Book List

<h2 style="text-align: center;">အခန်း (၅၄)</h2> <h2 style="text-align: center;">ဓာတ်သဘာဝ သိုင်းကွက်များ</h2> <h2 style="text-align: center;">*</h2> <p> </p> <p style="text-align:justify">လုချန်က စခရင်ပေါ်ရှိ စီရီနေသော ဓာတ်သဘာဝ သိုင်းကွက်များကို ကြည့်ကာ မျက်လုံးများ အနည်းငယ် တောက်ပလာခဲ့သည်။ ဤဓာတ်သဘာဝ နည်းစနစ်တစ်ခုစီတွင် သီးခြားစီသော စွမ်းပကားများ ရှိကြသည်။ ဆက်လက်၍ မြေဓာတ်သဘာဝ သိုင်းကွက်များကို သူ ကြည့်လိုက်သည်။</p> <p style="text-align:justify">မြေဓာတ်သဘာဝ သိုင်းကွက်များ<br /> ၁။ ကျောက်သားအရေပြား အတတ်<br /> အာနိသင် - အရေပြား၏ ခံစစ်စွမ်းအားကို ခေတ္တ မြှင့်တင်ပေးသည်။<br /> အသုံးဝင်ပုံ - ရုပ်ပိုင်းဆိုင်ရာ တိုက်ခိုက်မှုများကို ကာကွယ်ရန် သုံးသည်။</p> <p style="text-align:justify">၂။ မြေဆူး အတတ်<br /> အာနိသင် - ထက်မြက်သော မြေဓာတ်စွမ်းအင်သုံး ဆူးချွန်များကို ပစ်လွှတ်သည်။<br /> အသုံးဝင်ပုံ - အခြေခံ စွမ်းအင်တိုက်ကွက် ဖြစ်သည်။</p> <p style="text-align:justify">၃။ မြေဆီလွှာအမြစ် အတတ်<br /> အာနိသင် - မြေပြင်ပေါ်တွင် မတ်တပ်ရပ်နေခြင်းဖြင့် မြေကြီး၏ အကူအညီကို ယူကာ မိမိ၏ ခွန်အားကို ပိုမိုခိုင်မာ အားကောင်းစေသည်။<br /> အသုံးဝင်ပုံ - အနီးကပ်တိုက်ခိုက်ရေး စွမ်းဆောင်ရည်ကို မြှင့်တင်ရန် သုံးသည်။</p> <p style="text-align:justify">၄။ မြေအောက်သိုက်ရှာ အတတ်<br /> အာနိသင် - မြေကြီးထဲရှိ သတ္တုပစ္စည်းများ၊ ဝှက်ထားသော ရတနာများ သို့မဟုတ် သတ္တုရိုင်းများကို ရှာဖွေနိုင်သည်။<br /> အသုံးဝင်ပုံ - နယ်မြေစူးစမ်းလေ့လာရေးတွင် သုံးသည်။</p> <p style="text-align:justify">ဤဓာတ်သဘာဝ သိုင်းကွက်များက လုချန်အပေါ် အလွန်ပင် စွဲမှတ်သွားစေသည်။ လက်တွေ့ကျသည်၊ ရိုးရှင်းသည်၊ သေစေလောက်သည်။ နောက်ဆုံးတွင် သူက အထွေထွေ ဓာတ်သဘာဝ သိုင်းကွက်များ ကဏ္ဍကို နှိပ်လိုက်သည်။ ဤအရာများက မည်သည့် ဓာတ်သဘာဝစစ်သည်တော်မဆို ဓာတ်ခွဲခြားမှုမရှိဘဲ သင်ယူနိုင်သော သိုင်းကွက်များ ဖြစ်သည်။ အထွေထွေ သိုင်းကွက်ကတော့ ငါးမျိုးသာ ရှိသည်။</p> <p style="text-align:justify">၁။ ဓာတ်သဘာဝ အာရုံခံ အတတ်<br /> အာနိသင် - ပတ်ဝန်းကျင်ရှိ ဓာတ်သဘာဝ တုန်ခါမှုများနှင့် ကျင့်ကြံသူများကို အာရုံခံနိုင်သည်။<br /> အသုံးဝင်ပုံ - ရန်သူကို ခြေရာခံရန်နှင့် စစ်မြေပြင်အခြေအနေကို သိရှိရန် သုံးသည်။</p> <p style="text-align:justify">၂။ ဓာတ်သဘာဝ အမှတ်အသား အတတ်<br /> အာနိသင် - ရန်သူကို ခြေရာခံရန် သို့မဟုတ် ကြားဖြတ်တိုက်ခိုက်ရန်အတွက် ဓာတ်သဘာဝစွမ်းအင်ဖြင့် အမှတ်အသား ပြုလုပ်ထားနိုင်သည်။<br /> အသုံးဝင်ပုံ - ကင်းထောက်ခြင်းနှင့် လိုက်လံဖမ်းဆီးခြင်းတို့တွင် သုံးသည်။</p> <p style="text-align:justify">၃။ ဓာတ်သဘာဝ အသက်ရှူကျင့်စဉ်<br /> အာနိသင် - ဓာတ်သဘာဝစွမ်းအင် ပြန်လည်ပြည့်ဖြိုးမှုကို မြှင့်တင်ပေးပြီး ဝိညာဉ်သွေးကြောများကို တည်ငြိမ်စေသည်။<br /> အသုံးဝင်ပုံ - ဒဏ်ရာကုသခြင်းနှင့် စွမ်းအင်ဖြည့်တင်းခြင်းတို့တွင် သုံးသည်။</p> <p style="text-align:justify">၄။ ဓာတ်သဘာဝ ကိုယ်ပွား အတတ်<br /> အာနိသင် - အသုံးပြုသူ၏ ဓာတ်သဘာဝစွမ်းအင် တစ်ရာခိုင်နှုန်းကို သုံး၍ တစ်မိနစ်ခန့် ခံသော ကိုယ်ပွားတစ်ခု ဖန်တီးသည်။<br /> အသုံးဝင်ပုံ - ရန်သူကို အာရုံလွှဲရန်နှင့် အန္တရာယ်နည်းသော ကင်းထောက်မှုများ ပြုလုပ်ရန် သုံးသည်။</p> <p style="text-align:justify">၅။ ဓာတ်သဘာဝ ချပ်ဝတ်<br /> အာနိသင် - ခန္ဓာကိုယ်၏ တစ်စိတ်တစ်ပိုင်းကို ဓာတ်သဘာဝစွမ်းအင်ဖြင့် ဖုံးအုပ်ကာ ခံစစ်ကို တစ်မိနစ်ခန့် မြှင့်တင်ပေးသည်။<br /> အသုံးဝင်ပုံ - ကာကွယ်ရေးအတွက် သုံးသည်။</p> <p style="text-align:justify">ဤအထွေထွေ သိုင်းကွက်များမှာ အရေအတွက် နည်းသော်လည်း တစ်ခုချင်းစီမှာ အလွန်စွမ်းအားကြီးပြီး လက်တွေ့ဆန်လှသည်။ ထို့နောက် လုချန် စျေးနှုန်းကို စစ်ဆေးကြည့်လိုက်သည်။</p> <p style="text-align:justify">ဓာတ်သဘာဝ သိုင်းကွက် တစ်ခုလျှင် ရမှတ် ဘီလီယံ ၂၀။<br /> အထွေထွေ သိုင်းကွက် တစ်ခုလျှင် ရမှတ် ဘီလီယံ ၃၀။</p> <p style="text-align:justify">သူ့ရင်ထဲ အေးခနဲ ဖြစ်သွားသည်။ စျေးနှုန်းက မတန်တဆပင်။ ဓာတ်သဘာဝ သိုင်းကွက်များက ငွေကြေးဖြင့် ဝယ်၍မရဘဲ ရမှတ်များဖြင့်သာ ဝယ်ယူနိုင်သည်။ ငွေကြေးနှင့် ပြန်တွက်မည်ဆိုပါက ၁ မှတ်လျှင် ၁.၅ ယွမ်နှုန်း ရှိသည်။</p> <p style="text-align:justify">တစ်နည်းအားဖြင့်ဆိုသော်...<br /> ဓာတ်သဘာဝ သိုင်းကွက် တစ်ခုလျှင် ယွမ် ဘီလီယံ ၃၀။<br /> အထွေထွေ သိုင်းကွက် တစ်ခုလျှင် ယွမ် ဘီလီယံ ၄၅။</p> <p style="text-align:justify">ယခုအချိန်တွင် သူက ဘာတစ်ခုမှ ဝယ်နိုင်စွမ်း မရှိသေးပေ။ သို့သော်လည်း စျေးနှုန်းစာသား၏ အောက်ဘက်ရှိ ခလုတ်တန်းတစ်ခုကို သူက ရုတ်တရက် သတိထားမိသွားသည်။ ၎င်းပေါ်တွင် အခမဲ့ ဝယ်ယူရန်ဟု ရေးထားသည်။</p> <p style="text-align:justify">လုချန်က မျက်တောင်တဖျတ်ဖျတ် ခတ်လိုက်မိသည်။ “နေဦး... ဒါက ဘာလဲ” ဒီလို ရွေးချယ်စရာမျိုး သူ တစ်ခါမှ မမြင်ဖူးခဲ့ပေ။ မဟာမိတ်အဖွဲ့က ပရိုမိုးရှင်းတစ်ခုခု ပေးနေသည်လား။ သူက ချက်ချင်းပင် ဖုန်းကို ထုတ်ကာ ချိုက်ကျိကွမ်၏ နံပါတ်ကို နှိပ်လိုက်သည်။</p> <p style="text-align:justify">“တူ... တူ...”<br /> “တူ... တူ...”</p> <p style="text-align:justify">"လုချန်... ဘာကိစ္စလဲ"</p> <p style="text-align:justify">ဖုန်းကို ချက်ချင်း ပြန်ဖြေသည်။ တစ်ဖက်မှ ချိုက်ကျိကွမ်၏ အသံ ထွက်ပေါ်လာသည်။</p> <p style="text-align:justify">"ကြီးကြပ်ရေးမှူးချိုက်... ဒီနေ့က ထူးခြားတဲ့နေ့ တစ်နေ့နေ့လားဗျ" ဟု လုချန်က မေးလိုက်သည်။</p> <p style="text-align:justify">ချိုက်ကျိကွမ်က ဇဝေဇဝါဖြင့် "ဘာလို့ အဲဒီလို မေးတာလဲ"</p> <p style="text-align:justify">"ဘာလို့လဲဆိုတော့ မဟာမိတ်အဖွဲ့ရဲ့ အွန်လိုင်းစျေးဝယ်ပလက်ဖောင်းမှာ အခမဲ့ဝယ်ယူခွင့် ကို ကျွန်တော် တွေ့နေလို့ပါ"</p> <p style="text-align:justify">အတော်ကြာ တိတ်ဆိတ်သွားပြီးနောက် တစ်ဖက်မှ ပြင်းထန်သော အသက်ရှူသံများကို လုချန်က ကြားလိုက်ရသည်။ ထို့နောက် ချိုက်ကျိကွမ်၏ စူးရှသော အော်သံကြီးက ဖုန်းထဲမှ ထွက်ပေါ်လာတော့သည်။ သူက အလွန်အမင်း စိတ်လှုပ်ရှားနေပုံရသည်။</p> <p style="text-align:justify">"လုချန်... မင်းတော့ ပေါက်ပြီဟေ့ မဟာမိတ်အဖွဲ့က မင်းကို ဒီလောက်အထိ တန်ဖိုးထားလိမ့်မယ်လို့ ငါ လုံးဝ ထင်မထားခဲ့ဘူး"</p> <p style="text-align:justify">"သူတို့က မင်းအတွက် အရင်းအမြစ်အားလုံးကို ဖွင့်ပေးလိုက်တာပဲ... ပလက်ဖောင်းပေါ်မှာ ရှိသမျှ အရာအားလုံးက မင်းအတွက် အခမဲ့ပဲ... မင်း တကယ် ကံကောင်းတာပဲကွာ... ငါတောင် မနာလိုဖြစ်မိတယ်"</p> <p style="text-align:justify">လုချန်က ထိုစကားကို ကြားသောအခါ မျက်လုံးများ ရုတ်တရက် ဝိုင်းစက်သွားသည်။ "နေဦး... ဒါက တစ်ကမ္ဘာလုံးအတွက် ပရိုမိုးရှင်း မဟုတ်ဘူးလား"</p> <p style="text-align:justify">ချိုက်ကျိကွမ်က စိတ်တိုတို ရယ်ချင်ချင်ဖြင့် "မဟာမိတ်အဖွဲ့မှာ စစ်သည်တော် ဘယ်လောက်တောင် များလဲဆိုတာ မင်းသိလား... အဲဒါတွေကို တစ်မိနစ်လောက်သာ အလကားပေးလိုက်ရင် မဟာမိတ်အဖွဲ့က ပြုတ်သွားမှာပေါ့"</p> <p style="text-align:justify">"ဒါက မင်းတစ်ယောက်တည်းအတွက်ပဲ ပေးထားတဲ့ အခွင့်ထူးပဲ... အလောမကြီးနဲ့ စိတ်မလှုပ်ရှားနဲ့ဦး.. မင်းရဲ့ ကျင့်ကြံခြင်းလမ်းစဉ်ကို သေချာ စီစဉ်ပါ... မင်းရဲ့ အနာဂတ်က အတိုင်းအဆမရှိ တောက်ပနေပြီ"</p> <p style="text-align:justify">လုချန်က ငြိမ်သက်စွာ ထိုင်ချလိုက်ပြီး စခရင်ကို ကြောင်တောင်တောင် ကြည့်နေမိသည်။ ဖုန်းထဲတွင်မူ ချိုက်ကျိကွမ်က ဆက်လက် အော်ဟစ်နေဆဲ ဖြစ်သည်။</p> <p style="text-align:justify">"ဟယ်လို... ဟယ်လို... လုချန်... ရှိသေးရဲ့လား"</p> <p style="text-align:justify">"ဟုတ်ကဲ့... ကြီးကြပ်ရေးမှူး... ကျွန်တော် သွားစရာလေး ရှိလို့ပါ... နောက်မှ ပြန်ဆက်လိုက်မယ်နော်..."</p> <p style="text-align:justify">သူက တစ်ဖက်မှ အကြောင်းပြန်သည်ကိုပင် မစောင့်တော့ဘဲ ဖုန်းကို ချက်ချင်း ချလိုက်သည်။ လုချန်က ငေးငိုင်နေမိသည်။ သူ၏ စိတ်ထဲတွင် အရာအားလုံး ရှုပ်ထွေးကုန်သည်။</p> <p style="text-align:justify">ကမ္ဘာပေါ်ရှိ အရင်းအမြစ်အားလုံးက သူ့အတွက် ပွင့်လင်းသွားသည်။ မဟာမိတ်အဖွဲ့က သူ့ကို စကားဖြင့်သာ ထောက်ခံသည်မဟုတ်ဘဲ လက်တွေ့ကျကျ ဧရာမရင်းနှီးမြှုပ်နှံမှုကြီး ပြုလုပ်ပေးလိုက်ခြင်း ဖြစ်သည်။ လုချန်၏ ကျင့်ကြံခြင်း အရှိန်အဟုန်မှာ ကြောက်စရာကောင်းလှသော်လည်း ရှောင်ဝမ်လုံက ၎င်းထက်ပင် ပိုမြန်စေချင်ပုံရသည်။</p> <p style="text-align:justify">သို့သော်လည်း လုချန်က နားမလည်သူ မဟုတ်ပေ။ အလကားရသည့် နေ့လယ်စာဟူသည် မရှိပေ။ မမျှော်လင့်ဘဲ ရရှိလာသော အရာတိုင်း၏ နောက်ကွယ်တွင် တန်ဖိုးတစ်ခုခု ရှိနေစမြဲပင်။ အခမဲ့ရသော အရာများမှာ တစ်ခါတစ်ရံတွင် တန်ဖိုးအကြီးဆုံး ဖြစ်နေတတ်သည်။</p> <p style="text-align:justify">ထို့ကြောင့် သူက ဤအခွင့်ထူးကို အလွဲသုံးစားလုပ်မည် မဟုတ်ပေ။ သူ လိုအပ်သည်များကိုသာ ဝယ်ယူမည်ဖြစ်ပြီး နောက်မှ သူ၏ နည်းလမ်းဖြင့်ပင် ပြန်လည် ပေးဆပ်မည်ဖြစ်သည်။ ယခုမူ လုချန်က သူ မည်သည့် ဓာတ်သဘာဝ သိုင်းကွက်များ လိုအပ်သည်ကို သိရှိသွားပြီ ဖြစ်သည်။ ခလုတ်တစ်ချက် နှိပ်ရုံဖြင့် အားလုံး ရောက်လာတော့မည်။ ထို့ကြောင့် သူ တွေဝေမနေတော့ဘဲ တိုက်ရိုက် ရွေးချယ်လိုက်သည်။</p> <p style="text-align:justify">၁။ ဒဏ်ရာများကို ကုသပေးနိုင်သော တောက်ပခြင်း အတတ်။<br /> ၂။ ရန်သူကို ထောင်ချောက်ဆင်ရန် လျှပ်စစ်နယ်ပယ် အတတ်။<br /> ၃။ မြေဓာတ်ဆူးချွန်များ ပစ်လွှတ်နိုင်သော မြေဆူး အတတ်။<br /> နှင့် အထွေထွေ ဓာတ်သဘာဝ သိုင်းကွက် ၅ မျိုးစလုံး။</p> <p style="text-align:justify">“စုစုပေါင်း ရမှတ် ဘီလီယံ ၂၁၀ ဖိုး...”</p> <p style="text-align:justify">ဤသိုင်းကွက် ၈ မျိုးက သူ၏ ဓာတ်သဘာဝ တိုက်ခိုက်မှုများအတွက် အခြေခံ ဖြစ်လာလိမ့်မည်။ ထို့နောက် လုချန်က အခမဲ့ ဝယ်ယူရန် ခလုတ်ကို နှိပ်လိုက်သည်။ ချက်ချင်းပင် အသိပေးချက်တစ်ခု ရောက်လာသည်။</p> <p style="text-align:justify">"သင်၏ ပါဆယ်ထုပ်ကို ၄ နာရီအတွင်း သင့်အိမ်အရောက် ပို့ဆောင်ပေးပါမည်"</p> <p style="text-align:justify">အော်ဒါတင်ပြီးနောက် လုချန်က ကုတင်ပေါ်တွင် ထိုင်ကာ သူ၏ နောက်ထပ် ကျင့်ကြံခြင်းလမ်းစဉ်ကို သေချာ စဉ်းစားရန် ပြင်လိုက်သည်။ သို့သော် ထိုစဉ်မှာပင် ဖုန်းထပ်မြည်လာပြန်သည်။ ၎င်းမှာ ချိုက်ကျိကွမ်ပင် ဖြစ်သည်။ </p> <p style="text-align:justify"> </p> <p style="text-align: center;">***</p>


Save