Book List

<h2 style="text-align: center;">အပိုင်း - ( ၁၃၇၃ )</h2> <h2 style="text-align: center;">*</h2> <p> </p> <p> </p> <p style="text-align:justify">ရှောင်မင်၏ ဤကဲ့သို့တစ်ယောက်တည်း ယွမ်ဟန်ဂိုဏ်းရှိရာသို့ နေ့ရောညပါ ခရီးထွက်လာပြီးနောက် ယွမ်ဟန်ဂိုဏ်းနှင့် မိုင် ( 100 ) ဝေးသောအကွာတွင် ချန်ယုဂိုဏ်းမှ ရှန်ဟွာနှင့် တွေ့ဆုံခဲ့ခြင်းဖြစ်၏။</p> <p style="text-align:justify">ရှန်ဟွာ၏ အခြေအနေကလဲ ရှောင်မင်နှင့်ဆင်တူသည်။ တစ်ခုတည်းသောခြားနားချက်မှာ သူမ၏ ဂိုဏ်းက ရဲ့ဟိုင်၏ ယွမ်ဟန်ဂိုဏ်းရှိရာနှင့် ပို၍နီးစပ်နေခြင်းပင်။ ထို့အပြင်ရှန်ဟွာသည် ရဲ့ဟိုင်က သူမရောက်လာသည်ကို သဘောမကျမည် စိုးရိမ်သောကြောင့် ရဲ့ဟိုင်အား သွားတွေ့ရန်အတွက် ချီတုံချတုံ ဖြစ်နေခဲ့သေး၏။</p> <p style="text-align:justify">တကယ်တော့ ရဲ့ဟိုင်သည် သူမကို ကမ္ဘာမြေမှာကတည်းက နှစ်သက်ခဲ့ခြင်းမရှိပေ။ အေးစက်စက်သာ ဆက်ဆံခဲ့ခြင်းဖြစ်သည်။</p> <p style="text-align:justify">သို့သော်လည်း နောက်ဆုံးတွင် ရှန်ဟွာသည် သူမ၏ဂိုဏ်းက ယွမ်ဟန်ဂိုဏ်းကို အညံ့ခံလိုက်ပြီဖြစ်သဖြင့် ရဲ့ဟိုင်နှင့် တိတ်တဆိတ်တွေ့ဆုံရန်အတွက် ဆုံးဖြတ်ခဲ့ခြင်းဖြစ်၏။</p> <p style="text-align:justify">တစ်ဖက်တွင် ဓားကိုခါးတွင်ချိတ်ထားသည့် လူငယ်လေးနှင့် ရှောင်မင်၏ပြောစကားများကို ဂိတ်စောင့်တော်တော်များများကလည်း ကြားလိုက်ကြလေသည်။</p> <p style="text-align:justify">သူတို့အားလုံး ရှောင်မင်ကို သံသယများဖြင့် ကြည့်လိုက်၏။</p> <p style="text-align:justify">" ကျေးဇူးပြုပြီး မင်းရဲ့ဖိတ်စာကိုပြပါ "</p> <p style="text-align:justify">ဂိတ်စောင့်တစ်ယောက်က ရှောင်မင်နှင့်ရှန်ဟွာတို့နှစ်ယောက်ကိုကြည့်ကာ မျက်မှောင်ကုပ်၍ မေးလိုက်သည်။</p> <p style="text-align:justify">" ငါ .. ငါ .. ငါတို့မှာ ဖိတ်စာမရှိဘူး "</p> <p style="text-align:justify">တစ်ဖက်တွင် ရှောင်မင်မှာ သူ၏ကတုံးကို ပွတ်သပ်လိုက်ပြီး ရှက်ရွံ့သော အမူအရာဖြင့် ပြောလိုက်၏။</p> <p style="text-align:justify">" ဒါဆိုရင်တော့ မင်းတို့ကို ဝင်ခွင့်မပြုနိုင်ဘူး "</p> <p style="text-align:justify">အစောင့်ပြတ်ပြတ်သားသား ပြောလိုက်သည်။</p> <p style="text-align:justify">" မဟုတ်ဘူး ရဲ့ဟိုင်က ငါနဲ့ ညီအစ်ကိုတစ်ယောက်ပဲ "</p> <p style="text-align:justify">ရှောင်မင် အလောတကြီးဖြင့် ပြောလိုက်၏။</p> <p style="text-align:justify">" ဒီစကားကို ငါနောက်တစ်ခေါက် မကြားချင်တော့ဘူး "</p> <p style="text-align:justify">အစောင့်၏ မျက်နှာမှာ မဲသဲနေပြီး...</p> <p style="text-align:justify">" နောက်တစ်ခါထပ်ကြားလို့ကတော့ မင်းငါ့ကို ရက်စက်တယ်ဆိုပြီး အပြစ်မတင်နဲ့ "</p> <p style="text-align:justify">တစ်ဖက်တွင် ရှောင်မင်က တစ်စုံတစ်ခုပြန်ပြောရန် ကြံရွယ်သော်လည်း ရှန်ဟွာကသူ့ကို တားဆီးလိုက်သည်။ ရှန်ဟွာ ရှောင်မင်ကို ညှင်သာစွာ ခေါင်းခါယမ်းပြလိုက်၏။</p> <p style="text-align:justify">" ယွမ်ဟန်ဂိုဏ်းရဲ့ ဖိတ်စာကို မင်းလိုမျိုး နိမ့်ကျတဲ့လူတစ်ယောက်က ရနိုင်မယ်လို့ ထင်နေတာလား "</p> <p style="text-align:justify">ဓားကိုခါးတွင်ချိတ်ထားသော လူငယ်က ထိုသို့ပြောပြီးသည်နှင့် သူ၏လက်ထဲတွင် ရွှေရောင်အလင်းတန်းများ ထွက်ပေါ်နေသော ဖိတ်စာတစ်စောင်က ထွက်ပေါ်လာသည်။</p> <p style="text-align:justify">" တွေ့လား သောက်ကတုံး .. ဒါကယွမ်ဟန်ဂိုဏ်းရဲ့ ဖိတ်စာပဲ၊ ဖိတ်စာသာမရှိဘူးဆိုရင် မင်းက ရွှေအင်မော်တယ်အဆင့် ကျင့်ကြံသူဆိုရင်တောင်မှ ဒီတံခါးကနေဝင်ဖို့ အရည်အချင်းမရှိဘူး "</p> <p style="text-align:justify">ထိုလူငယ်၏ လက်ထဲတွင် ကိုင်ထားသော ရွှေရောင်ဖိတ်စာကိုကြည့်ပြီး ရှောင်မင်နှင့် ရှန်ဟွာတို့၏ မျက်မှာက ညှိုးငယ်သွား၏။</p> <p style="text-align:justify">ဖိတ်စာမရှိလျှင် အထဲသို့ ဝင်လို့မရဘူးလား။</p> <p style="text-align:justify">ဤသို့သာဆိုလျှင် သူတို့ရဲ့ဟိုင်နှင့် တွေ့နိုင်တော့မည် မဟုတ်ချေ။ ခက်ခက်ခဲခဲပင် လာခဲ့ရသောခရီးက အလကားဖြစ်သွားချေပြီ။</p> <p style="text-align:justify">သူတို့နှစ်ယောက် ထိုကဲ့သို့ စိတ်ပျက်လက်ပျက် ဖြစ်နေသည့်အချိန်တွင်...</p> <p style="text-align:justify">" မင်းတို့နှစ်ယောက် ငါနဲ့လိုက်ခဲ့လို့ရတယ် "</p> <p style="text-align:justify">တိုးညှင်းသော အသံလေးတစ်ခုက ထွက်ပေါ်လာသည်။</p> <p style="text-align:justify">ရှောင်မင်နှင့် ရှန်ဟွာတို့နှစ်ယောက်လုံး ပြောသူအား လှည့်ကြည့်လိုက်လျှင် ဖြူဖျော့သောမျက်နှာနှင့် ရုပ်ရည်ချောမောသော အမျိုးသသမီးငယ်တစ်ယောက်ကို တွေ့လိုက်ရ၏။ </p> <p style="text-align:justify">သူမက အလွန်လှပသော်လည်း မျက်နှာက ဖြူဖပ်ဖြူရော်ဖြစ်နေသည်။</p> <p style="text-align:justify">" ညီမတန် ဒီလူလိမ်နှစ်ယောက်ကို ဘာလို့စေတနာထားနေဦးမှာလဲ "</p> <p style="text-align:justify">ကောင်မလေးဘေးနားတွင် ရပ်နေသော ချောမောသည့်လူငယ်လေးက မျက်မှောင်ကုပ်ကာ ပြောလိုက်၏။</p> <p style="text-align:justify">" ဒီနှစ်ယောက်ပြောတာက အမှန်အတိုင်းဖြစ်ရင် ဖြစ်နေမှာပဲလေ၊ ပြီးတော့ သူတို့နှစ်ယောက်ကို အထဲခေါ်သွားရတာက ဘာအခက်အခဲမှ ရှိတာလဲမဟုတ်ဘူးမှလား "</p> <p style="text-align:justify">အမျိုးသမီးငယ် ထိုသို့ပြောပြီးသည်နှင့် ပြင်းထန်စွာ ချောင်းဆိုးလိုက်ပြီး သွေးများက ထွက်လာသဖြင့် လက်ကိုင်ပုဝါဖြင့် ပါးစပ်ကို အလျင်အမြန် အုပ်လိုက်ရသည်။</p> <p style="text-align:justify">" ဝမ်ဝမ် .. သမီး အဆင်ပြေရဲ့လား "</p> <p style="text-align:justify">အဝေးတွင် လူအချို့နှင့် စကားပြောနေသော သက်လတ်ပိုင်းအရွယ် တန်ဂိုဟိုင် အလျင်အမြန်ပင် အပြေးအလွှား ရောက်ရှိလာလေ၏။</p> <p style="text-align:justify">" အဆင်ပြေပါတယ် .. အဖေ စိတ်မပူပါနဲ့ "</p> <p style="text-align:justify">တန်ဝမ်ဝမ် သူမ၏ လက်ကိုင်ပုဝါကို ဖယ်လိုက်ပြီး မချိပြုံး ပြုံးပြလိုက်လေသည်။</p> <p style="text-align:justify">" ဝမ်ဝမ်ရဲ့ အခြေအနေက မကောင်းသေးဘူးလား "</p> <p style="text-align:justify">တန်ဂိုဟိုင်နှင့် စကားပြောနေသော သက်လတ်ပိုင်းအရွယ်လူအချို့ကလဲ ချက်ချင်း အနားကပ်လာပြီး မျက်မှောင်ကုပ်ကာ မေးလိုက်ကြ၏။</p> <p style="text-align:justify">" ဟုတ်တယ် .. မကောင်းသေးဘူး "</p> <p style="text-align:justify">တန်ဂိုဟိုင် သက်ပြင်းချကာ ပြောလိုက်သည်။</p> <p style="text-align:justify">" အဓိကနယ်မြေကြီးတွေက မှော်ဆေးပညာရှင်တွေ ဒီကိုရောက်နေပြီ .. အရှေ့နတ်နန်းတော်ရဲ့ မဟာအကြီးအကဲချင်ကလဲ ဒီရောက်နေတယ်လို့ကြားတယ်၊ အစ်ကိုတန် မင်းသူ့ကိုသွားတွေ့နိုင်ရင် ဝမ်ဝမ့်ရောဂါကို ကုသနိုင်သွားမှာပဲ "</p> <p style="text-align:justify">သက်လတ်ပိုင်းအရွယ် အမျိုးသားတစ်ဦးက ဝင်ရောက်ကာ ပြောဆိုလိုက်၏။</p> <p style="text-align:justify">" မဖြစ်နိုင်ဘူး .. မဟာအကြီးအကဲချင်ရဲ့ အဆင့်အတန်းက ဘာလဲဆိုတာကို မင်းလဲသိနေတာပဲ ၊ ငါ့လိုမျိုးနွယ်စုခေါင်းဆောင် တစ်ယောက်က သူ့ကိုဘယ်လိုလုပ်တွေ့နိုင်မှာလဲ "</p> <p style="text-align:justify">တန်ဂိုဟိုင် စိတ်ပျက်အားလျော့စွာဖြင့် ခေါင်းကိုထပ်မံ ခါယမ်းလိုက်သည်။</p> <p style="text-align:justify">တန်ဂိုဟိုင်၏ ထိုစကားက လုံးဝကို ကျိုးကြောင်းစီလျော်မှုရှိလေ၏။ လက်ရှိအချိန်တွင် သူက ရွှေအင်မော်တယ်အဆင့်သာ ရှိနေသေးသည်။ သို့သော် မဟာအကြီးအကဲချင်လို လူက သူ့ကိုအဘယ့်ကြောင့် ဂရုစိုက်မည်နည်း။</p> <p style="text-align:justify">" စိတ်မပူနဲ့ ဦးလေး .. ကျွန်တော့်ရဲ့ အစ်ကိုက ဦးလေးကို ယွမ်ဟန်ဂိုဏ်းရဲ့ မှော်ဆေးပညာရှင်တစ်ယောက်နဲ့ မိတ်ဆက်ပေးနိုင်စွမ်းရှိတယ် "</p> <p style="text-align:justify">ထိုအချိန်တွင် ချောမောသောလူငယ်လေးက ဝင်ရောက်ပြောဆိုလိုက်၏။</p> <p style="text-align:justify">" သူက အင်မော်တယ်သခင်အဆင့် မှော်ဆေးပညာရှင်လား "</p> <p style="text-align:justify">တန်ဂိုဟိုင် အလျင်အမြန်ပင် ဝမ်းသာအားရ မေးလိုက်လေသည်။</p> <p style="text-align:justify">" ကျွန်တော့်ရဲ့ အစ်ကိုအကြီးဆုံးက အင်မော်တယ်သခင်အဆင့် မှော်ဆေးပညာရှင်နဲ့တော့ တွေ့ဖို့အတွက် အရည်အချင်းမရှိဘူး၊ ဒါပေမဲ့ ရွှေအဆင့်မှော်ဆေးပညာရှင်ကိုတော့ အကူအညီတောင်းပေးနိုင်တယ် "</p> <p style="text-align:justify">ချိုင်ယဲ့လုံ ခေါင်းခါယမ်းကာ ပြောလိုက်၏။</p> <p style="text-align:justify">" ကျေးဇူးတင်ပါတယ် .. သခင်လေး "</p> <p style="text-align:justify">တန်ဂိုဟိုင်သည် ရွှေအဆင့်မှော်ဆေးပညာရှင်ဟု ကြားလိုက်သောအခါ စိတ်ပျက်သွားမိသော်လည်း ချိုင်ယဲ့လုံကို ကျေးဇူးတင်ကြောင်း ပြောလိုက်ဆဲဖြစ်သည်။</p> <p style="text-align:justify">" ဝမ်ဝမ်သာ နေကောင်းလာမယ်ဆိုရင် .. အဲ့တာက ကျုပ်တို့အတွက် ဘာမှမဟုတ်ဘူး "</p> <p style="text-align:justify">ချိုင်ယဲ့လုံ တန်ဂိုဝမ်ကို ချစ်ခင်မြတ်နိုးသော အမူအရာဖြင့်ကြည့်ကာ ပြောလိုက်၏။</p> <p style="text-align:justify">" တစ်ခြားလူတွေအတွက် မဖြစ်နိုင်ပေမဲ့ .. ရဲ့ဟိုင်က ငါ့ရဲ့ အစ်ကိုပဲ .. ငါမင်းတို့ကို ယွမ်ဟန်ဂိုဏ်းရဲ့ အင်မော်တယ်သခင်အဆင့် မှော်ဆေးပညာရှင်တစ်ယောက်နဲ့ ကုသပေးဖို့အတွက် တောင်းဆိုပေးမယ် "</p> <p style="text-align:justify">တစ်ဖက်တွင် ရှောင်မင်က ထိုမြင်ကွင်းကိုကြည့်ပြီး ဝင်ရောက်ကာ ပြောဆိုလိုက်သည်။</p> <p style="text-align:justify">ရှောင်မင် ထိုသို့ပြောပြီးသည်နှင့်တစ်ပြိုင်နက် အကုန်လုံးက သူ့ကိုလှည့်ကာ ကြည့်လာကြလေ၏။</p> <p style="text-align:justify">" ထွက်သွားစမ်း "</p> <p style="text-align:justify">ချိုင်ယဲ့လုံ ဒေါသတကြီးဖြင့် အော်လိုက်သည်။ သူက ဤနေရာတွင် တန်ဝမ်ဝမ်ကို မိမိ၏ လေးနက်သော ချစ်ခြင်းမေတ္တာတရားများ ထုတ်ဖော်ပြသနေခြင်းဖြစ်၏။ ဒါကို ရှောင်မင်၏ ဤကဲ့သို့ ဝင်ရောက်ပြောဆိုလိုက်မှုက လက်ရှိအခြေအနေအား ပျက်စီးသွားစေလေသည်။</p> <p style="text-align:justify">" ကောင်လေး .. နောက်ကို မင်းအဲ့စကားကို ထပ်မပြောနဲ့တော့ .. "</p> <p style="text-align:justify">တန်ဂိုဟိုင် လေးနက်သော အမူအရာဖြင့်...</p> <p style="text-align:justify">" မင်းသာဆက်ပြီး ဒီလို ပြောနေမယ်ဆိုရင် .. မင်းအတွက် ဘေးဥပါဒ်ကပ်ဘေးကြီး ဖြစ်လာလိမ့်မယ် "</p> <p style="text-align:justify">ရှောင်မင် သူ့ကိုယ်သူ ခုခံကာကွယ်ရန် ပါးစပ်ဟလိုက်သော်လည်း ဘေးနားတွင်ရှိသော ရှန်ဟွာက အလျင်အမြန်ပင် အနောက်သို့ ဆွဲထားလိုက်၏။</p> <p style="text-align:justify">" နင်ထပ်မပြောနဲ့တော့ .. ထပ်ပြောရင် သူတို့ အထဲ ခေါ်သွားမှာ မဟုတ်တော့ဘူး "</p> <p style="text-align:justify">ထိုစကားကြားသောအခါ ရှောင်မင်လည်း ပါးစပ်ကိုပိတ်လိုက်သည်။</p> <p style="text-align:justify">" ကောင်းပြီ .. အထဲဝင်ကြရအောင် "</p> <p style="text-align:justify">တန်ဝမ်ဝမ် ပတ်ပတ်လည်မှ အဆင်မပြေသော လေထုကို သတိထားမိသောအခါ မချိပြုံးပြုံးလိုက်ပြီး အထဲကိုဝင်ရန်အတွက် သတိပေးလိုက်လေ၏။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save