Book List

<h2 style="text-align: center;">အပိုင်း - ( ၁၃၇၅ )</h2> <h2 style="text-align: center;">*</h2> <p> </p> <p style="text-align:justify"><br /> ဂိုဏ်းချုပ်ထွက်သွားမှ ရှောင်မင် စိတ်သက်သာရာရသွားပြီး တန်ဝမ်ဝမ်နှင့် အတူ ကျန်လူငယ်မျိုးဆက်သစ်များ နေထိုင်သည့်နေရာကို လိုက်သွားလေ၏။</p> <p style="text-align:justify">ထိုထိုင်ခုံတွင်ရှိနေသော လူငယ်မျိုးဆက်သစ်များ အကုန်လုံးက အဆင့်တူသော အင်အားစုများ၏ ကျောထောက်နောက်ခံကြောင့် အလျင်အမြန်ပင် ရင်းနှီးလာကြသည်။</p> <p style="text-align:justify">" မိန်းကလေးတန် ဒီနှစ်ယောက်က ဘယ်သူလဲဆိုတာကို သိလို့ရမလား "</p> <p style="text-align:justify">ထိုအချိန်တွင် လူငယ်တစ်ယောက်က တန်ဝမ်ဝမ်၏ ဘေးနားတွင်ထိုင်နေသော ရှောင်မင်နှင့် ရှန်ဟွာတို့နှစ်ယောက်ကိုကြည့်ကာ မေးလိုက်၏။</p> <p style="text-align:justify">ထိုလူငယ်သည် အစကမေးရန် စိတ်ကူးမရှိသော်လည်း ထိုနှစ်ယောက်မှာ အလွန်အမင်းကို အားနည်းလွန်းလှသဖြင့် ဤကဲ့သို့ထုတ်ကာ မေးလိုက်ခြင်းပင်။</p> <p style="text-align:justify">" ဒီနှစ်ယောက်က ငါ့ရဲ့သူငယ်ချင်းတွေပါ "</p> <p style="text-align:justify">တန်ဝမ်ဝမ် တစ်ခဏတုံ့ဆိုင်းပြီးနောက် ပြောလိုက်သည်။</p> <p style="text-align:justify">ယခုအချိန်တွင် သူတို့နှစ်ယောက်ကို မတော်တဆတွေ့ခဲ့သည်ဟု ပြောပါက ပြဿနာများ အရစ်ရှည်သွားပေမည်။</p> <p style="text-align:justify">" ဝမ်ဝမ် မင်းက သူစိမ်းအပေါ်ကို အရမ်းသနားညှင်သာနေတာပဲ၊ ဒါပေမဲ့ ဒီနှစ်ယောက်က လုံးဝလူလိမ်တွေနော် "</p> <p style="text-align:justify">ထိုအချိန်တွင် ချိုင်ယဲ့လုံ မျက်မှောင်ကုပ်ကာ ဝင်ပြောလေ၏။</p> <p style="text-align:justify">" စီနီယာအစ်ကိုချိုင် ... "</p> <p style="text-align:justify">ထိုစကားကြောင့် တန်ဝမ်ဝမ် မျက်မှောင်ကုပ်ကာ အမူယာလဲ အေးစက်သွားသည်။</p> <p style="text-align:justify">တန်ဝမ်ဝမ်၏ အမူအရာကိုတွေ့လျှင် ချိုင်ယဲ့လုံ ပြုံးလိုက်ပြီး ခေါင်းညိတ်လိုက်၏။ သို့သော် အနီးအနားတွင်ရှိနေသော လူများကတော့ ချိုင်ယဲ့လုံကို ဤကဲ့သို့ လုပ်ခွင့်ပြုမည် မဟုတ်ချေ။</p> <p style="text-align:justify">" ချိုင်ယဲ့လုံ ဘာဖြစ်လို့လဲ "</p> <p style="text-align:justify">" ဟုတ်တယ် ဒီကိစ္စမှာ လျှို့ဝှက်ချက်တစ်ခုရှိနေလား "</p> <p style="text-align:justify">" ငါတို့လဲသိအောင် ပြောထားသင့်တယ်လေ "</p> <p style="text-align:justify">" တော်ကြာ ပြဿနာတစ်စုံတစ်ခု ရှိတယ်ဆိုရင် ငါတို့မသိတော့ ပြဿနာထဲပါသွားရင် ဒုက္ခမရောက်ဘူးလား "</p> <p style="text-align:justify">ထိုစကားများကြားလျှင် ချိုင်ယဲ့လုံက တန်ဝမ်ဝမ်ကို ကူကယ်ရာမဲ့သော အမူအရာဖြင့် ကြည့်လိုက်လေသည်။</p> <p style="text-align:justify">" ဝမ်ဝမ် .. ကြည့် .. ဒါငါ့အမှားမဟုတ်ဘူးနော် "</p> <p style="text-align:justify">ထို့နောက် ချိုင်ယဲ့လုံသည် ရှောင်မင်ကို လက်ညှိုးထိုးပြလိုက်ပြီး...</p> <p style="text-align:justify">" ဒီကောင်က သူ့ကိုယ်သူ ရဲ့ဟိုင်နဲ့ ညီအစ်ကိုလို့ ပြောနေတာလေ "</p> <p style="text-align:justify">" ချီး သေစမ်း "</p> <p style="text-align:justify">" သူကအဲ့လို တကယ်ပြောရဲတာလား "</p> <p style="text-align:justify">" အရှေ့ပိုင်းကုန်းမြေတိုက်ကြီးရဲ့ ထိပ်သီးပါရမီရှင်ဝူမင်တောင်မှ ရဲ့ဟိုင်ကို ညီအစ်ကိုလို့မခေါ်ရဲဘူး၊ ရဲ့ဟိုင်ဆိုတာ ဘယ်လိုဖြစ်တည်မှုလဲ သူက ကျောက်စိမ်းအင်မော်တယ် အဆင့် ( 33 ) လေးနဲ့ မျိုးဆက်သစ် .. မျိုးဆက်ဟောင်း နှစ်ခုစလုံးမှာ ပြိုင်ဘက်မရှိတဲ့ ပုဂ္ဂိုလ်တစ်ယောက်လေ " </p> <p style="text-align:justify">" မင်းကြွားချင်တယ်ဆိုရင်လဲ အကန့်အသတ်တော့ ရှိသင့်တယ်မဟုတ်လား "</p> <p style="text-align:justify">" အေးလေ .. ကိုယ့်အဆင့်လဲ ကိုယ်ပြန်ကြည့်ဦး "</p> <p style="text-align:justify">ပတ်ပတ်လည်မှလူများအကုန်လုံး ချက်ချင်းပင် ရှောင်မင်ကိုကြည့်ကာ လှောင်ရယ်ကြတော့၏။</p> <p style="text-align:justify">သူတို့ ဤကဲ့သို့ လှောင်ရယ်ရသည့် အကြောင်းအရင်းမှာ ရှောင်မင်က ရဲ့ဟိုင်နှင့် ညီအစ်ကိုဆိုတာကို လုံးဝအရှင်း မယုံကြည်သောကြောင့်ဖြစ်သည်။</p> <p style="text-align:justify">သို့သော် သူတို့အကုန်လုံး မသိသည်မှာ ရှောင်မင်ကို ထိုသို့လှောင်ရယ်နေသည့်အချိန်တွင် အနီရောင်ဝတ်အမျိုးသမီးတစ်ယောက်က သူတို့ရှိရာသို့ လှမ်းလာခြင်းဖြစ်၏။</p> <p style="text-align:justify">" နင်ခုနက ဘာပြောလိုက်တာ "</p> <p style="text-align:justify">အနီရောင်ဝတ်အမျိုးသမီးက ကတုံးပြောင်နှင့် ရှောင်မင်ကိုကြည့်ကာ မေးလိုက်သည်။</p> <p style="text-align:justify">" ငါ... "</p> <p style="text-align:justify">ရှောင်မင် အနီရောင်ဝတ်အမျိုးသမီးကိုကြည့်ပြီး သူမက မည်သူလဲဆိုတာကို မသေချာသဖြင့် ပြောရန်ပြင်နေသော စကားများကို ရပ်တန့်လိုက်၏။ </p> <p style="text-align:justify">ထို့နောက် ထိုမိန်းကလေးကို အလေးအနက်ကြည့်လိုက်ပြီး...</p> <p style="text-align:justify">" မင်းကကော ဘယ်သူလဲ "</p> <p style="text-align:justify">" ငါက လင်းဟောင်ပဲ "</p> <p style="text-align:justify">အနီရောင်ဝတ်အမျိုးသမီး သူမကိုယ်သူမ မိတ်ဆက်လိုက်သည်။</p> <p style="text-align:justify">" မင်း ရဲ့ဟိုင်ကို သိလား "</p> <p style="text-align:justify">ရှောင်မင် ထိုအနီရောင်ဝတ်အမျိုးသမီးမှာ သူ့ကိုအခြားလူများ ရဲ့ဟိုင်ကိစ္စနှင့် လှောင်ပြောင်နေသည့်အချိန်တွင် လာမေးသဖြင့် ရဲ့ဟိုင်နှင့်သက်ဆိုင်နေမည်ဟု ထင်မှတ်သောကြောင့် ဤကဲ့သို့မေးလိုက်ခြင်းဖြစ်၏။</p> <p style="text-align:justify">" အင်းသိတယ် "</p> <p style="text-align:justify">အနီရောင်ဝတ်အမျိုးသမီး ခေါင်းညိတ်လိုက်လျှင် ရှောင်မင်၏ မျက်လုံးက တလက်လက် တောက်ပလာလေသည်။</p> <p style="text-align:justify">" မင်း ငါ့ကို ရဲ့ဟိုင်နဲ့ မိတ်ဆက်ပေးလို့ရလား "</p> <p style="text-align:justify">" ဂိုဏ်းချုပ်ကို တွေ့ဖို့က လူတိုင်းမှာ အရည်အချင်းရှိတယ်လို့ထင်တာလား "</p> <p style="text-align:justify">လင်းဟောင် အေးစက်စက်ဖြင့် ပြန်ပြောလိုက်၏။</p> <p style="text-align:justify">" မဟုတ်ဘူး ရှောင်မင်က သူ့ကိုတွေ့ဖို့အတွက် ရောက်နေတယ်လို့ ရဲ့ဟိုင်ကိုပြောလိုက်ပါ အဲ့တာဆို သူသိပြီ "</p> <p style="text-align:justify">ရှောင်မင်၏ ထိုစကားက လင်းဟောင်ကို မျက်လုံးကျဥ်းမြောင်းသွားစေသည်။</p> <p style="text-align:justify">" နင် ချင်ချင်ကိုသိလား "</p> <p style="text-align:justify">လင်းဟောင် တစ်ခဏတုံ့ဆိုင်းသွားပြီးနောက် ရှောင်မင်အားကြည့်ကာ အလေးအနက်မေးလိုက်၏။</p> <p style="text-align:justify">" ချင်ချင် ဟုတ်လား .. သူက ရဲ့ဟိုင် အစေခံလေ၊ ချင်ချင်က ရဲ့ဟိုင်ကို ရှာတွေ့သွားပြီလား "</p> <p style="text-align:justify">ရှောင်မင် တအံ့တဩ အမူအရာဖြင့် ပြောလိုက်သည်။</p> <p style="text-align:justify">ရှောင်မင်၏ ထိုအမူအရာကိုကြည့်ပြီး လင်းဟောင်၏ အမူအရာကလဲ ပြောင်းလဲသွား၏။</p> <p style="text-align:justify">" နင် ဘယ်ဂိုဏ်းကလဲ "</p> <p style="text-align:justify">" ငါက ဇူဖန်းဂိုဏ်းကပါ "</p> <p style="text-align:justify">ရှောင်မင် အလျင်အမြန် ပြန်ဖြေလိုက်သည်။</p> <p style="text-align:justify">" ဇူဖန်းဂိုဏ်းချုပ်က ဘယ်သူလဲ .. ထွက်လာခဲ့ "</p> <p style="text-align:justify">လင်းဟောင် ချက်ချင်းပင် ပတ်ပတ်လည်ကို လှည့်ကြည့်ပြီး ဇူဖန်းဂိုဏ်းချုပ်က ဘယ်သူလဲဆိုတာကို မေးလိုက်၏။</p> <p style="text-align:justify">လင်းဟောင်၏ ထိုကဲ့သို့ ကျယ်လောင်စွာ မေးလိုက်သောအသံက အနီးအနားတွင်ရှိနေသော လူများအားလုံး၏ အာရုံစိုက်မှုကို ဆွဲဆောင်သွားလေသည်။</p> <p style="text-align:justify">" ငါပြောတာ မကြားဘူးလား "</p> <p style="text-align:justify">တုံ့ပြန်မှုလုံးဝမရှိလာလျှင် လင်းဟောင် အေးစက်စက်ဖြင့် ထပ်မေးလိုက်၏။</p> <p style="text-align:justify">" ဟမ့် .. အစ်မ လင်းဟောင် ဆိုတာက ငါတို့ယွမ်ဟန်ဂိုဏ်းရဲ့ အဆင့်မြင့်အကြီးကဲ တစ်ယောက်နော် .. သူ့စကားကို နင်တို့က လျစ်လျူရှုရဲတယ်ပေါ့ "</p> <p style="text-align:justify">ထိုအချိန်တွင် လင်းဟောင်၏ ဘေးနားတွင်ရပ်နေသော အမျိုးသမီးငယ်လေးက ဒေါသတကြီးဖြင့် ပတ်ပတ်လည်ကို လှည့်ပတ်ကြည့်ကာ အော်ဟစ်လိုက်သည်။</p> <p style="text-align:justify">ထိုစကားကြားသောအခါ ဝမ်ဘင် ငြိမ်နေနိုင်ခြင်းမရှိတော့ဘဲ အလျင်အမြန်ပင် အရှေ့သို့ထွက်လာလေ၏။ </p> <p style="text-align:justify">သူ၏တစ်ကိုယ်လုံးတွင်လည်း ချွေးစေးများက ထွက်နေပြီး ထိတ်လန့်ကြောက်ရွံ့နေသည်။ သတိပေးထားတာတောင် ရှောင်မင်က ယွမ်ဟန်ဂိုဏ်းတွင် သူထင်ထားသလို တကယ်ပြဿနာရှာလာမည်ဟု မမျှော်လင့်ထားချေ။</p> <p style="text-align:justify">" အကြီးအကဲလင်း ငါကဇူဖန်းဂိုဏ်းရဲ့ ဂိုဏ်းချုပ်ဝမ်ဘင်ပါ "</p> <p style="text-align:justify">ဝမ်ဘင်တလေးတစားပင် လင်းဟောင်ကို ဦးညွှတ်ကာ ပြောလိုက်၏။</p> <p style="text-align:justify">သူ၏ခန္ဓာကိုယ်ကလည်း ( 90 ) ဒီဂရီနီးပါးလောက်အထိ ကွေးညွှတ်နေခဲ့ခြင်းပင်။</p> <p style="text-align:justify">ရှောင်မင်မှာ သူ၏ ဂိုဏ်းချုပ် တစ်ကိုယ်လုံးချွေးများရွှဲနစ်၍ တုန်နေသည်ကို ကြည့်ပြီး ထိုရဲ့ဟိုင်က သူသိသည့် ရဲ့ဟိုင် မဟုတ်လျှင်ဆိုသော အတွေးကြောင့် စတင်၍ ထိတ်လန့်မှုများ ဖြစ်ပေါ်လာ၏။</p> <p style="text-align:justify">" ဒီမှာ .. ခဏစောင့်နေ "</p> <p style="text-align:justify">လင်းဟောင်ဆိုသောအမျိုးသမီးမှာ ဝမ်ဘင်ကိုထိုသို့ပြောပြီး ချာခနဲလှည့်ထွက်သွားတော့သည်။</p> <p style="text-align:justify">တစ်ဖက်တွင် ဝမ်ဘင်မှာ ထွက်ခွာသွားသော လင်းဟောင်ကို ကြည့်ပြီး ရှောင်မင်ကို ဒေါသတကြီးဖြင့် စိုက်ကြည့်လိုက်၏။</p> <p style="text-align:justify">" သောက်ရူးကောင် မင်းငါ့ကိုသတ်ဖို့လုပ်နေတာလား "</p> <p style="text-align:justify">" ဂိုဏ်းချုပ် စိတ်မပူပါနဲ့ "</p> <p style="text-align:justify">ရှောင်မင် တီးတိုးပြန်ပြောလိုက်သော်လည်း သူ၏စိတ်ထဲတွင် သိပ်ပြီးတော့ ယုံကြည်ချက်မရှိတော့ပေ။ ဤနေရာတွင်ရှိနေသည့် ရဲ့ဟိုင်က သူသိသည့်ရဲ့ဟိုင် မဟုတ်လို့ကတော့ အကုန်လုံး မသာပေါ်ပြီဖြစ်သည်။</p> <p style="text-align:justify">" ပါးစပ်ပိတ်ထားစမ်း "</p> <p style="text-align:justify">ဝမ်ဘင် ရှောင်မင်အား ဤနေရာတွင်ပင် သေအောင်ရိုက်သတ်ချင်စိတ်များ တစ်ဖွားဖွား စိတ်ထဲဖြစ်ပေါ်လာလေ၏။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save