Book List

<h2 style="text-align: center;">အခန်း (၅၃)</h2> <h2 style="text-align: center;">အဆင့်D သို့ ဖောက်ထွက်ခြင်း</h2> <h2 style="text-align: center;">*</h2> <p> </p> <p style="text-align:justify">လုချန်က သူ့ခန္ဓာကိုယ်ကို သူ ပြန်လည်စစ်ဆေးလိုက်သည်။ နှလုံးသားအနီးရှိ ဝိညာဉ်သွေးကြောဝ၏ အချင်းက ၄၈ မီလီမီတာအထိ ကျယ်ပြန့်လာခဲ့ပြီ ဖြစ်သည်။ သို့သော် သူက မရပ်တန့်ခဲ့ပေ။ အဆင့်D သို့ ရောက်ရှိမှသာ စစ်မှန်သော အရည်အသွေးပိုင်းဆိုင်ရာ အလှည့်အပြောင်း ဖြစ်ပေါ်မည် ဖြစ်သည်။</p> <p style="text-align:justify">“ဓာတ်သဘာဝ တံခါးကို ဖွင့်လှစ်ပြီး ဓာတ်သဘာဝစွမ်းအင်များကို အသုံးပြုနိုင်ခြင်း”</p> <p style="text-align:justify">၎င်းသည် ဘဝဖြစ်စဉ် ပြောင်းလဲမှု၏ အဓိက အချိုးအကွေ့တစ်ခု ဖြစ်သည်။ အဆင့်D မတိုင်ခင် စစ်သည်တော်တစ်ဦးက အသက် တစ်ရာကျော်အထိသာ နေနိုင်သော်လည်း အဆင့်D သို့ ရောက်ရှိပါက အသက် သုံးရာအထိ နေထိုင်နိုင်မည် ဖြစ်သည်။ ကပ်ဘေးကြီး ဖြစ်ပွားခဲ့သည်မှာ ၇၀ နှစ်သာ ရှိသေးရာ အသက် သုံးရာအထိ ရှည်နိုင်သည်ဟူသော အချက်မှာ လူအများစုအတွက် စိတ်ကူးယဉ်အိပ်မက်တစ်ခုသာ ဖြစ်သည်။</p> <p style="text-align:justify">အဆင့်D နှင့် အဆင့်E ကြား ခြားနားချက်မှာ ယခင်ဘဝက ဝတ္ထုများထဲမှ လူသားနှင့် နတ်ဘုရားတို့၏ ခြားနားချက်ကဲ့သို့ပင်။ အဆင့်D မတိုင်ခင်မှာ သိုင်းပညာအဆင့်သာ ရှိသေးသော်လည်း အဆင့်D သို့ ရောက်ရှိပါက နတ်ဘုရားတစ်ပါးကဲ့သို့ ကျင့်ကြံခြင်းလမ်းစဉ်သို့ စတင်ဝင်ရောက်ခြင်း ဖြစ်သည်။</p> <p style="text-align:justify">လုချန်က အသက်ကို ပြင်းပြင်းတစ်ချက် ရှူလိုက်ပြီး ဆက်လက်ကျင့်ကြံနေတော့သည်။ မိနစ် ၂၀ အကြာတွင် သူ၏ ဒုတိယမြောက် ဝိညာဉ်သွေးကြောက အပြည့်အဝ ပြည့်ဝသွားခဲ့သည်။ ပိုလျှံနေသော စွမ်းအင်များက နောက်ထပ် ဝိညာဉ်သွေးကြောတစ်ခုထဲသို့ စီးဝင်သွားသည်။ ထိုဝိညာဉ်သွေးကြောက စွမ်းအင်အားလုံးကို လောဘတကြီး ဝါးမြိုနေသည်။ ဝိညာဉ်သွေးကြောသစ်တစ်ခုက တဖြည်းဖြည်း ပေါ်ပေါက်လာသည်။ သုံးနာရီခန့်အကြာတွင် အသစ်ဖြစ်ပေါ်လာသော ဝိညာဉ်သွေးကြောသည်လည်း အကန့်အသတ်သို့ ရောက်ရှိသွားသည်။ လုချန်က သူ့အတွင်းရှိ အသက်ဘဝ၏ ကန့်သတ်ချက်များ ပြေလျော့သွားသည်ကို ခံစားလိုက်ရသည်။</p> <p style="text-align:justify">“ဘုန်း...”</p> <p style="text-align:justify">“ဘုန်း...”</p> <p style="text-align:justify">“ဘုန်း...”</p> <p style="text-align:justify">ခန္ဓာကိုယ်အတွင်းမှ နားကွဲလုမတတ် ဟိန်းသံကြီး ထွက်ပေါ်လာသည်။ အဆင့်D အတားအဆီး၏ တတိယမြောက် ဝိညာဉ်သွေးကြော ပွင့်သွားသည်။ ဝိညာဉ်သွေးကြော သုံးခုစလုံးမှ စကြာဝဠာစွမ်းအင်များ တစ်ပြိုင်နက်တည်း ပေါက်ကွဲထွက်လာသည်။</p> <p style="text-align:justify">ဝါ၊ ဖြူ၊ ခရမ်း... ရောင်စုံအလင်းတန်းများ။ မြေ၊ အလင်းနှင့် လျှပ်စီးဓာတ်စွမ်းအင်များက သူ့ခန္ဓာကိုယ်ကို ဓာတ်ငွေ့များကဲ့သို့ ဖုံးလွှမ်းသွားသည်။ သူက ထိုစွမ်းအင်များကို အပြည့်အဝ မထိန်းချုပ်နိုင်သေးသော်လည်း ဓာတ်သဘာဝ သုံးမျိုးမှာ သူ့ခန္ဓာကိုယ်တစ်ခုလုံးကို လွှမ်းခြုံထားသည်။ ဤအရာသည်ပင် ကြီးမားလှသော ပြောင်းလဲမှုကြီး ဖြစ်သည်။ ဤစွမ်းအင်လွှမ်းခြုံမှုကပင် သူ၏ အခြေခံခွန်အားနှင့် အမြန်နှုန်းကို အနည်းဆုံး နှစ်ဆခန့် မြှင့်တင်ပေးနိုင်မည် ဖြစ်သည်။</p> <p style="text-align:justify">ပို၍အရေးကြီးသည်မှာ တိုက်ခိုက်ရေး စည်းမျဉ်းများကို ပြောင်းလဲပစ်လိုက်ခြင်းပင်။ ၎င်းမှာ ဓာတ်သဘာဝ သိုင်းကွက်များကို အသုံးပြုနိုင်ခြင်း ဖြစ်သည်။ လုချန် Systemကို ဖွင့်ကြည့်လိုက်သည်။</p> <p style="text-align:justify">“အမည် - လုချန်”<br /> “ခွန်အား - ၅၇၆,၈၀၀”<br /> “စိတ်ဝိညာဉ် - ၅၇၆,၈၀၀”<br /> “ဝိညာဉ်စွမ်းရည် - အမြင့်ဆုံးအဆင့် နားလည်သဘောပေါက်နိုင်စွမ်း”</p> <p style="text-align:justify">သူ၏ အခြေခံခွန်အားမှာ ၄၆,၁၄၄ တန်သို့ ရောက်ရှိသွားသည်။ ဤတန်ဖိုးမှာ အဆင့်D ဒသမအလွှာ ရှိသော ကျင့်ကြံသူတစ်ဦး၏ အခြေခံခွန်အားထက် သုံးဆ သို့မဟုတ် ၎င်းထက်ပင် ပို၍ များပြားနေသည်။ ဝိညာဉ်သွေးကြော၏ အချင်းမှာ ၉၆ မီလီမီတာအထိ ရှိနေပြီး ၎င်းမှာ အဆင့်B စစ်သည်တော်တစ်ဦး၏ ၈၀ မီလီမီတာထက်ပင် ကျော်လွန်နေသည်။</p> <p style="text-align:justify">သူ၏ အမြန်နှုန်းမှာလည်း တစ်စက္ကန့်လျှင် ၁၅,၅၀၀ မီတာဟူသော အံ့အားသင့်ဖွယ် အခြေအနေသို့ ရောက်ရှိသွားသည်။ သာမန် အဆင့်D ဒသမအလွှာထက် နှစ်ဆကျော် ပိုမြန်နေခြင်း ဖြစ်သည်။ လက်ရှိတွင် သူ့အတွက် လိုအပ်နေသည်မှာ အစွမ်းထက်သော ဓာတ်သဘာဝ သိုင်းကွက်များနှင့် သူ၏ စွမ်းအင်များကို အပြည့်အဝ သယ်ဆောင်ပေးနိုင်မည့် အစွမ်းထက်သော လက်နက်တစ်ခုသာ ဖြစ်သည်။</p> <p style="text-align:justify">သူ၏ ခွန်အားမှာ မြန်ဆန်လွန်းစွာ တိုးတက်နေသဖြင့် လက်ရှိပိုင်ဆိုင်ထားသော ကမ္ဘာနှစ်သွယ်ဓား မှာ သူ၏ ခွန်အားကို မခံနိုင်တော့ပေ။ သာမန် အဆင့်D စစ်သည်တော်များအတွက် အဆင့်D လက်နက်မှာ အဆင်ပြေသော်လည်း လုချန်ကဲ့သို့ အဆင့်D ဒသမအလွှာမှ ထူးဆန်းသော ပါရမီရှင်တစ်ဦးအတွက်မူ ခြွင်းချက် ဖြစ်နေသည်။ အထူးသဖြင့် ဓားရည်ရွယ်ချက်ကို အသုံးပြုကာ တိုက်ခိုက်ရေးစွမ်းအားကို မြှင့်တင်လိုက်ပါက မည်သည့် အဆင့်D လက်နက်မှ ခံနိုင်ရည်ရှိမည် မဟုတ်ပေ။</p> <p style="text-align:justify">သို့သော် လုချန်က ထိုအကြောင်းကို အများကြီး စဉ်းစားမနေတော့ပေ။ သင့်တော်သော လက်နက်မရှိပါက ရောင်းပစ်ရုံသာ ရှိသည်။ သူ သူ့ခန္ဓာကိုယ်ကို ပြန်ကြည့်လိုက်ရာ တစ်ကိုယ်လုံးတွင် ထူထဲသော အမည်းရောင် အညစ်အကြေးများ ဖုံးလွှမ်းနေသည်ကို တွေ့ရသည်။ ဤသည်မှာ ဒုတိယအကြိမ် ခန္ဓာကိုယ်သန့်စင်ခြင်း ဖြစ်ပြီး ယခင်အကြိမ်ထက်ပင် အညစ်အကြေး ပိုထွက်လာခဲ့သည်။</p> <p style="text-align:justify">သူက ရေချိုးခန်းထဲသို့ ဝင်ကာ တစ်ကိုယ်လုံးကို စင်ကြယ်အောင် ဆေးကြောလိုက်သည်။ ထို့နောက် သက်သောင့်သက်သာရှိသော အိပ်ယာဝင်ဝတ်စုံကို လဲဝတ်ကာ မှန်ရှေ့တွင် ရပ်လိုက်သည်။ ပထမအကြိမ် သန့်စင်ပြီးကတည်းက သူသည် အလွန်ချောမောနေခဲ့ပြီး ယခုမူ ချောမောရုံသာမက နတ်ဘုရားတစ်ပါး လူ့ပြည်ဆင်းလာသကဲ့သို့ပင် တောက်ပနေသည်။</p> <p style="text-align:justify">အခြေခံခွန်အားအပြင် သူ၏ ရုပ်ပိုင်းဆိုင်ရာနှင့် စိတ်ပိုင်းဆိုင်ရာ စွမ်းရည်များမှာလည်း ကြီးမားစွာ ပြောင်းလဲသွားသည်။ လုချန်က မည်မျှအထိ ပြောင်းလဲသွားသည်ကို သိလိုသဖြင့် ကုတင်ပေါ်တွင် ငြိမ်သက်စွာ ထိုင်လိုက်သည်။ စုပ်ယူထားသော စကြာဝဠာစွမ်းအင်များမှာ သူ့ခန္ဓာကိုယ်ထဲတွင် အခြေကျနေပြီ ဖြစ်သည်။</p> <p style="text-align:justify">သူက မျက်လုံးများကို မှိတ်ကာ ခန္ဓာကိုယ်အတွင်းပိုင်းကို စစ်ဆေးကြည့်လိုက်သည်။ နှလုံးသားဝန်းကျင်တွင် ဝိညာဉ်သွေးကြော သုံးခုမှာ တဖျတ်ဖျတ် တောက်ပနေသည်။ အချင်း ၉၆ မီလီမီတာရှိသော ဝိညာဉ်သွေးကြောတစ်ခုစီတွင် အရောင်သုံးမျိုး ရောယှက်နေပြီး အရောင်သုံးမျိုးရှိသော စမ်းရေတွင်း သုံးခုကဲ့သို့ပင်။ ၎င်းအတွင်း၌ ဝှက်ဖူးနေသော ဧရာမစွမ်းအင်များကို သူ အာရုံခံနိုင်နေသည်။</p> <p style="text-align:justify">သို့သော် သူက ထိုစွမ်းအင်များကို ထိန်းချုပ်ရန် ကြိုးစားသည့်အခါ ၎င်းတို့မှာ ခန္ဓာကိုယ် မျက်နှာပြင်ပေါ်သို့သာ ထွက်ပေါ်လာပြီး သူ ထင်ထားသလောက် လွတ်လပ်စွာ စီးဆင်းခြင်း မရှိသေးပေ။ အနည်းဆုံးတော့ ယခုအချိန်တွင် ဖြစ်သည်။</p> <p style="text-align:justify">နောက်တစ်ခုအနေဖြင့် သူ၏ စိတ်စွမ်းအားကို စစ်ဆေးကြည့်လိုက်သည်။ ယခုတစ်ခေါက်တွင် စိတ်စွမ်းအားက ၁၀,၀၀၀ အမှတ်ကို ကျော်ဖြတ်သွားပြီ ဖြစ်သည်။ ယခင် ၁,၀၀၀ အမှတ်ကို ကျော်ဖြတ်စဉ်ကကဲ့သို့ပင် သူ၏ စိတ်စွမ်းအားမှာ အရည်အသွေးပိုင်းဆိုင်ရာ ထပ်မံ အဆင့်တက်သွားခဲ့သည်။ သူ၏ အာရုံခံစားမှုများမှာ ပိုမိုထက်မြက်လာပြီး အာရုံစူးစိုက်မှုနှင့် စဉ်းစားတွေးခေါ်မှုများမှာလည်း အလွန်မြန်ဆန်လာသည်။</p> <p style="text-align:justify">စမ်းသပ်မှုပြုလုပ်ရန်အတွက် သူက အခန်းထဲရှိ ပစ္စည်းများကို ကြည့်လိုက်သည်။ ကမ္ဘာနှစ်သွယ်ဓား၊ အိတ်ထဲရှိ ဓားပျံ၊ ဘောပင် လေးချောင်း၊ သူ့ဖုန်းနှင့် တခြားသော အားကစားပစ္စည်းများကို ပစ္စည်း ၂၀ အထိ တစ်ပြိုင်နက်တည်းနှင့် သီးခြားစီ လွတ်လပ်စွာ ထိန်းချုပ်နိုင်နေပြီ ဖြစ်သည်။ သူ၏ မျက်နှာတွင် အလိုလို အပြုံးတစ်ခု ပေါ်လာသည်။</p> <p style="text-align:justify">သို့သော် သူ့အတွက် ပို၍ စိတ်လှုပ်ရှားစရာ ကောင်းသည်မှာ ဓာတ်သဘာဝ သိုင်းကွက်များ ဖြစ်သည်။ မဟာမိတ်အဖွဲ့၏ အွန်လိုင်းစျေးဝယ်ပလက်ဖောင်းကို ဖွင့်ကာ လုချန်က ရှာဖွေလိုက်သည်။ ဓာတ်သဘာဝ သိုင်းကွက်အမျိုးအစားကို တွေ့ရှိသွားပြီး ရွေးချယ်စရာ နှစ်ခုကို တွေ့ရသည်။ ၎င်းတို့မှာ အထူးဓာတ်သဘာဝ သိုင်းကွက်နှင့် အထွေထွေ ဓာတ်သဘာဝ သိုင်းကွက်တို့ ဖြစ်ကြသည်။ သူက အလင်းဓာတ်သဘာဝကို နှိပ်ကာ ရှာဖွေလိုက်သည်။</p> <p style="text-align:justify">အလင်းဓာတ်သဘာဝ သိုင်းကွက်များ<br /> ၁။ Flash<br /> အာနိသင် - တောက်ပသော အလင်းတန်းကို ရုတ်တရက် ထုတ်လွှတ်ပြီး ရန်သူကို ခေတ္တ မျက်စိကွယ်သွားစေသည်။<br /> အသုံးဝင်ပုံ - ရန်သူကို အာရုံလွှဲရန်၊ ထွက်ပြေးရန် သို့မဟုတ် တန်ပြန်တိုက်စစ်ဆင်ရန် အခွင့်အရေးရှာရာတွင် သုံးသည်။</p> <p style="text-align:justify">၂။ တောက်ပခြင်း အတတ်<br /> အာနိသင် - နူးညံ့သောအလင်းစွမ်းအင်ကို သုံး၍ သာမန်ဒဏ်ရာများ သို့မဟုတ် အသေးစား ဓာတ်သဘာဝ ထိခိုက်မှုများကို ကုသပေးသည်။<br /> အသုံးဝင်ပုံ - မိမိကိုယ်ကိုယ် သို့မဟုတ် အဖော်များကို အခြေခံ ကုသမှုပေးရန် သုံးသည်။</p> <p style="text-align:justify">၃။ အလင်းဓားသွား အတတ်<br /> အာနိသင် - အလင်းဓာတ်စွမ်းအင်ဖြင့် တိုတောင်းသော်လည်း တောက်ပသော အလင်းဓားသွားကို ဖန်တီးသည်။<br /> အသုံးဝင်ပုံ - အနီးကပ်တိုက်ခိုက်မှု သို့မဟုတ် အရေးပေါ် ကာကွယ်ရေးအတွက် သုံးသည်။</p> <p style="text-align:justify">၄။ လျှပ်တပြက် မန္တန်<br /> အာနိသင် - အလင်းဓာတ်စွမ်းအင်ဖြင့် ခန္ဓာကိုယ်အလေးချိန်ကို လျှော့ချကာ အရှိန်နှုန်းနှင့် ဖျတ်လတ်မှုကို ခေတ္တ မြှင့်တင်ပေးသည်။<br /> အသုံးဝင်ပုံ - လိုက်လံတိုက်ခိုက်ခြင်း၊ ရှောင်တိမ်းခြင်းနှင့် လှုပ်ရှားမှု မြန်ဆန်စေရန် သုံးသည်။</p> <p style="text-align:justify">၅။ သော်တာရောင်ခြည် အတတ်<br /> အာနိသင် - စုစည်းထားသော အလင်းတန်းတစ်ခုကို ထုတ်လွှတ်သည်။<br /> အသုံးဝင်ပုံ - အခြေခံ အဝေးပစ် ဓာတ်သဘာဝစွမ်းအင် တိုက်ကွက်ဖြစ်သည်။</p> <p style="text-align:justify"><br /> ဓာတ်သဘာဝ သိုင်းကွက်တိုင်းမှာ အလွန်ပင် မိုက်လှသည်။ ဆက်လက်၍ လုချန်က လျှပ်စီးဓာတ်သဘာဝ သိုင်းကွက်များကို ရှာဖွေလိုက်သည်။</p> <p style="text-align:justify">လျှပ်စီးဓာတ်သဘာဝ သိုင်းကွက်များ<br /> ၁။ လျှပ်စီးလျှပ်ခြင်း<br /> အာနိသင် - အသုံးပြုသူ၏ လက်နက် သို့မဟုတ် လက်သီးမှတစ်ဆင့် လျှပ်စီးများကို စီးဆင်းစေသည်။<br /> အသုံးဝင်ပုံ - ရုပ်ပိုင်းဆိုင်ရာ တိုက်ခိုက်မှုများတွင် လျှပ်စီးဒဏ်ကို ပေါင်းစပ်ရန် သုံးသည်။</p> <p style="text-align:justify">၂။ လျှပ်စစ်နယ်ပယ် အတတ်<br /> အာနိသင် - အသုံးပြုသူ၏ ပတ်ဝန်းကျင်တွင် အားနည်းသော လျှပ်စစ်စက်ကွင်းတစ်ခု ဖန်တီးကာ ရန်သူကို နှေးကွေးစေခြင်း သို့မဟုတ် ထုံကျင်သွားစေခြင်းတို့ ပြုလုပ်သည်။<br /> အသုံးဝင်ပုံ - ရန်သူ၏ လှုပ်ရှားမှုကို ကန့်သတ်ရန် သုံးသည်။</p> <p style="text-align:justify">၃။ လျှပ်စစ်စွမ်းအား အတတ်<br /> အာနိသင် - ကျယ်ပြန့်သော လျှပ်စီးများကို သုံး၍ အကြီးစား တိုက်ခိုက်မှု ပြုလုပ်သည်။<br /> အသုံးဝင်ပုံ - အုပ်စုလိုက် တိုက်ခိုက်ခြင်းနှင့် ရှုပ်ထွေးအောင် ပြုလုပ်ခြင်းတို့တွင် သုံးသည်။</p> <p style="text-align:justify">၄။ မိုးကြိုးပစ်ခြင်း<br /> အာနိသင် - လျှပ်စီးတန်းတစ်ခုကို တိုက်ရိုက်၊ မြန်ဆန်စွာနှင့် စုစည်းကာ ပစ်လွှတ်သည်။<br /> အသုံးဝင်ပုံ - အခြေခံ အဝေးပစ် ဓာတ်သဘာဝစွမ်းအင် တိုက်ကွက်ဖြစ်သည်။ </p> <p style="text-align:justify"> </p> <p style="text-align: center;">***</p>


Save