style="text-align:justify">ဒသမအဆင့် နှင့် နေရောင်ခြည်လေး တို့မှာမူ သက်တော်စောင့်များအလား အာဂွီ၏ပတ်လည်တွင် ပျံဝဲနေကြသည်။</p> <p style="text-align:justify">ဇိုမို အလွန် စိတ်ပျက်သွားမိသည်။</p> <p style="text-align:justify">အရှက်မရှိမှုနှင့် ယုတ်မာမှုပိုင်းတွင် ဇိုမိုသင်ပေးခဲ့သော ကလေးတစ်သိုက်မှာ တစ်ပုံစံတည်း အကုန်အစင် တတ်မြောက်သွားကြလေပြီ။</p> <p style="text-align:justify">ဇိုမိုတွင် ဖြေရှင်းနည်း မရှိပေ။ "ဘယ်လိုပဲဖြစ်ဖြစ် တစ်ကောင်ခေါ်သွားတာနဲ့ အကုန်ခေါ်သွားတာ အတူတူပါပဲလေ" ဟု သူ တွေးပုံတွေးနည်း ပြောင်းလဲလိုက်သည်။ မည်သို့ဆိုစေ သူတို့မှာ အတော်လေး စွမ်းအားကြီးမားသော တိုက်ခိုက်ရေးသမားများ ဖြစ်ကြသည် မဟုတ်ပါလား။</p> <p style="text-align:justify">ငတုံးငှက်အကြောင်းကိုမူ ပြောနေစရာပင် မလိုတော့ပေ။ သူမသည် ကလေးတစ်သိုက်ထဲတွင် အင်အားအကြီးဆုံးဖြစ်ပြီး ဇိုမိုပင်လျှင် သူမ၏ စွမ်းရည်ကို အကဲမဖြတ်နိုင်လောက်အောင် လျှို့ဝှက်ဆန်းကြယ်လှသည်။ </p> <p style="text-align:justify">ဒုတိယမြောက် အသန်မာဆုံးမှာမူ ဒသမအဆင့် ဖြစ်သည်။ သူသည် အင်းဆက်များကို အမြဲလိုလို ဒုက္ခပေးလေ့ရှိပြီး ယခုအခါတွင်မူ သူ၏စွမ်းရည်များမှာ လုံးဝ ပြောင်းလဲတိုးတက်သွားခဲ့ပြီ ဖြစ်သည်။ </p> <p style="text-align:justify">စေတီလေး မှာမူ ဇိုမို၏ ဝိညာဉ်ဆက်နွယ် မှော်အဆောင် ဖြစ်ပြီး နေ့စဉ်နှင့်အမျှ ဆော့ကစားခြင်းမှလွဲ၍ အလုပ်ကောင်းကောင်း မလုပ်တတ်ပေ။ သို့သော် အစီအရင်များ ခင်းကျင်းရာ၌မူ အသုံးဝင်နိုင်ဖွယ်ရှိသည်။ </p> <p style="text-align:justify">နေရောင်ခြည်လေး၏ တိုက်ခိုက်ပုံကိုမူ ဇိုမို ယခုထိတိုင် မမြင်ဖူးသေးပေ။ </p> <p style="text-align:justify">အမည်းလေးမှာ တိုက်ခိုက်စွမ်းရည် သုညဖြစ်သော်လည်း ရတနာရှာဖွေရာတွင်မူ အဖိုးမဖြတ်နိုင်သော အကူအညီတစ်ခု ဖြစ်သည်။ မီးလေးမှာမူ ခရီးလမ်းတစ်လျှောက် ငြီးငွေ့မှုကို ပြေပျောက်စေရန် အသုံးပြုနိုင်သော အဖော်ကောင်းတစ်ခုပင် ဖြစ်သည်။</p> <p style="text-align:justify">ဇိုမိုသည် မိမိ၏အဖွဲ့ကို ဦးဆောင်ကာ ခရီးစတင် ထွက်ခွာခဲ့သည်။</p> <p style="text-align:justify">လမ်းပြအဖြစ် လိုက်ပါလာသူမှာ ခန်တယ် ဖြစ်သည်။ သူသည် ရေတိမ်သန္ဓေသားများကို ရှာဖွေရောင်းချခြင်းဖြင့် အသက်မွေးဝမ်းကြောင်းပြုသူဖြစ်ရာ တိမ်ပင်လယ်၏ နက်ရှိုင်းသော နေရာများအကြောင်းကို အလွန်ပင် ရင်းနှီးကျွမ်းဝင်လှသည်။</p> <p style="text-align:justify">ခန်တယ်၏ အစီအစဉ်အရ သူတို့သည် ဦးစွာ နှုတ်သီးကျွန်းဟု ခေါ်ဆိုသော နေရာသို့ ပျံသန်းရမည်ဖြစ်ပြီး ထိုမှတစ်ဆင့် တိမ်ပင်လယ်အတွင်းသို့ ဆင်းသက်ရမည်ဖြစ်သည်။ </p> <p style="text-align:justify">နှုတ်သီးကျွန်းသည် တိမ်ပင်လယ်နယ်မြေ၏ အလွန်နာမည်ကြီးသော သင်္ဘောဆိပ်ကမ်းတစ်ခု ဖြစ်၏။ တိမ်ပင်လယ်၏ နက်ရှိုင်းသော နေရာများတွင် အန္တရာယ်မျိုးစုံ ပြည့်နှက်နေတတ်သဖြင့် ကြုံရာနေရာမှ ဝင်ရောက်ရန် ကြိုးစားသူများမှာ ပြန်လမ်းမဲ့သွားတတ်သည်က အစဉ်အလာပင်။</p> <p style="text-align:justify">နှုတ်သီးကျွန်းအား တိမ်ပင်လယ်၏ အဝင်ဝအဖြစ် အသုံးပြုလာခဲ့သည်မှာ ကြာညောင်းလှပြီဖြစ်သည်။ ထိုအပိုင်းရှိ တိမ်ပင်လယ်မှာ အလွန်ဘေးကင်းပြီး စွမ်းအားကြီးသော သတ္တဝါများ ကင်းစင်လှသည်။</p> <p style="text-align:justify">လိပ်ကျွန်းနှင့် နှုတ်သီးကျွန်းကြား အကွာအဝေးမှာ အလွန်ဝေးကွာလှပြီး လမ်းတစ်လျှောက်တွင် ပို့ဆောင်ရေးအစီအရင်များလည်း မရှိပေ။ သို့သော် အပြည့်အဝ ပြင်ဆင်လာသော ဇိုမိုသည် လိပ်နက်ကြီးသင်္ဘောအား ယူဆောင်လာခဲ့သဖြင့် ခရီးဝေးပျံသန်းရသည့် ဒုက္ခမှ ကင်းဝေးသွားခဲ့သည်။</p> <p style="text-align:justify">ဝေ့ရှန်းနှင့် ကျုံးရူတို့မှာ နေ့စဉ်နှင့်အမျှ တံခါးပိတ်ကျင့်ကြံလျက် ရှိကြသည်။ </p> <p style="text-align:justify">ဇိုမိုမှာမူ နေ့စဉ် ကလေးတစ်သိုက်နှင့် ဆော့ကစားရင်း အားလပ်ချိန်များတွင် နေမင်းမျိုးနွယ်စု ထံမှ ရရှိခဲ့သော ရွှေရောင်သစ်ရွက်ကို စိတ်ရှည်လက်ရှည် လေ့လာနေသည်။</p> <p style="text-align:justify">ဤရွှေရောင်သစ်ရွက်အား မည်သို့သော လျှို့ဝှက်နည်းလမ်းများဖြင့် ပြုလုပ်ထားသည်ကို သူ မသိရှိပေ။ ထိုအပေါ်တွင် ရေးသားထားသော အကြောင်းအရာများမှာ များပြားလှသော်လည်း ရှေးဟောင်းခေတ်လက်ရာများ ဖြစ်နေသဖြင့် နားလည်ရန် ခက်ခဲသော အချက်အလက်များစွာ ပါဝင်နေသည်။ </p> <p style="text-align:justify">ဇိုမို၏ စိတ်နေသဘောထားမှာ အတော်ပင် တည်ငြိမ်လှသည်။ သူသည် စိတ်မလောဘဲ ရံဖန်ရံခါသာ လေ့လာလေ့ရှိသည်။ ရှန်စွမ်းအား ကျင့်ကြံနည်းများအပြင် ရှေးဟောင်းလျှို့ဝှက်ချက်များကိုလည်း သူ စိတ်ဝင်စားမိသည်။</p> <p style="text-align:justify">ဥပမာအားဖြင့် ရှေးဟောင်းခေတ်တွင် တိမ်ပင်လယ်နယ်မြေသည် အလွန်ခြောက်သွေ့နေပြီး နေထိုင်သူမျိုးနွယ်စု တစ်စုံတစ်ရာမျှ မရှိခဲ့ကြောင်း ရွှေရောင်သစ်ရွက်မှတစ်ဆင့် သူ သိရှိလိုက်ရသည်။ ထို့ကြောင့်ပင် ဤနတ်ကျောင်းတော်သည် ပျက်စီးခြင်းသို့ မရောက်ဘဲ ယနေ့ထိတိုင် ကျန်ရစ်နေခြင်း ဖြစ်ပေလိမ့်မည်။</p> <p style="text-align:justify">ဇိုမိုအား စိတ်ဝင်တစားဖြစ်စေသည့်အချက်မှာ ရွှေရောင်သစ်ရွက်ပေါ်ရှိ အရိပ်အမြွက်များအရ နတ်ကျောင်းတော်သည် တိမ်ပင်လယ်နယ်မြေအတွင်း တစ်စုံတစ်ရာကို အမြဲမပြတ် ရှာဖွေနေခဲ့သော်လည်း အောင်မြင်မှုမရရှိခဲ့ကြောင်း ဖော်ပြထားခြင်းပင်။ ဤသည်ကို သိရှိလိုက်ရချိန်တွင် ဇိုမိုသည် မိမိကိုယ်ပိုင်သံသယအချို့ကို နောက်ဆုံး၌ အဖြေရှာနိုင်ခဲ့ပြီဖြစ်သည်။</p> <p style="text-align:justify">အစ်ကိုကြီး ချင်လင်း၏ ပြောပြချက်အရ ဤနတ်ကျောင်းတော်၏ အဆင့်အတန်းမှာ နေမင်းမျိုးနွယ်စုအတွင်း၌ နိမ့်ပါးလှသည် မဟုတ်ပေ။ ဤမျှအဆင့်မြင့်လှသော နတ်ကျောင်းတော်တစ်ခုအား လူဦးရေထူထပ်၍ စည်ကားကျယ်ပြန့်သောနေရာတွင် မတည်ဆောက်ဘဲ အဘယ်ကြောင့် ဝေးလံခေါင်ဖျားကာ ခြောက်သွေ့လှသော တိမ်ပင်လယ်နယ်မြေသို့ လာရောက်တည်ဆောက်ထားရသနည်း။</p> <p style="text-align:justify">သို့သော်လည်း သူတို့ မည်သည့်အရာကို ရှာဖွေနေကြသည်ကိုမူ ရွှေရောင်သစ်ရွက်၌ ဖော်ပြထားခြင်းမရှိပေ။ သေချာသည်မှာမူ ရှာမတွေ့ခဲ့ခြင်းပင် ဖြစ်ရမည်။ အကြောင်းမှာ မှတ်တမ်း၏ အသွားအလာအရ အနည်းငယ် နောင်တရနေသည့် အရိပ်အယောင်များ ပေါ်လွင်နေသောကြောင့်ဖြစ်သည်။</p> <p style="text-align:justify">ဇိုမိုသည် ရှန်စွမ်းအားကို မနားမနေ ကျင့်ကြံအားထုတ်နေသော်လည်း တိုးတက်မှုနှုန်းမှာ အလွန်ပင် နှေးကွေးလှသည်။ စွမ်းအားသုံးရပ်နှင့် နှိုင်းယှဉ်ပါက ရှန်စွမ်းအားကို ကျင့်ကြံရသည်မှာ များစွာပိုမိုခက်ခဲလှသည်။ ကံကောင်းသည်မှာ သူ အလျင်စလိုမရှိခြင်းပင်။ <br /> သူ့အား အနည်းငယ် စိတ်ဓာတ်ကျစေသည့် တစ်ခုတည်းသောအချက်မှာ စွမ်းအားသုံးရပ် ညီမျှသွားပြီး လင်းစွမ်းအား တိုးတက်လာသော်ငြား ရွှေအမြုတေအဆင့်သို့ တက်လှမ်းရန် ခြေတစ်လှမ်းအလို အခြေအနေ၌သာ ဆက်လက်ရှိနေခြင်းဖြစ်သည်။</p> <p style="text-align:justify">အကယ်၍သာ သူသည် ရွှေအမြုတေအဆင့်သို့ ချိုးဖျက်ဝင်ရောက်နိုင်ပါက သူ၏စွမ်းအားမှာ တစ်ညတာအတွင်း အဆပေါင်းများစွာ တိုးတက်ကောင်းမွန်သွားပေလိမ့်မည်။</p> <p style="text-align:justify">ထို့အပြင် သူ၏ရှန်စွမ်းအားသည်လည်း တိုးတက်လာမည်ဖြစ်ကာ နယ်ပယ်သစ်တစ်ခုသို့ ကူးပြောင်းရောက်ရှိသွားမည်ဖြစ်သည်။</p> <p style="text-align:justify">သို့သော်လည်း ဇိုမိုသည် လက်ရှိအခြေအနေအပေါ်၌ပင် အလွန် ကျေနပ်ရောင့်ရဲလျက်ရှိသည်။ </p> <p style="text-align:justify">ရှန်စွမ်းအား အသိစိတ်ဝိညာဉ် တည်ငြိမ်ခြင်း နတ်အလင်း မဟာနေမင်း မိုခန္ဓာနှင့် ရှေးဟောင်းကန္တာရ ယဇ်ပူဇော်ခြင်းကျင့်စဉ်... ။</p> <p style="text-align:justify">ဤအရာအားလုံးထဲမှ မည်သည့်အရာကများ စွမ်းအားမကြီးဘဲ ထူးခြားမှုကင်းမဲ့နေပါသနည်း။ ဤမျှအဖိုးတန်လှသော ပညာရပ်များကို သင်ယူခွင့်ရထားသည်ဖြစ်ရာ သူ့ရင်ထဲ၌ မကျေနပ်စရာဟူ၍ အလျှင်းမရှိတော့ပေ။</p> <p style="text-align:justify">လူတစ်ယောက်အနေဖြင့် ဤမျှအထိ လောဘမကြီးသင့်ပေ။ ဇိုမိုသည် အေးအေးလူလူပင် ကျေနပ်နှစ်သိမ့်နေတော့သည်။</p> <p style="text-align:justify">လဝက်ခန့် ကြာမြင့်ပြီးနောက် သူတို့အဖွဲ့သည် နှုတ်သီးကျွန်းသို့ ဆိုက်ရောက်လာကြသည်။</p> <p style="text-align:justify">ဇိုမိုသည် နှုတ်သီးကျွန်းပေါ်ရှိ ကျင့်ကြံသူ အမြောက်အမြားကို မြင်တွေ့လိုက်ရသောအခါ အနည်းငယ် အံ့အားသင့်သွားမိသည်။ </p> <p style="text-align:justify">"လူတွေ တော်တော်များတာပဲလား..."</p> <p style="text-align:justify">ခန်တယ်က ရှင်းပြလာသည်။</p> <p style="text-align:justify">"ဒါက ရေတိမ်သန္ဓေသား ရှာဖွေဖို့ အကောင်းဆုံးအချိန်မို့ပါ... နှုတ်သီးကျွန်း အစည်ကားဆုံးအချိန်လည်း ဖြစ်တယ်... တစ်နှစ်တာရဲ့ ရိတ်သိမ်းမှု ကောင်းမကောင်းဆိုတာ ဒီအချိန်ကာလအတွင်းမှာ ကံကောင်းမကောင်းအပေါ်ပဲ မူတည်နေတာလေ..." </p> <p style="text-align:justify">"ဒီလူတွေအကုန်လုံးက ရေတိမ်သန္ဓေသား ရှာနေကြတာလား..." </p> <p style="text-align:justify">ဇိုမိုမှာ အံ့သြလွန်းသဖြင့် မေးရိုးပင် ပြုတ်ကျမတတ် ဖြစ်သွားရသည်။</p> <p style="text-align:justify">"အများစုကတော့ ဟုတ်ပါတယ်... တိမ်ပင်လယ်မှာ တခြားထွက်ကုန်တွေ ရှိပေမဲ့လည်း ဒီအချိန်မှာ ရေတိမ်သန္ဓေသား ဖမ်းဆီးတာက အမြတ်အစွန်းအများဆုံးပဲလေ..." </p> <p style="text-align:justify">ခန်တယ်မှာ လက်ရှိအခြေအနေနှင့် အလွန်ပင် ရင်းနှီးကျွမ်းဝင်နေပုံရသည်။</p> <p style="text-align:justify">"အခုလို လိုချင်သူများပြီး ပစ္စည်းရှားပါးနေရင် ငါတို့အတွက် ရှာရတာ ခက်ခဲမသွားဘူးလား..." </p> <p style="text-align:justify">ဇိုမို အနည်းငယ် မျက်မှောင်ကြုတ်လျက် မေးလိုက်သည်။</p> <p style="text-align:justify">ခန်တယ်က ခေါင်းခါယမ်းလိုက်ပြီး ဆိုသည်။</p> <p style="text-align:justify">"ရေတိမ်သန္ဓေသား ဖမ်းရတာက အဲဒီလောက် မလွယ်ကူပါဘူး ကျွန်းသခင်... စိတ်မပူပါနဲ့... အခုလို လူတွေအများကြီး မြင်နေရပေမဲ့ တကယ်တမ်း တစ်ခုခု ရသွားမယ့်သူက အလွန်နည်းပါလိမ့်မယ်... သူတို့က စွမ်းအားသိပ်မကြီးကြတော့ တိမ်ပင်လယ်ရဲ့ အနက်ပိုင်းအထိ မသွားရဲကြဘူး... အရည်အသွေးအကောင်းဆုံး ရေတိမ်သန္ဓေသားတွေက တိမ်ပင်လယ်ရဲ့ အနက်ဆုံးနေရာတွေမှာပဲ ရှိတာပါ..." </p> <p style="text-align:justify">ထိုအခါမှသာ ဇိုမို၏စိတ်မှာ အနည်းငယ် သက်သာရာ ရသွားတော့သည်။</p> <p style="text-align:justify">ဇိုမိုတို့အဖွဲ့မှာ ရုပ်ဖျက်ထားကြသဖြင့် မည်သူမျှ သူတို့အား မှတ်မိခြင်းမရှိကြပေ။ သို့သော်လည်း စေတီလေးနှင့် အခြားသော သတ္တဝါလေးများမှာမူ ကျင့်ကြံသူများ၏ အာရုံကို ဖမ်းစားထားလေသည်။ သူတို့၏မျက်လုံးများထဲမှ အပူရှိန်နှင့် လောဘရိပ်များကို မြင်လိုက်ရသောအခါ ဇိုမို၏မျက်မှောင်မှာ အလိုမကျစွာ ကြုတ်သွားရသည်။</p> <p style="text-align:justify">"ညီနောင်... မင်းဆီက ဒီ မီးလင်းသားရဲကို ရောင်းမလား... ငါတို့ ဈေးနှုန်းကို အဆင်ပြေအောင် ညှိနှိုင်းလို့ရပါတယ်..." </p> <p style="text-align:justify">လင်းယုန်နှာခေါင်းနှင့် လူတစ်ယောက်သည် လျှောက်လှမ်းလာကာ မေးမြန်းလိုက်သည်။ အနီးအနားမှ သူ၏အပေါင်းအပါများကလည်း လှမ်း၍ စောင့်ကြည့်နေကြသည်။</p> <p style="text-align:justify">မီးလေး မှာမူ ထိတ်လန့်သွားပြီး အာဂွီ၏ရင်ခွင်ထဲသို့ တိုးဝင်ကာ ပုန်းအောင်းနေတော့သည်။</p> <p style="text-align:justify">မီးလေး၏ ထိုကဲ့သို့ ဉာဏ်ပါသော တုံ့ပြန်မှုက လင်းယုန်နှာခေါင်းနှင့် ထိုလူ၏ မျက်ဝန်းတို့၌ စိတ်ဝင်စားမှုကို ပိုမိုတောက်လောင်စေလိုက်သည်။</p> <p style="text-align:justify">"မရောင်းဘူး" </p> <p style="text-align:justify">ဇိုမို၏ မျက်နှာထားမှာ ချက်ချင်းပင် မည်းမှောင်သွားပြီးနောက် ထိုလူတို့ကို လျစ်လျူရှုကာ ရှေ့သို့ ဆက်လျှောက်သွားလိုက်သည်။</p> <p style="text-align:justify">"ဟေး... ခဏလေးပါဦး မသွားပါနဲ့ဦး" </p> <p style="text-align:justify">လင်းယုန်နှာခေါင်းနှင့် ထိုလူက ဇိုမို၏လမ်းကို ပိတ်ရပ်လိုက်ပြီး အပြုံးတို့ဖြင့် တောင်းဆိုသည်။ </p> <p style="text-align:justify">"ဒီမီးလင်းသားရဲလေးကို တကယ်လိုချင်လွန်းလို့ပါ... စေတနာအမှန်နဲ့ တောင်းဆိုတာပါ ညီနောင်... ဈေးနှုန်းတစ်ခုလောက်တော့ ပြောကြည့်ပါဦး... ငါတို့ ညှိနှိုင်းလို့ ရပါတယ်..."</p> <p style="text-align:justify">ထိုအခိုက် ခန်တယ် ရုတ်တရက် ဝင်ရောက်ပြောဆိုလိုက်သည်။ </p> <p style="text-align:justify">"ဟယ် ညီအစ်ကိုတို့... ငါ့အရှင်က မရောင်းဘူးလို့ တစ်ခါတည်း ပြောပြီးပြီပဲ... ဆက်ပြီးတော့လည်း အနှောင့်အယှက် မပေးကြပါနဲ့တော့..."</p> <p style="text-align:justify">လင်းယုန်နှာခေါင်းနှင့် ထိုလူ၏ မျက်လုံးတို့မှာ အနည်းငယ် ကျဉ်းမြောင်းသွားပြီး အရောင်လက်သွားသည်။ </p> <p style="text-align:justify">"ဒီလူရဲ့ ဇာစ်မြစ်ကို ခွဲခြားနိုင်တယ်ဆိုတော့ သာမန်လူတော့ မဟုတ်ရဘူး... ငါ ဟယ်ဝေ မျက်စိကမ်းနေသလား မသိဘူး... လူကြီးမင်းတို့က ဘယ်သူတွေများ ဖြစ်ကြပါသလဲ..."</p> <p style="text-align:justify">ခန်တယ်က အေးစက်စက် ပြုံးလိုက်သည်။ </p> <p style="text-align:justify">"ငါ့ဇာစ်မြစ်ကို လိုက်လံစုံစမ်းဖို့ မကြိုးစားပါနဲ့... ငါ မင်းကို အကြံပေးမယ်... လိမ္မာပါစေ... မဟုတ်ရင်တော့... ဟွန့်... မင်းတို့ ညီအစ်ကိုတွေထဲက တစ်ယောက်မှ အသက်ရှင်လွတ်မြောက်နိုင်မှာ မဟုတ်ဘူး"</p> <p style="text-align:justify">ဤသည်မှာ အနည်းငယ် ပြဿနာတက်စရာ ကောင်းနေချေပြီ။</p> <p style="text-align:justify">ဟယ်ဝေ၏ ရင်ထဲတွင် တုန်လှုပ်မှုတို့ ပြည့်နှက်သွားသည်။ သူ့ဇာစ်မြစ်အား အေးဆေးစွာ ခွဲခြားနိုင်သူဆိုသည်မှာ သေချာပေါက် လူရင်းတစ်ယောက် ဖြစ်ရမည်။ တစ်ဖက်လူ၏ လေသံမှာ ပြတ်သားမာထန်လွန်းလှသဖြင့် သူတို့တွင် အလွန်စွမ်းအားကြီးမားသော နောက်ခံရှိပြီး ဟယ်ဝေတို့အား မျက်လုံးထဲပင် ထည့်မထားကြောင်း ထင်ရှားနေသည်။</p> <p style="text-align:justify">ဟယ်ဝေမှာ အတွေ့အကြုံရင့်ကျက်သူဖြစ်ရာ မည်သည့်အချိန်တွင် ဦးညွှတ်ရမည်ကို ကောင်းစွာ သိရှိသူဖြစ်သည်။ သူ ပြုံးလိုက်ပြီး ဆိုသည်။</p> <p style="text-align:justify">"ညီနောင်ကလည်း... ဘာတွေ ပြောနေတာလဲဗျာ... ဒီသားရဲလေးကို မြင်လို့ မေးကြည့်ရုံ သက်သက်ပါ... မကောင်းတဲ့ ရည်ရွယ်ချက် လုံးဝမရှိပါဘူး..." </p> <p style="text-align:justify">ထို့နောက် သူ ပါးနပ်စွာဖြင့် လမ်းကို ဖယ်ပေးလိုက်သည်။</p> <p style="text-align:justify">ဇိုမိုတို့အဖွဲ့ ထွက်ခွာသွားသည်ကို ကြည့်ရင်း ဟယ်ဝေတစ်ယောက် အကြီးအကျယ် စဉ်းစားခန်း ဝင်နေမိသည်။ </p> <p style="text-align:justify">“သူတို့က ဘယ်သူတွေ ဖြစ်နိုင်လဲ”</p> <p style="text-align:justify">သူ့ညီအစ်ကိုများမှာလည်း အလျင်အမြန်ပင် ရောက်ရှိလာကြသည်။ </p> <p style="text-align:justify">"ဘယ်လိုလဲ... သူတို့ မရောင်းဘူးလား..."</p> <p style="text-align:justify">"မရောင်းဘူး" </p> <p style="text-align:justify">ဟယ်ဝေ၏ မျက်နှာထားမှာ လေးနက်နေသည်။ </p> <p style="text-align:justify">"ပြီးတော့ သူတို့ထဲက တစ်ယောက်က ငါတို့ကို ကောင်းကောင်း သိနေပုံရတယ်... သေချာပေါက် လူရင်းပဲ... သူတို့ ရုပ်ဖျက်ထားကြတာ..."</p> <p style="text-align:justify">"ဘယ်သူ ဂရုစိုက်လို့လဲဗျာ... လုလိုက်ရုံပေါ့... အဲဒီ မီးလင်းသားရဲက သေချာပေါက် အဆင့်မြင့်တယ်... ငါတို့သာ အဲဒါကို ရရင် ဒုတိယအစ်ကို... မင်းရဲ့စွမ်းအားက အဆပေါင်းများစွာ တိုးတက်သွားမှာ..." ဟု လူတစ်ယောက်က ဂရုမစိုက်ဟန်ဖြင့် ပြောလိုက်သည်။</p> <p style="text-align:justify">"ဒီအဖွဲ့ရဲ့ ဇာစ်မြစ်က ရိုးရှင်းမှာ မဟုတ်ဘူး... သူတို့က မချမ်းသာရင်တောင် အာဏာရှိတဲ့သူတွေပဲ..." </p> <p style="text-align:justify">ဟယ်ဝေက ပြန်လည်တွေးတောကြည့်လိုက်သည်။ တစ်ဖက်လူမှာ အလွန်တည်ငြိမ်နေပြီး သူတို့အား လုံးဝ အထင်မကြီးကြောင်း ထင်ရှားနေသည်ကို သူ ခံစားလိုက်ရသည်။ သူ ခေါင်းခါလျက် "ဒီအဖွဲ့က အင်အားကြီး ဂိုဏ်းတစ်ခုခုက ဖြစ်လောက်တယ်... ပြဿနာ မရှာကြပါနဲ့တော့..." ဟု တားမြစ်လိုက်သည်။</p> <p style="text-align:justify">သို့သော် အခြားလူများမှာမူ ဂရုမစိုက်သော မျက်နှာထားများဖြင့်သာ ရှိနေကြသည်။</p> <p style="text-align:justify">နှုတ်သီးကျွန်း၏ ပထဝီအနေအထားမှာ အလွန်ပင် ထူးခြားလှသည်။ ၎င်းသည် ငှက်တစ်ကောင် ကောင်းကင်သို့ မော့ကြည့်လျက် ပါးစပ်ဟထားသကဲ့သို့ ပုံသဏ္ဌာန် ရှိနေသည်။ တိမ်ပင်လယ်၏ အဝင်ဝမှာ ထိုပါးစပ်ဟထားသော နေရာ၌ တည်ရှိသည်။</p> <p style="text-align:justify">အဝင်ဝ၌ တိမ်မြူခိုးများမှာ မရှိသလောက်ပင်။ </p> <p style="text-align:justify">အောက်ဘက်သို့ ငုံ့ကြည့်လိုက်လျှင် တိမ်ပင်လယ်၏ အတွင်းပိုင်းသို့ ပျောက်ကွယ်သွားသော အဆုံးမရှိသည့် လမ်းကြောင်းတစ်ခုကို တွေ့မြင်နိုင်သည်။</p> <p style="text-align:justify">နှုတ်သီးကျွန်းသည် အမှန်တကယ်၌ တိမ်ပင်လယ်အထက်တွင် တစ်စိတ်တစ်ပိုင်း ပေါ်ထွက်နေသော တောင်ထွတ်တစ်ခုသာ ဖြစ်သည်။</p> <p style="text-align:justify">"အရှင်... ဆင်းကြရအောင်..." </p> <p style="text-align:justify">ခန်တယ်မှ ရိုသေစွာ လျှောက်တင်လိုက်သည်။</p> <p style="text-align:justify"> </p> <p style="text-align: center;">***</p>


Save