Book List

<h2 style="text-align: center;">အခန်း (၅၂၈) - တိမ်တိုက်သံတမန်</h2> <h2 style="text-align: center;">*</h2> <p> </p> <p style="text-align:justify">ခန်တယ်သည် တိမ်ပင်လယ်၌ ဆယ်စုနှစ်ကျော်ကြာ အသက်မွေးခဲ့သူဖြစ်သည့်အတွက် ဇိုမိုတို့အဖွဲ့အား မြူခိုးများထဲမှ အောင်မြင်စွာ ဦးဆောင်ခေါ်ထုတ်နိုင်ခဲ့သည်။</p> <p style="text-align:justify">သို့သော်လည်း မြူခိုးများထဲမှ လွတ်မြောက်လာသည့်အတွက် ဝမ်းသာရမည့်အစား သူတို့သည် ပြင်းထန်သော တိုက်ပွဲတစ်ခု၏ အကြွင်းအကျန်များကိုသာ တွေ့လိုက်ရသည်။ ဤနေရာတွင် တိုက်ပွဲတစ်ခု ဖြစ်ပွားခဲ့သည်မှာ ထင်ရှားနေသည်။</p> <p style="text-align:justify">ခန်တယ်သည် မြေပြင်ပေါ်သို့ ထိုင်ချလိုက်ပြီး ကျန်ရစ်ခဲ့သော တိုက်ပွဲအမှတ်အသားများကို ဂရုတစိုက် စစ်ဆေးလိုက်သည်။</p> <p style="text-align:justify">ခဏအကြာတွင် သူ ပြန်မတ်တတ်ရပ်လိုက်သည်။ </p> <p style="text-align:justify">သူ၏ မျက်နှာမှာ ဖြူဖျော့နေသော်လည်း ယခင်ထက်ပို၍ တည်ငြိမ်နေသည်။ </p> <p style="text-align:justify">"အရှင်... ဒါ တိမ်တိုက်သံတမန် တွေရဲ့ လက်ချက်ပဲ..." </p> <p style="text-align:justify">"တိမ်တိုက်သံတမန် ဟုတ်လား..." </p> <p style="text-align:justify">ဇိုမို နားမလည်ဟန်ဖြင့် ပြန်မေးလိုက်သည်။</p> <p style="text-align:justify">ခန်တယ် ရှင်းပြလေတော့သည်။ </p> <p style="text-align:justify">"တိမ်တိုက်သံတမန်ဆိုတာ တိမ်ပင်လယ်မှာပဲ တွေ့ရတဲ့ ပဉ္စမအဆင့် တိမ်သားရဲတစ်မျိုးပါ။ သူတို့က အရမ်း မြန်ဆန်ပြီး နယ်မြေစိုးမိုးလိုစိတ် အရမ်းပြင်းထန်တဲ့အတွက် နယ်မြေထဲ ကျူးကျော်လာသူတွေကို ရန်သူအဖြစ် သဘောထားပြီး တိုက်ခိုက်တတ်ကြပါတယ်..."</p> <p style="text-align:justify">သူ၏ မျက်နှာမှာ လေးနက်သွားပြီး "အရှင်... အရင်တုန်းက ဒီနေရာမှာ တိမ်တိုက်သံတမန်တွေ တစ်ခါမှ မရှိခဲ့ဖူးဘူး" ဟု ဆက်လက်ပြောကြားသည်။</p> <p style="text-align:justify">ထိုအချိန်၌ ဇိုမို၏ ရင်ထဲတွင် အန္တရာယ်၏ အငွေ့အသက်ကို ပြင်းပြင်းထန်ထန် ခံစားလိုက်ရသည်။ မြူခိုးများထဲမှ အလင်းတန်းတစ်ခုသည် လျှပ်စီးကဲ့သို့ လျင်မြန်စွာ ထိုးထွက်လာပြီး သူ့မျက်နှာရှေ့သို့ ရောက်ရှိလာသည်။</p> <p style="text-align:justify">ထိုခဏတွင် ဇိုမို၏ လက်သည် မြှောက်ရုံသာ ရှိသေးသည်။</p> <p style="text-align:justify">အလင်းတန်းမှာ လျှပ်စီးလက်သကဲ့သို့ မြန်ဆန်လွန်းလှသည်။</p> <p style="text-align:justify">ကံကောင်းထောက်မစွာဖြင့် ဇိုမိုသည် မြေပြင်ရှိ အမှတ်အသားများကို မြင်လိုက်သည်ကတည်းက ကြိုတင်သတိရှိနေခဲ့သည်။ </p> <p style="text-align:justify">သူသည် ခန္ဓာကိုယ်အတွင်းရှိ ရှန်စွမ်းအားများကို စွမ်းအားသုံးရပ်အဖြစ် ပြောင်းလဲထားနှင့်ပြီးဖြစ်သည်။ ဇိုမို လန့်သွားသော်လည်း တုန်လှုပ်ခြင်းမရှိဘဲ အလွန်လျင်မြန်စွာ တုံ့ပြန်လိုက်သည်။ ကာကွယ်ရန် လက်မောင်းမြှောက်ရန် အချိန်မမီတော့သည်ကို သိလိုက်ရသဖြင့် သူ လက်ဖဝါးကို လှန်လိုက်ပြီး လက်ပြန်ဖြင့် ရိုက်ထုတ်လိုက်သည်။</p> <p style="text-align:justify">ထိုအခါ တောက်ပသော စာလုံးတစ်လုံး ထွက်ပေါ်လာလေတော့သည်။</p> <p style="text-align:justify">နေမင်းလက်ဝါးကျမ်း…။</p> <p style="text-align:justify">ဖြန်း…</p> <p style="text-align:justify">ဇိုမို၏ နေမင်းလက်ဝါးကျမ်းသည် ထိုအလင်းတန်းအား တိတိကျကျ ထိမှန်သွားသော်လည်း မမျှော်လင့်ဘဲ အလင်းတန်းမှာ ကွဲကြေသွားခြင်း မရှိချေ။ </p> <p style="text-align:justify">ထိုအရာသည် ကန်ထွက်သွားသော ဘောလုံးတစ်လုံးကဲ့သို့ နေမင်းလက်ဝါးကျမ်း၏ စွမ်းအားကို အသုံးချကာ လွတ်မြောက်သွားခြင်းဖြစ်သည်။ </p> <p style="text-align:justify">ထို့နောက် ရိုက်ချက်၏ အရှိန်ဖြင့် နောက်သို့ လွင့်ထွက်သွားရာမှ အရှိန်ပိုတက်လာကာ တိမ်မြူခိုးများထဲသို့ ပြန်လည်ပျောက်ကွယ်သွားတော့သည်။</p> <p style="text-align:justify">ဇိုမိုတစ်ယောက် အံ့အားသင့်သွားပြီး ကိုယ်ပေါ်ရှိ အမွှေးအမျှင်များပင် ထောင်ထလာသည်။</p> <p style="text-align:justify">သူ၏ ရန်သူများကို အမြဲ နှိမ်နင်းနိုင်ခဲ့သော နေမင်းလက်ဝါးကျမ်းသည်ပင် ဤသတ္တဝါအား အနာတရ မဖြစ်စေနိုင်သည်ကို သူ လုံးဝ မယုံကြည်နိုင်ပေ။</p> <p style="text-align:justify">“ဒါ မဖြစ်နိုင်ဘူး” ဟု သူ တွေးလိုက်မိသည်။</p> <p style="text-align:justify">တိုက်ပွဲမှာ ခဏတာအတွင်း ဖြစ်ပျက်သွားသော်လည်း ဇိုမို ဝေ့ရှန်းနှင့် အခြားသူများမှာ ထိုသတ္တဝါ၏ ပုံပန်းသဏ္ဍာန်ကို ရှင်းရှင်းလင်းလင်း မြင်လိုက်ရသည်။</p> <p style="text-align:justify">တိမ်တိုက်သံတမန်၏ ပုံစံမှာ အလွန်ထူးဆန်းလှသည်။ </p> <p style="text-align:justify">ပြားချပ်နေသော ခန္ဓာကိုယ်ထဲမှ နှာမောင်းလေးခု ထွက်နေသည်။ နှာမောင်းတစ်စင်းစီ၏ ထိပ်ဖျားတွင် အလင်းလုံးတစ်ခုစီရှိကာ ခန္ဓာကိုယ်တစ်ခုလုံးအား အလင်းများဖြင့် ဖုံးလွှမ်းထားသည်။ ပျံသန်းသည့်အခါ ခန္ဓာကိုယ်တစ်ခုလုံး လွန်စွာမြန်ဆန်သောနှုန်းဖြင့် လည်ပတ်နေပြီး နှာမောင်းလေးခုမှာ အစွန်းတစ်ဖက်သို့ စုစည်းသွားသည်။ ထိုအခါ ၎င်းသည် လေဟာနယ်ဒိုင်းကိုပင် ပြားချပ်သွားစေပြီး မြှားတိုတစ်ခုကဲ့သို့ ဖြစ်သွားတော့သည်။</p> <p style="text-align:justify">ဇိုမို၏ နေမင်းလက်ဝါးကျမ်း၏ စွမ်းအားကို ကောင်းစွာသိရှိထားကြသည့် ဝေ့ရှန်းနှင့် ကျုံးရူတို့၏ မျက်နှာများမှာ အနည်းငယ် ပြောင်းလဲသွားသည်။ </p> <p style="text-align:justify">တိမ်တိုက်သံတမန်သည် တိုက်ရိုက်ရိုက်ချက်ကို ခံနိုင်ရည်ရှိပြီး ဒဏ်ရာမရသည်ကို မြင်သောအခါ သူတို့နှစ်ဦးလုံး တုန်လှုပ်သွားကြသည်။ ထို့အပြင် ၎င်း၏ လျင်မြန်သော အမြန်နှုန်းမှာလည်း အလွန်ကြောက်မက်ဖွယ်ကောင်းလှသည်။</p> <p style="text-align:justify">သူတို့သည် တိုက်ပွဲအတွေ့အကြုံများစွာရှိသည့် ကျင့်ကြံသူများဖြစ်ကြသဖြင့် အန္တရာယ်ကို ချက်ချင်း သိမြင်လိုက်ကြသည်။</p> <p style="text-align:justify">ထူထပ်သော တိမ်မြူခိုးများသည် သူတို့၏ မြင်ကွင်းအား အဓိက အဟန့်အတားဖြစ်စေသော်လည်း တိမ်သားရဲများအတွက်မူ အကောင်းဆုံး ရုပ်ဖျက်စရာ ဖြစ်နေသည်။</p> <p style="text-align:justify">ဝေ့ရှန်း၏ ဓားနက်ကြီး ထိပ်ဖျားမှာ အနည်းငယ် မြင့်တက်လာသည်။ ကျုံးရူ၏ လက်ထဲ၌လည်း ကြက်ခြေခတ်တရားစက် ပေါ်လာကာ ရန်သူကို ရင်ဆိုင်ရန် အသင့်ပြင်လိုက်သည်။</p> <p style="text-align:justify">ခန်တယ်မှာ ရင်တုန်နေသည်။ တိမ်တိုက်သံတမန်သည် တိမ်ပင်လယ်တွင် အမဲလိုက်သည့် ကျင့်ကြံသူများ အကြောက်ဆုံး သတ္တဝါဖြစ်သည်။ </p> <p style="text-align:justify">ရေခဲသက်ပြင်း သားရဲများမှာ တိမ်မြစ်ထဲတွင်သာ နေထိုင်ကြသော်လည်း တိမ်တိုက်သံတမန်များမှာမူ တိမ်ပင်လယ် အနက်ပိုင်းတွင် တွေ့ရတတ်ပြီး နှစ်စဉ်နှစ်တိုင်း ၎င်းတို့ကြောင့် ကျင့်ကြံသူများစွာ အသက်ဆုံးရှုံးကြရသည်။</p> <p style="text-align:justify">တိမ်တိုက်သံတမန်များမှာ ပဉ္စမအဆင့်သာ ရှိသော်လည်း သူတို့၏ ကြောက်မက်ဖွယ် အမြန်နှုန်းနှင့် မြူဖုံးနေသော ပတ်ဝန်းကျင်တို့ကြောင့် ကာကွယ်ရန်မှာ မဖြစ်နိုင်သလောက်ပင်။</p> <p style="text-align:justify">သို့သော်လည်း ၎င်းတို့မှာ မိမိတို့နယ်မြေမှ ထွက်ခွာခဲကြသည်။ ယခင် ဤနေရာတွင် မရှိခဲ့ဖူးသဖြင့် ယခုနှစ် တိမ်ပင်လယ်ထဲတွင် မည်သည့်အရာများ ဖြစ်ပျက်နေသနည်းဟု ခန်တယ် စိုးရိမ်စွာ တွေးတောနေမိသည်။</p> <p style="text-align:justify">သူသည် အံ့အားသင့်လွန်းသဖြင့် မယုံကြည်နိုင်ဖြစ်နေသည်။</p> <p style="text-align:justify">"သတိထားကြ ဒီအကောင်ရဲ့ လေဟာနယ်ဒိုင်းက ထူးဆန်းတယ်" </p> <p style="text-align:justify">ဇိုမို အရင်ဆုံးသတိဝင်ကာ အော်ဟစ်သတိပေးလိုက်သည်။</p> <p style="text-align:justify">ဇိုမိုစကားပင် မဆုံးသေးခင်မှာပင် တိမ်မြူခိုးများထဲမှ အလင်းတန်းများစွာသည် မိုးသီးများကဲ့သို့ ထူထပ်စွာ ပစ်ခတ်ထွက်လာတော့သည်။</p> <p style="text-align:justify">ဒေါင်...</p> <p style="text-align:justify">ကြီးမားသော ခေါင်းလောင်းသံကြီးတစ်သံ ပဲ့တင်ထပ်သွားသည်။ </p> <p style="text-align:justify">အသံမှာ သိပ်မကျယ်လောင်သော်လည်း တိမ်တိုက်များထဲတွင် မိုးကြိုးပစ်လိုက်သကဲ့သို့ ပဲ့တင်ထပ်နေသည်။ ကျုံးရူအား ဗဟိုပြု၍ လီပေါင်းငါးလီအတွင်းရှိ တိမ်မြူခိုးများမှာ ထိုခဏ၌ စီးဆင်းမှု ရပ်တန့်သွားသည်။</p> <p style="text-align:justify">၎င်းသည် ကျုံးရူ ရှားရှားပါးပါး အသုံးပြုလေ့ရှိသော သတ်ကွက်ဖြစ်သည့် အမှန်တရားစကားတော်ပင် ဖြစ်သည်။</p> <p style="text-align:justify">နန်ရှန်ရွာတွင် သူအသုံးပြုခဲ့စဉ်ကနှင့် ယှဉ်လျှင် ယခုအသုံးပြုသည့် အမှန်တရားစကားတော်၏ စွမ်းအားမှာ ကောင်းကင်နှင့် မြေကြီးကဲ့သို့ ကွာခြားသွားပြီဖြစ်သည်။</p> <p style="text-align:justify">တိမ်တိုက်သံတမန်တို့၏ ထူးဆန်းသော လေဟာနယ်ဒိုင်းများသည် ကျုံးရူ၏ အမှန်တရားစကားတော်ကို မတားဆီးနိုင်ခဲ့ပေ။ အလင်းတန်းများမှာ ရုတ်တရက် တန့်သွားကြပြီး လုံးလုံးလျားလျား ရပ်တန့်မသွားစေကာမူ သတ်ဖြတ်လိုသော အရှိန်အဝါများမှာ လုံးဝပျောက်ကွယ်သွားခဲ့သည်။</p> <p style="text-align:justify">ဇိုမို ဝေ့ရှန်းနှင့် ကျုံးရူတို့၏ ပူးပေါင်းဆောင်ရွက်မှုမှာ အလွန်ပင် မျှတလှသည်။ ကျုံးရူ လှုပ်ရှားလိုက်သည်နှင့် ဇိုမိုနှင့် ဝေ့ရှန်းတို့က တစ်ပြိုင်နက်တည်း အရှိန်ဖြင့် ဝင်ရောက်တိုက်ခိုက်ကြသည်။</p> <p style="text-align:justify">တိမ်မြူခိုးတို့၏ အကြောက်ဆုံးအရာမှာ မီးလျှံပင်ဖြစ်သည်။</p> <p style="text-align:justify">တိမ်မြူခိုးများသည် ရေငွေ့များဖြင့် ဖွဲ့စည်းထားသဖြင့် နေပူရှိန်နှင့် ထိတွေ့လျှင် လျင်မြန်စွာ ပြန့်ကျဲသွားစမြဲဖြစ်သည်။ </p> <p style="text-align:justify">ဇိုမို၏ မီးထိန်းချုပ်မှု စွမ်းရည်မှာ ဝိညာဉ်သန္ဓေအဆင့်နှင့် ယှဉ်နိုင်သည့်အထိ ရောက်ရှိနေပြီဖြစ်သည်။ သူသည် မဟာနေမင်း မိုခန္ဓာမှတဆင့် မဟာနေမင်း အလွှာလိုက်မီးလျှံကို ဖန်တီးကာ နေမင်းသလင်းမျိုးစေ့နှင့် ပေါင်းစပ်ထားသူဖြစ်သည်။ </p> <p style="text-align:justify">နေမင်းနတ်ကျောင်းတော်တွင် ရှန်မီးလျှံများ၏ နှစ်ခြင်းခံထားရသည့် သူ့အတွက် မီးထိန်းချုပ်နိုင်စွမ်းမှာ ရွှေအမြုတေအဆင့် ကျင့်ကြံသူများကိုပင် လွှမ်းမိုးနိုင်သည်။</p> <p style="text-align:justify">သူ လက်နှစ်ဖက်ကို စုစည်းလိုက်ရာ ရွှေရောင်မီးလျှံများမှာ လက်တစ်ခွင် လွှမ်းခြုံသွားသည်။ သူ လက်ကို ပြန်ဖြန့်လိုက်သည်နှင့် မီးလျှံများမှာ ကောင်းကင်သို့ ပစ်တင်လိုက်သော ရွှေရောင်ပိတ်စကြီးသဖွယ် ပျံ့နှံ့သွားကာ တိမ်တိုက်သံတမန် အားလုံးကို အုပ်မိုးလိုက်တော့သည်။</p> <p style="text-align:justify">ဝေ့ရှန်း၏ တိုက်ကွက်မှာလည်း ပြိုင်ဘက်ကင်းလှသည်။ သူသည် ဓားနက်ကြီးအား စက်ဝိုင်းပုံစံ ဝေ့ယမ်းလိုက်သည်။ ကြောက်မက်ဖွယ်ကောင်းသော ဓားအနှစ်သာရများမှာ လေဆင်နှာမောင်းတစ်ခုကဲ့သို့ ပေါက်ကွဲထွက်သွားသည်။ ထူထပ်သော တိမ်မြူခိုးများမှာ ဓားအနှစ်သာရကြောင့် လွင့်စင်သွားပြီး ဒါဇင်နှင့်ချီသော နေရာလွတ်ကြီးတစ်ခု ချက်ချင်းဖြစ်ပေါ်လာသည်။</p> <p style="text-align:justify">တိမ်မြူခိုးများ ကင်းစင်သွားသဖြင့် တိမ်တိုက်သံတမန် ဒါဇင်ပေါင်းများစွာ ပေါ်ထွက်လာကြသည်။</p> <p style="text-align:justify">၎င်းတို့မှာ ကျုံးရူ၏ တိုက်ကွက်ကြောင့် ထိခိုက်နေကြသည်ဖြစ်ရာ ယခုအခါ ပစ်မှတ်များမှာ ရှင်းလင်းစွာ ပေါ်လာပြီဖြစ်သည်။ ဝေ့ရှန်းအနေဖြင့် ဤအခွင့်အရေးကို လွဲချော်ရန် အကြောင်းမရှိတော့ပေ။</p> <p style="text-align:justify">ဝူခုန်းဓားဂိုဏ်း၏ နှစ်ပေါင်းရာနှင့်ချီသော သမိုင်းကြောင်းကို ပိုင်ဆိုင်သည့် လေဟာနယ်အနက်ရောင် ဓားဖြင့် ဝေ့ရှန်းသည် မိမိ၏ အထွတ်အထိပ် စွမ်းအားကို ထုတ်ဖော်လိုက်သည်။ သာမန်မျက်စိဖြင့် မမြင်နိုင်သော ဓားစွမ်းအားတို့သည် လေထုကို တွန်းကန် ဆွဲငင်လိုက်ကြရာ တိမ်တိုက်သံတမန်တို့၏ ကာကွယ်ရေး လေဟာနယ်ဒိုင်းများမှာ ဂျွတ်ဂျွတ်မြည်အောင် အက်ကွဲကုန်တော့သည်။</p> <p style="text-align:justify">တစ်ချိန်တည်းမှာပင် ဇိုမိုသည်လည်း လက်တစ်ဖက်ကို ဝေ့ဝဲလိုက်ကာ ကျန်လက်တစ်ဖက်အား လိမ်ချိုးလိုက်သည်။</p> <p style="text-align:justify">တိမ်တိုက်သံတမန်များအား ပိတ်မိထားသော မီးလျှံပိတ်စကြီးမှာ ရုတ်တရက် ကျုံ့ဝင်သွားတော့သည်။</p> <p style="text-align:justify">တိမ်တိုက်သံတမန်များမှာ ကျယ်လောင်စွာ အော်မြည်နေကြသည်။ </p> <p style="text-align:justify">သူတို့သည် အမှန်တရား စကားတော်၏ အကျိုးသက်ရောက်မှုမှ ရုန်းထွက်နိုင်ခဲ့သော်လည်း လွှမ်းမိုးနိုင်စွမ်းရှိသော မဟာနေမင်း အလွှာလိုက်မီးလျှံမှာ သူတို့၏ လေဟာနယ်ဒိုင်းများပေါ်တွင် ကပ်တွယ်ကာ ဆက်တိုက် လောင်ကျွမ်းနေတော့သည်။</p> <p style="text-align:justify">မဟာနေမင်း အလွှာလိုက်မီးလျှံမှာ ဆဋ္ဌမအဆင့် မီးလျှံပင် ဖြစ်လေသည်။</p> <p style="text-align:justify">တိမ်တိုက်သံတမန်များမှာ ထိတ်လန့်သွားကြသည်။ သူတို့သည် မီးလျှံစက်ဝန်းအတွင်း၌ အရူးအမူး ရုန်းကန်ပြီး ထွက်ပြေးရန် ကြိုးစားကြသည်။</p> <p style="text-align:justify">သို့သော်လည်း မဟာနေမင်း အလွှာလိုက်မီးလျှံ၏ ရက်စက်ကြမ်းကြုတ်မှုမှာ သူတို့ ထင်ထားသည်ထက် များစွာ သာလွန်နေသည်။ ၎င်းက တိမ်တိုက်သံတမန်များ၏ လေဟာနယ်ဒိုင်းများအား စုတ်ဖြဲပစ်လိုက်သည်။ </p> <p style="text-align:justify">ဒိုင်းများ ပေါက်ထွက်သွားသည်နှင့် မီးလျှံသည် တိမ်တိုက်သံတမန်များအား တိုက်ရိုက် လောင်ကျွမ်းပစ်လိုက်သည်။ သူတို့ မည်မျှပင် ရုန်းကန်နေပါစေ ထိုခန္ဓာကိုယ်များမှာ မျက်စိရှေ့တွင်ပင် တဖြည်းဖြည်း ပျောက်ကွယ်သွားကြတော့သည်။</p> <p style="text-align:justify">အသက်ရှူကြိမ် အနည်းငယ်အတွင်းမှာပင် ဇိုမိုပတ်လည်ရှိ တိမ်တိုက်သံတမန် အားလုံး ရှင်းလင်းသွားတော့သည်။</p> <p style="text-align:justify">ဝေ့ရှန်းသည်လည်း အားကျမခံပေ။ သူ၏ ဓားအနှစ်သာရမှာ ဓားအနှစ်သာရ ရုပ်လုံးပေါ်ခြင်း၏ အထွတ်အထိပ်သို့ ရောက်ရှိနေပြီး နယ်နိမိတ်၏ တံခါးဝသို့ ရောက်ရှိနေပြီ ဖြစ်သည်။ ဤအဆင့်မှာ ပုံမှန်အားဖြင့် ဝိညာဉ်သန္ဓေအဆင့် ဓားကျင့်ကြံသူများသာ ရောက်ရှိနိုင်သော အဆင့် ဖြစ်လေသည်။</p> <p style="text-align:justify">အနက်ရောင် ဟာလာဟင်းလင်း ဓားအနှစ်သာရမှာ အဆုံးမရှိသော လေဟာနယ်ကြီးကဲ့သို့ နက်ရှိုင်းပြီး အတိုင်းအဆ မရှိပေ။</p> <p style="text-align:justify">ဓားအနှစ်သာရဖြင့် လွှမ်းခြုံခံထားရသော တိမ်တိုက်သံတမန်များ၏ လေဟာနယ်ဒိုင်းများမှာ တဖြည်းဖြည်း တိုက်စားခံရပြီး ပျောက်ကွယ်သွားကြသည်။ သူတို့၏ ခန္ဓာကိုယ်များလည်း ထိုအမြန်နှုန်းအတိုင်းပင် ပျောက်ကွယ်သွားကြတော့သည်။</p> <p style="text-align:justify">သုံးဦးသား၏ ပူးပေါင်းတိုက်ခိုက်မှုကြောင့် တိမ်တိုက်သံတမန် ရာနှင့်ချီ သေဆုံးသွားခဲ့ရသည်။ ခန်တယ်၏ မျက်လုံးများမှာ အံ့အားသင့်လွန်းသဖြင့် ပြူးထွက်မတတ် ဖြစ်နေတော့သည်။</p> <p style="text-align:justify">ချောက်... ချောက်...။</p> <p style="text-align:justify">ဟူသော အသံများနှင့်အတူ လက်မအရွယ် အပြားလေးများစွာ လေထဲမှ ကျလာသည်။ သူတို့သုံးဦးမှာမူ မလှုပ်ရှားသေးဘဲ ပတ်ဝန်းကျင်အား ဂရုတစိုက် စစ်ဆေးရန် အသင့်အနေအထားဖြင့် ရှိနေကြသေးသည်။</p> <p style="text-align:justify">သုံးဦးသား၏ ကျွမ်းကျင်လှသော ပူးပေါင်းဆောင်ရွက်မှုကို ကြည့်ရင်း ခန်တယ်တစ်ယောက် ထူးဆန်းသော ခံစားချက်တစ်ခု ရနေမိသည်။ </p> <p style="text-align:justify">အရှင်နှင့် အခြားသူများမှာ တိမ်ပင်လယ်၏ အန္တရာယ်များနှင့် အလွန်ရင်းနှီးနေကြသည့်အလား သူ ခံစားလိုက်ရသည်။ သူတို့သုံးဦး ပူးပေါင်းလိုက်သည်နှင့် တိမ်တိုက်သံတမန် ရာနှင့်ချီမှာ လက်ဖျောက်တစ်ချက်အတွင်း ပြာဖြစ်သွားခဲသည်။ ဤသည်မှာ သူ၏ အထင်အမြင်များအား အကြီးအကျယ် ရိုက်ချိုးလိုက်ခြင်းပင်။</p> <p style="text-align:justify">တိမ်တိုက်သံတမန်များမှာ ပဉ္စမအဆင့် တိမ်သားရဲများသာ ဖြစ်သော်လည်း တိမ်ပင်လယ်ရှိ တိမ်သားရဲများထဲတွင် အဆင့်အတန်း မနိမ့်လှပေ။ အထူးသဖြင့် လျှပ်စီးနှင့်တူသော အမြန်နှုန်းနှင့် အရေအတွက် များပြားမှုကြောင့် တိမ်ပင်လယ်ထဲ၌ ကျင့်ကြံသူများစွာ သေဆုံးခဲ့ရသည်။ </p> <p style="text-align:justify">အရှင်တို့မှာ သူတို့နှင့် ပထမဆုံးအကြိမ် တွေ့ဆုံခြင်း ဖြစ်သော်လည်း အချိန်တိုအတွင်းမှာပင် အားနည်းချက်ကို ရှာဖွေ၍ သတ်ပစ်နိုင်ခဲ့ကြသည်။ အရှင်တို့သည် တိမ်ပင်လယ်ထဲသို့ အမှန်ပင် ပထမဆုံးအကြိမ် ဝင်ဖူးသူများ ဖြစ်နိုင်သည်လော။</p> <p style="text-align:justify">ဇိုမိုနှင့် အခြားသူများမှာ တိမ်ပင်လယ်ထက် ပိုမိုကြောက်မက်ဖွယ်ကောင်းသော နေရာများကို ဖြတ်သန်းခဲ့ဖူးသည်ကိုမူ ခန်တယ်တစ်ယောက် မသိရှာပေ။</p> <p style="text-align:justify">တံဆိပ်ခတ်မျိုးတုံးတိုက်ပွဲ စစ်မြေပြင်တွင် ဇိုမိုတို့အဖွဲ့မှာ အချိန်မရွေး ပေါ်လာနိုင်သည့် တစ္ဆေဝိညာဉ် များဖြင့် အသားကျနေခဲ့ပြီဖြစ်သည်။ သူတို့ လက်ချက်ဖြင့် ပျက်သုဉ်းခဲ့ရသော တစ္ဆေဝိညာဉ် အရေအတွက်မှာလည်း ရေတွက်၍ပင် မရနိုင်တော့ချေ။</p> <p style="text-align:justify">"ဒါက ဘာလဲ" </p> <p style="text-align:justify">ဇိုမိုက မြေပြင်ပေါ်ရှိ အပြားငယ်တစ်ခုကို ကောက်ယူကာ မေးမြန်းလိုက်သည်။</p> <p style="text-align:justify">ထိုအပြားမှာ လက်မအရွယ်ခန့်ရှိပြီး ဆင်စွယ်ကဲ့သို့ အထိအတွေ့မျိုး ရှိသည်။ ဖြူစင်နွေးထွေးသော အရောင်အသွေးရှိကာ မျက်နှာပြင်ပေါ်၌ သဘာဝအလျောက် ဖြစ်ပေါ်နေသော ပုံစံများ ဖုံးလွှမ်းနေသည်။</p> <p style="text-align:justify">"ဒါက သံတမန်တံဆိပ်ပါ အရှင်" </p> <p style="text-align:justify">ခန်တယ်၏ လေသံမှာ ပို၍ပင် ရိုသေလေးစားသွားသည်။ </p> <p style="text-align:justify">"တိမ်တိုက်သံတမန် တိုင်းရဲ့ ခန္ဓာကိုယ်ထဲမှာ သံတမန်တံဆိပ် တစ်ခုစီ ရှိပါတယ်။ သံတမန်တံဆိပ်ပေါ်မှာ သဘာဝအလျောက် ဖြစ်ပေါ်နေတဲ့ တံဆိပ်အစီအရင်တွေ ပါရှိပါတယ်။ တံဆိပ်ကျင့်ကြံသူ အများအပြားက ဒါတွေကို တန်ဖိုးထား ဝယ်ယူကြပါတယ်။ အစီအရင်တွေကို လေ့လာဖို့အပြင် တိမ်အမျိုးအစား မှော်အဆောင်တွေ သွန်းလုပ်ဖို့အတွက်လည်း တော်တော် ကောင်းမွန်တဲ့ ကုန်ကြမ်းတွေပါပဲ"</p> <p style="text-align:justify">‘သဘာဝ တံဆိပ်အစီအရင်တွေ ဟုတ်လား...’</p> <p style="text-align:justify">ဇိုမို အာမေဍိတ် ပြုလိုက်မိသည်။ သူသည် သံတမန်တံဆိပ်အား သေသေချာချာ စစ်ဆေးလိုက်သည်။</p> <p style="text-align:justify">သူ လျင်မြန်စွာပင် သဘောပေါက်သွားသည်။ ဤရှုပ်ထွေးနေပုံရသော ပုံစံများသည် တကယ်တမ်း၌ တံဆိပ်အစီအရင်များ ဖြစ်နေသည်။ </p> <p style="text-align:justify">‘တော်တော် စိတ်ဝင်စားစရာ ကောင်းတာပဲ’ </p> <p style="text-align:justify">ဇိုမို၏ စိတ်ဓာတ်တို့မှာ တက်ကြွလာသည်။ သဘာဝအတိုင်း ဖြစ်ပေါ်နေသည့် အစီအရင်အား သူ မြင်ဖူးသည်မှာ ပထမဆုံးအကြိမ် မဟုတ်သော်လည်း အကြိမ်တိုင်း၌ သူ အံ့ဩရစမြဲပင်။</p> <p style="text-align:justify">‘ကျင့်ကြံသူတွေရဲ့ အစီအရင်တွေက ဘယ်က စခဲ့တာလဲ...’</p> <p style="text-align:justify">‘သဘာဝတရားဆီကပဲပေါ့’</p> <p style="text-align:justify">အမှန်စင်စစ် ကျင့်ကြံသူပဲဖြစ်စေ ယောင်မို ဖြစ်စေ လူတိုင်း၏ ကျင့်စဉ်များမှာ မတူညီကြသော်လည်း အားလုံးမှာ သဘာဝတရား စကြာဝဠာကြီးဆီမှ ဆင်းသက်လာကြခြင်း ဖြစ်သည်။</p> <p style="text-align:justify">သဘာဝ အစီအရင်များ ပါဝင်သောအရာမှာ လက်နက်သွန်းလုပ်ရန်အတွက် အကောင်းဆုံး ကုန်ကြမ်းပင် ဖြစ်သည်။ ဇိုမိုသည် သံတမန်တံဆိပ်များ၏ တန်ဖိုးကို ချက်ချင်းပင် ရိပ်စားမိလိုက်သည်။</p> <p style="text-align:justify">"အင်း... နှမြောစရာပဲ ဒီတစ်ခေါက် ငါတို့က ခရီးလောနေတာ" </p> <p style="text-align:justify">ဇိုမိုက မြေပြင်ပေါ်ရှိ သံတမန်တံဆိပ်များကို ကောက်ယူရင်း ရေရွတ်လိုက်သည်။ </p> <p style="text-align:justify">"သတ်ရတာလည်း လွယ်တယ် ကုန်ကြမ်းကလည်း ကောင်းတယ် ဒီလောက် တွက်ချေကိုက်တဲ့ အမဲလိုက်ကွင်းမျိုး ဘယ်မှာ သွားရှာရမလဲ"</p> <p style="text-align:justify">ခန်တယ် ချွေးစေးများ စီးကျလာသည်။ </p> <p style="text-align:justify">သတ်ရတာ လွယ်တယ် ဟုတ်လား...။</p> <p style="text-align:justify">တိမ်တိုက်သံတမန်များမှာ ကျင့်ကြံသူတို့ အတွေ့ဆုံးနှင့် အလိုချင်ဆုံးမဟုတ်သော သတ္တဝါများဖြစ်သော်လည်း အရှင့်ပါးစပ်ထဲတွင်မူ တွက်ချေကိုက်သည့် သားကောင်များ ဖြစ်နေလေပြီ။ </p> <p style="text-align:justify">ခန်တယ် တစ်ယောက် ဆွံ့အသွားလေတော့သည်။ သို့သော် အရှင်တို့သည် ခဏချင်းအတွင်း၌ပင် ရာနှင့်ချီ သတ်ပြလိုက်သည်ကို တွေးမိသောအခါ သူ ပါးစပ်ပိတ်နေရန်သာ ရွေးချယ်လိုက်တော့သည်။</p> <p style="text-align:justify">ဇိုမိုသည် ကြက်သွေးရောင်ငှက်တပ်ဖွဲ့အား ခေါ်ဆောင်လာကာ တိမ်တိုက်သံတမန်များကို ဖမ်းဆီးခိုင်းရန်ပင် စတင် ကြံစည်နေသည်။ </p> <p style="text-align:justify">‘ဒါက သေချာပေါက် စီးပွားရေးကောင်းတစ်ခုပဲ’</p> <p style="text-align:justify">တိမ်မြူခိုးထဲရှိ တိမ်တိုက်သံတမန်များမှာလည်း ဇိုမိုတို့အဖွဲ့၏ ရက်စက်သော တိုက်ခိုက်မှုကြောင့် ကြောက်ရွံ့သွားပုံရကာ နောက်ထပ် တစ်ကောင်မျှ ထွက်မလာကြတော့ပေ။</p> <p style="text-align:justify">ဇိုမိုသည် မြေပြင်ပေါ်ရှိ သံတမန်တံဆိပ်များကို ကောက်ယူပြီးနောက် ခရီးဆက်ရန် ပြင်လိုက်သည်။ </p> <p style="text-align:justify">ရေတိမ်သန္ဓေသားအား ရှာဖွေတွေ့ရှိရန်မှာ အရေးအကြီးဆုံး ကိစ္စမဟုတ်ပါလား။</p> <p style="text-align:justify">ခန်တယ်သည် နောက်တစ်ကြိမ် လမ်းပြရန် ရှေ့မှ ဦးဆောင်လိုက်ပြန်သည်။</p> <p style="text-align:justify">ဇိုမို ခံစားနေရသည်မှာ သူတို့အဖွဲ့သည် တဖြည်းဖြည်းချင်း အောက်ဘက်သို့ နက်ရှိုင်းစွာ ဆင်းသက်နေခြင်းပင် ဖြစ်သည်။ </p> <p style="text-align:justify">ပတ်ဝန်းကျင်ရှိ အပူချိန်မှာလည်း တရိပ်ရိပ် ကျဆင်းလာနေသည်။ တိမ်မြူခိုးများမှာ ပိုမို ထူထပ်လာသည်။ </p> <p style="text-align:justify">ဇိုမို ရုတ်တရက် သတိပြုမိလိုက်သည်မှာ ဤတိမ်မြူခိုး အချပ်လိုက်ကြီးများသည် သေးငယ်သော ရေခဲမှုန်လေးများဖြင့် ဖွဲ့စည်းထားခြင်းပင် ဖြစ်သည်။</p> <p style="text-align:justify">ခန်တယ်၏ မျက်နှာသွင်ပြင်မှာ ပို၍ လေးနက်တင်းမာလာပြီး ခရီးနှင်နှုန်းမှာလည်း သိသိသာသာ နှေးကွေးသွားတော့သည်။</p> <p style="text-align:justify">ဇိုမိုနှင့် အခြားသူများသည်လည်း ပတ်ဝန်းကျင်ကို အထူးသတိထားကာ ခန်တယ်၏ နောက်မှ ဂရုတစိုက် လိုက်ပါလာကြသည်။ သူတို့သည် အချိန်မရွေး တိုက်ခိုက်ရန် အသင့်အနေအထားဖြင့် ရှိနေကြသည်။</p> <p style="text-align:justify">သူတို့အနေနှင့် တိမ်တိုက်သံတမန် အားလုံးအား အလွယ်တကူ သတ်ပစ်နိုင်ခဲ့သော်လည်း ပဉ္စမအဆင့်သာ ရှိသော တိမ်တိုက်သံတမန်များက ဇိုမို၏ နေမင်းလက်ဝါးကျမ်းကိုပင် အနည်းငယ် ခံနိုင်ရည်ရှိခဲ့သည်ကို အားလုံး သတိထားမိကြသည် မဟုတ်ပါလား။</p> <p style="text-align:justify">သို့သော်ငြားလည်း ကံဆိုးစွာပင် မမျှော်လင့်ထားသော မတော်တဆမှုတစ်ခု ရုတ်တရက် ဖြစ်ပွားလာခဲ့လေတော့သည်။</p> <p style="text-align:justify"> </p> <p style="text-align:justify"> </p> <p style="text-align: center;">***</p> <p style="text-align:justify"><br />  </p>


Save