Book List

<h2 style="text-align: center;">အပိုင်း - ( ၁၃၇၂ )</h2> <h2 style="text-align: center;">*</h2> <p style="text-align:justify"> </p> <p style="text-align:justify"> </p> <p style="text-align:justify"><br /> အရှေ့ပိုင်းကုန်းမြေတိုက်ကြီး၏ အထင်ကရ အဖွဲ့အစည်းကြီးများ အားလုံးနီးပါး ယွမ်ဟန်ဂိုဏ်း၏ ဖွင့်ပွဲအခမ်းအနားသို့ ရောက်ရှိလာကြ၏။ ထိုရောက်ရှိလာသော အဖွဲ့အစည်းများသည် အရှေ့နတ်နန်းတော်မှ ခေါင်းဆောင်များ ရှိရာဘက်ကို မနှစ်သက်သော အမူအရာဖြင့်ကြည့်ပြီး အချင်းချင်းဆွေးနွေးမှုများ ပြုလုပ်နေကြသည်။</p> <p style="text-align:justify">အရှေ့နတ်နန်းတော်က ဤတစ်ကြိမ်တွင် ဂိုဏ်းဖွင့်ပွဲအခမ်းအနားသို့ တက်ရောက်ချိန်၌ အဆင့်အတန်းမြင့်မားသောနေရာကို ရရှိခဲ့၏။ ခွန်ယင်းအာကိုယ်တိုင် သူတို့ကိုကြိုဆိုကာ နေရာချပေးခဲ့ခြင်းဖြစ်သည်။</p> <p style="text-align:justify">အရှေ့နတ်နန်းတော်၏ အဖွဲ့ထဲတွင် ဘိုးဘေးကူယန်၊ ဟောင်ဖုဂျန်၊ ချူဂျောင်ဂျောင်၊ မဟာအကြီးအကဲကောင်း၊ မဟာအကြီးအကဲကျန်း၊ မဟာအကြီးအကဲချင်နှင့် နင်မူယာ၊ ကျန်းဆန်းဖုန်း ... စသည့်လူတော်တော်များများ ပါဝင်၏။</p> <p style="text-align:justify">ခွန်ယင်းအာသည် အရှေ့နတ်နန်းတော်မှလူများကို နေရာချပြီးသည်နှင့် တောင်းပန်ပြီးနောက် ထွက်ခွာသွားသည်။ သူမအနေဖြင့် အခြားဧည့်သည်များကို ကြိုဆိုရမည်ဖြစ်၏။ ဤလူများနှင့်တစ်ချိန်လုံး မနေနိုင်ချေ။ ယခုလိုမျိုး ကြိုဆိုနေရာချပေးသည်ကပင် တော်တော်လေး မျက်နှာသာပေးထားပြီဖြစ်သည်။</p> <p style="text-align:justify">ထို့အပြင် ခွန်ယင်းအာ၏ စိတ်ထဲ၌ ဤလူများက မည်သို့မှ အထင်ကြီးစရာမရှိသော လူများဖြစ်၏။</p> <p style="text-align:justify">တစ်ဖက်တွင် ဘိုးဘေးကူယန်နှင့် ကျန်သူများကလည်း သူတို့ရဲ့ဟိုင်အပေါ်ထားခဲ့သော သဘောထားကြောင့် ဤပွဲကိုတက်ရသည်အား ရှက်ရွံ့နေကြသည်။</p> <p style="text-align:justify">အခြားအဖွဲ့အစည်းများကလည်း သူတို့အရှေ့နတ်နန်းတော်အကြောင်းကို သီးသန့်နီးပါး တိုက်ရိုက်ပြောဆိုနေကြသည်ကိုလည်း သတိပြုမိ၏။</p> <p style="text-align:justify">သို့သော် သူတို့အနေဖြင့် ရုပ်တည်တည် နေရန်မှလွဲလို့ အခြားရွေးချယ်စရာမရှိပေ။</p> <p style="text-align:justify">..........</p> <p style="text-align:justify">" ဒါကယွမ်ဟန်ဂိုဏ်းလား "</p> <p style="text-align:justify">လူငယ်တစ်ယောက်သည် အဝေးမှ မြင့်မားလှသော ဂိုဏ်း၏မုခ်တံခါးဝကြီးကိုကြည့်ပြီး တုန်လှုပ်စွာဖြင့် မေးလိုက်သည်။</p> <p style="text-align:justify">" ယွမ်ဟန်ဂိုဏ်းဆိုတဲ့ နာမည်ကို သုံးနိုင်တဲ့သူက အရှေ့ပိုင်းကုန်းမြေတိုက်ကြီးတစ်ခုလုံးမှာ ရဲ့ဟိုင် တစ်ယောက်ကလွဲလို့ ဘယ်သူမှရှိမယ်မထင်ဘူး "</p> <p style="text-align:justify">ထိုလူငယ်၏ ဘေးနားတွင်ရှိနေသော အမျိုးသမီးလေးက မျက်လုံးထဲတွင် စိုးရိမ်ပူပန်မှုများနှင့်အတူ ပြောလိုက်၏။</p> <p style="text-align:justify">" နင်ကဘာလို့ အဲ့လောက်တောင် စိတ်ပူနေရတာလဲ "</p> <p style="text-align:justify">လူငယ်မှာ မိန်းကလေး၏ အမူအရာကိုကြည့်ကာ ပြုံး၍ပြောလိုက်သည်။</p> <p style="text-align:justify">" ရဲ့ဟိုင်က ငါတို့ကို မှတ်မိနေဦးမယ်လို့ နင်ထင်လား "</p> <p style="text-align:justify">အမျိုးသမီးငယ် ပို၍ပင် စိုးရိမ်ပူပန်မှုများနှင့်အတူ မေးလိုက်၏။</p> <p style="text-align:justify">" စိတ်မပူနဲ့ ရဲ့ဟိုင်နဲ့ ငါ့ရဲ့ ဆက်ဆံရေးကဘာလဲ .. ငါတို့ကညီအစ်ကိုတွေ "</p> <p style="text-align:justify">ထိုလူငယ်သည် ရင်ဘတ်ကိုကော့လိုက်ပြီး...</p> <p style="text-align:justify">" ရဲ့ဟိုင်အနေနဲ့ ငါ့ကိုတွေ့ရင် လုံးဝကျိန်းသေပျော်သွားလိမ့်မယ် "</p> <p style="text-align:justify">" ဟမ့် .. မင်းနဲ့ ရဲ့ဟိုင်က ညီအစ်ကိုတွေဟုတ်လား "</p> <p style="text-align:justify">ထိုလူငယ်၏ စကားဆုံးသည်နှင့်တစ်ပြိုင်နက် မလှမ်းမကမ်းမှ လှောင်ပြောင်သော အသံတစ်ခုက ကျယ်လောင်စွာ ထွက်ပေါ်လာသည်။</p> <p style="text-align:justify">" ဟုတ်တယ် ငါနဲ့ရဲ့ဟိုင်က ညီအစ်ကိုတွေပဲ "</p> <p style="text-align:justify">သို့သော် ယခုတစ်ခေါက်တွင်တော့ လူငယ်သည် ထိုလူအုပ်ကို စိုးရိမ်ပူပန်မှုအချို့ဖြင့်ကြည့်ပြီး တွန့်ဆုတ်စွာဖြင့် ပြောလိုက်၏။</p> <p style="text-align:justify">" ရဲ့ဟိုင်နဲ့ ညီအစ်ကိုလို့ ပြောလို့ရတဲ့သူက အရှေ့ပိုင်းကုန်းမြေတိုက်ကြီးတစ်ခုလုံးမှာ လက်တစ်ဖက်တောင်မပြည့်ဘူး၊ ဘာမဟုတ်တဲ့ မြေအမတအဆင့် ကျင့်ကြံသူတစ်ယောက်က မင်းကိုယ်မင်း ရဲ့ဟိုင်ရဲ့ ညီအစ်ကိုလို့ ပြောရဲတယ်ပေါ့ .. အသက်ရှင်ရတာ ပင်ပန်းနေပြီထင်တယ် "</p> <p style="text-align:justify">ဓားရှည်တစ်ချောင်းကို ခါးတွင်ချိတ်ထားသော လူငယ်တစ်ယောက်က လှောင်ပြုံးနှင့်အတူ ပြောလိုက်သည်။</p> <p style="text-align:justify">ထိုစကားအောက်တွင် ပတ်ပတ်လည်မှ လူအုပ်ကြီးကလဲ အားလုံးရယ်မောလိုက်ကြလေ၏။</p> <p style="text-align:justify">" မဟုတ်ဘူး ရဲ့ဟိုင်က ငါ့ရဲ့တကယ်ညီအစ်ကိုပဲ .. အောက်ကမ္ဘာမှာတုန်းက အချင်းချင်းသိလာခဲ့ကြတာ "</p> <p style="text-align:justify">ထိုလူငယ် လူအများက သူ့ကို ဝိုင်းဝန်းလှောင်ပြောင်နေသည်ကို တွေ့သောအခါ ဒေါသတကြီး ပြန်ပြောလိုက်သည်။</p> <p style="text-align:justify">" ရှောင်မင် သူတို့နဲ့ ငြင်းခုန်မနေနဲ့တော့၊ ရဲ့ဟိုင်နဲ့ တွေ့တဲ့အချိန်ကျရင် အမှန်တရားကို သူတို့သိသွားမှာပဲ "</p> <p style="text-align:justify">ရှောင်မင်၏ ဘေးနားတွင်ရှိသော အမျိုးသမီးလေးက တီးတိုးပြောလိုက်၏။</p> <p style="text-align:justify">ထိုလူငယ်မှာ မော်ရှန်းဂိုဏ်းက ရှောင်မင်မှလွဲ၍ အခြားလူမဟုတ်ချေ။ သူ၏ဘေးနားတွင် ရှိနေသော အမျိုးသမီးကတော့ အခြားသူမဟုတ်ဘဲ ချန်ယုဂိုဏ်းမှ ရှန်ဟွာဖြစ်သည်။</p> <p style="text-align:justify">ရှောင်မင်သည် အင်မော်တယ်ကမ္ဘာသို့ တက်လာပြီးနောက် ဂိုဏ်းငယ်တစ်ခုသို့ ဝင်ရောက်ခဲ့၏။ ရှောင်မင်၏ ပါရမီအရည်အချင်းကြောင့် ထိုဂိုဏ်းက သူ့ကို အပြင်စည်းတပည့်အဖြစ် လက်ခံခဲ့သည်။ </p> <p style="text-align:justify">ထို့နောက်ရဲ့ဟိုင်က အရှေ့နတ်နန်းတော်၏ လူငယ်မျိုးဆက်သစ်ပြိုင်ပွဲတွင် ချန်ပီယံဖြစ်ခဲ့သည့်သတင်းကို ရှောင်မင်ကိုယ်တိုင်လည်း သိရှိခဲ့လေ၏။</p> <p style="text-align:justify">ရှောင်မင်က ထိုရဲ့ဟိုင်မှာ သူ၏ညီအစ်ကိုဖြစ်ကြောင်း ဂိုဏ်းချုပ်ကိုပြောပြသည့်အချိန်တွင် ဂိုဏ်းချုပ်က ရှောင်မင်အား ရူးသွားသည်ဟု ထင်မှတ်ခဲ့သည်။</p> <p style="text-align:justify">သူ့လိုဂိုဏ်းငယ်လေးတွင်ပင် အပြင်စည်းတပည့်အဆင့်သာရှိသေးသည့် ရှောင်မင်၏ပါရမီအရည်အချင်းဖြင့်ဆိုလျှင် အရှေ့ပိုင်းကုန်းမြေတိုက်ကြီး၏ နံပါတ်တစ်ချန်ပီယံကို မည်ကဲ့သို့ သိရှိနိုင်မည်နည်း။</p> <p style="text-align:justify">သူသာမက ဂိုဏ်းတွင်ရှိသော လူများအကုန်လုံးကလည်း မဖြစ်နိုင်ပဲ နာမည်တူလူတစ်ယောက်သာဖြစ်သည်ဟု ပြောကြသဖြင့် ရှောင်မင်လဲ တွေဝေသွားခဲ့လေ၏။</p> <p style="text-align:justify">ဤကိစ္စနှင့်ပတ်သက်လျှင်တော့ ရှောင်မင်သည် ချင်ချင်နှင့်လုံးဝကို ကွာခြားခဲ့သည်။ </p> <p style="text-align:justify">ထိုအချိန်တုန်းက ချင်ချင်သည် လူငယ်မျိုးဆက်သစ်ချန်ပီယံစာရင်းတွင် ရဲ့ဟိုင်၏ နာမည်ကိုတွေ့သောအခါ သူမ၏သခင်ဖြစ်ကြောင်း အခိုင်အမာ ယုံကြည်ခဲ့၏။</p> <p style="text-align:justify">တကယ်တော့ ရှောင်မင်၏ ဂိုဏ်းခေါင်းဆောင်သည် ရှောင်မင်ကိုယုံကြည်လျှင်ပင် သူ၏ကျင့်ကြံအဆင့်က ကျောက်စိမ်းအင်မော်တယ်အဆင့်တွင်သာ ရှိနေသေးသောကြောင့် အရှေ့နတ်နန်းတော်လို ဂိုဏ်းကြီးကိုသွားပြီးတော့ စကားပြောရဲမည်မဟုတ်ချေ။</p> <p style="text-align:justify">ဤအရာက ကိုယ့်သေတွင်းကိုယ်တူးသည့်အရာဖြစ်သည်။</p> <p style="text-align:justify">နောက်ပိုင်း ရဲ့ဟိုင်က နှင်းတောင်တန်းဒေသကို သိမ်းပိုက်သောအခါ ရှောင်မင်၏ဂိုဏ်းကလဲ နှင်းတောင်တန်းဒေသတွင် ရှိနေခြင်းဖြစ်သဖြင့် ရဲ့ဟိုင်၏ အဖွဲ့ကို လက်နက်ချအညံ့ခံခဲ့၏။</p> <p style="text-align:justify">ငြင်းဆန်လျှင် သေခြင်းတရားကိုသာ သူတို့ရင်ဆိုင်ရမည်ဖြစ်သည်။</p> <p style="text-align:justify">ထိုအချိန်တွင် ရှောင်မင်သည် ရဲ့ဟိုင်စေလွှတ်လိုက်သော စစ်တပ်မှလူများကို ရဲ့ဟိုင်က သူ၏ ညီအစ်ကိုဟုဆိုကာ သွားရောက်၍ စုံစမ်းမေးမြန်းခဲ့၏။</p> <p style="text-align:justify">ထိုအချိန်တုန်းက ရှောင်မင်၏ ဂိုဏ်းခေါင်းဆောင်သာ ကြားဝင်ပြီး မစွက်ဖက်ခဲ့လျှင် ထိုကောင်ရှောင်မင် အသတ်ခံလိုက်ရပြီဖြစ်သည်။</p> <p style="text-align:justify">ယွမ်ဟန်ဂိုဏ်း၏ စစ်သားများအကုန်လုံးက ရဲ့ဟိုင်ကို နတ်ဘုရားတစ်ပါးလို ကိုးကွယ်ကြသော သူများဖြစ်၏။ </p> <p style="text-align:justify">ဘာမဟုတ်သည့် မြေအမတအဆင့် ကျင့်ကြံသူလေးတစ်ယောက်က ရဲ့ဟိုင်ကို ညီအစ်ကိုဟုဆိုလာခြင်းကို အဘယ့်ကြောင့် လက်ခံနိုင်မည်နည်း။</p> <p style="text-align:justify">ထိုစကားမှာ သူတို့၏ နတ်ဘုရားကို စော်ကားလိုက်ခြင်းနှင့် အတူတူပင်။</p> <p style="text-align:justify">သို့သော် မေးခွန်းတစ်ခုရှိသည်မှာ ရှောင်မင်က ဤကိစ္စကို ယခုလိုအနေအထားနှင့် လက်လျှော့မည်လားဆိုတာပင်။</p> <p style="text-align:justify">သူလုံးဝလက်မလျှော့နိုင်တာ သေချာလေသည်။ </p> <p style="text-align:justify">ထို့ကြောင့် ရှောင်မင်သည် ယွမ်ဟန်ဂိုဏ်းတည်ထောင်ခြင်း အခမ်းအနားပွဲ ရှိသည်ဆိုတာကိုသိပြီးနောက် ဂိုဏ်းချုပ်အား သူ့ကိုခေါ်ဆောင်သွားရန်အတွက် အတင်းတောင်းပန်ခဲ့၏။</p> <p style="text-align:justify">သို့သော် သူတို့၏ဂိုဏ်းချုပ်သည် ရှောင်မင်ကို အလွန်ကြောက်လန့်နေပြီဖြစ်ပြီး အဘယ့်ကြောင့် ထိုအခမ်းအနားကို ခေါ်သွားရဲခြင်းရှိမည်နည်း။ ရှောင်မင်သာ ထိုအခမ်းအနားတွင် ရဲ့ဟိုင်က သူ၏ ညီအစ်ကိုဟု သွားပြီးပြောဆိုလိုက်လျှင် မိမိ၏ခေါင်း ( 10 ) လုံးရှိလျှင်တောင်မှ တစ်ဖက်လူဓားဖြင့်ခုတ်ရန် လောက်မည်မဟုတ်ချေ။</p> <p style="text-align:justify">ထို့ကြောင့်ရှောင်မင်သည် နောက်ဆုံးတွင် ဂိုဏ်း၏မိတ်ဆွေများထံ၌ ချေးငှားသည့်အပြင် သူ၏မှော်လက်နက်များနှင့် ရှိသမျှအရာအားလုံးကို အပေါင်ထားပြီး ယွမ်ဟန်ဂိုဏ်းသို့ တစ်ကိုယ်တည်းထွက်ခွာရန် ကြိုးစားခဲ့လေသည်။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save